| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਭਿਕ੍ਖੁਨੀਸਂਯੁਤ੍ਤਂ
5. Bhikkhunīsaṃyuttaṃ
੧. ਆਲ਼વਿਕਾਸੁਤ੍ਤવਣ੍ਣਨਾ
1. Āḷavikāsuttavaṇṇanā
੧੬੨. ਆਲ਼વਿਯਂ ਜਾਤਾਤਿ ਆਲ਼વਿਯਂ વਿਜਾਯਿਤ੍વਾ ਸਂવਡ੍ਢਮਾਨਾ। ਤੇਨਾਹ ‘‘ਆਲ਼વਿਨਗਰਤੋਯੇવ ਚ ਨਿਕ੍ਖਮ੍ਮ ਪਬ੍ਬਜਿਤਾ’’ਤਿ। ਧਨਂ ਸਮਾਦਪੇਤ੍વਾਤਿ ਚੇਤਿਯਸ੍ਸ ਰਾਜਾ ਏਕਂ ਮੁਖਂ, ਰਾਜਪੁਤ੍ਤੋ ਏਕਂ, ਅਮਚ੍ਚਾਨਂ ਜੇਟ੍ਠਕੋ ਹੁਤ੍વਾ ਸੇਨਾਪਤਿ ਏਕਂ, ਜਨਪਦਾਨਂ ਜੇਟ੍ਠਕੋ ਹੁਤ੍વਾ ਸੇਟ੍ਠਿ ਏਕਨ੍ਤਿ ਏવਂ ਚਤੂਸੁ ਮੁਖੇਸੁ ਨવਕਮ੍ਮੇ ਕਯਿਰਮਾਨੇ ਸੇਟ੍ਠਿਨਾ ਗਹਿਤਮੁਖੇ ਕਮ੍ਮੇ ਓਲੀਯਮਾਨੇ ਏਕੋ ਉਪਾਸਕੋ ਅਰਿਯਸਾવਕੋ ਪਞ੍ਚ ਸਕਟਸਤਾਨਿ ਯੋਜਾਪੇਤ੍વਾ ਜਨਪਦਂ ਗਨ੍ਤ੍વਾ ‘‘ਯੋ ਯਂ ਦਾਤੁਂ ਉਸ੍ਸਹਤਿ ਹਿਰਞ੍ਞਂ વਾ ਸੁવਣ੍ਣਂ વਾ ਸਤ੍ਤવਿਧਰਤਨਂ વਾ ਹਰਿਤਾਲਂ વਾ ਮਨੋਸਿਲਂ વਾ, ਸੋ ਧਨਂ ਦੇਤੂ’’ਤਿ ਸਮਾਦਪੇਤ੍વਾ ਯਥਾਲਦ੍ਧਂ ਪਠਮਂ ਕਮ੍ਮਟ੍ਠਾਨਂ ਪੇਸੇਤ੍વਾ ‘‘ਨવਕਮ੍ਮਂ ਨਿਟ੍ਠਿਤ’’ਨ੍ਤਿ ਸੁਤ੍વਾ ਏਕਕਂ ਆਗਚ੍ਛਨ੍ਤਂ ਅਨ੍ਤਰਾਮਗ੍ਗੇ ਚੋਰਾ ਪਲਿਬੁਨ੍ਧਿਤ੍વਾ ਤਤੋ ਕਿਞ੍ਚਿਪਿ ਧਨਂ ਅਲਭਨ੍ਤਾ ‘‘ਸਚੇ ਨਂ ਮੁਞ੍ਚਿਸ੍ਸਾਮ, ਅਨਤ੍ਥਂ ਨੋ ਕਰੇਯ੍ਯਾ’’ਤਿ ਜੀવਿਤਾ વੋਰੋਪੇਸੁਂ। ਅਨਪਰਾਧੇ ਅਰਿਯਸਾવਕੇ ਅਪਰਾਧਕਾ ਤੇ ਚੋਰਾ ਅਨ੍ਧਾ ਜਾਤਾ, ਤਸ੍ਮਾ ਤਂ ਠਾਨਂ ‘‘ਅਨ੍ਧવਨ’’ਨ੍ਤਿ ਪਞ੍ਞਾਯਿਤ੍ਥਾਤਿ ਅਟ੍ਠਕਥਾਯਂ વੁਤ੍ਤਂ। ਖੀਣਾਸવਾਨਂ ਯਸ੍ਮਾ ਯਤ੍ਥ ਕਤ੍ਥਚਿ ਚਿਤ੍ਤવਿવੇਕੋ ਹੋਤਿਯੇવ ਉਪਧਿવਿવੇਕਸ੍ਸ ਸਿਦ੍ਧਤ੍ਤਾ। ਤਸ੍ਮਾ ‘‘ਕਾਯવਿવੇਕਤ੍ਥਿਨੀ’’ਤਿ વੁਤ੍ਤਂ।
162.Āḷaviyaṃjātāti āḷaviyaṃ vijāyitvā saṃvaḍḍhamānā. Tenāha ‘‘āḷavinagaratoyeva ca nikkhamma pabbajitā’’ti. Dhanaṃ samādapetvāti cetiyassa rājā ekaṃ mukhaṃ, rājaputto ekaṃ, amaccānaṃ jeṭṭhako hutvā senāpati ekaṃ, janapadānaṃ jeṭṭhako hutvā seṭṭhi ekanti evaṃ catūsu mukhesu navakamme kayiramāne seṭṭhinā gahitamukhe kamme olīyamāne eko upāsako ariyasāvako pañca sakaṭasatāni yojāpetvā janapadaṃ gantvā ‘‘yo yaṃ dātuṃ ussahati