| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
១៣. តេរសកនិបាតោ
13. Terasakanipāto
៤៧៤. អម្ពជាតកំ (១)
474. Ambajātakaṃ (1)
១.
1.
អហាសិ 1 មេ អម្ពផលានិ បុព្ពេ, អណូនិ ថូលានិ ច ព្រហ្មចារិ;
Ahāsi 2 me ambaphalāni pubbe, aṇūni thūlāni ca brahmacāri;
តេហេវ មន្តេហិ ន ទានិ តុយ្ហំ, ទុមប្ផលា បាតុភវន្តិ ព្រហ្មេ។
Teheva mantehi na dāni tuyhaṃ, dumapphalā pātubhavanti brahme.
២.
2.
នក្ខត្តយោគំ បដិមានយាមិ, ខណំ មុហុត្តញ្ច មន្តេ ន បស្សំ 3;
Nakkhattayogaṃ paṭimānayāmi, khaṇaṃ muhuttañca mante na passaṃ 4;
នក្ខត្តយោគញ្ច ខណញ្ច លទ្ធា, អទ្ធាហរិស្សម្ពផលំ 5 បហូតំ។
Nakkhattayogañca khaṇañca laddhā, addhāharissambaphalaṃ 6 pahūtaṃ.
៣.
3.
នក្ខត្តយោគំ ន បុរេ អភាណិ, ខណំ មុហុត្តំ ន បុរេ អសំសិ;
Nakkhattayogaṃ na pure abhāṇi, khaṇaṃ muhuttaṃ na pure asaṃsi;
សយំ ហរី 7 អម្ពផលំ បហូតំ, វណ្ណេន គន្ធេន រសេនុបេតំ។
Sayaṃ harī 8 ambaphalaṃ pahūtaṃ, vaṇṇena gandhena rasenupetaṃ.
៤.
4.
មន្តាភិជប្បេន បុរេ ហិ 9 តុយ្ហំ, ទុមប្ផលា បាតុភវន្តិ ព្រហ្មេ;
Mantābhijappena pure hi 10 tuyhaṃ, dumapphalā pātubhavanti brahme;
ស្វាជ្ជ ន បារេសិ ជប្បម្បិ មន្តំ 11, អយំ សោ កោ នាម តវជ្ជ ធម្មោ។
Svājja na pāresi jappampi mantaṃ 12, ayaṃ so ko nāma tavajja dhammo.
៥.
5.
ចណ្ឌាលបុត្តោ មម សម្បទាសិ, ធម្មេន មន្តេ បកតិញ្ច សំសិ;
Caṇḍālaputto mama sampadāsi, dhammena mante pakatiñca saṃsi;
៦.
6.
សោហំ ជនិន្ទេន ជនម្ហិ បុដ្ឋោ, មក្ខាភិភូតោ អលិកំ អភាណិំ;
Sohaṃ janindena janamhi puṭṭho, makkhābhibhūto alikaṃ abhāṇiṃ;
‘‘មន្តា ឥមេ ព្រាហ្មណស្សា’’តិ មិច្ឆា, បហីនមន្តោ កបណោ រុទាមិ។
‘‘Mantā ime brāhmaṇassā’’ti micchā, pahīnamanto kapaṇo rudāmi.
៧.
7.
ឯរណ្ឌា បុចិមន្ទា វា, អថ វា បាលិភទ្ទកា;
Eraṇḍā pucimandā vā, atha vā pālibhaddakā;
មធុំ មធុត្ថិកោ វិន្ទេ, សោ ហិ តស្ស ទុមុត្តមោ។
Madhuṃ madhutthiko vinde, so hi tassa dumuttamo.
៨.
8.
ខត្តិយា ព្រាហ្មណា វេស្សា, សុទ្ទា ចណ្ឌាលបុក្កុសា;
Khattiyā brāhmaṇā vessā, suddā caṇḍālapukkusā;
យម្ហា ធម្មំ វិជានេយ្យ, សោ ហិ តស្ស នរុត្តមោ។
Yamhā dhammaṃ vijāneyya, so hi tassa naruttamo.
៩.
9.
ឥមស្ស ទណ្ឌញ្ច វធញ្ច ទត្វា, គលេ គហេត្វា ខលយាថ 17 ជម្មំ;
Imassa daṇḍañca vadhañca datvā, gale gahetvā khalayātha 18 jammaṃ;
យោ ឧត្តមត្ថំ កសិរេន លទ្ធំ, មានាតិមានេន វិនាសយិត្ថ។
Yo uttamatthaṃ kasirena laddhaṃ, mānātimānena vināsayittha.
១០.
10.
យថា សមំ មញ្ញមានោ បតេយ្យ, សោព្ភំ គុហំ នរកំ បូតិបាទំ;
Yathā samaṃ maññamāno pateyya, sobbhaṃ guhaṃ narakaṃ pūtipādaṃ;
រជ្ជូតិ វា អក្កមេ កណ្ហសប្បំ, អន្ធោ យថា ជោតិមធិដ្ឋហេយ្យ;
Rajjūti vā akkame kaṇhasappaṃ, andho yathā jotimadhiṭṭhaheyya;
១១.
11.
បកតិម្បិ តេ អត្តមនោ អសំសិំ, ធម្មេ ឋិតំ តំ 27 ន ជហេយ្យ មន្តោ។
Pakatimpi te attamano asaṃsiṃ, dhamme ṭhitaṃ taṃ 28 na jaheyya manto.
១២.
12.
យោ ពាល មន្តំ 29 កសិរេន លទ្ធំ, យំ ទុល្លភំ អជ្ជ មនុស្សលោកេ;
Yo bāla mantaṃ 30 kasirena laddhaṃ, yaṃ dullabhaṃ ajja manussaloke;
កិញ្ចាបិ លទ្ធា ជីវិតុំ អប្បបញ្ញោ 31, វិនាសយី អលិកំ ភាសមានោ។
Kiñcāpi laddhā jīvituṃ appapañño 32, vināsayī alikaṃ bhāsamāno.
១៣.
13.
ពាលស្ស មូឡ្ហស្ស អកតញ្ញុនោ ច, មុសា ភណន្តស្ស អសញ្ញតស្ស;
Bālassa mūḷhassa akataññuno ca, musā bhaṇantassa asaññatassa;
មន្តេ មយំ តាទិសកេ ន ទេម, កុតោ មន្តា គច្ឆ ន មយ្ហ រុច្ចសីតិ។
Mante mayaṃ tādisake na dema, kuto mantā gaccha na mayha ruccasīti.
អម្ពជាតកំ បឋមំ។
Ambajātakaṃ paṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៧៤] ១. អម្ពជាតកវណ្ណនា • [474] 1. Ambajātakavaṇṇanā
