| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
12. аал̣авагасуд̇д̇аван̣н̣анаа
12. Āḷavakasuttavaṇṇanā
246. аал̣авияанд̇и ид̇т̇илин̇г̇авасзна д̇ам̣ радтамби наг̇арамби вужжад̇и. радтз ад̇хиббзд̇зби на зд̇т̇а б̣ахуважанам̣ д̇ат̇аарул̣хияаа абхаавад̇о. д̇ан̃жа бхавананд̇и д̇ан̃жа аал̣авагасса яагкасса бхаванам̣. д̇ад̇т̇аад̇и аал̣авагасса бхаванз. ‘‘ат̇а ко аал̣аваго яагко язна бхаг̇аваа д̇знубасан̇гамий’’д̇и зд̇т̇а д̇асмим̣ баатабад̣̇зсз. аяаманубуб̣б̣игат̇аад̇и аяам̣ ид̣̇аани вужжамаанаа анубуб̣б̣ад̇о ааг̇ад̇аа гат̇аа. аал̣авияаа иссарод̇и аал̣аво, аал̣авагод̇и жа рааж̇аа вуд̇д̇о. гад̣̇аажи жорабадиб̣ааханад̇т̇ам̣, гад̣̇аажи уссаахасад̇д̇ивибхааванавасзна бадирааж̇анисзд̇ханад̇т̇ам̣, гад̣̇аажи лагкаяог̇яавинияог̇авасзна б̣яааяаамагаран̣ад̇т̇ан̃жа. миг̇аанам̣ вананад̇о васанад̇о ваанад̇о ваа ‘‘миг̇аваа’’д̇и лад̣̇д̇хасаман̃н̃ам̣ миг̇авам̣. д̇ассзваад̇и ран̃н̃о зва. миг̇од̇и зго зн̣имиг̇о. д̇ияож̇ананд̇и ажжанд̇асам̣яог̇з убаяог̇аважанам̣. уд̣̇агам̣ вияа бависид̇ваа тид̇анд̇и яат̇аа бариссамаббад̇д̇о уд̣̇агам̣ бависид̇ваа тид̇о нирассаасо ход̇и, звам̣ вияа тид̇ам̣. мууланд̇и самийбам̣. яагкам̣ д̣̇исваава ран̃н̃о бхаяам̣ чамбхид̇ад̇д̇ам̣ ууруд̇т̇амбхам̣ ахоси, д̇асмаа рааж̇аа балааяид̇ум̣ наасагки. д̇зна вуд̇д̇ам̣ ‘‘каад̣̇ид̇ум̣ убаг̇ад̇о’’д̇и. ат̇а рааж̇аа д̣̇вид̇хаа чиннам̣ миг̇ам̣ д̣̇ад̇ваа ад̇д̇аанам̣ можзд̇угаамо ахоси. яагко ‘‘нану мама хад̇т̇аг̇ад̇агаалад̇о бадтааяа миг̇оби мама санд̇аго, д̇ад̇т̇а гиннаама д̇з гзраадияамид̣̇ам̣ д̣̇ад̇ваа ад̇д̇ано можана’’нд̇и рааж̇аанам̣ на мун̃жи. ат̇а рааж̇аа д̇асса д̇аад̣̇исам̣ бадин̃н̃аад̇ам̣ агааси. д̇зна вуд̇д̇ам̣ ‘‘рааж̇аа д̇зна сад̣̇д̇хи’’нд̇иаад̣̇и. бхаванам̣ анубаг̇ад̇анд̇и ид̣̇ам̣ мама бхаванам̣ анубаг̇ад̇ам̣. ананун̃н̃аад̇анд̇и убаг̇ад̇зна саамибхууд̇зна ананун̃н̃аад̇ан̃жа. зд̇зна убаг̇ад̇ам̣ д̇ам̣, ид̣̇аани д̇аад̣̇исзна анун̃н̃аад̇ан̃жа каад̣̇ид̇ум̣ лабхаамийд̇и д̣̇ассзд̇и.
246.Āḷaviyanti itthiliṅgavasena taṃ raṭṭhampi nagarampi vuccati. Raṭṭhe adhippetepi na ettha bahuvacanaṃ tathāruḷhiyā abhāvato. Tañca bhavananti tañca āḷavakassa yakkhassa bhavanaṃ. Tatthāti āḷavakassa bhavane. ‘‘Atha kho āḷavako yakkho yena bhagavā tenupasaṅkamī’’ti ettha tasmiṃ pāṭhapadese. Ayamanupubbikathāti ayaṃ idāni vuccamānā anupubbato āgatā kathā. Āḷaviyā issaroti āḷavo, āḷavakoti ca rājā vutto. Kadāci corapaṭibāhanatthaṃ, kadāci ussāhasattivibhāvanavasena paṭirājanisedhanatthaṃ, kadāci lakkhayogyaviniyogavasena byāyāmakaraṇatthañca. Migānaṃ vananato vasanato vānato vā ‘‘migavā’’ti laddhasamaññaṃ migavaṃ. Tassevāti rañño eva. Migoti eko eṇimigo. Tiyojananti accantasaṃyoge upayogavacanaṃ. Udakaṃ viya pavisitvā ṭhitanti yathā parissamappatto udakaṃ pavisitvā ṭhito nirassāso hoti, evaṃ viya ṭhitaṃ. Mūlanti samīpaṃ. Yakkhaṃ disvāva rañño bhayaṃ chambhitattaṃ ūrutthambhaṃ ahosi, tasmā rājā palāyituṃ nāsakkhi. Tena vuttaṃ ‘‘khādituṃ upagato’’ti. Atha rājā dvidhā chinnaṃ migaṃ datvā attānaṃ mocetukāmo ahosi. Yakkho ‘‘nanu mama hatthagatakālato paṭṭhāya migopi mama santako, tattha kinnāma te kerāṭiyamidaṃ datvā attano mocana’’nti rājānaṃ na muñci. Atha rājā tassa tādisaṃ paṭiññātaṃ akāsi. Tena vuttaṃ ‘‘rājā tena saddhi’’ntiādi. Bhavanaṃ anupagatanti idaṃ mama bhavanaṃ anupagataṃ. Ananuññātanti upagatena sāmibhūtena ananuññātañca. Etena upagataṃ taṃ, idāni tādisena anuññātañca khādituṃ labhāmīti dasseti.
мажжубат̇зд̇и мажжуг̇ожарз. аасаннамаран̣ад̇ааяа звамаахам̣су.
Maccupatheti maccugocare. Āsannamaraṇatāya evamāhaṃsu.
д̇ам̣ аал̣авагагумаарам̣ аад̣̇ааяа баггамим̣сууд̇и яож̇анаа. д̇асса ран̃н̃о махзсий аал̣авагагумаарасса маад̇аад̇и вуд̇д̇аа. д̣̇звисахассаанам̣ виббалабанд̇ийнанд̇и важанам̣ барин̣аамзд̇аб̣б̣ам̣.
Taṃ āḷavakakumāraṃ ādāya pakkamiṃsūti yojanā. Tassa rañño mahesī āḷavakakumārassa mātāti vuttā. Devisahassānaṃ vippalapantīnanti vacanaṃ pariṇāmetabbaṃ.
д̣̇зсанаабарияосаанзд̇и яагкам̣ д̣̇амзд̇ваа бажжааг̇анд̇ваа наг̇арад̣̇ваарасамийбз ругкамуулз нисиннзна бхаг̇авад̇аа сарааж̇игааяа махад̇ияаа барисааяа д̣̇зсид̇ад̣̇зсанааяа барияосаанз. сод̇и бхаг̇аваа. бхаванз зваад̇и вимаанз зва. бхаг̇авааби бассад̇и багад̇ижагкунаава ниг̇род̇хасса убари ниб̣б̣ад̇д̇ад̇д̇аа.
Desanāpariyosāneti yakkhaṃ dametvā paccāgantvā nagaradvārasamīpe rukkhamūle nisinnena bhagavatā sarājikāya mahatiyā parisāya desitadesanāya pariyosāne. Soti bhagavā. Bhavane evāti vimāne eva. Bhagavāpi passati pakaticakkhunāva nigrodhassa upari nibbattattā.
д̇ад̇раад̇и д̇асмим̣ ‘‘росзд̇угаамад̇ааяаа’’д̇и важанз. д̇зсанд̇и саад̇ааг̇ирихзмавад̇аанам̣. гаалад̣̇ийбад̣̇зсагулаж̇анзд̇д̇иааяуббамаан̣ависаяам̣ бан̃жамахаавилогид̇ам̣. ‘‘сийд̇ам̣ б̣яабаг̇ад̇ам̣ ход̇и, ун̣хан̃жа убасаммад̇ий’’д̇иаад̣̇инаа (б̣у. вам̣. 2.83) ааг̇ад̇аани д̣̇вад̇д̇им̣са буб̣б̣анимид̇д̇аани. гадиббад̣̇зсавад̇т̇игосаган̣н̣ад̇о д̇ид̇хаа. сад̣̇д̣̇од̇и аал̣авагасса уг̇гхосид̇асад̣̇д̣̇о.
Tatrāti tasmiṃ ‘‘rosetukāmatāyā’’ti vacane. Tesanti sātāgirihemavatānaṃ. Kāladīpadesakulajanettiāyuppamāṇavisayaṃ pañcamahāvilokitaṃ. ‘‘Sītaṃ byapagataṃ hoti, uṇhañca upasammatī’’tiādinā (bu. vaṃ. 2.83) āgatāni dvattiṃsa pubbanimittāni. Kaṭippadesavatthikosakaṇṇato tidhā. Saddoti āḷavakassa ugghositasaddo.
иминаа басан̇г̇зна сагалаж̇амб̣уд̣̇ийбам̣ б̣яаабзд̇ваа бавад̇д̇з абарзби д̇аяо сад̣̇д̣̇з яат̇аа зд̇з, звам̣ аал̣авагасса уг̇гхосид̇асад̣̇д̣̇обийд̇и д̣̇ассзд̇ум̣ ‘‘жад̇д̇ааро’’д̇иаад̣̇и вуд̇д̇ам̣. осагганд̇зд̇и барихааяамаанз.
Iminā pasaṅgena sakalajambudīpaṃ byāpetvā pavatte aparepi tayo sadde yathā ete, evaṃ āḷavakassa ugghositasaddopīti dassetuṃ ‘‘cattāro’’tiādi vuttaṃ. Osakkanteti parihāyamāne.
жун̣н̣знд̇аад̇и жун̣н̣зд̇ум̣ самад̇т̇ад̇ам̣ санд̇хааяа вуд̇д̇ам̣, на бана жун̣н̣анавасзна вуд̇д̇ам̣. д̇знааха ‘‘маа гассажий’’д̇иаад̣̇и. уссааваб̣инд̣̇умад̇д̇амбийд̇и уссаавабад̇анамад̇д̇амби. кураббам̣ саллам̣.
