| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
2. аамаг̇анд̇хасуд̇д̇аван̣н̣анаа
2. Āmagandhasuttavaṇṇanā
саамаагажин̇г̇уулагажийнагаани жаад̇и аамаг̇анд̇хасуд̇д̇ам̣. гаа уббад̇д̇и? ануббаннз бхаг̇авад̇и аамаг̇анд̇хо наама б̣раахман̣о бан̃жахи маан̣авагасад̇зхи сад̣̇д̇хим̣ д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇ам̣ бависид̇ваа баб̣б̣ад̇анд̇арз ассамам̣ гаараабзд̇ваа ванамуулапалаахааро худ̇ваа д̇ад̇т̇а бадивасад̇и, на гад̣̇аажи мажчамам̣сам̣ каад̣̇ад̇и. ат̇а д̇зсам̣ д̇аабасаанам̣ лон̣амб̣илаад̣̇ийни абарибхун̃ж̇анд̇аанам̣ бан̣д̣урог̇о уббаж̇ж̇и. д̇ад̇о д̇з ‘‘лон̣амб̣илаад̣̇исзванад̇т̇ааяа мануссабат̇ам̣ г̇ажчаамаа’’д̇и бажжанд̇аг̇аамам̣ самбад̇д̇аа. д̇ад̇т̇а мануссаа д̇зсу басийд̣̇ид̇ваа ниманд̇зд̇ваа бхож̇зсум̣, гад̇абхад̇д̇агижжаанам̣ нзсам̣ ман̃жабийтабарибхог̇абхааж̇анабаад̣̇амагканаад̣̇ийни убанзд̇ваа ‘‘зд̇т̇а, бханд̇з, васат̇а, маа угган̣тид̇т̇аа’’д̇и васанадтаанам̣ д̣̇ассзд̇ваа баггамим̣су. д̣̇уд̇ияад̣̇ивасзби нзсам̣ д̣̇аанам̣ д̣̇ад̇ваа буна гхарабадибаадияаа згзгад̣̇ивасам̣ д̣̇аанамад̣̇ам̣су. д̇аабасаа жад̇умаасам̣ д̇ад̇т̇а васид̇ваа лон̣амб̣илаад̣̇исзванааяа т̇ирабхааваббад̇д̇асарийраа худ̇ваа ‘‘маяам̣, аавусо, г̇ажчаамаа’’д̇и мануссаанам̣ аарожзсум̣. мануссаа д̇зсам̣ д̇злад̇ан̣д̣улаад̣̇ийни ад̣̇ам̣су. д̇з д̇аани аад̣̇ааяа ад̇д̇ано ассамамзва аг̇амам̣су. д̇ан̃жа г̇аамам̣ д̇ат̇зва сам̣важчарз сам̣важчарз ааг̇амим̣су. мануссааби д̇зсам̣ ааг̇аманагаалам̣ вид̣̇ид̇ваа д̣̇аанад̇т̇ааяа д̇ан̣д̣улаад̣̇ийни саж̇ж̇зд̇ваава ажчанд̇и, ааг̇ад̇з жа нз д̇ат̇зва саммаанзнд̇и.
Sāmākaciṅgūlakacīnakānicāti āmagandhasuttaṃ. Kā uppatti? Anuppanne bhagavati āmagandho nāma brāhmaṇo pañcahi māṇavakasatehi saddhiṃ tāpasapabbajjaṃ pabbajitvā himavantaṃ pavisitvā pabbatantare assamaṃ kārāpetvā vanamūlaphalāhāro hutvā tattha paṭivasati, na kadāci macchamaṃsaṃ khādati. Atha tesaṃ tāpasānaṃ loṇambilādīni aparibhuñjantānaṃ paṇḍurogo uppajji. Tato te ‘‘loṇambilādisevanatthāya manussapathaṃ gacchāmā’’ti paccantagāmaṃ sampattā. Tattha manussā tesu pasīditvā nimantetvā bhojesuṃ, katabhattakiccānaṃ nesaṃ mañcapīṭhaparibhogabhājanapādamakkhanādīni upanetvā ‘‘ettha, bhante, vasatha, mā ukkaṇṭhitthā’’ti vasanaṭṭhānaṃ dassetvā pakkamiṃsu. Dutiyadivasepi nesaṃ dānaṃ datvā puna gharapaṭipāṭiyā ekekadivasaṃ dānamadaṃsu. Tāpasā catumāsaṃ tattha vasitvā loṇambilādisevanāya thirabhāvappattasarīrā hutvā ‘‘mayaṃ, āvuso, gacchāmā’’ti manussānaṃ ārocesuṃ. Manussā tesaṃ telataṇḍulādīni adaṃsu. Te tāni ādāya attano assamameva agamaṃsu. Tañca gāmaṃ tatheva saṃvacchare saṃvacchare āgamiṃsu. Manussāpi tesaṃ āgamanakālaṃ viditvā dānatthāya taṇḍulādīni sajjetvāva acchanti, āgate ca ne tatheva sammānenti.
ат̇а бхаг̇аваа логз уббаж̇ж̇ид̇ваа бавад̇д̇ид̇аварад̇хаммажагго анубуб̣б̣зна саавад̇т̇им̣ г̇анд̇ваа д̇ад̇т̇а вихаранд̇о д̇зсам̣ д̇аабасаанам̣ убаниссаяасамбад̇д̇им̣ д̣̇исваа д̇ад̇о нигкамма бхигкусан̇гхабаривуд̇о жааригам̣ жарамаано анубуб̣б̣зна д̇ам̣ г̇аамам̣ ануббад̇д̇о. мануссаа бхаг̇аванд̇ам̣ д̣̇исваа махаад̣̇аанаани ад̣̇ам̣су. бхаг̇аваа д̇зсам̣ д̇хаммам̣ д̣̇зсзси. д̇з д̇ааяа д̇хаммад̣̇зсанааяа аббзгажжз сод̇аабаннаа, згажжз сагад̣̇ааг̇аамино, згажжз анааг̇аамино ахзсум̣, згажжз баб̣б̣аж̇ид̇ваа арахад̇д̇ам̣ баабун̣им̣су. бхаг̇аваа бунад̣̇зва саавад̇т̇им̣ бажжааг̇амааси. ат̇а д̇з д̇аабасаа д̇ам̣ г̇аамам̣ ааг̇амим̣су. мануссаа д̇аабасз д̣̇исваа на буб̣б̣асад̣̇исам̣ год̇уухаламагам̣су. д̇аабасаа д̇ам̣ бужчим̣су – ‘‘гим̣, аавусо, имз мануссаа на буб̣б̣асад̣̇исаа, гим̣ ну ко аяам̣ г̇аамо рааж̇ад̣̇ан̣д̣зна убад̣̇д̣̇уд̇о, уд̣̇ааху д̣̇уб̣бхигкзна, уд̣̇ааху амхзхи сийлаад̣̇иг̇ун̣зхи самбаннад̇аро гожи баб̣б̣аж̇ид̇о имам̣ г̇аамамануббад̇д̇о’’д̇и? д̇з аахам̣су – ‘‘на, бханд̇з, рааж̇ад̣̇ан̣д̣зна, на д̣̇уб̣бхигкзнааяам̣ г̇аамо убад̣̇д̣̇уд̇о, абижа б̣уд̣̇д̇хо логз уббанно, со бхаг̇аваа б̣ахуж̇анахид̇ааяа д̇хаммам̣ д̣̇зсзнд̇о ид̇хааг̇ад̇о’’д̇и.
Atha bhagavā loke uppajjitvā pavattitavaradhammacakko anupubbena sāvatthiṃ gantvā tattha viharanto tesaṃ tāpasānaṃ upanissayasampattiṃ disvā tato nikkhamma bhikkhusaṅghaparivuto cārikaṃ caramāno anupubbena taṃ gāmaṃ anuppatto. Manussā bhagavantaṃ disvā mahādānāni adaṃsu. Bhagavā tesaṃ dhammaṃ desesi. Te tāya dhammadesanāya appekacce sotāpannā, ekacce sakadāgāmino, ekacce anāgāmino ahesuṃ, ekacce pabbajitvā arahattaṃ pāpuṇiṃsu. Bhagavā punadeva sāvatthiṃ paccāgamāsi. Atha te tāpasā taṃ gāmaṃ āgamiṃsu. Manussā tāpase disvā na pubbasadisaṃ kotūhalamakaṃsu. Tāpasā taṃ pucchiṃsu – ‘‘kiṃ, āvuso, ime manussā na pubbasadisā, kiṃ nu kho ayaṃ gāmo rājadaṇḍena upadduto, udāhu dubbhikkhena, udāhu amhehi sīlādiguṇehi sampannataro koci pabbajito imaṃ gāmamanuppatto’’ti? Te āhaṃsu – ‘‘na, bhante, rājadaṇḍena, na dubbhikkhenāyaṃ gāmo upadduto, apica buddho loke uppanno, so bhagavā bahujanahitāya dhammaṃ desento idhāgato’’ti.
д̇ам̣ суд̇ваа аамаг̇анд̇хад̇аабасо ‘‘б̣уд̣̇д̇ход̇и, г̇ахабад̇аяо, вад̣̇зт̇аа’’д̇и? ‘‘б̣уд̣̇д̇ход̇и, бханд̇з, вад̣̇аамаа’’д̇и д̇игкад̇д̇ум̣ вад̇ваа ‘‘гхособи ко зсо д̣̇уллабхо логасмим̣, яад̣̇ид̣̇ам̣ б̣уд̣̇д̇хо’’д̇и ад̇д̇амано ад̇д̇аманаваажам̣ нижчаарзд̇ваа бужчи – ‘‘гим̣ ну ко со б̣уд̣̇д̇хо аамаг̇анд̇хам̣ бхун̃ж̇ад̇и, на бхун̃ж̇ад̇ий’’д̇и? ‘‘го, бханд̇з, аамаг̇анд̇хо’’д̇и? ‘‘аамаг̇анд̇хо наама мажчамам̣сам̣, г̇ахабад̇аяо’’д̇и. ‘‘бхаг̇аваа, бханд̇з, мажчамам̣сам̣ барибхун̃ж̇ад̇ий’’д̇и. д̇ам̣ суд̇ваа д̇аабасо виббадисаарий ахоси – ‘‘маахзва ко бана б̣уд̣̇д̇хо сияаа’’д̇и . буна жинд̇зси – ‘‘б̣уд̣̇д̇хаанам̣ баад̇убхааво наама д̣̇уллабхо, г̇анд̇ваа б̣уд̣̇д̇хам̣ д̣̇исваа бужчид̇ваа ж̇ааниссаамий’’д̇и. д̇ад̇о язна бхаг̇аваа г̇ад̇о, д̇ам̣ маг̇г̇ам̣ мануссз бужчид̇ваа важчаг̇ид̣̇д̇хиний г̇аавий вияа д̇урид̇ад̇урид̇о саб̣б̣ад̇т̇а згарад̇д̇иваасзна саавад̇т̇им̣ ануббад̇ваа ж̇зд̇аванамзва баависи сад̣̇д̇хим̣ сагааяа барисааяа. бхаг̇авааби д̇асмим̣ самаяз д̇хаммад̣̇зсанад̇т̇ааяа аасанз нисинно зва ход̇и. д̇аабасаа бхаг̇аванд̇ам̣ убасан̇гамма д̇ун̣хийбхууд̇аа анабхиваад̣̇зд̇ваава згаманд̇ам̣ нисийд̣̇им̣су. бхаг̇аваа ‘‘гажжи во исаяо каманийяа’’нд̇иаад̣̇инаа наязна д̇зхи сад̣̇д̇хим̣ бадисаммод̣̇и. д̇зби ‘‘каманийяам̣, бхо г̇од̇амаа’’д̇иаад̣̇имаахам̣су. д̇ад̇о аамаг̇анд̇хо бхаг̇аванд̇ам̣ бужчи – ‘‘аамаг̇анд̇хам̣, бхо г̇од̇ама, бхун̃ж̇аси, на бхун̃ж̇асий’’д̇и? ‘‘го со, б̣раахман̣а, аамаг̇анд̇хо наамаа’’д̇и? ‘‘мажчамам̣сам̣, бхо г̇од̇амаа’’д̇и. бхаг̇аваа ‘‘на, б̣раахман̣а, мажчамам̣сам̣ аамаг̇анд̇хо. абижа ко аамаг̇анд̇хо наама саб̣б̣з гилзсаа баабагаа агусалаа д̇хаммаа’’д̇и вад̇ваа ‘‘на, б̣раахман̣а, ид̣̇аани д̇вамзва аамаг̇анд̇хам̣ бужчи, ад̇ийд̇зби д̇иссо наама б̣раахман̣о гассабам̣ бхаг̇аванд̇ам̣ бужчи. зван̃жа со бужчи, зван̃жасса бхаг̇аваа б̣яаагаасий’’д̇и д̇иссзна жа б̣раахман̣зна гассабзна жа бхаг̇авад̇аа вуд̇д̇аг̇аат̇ааяо зва аанзд̇ваа д̇аахи г̇аат̇аахи б̣раахман̣ам̣ сан̃н̃аабзнд̇о ааха – ‘‘саамаагажин̇г̇уулагажийнагаани жаа’’д̇и. аяам̣ д̇аава имасса суд̇д̇асса ид̇ха уббад̇д̇и.
