| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. आलुवदायकत्थेरअपदानं
8. Āluvadāyakattheraapadānaṃ
३१.
31.
‘‘पब्बते हिमवन्तम्हि, महासिन्धु सुदस्सना।
‘‘Pabbate himavantamhi, mahāsindhu sudassanā;
तत्थद्दसं वीतरागं, सुप्पभासं सुदस्सनं॥
Tatthaddasaṃ vītarāgaṃ, suppabhāsaṃ sudassanaṃ.
३२.
32.
‘‘परमोपसमे युत्तं, दिस्वा विम्हितमानसो।
‘‘Paramopasame yuttaṃ, disvā vimhitamānaso;
आलुवं तस्स पादासिं, पसन्नो सेहि पाणिभि॥
Āluvaṃ tassa pādāsiṃ, pasanno sehi pāṇibhi.
३३.
33.
‘‘एकत्तिंसे इतो कप्पे, यं फलमददिं तदा।
‘‘Ekattiṃse ito kappe, yaṃ phalamadadiṃ tadā;
दुग्गतिं नाभिजानामि, आलुवस्स इदं फलं॥
Duggatiṃ nābhijānāmi, āluvassa idaṃ phalaṃ.
३४.
34.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा आलुवदायको थेरो इमा गाथायो अभासित्थाति।
Itthaṃ sudaṃ āyasmā āluvadāyako thero imā gāthāyo abhāsitthāti.
आलुवदायकत्थेरस्सापदानं अट्ठमं।
Āluvadāyakattherassāpadānaṃ aṭṭhamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. सुवण्णबिब्बोहनियत्थेरअपदानादिवण्णना • 1-10. Suvaṇṇabibbohaniyattheraapadānādivaṇṇanā
