| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
8. அமராதே³வீபஞ்ஹோ
8. Amarādevīpañho
8. ‘‘ப⁴ந்தே நாக³ஸேன, பா⁴ஸிதம்பேதங் ப⁴க³வதா –
8. ‘‘Bhante nāgasena, bhāsitampetaṃ bhagavatā –
‘‘‘ஸசே லபே⁴த² க²ணங் வா ரஹோ வா, நிமந்தகங் 1 வாபி லபே⁴த² தாதி³ஸங்;
‘‘‘Sace labhetha khaṇaṃ vā raho vā, nimantakaṃ 2 vāpi labhetha tādisaṃ;
‘‘புன ச கதீ²யதி ‘மஹோஸத⁴ஸ்ஸ ப⁴ரியா அமரா நாம இத்தீ² கா³மகே ட²பிதா பவுத்த²பதிகா ரஹோ நிஸின்னா விவித்தா ராஜப்படிஸமங் ஸாமிகங் கரித்வா ஸஹஸ்ஸேன நிமந்தீயமானா பாபங் நாகாஸீ’தி. யதி³, ப⁴ந்தே நாக³ஸேன, ப⁴க³வதா ப⁴ணிதங் ‘ஸசே…பே॰… ஸத்³தி⁴’ந்தி தேன ஹி ‘மஹோஸத⁴ஸ்ஸ ப⁴ரியா…பே॰… நாகாஸீ’தி யங் வசனங், தங் மிச்சா². யதி³ மஹோஸத⁴ஸ்ஸ ப⁴ரியா…பே॰… நாகாஸி, தேன ஹி ‘ஸசே…பே॰… ஸத்³தி⁴’ந்தி தம்பி வசனங் மிச்சா². அயம்பி உப⁴தோ கோடிகோ பஞ்ஹோ தவானுப்பத்தோ, ஸோ தயா நிப்³பா³ஹிதப்³போ³’’தி.
‘‘Puna ca kathīyati ‘mahosadhassa bhariyā amarā nāma itthī gāmake ṭhapitā pavutthapatikā raho nisinnā vivittā rājappaṭisamaṃ sāmikaṃ karitvā sahassena nimantīyamānā pāpaṃ nākāsī’ti. Yadi, bhante nāgasena, bhagavatā bhaṇitaṃ ‘sace…pe… saddhi’nti tena hi ‘mahosadhassa bhariyā…pe… nākāsī’ti yaṃ vacanaṃ, taṃ micchā. Yadi mahosadhassa bhariyā…pe… nākāsi, tena hi ‘sace…pe… saddhi’nti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘பா⁴ஸிதம்பேதங், மஹாராஜ, ப⁴க³வதா ‘ஸசே…பே॰… ஸத்³தி⁴’ந்தி. கதீ²யதி ச ‘மஹோஸத⁴ஸ்ஸ ப⁴ரியா …பே॰… நாகாஸீ’தி. கரெய்ய ஸா, மஹாராஜ, இத்தீ² ஸஹஸ்ஸங் லப⁴மானா தாதி³ஸேன புரிஸேன ஸத்³தி⁴ங் பாபகம்மங், ந ஸா கரெய்ய ஸசே க²ணங் வா ரஹோ வா நிமந்தகங் வாபி தாதி³ஸங் லபெ⁴ய்ய, விசினந்தீ ஸா, மஹாராஜ, அமரா இத்தீ² ந அத்³த³ஸ க²ணங் வா ரஹோ வா நிமந்தகங் வாபி தாதி³ஸங்.
‘‘Bhāsitampetaṃ, mahārāja, bhagavatā ‘sace…pe… saddhi’nti. Kathīyati ca ‘mahosadhassa bhariyā …pe… nākāsī’ti. Kareyya sā, mahārāja, itthī sahassaṃ labhamānā tādisena purisena saddhiṃ pāpakammaṃ, na sā kareyya sace khaṇaṃ vā raho vā nimantakaṃ vāpi tādisaṃ labheyya, vicinantī sā, mahārāja, amarā itthī na addasa khaṇaṃ vā raho vā nimantakaṃ vāpi tādisaṃ.
‘‘இத⁴ லோகே க³ரஹப⁴யா க²ணங் ந பஸ்ஸி, பரலோகே நிரயப⁴யா க²ணங் ந பஸ்ஸி, கடுகவிபாகங் பாபந்தி க²ணங் ந பஸ்ஸி, பியங் அமுஞ்சிதுகாமா க²ணங் ந பஸ்ஸி, ஸாமிகஸ்ஸ க³ருகதாய க²ணங் ந பஸ்ஸி, த⁴ம்மங் அபசாயந்தீ க²ணங் ந பஸ்ஸி, அனரியங் க³ரஹந்தீ க²ணங் ந பஸ்ஸி, கிரியங் அபி⁴ந்தி³துகாமா க²ணங் ந பஸ்ஸி. ஏவரூபேஹி ப³ஹூஹி காரணேஹி க²ணங் ந பஸ்ஸி.
‘‘Idha loke garahabhayā khaṇaṃ na passi, paraloke nirayabhayā khaṇaṃ na passi, kaṭukavipākaṃ pāpanti khaṇaṃ na passi, piyaṃ amuñcitukāmā khaṇaṃ na passi, sāmikassa garukatāya khaṇaṃ na passi, dhammaṃ apacāyantī khaṇaṃ na passi, anariyaṃ garahantī khaṇaṃ na passi, kiriyaṃ abhinditukāmā khaṇaṃ na passi. Evarūpehi bahūhi kāraṇehi khaṇaṃ na passi.
