| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
20. අමතවග්‌ගවණ්‌ණනා
20. Amatavaggavaṇṇanā
600-611. අමතං තෙ, භික්‌ඛවෙ, න පරිභුඤ්‌ජන්‌තීති මරණවිරහිතං නිබ්‌බානං න පරිභුඤ්‌ජන්‌තීති අත්‌ථො. නනු ච නිබ්‌බානං ලොකුත්‌තරං, කායගතාසති ලොකියා, කථං තං පරිභුඤ්‌ජන්‌තා අමතං පරිභුඤ්‌ජන්‌තීති? තං භාවෙත්‌වා අධිගන්‌තබ්‌බතො. කායගතඤ්‌හි සතිං භාවෙන්‌තො අමතමධිගච්‌ඡති, අභාවෙන්‌තො නාධිගච්‌ඡති. තස්‌මා එවං වුත්‌තං. එතෙනුපායෙන සබ්‌බත්‌ථ අත්‌ථො වෙදිතබ්‌බො. අපි චෙත්‌ථ විරද්‌ධන්‌ති විරාධිතං නාධිගතං. ආරද්‌ධන්‌ති පරිපුණ්‌ණං. පමාදිංසූති පමජ්‌ජන්‌ති. පමුට්‌ඨන්‌ති සම්‌මුට්‌ඨං විස්‌සරිතං නට්‌ඨං වා. ආසෙවිතන්‌ති ආදිතො සෙවිතං. භාවිතන්‌ති වඩ්‌ඪිතං. බහුලීකතන්‌ති පුනප්‌පුනං කතං. අනභිඤ්‌ඤාතන්‌ති ඤාතඅභිඤ්‌ඤාය අජානිතං. අපරිඤ්‌ඤාතන්‌ති ඤාතපරිඤ්‌ඤාවසෙනෙව අපරිඤ්‌ඤාතං. අසච්‌ඡිකතන්‌ති අපච්‌චක්‌ඛකතං. සෙසං සබ්‌බත්‌ථ උත්‌තානත්‌ථමෙවාති.
600-611.Amataṃte, bhikkhave, na paribhuñjantīti maraṇavirahitaṃ nibbānaṃ na paribhuñjantīti attho. Nanu ca nibbānaṃ lokuttaraṃ, kāyagatāsati lokiyā, kathaṃ taṃ paribhuñjantā amataṃ paribhuñjantīti? Taṃ bhāvetvā adhigantabbato. Kāyagatañhi satiṃ bhāvento amatamadhigacchati, abhāvento nādhigacchati. Tasmā evaṃ vuttaṃ. Etenupāyena sabbattha attho veditabbo. Api cettha viraddhanti virādhitaṃ nādhigataṃ. Āraddhanti paripuṇṇaṃ. Pamādiṃsūti pamajjanti. Pamuṭṭhanti sammuṭṭhaṃ vissaritaṃ naṭṭhaṃ vā. Āsevitanti ādito sevitaṃ. Bhāvitanti vaḍḍhitaṃ. Bahulīkatanti punappunaṃ kataṃ. Anabhiññātanti ñātaabhiññāya ajānitaṃ. Apariññātanti ñātapariññāvaseneva apariññātaṃ. Asacchikatanti apaccakkhakataṃ. Sesaṃ sabbattha uttānatthamevāti.
අමතවග්‌ගවණ්‌ණනා.
Amatavaggavaṇṇanā.
මනොරථපූරණියා අඞ්‌ගුත්‌තරනිකාය-අට්‌ඨකථාය සහස්‌සසුත්‌තන්‌තපරිමාණස්‌ස
Manorathapūraṇiyā aṅguttaranikāya-aṭṭhakathāya sahassasuttantaparimāṇassa
එකකනිපාතස්‌ස සංවණ්‌ණනා නිට්‌ඨිතා.
Ekakanipātassa saṃvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 20. අමතවග්‌ගො • 20. Amatavaggo
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 20. අමතවග්‌ගවණ්‌ණනා • 20. Amatavaggavaṇṇanā
