| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਅਲਜ੍ਜੀਨਿਸ੍ਸਯવਤ੍ਥੁਕਥਾવਣ੍ਣਨਾ
Alajjīnissayavatthukathāvaṇṇanā
੧੨੦. ‘‘ਨ , ਭਿਕ੍ਖવੇ, ਅਲਜ੍ਜੀਨਂ ਨਿਸ੍ਸਯੋ ਦਾਤਬ੍ਬੋ’’ਤਿ ਇਮਿਨਾ ਅਲਜ੍ਜੀਹਿ ਭਿਕ੍ਖੂਹਿ, ਸਾਮਣੇਰੇਹਿ વਾ ਸਦ੍ਧਿਂ ਦ੍વੇਪਿ ਧਮ੍ਮਾਮਿਸਪਰਿਭੋਗਾ ਪਟਿਕ੍ਖਿਤ੍ਤਾ ਹੋਨ੍ਤਿ ਨਿਸ੍ਸਯਭਾવੇ ਭਾવਤੋ ਤੇਸਂ। ਯਥਾਹ ‘‘ਆਚਰਿਯੇਨ, ਭਿਕ੍ਖવੇ, ਅਨ੍ਤੇવਾਸਿਕੋ ਸਙ੍ਗਹੇਤਬ੍ਬੋ ਅਨੁਗ੍ਗਹੇਤਬ੍ਬੋ ਉਦ੍ਦੇਸੇਨ ਪਰਿਪੁਚ੍ਛਾਯ ਓવਾਦੇਨ ਅਨੁਸਾਸਨਿਯਾ’’ਤਿਆਦਿ (ਮਹਾવ॰ ੭੯) ਉਪਜ੍ਝਾਯਸ੍ਸਪਿ ਨਿਸ੍ਸਯਪ੍ਪਣਾਮਨਸਮ੍ਭવਤੋ, ਸੋਪਿ ਸਦ੍ਧਿવਿਹਾਰਿਕਸ੍ਸ ਨਿਸ੍ਸਯੋਤਿ વੇਦਿਤਬ੍ਬਂ, ਤਸ੍ਮਾ ਉਪਜ੍ਝਾਯੋ ਚੇ ਅਲਜ੍ਜੀ ਹੋਤਿ, ਨ ਤਂ ਨਿਸ੍ਸਾਯ વਸਿਤਬ੍ਬਨ੍ਤਿ ਸਿਦ੍ਧਂ ਹੋਤਿ। ਭਿਕ੍ਖੂਨਂ ਸਮ੍ਮਾਪਟਿਪਤ੍ਤਿਯਾ ਸਮਾਨਭਾਗੋ ਭਿਕ੍ਖੁ ਸਭਾਗੋ। ਤਸ੍ਸਭਾવੋ ਭਿਕ੍ਖੁਸਭਾਗਤਾ। ਤਂ ਭਿਕ੍ਖੁਸਭਾਗਤਂ। ਯਾવ ਜਾਨਾਮੀਤਿ ਅਧਿਪ੍ਪਾਯੇਨ વਸਿਤੁਂ વਟ੍ਟਤਿ। ਭਿਕ੍ਖੂਹਿ ਸਭਾਗਤਂ। ਕਿਂ ਤਂ? ਲਜ੍ਜਿਭਾવਂ। ‘‘ਸਤ੍ਤਾਹਂ…ਪੇ॰… ਗਹੇਤਬ੍ਬੋ’’ਤਿ ਏਤ੍ਥ ‘‘ਸਤ੍ਤਾਹਮਤ੍ਤਂ વਸਿਸ੍ਸਾਮਿ, ਕਿਂ ਭਿਕ੍ਖੁਸਭਾਗਤਾਜਾਨਨੇਨਾਤਿ ਜਾਨਨੇ ਧੁਰਂ ਨਿਕ੍ਖਿਪਿਤ੍વਾ વਸਿਤੁਂ ਨ ਲਭਤੀਤਿ ਅਤ੍ਥੋ’’ਤਿ ਲਿਖਿਤਂ। ‘‘ਭਿਕ੍ਖੁਸਭਾਗਤਂ ਪਨ ਜਾਨਨ੍ਤੋ ਸ੍વੇવ ਗਮਿਸ੍ਸਾਮਿ, ਕਿਂ ਮੇ ਨਿਸ੍ਸਯਾਰੋਚਨੇਨਾ’’ਤਿ ਅਰੁਣਂ ਉਟ੍ਠਪੇਤੁਂ ਨ ਲਭਤਿ। ‘‘ਪੁਰੇ ਅਰੁਣਂ ਉਟ੍ਠਹਿਤ੍વਾ ਗਮਿਸ੍ਸਾਮੀ’’ਤਿ ਆਭੋਗੇਨ ਸਯਨ੍ਤਸ੍ਸ ਚੇ ਅਰੁਣੋ ਉਗ੍ਗਚ੍ਛਤਿ, વਟ੍ਟਤਿ।
120. ‘‘Na , bhikkhave, alajjīnaṃ nissayo dātabbo’’ti iminā alajjīhi bhikkhūhi, sāmaṇerehi vā saddhiṃ dvepi dhammāmisaparibhogā paṭikkhittā honti nissayabhāve bhāvato tesaṃ. Yathāha ‘‘ācariyena, bhikkhave, antevāsiko saṅgahetabbo anuggahetabbo uddesena paripucchāya ovādena anusāsaniyā’’tiādi (mahāva. 79) upajjhāyassapi nissayappaṇāmanasambhavato, sopi saddhivihārikassa nissayoti veditabbaṃ, tasmā upajjhāyo ce alajjī hoti, na taṃ nissāya vasitabbanti siddhaṃ hoti. Bhikkhūnaṃ sammāpaṭipattiyā samānabhāgo bhikkhu sabhāgo. Tassabhāvo bhikkhusabhāgatā. Taṃ bhikkhusabhāgataṃ. Yāva jānāmīti adhippāyena vasituṃ vaṭṭati. Bhikkhūhi sabhāgataṃ. Kiṃ taṃ? Lajjibhāvaṃ. ‘‘Sattāhaṃ…pe… gahetabbo’’ti ettha ‘‘sattāhamattaṃ vasissāmi, kiṃ bhikkhusabhāgatājānanenāti jānane dhuraṃ nikkhipitvā vasituṃ na labhatīti attho’’ti likhitaṃ. ‘‘Bhikkhusabhāgataṃ pana jānanto sveva gamissāmi, kiṃ me nissayārocanenā’’ti aruṇaṃ uṭṭhapetuṃ na labhati. ‘‘Pure aruṇaṃ uṭṭhahitvā gamissāmī’’ti ābhogena sayantassa ce aruṇo uggacchati, vaṭṭati.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੫੮. ਅਲਜ੍ਜੀਨਿਸ੍ਸਯવਤ੍ਥੂਨਿ • 58. Alajjīnissayavatthūni
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਲਜ੍ਜੀਨਿਸ੍ਸਯવਤ੍ਥੁਕਥਾ • Alajjīnissayavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਲਜ੍ਜੀਨਿਸ੍ਸਯવਤ੍ਥੁਕਥਾવਣ੍ਣਨਾ • Alajjīnissayavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਲਜ੍ਜਿਨਿਸ੍ਸਯવਤ੍ਥੁਕਥਾવਣ੍ਣਨਾ • Alajjinissayavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫੮. ਅਲਜ੍ਜੀਨਿਸ੍ਸਯવਤ੍ਥੁਕਥਾ • 58. Alajjīnissayavatthukathā