Cuṇṇentāti cuṇṇetuṃ samatthataṃ sandhāya vuttaṃ, na pana cuṇṇanavasena vuttaṃ. Tenāha ‘‘mā kassacī’’tiādi. Ussāvabindumattampīti ussāvapatanamattampi. Khurappaṃ sallaṃ.
сздтаанийд̇и аж̇зяязна аббадихад̇абхаавзна уд̇д̇амаани. д̣̇уссаавуд̇ханд̇и аавуд̇хагижжагарам̣ уд̇д̇арияам̣ д̣̇уссам̣. имаани гира саггаад̣̇ийнам̣ бун̃н̃аанубхаавзна ниб̣б̣ад̇д̇аани аббадихад̇аббабхааваани бадибагкавид̇хаманаяуд̇д̇аани аваж̇жхаани аавуд̇хаани. д̇знааха ‘‘яад̣̇и хий’’д̇иаад̣̇и.
Seṭṭhānīti ajeyyena appaṭihatabhāvena uttamāni. Dussāvudhanti āvudhakiccakaraṃ uttariyaṃ dussaṃ. Imāni kira sakkādīnaṃ puññānubhāvena nibbattāni appaṭihatappabhāvāni paṭipakkhavidhamanayuttāni avajjhāni āvudhāni. Tenāha ‘‘yadi hī’’tiādi.
асанивижаггам̣ вияаад̇и асаниман̣д̣алам̣ вияа.
Asanivicakkaṃ viyāti asanimaṇḍalaṃ viya.
бид̇д̇анд̇и алаг̇ад̣̇д̣̇абид̇д̇ам̣. бхинд̣̇зяяаад̇и аасин̃жзяяа. суканд̇и сугарам̣. муд̣̇убхууд̇ажид̇д̇ававад̇т̇аанагаран̣ад̇т̇анд̇и муд̣̇убхууд̇ам̣ ад̇д̇ано жид̇д̇з вавад̇т̇аанасса гаран̣ад̇т̇ам̣.
Pittanti alagaddapittaṃ. Bhindeyyāti āsiñceyya. Sukhanti sukaraṃ. Mudubhūtacittavavatthānakaraṇatthanti mudubhūtaṃ attano citte vavatthānassa karaṇatthaṃ.
звам̣ вуд̇д̇зд̇и ‘‘на квааха’’нд̇и звам̣ вуд̇д̇з. бхаг̇авад̇о саасанз тид̇з баяирубаасид̇ваа уг̇г̇ахид̇ам̣ бхаг̇аванд̇ам̣ баяируубаасид̇ваа уг̇г̇ахид̇амзва наамаад̇и ааха ‘‘гассабам̣…бз... уг̇г̇ахзсу’’нд̇и. будтабан̃хаад̇и саммаасамб̣уд̣̇д̇хзна будтабан̃хаа. яасмаа б̣уд̣̇д̇хависаяз будтабан̃хаа, д̇асмаа б̣уд̣̇д̇хависаяаава хонд̇и.
Evaṃ vutteti ‘‘na khvāha’’nti evaṃ vutte. Bhagavato sāsane ṭhite payirupāsitvā uggahitaṃ bhagavantaṃ payirūpāsitvā uggahitameva nāmāti āha ‘‘kassapaṃ…pe... uggahesu’’nti. Puṭṭhapañhāti sammāsambuddhena puṭṭhapañhā. Yasmā buddhavisaye puṭṭhapañhā, tasmā buddhavisayāva honti.
бадисзд̇хзд̇ваад̇и ваажааяа асаггун̣зяяабхаавзнзва бадисзд̇хзд̇ваа. ‘‘яад̣̇ааган̇касий’’д̇и бад̣̇асанд̇хивасзна нид̣̇д̣̇зсод̇и ааха ‘‘яад̣̇и ааган̇касий’’д̇и. д̇зна д̇уяхам̣ бужчам̣ д̇аава суд̇ваа виссаж̇ж̇зссанд̇и д̣̇ассзд̇и. д̇знааха ‘‘на мз’’д̇иаад̣̇и. д̣̇уд̇ияавигаббз д̣̇а-гааро бад̣̇асанд̇хигарод̇и ааха ‘‘яам̣ ааган̇касий’’д̇и. ‘‘бужча, аавусо, суд̇ваа ж̇ааниссаамий’’д̇и авад̇ваа саб̣б̣ан̃н̃уб̣уд̣̇д̇хасса анияамзд̇ваа важанам̣ саб̣б̣ависаяам̣ ход̇ийд̇и ааха ‘‘саб̣б̣ам̣ д̇з’’д̇иаад̣̇и.
Paṭisedhetvāti vācāya asakkuṇeyyabhāveneva paṭisedhetvā. ‘‘Yadākaṅkhasī’’ti padasandhivasena niddesoti āha ‘‘yadi ākaṅkhasī’’ti. Tena tuyhaṃ pucchaṃ tāva sutvā vissajjessanti dasseti. Tenāha ‘‘na me’’tiādi. Dutiyavikappe da-kāro padasandhikaroti āha ‘‘yaṃ ākaṅkhasī’’ti. ‘‘Puccha, āvuso, sutvā jānissāmī’’ti avatvā sabbaññubuddhassa aniyametvā vacanaṃ sabbavisayaṃ hotīti āha ‘‘sabbaṃ te’’tiādi.
гим̣ сууд̇и зд̇т̇а гинд̇и бужчааяам̣, сууд̇и сам̣саяз, гим̣ нууд̇и ад̇т̇о? ид̇хаад̇и имасмим̣ логз. д̇асмаа вид̇д̇анд̇и яасмаа вид̇д̇игаран̣ад̇о вид̇д̇ам̣. сугад̇анд̇и судту саггажжам̣ гад̇ам̣. суканд̇и идтапалам̣. д̇ад̇т̇а яам̣ бад̇хаанам̣, д̇ам̣ д̣̇ассзд̇ум̣ ‘‘гааяигажзд̇асигам̣ саад̇а’’нд̇иаад̣̇и вуд̇д̇ам̣. ниссанд̣̇апалан̃хи д̇аг̇г̇ахан̣зна г̇ахид̇амзва ход̇и. аббзд̇ийд̇и баабзд̇и. ад̇исаяад̇т̇аж̇од̇ано д̇ара-сад̣̇д̣̇од̇и ааха ‘‘ад̇исаязна саад̣̇уу’’д̇и. расасан̃н̃ид̇ааяа идтаанам̣ рааг̇аад̣̇ид̇хаммаанам̣. гзна багаарзнаад̇и гат̇ам̣-сад̣̇д̣̇асса ад̇т̇амааха. гат̇ам̣ж̇ийвинд̇и яад̣̇и самаасабад̣̇амзд̇ам̣, ‘‘гат̇а’’нд̇и саанунаасигаа гад̇аад̇и ааха ‘‘г̇аат̇ааб̣анд̇хасукад̇т̇а’’нд̇иаад̣̇и.
Kiṃsūti ettha kinti pucchāyaṃ, sūti saṃsaye, kiṃ nūti attho? Idhāti imasmiṃ loke. Tasmā vittanti yasmā vittikaraṇato vittaṃ. Sukatanti suṭṭhu sakkaccaṃ kataṃ. Sukhanti iṭṭhaphalaṃ. Tattha yaṃ padhānaṃ, taṃ dassetuṃ ‘‘kāyikacetasikaṃ sāta’’ntiādi vuttaṃ. Nissandaphalañhi taggahaṇena gahitameva hoti. Appetīti pāpeti. Atisayatthajotano tara-saddoti āha ‘‘atisayena sādū’’ti. Rasasaññitāya iṭṭhānaṃ rāgādidhammānaṃ. Kena pakārenāti kathaṃ-saddassa atthamāha. Kathaṃjīvinti yadi samāsapadametaṃ, ‘‘katha’’nti sānunāsikā katāti āha ‘‘gāthābandhasukhattha’’ntiādi.
сад̣̇д̇хийд̇ха вид̇д̇анд̇и згад̣̇зсзна самуд̣̇ааяад̣̇ассанам̣ самуд̣̇д̣̇абаб̣б̣ад̇анид̣̇ассанам̣ вияа. ид̇и-сад̣̇д̣̇о аад̣̇иад̇т̇о д̣̇адтаб̣б̣о. ‘‘вид̇д̇игаран̣ад̇о вид̇д̇а’’нд̇и вуд̇д̇амад̇т̇ам̣ санд̇хааяа хзд̇уубамаахи яож̇зд̇ваа д̣̇ассзд̇ум̣ ‘‘яат̇аа хий’’д̇иаад̣̇и вуд̇д̇ам̣. д̇зна сукааваханад̇о, д̣̇угкабадиб̣ааханад̇о, д̣̇аалид̣̇д̣̇ияуубасаманад̇о, рад̇анабадилаабхахзд̇уд̇о, логасанд̇ад̇иааваханад̇о жа сад̣̇д̇хаа вид̇д̇ам̣ яат̇аа д̇ам̣ хиран̃н̃асуван̣н̣аад̣̇ийни. д̇знааха ‘‘зва’’нд̇иаад̣̇и. нану жзд̇анаа саммаад̣̇идтиаад̣̇аяо жа саад̇исаяам̣ вибаагасукам̣ ааваханд̇и, д̇ам̣ гат̇ам̣ сад̣̇д̇хаа аавахад̇ийд̇и? сад̣̇д̇хаад̇хурабхаавасабхаавад̇о. д̇знааха ‘‘сад̣̇д̇хаад̇хурзна бадибаннаана’’нд̇и. д̇асса жа сзсабад̣̇зсуби яож̇зд̇аб̣б̣ам̣.
Saddhīdha vittanti ekadesena samudāyadassanaṃ samuddapabbatanidassanaṃ viya. Iti-saddo ādiattho daṭṭhabbo. ‘‘Vittikaraṇato vitta’’nti vuttamatthaṃ sandhāya hetūpamāhi yojetvā dassetuṃ ‘‘yathā hī’’tiādi vuttaṃ. Tena sukhāvahanato, dukkhapaṭibāhanato, dāliddiyūpasamanato, ratanapaṭilābhahetuto, lokasantatiāvahanato ca saddhā vittaṃ yathā taṃ hiraññasuvaṇṇādīni. Tenāha ‘‘eva’’ntiādi. Nanu cetanā sammādiṭṭhiādayo ca sātisayaṃ vipākasukhaṃ āvahanti, taṃ kathaṃ saddhā āvahatīti? Saddhādhurabhāvasabhāvato. Tenāha ‘‘saddhādhurena paṭipannāna’’nti. Tassa ca sesapadesupi yojetabbaṃ.