Taṃ sutvā āmagandhatāpaso ‘‘buddhoti, gahapatayo, vadethā’’ti? ‘‘Buddhoti, bhante, vadāmā’’ti tikkhattuṃ vatvā ‘‘ghosopi kho eso dullabho lokasmiṃ, yadidaṃ buddho’’ti attamano attamanavācaṃ nicchāretvā pucchi – ‘‘kiṃ nu kho so buddho āmagandhaṃ bhuñjati, na bhuñjatī’’ti? ‘‘Ko, bhante, āmagandho’’ti? ‘‘Āmagandho nāma macchamaṃsaṃ, gahapatayo’’ti. ‘‘Bhagavā, bhante, macchamaṃsaṃ paribhuñjatī’’ti. Taṃ sutvā tāpaso vippaṭisārī ahosi – ‘‘māheva kho pana buddho siyā’’ti . Puna cintesi – ‘‘buddhānaṃ pātubhāvo nāma dullabho, gantvā buddhaṃ disvā pucchitvā jānissāmī’’ti. Tato yena bhagavā gato, taṃ maggaṃ manusse pucchitvā vacchagiddhinī gāvī viya turitaturito sabbattha ekarattivāsena sāvatthiṃ anuppatvā jetavanameva pāvisi saddhiṃ sakāya parisāya. Bhagavāpi tasmiṃ samaye dhammadesanatthāya āsane nisinno eva hoti. Tāpasā bhagavantaṃ upasaṅkamma tuṇhībhūtā anabhivādetvāva ekamantaṃ nisīdiṃsu. Bhagavā ‘‘kacci vo isayo khamanīya’’ntiādinā nayena tehi saddhiṃ paṭisammodi. Tepi ‘‘khamanīyaṃ, bho gotamā’’tiādimāhaṃsu. Tato āmagandho bhagavantaṃ pucchi – ‘‘āmagandhaṃ, bho gotama, bhuñjasi, na bhuñjasī’’ti? ‘‘Ko so, brāhmaṇa, āmagandho nāmā’’ti? ‘‘Macchamaṃsaṃ, bho gotamā’’ti. Bhagavā ‘‘na, brāhmaṇa, macchamaṃsaṃ āmagandho. Apica kho āmagandho nāma sabbe kilesā pāpakā akusalā dhammā’’ti vatvā ‘‘na, brāhmaṇa, idāni tvameva āmagandhaṃ pucchi, atītepi tisso nāma brāhmaṇo kassapaṃ bhagavantaṃ pucchi. Evañca so pucchi, evañcassa bhagavā byākāsī’’ti tissena ca brāhmaṇena kassapena ca bhagavatā vuttagāthāyo eva ānetvā tāhi gāthāhi brāhmaṇaṃ saññāpento āha – ‘‘sāmākaciṅgūlakacīnakāni cā’’ti. Ayaṃ tāva imassa suttassa idha uppatti.
ад̇ийд̇з бана гассабо гира б̣од̇хисад̇д̇о адтаасан̇кязяяаани габбасад̇асахассан̃жа баарамияо буурзд̇ваа б̣аараан̣асияам̣ б̣рахмад̣̇ад̇д̇асса б̣раахман̣асса д̇ханавад̇ий наама б̣раахман̣ий, д̇ассаа гужчимхи бадисанд̇хим̣ аг̇г̇ахзси. аг̇г̇асаавагоби д̇ам̣ д̣̇ивасам̣язва д̣̇звалогаа жавид̇ваа анубурохид̇аб̣раахман̣асса баж̇аабад̇ияаа гужчимхи ниб̣б̣ад̇д̇и. звам̣ д̇зсам̣ згад̣̇ивасамзва бадисанд̇хиг̇г̇ахан̣ан̃жа г̇аб̣бхавудтаанан̃жа ахоси, згад̣̇ивасамзва зд̇зсам̣ згасса гассабо, згасса д̇иссод̇и наамамагам̣су. д̇з сахабам̣сугийл̣анагаа д̣̇вз сахааяаа анубуб̣б̣зна вуд̣дхим̣ аг̇амим̣су. д̇иссасса бид̇аа буд̇д̇ам̣ аан̣аабзси – ‘‘аяам̣, д̇аад̇а, гассабо нигкамма баб̣б̣аж̇ид̇ваа б̣уд̣̇д̇хо бхависсад̇и, д̇вамбисса санд̇игз баб̣б̣аж̇ид̇ваа бхаваниссаран̣ам̣ гарзяяаасий’’д̇и. со ‘‘саад̇хуу’’д̇и бадиссун̣ид̇ваа б̣од̇хисад̇д̇асса санд̇игам̣ г̇анд̇ваа ‘‘убхоби, самма, баб̣б̣аж̇иссаамаа’’д̇и ааха. б̣од̇хисад̇д̇о ‘‘саад̇хуу’’д̇и бадиссун̣и. д̇ад̇о вуд̣дхим̣ ануббад̇д̇агаалзби д̇иссо б̣од̇хисад̇д̇ам̣ ааха – ‘‘зхи, самма, баб̣б̣аж̇иссаамаа’’д̇и б̣од̇хисад̇д̇о на нигками. д̇иссо ‘‘на д̇аавасса н̃аан̣ам̣ барибаагам̣ г̇ад̇а’’нд̇и саяам̣ нигкамма исибаб̣б̣аж̇ж̇ам̣ баб̣б̣аж̇ид̇ваа аран̃н̃з баб̣б̣ад̇абаад̣̇з ассамам̣ гаараабзд̇ваа васад̇и. б̣од̇хисад̇д̇оби абарзна самаязна гхарз тид̇оязва аанаабаанассад̇им̣ бариг̇г̇ахзд̇ваа жад̇д̇аари жхаанаани абхин̃н̃ааяо жа уббаад̣̇зд̇ваа баасаад̣̇зна б̣од̇химан̣д̣асамийбам̣ г̇анд̇ваа ‘‘буна баасаад̣̇о яат̇аатаанзязва бад̇идтаад̇уу’’д̇и ад̇хидтааси, со сагадтаанзязва бад̇идтааси. абаб̣б̣аж̇ид̇зна гира б̣од̇химан̣д̣ам̣ убаг̇анд̇ум̣ на саггаад̇и. со баб̣б̣аж̇ид̇ваа б̣од̇химан̣д̣ам̣ бад̇ваа нисийд̣̇ид̇ваа сад̇д̇а д̣̇ивасз бад̇хаанаяог̇ам̣ гад̇ваа сад̇д̇ахи д̣̇ивасзхи саммаасамб̣од̇хим̣ сажчаагааси.
Atīte pana kassapo kira bodhisatto aṭṭhāsaṅkhyeyyāni kappasatasahassañca pāramiyo pūretvā bārāṇasiyaṃ brahmadattassa brāhmaṇassa dhanavatī nāma brāhmaṇī, tassā kucchimhi paṭisandhiṃ aggahesi. Aggasāvakopi taṃ divasaṃyeva devalokā cavitvā anupurohitabrāhmaṇassa pajāpatiyā kucchimhi nibbatti. Evaṃ tesaṃ ekadivasameva paṭisandhiggahaṇañca gabbhavuṭṭhānañca ahosi, ekadivasameva etesaṃ ekassa kassapo, ekassa tissoti nāmamakaṃsu. Te sahapaṃsukīḷanakā dve sahāyā anupubbena vuḍḍhiṃ agamiṃsu. Tissassa pitā puttaṃ āṇāpesi – ‘‘ayaṃ, tāta, kassapo nikkhamma pabbajitvā buddho bhavissati, tvampissa santike pabbajitvā bhavanissaraṇaṃ kareyyāsī’’ti. So ‘‘sādhū’’ti paṭissuṇitvā bodhisattassa santikaṃ gantvā ‘‘ubhopi, samma, pabbajissāmā’’ti āha. Bodhisatto ‘‘sādhū’’ti paṭissuṇi. Tato vuḍḍhiṃ anuppattakālepi tisso bodhisattaṃ āha – ‘‘ehi, samma, pabbajissāmā’’ti bodhisatto na nikkhami. Tisso ‘‘na tāvassa ñāṇaṃ paripākaṃ gata’’nti sayaṃ nikkhamma isipabbajjaṃ pabbajitvā araññe pabbatapāde assamaṃ kārāpetvā vasati. Bodhisattopi aparena samayena ghare ṭhitoyeva ānāpānassatiṃ pariggahetvā cattāri jhānāni abhiññāyo ca uppādetvā pāsādena bodhimaṇḍasamīpaṃ gantvā ‘‘puna pāsādo yathāṭhāneyeva patiṭṭhātū’’ti adhiṭṭhāsi, so sakaṭṭhāneyeva patiṭṭhāsi. Apabbajitena kira bodhimaṇḍaṃ upagantuṃ na sakkāti. So pabbajitvā bodhimaṇḍaṃ patvā nisīditvā satta divase padhānayogaṃ katvā sattahi divasehi sammāsambodhiṃ sacchākāsi.
д̇ад̣̇аа исибад̇анз вийсад̇исахассаа баб̣б̣аж̇ид̇аа бадивасанд̇и. ат̇а гассабо бхаг̇аваа д̇з ааманд̇зд̇ваа д̇хаммажаггам̣ бавад̇д̇зси. суд̇д̇абарияосаанз саб̣б̣зва араханд̇о ахзсум̣. со суд̣̇ам̣ бхаг̇аваа вийсад̇ибхигкусахассабаривуд̇о д̇ад̇т̇зва исибад̇анз васад̇и. гигий жа нам̣ гаасирааж̇аа жад̇уухи бажжаязхи убадтаад̇и. ат̇згад̣̇ивасам̣ б̣аараан̣асиваасий зго бурисо баб̣б̣ад̇з жанд̣̇анасаараад̣̇ийни г̇авзсанд̇о д̇иссасса д̇аабасасса ассамам̣ бад̇ваа д̇ам̣ абхиваад̣̇зд̇ваа згаманд̇ам̣ адтааси. д̇аабасо д̇ам̣ д̣̇исваа ‘‘гуд̇о ааг̇ад̇осий’’д̇и бужчи. ‘‘б̣аараан̣асид̇о, бханд̇з’’д̇и. ‘‘гаа д̇ад̇т̇а бавад̇д̇ий’’д̇и? ‘‘д̇ад̇т̇а, бханд̇з, гассабо наама саммаасамб̣уд̣̇д̇хо уббанно’’д̇и. д̇аабасо д̣̇уллабхаважанам̣ суд̇ваа бийд̇исоманассаж̇аад̇о бужчи – ‘‘гим̣ со аамаг̇анд̇хам̣ бхун̃ж̇ад̇и, на бхун̃ж̇ад̇ий’’д̇и? ‘‘го бханд̇з, аамаг̇анд̇хо’’д̇и? ‘‘мажчамам̣сам̣ аавусо’’д̇и. ‘‘бхаг̇аваа, бханд̇з, мажчамам̣сам̣ бхун̃ж̇ад̇ий’’д̇и. д̇ам̣ суд̇ваа д̇аабасо виббадисаарий худ̇ваа буна жинд̇зси – ‘‘г̇анд̇ваа д̇ам̣ бужчиссаами, сажз ‘аамаг̇анд̇хам̣ барибхун̃ж̇аамий’д̇и вагкад̇и, д̇ад̇о нам̣ ‘д̇умхаагам̣, бханд̇з, ж̇аад̇ияаа жа гуласса жа г̇од̇д̇асса жа ананужчавигамзд̇а’нд̇и ниваарзд̇ваа д̇асса санд̇игз баб̣б̣аж̇ид̇ваа бхаваниссаран̣ам̣ гариссаамий’’д̇и саллахугам̣ убагаран̣ам̣ г̇ахзд̇ваа саб̣б̣ад̇т̇а згарад̇д̇иваасзна сааяанхасамаяз б̣аараан̣асим̣ бад̇ваа исибад̇анамзва баависи. бхаг̇авааби д̇асмим̣ самаяз д̇хаммад̣̇зсанад̇т̇ааяа аасанз нисинноязва ход̇и. д̇аабасо бхаг̇аванд̇ам̣ убасан̇гамма анабхиваад̣̇зд̇ваа д̇ун̣хийбхууд̇о згаманд̇ам̣ адтааси. бхаг̇аваа д̇ам̣ д̣̇исваа буб̣б̣з вуд̇д̇анаязнзва бадисаммод̣̇и. соби ‘‘каманийяам̣, бхо гассабаа’’д̇иаад̣̇ийни вад̇ваа згаманд̇ам̣ нисийд̣̇ид̇ваа бхаг̇аванд̇ам̣ бужчи – ‘‘аамаг̇анд̇хам̣, бхо гассаба, бхун̃ж̇аси, на бхун̃ж̇асий’’д̇и? ‘‘наахам̣, б̣раахман̣а, аамаг̇анд̇хам̣ бхун̃ж̇аамий’’д̇и. ‘‘саад̇ху, саад̇ху, бхо гассаба, барагун̣абам̣ акаад̣̇анд̇о сунд̣̇арамагааси, яуд̇д̇амзд̇ам̣ бход̇о гассабасса ж̇аад̇ияаа жа гуласса жа г̇од̇д̇асса жаа’’д̇и. д̇ад̇о бхаг̇аваа ‘‘ахам̣ гилзсз санд̇хааяа ‘аамаг̇анд̇хам̣ на бхун̃ж̇аамий’д̇и вад̣̇аами, б̣раахман̣о мажчамам̣сам̣ бажжзд̇и, яам̣нуунаахам̣ свз г̇аамам̣ бин̣д̣ааяа абависид̇ваа гигийран̃н̃о г̇зхаа аабхад̇ам̣ бин̣д̣абаад̇ам̣ барибхун̃ж̇зяяам̣, звам̣ аамаг̇анд̇хам̣ аараб̣бха гат̇аа бавад̇д̇иссад̇и. д̇ад̇о б̣раахман̣ам̣ д̇хаммад̣̇зсанааяа сан̃н̃аабзссаамий’’д̇и д̣̇уд̇ияад̣̇ивасз гаалассзва сарийрабаригаммам̣ гад̇ваа г̇анд̇хагудим̣ баависи. бхигкуу г̇анд̇хагудид̣̇ваарам̣ бихид̇ам̣ д̣̇исваа ‘‘на бхаг̇аваа аж̇ж̇а бхигкуухи сад̣̇д̇хим̣ бависид̇угаамо’’д̇и н̃ад̇ваа г̇анд̇хагудим̣ бад̣̇агкин̣ам̣ гад̇ваа бин̣д̣ааяа бависим̣су.
