| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
13. д̇зрасаганибаад̇о
13. Terasakanipāto
[474] 1. амб̣аж̇аад̇агаван̣н̣анаа
[474] 1. Ambajātakavaṇṇanā
ахааси мз амб̣апалаани буб̣б̣зд̇и ид̣̇ам̣ сад̇т̇аа ж̇зд̇аванз вихаранд̇о д̣̇звад̣̇ад̇д̇ам̣ аараб̣бха гат̇зси. д̣̇звад̣̇ад̇д̇о хи ‘‘ахам̣ б̣уд̣̇д̇хо бхависсаами, маяхам̣ саман̣о г̇од̇амо нзва аажарияо на убаж̇жхааяо’’д̇и аажарияам̣ бажжагкааяа жхаанабарихийно сан̇гхам̣ бхинд̣̇ид̇ваа анубуб̣б̣зна саавад̇т̇им̣ ааг̇ажчанд̇о б̣ахиж̇зд̇аванз бат̇авияаа виварз д̣̇иннз авийжим̣ баависи. д̇ад̣̇аа бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, д̣̇звад̣̇ад̇д̇о аажарияам̣ бажжагкааяа махаавинаасам̣ бад̇д̇о, авийжимахаанираяз ниб̣б̣ад̇д̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о аажарияам̣ бажжагкааяа махаавинаасам̣ бад̇д̇оязваа’’д̇и вад̇ваа ад̇ийд̇ам̣ аахари.
Ahāsime ambaphalāni pubbeti idaṃ satthā jetavane viharanto devadattaṃ ārabbha kathesi. Devadatto hi ‘‘ahaṃ buddho bhavissāmi, mayhaṃ samaṇo gotamo neva ācariyo na upajjhāyo’’ti ācariyaṃ paccakkhāya jhānaparihīno saṅghaṃ bhinditvā anupubbena sāvatthiṃ āgacchanto bahijetavane pathaviyā vivare dinne avīciṃ pāvisi. Tadā bhikkhū dhammasabhāyaṃ kathaṃ samuṭṭhāpesuṃ ‘‘āvuso, devadatto ācariyaṃ paccakkhāya mahāvināsaṃ patto, avīcimahāniraye nibbatto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi devadatto ācariyaṃ paccakkhāya mahāvināsaṃ pattoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̇асса бурохид̇агулам̣ ахиваад̇арог̇зна винасси. згова буд̇д̇о бхид̇д̇им̣ бхинд̣̇ид̇ваа балаад̇о. со д̇аггасилам̣ г̇анд̇ваа д̣̇исаабаамогкассаажарияасса санд̇игз д̇аяо взд̣̇з жа авасзсасиббаани жа уг̇г̇ахзд̇ваа аажарияам̣ ванд̣̇ид̇ваа нигканд̇о ‘‘д̣̇зсажаарид̇д̇ам̣ ж̇ааниссаамий’’д̇и жаранд̇о згам̣ бажжанд̇анаг̇арам̣ баабун̣и. д̇ам̣ ниссааяа махаажан̣д̣аалаг̇аамаго ахоси. д̇ад̣̇аа б̣од̇хисад̇д̇о д̇асмим̣ г̇аамз бадивасад̇и, бан̣д̣ид̇о б̣яад̇д̇о агаалз палам̣ г̇ан̣хаабанаманд̇ам̣ ж̇аанаад̇и. со баад̇ова вудтааяа гааж̇ам̣ аад̣̇ааяа д̇ад̇о г̇аамаа нигкимид̇ваа аран̃н̃з згам̣ амб̣аругкам̣ убасан̇гамид̇ваа сад̇д̇абад̣̇амад̇т̇агз тид̇о д̇ам̣ манд̇ам̣ баривад̇д̇зд̇ваа амб̣аругкам̣ згзна уд̣̇агабасад̇зна бахарад̇и. ругкад̇о д̇ан̇кан̣ан̃н̃зва бураан̣абан̣н̣аани бад̇анд̇и, наваани удтаханд̇и, бубпаани бубпид̇ваа бад̇анд̇и, амб̣апалаани удтааяа мухуд̇д̇знзва бажжид̇ваа мад̇хураани ож̇аванд̇аани д̣̇иб̣б̣арасасад̣̇исаани худ̇ваа ругкад̇о бад̇анд̇и. махаасад̇д̇о д̇аани ужжинид̇ваа яаавад̣̇ад̇т̇ам̣ каад̣̇ид̇ваа гааж̇ам̣ буураабзд̇ваа г̇зхам̣ г̇анд̇ваа д̇аани виггин̣ид̇ваа буд̇д̇ад̣̇аарам̣ босзси.
Atīte bārāṇasiyaṃ brahmadatte rajjaṃ kārente tassa purohitakulaṃ ahivātarogena vinassi. Ekova putto bhittiṃ bhinditvā palāto. So takkasilaṃ gantvā disāpāmokkhassācariyassa santike tayo vede ca avasesasippāni ca uggahetvā ācariyaṃ vanditvā nikkhanto ‘‘desacārittaṃ jānissāmī’’ti caranto ekaṃ paccantanagaraṃ pāpuṇi. Taṃ nissāya mahācaṇḍālagāmako ahosi. Tadā bodhisatto tasmiṃ gāme paṭivasati, paṇḍito byatto akāle phalaṃ gaṇhāpanamantaṃ jānāti. So pātova vuṭṭhāya kājaṃ ādāya tato gāmā nikkhimitvā araññe ekaṃ ambarukkhaṃ upasaṅkamitvā sattapadamatthake ṭhito taṃ mantaṃ parivattetvā ambarukkhaṃ ekena udakapasatena paharati. Rukkhato taṅkhaṇaññeva purāṇapaṇṇāni patanti, navāni uṭṭhahanti, pupphāni pupphitvā patanti, ambaphalāni uṭṭhāya muhutteneva paccitvā madhurāni ojavantāni dibbarasasadisāni hutvā rukkhato patanti. Mahāsatto tāni uccinitvā yāvadatthaṃ khāditvā kājaṃ pūrāpetvā gehaṃ gantvā tāni vikkiṇitvā puttadāraṃ posesi.
