| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. ආමණ්‌ඩඵලදායකත්‌ථෙරඅපදානං
9. Āmaṇḍaphaladāyakattheraapadānaṃ
74.
74.
‘‘පදුමුත්‌තරො නාම ජිනො, සබ්‌බධම්‌මාන පාරගූ;
‘‘Padumuttaro nāma jino, sabbadhammāna pāragū;
වුට්‌ඨහිත්‌වා සමාධිම්‌හා, චඞ්‌කමී ලොකනායකො.
Vuṭṭhahitvā samādhimhā, caṅkamī lokanāyako.
75.
75.
‘‘ඛාරිභාරං ගහෙත්‌වාන, ආහරන්‌තො ඵලං තදා;
‘‘Khāribhāraṃ gahetvāna, āharanto phalaṃ tadā;
අද්‌දසං විරජං බුද්‌ධං, චඞ්‌කමන්‌තං මහාමුනිං.
Addasaṃ virajaṃ buddhaṃ, caṅkamantaṃ mahāmuniṃ.
76.
76.
‘‘පසන්‌නචිත්‌තො සුමනො, සිරෙ කත්‌වාන අඤ්‌ජලිං;
‘‘Pasannacitto sumano, sire katvāna añjaliṃ;
සම්‌බුද්‌ධං අභිවාදෙත්‌වා, ආමණ්‌ඩමදදිං ඵලං.
Sambuddhaṃ abhivādetvā, āmaṇḍamadadiṃ phalaṃ.
77.
77.
‘‘සතසහස්‌සිතො කප්‌පෙ, යං ඵලං අදදිං තදා;
‘‘Satasahassito kappe, yaṃ phalaṃ adadiṃ tadā;
දුග්‌ගතිං නාභිජානාමි, ආමණ්‌ඩස්‌ස ඉදං ඵලං.
Duggatiṃ nābhijānāmi, āmaṇḍassa idaṃ phalaṃ.
78.
78.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
79.
79.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
80.
80.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ආමණ්‌ඩඵලදායකො ථෙරො ඉමා
Itthaṃ sudaṃ āyasmā āmaṇḍaphaladāyako thero imā
ගාථායො අභාසිත්‌ථාති.
Gāthāyo abhāsitthāti.
ආමණ්‌ඩඵලදායකත්‌ථෙරස්‌සාපදානං නවමං.
Āmaṇḍaphaladāyakattherassāpadānaṃ navamaṃ.
