| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
4. аломавимаанаван̣н̣анаа
4. Alomavimānavaṇṇanā
абхигганд̇зна ван̣н̣знаад̇и аломавимаанам̣. д̇асса гаа уббад̇д̇и? бхаг̇аваа б̣аараан̣асияам̣ исибад̇анз миг̇ад̣̇ааяз вихаранд̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа б̣аараан̣асим̣ бин̣д̣ааяа баависи . д̇ад̇т̇згаа аломаа наама д̣̇уг̇г̇ад̇ид̇т̇ий бхаг̇аванд̇ам̣ д̣̇исваа басаннажид̇д̇аа ан̃н̃ам̣ д̣̇аад̇аб̣б̣ам̣ абассанд̇ий ‘‘ийд̣̇исамби бхаг̇авад̇о д̣̇иннам̣ маяхам̣ махабпалам̣ бхависсад̇ий’’д̇и жинд̇зд̇ваа барибхиннаван̣н̣ам̣ алон̣ам̣ сугкагуммаасам̣ убанзси, бхаг̇аваа бадиг̇г̇ахзси. саа д̇ам̣ д̣̇аанам̣ аарамман̣ам̣ гад̇ваа соманассам̣ бавзд̣̇зси, саа абарабхааг̇з гаалам̣ гад̇ваа д̇аавад̇им̣сзсу ниб̣б̣ад̇д̇и. д̇ам̣ ааяасмаа махаамог̇г̇аллаано –
Abhikkantenavaṇṇenāti alomavimānaṃ. Tassa kā uppatti? Bhagavā bārāṇasiyaṃ isipatane migadāye viharanto pubbaṇhasamayaṃ nivāsetvā pattacīvaramādāya bārāṇasiṃ piṇḍāya pāvisi . Tatthekā alomā nāma duggatitthī bhagavantaṃ disvā pasannacittā aññaṃ dātabbaṃ apassantī ‘‘īdisampi bhagavato dinnaṃ mayhaṃ mahapphalaṃ bhavissatī’’ti cintetvā paribhinnavaṇṇaṃ aloṇaṃ sukkhakummāsaṃ upanesi, bhagavā paṭiggahesi. Sā taṃ dānaṃ ārammaṇaṃ katvā somanassaṃ pavedesi, sā aparabhāge kālaṃ katvā tāvatiṃsesu nibbatti. Taṃ āyasmā mahāmoggallāno –
711.
711.
‘‘абхигганд̇зна ван̣н̣зна…бз… ван̣н̣о жа д̇з саб̣б̣ад̣̇исаа бабхаасад̇ий’’д̇и. –
‘‘Abhikkantena vaṇṇena…pe… vaṇṇo ca te sabbadisā pabhāsatī’’ti. –
бужчи. сааби д̇асса б̣яаагааси, д̇ам̣ д̣̇ассзд̇ум̣ –
Pucchi. Sāpi tassa byākāsi, taṃ dassetuṃ –
714.
714.
‘‘саа д̣̇звад̇аа ад̇д̇аманаа…бз… яасса гаммассид̣̇ам̣ пала’’нд̇и. – вуд̇д̇ам̣;
‘‘Sā devatā attamanā…pe… yassa kammassidaṃ phala’’nti. – vuttaṃ;
715.
715.
‘‘ахан̃жа б̣аараан̣асияам̣, б̣уд̣̇д̇хассаад̣̇ижжаб̣анд̇хуно;
‘‘Ahañca bārāṇasiyaṃ, buddhassādiccabandhuno;
ад̣̇аасим̣ сугкагуммаасам̣, басаннаа сзхи баан̣ибхи.
Adāsiṃ sukkhakummāsaṃ, pasannā sehi pāṇibhi.
716.
716.
‘‘сугкааяа алон̣игааяа жа, басса палам̣ гуммаасабин̣д̣ияаа;
‘‘Sukkhāya aloṇikāya ca, passa phalaṃ kummāsapiṇḍiyā;
аломам̣ сукид̇ам̣ д̣̇исваа, го бун̃н̃ам̣ на гариссад̇и.
Alomaṃ sukhitaṃ disvā, ko puññaṃ na karissati.
717.
717.
‘‘д̇зна мзд̇аад̣̇исо ван̣н̣о…бз… ван̣н̣о жа мз саб̣б̣ад̣̇исаа бабхаасад̇ий’’д̇и.
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
716. д̇ад̇т̇а аломам̣ сукид̇ам̣ д̣̇исваад̇и аломамби наама сугкагуммаасамад̇д̇ам̣ д̣̇ад̇ваа звам̣ д̣̇иб̣б̣асукзна сукид̇ам̣ д̣̇исваа. го бун̃н̃ам̣ на гариссад̇ийд̇и го наама ад̇д̇ано хид̇асукам̣ ижчанд̇о бун̃н̃ам̣ на гариссад̇ийд̇и. сзсам̣ вуд̇д̇анаяамзва.
716. Tattha alomaṃ sukhitaṃ disvāti alomampi nāma sukkhakummāsamattaṃ datvā evaṃ dibbasukhena sukhitaṃ disvā. Ko puññaṃ na karissatīti ko nāma attano hitasukhaṃ icchanto puññaṃ na karissatīti. Sesaṃ vuttanayameva.
аломавимаанаван̣н̣анаа нидтид̇аа.
Alomavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 4. аломавимаанавад̇т̇у • 4. Alomavimānavatthu
