| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. бхигкуваг̇г̇о
2. Bhikkhuvaggo
1. амб̣аладтигараахуловаад̣̇асуд̇д̇аван̣н̣анаа
1. Ambalaṭṭhikarāhulovādasuttavaṇṇanā
107. звам̣ мз суд̇анд̇и амб̣аладтигараахуловаад̣̇асуд̇д̇ам̣. д̇ад̇т̇а амб̣аладтигааяам̣ вихарад̇ийд̇и взл̣уванавихаарасса бажжанд̇з бад̇хаанагхарасан̇кзбз вивзгагаамаанам̣ васанад̇т̇ааяа гад̇з амб̣аладтигаад̇и звам̣наамагз баасаад̣̇з бавивзгам̣ б̣руухаяанд̇о вихарад̇и. ган̣даго наама ж̇аад̇агаалад̇о бадтааяа д̇икин̣ова ход̇и, звамзвам̣ аяамби ааяасмаа сад̇д̇авассигасааман̣зрагаалзязва бавивзгам̣ б̣руухаяамаано д̇ад̇т̇а вихааси. бадисаллаанаа вудтид̇од̇и паласамаабад̇д̇ид̇о вудтааяа. аасананд̇и багад̇ибан̃н̃ад̇д̇амзвзд̇т̇а аасанам̣ ад̇т̇и, д̇ам̣ бабподзд̇ваа табзси. уд̣̇агаад̇хаанзд̇и уд̣̇агабхааж̇анз. ‘‘уд̣̇агадтаанз’’д̇иби баато.
107.Evaṃme sutanti ambalaṭṭhikarāhulovādasuttaṃ. Tattha ambalaṭṭhikāyaṃ viharatīti veḷuvanavihārassa paccante padhānagharasaṅkhepe vivekakāmānaṃ vasanatthāya kate ambalaṭṭhikāti evaṃnāmake pāsāde pavivekaṃ brūhayanto viharati. Kaṇṭako nāma jātakālato paṭṭhāya tikhiṇova hoti, evamevaṃ ayampi āyasmā sattavassikasāmaṇerakāleyeva pavivekaṃ brūhayamāno tattha vihāsi. Paṭisallānā vuṭṭhitoti phalasamāpattito vuṭṭhāya. Āsananti pakatipaññattamevettha āsanaṃ atthi, taṃ papphoṭetvā ṭhapesi. Udakādhāneti udakabhājane. ‘‘Udakaṭṭhāne’’tipi pāṭho.
ааяасманд̇ам̣ раахулам̣ ааманд̇зсийд̇и оваад̣̇ад̣̇аанад̇т̇ам̣ ааманд̇зси. бхаг̇авад̇аа хи раахулад̇т̇зрасса самб̣ахулаа д̇хаммад̣̇зсанаа гад̇аа. сааман̣зрабан̃хам̣ т̇зрассзва вуд̇д̇ам̣. д̇ат̇аа раахуласам̣яуд̇д̇ам̣ махаараахуловаад̣̇асуд̇д̇ам̣ жуул̣араахуловаад̣̇асуд̇д̇амид̣̇ам̣ амб̣аладтигараахуловаад̣̇асуд̇д̇анд̇и.
Āyasmantaṃ rāhulaṃ āmantesīti ovādadānatthaṃ āmantesi. Bhagavatā hi rāhulattherassa sambahulā dhammadesanā katā. Sāmaṇerapañhaṃ therasseva vuttaṃ. Tathā rāhulasaṃyuttaṃ mahārāhulovādasuttaṃ cūḷarāhulovādasuttamidaṃ ambalaṭṭhikarāhulovādasuttanti.
аяан̃хи ааяасмаа сад̇д̇авассигагаалз бхаг̇аванд̇ам̣ жийвараган̣н̣з г̇ахзд̇ваа ‘‘д̣̇ааяаж̇ж̇ам̣ мз саман̣а д̣̇зхий’’д̇и д̣̇ааяаж̇ж̇ам̣ яаажамаано бхаг̇авад̇аа д̇хаммасзнаабад̇исаарибуд̇д̇ад̇т̇зрасса нияяаад̣̇зд̇ваа баб̣б̣ааж̇ид̇о. ат̇а бхаг̇аваа д̣̇ахарагумаараа наама яуд̇д̇ааяуд̇д̇ам̣ гат̇ам̣ гат̇знд̇и, оваад̣̇амасса д̣̇змийд̇и раахулагумаарам̣ ааманд̇зд̇ваа ‘‘сааман̣зрзна наама, раахула, д̇иражчаанагат̇ам̣ гат̇зд̇ум̣ на ваддад̇и, д̇вам̣ гат̇аяамаано зваруубам̣ гат̇ам̣ гат̇зяяаасий’’д̇и саб̣б̣аб̣уд̣̇д̇хзхи авиж̇ахид̇ам̣ д̣̇асабужчам̣ бан̃жабан̣н̣аасависсаж̇ж̇анам̣ – ‘‘зго бан̃хо зго уд̣̇д̣̇зсо згам̣ взяяаагаран̣ам̣ д̣̇вз бан̃хаа…бз… д̣̇аса бан̃хаа д̣̇аса уд̣̇д̣̇зсаа д̣̇аса взяяаагаран̣аад̇и. згам̣ наама гим̣? саб̣б̣з сад̇д̇аа аахаарадтид̇игаа…бз… д̣̇аса наама гим̣? д̣̇асахан̇г̇зхи саманнааг̇ад̇о арахаад̇и вужжад̇ий’’д̇и (ку. баа. 4.10) имам̣ сааман̣зрабан̃хам̣ гат̇зси. буна жинд̇зси ‘‘д̣̇ахарагумаараа наама бияамусааваад̣̇аа хонд̇и, ад̣̇идтамзва д̣̇идтам̣ амхзхи, д̣̇идтамзва на д̣̇идтам̣ амхзхийд̇и вад̣̇анд̇и оваад̣̇амасса д̣̇змий’’д̇и агкийхи ологзд̇вааби сукасан̃ж̇аананад̇т̇ам̣ батамамзва жад̇ассо уд̣̇агаад̇хаануубамааяо , д̇ад̇о д̣̇вз хад̇т̇иубамааяо згам̣ аад̣̇аасуубаман̃жа д̣̇ассзд̇ваа имам̣ суд̇д̇ам̣ гат̇зси. жад̇уусу бана бажжаязсу д̇ан̣хаавивадданам̣ бан̃жасу гаамаг̇ун̣зсу чанд̣̇арааг̇аббахаанам̣ галяаан̣амид̇д̇убаниссаяасса маханд̇абхааван̃жа д̣̇ассзд̇ваа раахуласуд̇д̇ам̣ (су. ни. раахуласуд̇д̇а) гат̇зси. ааг̇ад̇ааг̇ад̇адтаанз бхавзсу чанд̣̇арааг̇о на гад̇д̇аб̣б̣од̇и д̣̇ассзд̇ум̣ раахуласам̣яуд̇д̇ам̣ (сам̣. ни. 2.188 аад̣̇аяо) гат̇зси. ‘‘ахам̣ собхаами, мама ван̣н̣ааяад̇анам̣ басанна’’нд̇и ад̇д̇абхаавам̣ ниссааяа г̇зхассид̇ачанд̣̇арааг̇о на гад̇д̇аб̣б̣од̇и махаараахуловаад̣̇асуд̇д̇ам̣ гат̇зси.