‘‘ரஹோபி ஸா லோகே விசினித்வா அபஸ்ஸந்தீ பாபங் நாகாஸி. ஸசே ஸா மனுஸ்ஸேஹி ரஹோ லபெ⁴ய்ய, அத² அமனுஸ்ஸேஹி ரஹோ ந லபெ⁴ய்ய. ஸசே அமனுஸ்ஸேஹி ரஹோ லபெ⁴ய்ய, அத² பரசித்தவிதூ³ஹி பப்³ப³ஜிதேஹி ரஹோ ந லபெ⁴ய்ய. ஸசே பரசித்தவிதூ³ஹி பப்³ப³ஜிதேஹி ரஹோ லபெ⁴ய்ய, அத² பரசித்தவிதூ³னீஹி தே³வதாஹி ரஹோ ந லபெ⁴ய்ய. ஸசே பரசித்தவிதூ³னீஹி தே³வதாஹி ரஹோ லபெ⁴ய்ய, அத்தனாவ பாபேஹி ரஹோ ந லபெ⁴ய்ய. ஸசே அத்தனாவ பாபேஹி ரஹோ லபெ⁴ய்ய, அத² அத⁴ம்மேன ரஹோ ந லபெ⁴ய்ய. ஏவரூபேஹி ப³ஹுவிதே⁴ஹி காரணேஹி ரஹோ அலபி⁴த்வா பாபங் நாகாஸி.
‘‘Rahopi sā loke vicinitvā apassantī pāpaṃ nākāsi. Sace sā manussehi raho labheyya, atha amanussehi raho na labheyya. Sace amanussehi raho labheyya, atha paracittavidūhi pabbajitehi raho na labheyya. Sace paracittavidūhi pabbajitehi raho labheyya, atha paracittavidūnīhi devatāhi raho na labheyya. Sace paracittavidūnīhi devatāhi raho labheyya, attanāva pāpehi raho na labheyya. Sace attanāva pāpehi raho labheyya, atha adhammena raho na labheyya. Evarūpehi bahuvidhehi kāraṇehi raho alabhitvā pāpaṃ nākāsi.
‘‘நிமந்தகம்பி ஸா லோகே விசினித்வா தாதி³ஸங் அலப⁴ந்தீ பாபங் நாகாஸி. மஹோஸதோ⁴, மஹாராஜ, பண்டி³தோ அட்ட²வீஸதியா அங்கே³ஹி ஸமன்னாக³தோ. கதமேஹி அட்ட²வீஸதியா அங்கே³ஹி ஸமன்னாக³தோ? மஹோஸதோ⁴, மஹாராஜ, ஸூரோ ஹிரிமா ஒத்தப்பீ ஸபக்கோ² மித்தஸம்பன்னோ க²மோ ஸீலவா ஸச்சவாதீ³ ஸோசெய்யஸம்பன்னோ அக்கோத⁴னோ அனதிமானீ அனுஸூயகோ வீரியவா ஆயூஹகோ ஸங்கா³ஹகோ ஸங்விபா⁴கீ³ ஸகி²லோ நிவாதவுத்தி ஸண்ஹோ அஸடோ² அமாயாவீ அதிபு³த்³தி⁴ஸம்பன்னோ கித்திமா விஜ்ஜாஸம்பன்னோ ஹிதேஸீ உபனிஸ்ஸிதானங் பத்தி²தோ ஸப்³ப³ஜனஸ்ஸ த⁴னவா யஸவா. மஹோஸதோ⁴, மஹாராஜ, பண்டி³தோ இமேஹி அட்ட²வீஸதியா அங்கே³ஹி ஸமன்னாக³தோ. ஸா அஞ்ஞங் தாதி³ஸங் நிமந்தகங் அலபி⁴த்வா பாபங் நாகாஸீ’’தி. ‘‘ஸாது⁴, ப⁴ந்தே நாக³ஸேன, ஏவமேதங் ததா² ஸம்படிச்சா²மீ’’தி.
‘‘Nimantakampi sā loke vicinitvā tādisaṃ alabhantī pāpaṃ nākāsi. Mahosadho, mahārāja, paṇḍito aṭṭhavīsatiyā aṅgehi samannāgato. Katamehi aṭṭhavīsatiyā aṅgehi samannāgato? Mahosadho, mahārāja, sūro hirimā ottappī sapakkho mittasampanno khamo sīlavā saccavādī soceyyasampanno akkodhano anatimānī anusūyako vīriyavā āyūhako saṅgāhako saṃvibhāgī sakhilo nivātavutti saṇho asaṭho amāyāvī atibuddhisampanno kittimā vijjāsampanno hitesī upanissitānaṃ patthito sabbajanassa dhanavā yasavā. Mahosadho, mahārāja, paṇḍito imehi aṭṭhavīsatiyā aṅgehi samannāgato. Sā aññaṃ tādisaṃ nimantakaṃ alabhitvā pāpaṃ nākāsī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
அமராதே³வீபஞ்ஹோ அட்ட²மோ.
Amarādevīpañho aṭṭhamo.
Footnotes:
