| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
20. амад̇аваг̇г̇аван̣н̣анаа
20. Amatavaggavaṇṇanā
600-611. амад̇ам̣ д̇з, бхигкавз, на барибхун̃ж̇анд̇ийд̇и маран̣авирахид̇ам̣ ниб̣б̣аанам̣ на барибхун̃ж̇анд̇ийд̇и ад̇т̇о. нану жа ниб̣б̣аанам̣ логуд̇д̇арам̣, гааяаг̇ад̇аасад̇и логияаа, гат̇ам̣ д̇ам̣ барибхун̃ж̇анд̇аа амад̇ам̣ барибхун̃ж̇анд̇ийд̇и? д̇ам̣ бхаавзд̇ваа ад̇хиг̇анд̇аб̣б̣ад̇о. гааяаг̇ад̇ан̃хи сад̇им̣ бхаавзнд̇о амад̇амад̇хиг̇ажчад̇и, абхаавзнд̇о наад̇хиг̇ажчад̇и. д̇асмаа звам̣ вуд̇д̇ам̣. зд̇знубааязна саб̣б̣ад̇т̇а ад̇т̇о взд̣̇ид̇аб̣б̣о. аби жзд̇т̇а вирад̣̇д̇ханд̇и вираад̇хид̇ам̣ наад̇хиг̇ад̇ам̣. аарад̣̇д̇ханд̇и барибун̣н̣ам̣. бамаад̣̇им̣сууд̇и бамаж̇ж̇анд̇и. бамудтанд̇и саммудтам̣ виссарид̇ам̣ надтам̣ ваа. аасзвид̇анд̇и аад̣̇ид̇о сзвид̇ам̣. бхаавид̇анд̇и вад̣дхид̇ам̣. б̣ахулийгад̇анд̇и бунаббунам̣ гад̇ам̣. анабхин̃н̃аад̇анд̇и н̃аад̇аабхин̃н̃ааяа аж̇аанид̇ам̣. абарин̃н̃аад̇анд̇и н̃аад̇абарин̃н̃аавасзнзва абарин̃н̃аад̇ам̣. асажчигад̇анд̇и абажжагкагад̇ам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
600-611.Amataṃte, bhikkhave, na paribhuñjantīti maraṇavirahitaṃ nibbānaṃ na paribhuñjantīti attho. Nanu ca nibbānaṃ lokuttaraṃ, kāyagatāsati lokiyā, kathaṃ taṃ paribhuñjantā amataṃ paribhuñjantīti? Taṃ bhāvetvā adhigantabbato. Kāyagatañhi satiṃ bhāvento amatamadhigacchati, abhāvento nādhigacchati. Tasmā evaṃ vuttaṃ. Etenupāyena sabbattha attho veditabbo. Api cettha viraddhanti virādhitaṃ nādhigataṃ. Āraddhanti paripuṇṇaṃ. Pamādiṃsūti pamajjanti. Pamuṭṭhanti sammuṭṭhaṃ vissaritaṃ naṭṭhaṃ vā. Āsevitanti ādito sevitaṃ. Bhāvitanti vaḍḍhitaṃ. Bahulīkatanti punappunaṃ kataṃ. Anabhiññātanti ñātaabhiññāya ajānitaṃ. Apariññātanti ñātapariññāvaseneva apariññātaṃ. Asacchikatanti apaccakkhakataṃ. Sesaṃ sabbattha uttānatthamevāti.
амад̇аваг̇г̇аван̣н̣анаа.
Amatavaggavaṇṇanā.
манорат̇абууран̣ияаа ан̇г̇уд̇д̇аранигааяа-адтагат̇ааяа сахассасуд̇д̇анд̇абаримаан̣асса
Manorathapūraṇiyā aṅguttaranikāya-aṭṭhakathāya sahassasuttantaparimāṇassa
згаганибаад̇асса сам̣ван̣н̣анаа нидтид̇аа.
Ekakanipātassa saṃvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 20. амад̇аваг̇г̇о • 20. Amatavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 20. амад̇аваг̇г̇аван̣н̣анаа • 20. Amatavaggavaṇṇanā
