| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
အလဇ္ဇီနိသ္သယဝတ္ထုကထာဝဏ္ဏနာ
Alajjīnissayavatthukathāvaṇṇanā
၁၂၀. နိသ္သယပဋိသံယုတ္တဝတ္ထူသု ဘိက္ခူဟိ သမာနော သီလာဒိဂုဏဘာဂော အသ္သာတိ ဘိက္ခုသဘာဂော, တသ္သ ဘာဝော ဘိက္ခုသဘာဂတာ။ ဒ္ဝေ တီဏိ ဒိဝသာနိ ဝသိတ္ဝာ ဂန္တုကာမေန အနိသ္သိတေန ဝသိတဗ္ဗန္တိ ဧတ္ထ ‘‘ယာဝ ဘိက္ခုသဘာဂတံ ဇာနာမီ’’တိ အာဘောဂံ ဝိနာပိ အနိသ္သိတေန ဝသိတုံ ဝဋ္ဋတီတိ အဓိပ္ပာယော။ ဘိက္ခုသဘာဂတံ ပန ဇာနန္တော ‘‘သ္ဝေ ဂမိသ္သာမိ, ကိံ မေ နိသ္သယေနာ’’တိ အရုဏံ ဥဋ္ဌပေတုံ န လဘတိ။ ‘‘ပုရာရုဏာ ဥဋ္ဌဟိတ္ဝာဝ ဂမိသ္သာမီ’’တိ အာဘောဂေန သယန္တသ္သ သစေ အရုဏော ဥဂ္ဂစ္ဆတိ, ဝဋ္ဋတိ။ ‘‘သတ္တာဟံ ဝသိသ္သာမီ’’တိ အာလယံ ကရောန္တေန ပန နိသ္သယော ဂဟေတဗ္ဗောတိ ‘‘သတ္တာဟမတ္တံ ဝသိသ္သာမိ, ကိံ ဘိက္ခုသဘာဂတာဇာနနေနာ’’တိ ဇာနနေ ဓုရံ နိက္ခိပိတ္ဝာ ဝသိတုံ န လဘတိ, ဘိက္ခုသဘာဂတံ ဥပပရိက္ခိတ္ဝာ နိသ္သယော ဂဟေတဗ္ဗောတိ အတ္ထော။
120. Nissayapaṭisaṃyuttavatthūsu bhikkhūhi samāno sīlādiguṇabhāgo assāti bhikkhusabhāgo, tassa bhāvo bhikkhusabhāgatā. Dve tīṇi divasāni vasitvā gantukāmena anissitenavasitabbanti ettha ‘‘yāva bhikkhusabhāgataṃ jānāmī’’ti ābhogaṃ vināpi anissitena vasituṃ vaṭṭatīti adhippāyo. Bhikkhusabhāgataṃ pana jānanto ‘‘sve gamissāmi, kiṃ me nissayenā’’ti aruṇaṃ uṭṭhapetuṃ na labhati. ‘‘Purāruṇā uṭṭhahitvāva gamissāmī’’ti ābhogena sayantassa sace aruṇo uggacchati, vaṭṭati. ‘‘Sattāhaṃ vasissāmī’’ti ālayaṃ karontena pana nissayo gahetabboti ‘‘sattāhamattaṃ vasissāmi, kiṃ bhikkhusabhāgatājānanenā’’ti jānane dhuraṃ nikkhipitvā vasituṃ na labhati, bhikkhusabhāgataṃ upaparikkhitvā nissayo gahetabboti attho.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၅၈. အလဇ္ဇီနိသ္သယဝတ္ထူနိ • 58. Alajjīnissayavatthūni
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အလဇ္ဇီနိသ္သယဝတ္ထုကထာ • Alajjīnissayavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အလဇ္ဇီနိသ္သယဝတ္ထုကထာဝဏ္ဏနာ • Alajjīnissayavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အလဇ္ဇိနိသ္သယဝတ္ထုကထာဝဏ္ဏနာ • Alajjinissayavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၅၈. အလဇ္ဇီနိသ္သယဝတ္ထုကထာ • 58. Alajjīnissayavatthukathā