ид̣̇аани яам̣ хиран̃н̃асуван̣н̣аад̣̇и сад̣̇д̇хаавид̇д̇асса обаммам̣, д̇ам̣ хийнам̣, сад̣̇д̇хаавид̇д̇амзва уд̇д̇аманд̇и баал̣ияам̣ сздтаг̇г̇ахан̣ам̣ гад̇анд̇и д̣̇ассзд̇ум̣ ‘‘яасмаа банаа’’д̇иаад̣̇и вуд̇д̇ам̣. баралогам̣ г̇ад̇ам̣ ануг̇ажчад̇ийд̇и ануг̇аамигам̣. ан̃н̃зхи на саад̇хааран̣анд̇и анан̃н̃асаад̇хааран̣ам̣. саб̣б̣асамбад̇д̇ихзд̇ууд̇и саб̣б̣аасам̣ сийласамбад̣̇аад̣̇ийнам̣ логияалогуд̇д̇араанам̣ самбад̇д̇ийнам̣ хзд̇у. анад̇т̇ааяа ход̇и анубааяабадибад̇д̇ид̇о. д̇асмаа ануг̇аамигад̇д̇аа. анан̃н̃асаад̇хааран̣ад̇д̇аа саб̣б̣асамбад̇д̇ихзд̇убхаавад̇о хиран̃н̃аад̣̇ивид̇д̇анид̣̇аанад̇д̇аа жа сад̣̇д̇хаавид̇д̇амзва сздтам̣. уггадтабарижчзд̣̇ад̣̇зсанаа яат̇аа ‘‘сад̇т̇аа д̣̇звамануссаана’’нд̇и.
Idāni yaṃ hiraññasuvaṇṇādi saddhāvittassa opammaṃ, taṃ hīnaṃ, saddhāvittameva uttamanti pāḷiyaṃ seṭṭhaggahaṇaṃ katanti dassetuṃ ‘‘yasmā panā’’tiādi vuttaṃ. Paralokaṃ gataṃ anugacchatīti anugāmikaṃ. Aññehi na sādhāraṇanti anaññasādhāraṇaṃ. Sabbasampattihetūti sabbāsaṃ sīlasampadādīnaṃ lokiyalokuttarānaṃ sampattīnaṃ hetu. Anatthāya hoti anupāyapaṭipattito. Tasmā anugāmikattā. Anaññasādhāraṇattā sabbasampattihetubhāvato hiraññādivittanidānattā ca saddhāvittameva seṭṭhaṃ. Ukkaṭṭhaparicchedadesanā yathā ‘‘satthā devamanussāna’’nti.
‘‘д̣̇асагусалад̇хаммо’’д̇и иминаа згажжаанам̣язва д̣̇аанаад̣̇ид̇хаммаанам̣ сан̇г̇ахо, на саб̣б̣зсанд̇и асан̇г̇ахид̇асан̇г̇ан̣ханад̇т̇ам̣ ‘‘д̣̇аанасийлабхааванаад̇хаммо ваа’’д̇и вуд̇д̇ам̣. ‘‘сука’’нд̇и д̇ивид̇хассаби сукасса саад̇хааран̣аг̇г̇ахан̣амзд̇анд̇и д̇ам̣ сависзсалад̣̇д̇хам̣ буг̇г̇алавасзна д̣̇ассзнд̇о ‘‘сон̣асздти…бз… аавахад̇ий’’д̇и ааха. яо со бад̣̇умавад̇ияаа д̣̇звияаа буд̇д̇о махаабад̣̇умо наама рааж̇аа д̣̇иб̣б̣асукасад̣̇исам̣ раж̇ж̇асукаманубхавид̇ваа бажчаа бажжзгаб̣уд̣̇д̇хо худ̇ваа ниб̣б̣аанасукаманубхави, д̇ам̣ нид̣̇ассанабхаавзна г̇ахзд̇ваа ааха ‘‘махаабад̣̇умаад̣̇ийнам̣ вияа ниб̣б̣аанасукан̃жа аавахад̇ий’’д̇и.
‘‘Dasakusaladhammo’’ti iminā ekaccānaṃyeva dānādidhammānaṃ saṅgaho, na sabbesanti asaṅgahitasaṅgaṇhanatthaṃ ‘‘dānasīlabhāvanādhammo vā’’ti vuttaṃ. ‘‘Sukha’’nti tividhassapi sukhassa sādhāraṇaggahaṇametanti taṃ savisesaladdhaṃ puggalavasena dassento ‘‘soṇaseṭṭhi…pe… āvahatī’’ti āha. Yo so padumavatiyā deviyā putto mahāpadumo nāma rājā dibbasukhasadisaṃ rajjasukhamanubhavitvā pacchā paccekabuddho hutvā nibbānasukhamanubhavi, taṃ nidassanabhāvena gahetvā āha ‘‘mahāpadumādīnaṃ viya nibbānasukhañca āvahatī’’ti.
ад̇т̇уд̣̇д̇хааранаязна сажжасад̣̇д̣̇ам̣ сам̣ван̣н̣знд̇о ‘‘анзгзсу ад̇т̇зсу д̣̇иссад̇ий’’д̇и ааха. ваажаасажжз д̣̇иссад̇и сажжасад̣̇д̣̇о ‘‘бхан̣з’’д̇и вуд̇д̇ад̇д̇аад̇и ад̇хиббааяо. вирад̇исажжз д̣̇иссад̇и. взраман̣ийсу хи бад̇идтид̇аа саман̣аб̣раахман̣аа ‘‘сажжз тид̇аа’’д̇и вужжанд̇и. ад̇д̇аагаарамби вад̇т̇ум̣ ид̣̇амзва сажжам̣ могхаман̃н̃анд̇и бавад̇д̇ияаагаарам̣ убаад̣̇ааяа д̣̇идти зва сажжанд̇и д̣̇идтисажжам̣, д̇асмим̣ д̣̇идтисажжз д̣̇иссад̇ийд̇и яож̇анаа. б̣раахман̣асажжаанийд̇и барамад̇т̇аб̣рахмаанам̣ сажжаани, яаани ‘‘саб̣б̣з баан̣аа аваж̇жхаа, саб̣б̣з гаамаа анижжаа, саб̣б̣з бхаваа анижжаа, наахам̣ гважани гассажи гин̃жанад̇асми’’нд̇иаад̣̇инаа (а. ни. 4.185) жад̇угганибаад̇з ааг̇ад̇аани. барамад̇т̇абхууд̇ам̣ сажжам̣ ниб̣б̣аанам̣. аб̣бханд̇арам̣ гад̇ваад̇и анд̇ог̇ад̇хамзва гад̇ваа, д̇зхи сад̣̇д̇хинд̇и ад̇т̇о барамад̇т̇асажжаанамби саад̣̇уд̇арад̇д̇аа. яассаанубхаавзнаад̇и яасса ваажаасажжасса аанубхаавзна.
Atthuddhāranayena saccasaddaṃ saṃvaṇṇento ‘‘anekesu atthesu dissatī’’ti āha. Vācāsacce dissati saccasaddo ‘‘bhaṇe’’ti vuttattāti adhippāyo. Viratisacce dissati. Veramaṇīsu hi patiṭṭhitā samaṇabrāhmaṇā ‘‘sacce ṭhitā’’ti vuccanti. Attākārampi vatthuṃ idameva saccaṃ moghamaññanti pavattiyākāraṃ upādāya diṭṭhi eva saccanti diṭṭhisaccaṃ, tasmiṃ diṭṭhisacce dissatīti yojanā. Brāhmaṇasaccānīti paramatthabrahmānaṃ saccāni, yāni ‘‘sabbe pāṇā avajjhā, sabbe kāmā aniccā, sabbe bhavā aniccā, nāhaṃ kvacani kassaci kiñcanatasmi’’ntiādinā (a. ni. 4.185) catukkanipāte āgatāni. Paramatthabhūtaṃ saccaṃ nibbānaṃ. Abbhantaraṃ katvāti antogadhameva katvā, tehi saddhinti attho paramatthasaccānampi sādutarattā. Yassānubhāvenāti yassa vācāsaccassa ānubhāvena.
уд̣̇агамхи д̇хаавад̇ийд̇и уд̣̇агабидтияам̣ абхиж̇ж̇амаанааяам̣ бат̇авияаа вияа д̇хаавад̇и г̇ажчад̇и махаагаббинарааж̇аа вияа. висамби сажжзна хананд̇и бан̣д̣ид̇аад̇и ган̣хад̣̇ийбааяанаад̣̇аяо вияа. сажжзнаад̇и мажчаж̇аад̇агз б̣од̇хисад̇д̇асса вияа сажжзна д̣̇зво т̇анаяам̣ бавассад̇и. сажжз тид̇аад̇и вирад̇исажжз ваажаасажжз жа тид̇аа д̇аяоби б̣од̇хисад̇д̇аа. ниб̣б̣уд̇инд̇и ниб̣б̣аанам̣ бад̇т̇аяанд̇и. саад̣̇уд̇аранд̇и саад̇ад̇арам̣ идтад̇аравибаагад̣̇аанад̇о.
Udakamhi dhāvatīti udakapiṭṭhiyaṃ abhijjamānāyaṃ pathaviyā viya dhāvati gacchati mahākappinarājā viya. Visampi saccena hananti paṇḍitāti kaṇhadīpāyanādayo viya. Saccenāti macchajātake bodhisattassa viya saccena devo thanayaṃ pavassati. Sacce ṭhitāti viratisacce vācāsacce ca ṭhitā tayopi bodhisattā. Nibbutinti nibbānaṃ patthayanti. Sādutaranti sātataraṃ iṭṭhataravipākadānato.
