| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
58. අලජ්‌ජීනිස්‌සයවත්‌ථූනි
58. Alajjīnissayavatthūni
120. තෙන ඛො පන සමයෙන ඡබ්‌බග්‌ගියා භික්‌ඛූ අලජ්‌ජීනං නිස්‌සයං දෙන්‌ති. භගවතො එතමත්‌ථං ආරොචෙසුං. න, භික්‌ඛවෙ, අලජ්‌ජීනං නිස්‌සයො දාතබ්‌බො. යො දදෙය්‍ය, ආපත්‌ති දුක්‌කටස්‌සාති.
120. Tena kho pana samayena chabbaggiyā bhikkhū alajjīnaṃ nissayaṃ denti. Bhagavato etamatthaṃ ārocesuṃ. Na, bhikkhave, alajjīnaṃ nissayo dātabbo. Yo dadeyya, āpatti dukkaṭassāti.
තෙන ඛො පන සමයෙන භික්‌ඛූ අලජ්‌ජීනං නිස්‌සාය වසන්‌ති. තෙපි නචිරස්‌සෙව අලජ්‌ජිනො හොන්‌ති පාපකාභික්‌ඛූ. භගවතො එතමත්‌ථං ආරොචෙසුං. න, භික්‌ඛවෙ, අලජ්‌ජීනං නිස්‌සාය වත්‌ථබ්‌බං. යො වසෙය්‍ය, ආපත්‌ති දුක්‌කටස්‌සාති.
Tena kho pana samayena bhikkhū alajjīnaṃ nissāya vasanti. Tepi nacirasseva alajjino honti pāpakābhikkhū. Bhagavato etamatthaṃ ārocesuṃ. Na, bhikkhave, alajjīnaṃ nissāya vatthabbaṃ. Yo vaseyya, āpatti dukkaṭassāti.
අථ ඛො භික්‌ඛූනං එතදහොසි – ‘‘භගවතා පඤ්‌ඤත්‌තං ‘න අලජ්‌ජීනං නිස්‌සයො දාතබ්‌බො, න අලජ්‌ජීනං නිස්‌සාය වත්‌ථබ්‌බ’න්‌ති. කථං නු ඛො මයං ජානෙය්‍යාම ලජ්‌ජිං වා අලජ්‌ජිං වා’’ති? භගවතො එතමත්‌ථං ආරොචෙසුං. අනුජානාමි, භික්‌ඛවෙ, චතූහපඤ්‌චාහං ආගමෙතුං යාව භික්‌ඛුසභාගතං ජානාමීති.
Atha kho bhikkhūnaṃ etadahosi – ‘‘bhagavatā paññattaṃ ‘na alajjīnaṃ nissayo dātabbo, na alajjīnaṃ nissāya vatthabba’nti. Kathaṃ nu kho mayaṃ jāneyyāma lajjiṃ vā alajjiṃ vā’’ti? Bhagavato etamatthaṃ ārocesuṃ. Anujānāmi, bhikkhave, catūhapañcāhaṃ āgametuṃ yāva bhikkhusabhāgataṃ jānāmīti.
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අලජ්‌ජීනිස්‌සයවත්‌ථුකථා • Alajjīnissayavatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අලජ්‌ජීනිස්‌සයවත්‌ථුකථාවණ්‌ණනා • Alajjīnissayavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අලජ්‌ජීනිස්‌සයවත්‌ථුකථාවණ්‌ණනා • Alajjīnissayavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අලජ්‌ජිනිස්‌සයවත්‌ථුකථාවණ්‌ණනා • Alajjinissayavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 58. අලජ්‌ජීනිස්‌සයවත්‌ථුකථා • 58. Alajjīnissayavatthukathā