со б̣раахман̣агумааро махаасад̇д̇ам̣ агаалз амб̣абаггаани аахарид̇ваа виггин̣анд̇ам̣ д̣̇исваа ‘‘ниссам̣саязна д̇зхи манд̇аб̣алзна уббаннзхи бхавид̇аб̣б̣ам̣, имам̣ бурисам̣ ниссааяа ид̣̇ам̣ анаг̇гхаманд̇ам̣ лабхиссаамий’’д̇и жинд̇зд̇ваа махаасад̇д̇асса амб̣аани аахаран̣анияаамам̣ бариг̇г̇ан̣ханд̇о д̇ат̇ад̇о н̃ад̇ваа д̇асмим̣ аран̃н̃ад̇о анааг̇ад̇зязва д̇асса г̇зхам̣ г̇анд̇ваа аж̇аананд̇о вияа худ̇ваа д̇асса бхарияам̣ ‘‘гухим̣ аяяо, аажарияо’’д̇и бужчид̇ваа ‘‘аран̃н̃ам̣ г̇ад̇о’’д̇и вуд̇д̇з д̇ам̣ ааг̇ад̇ам̣ ааг̇амаяамаанова тад̇ваа ааг̇ажчанд̇ам̣ д̣̇исваа хад̇т̇ад̇о бажчим̣ г̇ахзд̇ваа аахарид̇ваа г̇зхз табзси. махаасад̇д̇о д̇ам̣ ологзд̇ваа бхарияам̣ ааха – ‘‘бхад̣̇д̣̇з, аяам̣ маан̣аво манд̇ад̇т̇ааяа ааг̇ад̇о, д̇асса хад̇т̇з манд̇о нассад̇и, асаббурисо зсо’’д̇и. маан̣авоби ‘‘ахам̣ имам̣ манд̇ам̣ аажарияасса убагаараго худ̇ваа лабхиссаамий’’д̇и жинд̇зд̇ваа д̇ад̇о бадтааяа д̇асса г̇зхз саб̣б̣агижжаани гарод̇и. д̣̇аарууни аахарад̇и, вийхим̣ годдзд̇и, бхад̇д̇ам̣ бажад̇и, д̣̇анд̇агадтамукад̇хованаад̣̇ийни д̣̇зд̇и, баад̣̇ам̣ д̇ховад̇и.
So brāhmaṇakumāro mahāsattaṃ akāle ambapakkāni āharitvā vikkiṇantaṃ disvā ‘‘nissaṃsayena tehi mantabalena uppannehi bhavitabbaṃ, imaṃ purisaṃ nissāya idaṃ anagghamantaṃ labhissāmī’’ti cintetvā mahāsattassa ambāni āharaṇaniyāmaṃ pariggaṇhanto tathato ñatvā tasmiṃ araññato anāgateyeva tassa gehaṃ gantvā ajānanto viya hutvā tassa bhariyaṃ ‘‘kuhiṃ ayyo, ācariyo’’ti pucchitvā ‘‘araññaṃ gato’’ti vutte taṃ āgataṃ āgamayamānova ṭhatvā āgacchantaṃ disvā hatthato pacchiṃ gahetvā āharitvā gehe ṭhapesi. Mahāsatto taṃ oloketvā bhariyaṃ āha – ‘‘bhadde, ayaṃ māṇavo mantatthāya āgato, tassa hatthe manto nassati, asappuriso eso’’ti. Māṇavopi ‘‘ahaṃ imaṃ mantaṃ ācariyassa upakārako hutvā labhissāmī’’ti cintetvā tato paṭṭhāya tassa gehe sabbakiccāni karoti. Dārūni āharati, vīhiṃ koṭṭeti, bhattaṃ pacati, dantakaṭṭhamukhadhovanādīni deti, pādaṃ dhovati.
згад̣̇ивасам̣ махаасад̇д̇зна ‘‘д̇аад̇а маан̣ава, ман̃жабаад̣̇аанам̣ мз убад̇хаанам̣ д̣̇зхий’’д̇и вуд̇д̇з ан̃н̃ам̣ абассид̇ваа саб̣б̣арад̇д̇им̣ уурумхи табзд̇ваа нисийд̣̇и. абарабхааг̇з махаасад̇д̇асса бхарияаа буд̇д̇ам̣ виж̇ааяи. д̇ассаа басууд̇игаалз баригаммам̣ саб̣б̣амагааси. саа згад̣̇ивасам̣ махаасад̇д̇ам̣ ааха ‘‘саами, аяам̣ маан̣аво ж̇аад̇исамбанно худ̇ваа манд̇ад̇т̇ааяа амхаагам̣ взяяааважжам̣ гарод̇и, зд̇асса хад̇т̇з манд̇о д̇идтад̇у ваа маа ваа, д̣̇зт̇а д̇асса манд̇а’’нд̇и. со ‘‘саад̇хуу’’д̇и самбадижчид̇ваа д̇асса манд̇ам̣ д̣̇ад̇ваа звамааха – ‘‘д̇аад̇а, анаг̇гхояам̣ манд̇о, д̇ава имам̣ ниссааяа махаалаабхасаггааро бхависсад̇и, ран̃н̃аа ваа рааж̇амахаамад̇д̇зна ваа ‘го д̇з аажарияо’д̇и будтагаалз маа мам̣ ниг̇уухид̇т̇о, сажз хи ‘жан̣д̣ааласса мз санд̇игаа манд̇о г̇ахид̇о’д̇и лаж̇ж̇анд̇о ‘б̣раахман̣амахаасаало мз аажарияо’д̇и гат̇зссаси, имасса манд̇асса палам̣ на лабхиссасий’’д̇и. со ‘‘гим̣ гааран̣аа д̇ам̣ ниг̇уухиссаами, гзнажи будтагаалз д̇умхзязва гат̇зссаамий’’д̇и вад̇ваа д̇ам̣ ванд̣̇ид̇ваа жан̣д̣аалаг̇аамад̇о нигкамид̇ваа манд̇ам̣ виймам̣сид̇ваа анубуб̣б̣зна б̣аараан̣асим̣ бад̇ваа амб̣аани виггин̣ид̇ваа б̣ахум̣ д̇ханам̣ лабхи.
