| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
7. ආමකධඤ්‌ඤසික්‌ඛාපදවණ්‌ණනා
7. Āmakadhaññasikkhāpadavaṇṇanā
තස්‌මාති යස්‌මා විඤ්‌ඤත්‌ති චෙව භොජනඤ්‌ච පමාණං, තස්‌මා. න කෙවලඤ්‌චෙත්‌ථ පටිග්‌ගහණෙයෙව දුක්‌කටං හොති, පටිග්‌ගණ්‌හිත්‌වා පන අරඤ්‌ඤතො ආහරණෙපි සුක්‌ඛාපනෙපි වද්‌දලිදිවසෙ භජ්‌ජනත්‌ථාය උද්‌ධනසජ්‌ජනෙපි කපල්‌ලසජ්‌ජනෙපි දබ්‌බිසජ්‌ජනෙපි දාරූනි ආදාය අග්‌ගිකරණෙපි කපල්‌ලම්‌හි ධඤ්‌ඤපක්‌ඛිපනෙපි දබ්‌බියා සඞ්‌ඝට්‌ටනෙසුපි කොට්‌ටනත්‌ථං උදුක්‌ඛලමුසලාදිසජ්‌ජනෙසුපි කොට්‌ටනපප්‌ඵොටනධොවනාදීසුපි යාව මුඛෙ ඨපෙත්‌වා අජ්‌ඣොහරණත්‌ථං දන්‌තෙහි සඞ්‌ඛාදති, තාව සබ්‌බප්‌පයොගෙසු දුක්‌කටානීති ආහ ‘‘පටිග්‌ගහණතො පට්‌ඨාය යාව දන්‌තෙහි සංඛාදනං, තාව පුබ්‌බප්‌පයොගෙසු දුක්‌කටානී’’ති.
Tasmāti yasmā viññatti ceva bhojanañca pamāṇaṃ, tasmā. Na kevalañcettha paṭiggahaṇeyeva dukkaṭaṃ hoti, paṭiggaṇhitvā pana araññato āharaṇepi sukkhāpanepi vaddalidivase bhajjanatthāya uddhanasajjanepi kapallasajjanepi dabbisajjanepi dārūni ādāya aggikaraṇepi kapallamhi dhaññapakkhipanepi dabbiyā saṅghaṭṭanesupi koṭṭanatthaṃ udukkhalamusalādisajjanesupi koṭṭanapapphoṭanadhovanādīsupi yāva mukhe ṭhapetvā ajjhoharaṇatthaṃ dantehi saṅkhādati, tāva sabbappayogesu dukkaṭānīti āha ‘‘paṭiggahaṇato paṭṭhāya yāva dantehi saṃkhādanaṃ, tāva pubbappayogesu dukkaṭānī’’ti.
ආමකධඤ්‌ඤසික්‌ඛාපදවණ්‌ණනා නිට්‌ඨිතා.
Āmakadhaññasikkhāpadavaṇṇanā niṭṭhitā.
