| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๕๘. อลชฺชีนิสฺสยวตฺถุกถา
58. Alajjīnissayavatthukathā
๑๒๐. ‘‘อลชฺชีนํ โอวาท’’นฺติ ปาฐเสเสน โยชิเต สามฺยเตฺถ สามิวจนมฺปิ ยุชฺชเตวฯ ตํ นยํ อทเสฺสตฺวา ‘‘อุปโยคเตฺถ สามิวจน’’นฺติ วุตฺตํฯ ‘‘ภิกฺขูหิ สภาคต’’นฺติ อิมินา ภิกฺขูหิ สมาโน สีลาทิคุณสงฺขาโต ภาโค อิมสฺสาติ ภิกฺขุสภาโค, ตสฺส ภาโว ภิกฺขุสภาคตนฺติ วจนตฺถํ ทเสฺสติฯ ‘‘ลชฺชิภาว’’นฺติ อิมินา ภาวปจฺจยสฺส สรูปํ ทเสฺสติฯ นวฎฺฐานนฺติ อภินวฎฺฐานํฯ คเตน ภิกฺขุนาติ สมฺพโนฺธฯ
120. ‘‘Alajjīnaṃ ovāda’’nti pāṭhasesena yojite sāmyatthe sāmivacanampi yujjateva. Taṃ nayaṃ adassetvā ‘‘upayogatthe sāmivacana’’nti vuttaṃ. ‘‘Bhikkhūhi sabhāgata’’nti iminā bhikkhūhi samāno sīlādiguṇasaṅkhāto bhāgo imassāti bhikkhusabhāgo, tassa bhāvo bhikkhusabhāgatanti vacanatthaṃ dasseti. ‘‘Lajjibhāva’’nti iminā bhāvapaccayassa sarūpaṃ dasseti. Navaṭṭhānanti abhinavaṭṭhānaṃ. Gatena bhikkhunāti sambandho.
เถโรติ นิสฺสยทายโก เถโรฯ คเหตุกาโมติ นิสฺสยํ คเหตุกาโมฯ อาจารนฺติ นิสฺสยปฎิปนฺนสฺส อาจารํฯ ตทเหวาติ ตสฺมิํ คตอหนิ เอวฯ อาโภคสฺส กตตฺตา, อรุณุคฺคมนสฺส จ อชานนตฺตา วุตฺตํ ‘‘อนาปตฺตี’’ติฯ อรุณุคฺคมนํ อชานโนฺตปิ อาโภคสฺส อกตตฺตา วุตฺตํ ‘‘อรุณุคฺคมเน ทุกฺกฎ’’นฺติฯ ‘‘เทฺว ตีณิ ทิวสานี’’ติ ปเทน จตุ ปญฺจ ฉ ทิวสานิปิ คเหตพฺพานิ ลกฺขณหารนเยน อนิสฺสิเตน วสิตพฺพภาเวน สมานผลตฺตาฯ เตนาห ‘‘สตฺตาหํ วสิสฺสามี’’ติฯ ลทฺธปริหาโรติ ลโทฺธ ปริหาโร อาปตฺติอปนยนํ เยนาติ ลทฺธปริหาโรฯ
Theroti nissayadāyako thero. Gahetukāmoti nissayaṃ gahetukāmo. Ācāranti nissayapaṭipannassa ācāraṃ. Tadahevāti tasmiṃ gataahani eva. Ābhogassa katattā, aruṇuggamanassa ca ajānanattā vuttaṃ ‘‘anāpattī’’ti. Aruṇuggamanaṃ ajānantopi ābhogassa akatattā vuttaṃ ‘‘aruṇuggamane dukkaṭa’’nti. ‘‘Dve tīṇi divasānī’’ti padena catu pañca cha divasānipi gahetabbāni lakkhaṇahāranayena anissitena vasitabbabhāvena samānaphalattā. Tenāha ‘‘sattāhaṃ vasissāmī’’ti. Laddhaparihāroti laddho parihāro āpattiapanayanaṃ yenāti laddhaparihāro.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๕๘. อลชฺชีนิสฺสยวตฺถูนิ • 58. Alajjīnissayavatthūni
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อลชฺชีนิสฺสยวตฺถุกถา • Alajjīnissayavatthukathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อลชฺชีนิสฺสยวตฺถุกถาวณฺณนา • Alajjīnissayavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อลชฺชีนิสฺสยวตฺถุกถาวณฺณนา • Alajjīnissayavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อลชฺชินิสฺสยวตฺถุกถาวณฺณนา • Alajjinissayavatthukathāvaṇṇanā
