| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
அலஜ்ஜீனிஸ்ஸயவத்து²கதா²வண்ணனா
Alajjīnissayavatthukathāvaṇṇanā
120. நிஸ்ஸயபடிஸங்யுத்தவத்தூ²ஸு பி⁴க்கூ²ஹி ஸமானோ ஸீலாதி³கு³ணபா⁴கோ³ அஸ்ஸாதி பி⁴க்கு²ஸபா⁴கோ³, தஸ்ஸ பா⁴வோ பி⁴க்கு²ஸபா⁴க³தா. த்³வே தீணி தி³வஸானி வஸித்வா க³ந்துகாமேன அனிஸ்ஸிதேன வஸிதப்³ப³ந்தி எத்த² ‘‘யாவ பி⁴க்கு²ஸபா⁴க³தங் ஜானாமீ’’தி ஆபோ⁴க³ங் வினாபி அனிஸ்ஸிதேன வஸிதுங் வட்டதீதி அதி⁴ப்பாயோ. பி⁴க்கு²ஸபா⁴க³தங் பன ஜானந்தோ ‘‘ஸ்வே க³மிஸ்ஸாமி, கிங் மே நிஸ்ஸயேனா’’தி அருணங் உட்ட²பேதுங் ந லப⁴தி. ‘‘புராருணா உட்ட²ஹித்வாவ க³மிஸ்ஸாமீ’’தி ஆபோ⁴கே³ன ஸயந்தஸ்ஸ ஸசே அருணோ உக்³க³ச்ச²தி, வட்டதி. ‘‘ஸத்தாஹங் வஸிஸ்ஸாமீ’’தி ஆலயங் கரொந்தேன பன நிஸ்ஸயோ க³ஹேதப்³போ³தி ‘‘ஸத்தாஹமத்தங் வஸிஸ்ஸாமி, கிங் பி⁴க்கு²ஸபா⁴க³தாஜானநேனா’’தி ஜானநே து⁴ரங் நிக்கி²பித்வா வஸிதுங் ந லப⁴தி, பி⁴க்கு²ஸபா⁴க³தங் உபபரிக்கி²த்வா நிஸ்ஸயோ க³ஹேதப்³போ³தி அத்தோ².
120. Nissayapaṭisaṃyuttavatthūsu bhikkhūhi samāno sīlādiguṇabhāgo assāti bhikkhusabhāgo, tassa bhāvo bhikkhusabhāgatā. Dve tīṇi divasāni vasitvā gantukāmena anissitenavasitabbanti ettha ‘‘yāva bhikkhusabhāgataṃ jānāmī’’ti ābhogaṃ vināpi anissitena vasituṃ vaṭṭatīti adhippāyo. Bhikkhusabhāgataṃ pana jānanto ‘‘sve gamissāmi, kiṃ me nissayenā’’ti aruṇaṃ uṭṭhapetuṃ na labhati. ‘‘Purāruṇā uṭṭhahitvāva gamissāmī’’ti ābhogena sayantassa sace aruṇo uggacchati, vaṭṭati. ‘‘Sattāhaṃ vasissāmī’’ti ālayaṃ karontena pana nissayo gahetabboti ‘‘sattāhamattaṃ vasissāmi, kiṃ bhikkhusabhāgatājānanenā’’ti jānane dhuraṃ nikkhipitvā vasituṃ na labhati, bhikkhusabhāgataṃ upaparikkhitvā nissayo gahetabboti attho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 58. அலஜ்ஜீனிஸ்ஸயவத்தூ²னி • 58. Alajjīnissayavatthūni
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அலஜ்ஜீனிஸ்ஸயவத்து²கதா² • Alajjīnissayavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அலஜ்ஜீனிஸ்ஸயவத்து²கதா²வண்ணனா • Alajjīnissayavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அலஜ்ஜினிஸ்ஸயவத்து²கதா²வண்ணனா • Alajjinissayavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 58. அலஜ்ஜீனிஸ்ஸயவத்து²கதா² • 58. Alajjīnissayavatthukathā
