| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๗. อามกธญฺญสิกฺขาปทวณฺณนา
7. Āmakadhaññasikkhāpadavaṇṇanā
ตสฺมาติ ยสฺมา วิญฺญตฺติ เจว โภชนญฺจ ปมาณํ, ตสฺมาฯ น เกวลเญฺจตฺถ ปฎิคฺคหเณเยว ทุกฺกฎํ โหติ, ปฎิคฺคณฺหิตฺวา ปน อรญฺญโต อาหรเณปิ สุกฺขาปเนปิ วทฺทลิทิวเส ภชฺชนตฺถาย อุทฺธนสชฺชเนปิ กปลฺลสชฺชเนปิ ทพฺพิสชฺชเนปิ ทารูนิ อาทาย อคฺคิกรเณปิ กปลฺลมฺหิ ธญฺญปกฺขิปเนปิ ทพฺพิยา สงฺฆฎฺฎเนสุปิ โกฎฺฎนตฺถํ อุทุกฺขลมุสลาทิสชฺชเนสุปิ โกฎฺฎนปโปฺผฎนโธวนาทีสุปิ ยาว มุเข ฐเปตฺวา อโชฺฌหรณตฺถํ ทเนฺตหิ สงฺขาทติ, ตาว สพฺพปฺปโยเคสุ ทุกฺกฎานีติ อาห ‘‘ปฎิคฺคหณโต ปฎฺฐาย ยาว ทเนฺตหิ สํขาทนํ, ตาว ปุพฺพปฺปโยเคสุ ทุกฺกฎานี’’ติฯ
Tasmāti yasmā viññatti ceva bhojanañca pamāṇaṃ, tasmā. Na kevalañcettha paṭiggahaṇeyeva dukkaṭaṃ hoti, paṭiggaṇhitvā pana araññato āharaṇepi sukkhāpanepi vaddalidivase bhajjanatthāya uddhanasajjanepi kapallasajjanepi dabbisajjanepi dārūni ādāya aggikaraṇepi kapallamhi dhaññapakkhipanepi dabbiyā saṅghaṭṭanesupi koṭṭanatthaṃ udukkhalamusalādisajjanesupi koṭṭanapapphoṭanadhovanādīsupi yāva mukhe ṭhapetvā ajjhoharaṇatthaṃ dantehi saṅkhādati, tāva sabbappayogesu dukkaṭānīti āha ‘‘paṭiggahaṇato paṭṭhāya yāva dantehi saṃkhādanaṃ, tāva pubbappayogesu dukkaṭānī’’ti.
อามกธญฺญสิกฺขาปทวณฺณนา นิฎฺฐิตาฯ
Āmakadhaññasikkhāpadavaṇṇanā niṭṭhitā.