Ekadivasaṃ mahāsattena ‘‘tāta māṇava, mañcapādānaṃ me upadhānaṃ dehī’’ti vutte aññaṃ apassitvā sabbarattiṃ ūrumhi ṭhapetvā nisīdi. Aparabhāge mahāsattassa bhariyā puttaṃ vijāyi. Tassā pasūtikāle parikammaṃ sabbamakāsi. Sā ekadivasaṃ mahāsattaṃ āha ‘‘sāmi, ayaṃ māṇavo jātisampanno hutvā mantatthāya amhākaṃ veyyāvaccaṃ karoti, etassa hatthe manto tiṭṭhatu vā mā vā, detha tassa manta’’nti. So ‘‘sādhū’’ti sampaṭicchitvā tassa mantaṃ datvā evamāha – ‘‘tāta, anagghoyaṃ manto, tava imaṃ nissāya mahālābhasakkāro bhavissati, raññā vā rājamahāmattena vā ‘ko te ācariyo’ti puṭṭhakāle mā maṃ nigūhittho, sace hi ‘caṇḍālassa me santikā manto gahito’ti lajjanto ‘brāhmaṇamahāsālo me ācariyo’ti kathessasi, imassa mantassa phalaṃ na labhissasī’’ti. So ‘‘kiṃ kāraṇā taṃ nigūhissāmi, kenaci puṭṭhakāle tumheyeva kathessāmī’’ti vatvā taṃ vanditvā caṇḍālagāmato nikkhamitvā mantaṃ vīmaṃsitvā anupubbena bārāṇasiṃ patvā ambāni vikkiṇitvā bahuṃ dhanaṃ labhi.
ат̇згад̣̇ивасам̣ уяяаанабаало д̇асса хад̇т̇ад̇о амб̣ам̣ гин̣ид̇ваа ран̃н̃о ад̣̇ааси. рааж̇аа д̇ам̣ барибхун̃ж̇ид̇ваа ‘‘гуд̇о самма, д̇аяаа зваруубам̣ амб̣ам̣ лад̣̇д̇ха’’нд̇и бужчи. д̣̇зва, зго маан̣аво агаалаамб̣апалаани аанзд̇ваа виггин̣аад̇и, д̇ад̇о мз г̇ахид̇анд̇и. д̇зна хи ‘‘ид̇о бадтааяа ид̇хзва амб̣аани аахарад̇уу’’д̇и нам̣ вад̣̇зхийд̇и. со д̇ат̇аа агааси. маан̣авоби д̇ад̇о бадтааяа амб̣аани рааж̇агулам̣ харад̇и. ат̇а ран̃н̃аа ‘‘убадтаха ма’’нд̇и вуд̇д̇з рааж̇аанам̣ убадтаханд̇о б̣ахум̣ д̇ханам̣ лабхид̇ваа ануггамзна виссаасиго ж̇аад̇о. ат̇а нам̣ згад̣̇ивасам̣ рааж̇аа бужчи ‘‘маан̣ава, гуд̇о агаалз звам̣ ван̣н̣аг̇анд̇харасасамбаннаани амб̣аани лабхаси, гим̣ д̇з нааг̇о ваа субан̣н̣о ваа д̣̇зво ваа гожи д̣̇зд̇и, уд̣̇ааху манд̇аб̣алам̣ зд̇а’’нд̇и? ‘‘на мз махаарааж̇а, гожи д̣̇зд̇и, анаг̇гхо бана мз манд̇о ад̇т̇и, д̇ассзва б̣ала’’нд̇и. ‘‘д̇зна хи маяамби д̇з згад̣̇ивасам̣ манд̇аб̣алам̣ д̣̇адтугаамаа’’д̇и. ‘‘саад̇ху, д̣̇зва, д̣̇ассзссаамий’’д̇и. рааж̇аа бунад̣̇ивасз д̇зна сад̣̇д̇хим̣ уяяаанам̣ г̇анд̇ваа ‘‘д̣̇ассзхий’’д̇и ааха. со ‘‘саад̇хуу’’д̇и амб̣аругкам̣ убаг̇анд̇ваа сад̇д̇абад̣̇амад̇т̇агз тид̇о манд̇ам̣ баривад̇д̇зд̇ваа ругкам̣ уд̣̇агзна бахари. д̇ан̇кан̣ан̃н̃зва амб̣аругко хздтаа вуд̇д̇анияаамзнзва палам̣ г̇ахзд̇ваа махаамзгхо вияа амб̣авассам̣ васси. махааж̇ано саад̇хугаарам̣ ад̣̇ааси, жзлугкзбаа бавад̇д̇им̣су.
