| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
அலஜ்ஜீனிஸ்ஸயவத்து²கதா²வண்ணனா
Alajjīnissayavatthukathāvaṇṇanā
120. ‘‘ந , பி⁴க்க²வே, அலஜ்ஜீனங் நிஸ்ஸயோ தா³தப்³போ³’’தி இமினா அலஜ்ஜீஹி பி⁴க்கூ²ஹி, ஸாமணேரேஹி வா ஸத்³தி⁴ங் த்³வேபி த⁴ம்மாமிஸபரிபோ⁴கா³ படிக்கி²த்தா ஹொந்தி நிஸ்ஸயபா⁴வே பா⁴வதோ தேஸங். யதா²ஹ ‘‘ஆசரியேன, பி⁴க்க²வே, அந்தேவாஸிகோ ஸங்க³ஹேதப்³போ³ அனுக்³க³ஹேதப்³போ³ உத்³தே³ஸேன பரிபுச்சா²ய ஓவாதே³ன அனுஸாஸனியா’’திஆதி³ (மஹாவ॰ 79) உபஜ்ஜா²யஸ்ஸபி நிஸ்ஸயப்பணாமனஸம்ப⁴வதோ, ஸோபி ஸத்³தி⁴விஹாரிகஸ்ஸ நிஸ்ஸயோதி வேதி³தப்³ப³ங், தஸ்மா உபஜ்ஜா²யோ சே அலஜ்ஜீ ஹோதி, ந தங் நிஸ்ஸாய வஸிதப்³ப³ந்தி ஸித்³த⁴ங் ஹோதி. பி⁴க்கூ²னங் ஸம்மாபடிபத்தியா ஸமானபா⁴கோ³ பி⁴க்கு² ஸபா⁴கோ³. தஸ்ஸபா⁴வோ பி⁴க்கு²ஸபா⁴க³தா. தங் பி⁴க்கு²ஸபா⁴க³தங். யாவ ஜானாமீதி அதி⁴ப்பாயேன வஸிதுங் வட்டதி. பி⁴க்கூ²ஹி ஸபா⁴க³தங். கிங் தங்? லஜ்ஜிபா⁴வங். ‘‘ஸத்தாஹங்…பே॰… க³ஹேதப்³போ³’’தி எத்த² ‘‘ஸத்தாஹமத்தங் வஸிஸ்ஸாமி, கிங் பி⁴க்கு²ஸபா⁴க³தாஜானநேனாதி ஜானநே து⁴ரங் நிக்கி²பித்வா வஸிதுங் ந லப⁴தீதி அத்தோ²’’தி லிகி²தங். ‘‘பி⁴க்கு²ஸபா⁴க³தங் பன ஜானந்தோ ஸ்வேவ க³மிஸ்ஸாமி, கிங் மே நிஸ்ஸயாரோசனேனா’’தி அருணங் உட்ட²பேதுங் ந லப⁴தி. ‘‘புரே அருணங் உட்ட²ஹித்வா க³மிஸ்ஸாமீ’’தி ஆபோ⁴கே³ன ஸயந்தஸ்ஸ சே அருணோ உக்³க³ச்ச²தி, வட்டதி.
120. ‘‘Na , bhikkhave, alajjīnaṃ nissayo dātabbo’’ti iminā alajjīhi bhikkhūhi, sāmaṇerehi vā saddhiṃ dvepi dhammāmisaparibhogā paṭikkhittā honti nissayabhāve bhāvato tesaṃ. Yathāha ‘‘ācariyena, bhikkhave, antevāsiko saṅgahetabbo anuggahetabbo uddesena paripucchāya ovādena anusāsaniyā’’tiādi (mahāva. 79) upajjhāyassapi nissayappaṇāmanasambhavato, sopi saddhivihārikassa nissayoti veditabbaṃ, tasmā upajjhāyo ce alajjī hoti, na taṃ nissāya vasitabbanti siddhaṃ hoti. Bhikkhūnaṃ sammāpaṭipattiyā samānabhāgo bhikkhu sabhāgo. Tassabhāvo bhikkhusabhāgatā. Taṃ bhikkhusabhāgataṃ. Yāva jānāmīti adhippāyena vasituṃ vaṭṭati. Bhikkhūhi sabhāgataṃ. Kiṃ taṃ? Lajjibhāvaṃ. ‘‘Sattāhaṃ…pe… gahetabbo’’ti ettha ‘‘sattāhamattaṃ vasissāmi, kiṃ bhikkhusabhāgatājānanenāti jānane dhuraṃ nikkhipitvā vasituṃ na labhatīti attho’’ti likhitaṃ. ‘‘Bhikkhusabhāgataṃ pana jānanto sveva gamissāmi, kiṃ me nissayārocanenā’’ti aruṇaṃ uṭṭhapetuṃ na labhati. ‘‘Pure aruṇaṃ uṭṭhahitvā gamissāmī’’ti ābhogena sayantassa ce aruṇo uggacchati, vaṭṭati.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 58. அலஜ்ஜீனிஸ்ஸயவத்தூ²னி • 58. Alajjīnissayavatthūni
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அலஜ்ஜீனிஸ்ஸயவத்து²கதா² • Alajjīnissayavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அலஜ்ஜீனிஸ்ஸயவத்து²கதா²வண்ணனா • Alajjīnissayavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அலஜ்ஜினிஸ்ஸயவத்து²கதா²வண்ணனா • Alajjinissayavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 58. அலஜ்ஜீனிஸ்ஸயவத்து²கதா² • 58. Alajjīnissayavatthukathā