Tadā isipatane vīsatisahassā pabbajitā paṭivasanti. Atha kassapo bhagavā te āmantetvā dhammacakkaṃ pavattesi. Suttapariyosāne sabbeva arahanto ahesuṃ. So sudaṃ bhagavā vīsatibhikkhusahassaparivuto tattheva isipatane vasati. Kikī ca naṃ kāsirājā catūhi paccayehi upaṭṭhāti. Athekadivasaṃ bārāṇasivāsī eko puriso pabbate candanasārādīni gavesanto tissassa tāpasassa assamaṃ patvā taṃ abhivādetvā ekamantaṃ aṭṭhāsi. Tāpaso taṃ disvā ‘‘kuto āgatosī’’ti pucchi. ‘‘Bārāṇasito, bhante’’ti. ‘‘Kā tattha pavattī’’ti? ‘‘Tattha, bhante, kassapo nāma sammāsambuddho uppanno’’ti. Tāpaso dullabhavacanaṃ sutvā pītisomanassajāto pucchi – ‘‘kiṃ so āmagandhaṃ bhuñjati, na bhuñjatī’’ti? ‘‘Ko bhante, āmagandho’’ti? ‘‘Macchamaṃsaṃ āvuso’’ti. ‘‘Bhagavā, bhante, macchamaṃsaṃ bhuñjatī’’ti. Taṃ sutvā tāpaso vippaṭisārī hutvā puna cintesi – ‘‘gantvā taṃ pucchissāmi, sace ‘āmagandhaṃ paribhuñjāmī’ti vakkhati, tato naṃ ‘tumhākaṃ, bhante, jātiyā ca kulassa ca gottassa ca ananucchavikameta’nti nivāretvā tassa santike pabbajitvā bhavanissaraṇaṃ karissāmī’’ti sallahukaṃ upakaraṇaṃ gahetvā sabbattha ekarattivāsena sāyanhasamaye bārāṇasiṃ patvā isipatanameva pāvisi. Bhagavāpi tasmiṃ samaye dhammadesanatthāya āsane nisinnoyeva hoti. Tāpaso bhagavantaṃ upasaṅkamma anabhivādetvā tuṇhībhūto ekamantaṃ aṭṭhāsi. Bhagavā taṃ disvā pubbe vuttanayeneva paṭisammodi. Sopi ‘‘khamanīyaṃ, bho kassapā’’tiādīni vatvā ekamantaṃ nisīditvā bhagavantaṃ pucchi – ‘‘āmagandhaṃ, bho kassapa, bhuñjasi, na bhuñjasī’’ti? ‘‘Nāhaṃ, brāhmaṇa, āmagandhaṃ bhuñjāmī’’ti. ‘‘Sādhu, sādhu, bho kassapa, parakuṇapaṃ akhādanto sundaramakāsi, yuttametaṃ bhoto kassapassa jātiyā ca kulassa ca gottassa cā’’ti. Tato bhagavā ‘‘ahaṃ kilese sandhāya ‘āmagandhaṃ na bhuñjāmī’ti vadāmi, brāhmaṇo macchamaṃsaṃ pacceti, yaṃnūnāhaṃ sve gāmaṃ piṇḍāya apavisitvā kikīrañño gehā ābhataṃ piṇḍapātaṃ paribhuñjeyyaṃ, evaṃ āmagandhaṃ ārabbha kathā pavattissati. Tato brāhmaṇaṃ dhammadesanāya saññāpessāmī’’ti dutiyadivase kālasseva sarīraparikammaṃ katvā gandhakuṭiṃ pāvisi. Bhikkhū gandhakuṭidvāraṃ pihitaṃ disvā ‘‘na bhagavā ajja bhikkhūhi saddhiṃ pavisitukāmo’’ti ñatvā gandhakuṭiṃ padakkhiṇaṃ katvā piṇḍāya pavisiṃsu.
бхаг̇авааби г̇анд̇хагудид̇о нигкамма бан̃н̃ад̇д̇аасанз нисийд̣̇и. д̇аабасоби ко бад̇д̇асаагам̣ бажид̇ваа каад̣̇ид̇ваа бхаг̇авад̇о санд̇игз нисийд̣̇и. гигий гаасирааж̇аа бхигкуу бин̣д̣ааяа жаранд̇з д̣̇исваа ‘‘гухим̣ бхаг̇аваа, бханд̇з’’д̇и бужчид̇ваа ‘‘вихаарз, махаарааж̇аа’’д̇и жа суд̇ваа наанааб̣яан̃ж̇анарасаманзгамам̣савигад̇исамбаннам̣ бхож̇анам̣ бхаг̇авад̇о баахзси. амажжаа вихаарам̣ нзд̇ваа бхаг̇авад̇о аарожзд̇ваа д̣̇агкин̣од̣̇агам̣ д̣̇ад̇ваа баривисанд̇аа батамам̣ наанаамам̣савигад̇исамбаннам̣ яааг̇ум̣ ад̣̇ам̣су, д̇аабасо д̣̇исваа ‘‘каад̣̇ад̇и ну ко но’’д̇и жинд̇знд̇о адтааси. бхаг̇аваа д̇асса бассад̇оязва яааг̇ум̣ биванд̇о мам̣сакан̣д̣ам̣ мукз багкиби. д̇аабасо д̣̇исваа гуд̣̇д̇хо. буна яааг̇убийд̇асса наанаарасаб̣яан̃ж̇анам̣ бхож̇анамад̣̇ам̣су, д̇амби г̇ахзд̇ваа бхун̃ж̇анд̇ам̣ д̣̇исваа ад̇ивияа гуд̣̇д̇хо ‘‘мажчамам̣сам̣ каад̣̇анд̇оязва ‘на каад̣̇аамий’д̇и бхан̣ад̇ий’’д̇и. ат̇а бхаг̇аванд̇ам̣ гад̇абхад̇д̇агижжам̣ хад̇т̇абаад̣̇з д̇ховид̇ваа нисиннам̣ убасан̇гамма ‘‘бхо гассаба, мусаа д̇вам̣ бхан̣аси, нзд̇ам̣ бан̣д̣ид̇агижжам̣. мусааваад̣̇о хи г̇арахид̇о б̣уд̣̇д̇хаанам̣, язби д̇з баб̣б̣ад̇абаад̣̇з ванамуулапалаад̣̇ийхи яаабзнд̇аа исаяо васанд̇и, д̇зби мусаа на бхан̣анд̇ий’’д̇и вад̇ваа буна исийнам̣ г̇ун̣з г̇аат̇ааяа ван̣н̣знд̇о ааха ‘‘саамаагажин̇г̇уулагажийнагаани жаа’’д̇и.
Bhagavāpi gandhakuṭito nikkhamma paññattāsane nisīdi. Tāpasopi kho pattasākaṃ pacitvā khāditvā bhagavato santike nisīdi. Kikī kāsirājā bhikkhū piṇḍāya carante disvā ‘‘kuhiṃ bhagavā, bhante’’ti pucchitvā ‘‘vihāre, mahārājā’’ti ca sutvā nānābyañjanarasamanekamaṃsavikatisampannaṃ bhojanaṃ bhagavato pāhesi. Amaccā vihāraṃ netvā bhagavato ārocetvā dakkhiṇodakaṃ datvā parivisantā paṭhamaṃ nānāmaṃsavikatisampannaṃ yāguṃ adaṃsu, tāpaso disvā ‘‘khādati nu kho no’’ti cintento aṭṭhāsi. Bhagavā tassa passatoyeva yāguṃ pivanto maṃsakhaṇḍaṃ mukhe pakkhipi. Tāpaso disvā kuddho. Puna yāgupītassa nānārasabyañjanaṃ bhojanamadaṃsu, tampi gahetvā bhuñjantaṃ disvā ativiya kuddho ‘‘macchamaṃsaṃ khādantoyeva ‘na khādāmī’ti bhaṇatī’’ti. Atha bhagavantaṃ katabhattakiccaṃ hatthapāde dhovitvā nisinnaṃ upasaṅkamma ‘‘bho kassapa, musā tvaṃ bhaṇasi, netaṃ paṇḍitakiccaṃ. Musāvādo hi garahito buddhānaṃ, yepi te pabbatapāde vanamūlaphalādīhi yāpentā isayo vasanti, tepi musā na bhaṇantī’’ti vatvā puna isīnaṃ guṇe gāthāya vaṇṇento āha ‘‘sāmākaciṅgūlakacīnakāni cā’’ti.
242. д̇ад̇т̇а саамаагаад̇и д̇хунид̇ваа ваа сийсаани ужжинид̇ваа ваа г̇аяхуубаг̇аа д̇ин̣ад̇хан̃н̃аж̇аад̇и. д̇ат̇аа жин̇г̇уулагаа ган̣авийрабубпасан̣таанасийсаа хонд̇и. жийнагаанийд̇и адавибаб̣б̣ад̇абаад̣̇зсу аробид̇аж̇аад̇аа жийнамуг̇г̇аа. бад̇д̇абпаланд̇и яам̣гин̃жи харид̇абан̣н̣ам̣. муулапаланд̇и яам̣гин̃жи ганд̣̇амуулам̣. г̇авибпаланд̇и яам̣гин̃жи ругкаваллипалам̣. муулаг̇г̇ахан̣зна ваа ганд̣̇амуулам̣, палаг̇г̇ахан̣зна ругкаваллипалам̣, г̇авибпалаг̇г̇ахан̣зна уд̣̇агз ж̇аад̇асин̇гхаад̇агагасзругаад̣̇ипалам̣ взд̣̇ид̇аб̣б̣ам̣. д̇хаммзна лад̣̇д̇ханд̇и д̣̇ууд̇зяяабахин̣аг̇аманаад̣̇имижчааж̇ийвам̣ бахааяа ванз ун̃чаажарияааяа лад̣̇д̇хам̣. сад̇анд̇и санд̇о арияаа. аснамаанаад̇и бхун̃ж̇амаанаа. на гаамагаамаа алигам̣ бхан̣анд̇ийд̇и д̇з звам̣ амамаа абариг̇г̇ахаа зд̇аани саамаагаад̣̇ийни бхун̃ж̇амаанаа исаяо яат̇аа д̇вам̣ саад̣̇урасаад̣̇игз гаамз бад̇т̇аяанд̇о аамаг̇анд̇хам̣ бхун̃ж̇анд̇оязва ‘‘наахам̣, б̣раахман̣а, аамаг̇анд̇хам̣ бхун̃ж̇аамий’’д̇и бхан̣анд̇о алигам̣ бхан̣аси, д̇ат̇аа на гаамагаамаа алигам̣ бхан̣анд̇и, гаамз гаамаяанд̇аа мусаа на бхан̣анд̇ийд̇и исийнам̣ басам̣сааяа бхаг̇авад̇о нинд̣̇ам̣ д̣̇ийбзд̇и.