Athekadivasaṃ uyyānapālo tassa hatthato ambaṃ kiṇitvā rañño adāsi. Rājā taṃ paribhuñjitvā ‘‘kuto samma, tayā evarūpaṃ ambaṃ laddha’’nti pucchi. Deva, eko māṇavo akālaambaphalāni ānetvā vikkiṇāti, tato me gahitanti. Tena hi ‘‘ito paṭṭhāya idheva ambāni āharatū’’ti naṃ vadehīti. So tathā akāsi. Māṇavopi tato paṭṭhāya ambāni rājakulaṃ harati. Atha raññā ‘‘upaṭṭhaha ma’’nti vutte rājānaṃ upaṭṭhahanto bahuṃ dhanaṃ labhitvā anukkamena vissāsiko jāto. Atha naṃ ekadivasaṃ rājā pucchi ‘‘māṇava, kuto akāle evaṃ vaṇṇagandharasasampannāni ambāni labhasi, kiṃ te nāgo vā supaṇṇo vā devo vā koci deti, udāhu mantabalaṃ eta’’nti? ‘‘Na me mahārāja, koci deti, anaggho pana me manto atthi, tasseva bala’’nti. ‘‘Tena hi mayampi te ekadivasaṃ mantabalaṃ daṭṭhukāmā’’ti. ‘‘Sādhu, deva, dassessāmī’’ti. Rājā punadivase tena saddhiṃ uyyānaṃ gantvā ‘‘dassehī’’ti āha. So ‘‘sādhū’’ti ambarukkhaṃ upagantvā sattapadamatthake ṭhito mantaṃ parivattetvā rukkhaṃ udakena pahari. Taṅkhaṇaññeva ambarukkho heṭṭhā vuttaniyāmeneva phalaṃ gahetvā mahāmegho viya ambavassaṃ vassi. Mahājano sādhukāraṃ adāsi, celukkhepā pavattiṃsu.
рааж̇аа амб̣апалаани каад̣̇ид̇ваа д̇асса б̣ахум̣ д̇ханам̣ д̣̇ад̇ваа ‘‘маан̣авага, зваруубо д̇з ажчарияаманд̇о гасса санд̇игз г̇ахид̇о’’д̇и бужчи. маан̣аво ‘‘сажаахам̣ ‘жан̣д̣ааласса санд̇игз’д̇и вагкаами, лаж̇ж̇ид̇аб̣б̣агам̣ бхависсад̇и, ман̃жа г̇арахиссанд̇и, манд̇о ко бана мз баг̇ун̣о, ид̣̇аани на нассиссад̇и, д̣̇исаабаамогкам̣ аажарияам̣ абад̣̇исаамий’’д̇и жинд̇зд̇ваа мусааваад̣̇ам̣ гад̇ваа ‘‘д̇аггасилааяам̣ д̣̇исаабаамогкаажарияасса санд̇игз г̇ахид̇о мз’’д̇и вад̣̇анд̇о аажарияам̣ бажжагкааси. д̇ан̇кан̣ан̃н̃зва манд̇о анд̇арад̇хааяи. рааж̇аа соманассаж̇аад̇о д̇ам̣ аад̣̇ааяа наг̇арам̣ бависид̇ваа бунад̣̇ивасз ‘‘амб̣аани каад̣̇иссаамий’’д̇и уяяаанам̣ г̇анд̇ваа ман̇г̇аласилаабаддз нисийд̣̇ид̇ваа маан̣ава, амб̣аани аахараад̇и ааха. со ‘‘саад̇хуу’’д̇и амб̣ам̣ убаг̇анд̇ваа сад̇д̇абад̣̇амад̇т̇агз тид̇о ‘‘манд̇ам̣ баривад̇д̇зссаамий’’д̇и манд̇з анубадтаханд̇з анд̇арахид̇абхаавам̣ н̃ад̇ваа лаж̇ж̇ид̇о адтааси. рааж̇аа ‘‘аяам̣ буб̣б̣з барисамаж̇жхзязва амб̣аани аахарид̇ваа амхаагам̣ д̣̇зд̇и, гханамзгхавассам̣ вияа амб̣авассам̣ вассаабзд̇и, ид̣̇аани т̇ад̣̇д̇хо вияа тид̇о, гим̣ ну ко гааран̣а’’нд̇и жинд̇зд̇ваа д̇ам̣ бужчанд̇о батамам̣ г̇аат̇амааха –
Rājā ambaphalāni khāditvā tassa bahuṃ dhanaṃ datvā ‘‘māṇavaka, evarūpo te acchariyamanto kassa santike gahito’’ti pucchi. Māṇavo ‘‘sacāhaṃ ‘caṇḍālassa santike’ti vakkhāmi, lajjitabbakaṃ bhavissati, mañca garahissanti, manto kho pana me paguṇo, idāni na nassissati, disāpāmokkhaṃ ācariyaṃ apadisāmī’’ti cintetvā musāvādaṃ katvā ‘‘takkasilāyaṃ disāpāmokkhācariyassa santike gahito me’’ti vadanto ācariyaṃ paccakkhāsi. Taṅkhaṇaññeva manto antaradhāyi. Rājā somanassajāto taṃ ādāya nagaraṃ pavisitvā punadivase ‘‘ambāni khādissāmī’’ti uyyānaṃ gantvā maṅgalasilāpaṭṭe nisīditvā māṇava, ambāni āharāti āha. So ‘‘sādhū’’ti ambaṃ upagantvā sattapadamatthake ṭhito ‘‘mantaṃ parivattessāmī’’ti mante anupaṭṭhahante antarahitabhāvaṃ ñatvā lajjito aṭṭhāsi. Rājā ‘‘ayaṃ pubbe parisamajjheyeva ambāni āharitvā amhākaṃ deti, ghanameghavassaṃ viya ambavassaṃ vassāpeti, idāni thaddho viya ṭhito, kiṃ nu kho kāraṇa’’nti cintetvā taṃ pucchanto paṭhamaṃ gāthamāha –
1.
