| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
2. අමතාරම්‌මණකථාවණ්‌ණනා
2. Amatārammaṇakathāvaṇṇanā
549. ඉදානි අමතාරම්‌මණකථා නාම හොති. තත්‌ථ යෙසං ‘‘නිබ්‌බානං මඤ්‌ඤතී’’තිආදීනං අයොනිසො අත්‌ථං ගහෙත්‌වා අමතාරම්‌මණං සංයොජනං හොතීති ලද්‌ධි, සෙය්‍යථාපි පුබ්‌බසෙලියානං, තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. අථ නං සචෙ අමතාරම්‌මණං සංයොජනං, අමතස්‌ස සංයොජනියාදිභාවො ආපජ්‌ජතීති චොදෙතුං අමතං සංයොජනියන්‌තිආදිමාහ. ඉතරො සුත්‌තවිරොධභයෙන සබ්‌බං පටික්‌ඛිපති. ඉමිනා උපායෙන සබ්‌බවාරෙසු අත්‌ථො වෙදිතබ්‌බො. නිබ්‌බානං නිබ්‌බානතොති ආහටසුත්‌තං පන දිට්‌ඨධම්‌මනිබ්‌බානං සන්‌ධාය භාසිතං, තස්‌මා අසාධකන්‌ති.
549. Idāni amatārammaṇakathā nāma hoti. Tattha yesaṃ ‘‘nibbānaṃ maññatī’’tiādīnaṃ ayoniso atthaṃ gahetvā amatārammaṇaṃ saṃyojanaṃ hotīti laddhi, seyyathāpi pubbaseliyānaṃ, te sandhāya pucchā sakavādissa, paṭiññā itarassa. Atha naṃ sace amatārammaṇaṃ saṃyojanaṃ, amatassa saṃyojaniyādibhāvo āpajjatīti codetuṃ amataṃ saṃyojaniyantiādimāha. Itaro suttavirodhabhayena sabbaṃ paṭikkhipati. Iminā upāyena sabbavāresu attho veditabbo. Nibbānaṃ nibbānatoti āhaṭasuttaṃ pana diṭṭhadhammanibbānaṃ sandhāya bhāsitaṃ, tasmā asādhakanti.
අමතාරම්‌මණකථාවණ්‌ණනා.
Amatārammaṇakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (85) 2. අමතාරම්‌මණකථා • (85) 2. Amatārammaṇakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 2. අමතාරම්‌මණකථාවණ්‌ණනා • 2. Amatārammaṇakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 2. අමතාරම්‌මණකථාවණ්‌ණනා • 2. Amatārammaṇakathāvaṇṇanā
