| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੨. ਆਮਗਨ੍ਧਸੁਤ੍ਤਂ
2. Āmagandhasuttaṃ
੨੪੨.
242.
‘‘ਸਾਮਾਕਚਿਙ੍ਗੂਲਕਚੀਨਕਾਨਿ ਚ, ਪਤ੍ਤਪ੍ਫਲਂ ਮੂਲਫਲਂ ਗવਿਪ੍ਫਲਂ।
‘‘Sāmākaciṅgūlakacīnakāni ca, pattapphalaṃ mūlaphalaṃ gavipphalaṃ;
ਧਮ੍ਮੇਨ ਲਦ੍ਧਂ ਸਤਮਸ੍ਨਮਾਨਾ 1, ਨ ਕਾਮਕਾਮਾ ਅਲਿਕਂ ਭਣਨ੍ਤਿ॥
Dhammena laddhaṃ satamasnamānā 2, na kāmakāmā alikaṃ bhaṇanti.
੨੪੩.
243.
‘‘ਯਦਸ੍ਨਮਾਨੋ ਸੁਕਤਂ ਸੁਨਿਟ੍ਠਿਤਂ, ਪਰੇਹਿ ਦਿਨ੍ਨਂ ਪਯਤਂ ਪਣੀਤਂ।
‘‘Yadasnamāno sukataṃ suniṭṭhitaṃ, parehi dinnaṃ payataṃ paṇītaṃ;
ਸਾਲੀਨਮਨ੍ਨਂ ਪਰਿਭੁਞ੍ਜਮਾਨੋ, ਸੋ ਭੁਞ੍ਜਸੀ ਕਸ੍ਸਪ ਆਮਗਨ੍ਧਂ॥
Sālīnamannaṃ paribhuñjamāno, so bhuñjasī kassapa āmagandhaṃ.
੨੪੪.
244.
‘‘ਨ ਆਮਗਨ੍ਧੋ ਮਮ ਕਪ੍ਪਤੀਤਿ, ਇਚ੍ਚੇવ ਤ੍વਂ ਭਾਸਸਿ ਬ੍ਰਹ੍ਮਬਨ੍ਧੁ।
‘‘Na āmagandho mama kappatīti, icceva tvaṃ bhāsasi brahmabandhu;
ਸਾਲੀਨਮਨ੍ਨਂ ਪਰਿਭੁਞ੍ਜਮਾਨੋ, ਸਕੁਨ੍ਤਮਂਸੇਹਿ ਸੁਸਙ੍ਖਤੇਹਿ।
Sālīnamannaṃ paribhuñjamāno, sakuntamaṃsehi susaṅkhatehi;
ਪੁਚ੍ਛਾਮਿ ਤਂ ਕਸ੍ਸਪ ਏਤਮਤ੍ਥਂ, ਕਥਂ ਪਕਾਰੋ ਤવ ਆਮਗਨ੍ਧੋ’’॥
Pucchāmi taṃ kassapa etamatthaṃ, kathaṃ pakāro tava āmagandho’’.
੨੪੫.
245.
‘‘ਪਾਣਾਤਿਪਾਤੋ વਧਛੇਦਬਨ੍ਧਨਂ, ਥੇਯ੍ਯਂ ਮੁਸਾવਾਦੋ ਨਿਕਤਿવਞ੍ਚਨਾਨਿ ਚ।
‘‘Pāṇātipāto vadhachedabandhanaṃ, theyyaṃ musāvādo nikativañcanāni ca;
ਅਜ੍ਝੇਨਕੁਤ੍ਤਂ 3 ਪਰਦਾਰਸੇવਨਾ, ਏਸਾਮਗਨ੍ਧੋ ਨ ਹਿ ਮਂਸਭੋਜਨਂ॥
Ajjhenakuttaṃ 4 paradārasevanā, esāmagandho na hi maṃsabhojanaṃ.
੨੪੬.
246.
‘‘ਯੇ ਇਧ ਕਾਮੇਸੁ ਅਸਞ੍ਞਤਾ ਜਨਾ, ਰਸੇਸੁ ਗਿਦ੍ਧਾ ਅਸੁਚਿਭਾવਮਸ੍ਸਿਤਾ 5।
‘‘Ye idha kāmesu asaññatā janā, rasesu giddhā asucibhāvamassitā 6;
ਨਤ੍ਥਿਕਦਿਟ੍ਠੀ વਿਸਮਾ ਦੁਰਨ੍ਨਯਾ, ਏਸਾਮਗਨ੍ਧੋ ਨ ਹਿ ਮਂਸਭੋਜਨਂ॥
Natthikadiṭṭhī visamā durannayā, esāmagandho na hi maṃsabhojanaṃ.
੨੪੭.
247.
‘‘ਯੇ ਲੂਖਸਾ ਦਾਰੁਣਾ ਪਿਟ੍ਠਿਮਂਸਿਕਾ 7, ਮਿਤ੍ਤਦ੍ਦੁਨੋ ਨਿਕ੍ਕਰੁਣਾਤਿਮਾਨਿਨੋ।
‘‘Ye lūkhasā dāruṇā piṭṭhimaṃsikā 8, mittadduno nikkaruṇātimānino;
ਅਦਾਨਸੀਲਾ ਨ ਚ ਦੇਨ੍ਤਿ ਕਸ੍ਸਚਿ, ਏਸਾਮਗਨ੍ਧੋ ਨ ਹਿ ਮਂਸਭੋਜਨਂ॥
Adānasīlā na ca denti kassaci, esāmagandho na hi maṃsabhojanaṃ.
੨੪੮.
248.
‘‘ਕੋਧੋ ਮਦੋ ਥਮ੍ਭੋ ਪਚ੍ਚੁਪਟ੍ਠਾਪਨਾ 9, ਮਾਯਾ ਉਸੂਯਾ ਭਸ੍ਸਸਮੁਸ੍ਸਯੋ ਚ।
‘‘Kodho mado thambho paccupaṭṭhāpanā 10, māyā usūyā bhassasamussayo ca;
ਮਾਨਾਤਿਮਾਨੋ ਚ ਅਸਬ੍ਭਿ ਸਨ੍ਥવੋ, ਏਸਾਮਗਨ੍ਧੋ ਨ ਹਿ ਮਂਸਭੋਜਨਂ॥
Mānātimāno ca asabbhi santhavo, esāmagandho na hi maṃsabhojanaṃ.
੨੪੯.
249.
‘‘ਯੇ ਪਾਪਸੀਲਾ ਇਣਘਾਤਸੂਚਕਾ, વੋਹਾਰਕੂਟਾ ਇਧ ਪਾਟਿਰੂਪਿਕਾ 11।
‘‘Ye pāpasīlā iṇaghātasūcakā, vohārakūṭā idha pāṭirūpikā 12;
ਨਰਾਧਮਾ ਯੇਧ ਕਰੋਨ੍ਤਿ ਕਿਬ੍ਬਿਸਂ, ਏਸਾਮਗਨ੍ਧੋ ਨ ਹਿ ਮਂਸਭੋਜਨਂ॥
Narādhamā yedha karonti kibbisaṃ, esāmagandho na hi maṃsabhojanaṃ.
੨੫੦.
250.
‘‘ਯੇ ਇਧ ਪਾਣੇਸੁ ਅਸਞ੍ਞਤਾ ਜਨਾ, ਪਰੇਸਮਾਦਾਯ વਿਹੇਸਮੁਯ੍ਯੁਤਾ।
‘‘Ye idha pāṇesu asaññatā janā, paresamādāya vihesamuyyutā;
ਦੁਸ੍ਸੀਲਲੁਦ੍ਦਾ ਫਰੁਸਾ ਅਨਾਦਰਾ, ਏਸਾਮਗਨ੍ਧੋ ਨ ਹਿ ਮਂਸਭੋਜਨਂ॥
Dussīlaluddā pharusā anādarā, esāmagandho na hi maṃsabhojanaṃ.
੨੫੧.
251.
‘‘ਏਤੇਸੁ ਗਿਦ੍ਧਾ વਿਰੁਦ੍ਧਾਤਿਪਾਤਿਨੋ, ਨਿਚ੍ਚੁਯ੍ਯੁਤਾ ਪੇਚ੍ਚ ਤਮਂ વਜਨ੍ਤਿ ਯੇ।
‘‘Etesu giddhā viruddhātipātino, niccuyyutā pecca tamaṃ vajanti ye;
ਪਤਨ੍ਤਿ ਸਤ੍ਤਾ ਨਿਰਯਂ ਅવਂਸਿਰਾ, ਏਸਾਮਗਨ੍ਧੋ ਨ ਹਿ ਮਂਸਭੋਜਨਂ॥
Patanti sattā nirayaṃ avaṃsirā, esāmagandho na hi maṃsabhojanaṃ.
