| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཨལཛྫཱིནིསྶཡཝཏྠུཀཐཱཝཎྞནཱ
Alajjīnissayavatthukathāvaṇṇanā
༡༢༠. ནིསྶཡཔཊིསཾཡུཏྟཝཏྠཱུསུ བྷིཀྑཱུཧི སམཱནོ སཱིལཱདིགུཎབྷཱགོ ཨསྶཱཏི བྷིཀྑུསབྷཱགོ, ཏསྶ བྷཱཝོ བྷིཀྑུསབྷཱགཏཱ། དྭེ ཏཱིཎི དིཝསཱནི ཝསིཏྭཱ གནྟུཀཱམེན ཨནིསྶིཏེན ཝསིཏབྦནྟི ཨེཏྠ ‘‘ཡཱཝ བྷིཀྑུསབྷཱགཏཾ ཛཱནཱམཱི’’ཏི ཨཱབྷོགཾ ཝིནཱཔི ཨནིསྶིཏེན ཝསིཏུཾ ཝཊྚཏཱིཏི ཨདྷིཔྤཱཡོ། བྷིཀྑུསབྷཱགཏཾ པན ཛཱནནྟོ ‘‘སྭེ གམིསྶཱམི, ཀིཾ མེ ནིསྶཡེནཱ’’ཏི ཨརུཎཾ ཨུཊྛཔེཏུཾ ན ལབྷཏི། ‘‘པུརཱརུཎཱ ཨུཊྛཧིཏྭཱཝ གམིསྶཱམཱི’’ཏི ཨཱབྷོགེན སཡནྟསྶ སཙེ ཨརུཎོ ཨུགྒཙྪཏི, ཝཊྚཏི། ‘‘སཏྟཱཧཾ ཝསིསྶཱམཱི’’ཏི ཨཱལཡཾ ཀརོནྟེན པན ནིསྶཡོ གཧེཏབྦོཏི ‘‘སཏྟཱཧམཏྟཾ ཝསིསྶཱམི, ཀིཾ བྷིཀྑུསབྷཱགཏཱཛཱནནེནཱ’’ཏི ཛཱནནེ དྷུརཾ ནིཀྑིཔིཏྭཱ ཝསིཏུཾ ན ལབྷཏི, བྷིཀྑུསབྷཱགཏཾ ཨུཔཔརིཀྑིཏྭཱ ནིསྶཡོ གཧེཏབྦོཏི ཨཏྠོ།
120. Nissayapaṭisaṃyuttavatthūsu bhikkhūhi samāno sīlādiguṇabhāgo assāti bhikkhusabhāgo, tassa bhāvo bhikkhusabhāgatā. Dve tīṇi divasāni vasitvā gantukāmena anissitenavasitabbanti ettha ‘‘yāva bhikkhusabhāgataṃ jānāmī’’ti ābhogaṃ vināpi anissitena vasituṃ vaṭṭatīti adhippāyo. Bhikkhusabhāgataṃ pana jānanto ‘‘sve gamissāmi, kiṃ me nissayenā’’ti aruṇaṃ uṭṭhapetuṃ na labhati. ‘‘Purāruṇā uṭṭhahitvāva gamissāmī’’ti ābhogena sayantassa sace aruṇo uggacchati, vaṭṭati. ‘‘Sattāhaṃ vasissāmī’’ti ālayaṃ karontena pana nissayo gahetabboti ‘‘sattāhamattaṃ vasissāmi, kiṃ bhikkhusabhāgatājānanenā’’ti jānane dhuraṃ nikkhipitvā vasituṃ na labhati, bhikkhusabhāgataṃ upaparikkhitvā nissayo gahetabboti attho.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༥༨. ཨལཛྫཱིནིསྶཡཝཏྠཱུནི • 58. Alajjīnissayavatthūni
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨལཛྫཱིནིསྶཡཝཏྠུཀཐཱ • Alajjīnissayavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨལཛྫཱིནིསྶཡཝཏྠུཀཐཱཝཎྞནཱ • Alajjīnissayavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨལཛྫིནིསྶཡཝཏྠུཀཐཱཝཎྞནཱ • Alajjinissayavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༥༨. ཨལཛྫཱིནིསྶཡཝཏྠུཀཐཱ • 58. Alajjīnissayavatthukathā