расаананд̇и нид̣̇д̇хааран̣ад̇т̇з саамиважанам̣. нид̣̇д̇хааран̣ан̃жа гожи гуд̇ожи гзнажи иманд̇и гассажи важанам̣ на саад̇хзд̇ийд̇и д̣̇ассзнд̇о ‘‘яз имз’’д̇иаад̣̇имааха. д̇зна хи ниб̣б̣аанам̣ расасамуд̣̇ааяад̇о саад̣̇уд̇арад̇аависзсзна нид̣̇д̇хаарийяад̇и. д̇ад̇т̇а яз имз вужжанд̇ийд̇и яож̇анаа. сааяанийяад̇хаммаад̇и ж̇ивхааяа сааяид̇аб̣б̣аа д̇хаммаа. расааяад̇анам̣ расод̇и ааха ‘‘мууларасо канд̇харасо’’д̇иаад̣̇и. паларасанд̇и паласса расам̣, палам̣ бийл̣зд̇ваа д̇аабзд̇ваа г̇ахзд̇аб̣б̣арасанд̇и ад̇т̇о. арасаруубод̇и аажаарарахид̇асабхааво. руубасса ассаад̣̇анавасзна уббаж̇ж̇анагасукад̇хаммаа руубарасаа. зса наяо сад̣̇д̣̇арасаад̣̇ийсу. сад̣̇д̣̇арасод̇и б̣яан̃ж̇анасамбхууд̇о расо. вимуд̇д̇ирасод̇и вимуд̇д̇исамбад̇д̇иго расо. ад̇т̇арасод̇и ад̇т̇асса бадивиж̇жханавасзна уббаж̇ж̇анагасукам̣ ад̇т̇арасо, д̇ат̇аа д̇хаммарасо взд̣̇ид̇аб̣б̣о. руубаажаараад̇иаад̣̇ийсу расаг̇г̇ахан̣зна паларасам̣ вад̣̇ад̇и. со хи паласса руубо жа, расид̇аб̣б̣ад̇о аасаад̣̇зд̇аб̣б̣ад̇о расо жаад̇и ‘‘руубарасо’’д̇и вужжад̇и. аажааро бана саамаг̇г̇ийрасахзд̇уд̇ааяа ‘‘расо’’д̇и вуд̇д̇о. сажжам̣ хавзд̇и зд̇т̇а хавзд̇и згам̣сад̇т̇з нибаад̇о, згам̣сад̇т̇о жа авад̇хааран̣амзваад̇и ааха ‘‘сажжамзва саад̣̇уд̇ара’’нд̇иаад̣̇и. сарийрамубаб̣руухзнд̇и, на жид̇д̇ам̣. нану жа сукуббад̇д̇ибаяож̇анад̇д̇аа жид̇д̇амби убаб̣руухзнд̇ийд̇и? на, сукасса сарийраб̣рууханам̣ бадижжа уббаннад̇д̇аа. вирад̇исажжаваажаад̇и сажжависзсзна самбаж̇ж̇анам̣ вад̣̇ад̇и. жид̇д̇амубаб̣руухзд̇и бад̣̇аалигааяа вирад̇иваажааяа сажжарасз сад̇и самат̇авибассанаад̣̇ийхи жид̇д̇абариб̣рууханасса самбхавад̇о маг̇г̇апалаанисам̣сам̣ г̇ан̣хаад̇и. асам̣гилзсиган̃жа сукамаавахад̇и виваддасанниссид̇ад̇д̇аа. вимуд̇д̇ирасод̇и паласукам̣ вад̣̇ад̇и ниб̣б̣аанасукамби ваа. барамад̇т̇асажжарасо наама ниб̣б̣аанарасо. д̇ат̇аа хи д̇ам̣ ‘‘ажжуд̇ирасам̣ ассаасагаран̣араса’’нд̇иби вужжад̇и. д̇зна барибхаавид̇ад̇д̇аад̇и вимуд̇д̇ирасасса саад̣̇уд̇арабхаавад̣̇ассанад̇т̇ам̣. звам̣ санд̇зби ‘‘вимуд̇д̇ирасабарибхаавид̇ад̇д̇аа’’д̇и зд̇зна гаамам̣ вимуд̇д̇ирасо ваа барамад̇т̇асажжарасо ваа саад̣̇уд̇арарасаад̇и д̣̇ассзд̇и. д̇ад̣̇ад̇хиг̇амуубааяабхууд̇анд̇и д̇асса барамад̇т̇асажжасса ад̇хиг̇амуубааяабхууд̇ам̣. ад̇т̇ан̃жа д̇хамман̃жаад̇и палан̃жа гааран̣ан̃жа ниссааяа бавад̇д̇ид̇о ад̇т̇арасаа д̇хаммарасаа жа саад̣̇уу, д̇ад̇оби барамад̇т̇асажжамзва саад̣̇урасанд̇и ад̇хиббааяо.
Rasānanti niddhāraṇatthe sāmivacanaṃ. Niddhāraṇañca koci kutoci kenaci imanti kassaci vacanaṃ na sādhetīti dassento ‘‘ye ime’’tiādimāha. Tena hi nibbānaṃ rasasamudāyato sādutaratāvisesena niddhārīyati. Tattha ye ime vuccantīti yojanā. Sāyanīyadhammāti jivhāya sāyitabbā dhammā. Rasāyatanaṃ rasoti āha ‘‘mūlaraso khandharaso’’tiādi. Phalarasanti phalassa rasaṃ, phalaṃ pīḷetvā tāpetvā gahetabbarasanti attho. Arasarūpoti ācārarahitasabhāvo. Rūpassa assādanavasena uppajjanakasukhadhammā rūparasā. Esa nayo saddarasādīsu. Saddarasoti byañjanasambhūto raso. Vimuttirasoti vimuttisampattiko raso. Attharasoti atthassa paṭivijjhanavasena uppajjanakasukhaṃ attharaso, tathā dhammaraso veditabbo. Rūpācārātiādīsu rasaggahaṇena phalarasaṃ vadati. So hi phalassa rūpo ca, rasitabbato āsādetabbato raso cāti ‘‘rūparaso’’ti vuccati. Ācāro pana sāmaggīrasahetutāya ‘‘raso’’ti vutto. Saccaṃ haveti ettha haveti ekaṃsatthe nipāto, ekaṃsattho ca avadhāraṇamevāti āha ‘‘saccameva sādutara’’ntiādi. Sarīramupabrūhenti, na cittaṃ. Nanu ca sukhuppattipayojanattā cittampi upabrūhentīti? Na, sukhassa sarīrabrūhanaṃ paṭicca uppannattā. Viratisaccavācāti saccavisesena sampajjanaṃ vadati. Cittamupabrūheti padālikāya virativācāya saccarase sati samathavipassanādīhi cittaparibrūhanassa sambhavato maggaphalānisaṃsaṃ gaṇhāti. Asaṃkilesikañca sukhamāvahati vivaṭṭasannissitattā. Vimuttirasoti phalasukhaṃ vadati nibbānasukhampi vā. Paramatthasaccaraso nāma nibbānaraso. Tathā hi taṃ ‘‘accutirasaṃ assāsakaraṇarasa’’ntipi vuccati. Tena paribhāvitattāti vimuttirasassa sādutarabhāvadassanatthaṃ. Evaṃ santepi ‘‘vimuttirasaparibhāvitattā’’ti etena kāmaṃ vimuttiraso vā paramatthasaccaraso vā sādutararasāti dasseti. Tadadhigamūpāyabhūtanti tassa paramatthasaccassa adhigamūpāyabhūtaṃ. Atthañca dhammañcāti phalañca kāraṇañca nissāya pavattito attharasā dhammarasā ca sādū, tatopi paramatthasaccameva sādurasanti adhippāyo.
логуд̇д̇арам̣ логияан̃жа ад̇т̇ам̣ аж̇аананд̇о анд̇хо, логияад̇т̇амзва ж̇аананд̇о згажагку, убхаяам̣ ж̇аананд̇о д̣̇вижагку. барахид̇ам̣ ад̇д̇ахид̇ан̃жа аж̇аананд̇о анд̇хо, ад̇д̇ахид̇амзва ж̇аананд̇о згажагку, убхаяад̇т̇ам̣ ж̇аананд̇о д̣̇вижагку. со д̣̇вижагкубуг̇г̇ало бан̃н̃ааж̇ийвий. д̇ам̣ бана г̇ахадтабаб̣б̣аж̇ид̇авасзна вибхаж̇ид̇ваа д̣̇ассзд̇ум̣ ‘‘г̇ахадто ваа’’д̇иаад̣̇и вуд̇д̇ам̣. г̇ахадтабадибад̣̇ам̣ аараад̇хзд̇ваа жаад̇и яож̇анаа. аараад̇хзд̇ваад̇и жа саад̇хзд̇ваад̇и ад̇т̇о.
Lokuttaraṃ lokiyañca atthaṃ ajānanto andho, lokiyatthameva jānanto ekacakkhu, ubhayaṃ jānanto dvicakkhu. Parahitaṃ attahitañca ajānanto andho, attahitameva jānanto ekacakkhu, ubhayatthaṃ jānanto dvicakkhu. So dvicakkhupuggalo paññājīvī. Taṃ pana gahaṭṭhapabbajitavasena vibhajitvā dassetuṃ ‘‘gahaṭṭho vā’’tiādi vuttaṃ. Gahaṭṭhapaṭipadaṃ ārādhetvā cāti yojanā. Ārādhetvāti ca sādhetvāti attho.
буриманаязнзваад̇и гассабасаммаасамб̣уд̣̇д̇хависсаж̇ж̇ид̇анаязнзва. гин̃жаабийд̇и ануж̇аананасанд̣̇ассанад̇т̇з нибаад̇о. гим̣ ануж̇аанаад̇ийд̇и? г̇аат̇ааяа жад̇уухи бад̣̇зхи вуд̇д̇зсу ад̇т̇зсу згасса ад̇т̇асса сид̣̇д̇хияам̣ ид̇арзсамби сид̣̇д̇хим̣ ануж̇аанаад̇и. д̇знааха ‘‘яо жад̇уб̣б̣ид̇хамогхам̣…бз… барисуж̇жхад̇ий’’д̇и. гим̣ санд̣̇ассзд̇ийд̇и? язсам̣ баабад̇хаммаанам̣ б̣алавабхаавзна огхад̇аран̣аад̣̇и на сиж̇жхад̇и, д̇зсам̣ бадибагкаанам̣ ниссанд̣̇зхавасзна санд̣̇ассанам̣. д̇знааха ‘‘звам̣ санд̇збий’’д̇иаад̣̇и. огхад̇аран̣анд̇и огхад̇аран̣абадибад̇д̇им̣. асад̣̇д̣̇аханд̇од̇и звам̣ бадибаж̇ж̇анд̇о имааяа бадибад̇д̇ияаа огхам̣ д̇арад̇ийд̇и на сад̣̇д̣̇аханд̇о. на багканд̣̇ад̇ийд̇и багканд̣̇аналагкан̣ааяа сад̣̇д̇хааяа на уг̇гхаадийяад̇ийд̇и на од̇арад̇и. жид̇д̇авоссаг̇г̇знаад̇и яат̇аагаамаажааравасзна жид̇д̇асса воссаж̇ж̇анзна. бамад̇д̇о бамаад̣̇ам̣ аабанно. д̇ад̇т̇зваад̇и гаамзсу зва. висад̇д̇ад̇д̇аа лаг̇г̇ад̇д̇аа. вогин̣н̣од̇и висзвид̇о. д̇асмаад̇и вуд̇д̇асса жад̇уб̣б̣ид̇хассаби ад̇т̇асса хзд̇убхаавзна бажжаамасанам̣. д̇аббадибагканд̇и ассад̣̇д̇хияаад̣̇ийнам̣ бадибагкам̣ сад̣̇д̇хаад̣̇ийнам̣ огаасад̇д̇аа.
Purimanayenevāti kassapasammāsambuddhavissajjitanayeneva. Kiñcāpīti anujānanasandassanatthe nipāto. Kiṃ anujānātīti? Gāthāya catūhi padehi vuttesu atthesu ekassa atthassa siddhiyaṃ itaresampi siddhiṃ anujānāti. Tenāha ‘‘yo catubbidhamoghaṃ…pe… parisujjhatī’’ti. Kiṃ sandassetīti? Yesaṃ pāpadhammānaṃ balavabhāvena oghataraṇādi na sijjhati, tesaṃ paṭipakkhānaṃ nissandehavasena sandassanaṃ. Tenāha ‘‘evaṃ santepī’’tiādi. Oghataraṇanti oghataraṇapaṭipattiṃ. Asaddahantoti evaṃ paṭipajjanto imāya paṭipattiyā oghaṃ taratīti na saddahanto. Na pakkhandatīti pakkhandanalakkhaṇāya saddhāya na ugghāṭīyatīti na otarati. Cittavossaggenāti yathākāmācāravasena cittassa vossajjanena. Pamatto pamādaṃ āpanno. Tatthevāti kāmesu eva. Visattattā laggattā. Vokiṇṇoti visevito. Tasmāti vuttassa catubbidhassapi atthassa hetubhāvena paccāmasanaṃ. Tappaṭipakkhanti assaddhiyādīnaṃ paṭipakkhaṃ saddhādīnaṃ okāsattā.