੨੫੨.
252.
‘‘ਨ ਮਚ੍ਛਮਂਸਾਨਮਨਾਸਕਤ੍ਤਂ 13, ਨ ਨਗ੍ਗਿਯਂ ਨ ਮੁਣ੍ਡਿਯਂ ਜਟਾਜਲ੍ਲਂ।
‘‘Na macchamaṃsānamanāsakattaṃ 14, na naggiyaṃ na muṇḍiyaṃ jaṭājallaṃ;
ਖਰਾਜਿਨਾਨਿ ਨਾਗ੍ਗਿਹੁਤ੍ਤਸ੍ਸੁਪਸੇવਨਾ, ਯੇ વਾਪਿ ਲੋਕੇ ਅਮਰਾ ਬਹੂ ਤਪਾ।
Kharājināni nāggihuttassupasevanā, ye vāpi loke amarā bahū tapā;
ਮਨ੍ਤਾਹੁਤੀ ਯਞ੍ਞਮੁਤੂਪਸੇવਨਾ, ਸੋਧੇਨ੍ਤਿ ਮਚ੍ਚਂ ਅવਿਤਿਣ੍ਣਕਙ੍ਖਂ॥
Mantāhutī yaññamutūpasevanā, sodhenti maccaṃ avitiṇṇakaṅkhaṃ.
੨੫੩.
253.
‘‘ਯੋ ਤੇਸੁ 15 ਗੁਤ੍ਤੋ વਿਦਿਤਿਨ੍ਦ੍ਰਿਯੋ ਚਰੇ, ਧਮ੍ਮੇ ਠਿਤੋ ਅਜ੍ਜવਮਦ੍ਦવੇ ਰਤੋ।
‘‘Yo tesu 16 gutto viditindriyo care, dhamme ṭhito ajjavamaddave rato;
ਸਙ੍ਗਾਤਿਗੋ ਸਬ੍ਬਦੁਕ੍ਖਪ੍ਪਹੀਨੋ, ਨ ਲਿਪ੍ਪਤਿ 17 ਦਿਟ੍ਠਸੁਤੇਸੁ ਧੀਰੋ’’॥
Saṅgātigo sabbadukkhappahīno, na lippati 18 diṭṭhasutesu dhīro’’.
੨੫੪.
254.
ਇਚ੍ਚੇਤਮਤ੍ਥਂ ਭਗવਾ ਪੁਨਪ੍ਪੁਨਂ, ਅਕ੍ਖਾਸਿ ਨਂ 19 વੇਦਯਿ ਮਨ੍ਤਪਾਰਗੂ।
Iccetamatthaṃ bhagavā punappunaṃ, akkhāsi naṃ 20 vedayi mantapāragū;
ਚਿਤ੍ਰਾਹਿ ਗਾਥਾਹਿ ਮੁਨੀ ਪਕਾਸਯਿ, ਨਿਰਾਮਗਨ੍ਧੋ ਅਸਿਤੋ ਦੁਰਨ੍ਨਯੋ॥
Citrāhi gāthāhi munī pakāsayi, nirāmagandho asito durannayo.
੨੫੫.
255.
ਸੁਤ੍વਾਨ ਬੁਦ੍ਧਸ੍ਸ ਸੁਭਾਸਿਤਂ ਪਦਂ, ਨਿਰਾਮਗਨ੍ਧਂ ਸਬ੍ਬਦੁਕ੍ਖਪ੍ਪਨੂਦਨਂ।
Sutvāna buddhassa subhāsitaṃ padaṃ, nirāmagandhaṃ sabbadukkhappanūdanaṃ;
ਨੀਚਮਨੋ વਨ੍ਦਿ ਤਥਾਗਤਸ੍ਸ, ਤਤ੍ਥੇવ ਪਬ੍ਬਜ੍ਜਮਰੋਚਯਿਤ੍ਥਾਤਿ॥
Nīcamano vandi tathāgatassa, tattheva pabbajjamarocayitthāti.
ਆਮਗਨ੍ਧਸੁਤ੍ਤਂ ਦੁਤਿਯਂ ਨਿਟ੍ਠਿਤਂ।
Āmagandhasuttaṃ dutiyaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੨. ਆਮਗਨ੍ਧਸੁਤ੍ਤવਣ੍ਣਨਾ • 2. Āmagandhasuttavaṇṇanā
