| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. อมฺพทายกเตฺถรอปทานํ
8. Ambadāyakattheraapadānaṃ
๕๓.
53.
‘‘อโนมทสฺสี ภควา, นิสิโนฺน ปพฺพตนฺตเร;
‘‘Anomadassī bhagavā, nisinno pabbatantare;
เมตฺตาย อผริ โลเก, อปฺปมาเณ นิรูปธิฯ
Mettāya aphari loke, appamāṇe nirūpadhi.
๕๔.
54.
‘‘กปิ อหํ ตทา อาสิํ, หิมวเนฺต นคุตฺตเม;
‘‘Kapi ahaṃ tadā āsiṃ, himavante naguttame;
๕๕.
55.
‘‘อวิทูเร หิมวนฺตสฺส, อมฺพาสุํ ผลิโน ตทา;
‘‘Avidūre himavantassa, ambāsuṃ phalino tadā;
ตโต ปกฺกํ คเหตฺวาน, อมฺพํ สมธุกํ อทํฯ
Tato pakkaṃ gahetvāna, ambaṃ samadhukaṃ adaṃ.
๕๖.
56.
‘‘ตํ เม พุโทฺธ วิยากาสิ, อโนมทสฺสี มหามุนิ;
‘‘Taṃ me buddho viyākāsi, anomadassī mahāmuni;
อิมินา มธุทาเนน, อมฺพทาเนน จูภยํฯ
Iminā madhudānena, ambadānena cūbhayaṃ.
๕๗.
57.
‘‘สตฺตปญฺญาสกปฺปมฺหิ, เทวโลเก รมิสฺสติ;
‘‘Sattapaññāsakappamhi, devaloke ramissati;
อวเสเสสุ กเปฺปสุ, โวกิณฺณํ สํสริสฺสติฯ
Avasesesu kappesu, vokiṇṇaṃ saṃsarissati.
๕๘.
58.
‘‘เขเปตฺวา ปาปกํ กมฺมํ, ปริปกฺกาย พุทฺธิยา;
‘‘Khepetvā pāpakaṃ kammaṃ, paripakkāya buddhiyā;
วินิปาตมคนฺตฺวาน, กิเลเส ฌาปยิสฺสติฯ
Vinipātamagantvāna, kilese jhāpayissati.
๕๙.
59.
‘‘ทเมน อุตฺตเมนาหํ, ทมิโตมฺหิ มเหสินา;
‘‘Damena uttamenāhaṃ, damitomhi mahesinā;
ปโตฺตมฺหิ อจลํ ฐานํ, หิตฺวา ชยปราชยํฯ
Pattomhi acalaṃ ṭhānaṃ, hitvā jayaparājayaṃ.
๖๐.
60.
‘‘สตฺตสตฺตติกปฺปสเต, อมฺพฎฺฐชสนามกา;
‘‘Sattasattatikappasate, ambaṭṭhajasanāmakā;
จตุทฺทส เต ราชาโน, จกฺกวตฺตี มหพฺพลาฯ
Catuddasa te rājāno, cakkavattī mahabbalā.
๖๑.
61.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อมฺพทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā ambadāyako thero imā gāthāyo abhāsitthāti.
อมฺพทายกเตฺถรสฺสาปทานํ อฎฺฐมํฯ
Ambadāyakattherassāpadānaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๘. อมฺพทายกเตฺถรอปทานวณฺณนา • 8. Ambadāyakattheraapadānavaṇṇanā