1.
‘‘ахааси мз амб̣апалаани буб̣б̣з, ан̣ууни т̇уулаани жа б̣рахмажаари;
‘‘Ahāsi me ambaphalāni pubbe, aṇūni thūlāni ca brahmacāri;
д̇зхзва манд̇зхи на д̣̇аани д̇уяхам̣, д̣̇умабпалаа баад̇убхаванд̇и б̣рахмз’’д̇и.
Teheva mantehi na dāni tuyhaṃ, dumapphalā pātubhavanti brahme’’ti.
д̇ад̇т̇а ахаасийд̇и аахари. д̣̇умабпалаад̇и ругкапалаани.
Tattha ahāsīti āhari. Dumapphalāti rukkhaphalāni.
д̇ам̣ суд̇ваа маан̣аво ‘‘сажз ‘аж̇ж̇а амб̣апалам̣ на г̇ан̣хаамий’д̇и вагкаами, рааж̇аа мз гуж̇жхиссад̇и, мусааваад̣̇зна нам̣ ван̃жзссаамий’’д̇и д̣̇уд̇ияам̣ г̇аат̇амааха –
Taṃ sutvā māṇavo ‘‘sace ‘ajja ambaphalaṃ na gaṇhāmī’ti vakkhāmi, rājā me kujjhissati, musāvādena naṃ vañcessāmī’’ti dutiyaṃ gāthamāha –
2.
2.
‘‘нагкад̇д̇аяог̇ам̣ бадимаанаяаами, кан̣ам̣ мухуд̇д̇ан̃жа манд̇з на бассам̣;
‘‘Nakkhattayogaṃ paṭimānayāmi, khaṇaṃ muhuttañca mante na passaṃ;
нагкад̇д̇аяог̇ан̃жа кан̣ан̃жа лад̣̇д̇хаа, ад̣̇д̇хаа хариссамб̣апалам̣ бахууд̇а’’нд̇и.
Nakkhattayogañca khaṇañca laddhā, addhā harissambaphalaṃ pahūta’’nti.
д̇ад̇т̇а ад̣̇д̇хаахариссамб̣апаланд̇и ад̣̇д̇хаа амб̣апалам̣ аахариссаами.
Tattha addhāharissambaphalanti addhā ambaphalaṃ āharissāmi.
рааж̇аа ‘‘аяам̣ ан̃н̃ад̣̇аа нагкад̇д̇аяог̇ам̣ на вад̣̇ад̇и, гим̣ ну ко зд̇а’’нд̇и бужчанд̇о д̣̇вз г̇аат̇аа абхааси –
Rājā ‘‘ayaṃ aññadā nakkhattayogaṃ na vadati, kiṃ nu kho eta’’nti pucchanto dve gāthā abhāsi –
3.
3.
‘‘нагкад̇д̇аяог̇ам̣ на бурз абхаан̣и, кан̣ам̣ мухуд̇д̇ам̣ на бурз асам̣си;
‘‘Nakkhattayogaṃ na pure abhāṇi, khaṇaṃ muhuttaṃ na pure asaṃsi;
саяам̣ харий амб̣апалам̣ бахууд̇ам̣, ван̣н̣зна г̇анд̇хзна расзнубзд̇ам̣.
Sayaṃ harī ambaphalaṃ pahūtaṃ, vaṇṇena gandhena rasenupetaṃ.
4.
4.
‘‘манд̇аабхиж̇аббзна бурз хи д̇уяхам̣, д̣̇умабпалаа баад̇убхаванд̇и б̣рахмз;
‘‘Mantābhijappena pure hi tuyhaṃ, dumapphalā pātubhavanti brahme;
свааж̇ж̇а на баарзси ж̇аббамби манд̇ам̣, аяам̣ со го наама д̇аваж̇ж̇а д̇хаммо’’д̇и.
Svājja na pāresi jappampi mantaṃ, ayaṃ so ko nāma tavajja dhammo’’ti.
д̇ад̇т̇а на баарзсийд̇и на саггоси. ж̇аббамбийд̇и ж̇аббанд̇оби баривад̇д̇знд̇оби. аяам̣ сод̇и аяамзва со д̇ава сабхааво аж̇ж̇а го наама ж̇аад̇од̇и.
Tattha na pāresīti na sakkosi. Jappampīti jappantopi parivattentopi. Ayaṃ soti ayameva so tava sabhāvo ajja ko nāma jātoti.
д̇ам̣ суд̇ваа маан̣аво ‘‘на саггаа рааж̇аанам̣ мусааваад̣̇зна ван̃жзд̇ум̣, сажзби мз сабхаавз гат̇ид̇з аан̣ам̣ гарзяяа, гарод̇у, сабхаавамзва гат̇зссаамий’’д̇и жинд̇зд̇ваа д̣̇вз г̇аат̇аа абхааси –
Taṃ sutvā māṇavo ‘‘na sakkā rājānaṃ musāvādena vañcetuṃ, sacepi me sabhāve kathite āṇaṃ kareyya, karotu, sabhāvameva kathessāmī’’ti cintetvā dve gāthā abhāsi –
5.
5.
‘‘жан̣д̣аалабуд̇д̇о мама самбад̣̇ааси, д̇хаммзна манд̇з багад̇ин̃жа сам̣си;
‘‘Caṇḍālaputto mama sampadāsi, dhammena mante pakatiñca saṃsi;
маа жассу мз бужчид̇о наамаг̇од̇д̇ам̣, г̇уяхид̇т̇о ад̇т̇ам̣ виж̇ахзяяа манд̇о.
Mā cassu me pucchito nāmagottaṃ, guyhittho atthaṃ vijaheyya manto.
6.
6.
