| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[124] 4. амб̣аж̇аад̇агаван̣н̣анаа
[124] 4. Ambajātakavaṇṇanā
вааяамзт̇зва бурисод̇и ид̣̇ам̣ сад̇т̇аа ж̇зд̇аванз вихаранд̇о згам̣ вад̇д̇асамбаннам̣ бхигкум̣ аараб̣бха гат̇зси. со гира саавад̇т̇иваасий гулабуд̇д̇о саасанз урам̣ д̣̇ад̇ваа баб̣б̣аж̇ид̇о вад̇д̇асамбанно ахоси, аажарияубаж̇жхааяавад̇д̇аани баанийяабарибхож̇анийяаубосат̇ааг̇аараж̇анд̇аагхараад̣̇ивад̇д̇аани жа саад̇хугам̣ гарод̇и, жуд̣̇д̣̇асасу махаавад̇д̇зсу асийд̇иканд̇хагавад̇д̇зсу жа барибуурагаарийязва ход̇и, вихаарам̣ саммаж̇ж̇ад̇и, баривзн̣ам̣ вид̇аггамаал̣агам̣ вихаарамаг̇г̇ам̣ саммаж̇ж̇ад̇и, мануссаанам̣ баанийяам̣ д̣̇зд̇и. мануссаа д̇асса вад̇д̇асамбад̇д̇ияам̣ басийд̣̇ид̇ваа бан̃жасад̇амад̇д̇аани д̇хувабхад̇д̇аани ад̣̇ам̣су, махаалаабхасаггааро уббаж̇ж̇и. д̇ам̣ ниссааяа б̣ахуунам̣ паасувихааро ж̇аад̇о. ат̇згад̣̇ивасам̣ д̇хаммасабхааяам̣ бхигкуу гат̇ам̣ самудтаабзсум̣ ‘‘аавусо, асуго наама бхигку ад̇д̇ано вад̇д̇асамбад̇д̇ияаа маханд̇ам̣ лаабхасаггаарам̣ ниб̣б̣ад̇д̇зси, зд̇ам̣ згам̣ ниссааяа б̣ахуунам̣ паасувихааро ж̇аад̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз , зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збааяам̣ бхигку вад̇д̇асамбанно, буб̣б̣збзд̇ам̣ згам̣ ниссааяа бан̃жа исисад̇аани палаапалад̇т̇ааяа аран̃н̃ам̣ аг̇анд̇ваа зд̇знзва аанийд̇апалаапалзхи яаабзсу’’нд̇и вад̇ваа ад̇ийд̇ам̣ аахари.
Vāyamethevapurisoti idaṃ satthā jetavane viharanto ekaṃ vattasampannaṃ bhikkhuṃ ārabbha kathesi. So kira sāvatthivāsī kulaputto sāsane uraṃ datvā pabbajito vattasampanno ahosi, ācariyupajjhāyavattāni pānīyaparibhojanīyauposathāgārajantāgharādivattāni ca sādhukaṃ karoti, cuddasasu mahāvattesu asītikhandhakavattesu ca paripūrakārīyeva hoti, vihāraṃ sammajjati, pariveṇaṃ vitakkamāḷakaṃ vihāramaggaṃ sammajjati, manussānaṃ pānīyaṃ deti. Manussā tassa vattasampattiyaṃ pasīditvā pañcasatamattāni dhuvabhattāni adaṃsu, mahālābhasakkāro uppajji. Taṃ nissāya bahūnaṃ phāsuvihāro jāto. Athekadivasaṃ dhammasabhāyaṃ bhikkhū kathaṃ samuṭṭhāpesuṃ ‘‘āvuso, asuko nāma bhikkhu attano vattasampattiyā mahantaṃ lābhasakkāraṃ nibbattesi, etaṃ ekaṃ nissāya bahūnaṃ phāsuvihāro jāto’’ti. Satthā āgantvā ‘‘kāya nuttha, bhikkhave , etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepāyaṃ bhikkhu vattasampanno, pubbepetaṃ ekaṃ nissāya pañca isisatāni phalāphalatthāya araññaṃ agantvā eteneva ānītaphalāphalehi