242. Tattha sāmākāti dhunitvā vā sīsāni uccinitvā vā gayhūpagā tiṇadhaññajāti. Tathā ciṅgūlakā kaṇavīrapupphasaṇṭhānasīsā honti. Cīnakānīti aṭavipabbatapādesu aropitajātā cīnamuggā. Pattapphalanti yaṃkiñci haritapaṇṇaṃ. Mūlaphalanti yaṃkiñci kandamūlaṃ. Gavipphalanti yaṃkiñci rukkhavalliphalaṃ. Mūlaggahaṇena vā kandamūlaṃ, phalaggahaṇena rukkhavalliphalaṃ, gavipphalaggahaṇena udake jātasiṅghātakakaserukādiphalaṃ veditabbaṃ. Dhammena laddhanti dūteyyapahiṇagamanādimicchājīvaṃ pahāya vane uñchācariyāya laddhaṃ. Satanti santo ariyā. Asnamānāti bhuñjamānā. Na kāmakāmā alikaṃ bhaṇantīti te evaṃ amamā apariggahā etāni sāmākādīni bhuñjamānā isayo yathā tvaṃ sādurasādike kāme patthayanto āmagandhaṃ bhuñjantoyeva ‘‘nāhaṃ, brāhmaṇa, āmagandhaṃ bhuñjāmī’’ti bhaṇanto alikaṃ bhaṇasi, tathā na kāmakāmā alikaṃ bhaṇanti, kāme kāmayantā musā na bhaṇantīti isīnaṃ pasaṃsāya bhagavato nindaṃ dīpeti.
243. звам̣ исийнам̣ басам̣саабад̣̇зсзна бхаг̇аванд̇ам̣ нинд̣̇ид̇ваа ид̣̇аани ад̇д̇анаа ад̇хиббзд̇ам̣ нинд̣̇аавад̇т̇ум̣ д̣̇ассзд̇ваа ниббарияааязнзва бхаг̇аванд̇ам̣ нинд̣̇анд̇о ааха ‘‘яад̣̇аснамаано’’д̇и д̇ад̇т̇а д̣̇а-гааро бад̣̇асанд̇хигаро. аяам̣ банад̇т̇о – яам̣ гин̃жид̣̇зва сасамам̣сам̣ ваа д̇ид̇д̇ирамам̣сам̣ ваа д̇хованажчзд̣̇анаад̣̇инаа буб̣б̣абаригаммзна сугад̇ам̣, бажанаваасанаад̣̇инаа бажчаабаригаммзна сунидтид̇ам̣, на маад̇араа на бид̇араа, абижа ко бана ‘‘д̣̇агкин̣зяяо аяа’’нд̇и ман̃н̃амаанзхи д̇хаммагаамзхи барзхи д̣̇иннам̣, саггаарагаран̣зна баяад̇ам̣ бан̣ийд̇амалан̇гад̇ам̣, уд̇д̇амарасад̇ааяа ож̇аванд̇ад̇ааяа т̇аамаб̣алабхаран̣асамад̇т̇ад̇ааяа жа бан̣ийд̇ам̣ аснамаано аахаараяамаано, на гзвалан̃жа яам̣гин̃жи мам̣самзва, абижа ко бана ид̣̇амби саалийнаманнам̣ вижид̇агаал̣агам̣ саалид̇ан̣д̣улод̣̇анам̣ барибхун̃ж̇амаано со бхун̃ж̇аси, гассаба, аамаг̇анд̇хам̣, со д̇вам̣ яам̣гин̃жи мам̣сам̣ бхун̃ж̇амаано ид̣̇ан̃жа саалийнаманнам̣ барибхун̃ж̇амаано бхун̃ж̇аси, гассаба, аамаг̇анд̇ханд̇и бхаг̇аванд̇ам̣ г̇од̇д̇зна аалабад̇и.
243. Evaṃ isīnaṃ pasaṃsāpadesena bhagavantaṃ ninditvā idāni attanā adhippetaṃ nindāvatthuṃ dassetvā nippariyāyeneva bhagavantaṃ nindanto āha ‘‘yadasnamāno’’ti tattha da-kāro padasandhikaro. Ayaṃ panattho – yaṃ kiñcideva sasamaṃsaṃ vā tittiramaṃsaṃ vā dhovanacchedanādinā pubbaparikammena sukataṃ, pacanavāsanādinā pacchāparikammena suniṭṭhitaṃ, na mātarā na pitarā, apica kho pana ‘‘dakkhiṇeyyo aya’’nti maññamānehi dhammakāmehi parehi dinnaṃ, sakkārakaraṇena payataṃ paṇītamalaṅkataṃ, uttamarasatāya ojavantatāya thāmabalabharaṇasamatthatāya ca paṇītaṃ asnamāno āhārayamāno, na kevalañca yaṃkiñci maṃsameva, apica kho pana idampi sālīnamannaṃ vicitakāḷakaṃ sālitaṇḍulodanaṃ paribhuñjamāno so bhuñjasi, kassapa, āmagandhaṃ, so tvaṃ yaṃkiñci maṃsaṃ bhuñjamāno idañca sālīnamannaṃ paribhuñjamāno bhuñjasi, kassapa, āmagandhanti bhagavantaṃ gottena ālapati.
244. звам̣ аахаарад̇о бхаг̇аванд̇ам̣ нинд̣̇ид̇ваа ид̣̇аани мусааваад̣̇ам̣ ааробзд̇ваа нинд̣̇анд̇о ааха ‘‘на аамаг̇анд̇хо…бз… сусан̇кад̇зхий’’д̇и. д̇ассад̇т̇о – буб̣б̣з маяаа бужчид̇о самаано ‘‘на аамаг̇анд̇хо мама габбад̇ий’’д̇и ижжзва д̇вам̣ бхаасаси, звам̣ згам̣сзнзва д̇вам̣ бхаасаси б̣рахмаб̣анд̇ху б̣раахман̣аг̇ун̣авирахид̇аж̇аад̇имад̇д̇аб̣раахман̣аад̇и барибхаасанд̇о бхан̣ад̇и. саалийнаманнанд̇и саалид̇ан̣д̣улод̣̇анам̣. барибхун̃ж̇амаанод̇и бхун̃ж̇амаано. сагунд̇амам̣сзхи сусан̇кад̇зхийд̇и д̇ад̣̇аа бхаг̇авад̇о абхихадам̣ сагун̣амам̣сам̣ нид̣̇д̣̇исанд̇о бхан̣ад̇и.
244. Evaṃ āhārato bhagavantaṃ ninditvā idāni musāvādaṃ āropetvā nindanto āha ‘‘na āmagandho…pe… susaṅkhatehī’’ti. Tassattho – pubbe mayā pucchito samāno ‘‘na āmagandho mama kappatī’’ti icceva tvaṃ bhāsasi, evaṃ ekaṃseneva tvaṃ bhāsasi brahmabandhu brāhmaṇaguṇavirahitajātimattabrāhmaṇāti paribhāsanto bhaṇati. Sālīnamannanti sālitaṇḍulodanaṃ. Paribhuñjamānoti bhuñjamāno. Sakuntamaṃsehi susaṅkhatehīti tadā bhagavato abhihaṭaṃ sakuṇamaṃsaṃ niddisanto bhaṇati.
звам̣ бхан̣анд̇о зва жа бхаг̇авад̇о хздтаа баад̣̇ад̇алаа бабхуд̇и яаава убари гзсаг̇г̇аа сарийрамуллогзнд̇о д̣̇вад̇д̇им̣саваралагкан̣аасийд̇иануб̣яан̃ж̇анасамбад̣̇ам̣ б̣яаамаббабхаабаригкзбан̃жа д̣̇исваа ‘‘зваруубо махаабурисалагкан̣аад̣̇ибадиман̣д̣ид̇агааяо на мусаа бхан̣ид̇ум̣ арахад̇и. аяам̣ хисса бхаванд̇арзби сажжаваажааниссанд̣̇знзва ун̣н̣аа бхамуганд̇арз ж̇аад̇аа од̣̇аад̇аа муд̣̇у д̇ууласаннибхаа, згзгаани жа ломагуубзсу ломаани. свааяам̣ гат̇амид̣̇аани мусаа бхан̣иссад̇и. ад̣̇д̇хаа ан̃н̃о имасса аамаг̇анд̇хо бхависсад̇и, яам̣ санд̇хааяа зд̇ад̣̇авожа – ‘наахам̣, б̣раахман̣а, аамаг̇анд̇хам̣ бхун̃ж̇аамий’д̇и, яам̣нуунаахам̣ зд̇ам̣ бужчзяяа’’нд̇и жинд̇зд̇ваа сан̃ж̇аад̇аб̣ахумаано г̇од̇д̇знзва аалабанд̇о имам̣ г̇аат̇аасзсам̣ ааха –
Evaṃ bhaṇanto eva ca bhagavato heṭṭhā pādatalā pabhuti yāva upari kesaggā sarīramullokento dvattiṃsavaralakkhaṇāsītianubyañjanasampadaṃ byāmappabhāparikkhepañca disvā ‘‘evarūpo mahāpurisalakkhaṇādipaṭimaṇḍitakāyo na musā bhaṇituṃ arahati. Ayaṃ hissa bhavantarepi saccavācānissandeneva uṇṇā bhamukantare jātā odātā mudu tūlasannibhā, ekekāni ca lomakūpesu lomāni. Svāyaṃ kathamidāni musā bhaṇissati. Addhā añño imassa āmagandho bhavissati, yaṃ sandhāya etadavoca – ‘nāhaṃ, brāhmaṇa, āmagandhaṃ bhuñjāmī’ti, yaṃnūnāhaṃ etaṃ puccheyya’’nti cintetvā sañjātabahumāno gotteneva ālapanto imaṃ gāthāsesaṃ āha –
‘‘бужчаами д̇ам̣ гассаба зд̇амад̇т̇ам̣, гат̇ам̣багааро д̇ава аамаг̇анд̇хо’’д̇и.
‘‘Pucchāmi taṃ kassapa etamatthaṃ, kathaṃpakāro tava āmagandho’’ti.
245. ат̇асса бхаг̇аваа аамаг̇анд̇хам̣ виссаж̇ж̇зд̇ум̣ ‘‘баан̣аад̇ибаад̇о’’д̇и звамаад̣̇имааха. д̇ад̇т̇а баан̣аад̇ибаад̇од̇и баан̣авад̇хо. вад̇хачзд̣̇аб̣анд̇хананд̇и зд̇т̇а сад̇д̇аанам̣ д̣̇ан̣д̣аад̣̇ийхи аагоданам̣ вад̇хо, хад̇т̇абаад̣̇аад̣̇ийнам̣ чзд̣̇анам̣ чзд̣̇о, раж̇ж̇уаад̣̇ийхи б̣анд̇хо б̣анд̇ханам̣. т̇зяяам̣ мусааваад̣̇од̇и т̇зяяан̃жа мусааваад̣̇о жа. нигад̇ийд̇и ‘‘д̣̇ассаами, гариссаамий’’д̇иаад̣̇инаа наязна аасам̣ уббаад̣̇зд̇ваа нираасаагаран̣ам̣. ван̃жанаанийд̇и асуван̣н̣ам̣ суван̣н̣анд̇и г̇аахаабанаад̣̇ийни. аж̇жхзнагуд̇д̇анд̇и нирад̇т̇агаманзгаг̇ант̇абарияаабун̣анам̣. барад̣̇аарасзванаад̇и барабариг̇г̇ахид̇аасу жаарид̇д̇аабаж̇ж̇анам̣. зсаамаг̇анд̇хо на хи мам̣сабхож̇ананд̇и зса баан̣аад̇ибаад̇аад̣̇иагусалад̇хаммасамуд̣̇аажааро аамаг̇анд̇хо виссаг̇анд̇хо гун̣абаг̇анд̇хо. гим̣ гааран̣аа? аманун̃н̃ад̇д̇аа гилзсаасужимиссагад̇д̇аа саб̣бхи ж̇иг̇ужчид̇ад̇д̇аа барамад̣̇уг̇г̇анд̇хабхааваавахад̇д̇аа жа. яз хи уссаннагилзсаа сад̇д̇аа, д̇з д̇зхи ад̇ид̣̇уг̇г̇анд̇хаа хонд̇и, ниггилзсаанам̣ мад̇асарийрамби д̣̇уг̇г̇анд̇хам̣ на ход̇и, д̇асмаа зсаамаг̇анд̇хо. мам̣сабхож̇анам̣ бана ад̣̇идтамасуд̇амабарисан̇гид̇ан̃жа анаваж̇ж̇ам̣, д̇асмаа на хи мам̣сабхож̇анам̣ аамаг̇анд̇ход̇и.
245. Athassa bhagavā āmagandhaṃ vissajjetuṃ ‘‘pāṇātipāto’’ti evamādimāha. Tattha pāṇātipātoti pāṇavadho. Vadhachedabandhananti ettha sattānaṃ daṇḍādīhi ākoṭanaṃ vadho, hatthapādādīnaṃ chedanaṃ chedo, rajjuādīhi bandho bandhanaṃ. Theyyaṃ musāvādoti theyyañca musāvādo ca. Nikatīti ‘‘dassāmi, karissāmī’’tiādinā nayena āsaṃ uppādetvā nirāsākaraṇaṃ. Vañcanānīti asuvaṇṇaṃ suvaṇṇanti gāhāpanādīni. Ajjhenakuttanti niratthakamanekaganthapariyāpuṇanaṃ. Paradārasevanāti parapariggahitāsu cārittāpajjanaṃ. Esāmagandho na hi maṃsabhojananti esa pāṇātipātādiakusaladhammasamudācāro āmagandho vissagandho kuṇapagandho. Kiṃ kāraṇā? Amanuññattā kilesaasucimissakattā sabbhi jigucchitattā paramaduggandhabhāvāvahattā ca. Ye hi ussannakilesā sattā, te tehi atiduggandhā honti, nikkilesānaṃ matasarīrampi duggandhaṃ na hoti, tasmā esāmagandho. Maṃsabhojanaṃ pana adiṭṭhamasutamaparisaṅkitañca anavajjaṃ, tasmā na hi maṃsabhojanaṃ āmagandhoti.
246. звам̣ д̇хаммаад̇хидтаанааяа д̣̇зсанааяа згзна наязна аамаг̇анд̇хам̣ виссаж̇ж̇зд̇ваа ид̣̇аани яасмаа д̇з д̇з сад̇д̇аа д̇зхи д̇зхи аамаг̇анд̇хзхи саманнааг̇ад̇аа, на зго зва саб̣б̣зхи, на жа саб̣б̣з згзнзва, д̇асмаа нзсам̣ д̇з д̇з аамаг̇анд̇хз багаасзд̇ум̣ ‘‘яз ид̇ха гаамзсу асан̃н̃ад̇аа ж̇анаа’’д̇иаад̣̇инаа наязна буг̇г̇алаад̇хидтаанааяа д̇аава д̣̇зсанааяа аамаг̇анд̇хз виссаж̇ж̇знд̇о д̣̇вз г̇аат̇ааяо абхааси.
246. Evaṃ dhammādhiṭṭhānāya desanāya ekena nayena āmagandhaṃ vissajjetvā idāni yasmā te te sattā tehi tehi āmagandhehi samannāgatā, na eko eva sabbehi, na ca sabbe ekeneva, tasmā nesaṃ te te āmagandhe pakāsetuṃ ‘‘ye idha kāmesu asaññatā janā’’tiādinā nayena puggalādhiṭṭhānāya tāva desanāya āmagandhe vissajjento dve gāthāyo abhāsi.
д̇ад̇т̇а яз ид̇ха гаамзсу асан̃н̃ад̇аа ж̇анаад̇и яз гзжи ид̇ха логз гаамабадисзванасан̇каад̇зсу гаамзсу маад̇имаад̇ужчаад̣̇ийсуби марияаад̣̇аавирахзна бхиннасам̣варад̇ааяа асам̣яад̇аа бут̇уж̇ж̇анаа. расзсу г̇ид̣̇д̇хаад̇и ж̇ивхаавин̃н̃зяязсу расзсу г̇ид̣̇д̇хаа г̇ад̇хид̇аа мужчид̇аа аж̇жхосаннаа анаад̣̇ийнавад̣̇ассаавино аниссаран̣абан̃н̃аа расз барибхун̃ж̇анд̇и. асужибхаавамассид̇аад̇и д̇ааяа расаг̇ид̣̇д̇хияаа расабадилаабхад̇т̇ааяа наанаббагаарамижчааж̇ийвасан̇каад̇аасужибхаавамиссид̇аа. над̇т̇игад̣̇идтийд̇и ‘‘над̇т̇и д̣̇инна’’нд̇иаад̣̇ид̣̇асавад̇т̇угамижчаад̣̇идтисаманнааг̇ад̇аа. висамаад̇и висамзна гааяагаммаад̣̇инаа саманнааг̇ад̇аа. д̣̇ураннаяаад̇и д̣̇увин̃н̃аабаяаа санд̣̇идтибараамаасийаад̇хаанаг̇г̇аахийд̣̇уббадиниссаг̇г̇ид̇аасаманнааг̇ад̇аа. зсаамаг̇анд̇ход̇и зса зд̇ааяа г̇аат̇ааяа буг̇г̇алз ад̇хидтааяа нид̣̇д̣̇идто ‘‘гаамзсу асам̣яад̇ад̇аа расаг̇ид̣̇д̇хад̇аа ааж̇ийвавибад̇д̇инад̇т̇игад̣̇идтигааяад̣̇ужжарид̇аад̣̇ивисамад̇аа д̣̇ураннаяабхаавад̇аа’’д̇и абароби буб̣б̣з вуд̇д̇знзвад̇т̇зна чаб̣б̣ид̇хо аамаг̇анд̇хо взд̣̇ид̇аб̣б̣о. на хи мам̣сабхож̇ананд̇и мам̣сабхож̇анам̣ бана яат̇аавуд̇д̇знзвад̇т̇зна на аамаг̇анд̇ход̇и.
Tattha ye idha kāmesu asaññatā janāti ye keci idha loke kāmapaṭisevanasaṅkhātesu kāmesu mātimātucchādīsupi mariyādāvirahena bhinnasaṃvaratāya asaṃyatā puthujjanā. Rasesu giddhāti jivhāviññeyyesu rasesu giddhā gadhitā mucchitā ajjhosannā anādīnavadassāvino anissaraṇapaññā rase paribhuñjanti. Asucibhāvamassitāti tāya rasagiddhiyā rasapaṭilābhatthāya nānappakāramicchājīvasaṅkhātaasucibhāvamissitā. Natthikadiṭṭhīti ‘‘natthi dinna’’ntiādidasavatthukamicchādiṭṭhisamannāgatā. Visamāti visamena kāyakammādinā samannāgatā. Durannayāti duviññāpayā sandiṭṭhiparāmāsīādhānaggāhīduppaṭinissaggitāsamannāgatā. Esāmagandhoti esa etāya gāthāya puggale adhiṭṭhāya niddiṭṭho ‘‘kāmesu asaṃyatatā rasagiddhatā ājīvavipattinatthikadiṭṭhikāyaduccaritādivisamatā durannayabhāvatā’’ti aparopi pubbe vuttenevatthena chabbidho āmagandho veditabbo. Na hi maṃsabhojananti maṃsabhojanaṃ pana yathāvuttenevatthena na āmagandhoti.
247. д̣̇уд̇ияаг̇аат̇ааяаби яз луукасаад̇и яз луукаа нирасаа, ад̇д̇агиламат̇аануяуд̇д̇аад̇и ад̇т̇о. д̣̇аарун̣аад̇и гагкал̣аа д̣̇оважассад̇ааяуд̇д̇аа. бидтимам̣сигаад̇и бурад̇о мад̇хурам̣ бхан̣ид̇ваа бараммукз аван̣н̣абхаасино . зд̇з хи абхимукам̣ ологзд̇умасаггонд̇аа бараммукаанам̣ бидтимам̣сакаад̣̇агаа вияа хонд̇и, д̇зна ‘‘бидтимам̣сигаа’’д̇и вужжанд̇и. мид̇д̇ад̣̇д̣̇унод̇и мид̇д̇ад̣̇уухагаа, д̣̇аарад̇ханаж̇ийвид̇зсу виссаасамаабаннаанам̣ мид̇д̇аанам̣ д̇ад̇т̇а мижчаабадибаж̇ж̇анагаад̇и вуд̇д̇ам̣ ход̇и. ниггарун̣аад̇и гарун̣аавирахид̇аа сад̇д̇аанам̣ анад̇т̇агаамаа. ад̇имаанинод̇и ‘‘ид̇хзгажжо ж̇аад̇ияаа ваа…бз… ан̃н̃ад̇аран̃н̃ад̇арзна вад̇т̇унаа барз ад̇иман̃н̃ад̇и, яо зваруубо маано гзд̇угамяад̇аа жид̇д̇ассаа’’д̇и (вибха. 880) звам̣ вуд̇д̇зна ад̇имаанзна саманнааг̇ад̇аа. ад̣̇аанасийлаад̇и ад̣̇аанабагад̇игаа, ад̣̇аанаад̇химуд̇д̇аа асам̣вибхааг̇арад̇аад̇и ад̇т̇о. на жа д̣̇знд̇и гассажийд̇и д̇ааяа жа бана ад̣̇аанасийлад̇ааяа яаажид̇ааби санд̇аа гассажи гин̃жи на д̣̇знд̇и, ад̣̇иннабуб̣б̣агагулз мануссасад̣̇исаа ниж̇жхаамад̇ан̣хигабзд̇абарааяан̣аа хонд̇и. гзжи бана ‘‘аад̣̇аанасийлаа’’д̇иби батанд̇и, гзвалам̣ г̇ахан̣асийлаа, гассажи бана гин̃жи на д̣̇знд̇ийд̇и. зсаамаг̇анд̇хо на хи мам̣сабхож̇ананд̇и зса зд̇ааяа г̇аат̇ааяа буг̇г̇алз ад̇хидтааяа нид̣̇д̣̇идто ‘‘луукад̇аа, д̣̇аарун̣ад̇аа , бидтимам̣сигад̇аа, мид̇д̇ад̣̇уубхид̇аа, ниггарун̣ад̇аа, ад̇имаанид̇аа, ад̣̇аанасийлад̇аа, ад̣̇аана’’нд̇и абароби буб̣б̣з вуд̇д̇знзвад̇т̇зна адтавид̇хо аамаг̇анд̇хо взд̣̇ид̇аб̣б̣о, на хи мам̣сабхож̇ананд̇и.
247. Dutiyagāthāyapi ye lūkhasāti ye lūkhā nirasā, attakilamathānuyuttāti attho. Dāruṇāti kakkhaḷā dovacassatāyuttā. Piṭṭhimaṃsikāti purato madhuraṃ bhaṇitvā parammukhe avaṇṇabhāsino . Ete hi abhimukhaṃ oloketumasakkontā parammukhānaṃ piṭṭhimaṃsakhādakā viya honti, tena ‘‘piṭṭhimaṃsikā’’ti vuccanti. Mittaddunoti mittadūhakā, dāradhanajīvitesu vissāsamāpannānaṃ mittānaṃ tattha micchāpaṭipajjanakāti vuttaṃ hoti. Nikkaruṇāti karuṇāvirahitā sattānaṃ anatthakāmā. Atimāninoti ‘‘idhekacco jātiyā vā…pe… aññataraññatarena vatthunā pare atimaññati, yo evarūpo māno ketukamyatā cittassā’’ti (vibha. 880) evaṃ vuttena atimānena samannāgatā. Adānasīlāti adānapakatikā, adānādhimuttā asaṃvibhāgaratāti attho. Na ca denti kassacīti tāya ca pana adānasīlatāya yācitāpi santā kassaci kiñci na denti, adinnapubbakakule manussasadisā nijjhāmataṇhikapetaparāyaṇā honti. Keci pana ‘‘ādānasīlā’’tipi paṭhanti, kevalaṃ gahaṇasīlā, kassaci pana kiñci na dentīti. Esāmagandho na hi maṃsabhojananti esa etāya gāthāya puggale adhiṭṭhāya niddiṭṭho ‘‘lūkhatā, dāruṇatā , piṭṭhimaṃsikatā, mittadūbhitā, nikkaruṇatā, atimānitā, adānasīlatā, adāna’’nti aparopi pubbe vuttenevatthena aṭṭhavidho āmagandho veditabbo, na hi maṃsabhojananti.