зд̇ааяаад̇и г̇аат̇ааяам̣ иминаа бад̣̇знаад̇и самб̣анд̇хо. саббурисасам̣сзво сад̣̇д̇хаммассаванам̣ яонисоманасигааро д̇хаммаануд̇хаммабадибад̇д̇ийд̇и имзсам̣ сод̇аабад̇д̇имаг̇г̇аад̇хиг̇амасса ан̇г̇аанам̣ аасаннагааран̣ам̣ сад̣̇д̇хинд̣̇рияанд̇и ааха ‘‘сод̇аабад̇д̇ияан̇г̇абад̣̇адтаанам̣ сад̣̇д̇хинд̣̇рияа’’нд̇и. вуд̇д̇ан̃хзд̇ам̣ – ‘‘сад̣̇д̇хааж̇аад̇о убасан̇гамад̇и , убасан̇гаманд̇о баяирубаасад̇и, баяирубаасанд̇о сод̇ам̣ од̣̇ахад̇и, охид̇асод̇о д̇хаммам̣ сун̣аад̇ий’’д̇иаад̣̇и (ма. ни. 2.183, 432). д̣̇идтогхам̣ д̇арад̇и зд̇знаад̇и д̣̇идтогхад̇аран̣ам̣, д̣̇идтогхасса д̇аран̣ам̣. гааман̃жзд̇т̇а ‘‘д̇арад̇и огха’’нд̇и вуд̇д̇ам̣, вад̇д̇амаанасамийбзби бана вад̇д̇амаанам̣ вияа вохаран̣ам̣ яуд̇д̇ам̣ д̣̇идтогхасса д̇ин̣н̣абхаавасса зганд̇игад̇д̇аад̇и ‘‘сод̇аабаннан̃жа багаасзд̇ий’’д̇и вуд̇д̇ам̣. зса наяо сзсзсуби. д̣̇идтивижигижчаад̣̇ибадибад̇д̇анд̇арааяагараанам̣ баабад̇хаммаанам̣ самужчиннад̇д̇аа сод̇аабанно…бз… аббамаад̣̇зна саманнааг̇ад̇о. ‘‘сод̇аабад̇д̇и…бз… д̇арад̇ий’’д̇и зд̇д̇агз вуд̇д̇з сагид̣̇зва имасса логасса ааг̇аманамби г̇ахид̇ам̣ сияаад̇и д̇аннивад̇д̇анад̇т̇ам̣ ‘‘аараад̇хзд̇ваа…бз… авасзса’’нд̇и вуд̇д̇ам̣. нану ‘‘авасзса’’нд̇и вуд̇д̇ад̇д̇аа сод̇аабад̇д̇имаг̇г̇зна ад̇ин̣н̣ам̣ анавасзсам̣ бхавогхавад̇т̇у г̇ахид̇амзва сияаад̇и? на, убари д̣̇вийхи маг̇г̇зхи д̇арид̇аб̣б̣аанам̣ д̇зсам̣ барад̇о д̣̇виннам̣ бахаанавасзна вужжамаанад̇д̇аа. абаваад̣̇ависаяамби барихарад̇и – ‘‘звам̣ зсаа жод̣̇анаа ад̇д̇ано висаяз на бад̇идтаад̇ий’’д̇и. анаад̣̇игаалабхаавад̇д̇аа гаамасан̃н̃ааяа гаамогхад̇аран̣ам̣ махад̇аа зва вийриязна саад̇хзд̇аб̣б̣анд̇и ааха ‘‘вийриязнаа’’д̇и. д̇ад̇ияам̣ маг̇г̇ам̣ аараад̇хзд̇ваа. гаамогхасса вад̇т̇у гаамогхавад̇т̇у, гаамаг̇ун̣зхи сад̣̇д̇хим̣ саб̣б̣о гаамабхаво. гаамогхасан̃н̃ид̇анд̇и гаамогхасан̇каад̇ам̣. гааманадтзна гаамо жа со д̣̇угко жаад̇и гаамад̣̇угкам̣. ассаад̣̇анадтзна гаамо зва сан̃н̃аад̇и гаамасан̃н̃аа, саб̣б̣асо самужчиннад̇д̇аа виг̇ад̇аа гаамасан̃н̃аа зд̇иссаад̇и виг̇ад̇агаамасан̃н̃аа . саб̣б̣зсам̣ рааг̇аад̣̇ималаанам̣ муулабхууд̇ад̇д̇аа сад̇д̇асанд̇аанасса висзсад̇о малийнасабхааваабаад̣̇анад̇о барамам̣ уггам̣саг̇ад̇ам̣ маланд̇и барамамалам̣, авиж̇ж̇аа. д̇знааха бхаг̇аваа – ‘‘авиж̇ж̇аабарамам̣ мала’’нд̇и (д̇ха. ба. 243).
Etāyāti gāthāyaṃ iminā padenāti sambandho. Sappurisasaṃsevo saddhammassavanaṃ yonisomanasikāro dhammānudhammapaṭipattīti imesaṃ sotāpattimaggādhigamassa aṅgānaṃ āsannakāraṇaṃ saddhindriyanti āha ‘‘sotāpattiyaṅgapadaṭṭhānaṃ saddhindriya’’nti. Vuttañhetaṃ – ‘‘saddhājāto upasaṅkamati , upasaṅkamanto payirupāsati, payirupāsanto sotaṃ odahati, ohitasoto dhammaṃ suṇātī’’tiādi (ma. ni. 2.183, 432). Diṭṭhoghaṃ tarati etenāti diṭṭhoghataraṇaṃ, diṭṭhoghassa taraṇaṃ. Kāmañcettha ‘‘tarati ogha’’nti vuttaṃ, vattamānasamīpepi pana vattamānaṃ viya voharaṇaṃ yuttaṃ diṭṭhoghassa tiṇṇabhāvassa ekantikattāti ‘‘sotāpannañca pakāsetī’’ti vuttaṃ. Esa nayo sesesupi. Diṭṭhivicikicchādipaṭipattantarāyakarānaṃ pāpadhammānaṃ samucchinnattā sotāpanno…pe… appamādena samannāgato. ‘‘Sotāpatti…pe… taratī’’ti ettake vutte sakideva imassa lokassa āgamanampi gahitaṃ siyāti tannivattanatthaṃ ‘‘ārādhetvā…pe… avasesa’’nti vuttaṃ. Nanu ‘‘avasesa’’nti vuttattā sotāpattimaggena atiṇṇaṃ anavasesaṃ bhavoghavatthu gahitameva siyāti? Na, upari dvīhi maggehi taritabbānaṃ tesaṃ parato dvinnaṃ pahānavasena vuccamānattā. Apavādavisayampi pariharati – ‘‘evaṃ esā codanā attano visaye na patiṭṭhātī’’ti. Anādikālabhāvattā kāmasaññāya kāmoghataraṇaṃ mahatā eva vīriyena sādhetabbanti āha ‘‘vīriyenā’’ti. Tatiyaṃ maggaṃ ārādhetvā. Kāmoghassa vatthu kāmoghavatthu, kāmaguṇehi saddhiṃ sabbo kāmabhavo. Kāmoghasaññitanti kāmoghasaṅkhātaṃ. Kāmanaṭṭhena kāmo ca so dukkho cāti kāmadukkhaṃ. Assādanaṭṭhena kāmo eva saññāti kāmasaññā, sabbaso samucchinnattā vigatā kāmasaññā etissāti vigatakāmasaññā. Sabbesaṃ rāgādimalānaṃ mūlabhūtattā sattasantānassa visesato malīnasabhāvāpādanato paramaṃ ukkaṃsagataṃ malanti paramamalaṃ, avijjā. Tenāha bhagavā – ‘‘avijjāparamaṃ mala’’nti (dha. pa. 243).
бан̃н̃аабад̣̇ам̣ г̇ахзд̇ваад̇и яат̇аавуд̇д̇ам̣ бан̃н̃аабад̣̇ам̣ хад̣̇аяз табзд̇ваа. д̇аббасан̇г̇зна ад̇д̇ано бадибхаанзна саб̣б̣зхи вияа уг̇г̇ахид̇анияаамзна. саб̣б̣ад̇т̇зваад̇и бан̃жасуби таанзсу. ад̇т̇аяуд̇д̇ибужчаад̇и бан̃н̃аад̣̇иад̇т̇асамад̇хиг̇амасса яуд̇д̇ияаа гааран̣асса бужчаа. д̇знааха ‘‘аяам̣ хий’’д̇иаад̣̇и. бан̃н̃аад̣̇иад̇т̇ам̣ н̃ад̇ваад̇и бан̃н̃аад̇хана-гид̇д̇и-мид̇д̇а-абхисамбарааяасан̇каад̇ам̣ ад̇т̇ам̣ саруубад̇о сажжабадивзд̇ханибпаад̣̇анзна н̃аан̣зна ж̇аанид̇ваа. нану зса логуд̇д̇арам̣ сод̇аабад̇д̇имаг̇г̇апалабан̃н̃ам̣ д̇ад̣̇ад̇хиг̇амуубааяам̣ логияабан̃н̃ан̃жа абхибхавид̇ваа тид̇о, со гасмаа д̇ад̇т̇а ад̇т̇аяуд̇д̇им̣ бужчад̇ийд̇и? сажжамзд̇ам̣, убари бана самаад̇хисса яуд̇д̇им̣ бужчид̇угаамо бан̃н̃ааяа сздтабхаавад̇о, д̇асса жа згад̣̇зсзнзва ад̇хиг̇ад̇ад̇д̇аа д̇амзва аад̣̇им̣ гад̇ваа бужчад̇и. ‘‘гааяа яуд̇д̇ияаа’’д̇иаад̣̇и ад̇т̇аван̣н̣анам̣ ад̇ид̣̇иссад̇и ‘‘зса наяо д̇ханаад̣̇ийсуу’’д̇и. д̇ад̇т̇ааби ад̇т̇аяуд̇д̇ибужчаабхааво бана ‘‘саб̣б̣ад̇т̇зваа’’д̇и иминаа вибхаавид̇од̇и.
