| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੫੮. ਅਲਜ੍ਜੀਨਿਸ੍ਸਯવਤ੍ਥੂਨਿ
58. Alajjīnissayavatthūni
੧੨੦. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਅਲਜ੍ਜੀਨਂ ਨਿਸ੍ਸਯਂ ਦੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਨ, ਭਿਕ੍ਖવੇ, ਅਲਜ੍ਜੀਨਂ ਨਿਸ੍ਸਯੋ ਦਾਤਬ੍ਬੋ। ਯੋ ਦਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ।
120. Tena kho pana samayena chabbaggiyā bhikkhū alajjīnaṃ nissayaṃ denti. Bhagavato etamatthaṃ ārocesuṃ. Na, bhikkhave, alajjīnaṃ nissayo dātabbo. Yo dadeyya, āpatti dukkaṭassāti.
ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਅਲਜ੍ਜੀਨਂ ਨਿਸ੍ਸਾਯ વਸਨ੍ਤਿ। ਤੇਪਿ ਨਚਿਰਸ੍ਸੇવ ਅਲਜ੍ਜਿਨੋ ਹੋਨ੍ਤਿ ਪਾਪਕਾਭਿਕ੍ਖੂ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਨ, ਭਿਕ੍ਖવੇ, ਅਲਜ੍ਜੀਨਂ ਨਿਸ੍ਸਾਯ વਤ੍ਥਬ੍ਬਂ। ਯੋ વਸੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ।
Tena kho pana samayena bhikkhū alajjīnaṃ nissāya vasanti. Tepi nacirasseva alajjino honti pāpakābhikkhū. Bhagavato etamatthaṃ ārocesuṃ. Na, bhikkhave, alajjīnaṃ nissāya vatthabbaṃ. Yo vaseyya, āpatti dukkaṭassāti.
ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਭਗવਤਾ ਪਞ੍ਞਤ੍ਤਂ ‘ਨ ਅਲਜ੍ਜੀਨਂ ਨਿਸ੍ਸਯੋ ਦਾਤਬ੍ਬੋ, ਨ ਅਲਜ੍ਜੀਨਂ ਨਿਸ੍ਸਾਯ વਤ੍ਥਬ੍ਬ’ਨ੍ਤਿ। ਕਥਂ ਨੁ ਖੋ ਮਯਂ ਜਾਨੇਯ੍ਯਾਮ ਲਜ੍ਜਿਂ વਾ ਅਲਜ੍ਜਿਂ વਾ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਚਤੂਹਪਞ੍ਚਾਹਂ ਆਗਮੇਤੁਂ ਯਾવ ਭਿਕ੍ਖੁਸਭਾਗਤਂ ਜਾਨਾਮੀਤਿ।
Atha kho bhikkhūnaṃ etadahosi – ‘‘bhagavatā paññattaṃ ‘na alajjīnaṃ nissayo dātabbo, na alajjīnaṃ nissāya vatthabba’nti. Kathaṃ nu kho mayaṃ jāneyyāma lajjiṃ vā alajjiṃ vā’’ti? Bhagavato etamatthaṃ ārocesuṃ. Anujānāmi, bhikkhave, catūhapañcāhaṃ āgametuṃ yāva bhikkhusabhāgataṃ jānāmīti.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਲਜ੍ਜੀਨਿਸ੍ਸਯવਤ੍ਥੁਕਥਾ • Alajjīnissayavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਲਜ੍ਜੀਨਿਸ੍ਸਯવਤ੍ਥੁਕਥਾવਣ੍ਣਨਾ • Alajjīnissayavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਲਜ੍ਜੀਨਿਸ੍ਸਯવਤ੍ਥੁਕਥਾવਣ੍ਣਨਾ • Alajjīnissayavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਲਜ੍ਜਿਨਿਸ੍ਸਯવਤ੍ਥੁਕਥਾવਣ੍ਣਨਾ • Alajjinissayavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫੮. ਅਲਜ੍ਜੀਨਿਸ੍ਸਯવਤ੍ਥੁਕਥਾ • 58. Alajjīnissayavatthukathā