248. звам̣ буг̇г̇алаад̇хидтаанааяа д̣̇зсанааяа д̣̇вз г̇аат̇ааяо вад̇ваа буна д̇асса д̇аабасасса аасаяаанубаривад̇д̇анам̣ вид̣̇ид̇ваа д̇хаммаад̇хидтаанааязва д̣̇зсанааяа згам̣ г̇аат̇ам̣ абхааси. д̇ад̇т̇а год̇хо ураг̇асуд̇д̇з вуд̇д̇анаязнзва взд̣̇ид̇аб̣б̣о. мад̣̇од̇и ‘‘ж̇аад̇имад̣̇о, г̇од̇д̇амад̣̇о, аарог̇яамад̣̇о’’д̇иаад̣̇инаа (вибха. 832) наязна вибхан̇г̇з вуд̇д̇аббабхзд̣̇о жид̇д̇асса маж̇ж̇анабхааво. т̇амбход̇и т̇ад̣̇д̇хабхааво. бажжубадтаабанаад̇и бажжанийгадтаабанаа, д̇хаммзна наязна вуд̇д̇асса бадивируж̇жхид̇ваа таанам̣. мааяаад̇и ‘‘ид̇хзгажжо гааязна д̣̇ужжарид̇ам̣ жарид̇ваа’’д̇иаад̣̇инаа (вибха. 894) наязна вибхан̇г̇з вибхад̇д̇аа гад̇абаабабадижчаад̣̇анад̇аа. усууяаад̇и баралаабхасаггаараад̣̇ийсу иссаа. бхассасамуссаяод̇и самуссид̇ам̣ бхассам̣, ад̇д̇уггам̣санад̇аад̇и вуд̇д̇ам̣ ход̇и. маанаад̇имаанод̇и ‘‘ид̇хзгажжо ж̇аад̇ияаа ваа…бз… ан̃н̃ад̇аран̃н̃ад̇арзна вад̇т̇унаа буб̣б̣агаалам̣ барзхи сад̣̇исам̣ ад̇д̇аанам̣ д̣̇ахад̇и, абарагаалам̣ ад̇д̇аанам̣ сзяяам̣ д̣̇ахад̇и, барз хийнз д̣̇ахад̇и, яо зваруубо маано…бз… гзд̇угамяад̇аа жид̇д̇ассаа’’д̇и (вибха. 880) вибхан̇г̇з вибхад̇д̇о. асаб̣бхи сант̇авод̇и асаббурисзхи сант̇аво. зсаамаг̇анд̇хо на хи мам̣сабхож̇ананд̇и зса год̇хаад̣̇и нававид̇хо агусаларааси буб̣б̣з вуд̇д̇знзвад̇т̇зна аамаг̇анд̇ход̇и взд̣̇ид̇аб̣б̣о, на хи мам̣сабхож̇ананд̇и.
248. Evaṃ puggalādhiṭṭhānāya desanāya dve gāthāyo vatvā puna tassa tāpasassa āsayānuparivattanaṃ viditvā dhammādhiṭṭhānāyeva desanāya ekaṃ gāthaṃ abhāsi. Tattha kodho uragasutte vuttanayeneva veditabbo. Madoti ‘‘jātimado, gottamado, ārogyamado’’tiādinā (vibha. 832) nayena vibhaṅge vuttappabhedo cittassa majjanabhāvo. Thambhoti thaddhabhāvo. Paccupaṭṭhāpanāti paccanīkaṭṭhāpanā, dhammena nayena vuttassa paṭivirujjhitvā ṭhānaṃ. Māyāti ‘‘idhekacco kāyena duccaritaṃ caritvā’’tiādinā (vibha. 894) nayena vibhaṅge vibhattā katapāpapaṭicchādanatā. Usūyāti paralābhasakkārādīsu issā. Bhassasamussayoti samussitaṃ bhassaṃ, attukkaṃsanatāti vuttaṃ hoti. Mānātimānoti ‘‘idhekacco jātiyā vā…pe… aññataraññatarena vatthunā pubbakālaṃ parehi sadisaṃ attānaṃ dahati, aparakālaṃ attānaṃ seyyaṃ dahati, pare hīne dahati, yo evarūpo māno…pe… ketukamyatā cittassā’’ti (vibha. 880) vibhaṅge vibhatto. Asabbhi santhavoti asappurisehi santhavo. Esāmagandho na hi maṃsabhojananti esa kodhādi navavidho akusalarāsi pubbe vuttenevatthena āmagandhoti veditabbo, na hi maṃsabhojananti.
249. звам̣ д̇хаммаад̇хидтаанааяа д̣̇зсанааяа нававид̇хам̣ аамаг̇анд̇хам̣ д̣̇ассзд̇ваа бунаби буб̣б̣з вуд̇д̇анаязнзва буг̇г̇алаад̇хидтаанааяа д̣̇зсанааяа аамаг̇анд̇хз виссаж̇ж̇знд̇о д̇иссо г̇аат̇ааяо абхааси. д̇ад̇т̇а яз баабасийлаад̇и яз баабасамаажаарад̇ааяа ‘‘баабасийлаа’’д̇и логз баагадаа. ин̣агхаад̇асуужагаад̇и васаласуд̇д̇з вуд̇д̇анаязна ин̣ам̣ г̇ахзд̇ваа д̇асса аббад̣̇аанзна ин̣агхаад̇аа, бзсун̃н̃зна суужагаа жа. вохаарагуудаа ид̇ха баадируубигаад̇и д̇хаммаддадтаанз тид̇аа лан̃ж̇ам̣ г̇ахзд̇ваа саамигз барааж̇знд̇аа гуудзна вохаарзна саманнааг̇ад̇ад̇д̇аа вохаарагуудаа, д̇хаммадтабадируубагад̇д̇аа баадируубигаа. ат̇а ваа ид̇хаад̇и саасанз. баадируубигаад̇и д̣̇уссийлаа. д̇з хи яасмаа нзсам̣ ирияаабат̇асамбад̣̇аад̣̇ийхи сийлаванд̇абадируубам̣ ад̇т̇и, д̇асмаа бадируубаа, бадируубаа зва баадируубигаа. нараад̇хамаа язд̇ха гаронд̇и гиб̣б̣исанд̇и яз ид̇ха логз нараад̇хамаа маад̇аабид̇уусу б̣уд̣̇д̇хабажжзгаб̣уд̣̇д̇хаад̣̇ийсу жа мижчаабадибад̇д̇исан̃н̃ид̇ам̣ гиб̣б̣исам̣ гаронд̇и. зсаамаг̇анд̇хо на хи мам̣сабхож̇ананд̇и зса зд̇ааяа г̇аат̇ааяа буг̇г̇алз ад̇хидтааяа нид̣̇д̣̇идто ‘‘баабасийлад̇аа, ин̣агхаад̇ад̇аа, суужагад̇аа, вохаарагуудад̇аа, баадируубигад̇аа, гиб̣б̣исагаарид̇аа’’д̇и абароби буб̣б̣з вуд̇д̇знзвад̇т̇зна чаб̣б̣ид̇хо аамаг̇анд̇хо взд̣̇ид̇аб̣б̣о, на хи мам̣сабхож̇ананд̇и.
249. Evaṃ dhammādhiṭṭhānāya desanāya navavidhaṃ āmagandhaṃ dassetvā punapi pubbe vuttanayeneva puggalādhiṭṭhānāya desanāya āmagandhe vissajjento tisso gāthāyo abhāsi. Tattha yepāpasīlāti ye pāpasamācāratāya ‘‘pāpasīlā’’ti loke pākaṭā. Iṇaghātasūcakāti vasalasutte vuttanayena iṇaṃ gahetvā tassa appadānena iṇaghātā, pesuññena sūcakā ca. Vohārakūṭā idha pāṭirūpikāti dhammaṭṭaṭṭhāne ṭhitā lañjaṃ gahetvā sāmike parājentā kūṭena vohārena samannāgatattā vohārakūṭā, dhammaṭṭhapaṭirūpakattā pāṭirūpikā. Atha vā idhāti sāsane. Pāṭirūpikāti dussīlā. Te hi yasmā nesaṃ iriyāpathasampadādīhi sīlavantapaṭirūpaṃ atthi, tasmā paṭirūpā, paṭirūpā eva pāṭirūpikā. Narādhamā yedha karonti kibbisanti ye idha loke narādhamā mātāpitūsu buddhapaccekabuddhādīsu ca micchāpaṭipattisaññitaṃ kibbisaṃ karonti. Esāmagandho na hi maṃsabhojananti esa etāya gāthāya puggale adhiṭṭhāya niddiṭṭho ‘‘pāpasīlatā, iṇaghātatā, sūcakatā, vohārakūṭatā, pāṭirūpikatā, kibbisakāritā’’ti aparopi pubbe vuttenevatthena chabbidho āmagandho veditabbo, na hi maṃsabhojananti.
250. яз ид̇ха баан̣зсу асан̃н̃ад̇аа ж̇анаад̇и яз ж̇анаа ид̇халогз баан̣зсу яат̇аагаамажаарид̇ааяа сад̇амби сахассамби маарзд̇ваа ануд̣̇д̣̇аяаамад̇д̇ассааби агаран̣зна асам̣яад̇аа. барзсамаад̣̇ааяа вихзсамуяяуд̇аад̇и барзсам̣ санд̇агам̣ аад̣̇ааяа д̇ханам̣ ваа ж̇ийвид̇ам̣ ваа д̇ад̇о ‘‘маа звам̣ гарот̇аа’’д̇и яаажанд̇аанам̣ ваа ниваарзнд̇аанам̣ ваа баан̣илзд̣д̣уд̣̇ан̣д̣аад̣̇ийхи вихзсам̣ уяяуд̇аа. барз ваа сад̇д̇з самаад̣̇ааяа ‘‘аж̇ж̇а д̣̇аса, аж̇ж̇а вийса’’нд̇и звам̣ самаад̣̇ияид̇ваа д̇зсам̣ вад̇хаб̣анд̇ханаад̣̇ийхи вихзсамуяяуд̇аа. д̣̇уссийлалуд̣̇д̣̇аад̇и ниссийлаа жа д̣̇ураажаарад̇д̇аа , луд̣̇д̣̇аа жа гуруурагамманд̇аа лохид̇абаан̣ид̇ааяа, мажчагхаад̇агамиг̇аб̣анд̇хагасаагун̣игаад̣̇аяо ид̇хаад̇хиббзд̇аа. парусаад̇и парусаваажаа. анаад̣̇араад̇и ‘‘ид̣̇аани на гариссаама, вирамиссаама зваруубаа’’д̇и звам̣ аад̣̇аравирахид̇аа . зсаамаг̇анд̇хо на хи мам̣сабхож̇ананд̇и зса зд̇ааяа г̇аат̇ааяа буг̇г̇алз ад̇хидтааяа нид̣̇д̣̇идто ‘‘баан̣аад̇ибаад̇о вад̇хачзд̣̇аб̣анд̇хана’’нд̇иаад̣̇инаа наязна буб̣б̣з вуд̇д̇о жа авуд̇д̇о жа ‘‘баан̣зсу асам̣яад̇ад̇аа барзсам̣ вихзсад̇аа д̣̇уссийлад̇аа луд̣̇д̣̇ад̇аа парусад̇аа анаад̣̇аро’’д̇и чаб̣б̣ид̇хо аамаг̇анд̇хо взд̣̇ид̇аб̣б̣о, на хи мам̣сабхож̇ананд̇и. буб̣б̣з вуд̇д̇амби хи сод̇уунам̣ сод̇угаамад̇ааяа авад̇хааран̣ад̇ааяа д̣̇ал̣хийгаран̣ад̇ааяаад̇и звамаад̣̇ийхи гааран̣зхи буна вужжад̇и. д̇знзва жа барад̇о вагкад̇и ‘‘ижжзд̇амад̇т̇ам̣ бхаг̇аваа бунаббунам̣, агкааси нам̣ взд̣̇аяи манд̇абаараг̇уу’’д̇и.
250.Ye idha pāṇesu asaññatā janāti ye janā idhaloke pāṇesu yathākāmacāritāya satampi sahassampi māretvā anuddayāmattassāpi akaraṇena asaṃyatā. Paresamādāya vihesamuyyutāti paresaṃ santakaṃ ādāya dhanaṃ vā jīvitaṃ vā tato ‘‘mā evaṃ karothā’’ti yācantānaṃ vā nivārentānaṃ vā pāṇileḍḍudaṇḍādīhi vihesaṃ uyyutā. Pare vā satte samādāya ‘‘ajja dasa, ajja vīsa’’nti evaṃ samādiyitvā tesaṃ vadhabandhanādīhi vihesamuyyutā. Dussīlaluddāti nissīlā ca durācārattā , luddā ca kurūrakammantā lohitapāṇitāya, macchaghātakamigabandhakasākuṇikādayo idhādhippetā. Pharusāti pharusavācā. Anādarāti ‘‘idāni na karissāma, viramissāma evarūpā’’ti evaṃ ādaravirahitā . Esāmagandho na hi maṃsabhojananti esa etāya gāthāya puggale adhiṭṭhāya niddiṭṭho ‘‘pāṇātipāto vadhachedabandhana’’ntiādinā nayena pubbe vutto ca avutto ca ‘‘pāṇesu asaṃyatatā paresaṃ vihesatā dussīlatā luddatā pharusatā anādaro’’ti chabbidho āmagandho veditabbo, na hi maṃsabhojananti. Pubbe vuttampi hi sotūnaṃ sotukāmatāya avadhāraṇatāya daḷhīkaraṇatāyāti evamādīhi kāraṇehi puna vuccati. Teneva ca parato vakkhati ‘‘iccetamatthaṃ bhagavā punappunaṃ, akkhāsi naṃ vedayi mantapāragū’’ti.