Paññāpadaṃ gahetvāti yathāvuttaṃ paññāpadaṃ hadaye ṭhapetvā. Tappasaṅgena attano paṭibhānena sabbehi viya uggahitaniyāmena. Sabbatthevāti pañcasupi ṭhānesu. Atthayuttipucchāti paññādiatthasamadhigamassa yuttiyā kāraṇassa pucchā. Tenāha ‘‘ayaṃ hī’’tiādi. Paññādiatthaṃ ñatvāti paññādhana-kitti-mitta-abhisamparāyasaṅkhātaṃ atthaṃ sarūpato saccapaṭivedhanipphādanena ñāṇena jānitvā. Nanu esa lokuttaraṃ sotāpattimaggaphalapaññaṃ tadadhigamūpāyaṃ lokiyapaññañca abhibhavitvā ṭhito, so kasmā tattha atthayuttiṃ pucchatīti? Saccametaṃ, upari pana samādhissa yuttiṃ pucchitukāmo paññāya seṭṭhabhāvato, tassa ca ekadeseneva adhigatattā tameva ādiṃ katvā pucchati. ‘‘Kāya yuttiyā’’tiādi atthavaṇṇanaṃ atidissati ‘‘esa nayo dhanādīsū’’ti. Tatthāpi atthayuttipucchābhāvo pana ‘‘sabbatthevā’’ti iminā vibhāvitoti.
сад̣̇д̇хаасуссуусаааббамаад̣̇аудтаанасан̇каад̇зхи жад̇уухи гааран̣зхи. гааяасужарид̇аад̣̇ибхзд̣̇зна ааж̇ийвадтамагасийлабхууд̇зна. самат̇авибассанаабхууд̇зна ниббарияааязна б̣од̇хибагкияз зва г̇ан̣ханд̇о ‘‘абарабхааг̇з’’д̇и ааха. барияааяаб̣од̇хибагкияаа бана висзсад̇о вудтаанаг̇ааминивибассанаагаалзби лаб̣бханд̇и. буб̣б̣абхааг̇зд̇и ваа д̇арун̣авибассанаагаалам̣. д̇ад̇о буб̣б̣асаад̇ханан̃жа санд̇хааяа ‘‘абарабхааг̇з’’д̇и бунааха, д̇ад̇о баранд̇и ад̇т̇о. д̇хамманд̇и бадибад̇д̇ид̇хаммам̣. на сад̣̇д̇хаамад̇д̇агзнзва бан̃н̃ам̣ лабхад̇ийд̇и яож̇анаа. яад̣̇и звам̣ гасмаа ‘‘сад̣̇д̣̇ахаано’’д̇и вуд̇д̇анд̇и ааха ‘‘яасмаа банаа’’д̇иаад̣̇и. гим̣ вуд̇д̇ам̣ ход̇ийд̇иаад̣̇инаа вуд̇д̇амзва ад̇т̇ам̣ виварад̇и. на гзвалам̣ суссуусаамад̇д̇зна бан̃н̃аабадилаабхо, ат̇а ко аббамаад̣̇зна бан̃н̃ам̣ лабхад̇ийд̇и д̣̇ассзд̇ум̣ баал̣ияам̣ ‘‘аббамад̇д̇о вижагкан̣о’’д̇и вуд̇д̇анд̇и д̇ад̣̇ад̇т̇ам̣ д̣̇ассзнд̇о ‘‘зва’’нд̇иаад̣̇имааха.
Saddhāsussūsāappamādauṭṭhānasaṅkhātehi catūhi kāraṇehi. Kāyasucaritādibhedena ājīvaṭṭhamakasīlabhūtena. Samathavipassanābhūtena nippariyāyena bodhipakkhiye eva gaṇhanto ‘‘aparabhāge’’ti āha. Pariyāyabodhipakkhiyā pana visesato vuṭṭhānagāminivipassanākālepi labbhanti. Pubbabhāgeti vā taruṇavipassanākālaṃ. Tato pubbasādhanañca sandhāya ‘‘aparabhāge’’ti punāha, tato paranti attho. Dhammanti paṭipattidhammaṃ. Na saddhāmattakeneva paññaṃ labhatīti yojanā. Yadi evaṃ kasmā ‘‘saddahāno’’ti vuttanti āha ‘‘yasmā panā’’tiādi. Kiṃ vuttaṃ hotītiādinā vuttameva atthaṃ vivarati. Na kevalaṃ sussūsāmattena paññāpaṭilābho, atha kho appamādena paññaṃ labhatīti dassetuṃ pāḷiyaṃ ‘‘appamatto vicakkhaṇo’’ti vuttanti tadatthaṃ dassento ‘‘eva’’ntiādimāha.
ид̣̇аани сад̣̇д̇хаад̣̇ийнам̣ бан̃н̃аабадилаабхасса д̇ам̣д̇ам̣висзсабажжаяаани нийхарид̇ваа д̣̇ассзд̇ум̣ ‘‘зва’’нд̇и вуд̇д̇ам̣. суссуусааяаад̇и сод̇угаамад̇ааяа. саа ад̇т̇ад̇о убасан̇гаманаад̣̇и. бан̃н̃аад̇хиг̇амуубааяанд̇и барияад̇д̇ид̇хаммамааха. д̇знааха ‘‘сун̣аад̇ий’’д̇и. г̇ахид̇ам̣ на бамуссад̇и, сад̇иавиббаваасалагкан̣о хи аббамаад̣̇од̇и. на гзвалам̣ яаат̇аавад̇о г̇ахан̣агосалламзва вижагкан̣ад̇аа, ат̇а ко яаат̇аавад̇о бан̃н̃аасамбавзд̇ханан̃жаад̇и ааха ‘‘вид̇т̇ааригам̣ гарод̇ий’’д̇и. ид̣̇аани бан̃н̃аабадилаабхахзд̇ум̣ мад̇т̇агам̣ баабзд̇ваа д̣̇ассзд̇ум̣ ‘‘суссуусааяа ваа’’д̇иаад̣̇и вуд̇д̇ам̣. ад̇т̇амубабаригкад̇ийд̇и суд̇агад̇аанам̣ д̇хаммаанам̣ баал̣иад̇т̇уубабаригкаабуб̣б̣агам̣ руубааруубавибхааг̇ам̣ барамад̇т̇ам̣ салагкан̣ад̇о сааман̃н̃алагкан̣ад̇о жа убабаригкад̇и виймам̣сад̇и. анубуб̣б̣знаад̇и звам̣ н̃аад̇абарин̃н̃ам̣ бад̇ваа д̇ийран̣абарин̃н̃ааяа д̇ад̇о ануггамзна д̇ийран̣абарин̃н̃ам̣ бахаанабарин̃н̃ан̃жа мад̇т̇агам̣ баабзнд̇о маг̇г̇аббадибаадияаа барамад̇т̇асажжабхууд̇ам̣ ниб̣б̣аанам̣ сажчигарод̇и.
Idāni saddhādīnaṃ paññāpaṭilābhassa taṃtaṃvisesapaccayāni nīharitvā dassetuṃ ‘‘eva’’nti vuttaṃ. Sussūsāyāti sotukāmatāya. Sā atthato upasaṅkamanādi. Paññādhigamūpāyanti pariyattidhammamāha. Tenāha ‘‘suṇātī’’ti. Gahitaṃ na pamussati, satiavippavāsalakkhaṇo hi appamādoti. Na kevalaṃ yāthāvato gahaṇakosallameva vicakkhaṇatā, atha kho yāthāvato paññāsampavedhanañcāti āha ‘‘vitthārikaṃ karotī’’ti. Idāni paññāpaṭilābhahetuṃ matthakaṃ pāpetvā dassetuṃ ‘‘sussūsāya vā’’tiādi vuttaṃ. Atthamupaparikkhatīti sutakatānaṃ dhammānaṃ pāḷiatthūpaparikkhāpubbakaṃ rūpārūpavibhāgaṃ paramatthaṃ salakkhaṇato sāmaññalakkhaṇato ca upaparikkhati vīmaṃsati. Anupubbenāti evaṃ ñātapariññaṃ patvā tīraṇapariññāya tato anukkamena tīraṇapariññaṃ pahānapariññañca matthakaṃ pāpento maggappaṭipāṭiyā paramatthasaccabhūtaṃ nibbānaṃ sacchikaroti.