hiraññaṃ vā suvaṇṇaṃ vā sattavidharatanaṃ vā haritālaṃ vā manosilaṃ vā, so dhanaṃ detū’’ti samādapetvā yathāladdhaṃ paṭhamaṃ kammaṭṭhānaṃ pesetvā ‘‘navakammaṃ niṭṭhita’’nti sutvā ekakaṃ āgacchantaṃ antarāmagge corā palibundhitvā tato kiñcipi dhanaṃ alabhantā ‘‘sace naṃ muñcissāma, anatthaṃ no kareyyā’’ti jīvitā voropesuṃ. Anaparādhe ariyasāvake aparādhakā te corā andhā jātā, tasmā taṃ ṭhānaṃ ‘‘andhavana’’nti paññāyitthāti aṭṭhakathāyaṃ vuttaṃ. Khīṇāsavānaṃ yasmā yattha katthaci cittaviveko hotiyeva upadhivivekassa siddhattā. Tasmā ‘‘kāyavivekatthinī’’ti vuttaṃ.
ਨਿਸ੍ਸਰਣਨ੍ਤਿ ਨਿਬ੍ਬਾਨਂ ਸਬ੍ਬਸਙ੍ਖਤਸ੍ਸ ਨਿਸ੍ਸਟਤ੍ਤਾ। ਪਚ੍ਚવੇਕ੍ਖਣਞਾਣੇਨਾਤਿ ਪਚ੍ਚવੇਕ੍ਖਣਞਾਣੇਨ, ਪਗੇવ ਮਗ੍ਗਫਲਞਾਣੇਹੀਤਿ ਅਧਿਪ੍ਪਾਯੋ। ਨਿਬ੍ਬਾਨਪਦਨ੍ਤਿ ਨਿਬ੍ਬਾਨਸਙ੍ਖਾਤਂ ਧਮ੍ਮਕੋਟ੍ਠਾਸਂ। વਿਨਿવਿਜ੍ਝਨਟ੍ਠੇਨਾਤਿ ਹਦਯਂ વਿਨਿવਿਦ੍ਧੇਨ ਹਦਯਮ੍ਹਿ વਿਜ੍ਝਿਤ੍વਾ ਦੁਕ੍ਖੁਪ੍ਪਾਦਨੇਨ ਖਨ੍ਧਾਨਂ ਏਤੇ ਪਞ੍ਚ ਕਾਮਾ ਸਤ੍ਤਿਸੂਲਸਦਿਸਾ। ਅਧਿਕੁਟ੍ਟਨਭਣ੍ਡਿਕਾਤਿ ਆਘਾਤਨਘਟਿਕਾ।
Nissaraṇanti nibbānaṃ sabbasaṅkhatassa nissaṭattā. Paccavekkhaṇañāṇenāti paccavekkhaṇañāṇena, pageva maggaphalañāṇehīti adhippāyo. Nibbānapadanti nibbānasaṅkhātaṃ dhammakoṭṭhāsaṃ. Vinivijjhanaṭṭhenāti hadayaṃ vinividdhena hadayamhi vijjhitvā dukkhuppādanena khandhānaṃ ete pañca kāmā sattisūlasadisā. Adhikuṭṭanabhaṇḍikāti āghātanaghaṭikā.
ਆਲ਼વਿਕਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Āḷavikāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਆਲ਼વਿਕਾਸੁਤ੍ਤਂ • 1. Āḷavikāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਆਲ਼વਿਕਾਸੁਤ੍ਤવਣ੍ਣਨਾ • 1. Āḷavikāsuttavaṇṇanā