‘‘сохам̣ ж̇анинд̣̇зна ж̇анамхи будто, магкаабхибхууд̇о алигам̣ абхаан̣им̣;
‘‘Sohaṃ janindena janamhi puṭṭho, makkhābhibhūto alikaṃ abhāṇiṃ;
‘манд̇аа имз б̣раахман̣ассаа’д̇и мижчаа, бахийнаманд̇о габан̣о руд̣̇аамий’’д̇и.
‘Mantā ime brāhmaṇassā’ti micchā, pahīnamanto kapaṇo rudāmī’’ti.
д̇ад̇т̇а д̇хаммзнаад̇и самзна гааран̣зна аббадижчаад̣̇зд̇ваава ад̣̇ааси. багад̇ин̃жа сам̣сийд̇и ‘‘маа мз бужчид̇о наамаг̇од̇д̇ам̣ г̇уяхид̇т̇о, сажз г̇уухаси , манд̇аа д̇з нассиссанд̇ий’’д̇и д̇зсам̣ нассанабагад̇ин̃жа маяхам̣ сам̣си. б̣раахман̣ассаад̇и мижчаад̇и ‘‘б̣раахман̣асса санд̇игз маяаа имз манд̇аа г̇ахид̇аа’’д̇и мижчааяа абхан̣им̣, д̇зна мз д̇з манд̇аа надтаа, сваахам̣ бахийнаманд̇о ид̣̇аани габан̣о руд̣̇аамийд̇и.
Tattha dhammenāti samena kāraṇena appaṭicchādetvāva adāsi. Pakatiñca saṃsīti ‘‘mā me pucchito nāmagottaṃ guyhittho, sace gūhasi , mantā te nassissantī’’ti tesaṃ nassanapakatiñca mayhaṃ saṃsi. Brāhmaṇassāti micchāti ‘‘brāhmaṇassa santike mayā ime mantā gahitā’’ti micchāya abhaṇiṃ, tena me te mantā naṭṭhā, svāhaṃ pahīnamanto idāni kapaṇo rudāmīti.
д̇ам̣ суд̇ваа рааж̇аа ‘‘аяам̣ баабад̇хаммо зваруубам̣ рад̇анаманд̇ам̣ на ологзси, зваруубасмин̃хи уд̇д̇амарад̇анаманд̇з лад̣̇д̇хз ж̇аад̇и гим̣ гариссад̇ий’’д̇и гуж̇жхид̇ваа д̇асса г̇араханд̇о –
Taṃ sutvā rājā ‘‘ayaṃ pāpadhammo evarūpaṃ ratanamantaṃ na olokesi, evarūpasmiñhi uttamaratanamante laddhe jāti kiṃ karissatī’’ti kujjhitvā tassa garahanto –
7.
7.
‘‘зран̣д̣аа бужиманд̣̇аа ваа, ат̇а ваа баалибхад̣̇д̣̇агаа;
‘‘Eraṇḍā pucimandā vā, atha vā pālibhaddakā;
мад̇хум̣ мад̇худ̇т̇иго винд̣̇з, со хи д̇асса д̣̇умуд̇д̇амо.
Madhuṃ madhutthiko vinde, so hi tassa dumuttamo.
8.
8.
‘‘кад̇д̇ияаа б̣раахман̣аа взссаа, суд̣̇д̣̇аа жан̣д̣аалабуггусаа;
‘‘Khattiyā brāhmaṇā vessā, suddā caṇḍālapukkusā;
яамхаа д̇хаммам̣ виж̇аанзяяа, со хи д̇асса наруд̇д̇амо.
Yamhā dhammaṃ vijāneyya, so hi tassa naruttamo.
9.
9.
‘‘имасса д̣̇ан̣д̣ан̃жа вад̇хан̃жа д̣̇ад̇ваа, г̇алз г̇ахзд̇ваа калаяаат̇а ж̇аммам̣;
‘‘Imassa daṇḍañca vadhañca datvā, gale gahetvā khalayātha jammaṃ;
яо уд̇д̇амад̇т̇ам̣ гасирзна лад̣̇д̇хам̣, маанаад̇имаанзна винаасаяид̇т̇аа’’д̇и. –
Yo uttamatthaṃ kasirena laddhaṃ, mānātimānena vināsayitthā’’ti. –
имаа г̇аат̇аа ааха.
Imā gāthā āha.
д̇ад̇т̇а мад̇худ̇т̇игод̇и мад̇хуад̇т̇иго бурисо аран̃н̃з мад̇хум̣ ологзнд̇о зд̇зсам̣ ругкаанам̣ яад̇о мад̇хум̣ лабхад̇и, сова д̣̇умо д̇асса д̣̇умуд̇д̇амо наама. д̇ат̇зва кад̇д̇ияаад̣̇ийсу яамхаа бурисаа д̇хаммам̣ гааран̣ам̣ яуд̇д̇ам̣ ад̇т̇ам̣ виж̇аанзяяа, сова д̇асса уд̇д̇амо наро наама. имасса д̣̇ан̣д̣ан̃жаад̇и имасса баабад̇хаммасса саб̣б̣ассахаран̣ад̣̇ан̣д̣ан̃жа взл̣убзсигаад̣̇ийхи бидтижаммам̣ уббаадзд̇ваа вад̇хан̃жа д̣̇ад̇ваа имам̣ ж̇аммам̣ г̇алз г̇ахзд̇ваа калаяаат̇а, калигаарад̇д̇ам̣ баабзд̇ваа нид̣̇д̇хамат̇а ниггад̣дхат̇а, гим̣ иминаа ид̇ха васанд̇знаад̇и.