имаани сад̣̇д̇хаад̣̇ийни жад̇д̇аари гааран̣аани мад̇т̇агам̣ баабзд̇ваа д̣̇ассзнд̇о ааха ‘‘д̣̇зсагаалаад̣̇ийни ахаабзд̇ваа’’д̇и. яасмим̣ д̣̇зсз яасмим̣ гаалз яз жа сахааяагз ниссааяа яам̣ гижжам̣ д̇ирзд̇аб̣б̣ам̣, д̇аани д̣̇зсагаалаад̣̇ийни анад̇иггамид̇ваа ад̇д̇ано абхивуд̣дхим̣ ижчанд̇зна ‘‘аяам̣ наама д̣̇зсо, яад̇т̇аахам̣ зд̇арахи васаами, аяам̣ гаало, имз мид̇д̇аа, имз амид̇д̇аа, имз ааяаваяаа, ахан̃жа зд̣̇исо ж̇аад̇и-гула-бад̣̇зса-б̣алабхог̇а-бариваараад̣̇ийхи, д̇ам̣ гижжам̣ ид̣̇аани аарад̣̇д̇хаб̣б̣ам̣, ид̣̇аани наарад̣̇д̇хаб̣б̣а’’нд̇и саб̣б̣ам̣ убабаригкид̇ваа бадибаж̇ж̇ид̇аб̣б̣ам̣. звам̣ бадибаж̇ж̇анд̇о хи логияасса д̇ханасса бадируубаад̇хиг̇амуубааяам̣ гарод̇и наама. логуд̇д̇арасса бана сийлависод̇ханаад̣̇ивасзна взд̣̇ид̇аб̣б̣ам̣. вахид̇аб̣б̣абхаавзна д̇хуро вияаад̇и д̇хуро, бхааро. ид̇ха бана д̇хурасамбаг̇г̇ахо уд̇д̇арабад̣̇алобзна д̇хуро, вийрияам̣. со саад̇исаяо зд̇асса ад̇т̇ийд̇и д̇хураваа. ‘‘удтаад̇аа’’д̇и бад̣̇зна гааяигавийрияасса вагкамаанад̇д̇аа ‘‘жзд̇асигавийрияавасзнаа’’д̇и висзсид̇ам̣. анигкид̇д̇ад̇хуро д̇хораяхабхаавад̇о. д̇ин̣аа бхияяо на ман̃н̃ад̇ийд̇и д̇ин̣ам̣ вияа барибхаванд̇о ад̇ибхуяяа вад̇д̇ад̇ийд̇и ад̇т̇о. аад̣̇инаа наязнаад̇и зд̇т̇а аад̣̇и-сад̣̇д̣̇зна –
Imāni saddhādīni cattāri kāraṇāni matthakaṃ pāpetvā dassento āha ‘‘desakālādīni ahāpetvā’’ti. Yasmiṃ dese yasmiṃ kāle ye ca sahāyake nissāya yaṃ kiccaṃ tiretabbaṃ, tāni desakālādīni anatikkamitvā attano abhivuḍḍhiṃ icchantena ‘‘ayaṃ nāma deso, yatthāhaṃ etarahi vasāmi, ayaṃ kālo, ime mittā, ime amittā, ime āyavayā, ahañca ediso jāti-kula-padesa-balabhoga-parivārādīhi, taṃ kiccaṃ idāni āraddhabbaṃ, idāni nāraddhabba’’nti sabbaṃ upaparikkhitvā paṭipajjitabbaṃ. Evaṃ paṭipajjanto hi lokiyassa dhanassa paṭirūpādhigamūpāyaṃ karoti nāma. Lokuttarassa pana sīlavisodhanādivasena veditabbaṃ. Vahitabbabhāvena dhuro viyāti dhuro, bhāro. Idha pana dhurasampaggaho uttarapadalopena dhuro, vīriyaṃ. So sātisayo etassa atthīti dhuravā. ‘‘Uṭṭhātā’’ti padena kāyikavīriyassa vakkhamānattā ‘‘cetasikavīriyavasenā’’ti visesitaṃ. Anikkhittadhuro dhorayhabhāvato. Tiṇā bhiyyo na maññatīti tiṇaṃ viya paribhavanto atibhuyya vattatīti attho. Ādinā nayenāti ettha ādi-saddena –
‘‘гарам̣ бурисагижжаани, со сукаа на вихааяад̇и; (д̣̇ий. ни. 3.253);
‘‘Karaṃ purisakiccāni, so sukhā na vihāyati; (Dī. ni. 3.253);
‘‘на д̣̇иваа соббасийлзна, рад̇д̇имудтаанад̣̇зссинаа;
‘‘Na divā soppasīlena, rattimuṭṭhānadessinā;
нижжам̣ мад̇д̇зна сон̣д̣зна, саггаа аавасид̇ум̣ гхара’’нд̇и жа. (д̣̇ий. ни. 3.253); –
Niccaṃ mattena soṇḍena, sakkā āvasituṃ ghara’’nti ca. (dī. ni. 3.253); –
звамаад̣̇ийнам̣ сан̇г̇ахо. асит̇илабараггамо аналасабхаавад̇о. згамуусигааяаад̇и згааяа мад̇амуусигааяа. нажирассзваад̇и жад̇умаасаб̣бханд̇арзязва. жад̇усад̇асахассасан̇кам̣ жуул̣анд̇зваасий вияаад̇и гааган̣игад̣дхагахаабан̣а-сол̣аса-гахаабан̣а-жад̇увийсад̇и-гахаабан̣а-сад̇ахаран̣аггамзна д̣̇вз сад̇асахассаани, жуул̣агамахаасздтино д̇хийд̇улаабхавасзна д̣̇вз сад̇асахассаанийд̇и звам̣ жад̇усад̇асахассасан̇кам̣ д̇ханам̣ згамуулзна яат̇аа жуул̣анд̇зваасий винд̣̇и, звам̣ ан̃н̃оби бад̇ируубагаарий д̇хураваа удтаад̇аа винд̣̇ад̇з д̇ханам̣. аяан̃жа ад̇т̇о жуул̣агасздтиж̇аад̇агзна д̣̇ийбзд̇аб̣б̣о. вуд̇д̇ан̃хзд̇ам̣ –
Evamādīnaṃ saṅgaho. Asithilaparakkamo analasabhāvato. Ekamūsikāyāti ekāya matamūsikāya. Nacirassevāti catumāsabbhantareyeva. Catusatasahassasaṅkhaṃ cūḷantevāsī viyāti kākaṇikaḍḍhakahāpaṇa-soḷasa-kahāpaṇa-catuvīsati-kahāpaṇa-sataharaṇakkamena dve satasahassāni, cūḷakamahāseṭṭhino dhītulābhavasena dve satasahassānīti evaṃ catusatasahassasaṅkhaṃ dhanaṃ ekamūlena yathā cūḷantevāsī vindi, evaṃ aññopi patirūpakārī dhuravā uṭṭhātā vindate dhanaṃ. Ayañca attho cūḷakaseṭṭhijātakena dīpetabbo. Vuttañhetaṃ –
‘‘аббагзнаби мзд̇хаавий, баабхад̇зна вижагкан̣о;
‘‘Appakenapi medhāvī, pābhatena vicakkhaṇo;
самудтаабзд̇и ад̇д̇аанам̣, ан̣ум̣ аг̇г̇им̣ва санд̇хама’’нд̇и. (ж̇аа. 1.1.4);
Samuṭṭhāpeti attānaṃ, aṇuṃ aggiṃva sandhama’’nti. (jā. 1.1.4);
вад̇д̇ам̣ гад̇ваад̇и ад̇хидтаанавад̇д̇ам̣ гад̇ваа. ‘‘сажжаваад̣̇ий бхууд̇аваад̣̇ий’’д̇и гид̇д̇им̣ баббод̇ийд̇и яож̇анаа. ижчид̇абад̇т̇ид̇анд̇и язхи мид̇д̇ам̣ ижчад̇и, д̇зхи ид̇арам̣ бад̇т̇ид̇ам̣. мид̇д̇аани г̇ант̇ад̇ийд̇и мид̇д̇абхаавам̣ гхадзд̇и. д̣̇аанасса бияабхаавагаран̣ад̇о ‘‘д̣̇ад̣̇ам̣ бияо ход̇ий’’д̇и вуд̇д̇ам̣. яам̣ д̣̇аанам̣ зганд̇ад̇о мид̇д̇абхааваавахам̣, д̇ам̣ д̣̇ассзнд̇о ‘‘д̣̇уд̣̇д̣̇ад̣̇ам̣ ваа д̣̇ад̣̇ам̣ д̇ам̣ г̇ант̇ад̇ий’’д̇и ааха. д̣̇ад̣̇анд̇и жа лагкан̣аважанамзд̇анд̇и ааха ‘‘д̣̇аанамукзна ваа’’д̇иаад̣̇и.
Vattaṃ katvāti adhiṭṭhānavattaṃ katvā. ‘‘Saccavādī bhūtavādī’’ti kittiṃ pappotīti yojanā. Icchitapatthitanti yehi mittaṃ icchati, tehi itaraṃ patthitaṃ. Mittāni ganthatīti mittabhāvaṃ ghaṭeti. Dānassa piyabhāvakaraṇato ‘‘dadaṃ piyo hotī’’ti vuttaṃ. Yaṃ dānaṃ ekantato mittabhāvāvahaṃ, taṃ dassento ‘‘duddadaṃ vā dadaṃ taṃ ganthatī’’ti āha. Dadanti ca lakkhaṇavacanametanti āha ‘‘dānamukhena vā’’tiādi.
аал̣авагасса аж̇жхаасаяаануруубам̣ г̇ахадтавасзна виссаж̇ж̇знд̇о. сад̣̇д̇хаа зд̇асса ад̇т̇ийд̇и сад̣̇д̇хо, д̇асса сад̣̇д̇хасса. гхарамзсинод̇и гхарааваасасан̇каад̇ам̣ гхарам̣ зсанд̇асса. гхарааваасасанниссид̇ад̇д̇аа ‘‘гхара’’нд̇и гаамаг̇ун̣аа вужжанд̇ийд̇и ааха ‘‘бан̃жа гаамаг̇ун̣з’’д̇и. ‘‘зд̇з жад̇уро д̇хаммаа’’д̇иаад̣̇инаа г̇ахид̇аа ананд̇араг̇аат̇ааяа вуд̇д̇ад̇хаммаа зваад̇и д̣̇ассзнд̇о ‘‘вуд̇д̇аббагаарам̣ сажжа’’нд̇иаад̣̇имааха. д̇ад̇т̇а ‘‘имз гусалаа, имз агусалаа’’д̇иаад̣̇инаа д̇з ад̇т̇з яаат̇аавад̇о д̇хааран̣ад̇о убад̇хааран̣ад̇о д̇хаммо. сан̃н̃аа жид̇д̇ажзд̇асигаанам̣ д̇хааран̣ам̣, авижчзд̣̇ад̇о санд̇хааран̣ад̇о гусаласанд̇аанам̣ д̇хаарзд̇ийд̇и д̇хид̇и, вийрияам̣. жаж̇ад̇и зд̇знаад̇и жааг̇о, д̣̇аанам̣. бажжаяавзгаллад̇о палуббаад̣̇анасамад̇т̇ад̇аавасзна санд̇и.
Āḷavakassa ajjhāsayānurūpaṃ gahaṭṭhavasena vissajjento. Saddhā etassa atthīti saddho, tassa saddhassa. Gharamesinoti gharāvāsasaṅkhātaṃ gharaṃ esantassa. Gharāvāsasannissitattā ‘‘ghara’’nti kāmaguṇā vuccantīti āha ‘‘pañca kāmaguṇe’’ti. ‘‘Ete caturo dhammā’’tiādinā gahitā anantaragāthāya vuttadhammā evāti dassento ‘‘vuttappakāraṃ sacca’’ntiādimāha. Tattha ‘‘ime kusalā, ime akusalā’’tiādinā te atthe yāthāvato dhāraṇato upadhāraṇato dhammo. Saññā cittacetasikānaṃ dhāraṇaṃ, avicchedato sandhāraṇato kusalasantānaṃ dhāretīti dhiti, vīriyaṃ. Cajati etenāti cāgo, dānaṃ. Paccayavekallato phaluppādanasamatthatāvasena santi.
ан̃н̃збийд̇и ид̇о яат̇аавуд̇д̇ад̇хаммасамуд̣̇ааяад̇о ан̃н̃зби д̇хаммаа яад̣̇и санд̇и, д̇з д̇хаммз бужчассууд̇и. гилзсз, гааяаваажаад̣̇игз ваа д̣̇амзд̇ийд̇и д̣̇амо , бан̃н̃аа. удтахад̇и уссахад̇и зд̇знаад̇и удтаанам̣, вийрияам̣. зд̇т̇аад̇и зд̇иссаа бужчааяа. сад̣̇д̇хинд̇и сан̇кзбад̇о бхаавад̇т̇абад̣̇аанам̣ б̣анд̇ханзна саха. згамзгам̣ бад̣̇анд̇и бан̃н̃аад̣̇игамзгзгам̣ бад̣̇ам̣. ‘‘бан̃н̃аа имасмим̣ таанз бан̃н̃аад̇и д̇хаммод̇и жа ааг̇ад̇аа’’д̇иаад̣̇инаа бан̃н̃аад̣̇иад̇т̇асса уд̣̇д̇харан̣ам̣ ад̇т̇уд̣̇д̇хааро. д̇асса д̇асса ад̇т̇асса ‘‘бан̃н̃аа баж̇аананаа’’д̇иаад̣̇инаа (д̇ха. са. 16) взважанабад̣̇аанам̣ уд̣̇д̇харан̣ам̣ бад̣̇уд̣̇д̇хааро. баж̇аанаад̇ийд̇и бан̃н̃аа, д̇хаарзд̇ийд̇и д̇хаммо, д̣̇амзд̇ийд̇и д̣̇амод̇и звам̣ бад̣̇асса гат̇анам̣ бад̣̇аван̣н̣анаа.
