| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
7. ஆமகத⁴ஞ்ஞஸிக்கா²பத³வண்ணனா
7. Āmakadhaññasikkhāpadavaṇṇanā
தஸ்மாதி யஸ்மா விஞ்ஞத்தி சேவ போ⁴ஜனஞ்ச பமாணங், தஸ்மா. ந கேவலஞ்செத்த² படிக்³க³ஹணேயேவ து³க்கடங் ஹோதி, படிக்³க³ண்ஹித்வா பன அரஞ்ஞதோ ஆஹரணேபி ஸுக்கா²பனேபி வத்³த³லிதி³வஸே ப⁴ஜ்ஜனத்தா²ய உத்³த⁴னஸஜ்ஜனேபி கபல்லஸஜ்ஜனேபி த³ப்³பி³ஸஜ்ஜனேபி தா³ரூனி ஆதா³ய அக்³கி³கரணேபி கபல்லம்ஹி த⁴ஞ்ஞபக்கி²பனேபி த³ப்³பி³யா ஸங்க⁴ட்டனேஸுபி கொட்டனத்த²ங் உது³க்க²லமுஸலாதி³ஸஜ்ஜனேஸுபி கொட்டனபப்போ²டனதோ⁴வனாதீ³ஸுபி யாவ முகே² ட²பெத்வா அஜ்ஜோ²ஹரணத்த²ங் த³ந்தேஹி ஸங்கா²த³தி, தாவ ஸப்³ப³ப்பயோகே³ஸு து³க்கடானீதி ஆஹ ‘‘படிக்³க³ஹணதோ பட்டா²ய யாவ த³ந்தேஹி ஸங்கா²த³னங், தாவ புப்³ப³ப்பயோகே³ஸு து³க்கடானீ’’தி.
Tasmāti yasmā viññatti ceva bhojanañca pamāṇaṃ, tasmā. Na kevalañcettha paṭiggahaṇeyeva dukkaṭaṃ hoti, paṭiggaṇhitvā pana araññato āharaṇepi sukkhāpanepi vaddalidivase bhajjanatthāya uddhanasajjanepi kapallasajjanepi dabbisajjanepi dārūni ādāya aggikaraṇepi kapallamhi dhaññapakkhipanepi dabbiyā saṅghaṭṭanesupi koṭṭanatthaṃ udukkhalamusalādisajjanesupi koṭṭanapapphoṭanadhovanādīsupi yāva mukhe ṭhapetvā ajjhoharaṇatthaṃ dantehi saṅkhādati, tāva sabbappayogesu dukkaṭānīti āha ‘‘paṭiggahaṇato paṭṭhāya yāva dantehi saṃkhādanaṃ, tāva pubbappayogesu dukkaṭānī’’ti.
ஆமகத⁴ஞ்ஞஸிக்கா²பத³வண்ணனா நிட்டி²தா.
Āmakadhaññasikkhāpadavaṇṇanā niṭṭhitā.