Tattha madhutthikoti madhuatthiko puriso araññe madhuṃ olokento etesaṃ rukkhānaṃ yato madhuṃ labhati, sova dumo tassa dumuttamo nāma. Tatheva khattiyādīsu yamhā purisā dhammaṃ kāraṇaṃ yuttaṃ atthaṃ vijāneyya, sova tassa uttamo naro nāma. Imassa daṇḍañcāti imassa pāpadhammassa sabbassaharaṇadaṇḍañca veḷupesikādīhi piṭṭhicammaṃ uppāṭetvā vadhañca datvā imaṃ jammaṃ gale gahetvā khalayātha, khalikārattaṃ pāpetvā niddhamatha nikkaḍḍhatha, kiṃ iminā idha vasantenāti.
рааж̇абурисаа д̇ат̇аа гад̇ваа ‘‘д̇аваажарияасса санд̇игам̣ г̇анд̇ваа д̇ам̣ аараад̇хзд̇ваава сажз буна манд̇з лабхиссаси, ид̇ха ааг̇ажчзяяааси, но жз, имам̣ д̣̇исам̣ маа ологзяяаасий’’д̇и д̇ам̣ ниб̣б̣исаяамагам̣су. со анаат̇о худ̇ваа ‘‘табзд̇ваа аажарияам̣ на мз ан̃н̃ам̣ бадисаран̣ам̣ ад̇т̇и, д̇ассзва санд̇игам̣ г̇анд̇ваа д̇ам̣ аараад̇хзд̇ваа буна манд̇ам̣ яаажиссаамий’’д̇и род̣̇анд̇о д̇ам̣ г̇аамам̣ аг̇амааси. ат̇а нам̣ ааг̇ажчанд̇ам̣ д̣̇исваа махаасад̇д̇о бхарияам̣ ааманд̇зд̇ваа ‘‘бхад̣̇д̣̇з, басса д̇ам̣ баабад̇хаммам̣ барихийнаманд̇ам̣ буна ааг̇ажчанд̇а’’нд̇и ааха. со махаасад̇д̇ам̣ убасан̇гамид̇ваа ванд̣̇ид̇ваа згаманд̇ам̣ нисинно ‘‘гим̣гааран̣аа ааг̇ад̇осий’’д̇и будто ‘‘аажарияа, мусааваад̣̇ам̣ гад̇ваа аажарияам̣ бажжагкид̇ваа махаавинаасам̣ бад̇д̇омхий’’д̇и вад̇ваа ажжаяам̣ д̣̇ассзд̇ваа буна манд̇з яаажанд̇о –
Rājapurisā tathā katvā ‘‘tavācariyassa santikaṃ gantvā taṃ ārādhetvāva sace puna mante labhissasi, idha āgaccheyyāsi, no ce, imaṃ disaṃ mā olokeyyāsī’’ti taṃ nibbisayamakaṃsu. So anātho hutvā ‘‘ṭhapetvā ācariyaṃ na me aññaṃ paṭisaraṇaṃ atthi, tasseva santikaṃ gantvā taṃ ārādhetvā puna mantaṃ yācissāmī’’ti rodanto taṃ gāmaṃ agamāsi. Atha naṃ āgacchantaṃ disvā mahāsatto bhariyaṃ āmantetvā ‘‘bhadde, passa taṃ pāpadhammaṃ parihīnamantaṃ puna āgacchanta’’nti āha. So mahāsattaṃ upasaṅkamitvā vanditvā ekamantaṃ nisinno ‘‘kiṃkāraṇā āgatosī’’ti puṭṭho ‘‘ācariya, musāvādaṃ katvā ācariyaṃ paccakkhitvā mahāvināsaṃ pattomhī’’ti vatvā accayaṃ dassetvā puna mante yācanto –
10.
10.
‘‘яат̇аа самам̣ ман̃н̃амаано бад̇зяяа, соб̣бхам̣ г̇ухам̣ нарагам̣ бууд̇ибаад̣̇ам̣;
‘‘Yathā samaṃ maññamāno pateyya, sobbhaṃ guhaṃ narakaṃ pūtipādaṃ;
раж̇ж̇ууд̇и ваа аггамз ган̣хасаббам̣, анд̇хо яат̇аа ж̇од̇имад̇хидтахзяяа;
Rajjūti vā akkame kaṇhasappaṃ, andho yathā jotimadhiṭṭhaheyya;
звамби мам̣ д̇ам̣ калид̇ам̣ сабан̃н̃а, бахийнаманд̇асса бунаббад̣̇аахий’’д̇и. – г̇аат̇амааха;
Evampi maṃ taṃ khalitaṃ sapañña, pahīnamantassa punappadāhī’’ti. – gāthamāha;
д̇ад̇т̇а яат̇аа саманд̇и яат̇аа бурисо ид̣̇ам̣ самам̣ таананд̇и ман̃н̃амаано соб̣бхам̣ ваа г̇ухам̣ ваа бхуумияаа палид̇адтаанасан̇каад̇ам̣ нарагам̣ ваа бууд̇ибаад̣̇ам̣ ваа бад̇зяяа. бууд̇ибаад̣̇од̇и химаванд̇абад̣̇зсз махааругкз суссид̇ваа мад̇з д̇асса муулзсу бууд̇игзсу ж̇аад̇зсу д̇асмим̣ таанз махааааваадо ход̇и, д̇асса наамам̣. ж̇од̇имад̇хидтахзяяаад̇и аг̇г̇им̣ аггамзяяа. звамбийд̇и звам̣ ахамби бан̃н̃аажагкуно абхааваа анд̇хо д̇умхаагам̣ висзсам̣ аж̇аананд̇о д̇умхзсу калид̇о, д̇ам̣ мам̣ калид̇ам̣ вид̣̇ид̇ваа сабан̃н̃а н̃аан̣асамбанна бахийнаманд̇асса мама бунаби д̣̇зт̇аад̇и.
