| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. பி⁴க்கு²னீஸங்யுத்தங்
5. Bhikkhunīsaṃyuttaṃ
1. ஆளவிகாஸுத்தவண்ணனா
1. Āḷavikāsuttavaṇṇanā
162. பி⁴க்கு²னீஸங்யுத்தஸ்ஸ பட²மே ஆளவிகாதி ஆளவியங் ஜாதா ஆளவினக³ரதோயேவ ச நிக்க²ம்ம பப்³ப³ஜிதா. அந்த⁴வனந்தி கஸ்ஸபஸம்மாஸம்பு³த்³த⁴ஸ்ஸ சேதியே நவகம்மத்தா²ய த⁴னங் ஸமாத³பெத்வா ஆக³ச்ச²ந்தஸ்ஸ யஸோத⁴ரஸ்ஸ நாம த⁴ம்மபா⁴ணகஸ்ஸ அரியபுக்³க³லஸ்ஸ அக்கீ²னி உப்பாடெத்வா தத்தே²வ அக்கி²பே⁴த³ப்பத்தேஹி பஞ்சஹி சோரஸதேஹி நிவுத்த²த்தா ததோ பட்டா²ய ‘‘அந்த⁴வன’’ந்தி ஸங்க²ங் க³தங் வனங். தங் கிர ஸாவத்தி²தோ த³க்கி²ணபஸ்ஸே கா³வுதமத்தே ஹோதி ராஜாரக்கா²ய கு³த்தங். தத்த² பவிவேககாமா பி⁴க்கூ² ச பி⁴க்கு²னியோ ச க³ச்ச²ந்தி. தஸ்மா அயம்பி காயவிவேகத்தி²னீ யேன தங் வனங், தேனுபஸங்கமி. நிஸ்ஸரணந்தி நிப்³பா³னங். பஞ்ஞாயாதி பச்சவெக்க²ணஞாணேன. ந த்வங் ஜானாஸி தங் பத³ந்தி த்வங் ஏதங் நிப்³பா³னபத³ங் வா நிப்³பா³னகா³மிமக்³க³பத³ங் வா ந ஜானாஸி. ஸத்திஸூலூபமாதி வினிவிஜ்ஜ²னத்தே²ன ஸத்திஸூலஸதி³ஸா. க²ந்தா⁴ஸங் அதி⁴குட்டனாதி க²ந்தா⁴ தேஸங் அதி⁴குட்டனப⁴ண்டி³கா. பட²மங்.
162. Bhikkhunīsaṃyuttassa paṭhame āḷavikāti āḷaviyaṃ jātā āḷavinagaratoyeva ca nikkhamma pabbajitā. Andhavananti kassapasammāsambuddhassa cetiye navakammatthāya dhanaṃ samādapetvā āgacchantassa yasodharassa nāma dhammabhāṇakassa ariyapuggalassa akkhīni uppāṭetvā tattheva akkhibhedappattehi pañcahi corasatehi nivutthattā tato paṭṭhāya ‘‘andhavana’’nti saṅkhaṃ gataṃ vanaṃ. Taṃ kira sāvatthito dakkhiṇapasse gāvutamatte hoti rājārakkhāya guttaṃ. Tattha pavivekakāmā bhikkhū ca bhikkhuniyo ca gacchanti. Tasmā ayampi kāyavivekatthinī yena taṃ vanaṃ, tenupasaṅkami. Nissaraṇanti nibbānaṃ. Paññāyāti paccavekkhaṇañāṇena. Na tvaṃ jānāsi taṃ padanti tvaṃ etaṃ nibbānapadaṃ vā nibbānagāmimaggapadaṃ vā na jānāsi. Sattisūlūpamāti vinivijjhanatthena sattisūlasadisā. Khandhāsaṃ adhikuṭṭanāti khandhā tesaṃ adhikuṭṭanabhaṇḍikā. Paṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஆளவிகாஸுத்தங் • 1. Āḷavikāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. ஆளவிகாஸுத்தவண்ணனா • 1. Āḷavikāsuttavaṇṇanā