yāpesu’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о уд̣̇ижжаб̣раахман̣агулз ниб̣б̣ад̇д̇ид̇ваа ваяаббад̇д̇о исибаб̣б̣аж̇ж̇ам̣ баб̣б̣аж̇ид̇ваа бан̃жасад̇аисибаривааро баб̣б̣ад̇абаад̣̇з вихааси. д̇ад̣̇аа химаванд̇з жан̣д̣о нид̣̇аагхо ахоси, д̇ад̇т̇а д̇ад̇т̇а баанийяаани чиж̇ж̇им̣су, д̇иражчаанаа баанийяам̣ алабхамаанаа гиламанд̇и. ат̇а д̇зсу д̇аабасзсу зго д̇аабасо д̇зсам̣ бибаасад̣̇угкам̣ д̣̇исваа згам̣ ругкам̣ чинд̣̇ид̇ваа д̣̇он̣им̣ гад̇ваа баанийяам̣ уссин̃жид̇ваа д̣̇он̣им̣ буурзд̇ваа д̇зсам̣ баанийяам̣ ад̣̇ааси. б̣ахуусу саннибад̇ид̇ваа баанийяам̣ биванд̇зсу д̇аабасасса палаапалад̇т̇ааяа г̇аманогаасо наахоси. со нираахаароби баанийяам̣ д̣̇зд̇иязва. миг̇аг̇ан̣аа жинд̇зсум̣ ‘‘аяам̣ амхаагам̣ баанийяам̣ д̣̇знд̇о палаапалад̇т̇ааяа г̇анд̇ум̣ огаасам̣ на лабхад̇и, нираахаарад̇ааяа ад̇ивияа гиламад̇и, ханд̣̇амаяам̣ гад̇игам̣ гаромаа’’д̇и. д̇з гад̇игам̣ агам̣су ‘‘ид̇о бадтааяа баанийяам̣ биванад̇т̇ааяа ааг̇ажчанд̇зна ад̇д̇ано б̣алаануруубзна палаапалам̣ г̇ахзд̇ваава ааг̇анд̇аб̣б̣а’’нд̇и. д̇з д̇ад̇о бадтааяа згзго д̇иражчаано ад̇д̇ано ад̇д̇ано б̣алаануруубзна мад̇хурамад̇хураани амб̣аж̇амб̣убанасаад̣̇ийниг̇ахзд̇ваава ааг̇ажчад̇и. згасса ад̇т̇ааяа аабхад̇ам̣ палаапалам̣ ад̣дхад̇зяяасагадабхаараббамаан̣ам̣ ахоси. бан̃жасад̇ад̇аабасаа д̇ад̣̇зва барибхун̃ж̇анд̇и. ад̇ирзгам̣ чад̣д̣ияид̇т̇а.
Atīte bārāṇasiyaṃ brahmadatte rajjaṃ kārente bodhisatto udiccabrāhmaṇakule nibbattitvā vayappatto isipabbajjaṃ pabbajitvā pañcasataisiparivāro pabbatapāde vihāsi. Tadā himavante caṇḍo nidāgho ahosi, tattha tattha pānīyāni chijjiṃsu, tiracchānā pānīyaṃ alabhamānā kilamanti. Atha tesu tāpasesu eko tāpaso tesaṃ pipāsadukkhaṃ disvā ekaṃ rukkhaṃ chinditvā doṇiṃ katvā pānīyaṃ ussiñcitvā doṇiṃ pūretvā tesaṃ pānīyaṃ adāsi. Bahūsu sannipatitvā pānīyaṃ pivantesu tāpasassa phalāphalatthāya gamanokāso nāhosi. So nirāhāropi pānīyaṃ detiyeva. Migagaṇā cintesuṃ ‘‘ayaṃ amhākaṃ pānīyaṃ dento phalāphalatthāya gantuṃ okāsaṃ na labhati, nirāhāratāya ativiya kilamati, handamayaṃ katikaṃ karomā’’ti. Te katikaṃ akaṃsu ‘‘ito paṭṭhāya pānīyaṃ pivanatthāya āgacchantena attano balānurūpena phalāphalaṃ gahetvāva āgantabba’’nti. Te tato paṭṭhāya ekeko tiracchāno attano attano balānurūpena madhuramadhurāni ambajambupanasādīnigahetvāva āgacchati. Ekassa atthāya ābhataṃ phalāphalaṃ aḍḍhateyyasakaṭabhārappamāṇaṃ ahosi. Pañcasatatāpasā tadeva paribhuñjanti. Atirekaṃ chaḍḍiyittha.
