| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. ආලුවදායකත්‌ථෙරඅපදානං
8. Āluvadāyakattheraapadānaṃ
31.
31.
‘‘පබ්‌බතෙ හිමවන්‌තම්‌හි, මහාසින්‌ධු සුදස්‌සනා;
‘‘Pabbate himavantamhi, mahāsindhu sudassanā;
තත්‌ථද්‌දසං වීතරාගං, සුප්‌පභාසං සුදස්‌සනං.
Tatthaddasaṃ vītarāgaṃ, suppabhāsaṃ sudassanaṃ.
32.
32.
‘‘පරමොපසමෙ යුත්‌තං, දිස්‌වා විම්‌හිතමානසො;
‘‘Paramopasame yuttaṃ, disvā vimhitamānaso;
ආලුවං තස්‌ස පාදාසිං, පසන්‌නො සෙහි පාණිභි.
Āluvaṃ tassa pādāsiṃ, pasanno sehi pāṇibhi.
33.
33.
‘‘එකත්‌තිංසෙ ඉතො කප්‌පෙ, යං ඵලමදදිං තදා;
‘‘Ekattiṃse ito kappe, yaṃ phalamadadiṃ tadā;
දුග්‌ගතිං නාභිජානාමි, ආලුවස්‌ස ඉදං ඵලං.
Duggatiṃ nābhijānāmi, āluvassa idaṃ phalaṃ.
34.
34.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ආලුවදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā āluvadāyako thero imā gāthāyo abhāsitthāti.
ආලුවදායකත්‌ථෙරස්‌සාපදානං අට්‌ඨමං.
Āluvadāyakattherassāpadānaṃ aṭṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. සුවණ්‌ණබිබ්‌බොහනියත්‌ථෙරඅපදානාදිවණ්‌ණනා • 1-10. Suvaṇṇabibbohaniyattheraapadānādivaṇṇanā
