| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
৫৮. অলজ্জীনিস্সযৰত্থূনি
58. Alajjīnissayavatthūni
১২০. তেন খো পন সমযেন ছব্বগ্গিযা ভিক্খূ অলজ্জীনং নিস্সযং দেন্তি। ভগৰতো এতমত্থং আরোচেসুং। ন, ভিক্খৰে, অলজ্জীনং নিস্সযো দাতব্বো। যো দদেয্য, আপত্তি দুক্কটস্সাতি।
120. Tena kho pana samayena chabbaggiyā bhikkhū alajjīnaṃ nissayaṃ denti. Bhagavato etamatthaṃ ārocesuṃ. Na, bhikkhave, alajjīnaṃ nissayo dātabbo. Yo dadeyya, āpatti dukkaṭassāti.
তেন খো পন সমযেন ভিক্খূ অলজ্জীনং নিস্সায ৰসন্তি। তেপি নচিরস্সেৰ অলজ্জিনো হোন্তি পাপকাভিক্খূ। ভগৰতো এতমত্থং আরোচেসুং। ন, ভিক্খৰে, অলজ্জীনং নিস্সায ৰত্থব্বং। যো ৰসেয্য, আপত্তি দুক্কটস্সাতি।
Tena kho pana samayena bhikkhū alajjīnaṃ nissāya vasanti. Tepi nacirasseva alajjino honti pāpakābhikkhū. Bhagavato etamatthaṃ ārocesuṃ. Na, bhikkhave, alajjīnaṃ nissāya vatthabbaṃ. Yo vaseyya, āpatti dukkaṭassāti.
অথ খো ভিক্খূনং এতদহোসি – ‘‘ভগৰতা পঞ্ঞত্তং ‘ন অলজ্জীনং নিস্সযো দাতব্বো, ন অলজ্জীনং নিস্সায ৰত্থব্ব’ন্তি। কথং নু খো মযং জানেয্যাম লজ্জিং ৰা অলজ্জিং ৰা’’তি? ভগৰতো এতমত্থং আরোচেসুং। অনুজানামি, ভিক্খৰে, চতূহপঞ্চাহং আগমেতুং যাৰ ভিক্খুসভাগতং জানামীতি।
Atha kho bhikkhūnaṃ etadahosi – ‘‘bhagavatā paññattaṃ ‘na alajjīnaṃ nissayo dātabbo, na alajjīnaṃ nissāya vatthabba’nti. Kathaṃ nu kho mayaṃ jāneyyāma lajjiṃ vā alajjiṃ vā’’ti? Bhagavato etamatthaṃ ārocesuṃ. Anujānāmi, bhikkhave, catūhapañcāhaṃ āgametuṃ yāva bhikkhusabhāgataṃ jānāmīti.
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / অলজ্জীনিস্সযৰত্থুকথা • Alajjīnissayavatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / অলজ্জীনিস্সযৰত্থুকথাৰণ্ণনা • Alajjīnissayavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অলজ্জীনিস্সযৰত্থুকথাৰণ্ণনা • Alajjīnissayavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অলজ্জিনিস্সযৰত্থুকথাৰণ্ণনা • Alajjinissayavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৫৮. অলজ্জীনিস্সযৰত্থুকথা • 58. Alajjīnissayavatthukathā