б̣од̇хисад̇д̇о д̇ам̣ д̣̇исваа ‘‘згам̣ наама вад̇д̇асамбаннам̣ ниссааяа зд̇д̇агаанам̣ д̇аабасаанам̣ палаапалад̇т̇ааяа аг̇анд̇ваа яаабанам̣ уббаннам̣, вийрияам̣ наама гаад̇аб̣б̣амзваа’’д̇и вад̇ваа имам̣ г̇аат̇амааха –
Bodhisatto taṃ disvā ‘‘ekaṃ nāma vattasampannaṃ nissāya ettakānaṃ tāpasānaṃ phalāphalatthāya agantvā yāpanaṃ uppannaṃ, vīriyaṃ nāma kātabbamevā’’ti vatvā imaṃ gāthamāha –
124.
124.
‘‘вааяамзт̇зва бурисо, на ниб̣б̣инд̣̇зяяа бан̣д̣ид̇о;
‘‘Vāyametheva puriso, na nibbindeyya paṇḍito;
вааяаамасса палам̣ басса, бхуд̇д̇аа амб̣аа анийд̇иха’’нд̇и.
Vāyāmassa phalaṃ passa, bhuttā ambā anītiha’’nti.
д̇ад̇рааяам̣ сан̇кзбад̇т̇о – бан̣д̣ид̇о ад̇д̇ано вад̇д̇абууран̣аад̣̇игз гаммасмим̣ вааяамзт̇зва, на угган̣тзяяа. гим̣гааран̣аа? вааяаамасса нибпалад̇ааяа абхаавад̇о. ид̇и махаасад̇д̇о ‘‘вааяаамо наамзса сапалова ход̇ий’’д̇и исиг̇ан̣ам̣ аалабанд̇о ‘‘вааяаамасса палам̣ бассаа’’д̇и ааха. гийд̣̇исам̣? бхуд̇д̇аа амб̣аа анийд̇ихам̣. д̇ад̇т̇а амб̣аад̇и д̣̇зсанаамад̇д̇ам̣, д̇зхи бана наанаббагаараани палаапалаани аабхад̇аани. д̇зсу самбаннад̇араанам̣ уссаннад̇араанам̣ ваа васзна ‘‘амб̣аа’’д̇и вуд̇д̇ам̣. яз имзхи бан̃жахи исисад̇зхи саяам̣ аран̃н̃ам̣ аг̇анд̇ваа згасса ад̇т̇ааяа аанийд̇аа амб̣аа бхуд̇д̇аа, ид̣̇ам̣ вааяаамасса палам̣. д̇ан̃жа ко бана анийд̇ихам̣, ‘‘ид̇и ааха ид̇и аахаа’’д̇и звам̣ ид̇ихийд̇ихзна г̇ахзд̇аб̣б̣ам̣ на ход̇и, бажжагкамзва д̇ам̣ палам̣ бассаад̇и. звам̣ махаасад̇д̇о исиг̇ан̣асса оваад̣̇ам̣ ад̣̇ааси.
Tatrāyaṃ saṅkhepattho – paṇḍito attano vattapūraṇādike kammasmiṃ vāyametheva, na ukkaṇṭheyya. Kiṃkāraṇā? Vāyāmassa nipphalatāya abhāvato. Iti mahāsatto ‘‘vāyāmo nāmesa saphalova hotī’’ti isigaṇaṃ ālapanto ‘‘vāyāmassa phalaṃ passā’’ti āha. Kīdisaṃ? Bhuttā ambā anītihaṃ. Tattha ambāti desanāmattaṃ, tehi pana nānappakārāni phalāphalāni ābhatāni. Tesu sampannatarānaṃ ussannatarānaṃ vā vasena ‘‘ambā’’ti vuttaṃ. Ye imehi pañcahi isisatehi sayaṃ araññaṃ agantvā ekassa atthāya ānītā ambā bhuttā, idaṃ vāyāmassa phalaṃ. Tañca kho pana anītihaṃ, ‘‘iti āha iti āhā’’ti evaṃ itihītihena gahetabbaṃ na hoti, paccakkhameva taṃ phalaṃ passāti. Evaṃ mahāsatto isigaṇassa ovādaṃ adāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа вад̇д̇асамбанно д̇аабасо аяам̣ бхигку ахоси, г̇ан̣асад̇т̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā vattasampanno tāpaso ayaṃ bhikkhu ahosi, gaṇasatthā pana ahameva ahosi’’nti.
амб̣аж̇аад̇агаван̣н̣анаа жад̇уд̇т̇аа.
Ambajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 124. амб̣аж̇аад̇агам̣ • 124. Ambajātakaṃ