251. зд̇зсу г̇ид̣̇д̇хаа вируд̣̇д̇хаад̇ибаад̇инод̇и зд̇зсу баан̣зсу г̇зд̇хзна г̇ид̣̇д̇хаа, д̣̇осзна вируд̣̇д̇хаа, мохзна аад̣̇ийнавам̣ абассанд̇аа бунаббунам̣ аж̇жхаажаараббад̇д̇ияаа ад̇ибаад̇ино, зд̇зсу ваа ‘‘баан̣аад̇ибаад̇о вад̇хачзд̣̇аб̣анд̇хана’’нд̇иаад̣̇инаа наязна вуд̇д̇зсу баабагаммзсу яат̇аасамбхавам̣ яз г̇зд̇хавирод̇хаад̇ибаад̇асан̇каад̇аа рааг̇ад̣̇осамохаа, д̇зхи г̇ид̣̇д̇хаа вируд̣̇д̇хаа ад̇ибаад̇ино жа. нижжуяяуд̇аад̇и агусалагаран̣з нижжам̣ уяяуд̇аа, гад̣̇аажи бадисан̇кааяа аббадивирад̇аа. бзжжаад̇и асмаа логаа барам̣ г̇анд̇ваа. д̇амам̣ важ̇анд̇и яз, бад̇анд̇и сад̇д̇аа нираяам̣ авам̣сираад̇и яз логанд̇ариганд̇хагаарасан̇каад̇ам̣ нийжагулад̇аад̣̇ибхзд̣̇ам̣ ваа д̇амам̣ важ̇анд̇и, яз жа бад̇анд̇и сад̇д̇аа авийжиаад̣̇ибхзд̣̇ам̣ нираяам̣ авам̣сираа ад̇хог̇ад̇асийсаа. зсаамаг̇анд̇ход̇и д̇зсам̣ сад̇д̇аанам̣ д̇амаваж̇ананираяабад̇анахзд̇у зса г̇зд̇хавирод̇хаад̇ибаад̇абхзд̣̇о саб̣б̣аамаг̇анд̇хамуулабхууд̇о яат̇аавуд̇д̇знад̇т̇зна д̇ивид̇хо аамаг̇анд̇хо. на хи мам̣сабхож̇ананд̇и мам̣сабхож̇анам̣ бана на аамаг̇анд̇ход̇и.
251.Etesu giddhā viruddhātipātinoti etesu pāṇesu gedhena giddhā, dosena viruddhā, mohena ādīnavaṃ apassantā punappunaṃ ajjhācārappattiyā atipātino, etesu vā ‘‘pāṇātipāto vadhachedabandhana’’ntiādinā nayena vuttesu pāpakammesu yathāsambhavaṃ ye gedhavirodhātipātasaṅkhātā rāgadosamohā, tehi giddhā viruddhā atipātino ca. Niccuyyutāti akusalakaraṇe niccaṃ uyyutā, kadāci paṭisaṅkhāya appaṭiviratā. Peccāti asmā lokā paraṃ gantvā. Tamaṃ vajanti ye, patanti sattā nirayaṃ avaṃsirāti ye lokantarikandhakārasaṅkhātaṃ nīcakulatādibhedaṃ vā tamaṃ vajanti, ye ca patanti sattā avīciādibhedaṃ nirayaṃ avaṃsirā adhogatasīsā. Esāmagandhoti tesaṃ sattānaṃ tamavajananirayapatanahetu esa gedhavirodhātipātabhedo sabbāmagandhamūlabhūto yathāvuttenatthena tividho āmagandho. Na hi maṃsabhojananti maṃsabhojanaṃ pana na āmagandhoti.
252. звам̣ бхаг̇аваа барамад̇т̇ад̇о аамаг̇анд̇хам̣ виссаж̇ж̇зд̇ваа д̣̇уг̇г̇ад̇имаг̇г̇абхааван̃жасса багаасзд̇ваа ид̣̇аани яасмим̣ мажчамам̣сабхож̇анз д̇аабасо аамаг̇анд̇хасан̃н̃ий д̣̇уг̇г̇ад̇имаг̇г̇асан̃н̃ий жа худ̇ваа д̇асса абхож̇анзна суд̣̇д̇хигаамо худ̇ваа д̇ам̣ на бхун̃ж̇ад̇и, д̇асса жа ан̃н̃асса жа д̇ат̇аавид̇хасса сод̇хзд̇ум̣ асамад̇т̇абхаавам̣ д̣̇ассзнд̇о ‘‘на мажчамам̣са’’нд̇и имам̣ чаббад̣̇ам̣ г̇аат̇амааха. д̇ад̇т̇а саб̣б̣абад̣̇аани анд̇имабаад̣̇зна яож̇зд̇аб̣б̣аани – на мажчамам̣сам̣ сод̇хзд̇и мажжам̣ авид̇ин̣н̣аган̇кам̣, на аахуд̇ияан̃н̃амуд̇уубасзванаа сод̇хзд̇и мажжам̣ авид̇ин̣н̣аган̇канд̇и звам̣. зд̇т̇а жа на мажчамам̣санд̇и акаад̣̇ияамаанам̣ мажчамам̣сам̣ на сод̇хзд̇и, д̇ат̇аа анаасагад̇д̇анд̇и звам̣ бораан̣аа ван̣н̣знд̇и. звам̣ бана сунд̣̇арад̇арам̣ сияаа ‘‘на мажчамам̣саанам̣ анаасагад̇д̇ам̣ на мажчамам̣саанаанаасагад̇д̇ам̣, мажчамам̣саанам̣ анаасагад̇д̇ам̣ на сод̇хзд̇и, мажжа’’нд̇и ат̇ааби сияаа, звам̣ санд̇з анаасагад̇д̇ам̣ охийяад̇ийд̇и? д̇ан̃жа на, амарад̇абзна сан̇г̇ахид̇ад̇д̇аа. ‘‘яз вааби логз амараа б̣ахуу д̇абаа’’д̇и зд̇т̇а хи саб̣б̣оби вуд̇д̇аавасзсо ад̇д̇агиламат̇о сан̇г̇ахам̣ г̇ажчад̇ийд̇и. наг̇г̇ияанд̇и ажзлагад̇д̇ам̣. мун̣д̣ияанд̇и мун̣д̣абхааво. ж̇адааж̇алланд̇и ж̇адаа жа раж̇ож̇аллан̃жа. карааж̇инаанийд̇и караани аж̇инажаммаани. аг̇г̇ихуд̇д̇ассубасзванаад̇и аг̇г̇ибаарижаарияаа. амараад̇и амарабхаавабад̇т̇анад̇ааяа бавад̇д̇агааяагилзсаа. б̣ахууд̇и уггудигаббад̇хаанаад̣̇ибхзд̣̇ад̇о анзгз. д̇абаад̇и сарийрасанд̇аабаа. манд̇аад̇и взд̣̇аа. аахуд̇ийд̇и аг̇г̇ихомагаммам̣. яан̃н̃амуд̇уубасзванаад̇и ассамзд̇хаад̣̇ияан̃н̃аа жа уд̇уубасзванаа жа. уд̇уубасзванаа наама г̇имхз аад̇абадтаанасзванаа, вассз ругкамууласзванаа, хзманд̇з ж̇алаббавзсасзванаа. на сод̇хзнд̇и мажжам̣ авид̇ин̣н̣аган̇канд̇и гилзсасуд̣̇д̇хияаа ваа бхавасуд̣̇д̇хияаа ваа авид̇ин̣н̣авижигижчам̣ мажжам̣ на сод̇хзнд̇и. ган̇каамалз хи сад̇и на висуд̣̇д̇хо ход̇и, д̇ван̃жа саган̇коязваад̇и. зд̇т̇а жа ‘‘авид̇ин̣н̣аган̇ка’’нд̇и зд̇ам̣ ‘‘на мажчамам̣са’’нд̇иаад̣̇ийни суд̇ваа ‘‘гим̣ ну ко мажчамам̣саанам̣ абхож̇анаад̣̇инаа сияаа висуд̣̇д̇химаг̇г̇о’’д̇и д̇аабасасса ган̇кааяа уббаннааяа бхаг̇авад̇аа вуд̇д̇ам̣ сияаад̇и но ад̇хиббааяо. яаа жасса ‘‘со мажчамам̣сам̣ бхун̃ж̇ад̇ий’’д̇и суд̇ваава б̣уд̣̇д̇хз ган̇каа уббаннаа, д̇ам̣ санд̇хааязд̇ам̣ вуд̇д̇анд̇и взд̣̇ид̇аб̣б̣ам̣.
252. Evaṃ bhagavā paramatthato āmagandhaṃ vissajjetvā duggatimaggabhāvañcassa pakāsetvā idāni yasmiṃ macchamaṃsabhojane tāpaso āmagandhasaññī duggatimaggasaññī ca hutvā tassa abhojanena suddhikāmo hutvā taṃ na bhuñjati, tassa ca aññassa ca tathāvidhassa sodhetuṃ asamatthabhāvaṃ dassento ‘‘na macchamaṃsa’’nti imaṃ chappadaṃ gāthamāha. Tattha sabbapadāni antimapādena yojetabbāni – na macchamaṃsaṃ sodheti maccaṃ avitiṇṇakaṅkhaṃ, na āhutiyaññamutūpasevanā sodheti maccaṃ avitiṇṇakaṅkhanti evaṃ. Ettha ca na macchamaṃsanti akhādiyamānaṃ macchamaṃsaṃ na sodheti, tathā anāsakattanti evaṃ porāṇā vaṇṇenti. Evaṃ pana sundarataraṃ siyā ‘‘na macchamaṃsānaṃ anāsakattaṃ na macchamaṃsānānāsakattaṃ, macchamaṃsānaṃ anāsakattaṃ na sodheti, macca’’nti athāpi siyā, evaṃ sante anāsakattaṃ ohīyatīti? Tañca na, amaratapena saṅgahitattā. ‘‘Ye vāpi loke amarā bahū tapā’’ti ettha hi sabbopi vuttāvaseso attakilamatho saṅgahaṃ gacchatīti. Naggiyanti acelakattaṃ. Muṇḍiyanti muṇḍabhāvo. Jaṭājallanti jaṭā ca rajojallañca. Kharājinānīti kharāni ajinacammāni. Aggihuttassupasevanāti aggipāricāriyā. Amarāti amarabhāvapatthanatāya pavattakāyakilesā. Bahūti ukkuṭikappadhānādibhedato aneke. Tapāti sarīrasantāpā. Mantāti vedā. Āhutīti aggihomakammaṃ. Yaññamutūpasevanāti assamedhādiyaññā ca utūpasevanā ca. Utūpasevanā nāma gimhe ātapaṭṭhānasevanā, vasse rukkhamūlasevanā, hemante jalappavesasevanā. Na sodhenti maccaṃ avitiṇṇakaṅkhanti kilesasuddhiyā vā bhavasuddhiyā vā avitiṇṇavicikicchaṃ maccaṃ na sodhenti. Kaṅkhāmale hi sati na visuddho hoti, tvañca sakaṅkhoyevāti. Ettha ca ‘‘avitiṇṇakaṅkha’’nti etaṃ ‘‘na macchamaṃsa’’ntiādīni sutvā ‘‘kiṃ nu kho macchamaṃsānaṃ abhojanādinā siyā visuddhimaggo’’ti tāpasassa kaṅkhāya uppannāya bhagavatā vuttaṃ siyāti no adhippāyo. Yā cassa ‘‘so macchamaṃsaṃ bhuñjatī’’ti sutvāva buddhe kaṅkhā uppannā, taṃ sandhāyetaṃ vuttanti veditabbaṃ.
