| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๒๐. อมตวคฺควณฺณนา
20. Amatavaggavaṇṇanā
๖๐๐-๖๑๑. อมตํ เต, ภิกฺขเว, น ปริภุญฺชนฺตีติ มรณวิรหิตํ นิพฺพานํ น ปริภุญฺชนฺตีติ อโตฺถฯ นนุ จ นิพฺพานํ โลกุตฺตรํ, กายคตาสติ โลกิยา, กถํ ตํ ปริภุญฺชนฺตา อมตํ ปริภุญฺชนฺตีติ? ตํ ภาเวตฺวา อธิคนฺตพฺพโตฯ กายคตญฺหิ สติํ ภาเวโนฺต อมตมธิคจฺฉติ, อภาเวโนฺต นาธิคจฺฉติฯ ตสฺมา เอวํ วุตฺตํฯ เอเตนุปาเยน สพฺพตฺถ อโตฺถ เวทิตโพฺพฯ อปิ เจตฺถ วิรทฺธนฺติ วิราธิตํ นาธิคตํฯ อารทฺธนฺติ ปริปุณฺณํฯ ปมาทิํสูติ ปมชฺชนฺติฯ ปมุฎฺฐนฺติ สมฺมุฎฺฐํ วิสฺสริตํ นฎฺฐํ วาฯ อาเสวิตนฺติ อาทิโต เสวิตํฯ ภาวิตนฺติ วฑฺฒิตํฯ พหุลีกตนฺติ ปุนปฺปุนํ กตํฯ อนภิญฺญาตนฺติ ญาตอภิญฺญาย อชานิตํฯ อปริญฺญาตนฺติ ญาตปริญฺญาวเสเนว อปริญฺญาตํฯ อสจฺฉิกตนฺติ อปจฺจกฺขกตํฯ เสสํ สพฺพตฺถ อุตฺตานตฺถเมวาติฯ
600-611.Amataṃte, bhikkhave, na paribhuñjantīti maraṇavirahitaṃ nibbānaṃ na paribhuñjantīti attho. Nanu ca nibbānaṃ lokuttaraṃ, kāyagatāsati lokiyā, kathaṃ taṃ paribhuñjantā amataṃ paribhuñjantīti? Taṃ bhāvetvā adhigantabbato. Kāyagatañhi satiṃ bhāvento amatamadhigacchati, abhāvento nādhigacchati. Tasmā evaṃ vuttaṃ. Etenupāyena sabbattha attho veditabbo. Api cettha viraddhanti virādhitaṃ nādhigataṃ. Āraddhanti paripuṇṇaṃ. Pamādiṃsūti pamajjanti. Pamuṭṭhanti sammuṭṭhaṃ vissaritaṃ naṭṭhaṃ vā. Āsevitanti ādito sevitaṃ. Bhāvitanti vaḍḍhitaṃ. Bahulīkatanti punappunaṃ kataṃ. Anabhiññātanti ñātaabhiññāya ajānitaṃ. Apariññātanti ñātapariññāvaseneva apariññātaṃ. Asacchikatanti apaccakkhakataṃ. Sesaṃ sabbattha uttānatthamevāti.
อมตวคฺควณฺณนาฯ
Amatavaggavaṇṇanā.
มโนรถปูรณิยา องฺคุตฺตรนิกาย-อฎฺฐกถาย สหสฺสสุตฺตนฺตปริมาณสฺส
Manorathapūraṇiyā aṅguttaranikāya-aṭṭhakathāya sahassasuttantaparimāṇassa
เอกกนิปาตสฺส สํวณฺณนา นิฎฺฐิตาฯ
Ekakanipātassa saṃvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๒๐. อมตวโคฺค • 20. Amatavaggo
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๒๐. อมตวคฺควณฺณนา • 20. Amatavaggavaṇṇanā