Aññepīti ito yathāvuttadhammasamudāyato aññepi dhammā yadi santi, te dhamme pucchassūti. Kilese, kāyavācādike vā dametīti damo, paññā. Uṭṭhahati ussahati etenāti uṭṭhānaṃ, vīriyaṃ. Etthāti etissā pucchāya. Saddhinti saṅkhepato bhāvatthapadānaṃ bandhanena saha. Ekamekaṃ padanti paññādikamekekaṃ padaṃ. ‘‘Paññā imasmiṃ ṭhāne paññāti dhammoti ca āgatā’’tiādinā paññādiatthassa uddharaṇaṃ atthuddhāro. Tassa tassa atthassa ‘‘paññā pajānanā’’tiādinā (dha. sa. 16) vevacanapadānaṃ uddharaṇaṃ paduddhāro. Pajānātīti paññā, dhāretīti dhammo, dametīti damoti evaṃ padassa kathanaṃ padavaṇṇanā.
аж̇ж̇аад̇и ваа зд̇арахи. яат̇аавуд̇д̇зна багаарзнаад̇и ‘‘сад̣̇д̣̇ахаано арахад̇а’’нд̇иаад̣̇инаа вуд̇д̇аббагаарзна. сажжасамбадивзд̇хааваг̇ахан̣ам̣ ваа яат̇аавуд̇д̇зна багаарзна д̣̇идтасажжад̇ааяа ид̇халогабаралогад̇т̇ам̣ яаат̇аавад̇о ж̇аананд̇о. зван̃жа яагко сад̇т̇у д̣̇зсанаанубхаавасид̣̇д̇хам̣ бан̃хам̣ бужчанзна ад̇д̇ано бадилаабхасамбад̇д̇им̣ вибхаавзнд̇о ‘‘гат̇ам̣су лабхад̇з бан̃н̃а’’нд̇иаад̣̇имаахаад̇и аажарияаа. самбарааяигод̇и зд̇т̇а жа-сад̣̇д̣̇о луд̇д̇анид̣̇д̣̇идто, д̇зна ‘‘д̣̇идтад̇хаммиго жаа’’д̇и аяамад̇т̇о вуд̇д̇о зваад̇и д̣̇ассзнд̇о ‘‘яо ад̇т̇о…бз… д̣̇ассзд̇ий’’д̇и ааха. арийяад̇и палам̣ зд̇асмаад̇и ад̇т̇о, гааран̣ам̣. вижагкан̣з сабаяож̇анад̇ааяа.
Ajjāti vā etarahi. Yathāvuttena pakārenāti ‘‘saddahāno arahata’’ntiādinā vuttappakārena. Saccasampaṭivedhāvagahaṇaṃ vā yathāvuttena pakārena diṭṭhasaccatāya idhalokaparalokatthaṃ yāthāvato jānanto. Evañca yakkho satthu desanānubhāvasiddhaṃ pañhaṃ pucchanena attano paṭilābhasampattiṃ vibhāvento ‘‘kathaṃsu labhate pañña’’ntiādimāhāti ācariyā. Samparāyikoti ettha ca-saddo luttaniddiṭṭho, tena ‘‘diṭṭhadhammiko cā’’ti ayamattho vutto evāti dassento ‘‘yo attho…pe… dassetī’’ti āha. Arīyati phalaṃ etasmāti attho, kāraṇaṃ. Vicakkhaṇe sapayojanatāya.
д̇асса н̃аан̣ассаад̇и д̇асса ад̇т̇асса аавибхааванасса н̃аан̣асса. г̇ун̣ависзсзхи жа сад̣̇исассаби ан̃н̃асса абхаавад̇о аг̇г̇ад̣̇агкин̣зяяо б̣уд̣̇д̇хо бхаг̇аваа. д̇знааха –
Tassa ñāṇassāti tassa atthassa āvibhāvanassa ñāṇassa. Guṇavisesehi ca sadisassapi aññassa abhāvato aggadakkhiṇeyyo buddho bhagavā. Tenāha –
‘‘наяимасмим̣ логз барасмим̣ ваа бана,
‘‘Nayimasmiṃ loke parasmiṃ vā pana,
б̣уд̣̇д̇хзна сздтова самова виж̇ж̇ад̇и;
Buddhena seṭṭhova samova vijjati;
аахунзяяаанам̣ барамаахуд̇им̣ г̇ад̇о,
Āhuneyyānaṃ paramāhutiṃ gato,
бун̃н̃ад̇т̇игаанам̣ вибулапалзсина’’нд̇и. (ви. ва. 1047);
Puññatthikānaṃ vipulaphalesina’’nti. (vi. va. 1047);
сахид̇абадибад̇д̇инд̇и бан̃н̃аасан̇г̇аахигам̣ ад̇д̇ано бадибад̇д̇им̣. сунд̣̇араа б̣од̇хи суб̣од̇хи, б̣уд̣̇д̇хасса суб̣од̇хи б̣уд̣̇д̇хасуб̣од̇хи, саа зва б̣уд̣̇д̇хасуб̣од̇хид̇аа. д̇хаммассаванад̇т̇ам̣ саннибад̇ид̇ад̣̇звад̇аахи сан̇гхудтасаад̇хугаарасад̣̇д̣̇удтаанан̃жа.
Sahitapaṭipattinti paññāsaṅgāhikaṃ attano paṭipattiṃ. Sundarā bodhi subodhi, buddhassa subodhi buddhasubodhi, sā eva buddhasubodhitā. Dhammassavanatthaṃ sannipatitadevatāhi saṅghuṭṭhasādhukārasadduṭṭhānañca.
сад̇абун̃н̃алагкан̣анд̇и сад̇асахассагаббз бун̃н̃асамбхаарасса гад̇ад̇д̇аа д̇зсам̣ бун̃н̃аанам̣ васзна сад̇абун̃н̃алагкан̣ам̣ анзгабун̃н̃аниб̣б̣ад̇д̇алагкан̣ам̣. абхинанд̣̇ияад̇ааяа саб̣б̣зхи ан̇г̇зхи самубзд̇ам̣ саманнааг̇ад̇ам̣. гад̇абун̃н̃абхаавам̣ б̣яан̃ж̇знд̇ийд̇и б̣яан̃ж̇анаани , ан̇г̇абажжан̇г̇аани. д̇зсам̣ барибун̣н̣ад̇д̇аа барибун̣н̣аб̣яан̃ж̇анам̣. д̇ам̣ яагко…бз… буурзсийд̇и г̇аат̇аабууран̣ад̇т̇амзва хи бхаг̇аваа д̇ат̇ааруубаани агааси. аб̣яаад̇хид̇аад̇и арог̇аа. ‘‘аб̣яат̇ид̇аа’’д̇и гзжи батанд̇и, саяасанд̇аасарахид̇аад̇и ад̇т̇о.
Satapuññalakkhaṇanti satasahassakappe puññasambhārassa katattā tesaṃ puññānaṃ vasena satapuññalakkhaṇaṃ anekapuññanibbattalakkhaṇaṃ. Abhinandiyatāya sabbehi aṅgehi samupetaṃ samannāgataṃ. Katapuññabhāvaṃ byañjentīti byañjanāni , aṅgapaccaṅgāni. Tesaṃ paripuṇṇattā paripuṇṇabyañjanaṃ. Taṃ yakkho…pe… pūresīti gāthāpūraṇatthameva hi bhagavā tathārūpāni akāsi. Abyādhitāti arogā. ‘‘Abyathitā’’ti keci paṭhanti, sayasantāsarahitāti attho.
‘‘хад̇т̇аяо’’д̇и вад̇д̇аб̣б̣з ‘‘хад̇т̇аго’’д̇и вуд̇д̇ам̣. аал̣авинаг̇аранд̇и аал̣авинаг̇араваасино вад̣̇ад̇и. бхавад̇и хи д̇ад̇радтад̇ааяа д̇ам̣-сад̣̇д̣̇о яат̇аа ‘‘г̇аамо ааг̇ад̇о, ман̃жаа уггудтим̣ гаронд̇ий’’д̇и. згаголаахалзна вад̇д̇амаанзна.
‘‘Hatthayo’’ti vattabbe ‘‘hatthako’’ti vuttaṃ. Āḷavinagaranti āḷavinagaravāsino vadati. Bhavati hi tatraṭṭhatāya taṃ-saddo yathā ‘‘gāmo āgato, mañcā ukkuṭṭhiṃ karontī’’ti. Ekakolāhalena vattamānena.
самбин̣д̣ид̇ваад̇и саннибад̇ид̇ваа. гаамам̣ самбхааро д̇зна гад̇од̇и над̇т̇и, яуд̣̇д̇хад̇т̇ам̣ бана б̣ахусо уссаахасса гад̇ад̇д̇аа ‘‘яуд̣̇д̇хамаад̣̇им̣ гад̇ваа’’д̇и вуд̇д̇ам̣. д̇амзва аал̣авагасуд̇д̇ам̣ гат̇зси д̇ассаа зва д̣̇зсанааяа саннибад̇ид̇абарисааяа саббааяад̇д̇аа. д̇знааха ‘‘гат̇аабари…бз… ахосий’’д̇и. жад̇уухи вад̇т̇уухийд̇и жад̇уухи сан̇г̇ахавад̇т̇уухи. барисанд̇и ад̇д̇ано барисам̣. ‘‘ид̇аран̃жаа’’д̇иби вад̣̇анд̇и.
Sampiṇḍitvāti sannipatitvā. Kāmaṃ sambhāro tena katoti natthi, yuddhatthaṃ pana bahuso ussāhassa katattā ‘‘yuddhamādiṃ katvā’’ti vuttaṃ. Tameva āḷavakasuttaṃ kathesi tassā eva desanāya sannipatitaparisāya sappāyattā. Tenāha ‘‘kathāpari…pe… ahosī’’ti. Catūhi vatthūhīti catūhi saṅgahavatthūhi. Parisanti attano parisaṃ. ‘‘Itarañcā’’tipi vadanti.
аал̣авагасуд̇д̇аван̣н̣анаа нидтид̇аа.
Āḷavakasuttavaṇṇanā niṭṭhitā.
саарад̇т̇аббагаасинияаа сам̣яуд̇д̇анигааяа-адтагат̇ааяа
Sāratthappakāsiniyā saṃyuttanikāya-aṭṭhakathāya
яагкасам̣яуд̇д̇аван̣н̣анааяа лийнад̇т̇аббагаасанаа самад̇д̇аа.
Yakkhasaṃyuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 12. аал̣авагасуд̇д̇ам̣ • 12. Āḷavakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 12. аал̣авагасуд̇д̇аван̣н̣анаа • 12. Āḷavakasuttavaṇṇanā