253. звам̣ мажчамам̣саанаасагад̇д̇аад̣̇ийнам̣ сод̇хзд̇ум̣ асамад̇т̇абхаавам̣ д̣̇ассзд̇ваа ид̣̇аани сод̇хзд̇ум̣ самад̇т̇з д̇хаммз д̣̇ассзнд̇о ‘‘сод̇зсу г̇уд̇д̇о’’д̇и имам̣ г̇аат̇амааха. д̇ад̇т̇а сод̇зсууд̇и часу инд̣̇риязсу. г̇уд̇д̇од̇и инд̣̇рияасам̣вараг̇уд̇д̇ияаа саманнааг̇ад̇о. зд̇д̇аавад̇аа инд̣̇рияасам̣варабариваарасийлам̣ д̣̇ассзд̇и. вид̣̇ид̇инд̣̇рияо жарзд̇и н̃аад̇абарин̃н̃ааяа чал̣инд̣̇рияаани вид̣̇ид̇ваа баагадаани гад̇ваа жарзяяа, вихарзяяаад̇и вуд̇д̇ам̣ ход̇и. зд̇д̇аавад̇аа висуд̣̇д̇хасийласса наамаруубабарижчзд̣̇ам̣ д̣̇ассзд̇и. д̇хаммз тид̇од̇и арияамаг̇г̇зна абхисамзд̇аб̣б̣ажад̇усажжад̇хаммз тид̇о. зд̇зна сод̇аабад̇д̇ибхуумим̣ д̣̇ассзд̇и. аж̇ж̇авамад̣̇д̣̇авз рад̇од̇и уж̇убхаавз жа муд̣̇убхаавз жа рад̇о. зд̇зна сагад̣̇ааг̇аамибхуумим̣ д̣̇ассзд̇и. сагад̣̇ааг̇аамий хи гааяаван̇гаад̣̇игараанам̣ жид̇д̇ат̇ад̣̇д̇хабхаавагараанан̃жа рааг̇ад̣̇осаанам̣ д̇анубхааваа аж̇ж̇авамад̣̇д̣̇авз рад̇о ход̇и. сан̇г̇аад̇иг̇од̇и рааг̇ад̣̇осасан̇г̇аад̇иг̇о. зд̇зна анааг̇аамибхуумим̣ д̣̇ассзд̇и. саб̣б̣ад̣̇угкаббахийнод̇и саб̣б̣асса ваддад̣̇угкасса хзд̇уббахаанзна бахийнасаб̣б̣ад̣̇угко. зд̇зна арахад̇д̇абхуумим̣ д̣̇ассзд̇и. на либбад̇и д̣̇идтасуд̇зсу д̇хийрод̇и со звам̣ анубуб̣б̣зна арахад̇д̇ам̣ бад̇д̇о д̇хид̇исамбад̣̇ааяа д̇хийро д̣̇идтасуд̇зсу д̇хаммзсу гзнажи гилзсзна на либбад̇и. на гзвалан̃жа д̣̇идтасуд̇зсу, муд̇авин̃н̃аад̇зсу жа на либбад̇и, ан̃н̃ад̣̇ад̇т̇у барамависуд̣̇д̇хиббад̇д̇о ход̇ийд̇и арахад̇д̇анигуудзна д̣̇зсанам̣ нидтаабзси.
253. Evaṃ macchamaṃsānāsakattādīnaṃ sodhetuṃ asamatthabhāvaṃ dassetvā idāni sodhetuṃ samatthe dhamme dassento ‘‘sotesu gutto’’ti imaṃ gāthamāha. Tattha sotesūti chasu indriyesu. Guttoti indriyasaṃvaraguttiyā samannāgato. Ettāvatā indriyasaṃvaraparivārasīlaṃ dasseti. Viditindriyo careti ñātapariññāya chaḷindriyāni viditvā pākaṭāni katvā careyya, vihareyyāti vuttaṃ hoti. Ettāvatā visuddhasīlassa nāmarūpaparicchedaṃ dasseti. Dhamme ṭhitoti ariyamaggena abhisametabbacatusaccadhamme ṭhito. Etena sotāpattibhūmiṃ dasseti. Ajjavamaddaveratoti ujubhāve ca mudubhāve ca rato. Etena sakadāgāmibhūmiṃ dasseti. Sakadāgāmī hi kāyavaṅkādikarānaṃ cittathaddhabhāvakarānañca rāgadosānaṃ tanubhāvā ajjavamaddave rato hoti. Saṅgātigoti rāgadosasaṅgātigo. Etena anāgāmibhūmiṃ dasseti. Sabbadukkhappahīnoti sabbassa vaṭṭadukkhassa hetuppahānena pahīnasabbadukkho. Etena arahattabhūmiṃ dasseti. Na lippati diṭṭhasutesu dhīroti so evaṃ anupubbena arahattaṃ patto dhitisampadāya dhīro diṭṭhasutesu dhammesu kenaci kilesena na lippati. Na kevalañca diṭṭhasutesu, mutaviññātesu ca na lippati, aññadatthu paramavisuddhippatto hotīti arahattanikūṭena desanaṃ niṭṭhāpesi.
254-5. ид̇о барам̣ ‘‘ижжзд̇амад̇т̇а’’нд̇и д̣̇вз г̇аат̇аа сан̇г̇ийд̇игаарзхи вуд̇д̇аа. д̇аасамад̇т̇о – ид̇и бхаг̇аваа гассабо зд̇амад̇т̇ам̣ бунаббунам̣ анзгаахи г̇аат̇аахи д̇хаммаад̇хидтаанааяа буг̇г̇алаад̇хидтаанааяа жа д̣̇зсанааяа яаава д̇аабасо ан̃н̃ааси, д̇аава со агкааси гат̇зси вид̇т̇аарзси. нам̣ взд̣̇аяи манд̇абаараг̇ууд̇и соби д̇ан̃жа ад̇т̇ам̣ манд̇абаараг̇уу, взд̣̇абаараг̇уу, д̇иссо б̣раахман̣о взд̣̇аяи ан̃н̃ааси. гим̣ гааран̣аа? яасмаа ад̇т̇ад̇о жа бад̣̇ад̇о жа д̣̇зсанаанаяад̇о жа жид̇раахи г̇аат̇аахи муний багаасаяи. гийд̣̇исо? нираамаг̇анд̇хо асид̇о д̣̇ураннаяо, аамаг̇анд̇хагилзсаабхааваа нираамаг̇анд̇хо, д̇ан̣хаад̣̇идтиниссаяаабхааваа асид̇о, б̣аахирад̣̇идтивасзна ‘‘ид̣̇ам̣ сзяяо ид̣̇ам̣ вара’’нд̇и гзнажи нзд̇ум̣ асаггун̣зяяад̇д̇аа д̣̇ураннаяо. звам̣ багаасид̇авад̇о жасса суд̇ваана б̣уд̣̇д̇хасса субхаасид̇ам̣ бад̣̇ам̣ сугат̇ид̇ам̣ д̇хаммад̣̇зсанам̣ суд̇ваа нираамаг̇анд̇хам̣ ниггилзсаяог̇ам̣, саб̣б̣ад̣̇угкаббанууд̣̇анам̣ саб̣б̣аваддад̣̇угкаббанууд̣̇анам̣, нийжамано нийжажид̇д̇о худ̇ваа ванд̣̇и д̇ат̇ааг̇ад̇асса, д̇иссо б̣раахман̣о д̇ат̇ааг̇ад̇асса баад̣̇з бан̃жабад̇идтид̇ам̣ гад̇ваа ванд̣̇и. д̇ад̇т̇зва баб̣б̣аж̇ж̇амарожаяид̇т̇аад̇и д̇ад̇т̇зва жа нам̣ аасанз нисиннам̣ гассабам̣ бхаг̇аванд̇ам̣ д̇иссо д̇аабасо баб̣б̣аж̇ж̇амарожаяид̇т̇а, аяаажийд̇и вуд̇д̇ам̣ ход̇и. д̇ам̣ бхаг̇аваа ‘‘зхи бхигкуу’’д̇и ааха. со д̇ан̇кан̣ам̣язва адтабаригкаараяуд̇д̇о худ̇ваа аагаасзнааг̇анд̇ваа вассасад̇игад̇т̇зро вияа бхаг̇аванд̇ам̣ ванд̣̇ид̇ваа гад̇ибаахзнзва саавагабаарамин̃аан̣ам̣ бадивиж̇жхид̇ваа д̇иссо наама аг̇г̇асааваго ахоси, буна д̣̇уд̇ияо бхаарад̣̇вааж̇о наама. звам̣ д̇асса бхаг̇авад̇о д̇иссабхаарад̣̇вааж̇ам̣ наама саавагаяуг̇ам̣ ахоси.
254-5. Ito paraṃ ‘‘iccetamattha’’nti dve gāthā saṅgītikārehi vuttā. Tāsamattho – iti bhagavā kassapo etamatthaṃ punappunaṃ anekāhi gāthāhi dhammādhiṭṭhānāya puggalādhiṭṭhānāya ca desanāya yāva tāpaso aññāsi, tāva so akkhāsi kathesi vitthāresi. Naṃ vedayi mantapāragūti sopi tañca atthaṃ mantapāragū, vedapāragū, tisso brāhmaṇo vedayi aññāsi. Kiṃ kāraṇā? Yasmā atthato ca padato ca desanānayato ca citrāhi gāthāhi munī pakāsayi. Kīdiso? Nirāmagandho asito durannayo, āmagandhakilesābhāvā nirāmagandho, taṇhādiṭṭhinissayābhāvā asito, bāhiradiṭṭhivasena ‘‘idaṃ seyyo idaṃ vara’’nti kenaci netuṃ asakkuṇeyyattā durannayo. Evaṃ pakāsitavato cassa sutvāna buddhassa subhāsitaṃ padaṃ sukathitaṃ dhammadesanaṃ sutvā nirāmagandhaṃ nikkilesayogaṃ, sabbadukkhappanūdanaṃ sabbavaṭṭadukkhappanūdanaṃ, nīcamano nīcacitto hutvā vandi tathāgatassa, tisso brāhmaṇo tathāgatassa pāde pañcapatiṭṭhitaṃ katvā vandi. Tattheva pabbajjamarocayitthāti tattheva ca naṃ āsane nisinnaṃ kassapaṃ bhagavantaṃ tisso tāpaso pabbajjamarocayittha, ayācīti vuttaṃ hoti. Taṃ bhagavā ‘‘ehi bhikkhū’’ti āha. So taṅkhaṇaṃyeva aṭṭhaparikkhārayutto hutvā ākāsenāgantvā vassasatikatthero viya bhagavantaṃ vanditvā katipāheneva sāvakapāramiñāṇaṃ paṭivijjhitvā tisso nāma aggasāvako ahosi, puna dutiyo bhāradvājo nāma. Evaṃ tassa bhagavato tissabhāradvājaṃ nāma sāvakayugaṃ ahosi.
амхаагам̣ бана бхаг̇аваа яаа жа д̇иссзна б̣раахман̣зна аад̣̇ид̇о д̇иссо г̇аат̇аа вуд̇д̇аа, яаа жа гассабзна бхаг̇авад̇аа маж̇жхз нава, яаа жа д̇ад̣̇аа сан̇г̇ийд̇игаарзхи анд̇з д̣̇вз, д̇аа саб̣б̣ааби жуд̣̇д̣̇аса г̇аат̇аа аанзд̇ваа барибун̣н̣ам̣ гад̇ваа имам̣ аамаг̇анд̇хасуд̇д̇ам̣ аажарияаббамукаанам̣ бан̃жаннам̣ д̇аабасасад̇аанам̣ аамаг̇анд̇хам̣ б̣яаагааси. д̇ам̣ суд̇ваа со б̣раахман̣о д̇ат̇зва нийжамано худ̇ваа бхаг̇авад̇о баад̣̇з ванд̣̇ид̇ваа баб̣б̣аж̇ж̇ам̣ яаажи сад̣̇д̇хим̣ барисааяа. ‘‘зт̇а бхигкаво’’д̇и бхаг̇аваа авожа. д̇з д̇ат̇зва зхибхигкубхаавам̣ бад̇ваа аагаасзнааг̇анд̇ваа бхаг̇аванд̇ам̣ ванд̣̇ид̇ваа гад̇ибаахзнзва саб̣б̣зва аг̇г̇апалз арахад̇д̇з бад̇идтахим̣сууд̇и.
Amhākaṃ pana bhagavā yā ca tissena brāhmaṇena ādito tisso gāthā vuttā, yā ca kassapena bhagavatā majjhe nava, yā ca tadā saṅgītikārehi ante dve, tā sabbāpi cuddasa gāthā ānetvā paripuṇṇaṃ katvā imaṃ āmagandhasuttaṃ ācariyappamukhānaṃ pañcannaṃ tāpasasatānaṃ āmagandhaṃ byākāsi. Taṃ sutvā so brāhmaṇo tatheva nīcamano hutvā bhagavato pāde vanditvā pabbajjaṃ yāci saddhiṃ parisāya. ‘‘Etha bhikkhavo’’ti bhagavā avoca. Te tatheva ehibhikkhubhāvaṃ patvā ākāsenāgantvā bhagavantaṃ vanditvā katipāheneva sabbeva aggaphale arahatte patiṭṭhahiṃsūti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа аамаг̇анд̇хасуд̇д̇аван̣н̣анаа нидтид̇аа.
Suttanipāta-aṭṭhakathāya āmagandhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 2. аамаг̇анд̇хасуд̇д̇ам̣ • 2. Āmagandhasuttaṃ