Tattha yathā samanti yathā puriso idaṃ samaṃ ṭhānanti maññamāno sobbhaṃ vā guhaṃ vā bhūmiyā phalitaṭṭhānasaṅkhātaṃ narakaṃ vā pūtipādaṃ vā pateyya. Pūtipādoti himavantapadese mahārukkhe sussitvā mate tassa mūlesu pūtikesu jātesu tasmiṃ ṭhāne mahāāvāṭo hoti, tassa nāmaṃ. Jotimadhiṭṭhaheyyāti aggiṃ akkameyya. Evampīti evaṃ ahampi paññācakkhuno abhāvā andho tumhākaṃ visesaṃ ajānanto tumhesu khalito, taṃ maṃ khalitaṃ viditvā sapañña ñāṇasampanna pahīnamantassa mama punapi dethāti.
ат̇а нам̣ аажарияо ‘‘д̇аад̇а, гим̣ гат̇зси, анд̇хо хи сан̃н̃ааяа д̣̇иннааяа соб̣бхаад̣̇ийни барихарад̇и, маяаа батамамзва д̇ава гат̇ид̇ам̣, ид̣̇аани гимад̇т̇ам̣ мама санд̇игам̣ ааг̇ад̇осий’’д̇и вад̇ваа –
Atha naṃ ācariyo ‘‘tāta, kiṃ kathesi, andho hi saññāya dinnāya sobbhādīni pariharati, mayā paṭhamameva tava kathitaṃ, idāni kimatthaṃ mama santikaṃ āgatosī’’ti vatvā –
11.
11.
‘‘д̇хаммзна манд̇ам̣ д̇ава самбад̣̇аасим̣, д̇увамби д̇хаммзна бадиг̇г̇ахзси;
‘‘Dhammena mantaṃ tava sampadāsiṃ, tuvampi dhammena paṭiggahesi;
багад̇имби д̇з ад̇д̇амано асам̣сим̣, д̇хаммз тид̇ам̣ д̇ам̣ на ж̇ахзяяа манд̇о.
Pakatimpi te attamano asaṃsiṃ, dhamme ṭhitaṃ taṃ na jaheyya manto.
12.
12.
‘‘яо б̣аала-манд̇ам̣ гасирзна лад̣̇д̇хам̣, яам̣ д̣̇уллабхам̣ аж̇ж̇а мануссалогз;
‘‘Yo bāla-mantaṃ kasirena laddhaṃ, yaṃ dullabhaṃ ajja manussaloke;
гин̃жааби лад̣̇д̇хаа ж̇ийвид̇ум̣ аббабан̃н̃о, винаасаяий алигам̣ бхаасамаано.
Kiñcāpi laddhā jīvituṃ appapañño, vināsayī alikaṃ bhāsamāno.
13.
13.
‘‘б̣ааласса муул̣хасса агад̇ан̃н̃уно жа, мусаа бхан̣анд̇асса асан̃н̃ад̇асса;
‘‘Bālassa mūḷhassa akataññuno ca, musā bhaṇantassa asaññatassa;
манд̇з маяам̣ д̇аад̣̇исагз на д̣̇зма, гуд̇о манд̇аа г̇ажча на маяхам̣ ружжасий’’д̇и. –
Mante mayaṃ tādisake na dema, kuto mantā gaccha na mayhaṃ ruccasī’’ti. –
имаа г̇аат̇аа ааха.
Imā gāthā āha.
д̇ад̇т̇а д̇хаммзнаад̇и ахамби д̇ава аажарияабхааг̇ам̣ хиран̃н̃ам̣ ваа суван̣н̣ам̣ ваа аг̇г̇ахзд̇ваа д̇хаммзнзва манд̇ам̣ самбад̣̇аасим̣, д̇вамби гин̃жи ад̣̇ад̇ваа д̇хаммзна самзнзва бадиг̇г̇ахзси. д̇хаммз тид̇анд̇и аажарияабууж̇агад̇хаммз тид̇ам̣. д̇аад̣̇исагзд̇и д̇ат̇ааруубз агаалапалаг̇ан̣хаабагз манд̇з на д̣̇зма, г̇ажча на мз ружжасийд̇и.
Tattha dhammenāti ahampi tava ācariyabhāgaṃ hiraññaṃ vā suvaṇṇaṃ vā aggahetvā dhammeneva mantaṃ sampadāsiṃ, tvampi kiñci adatvā dhammena sameneva paṭiggahesi. Dhamme ṭhitanti ācariyapūjakadhamme ṭhitaṃ. Tādisaketi tathārūpe akālaphalagaṇhāpake mante na dema, gaccha na me ruccasīti.
со звам̣ аажариязна уяяож̇ид̇о ‘‘гим̣ маяхам̣ ж̇ийвид̇знаа’’д̇и аран̃н̃ам̣ бависид̇ваа анаат̇амаран̣ам̣ мари.
So evaṃ ācariyena uyyojito ‘‘kiṃ mayhaṃ jīvitenā’’ti araññaṃ pavisitvā anāthamaraṇaṃ mari.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о аажарияам̣ бажжагкааяа махаавинаасам̣ бад̇д̇о’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа агад̇ан̃н̃уу маан̣аво д̣̇звад̣̇ад̇д̇о ахоси, рааж̇аа аананд̣̇о, жан̣д̣аалабуд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepi devadatto ācariyaṃ paccakkhāya mahāvināsaṃ patto’’ti vatvā jātakaṃ samodhānesi – ‘‘tadā akataññū māṇavo devadatto ahosi, rājā ānando, caṇḍālaputto pana ahameva ahosi’’nti.
амб̣аж̇аад̇агаван̣н̣анаа батамаа.
Ambajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 474. амб̣аж̇аад̇агам̣ • 474. Ambajātakaṃ