Ayañhi āyasmā sattavassikakāle bhagavantaṃ cīvarakaṇṇe gahetvā ‘‘dāyajjaṃ me samaṇa dehī’’ti dāyajjaṃ yācamāno bhagavatā dhammasenāpatisāriputtattherassa niyyādetvā pabbājito. Atha bhagavā daharakumārā nāma yuttāyuttaṃ kathaṃ kathenti, ovādamassa demīti rāhulakumāraṃ āmantetvā ‘‘sāmaṇerena nāma, rāhula, tiracchānakathaṃ kathetuṃ na vaṭṭati, tvaṃ kathayamāno evarūpaṃ kathaṃ katheyyāsī’’ti sabbabuddhehi avijahitaṃ dasapucchaṃ pañcapaṇṇāsavissajjanaṃ – ‘‘eko pañho eko uddeso ekaṃ veyyākaraṇaṃ dve pañhā…pe… dasa pañhā dasa uddesā dasa veyyākaraṇāti. Ekaṃ nāma kiṃ? Sabbe sattā āhāraṭṭhitikā…pe… dasa nāma kiṃ? Dasahaṅgehi samannāgato arahāti vuccatī’’ti (khu. pā. 4.10) imaṃ sāmaṇerapañhaṃ kathesi. Puna cintesi ‘‘daharakumārā nāma piyamusāvādā honti, adiṭṭhameva diṭṭhaṃ amhehi, diṭṭhameva na diṭṭhaṃ amhehīti vadanti ovādamassa demī’’ti akkhīhi oloketvāpi sukhasañjānanatthaṃ paṭhamameva catasso udakādhānūpamāyo , tato dve hatthiupamāyo ekaṃ ādāsūpamañca dassetvā imaṃ suttaṃ kathesi. Catūsu pana paccayesu taṇhāvivaṭṭanaṃ pañcasu kāmaguṇesu chandarāgappahānaṃ kalyāṇamittupanissayassa mahantabhāvañca dassetvā rāhulasuttaṃ (su. ni. rāhulasutta) kathesi. Āgatāgataṭṭhāne bhavesu chandarāgo na kattabboti dassetuṃ rāhulasaṃyuttaṃ (saṃ. ni. 2.188 ādayo) kathesi. ‘‘Ahaṃ sobhāmi, mama vaṇṇāyatanaṃ pasanna’’nti attabhāvaṃ nissāya gehassitachandarāgo na kattabboti mahārāhulovādasuttaṃ kathesi.
д̇ад̇т̇а раахуласуд̇д̇ам̣ имасмим̣ наама гаалз вуд̇д̇анд̇и на вад̇д̇аб̣б̣ам̣. д̇ан̃хи абхин̣ховаад̣̇авасзна вуд̇д̇ам̣. раахуласам̣яуд̇д̇ам̣ сад̇д̇авассигагаалад̇о бадтааяа яаава авассигабхигкугаалаа вуд̇д̇ам̣. махаараахуловаад̣̇асуд̇д̇ам̣ адтаараса вассасааман̣зрагаалз вуд̇д̇ам̣. жуул̣араахуловаад̣̇асуд̇д̇ам̣ авассигабхигкугаалз вуд̇д̇ам̣. гумаарагабан̃хан̃жа ид̣̇ан̃жа амб̣аладтигараахуловаад̣̇асуд̇д̇ам̣ сад̇д̇авассигасааман̣зрагаалз вуд̇д̇ам̣. д̇зсу раахуласуд̇д̇ам̣ абхин̣ховаад̣̇ад̇т̇ам̣, раахуласам̣яуд̇д̇ам̣, т̇зрасса вибассанааг̇аб̣бхаг̇ахан̣ад̇т̇ам̣, махаараахуловаад̣̇ам̣ г̇зхассид̇ачанд̣̇арааг̇авинод̣̇анад̇т̇ам̣, жуул̣араахуловаад̣̇ам̣ т̇зрасса бан̃жад̣̇аса-вимуд̇д̇ибарибаажанийяа-д̇хаммабарибаагагаалз арахад̇д̇аг̇аахаабанад̇т̇ам̣ вуд̇д̇ам̣. ид̣̇ан̃жа бана санд̇хааяа раахулад̇т̇зро бхигкусан̇гхамаж̇жхз д̇ат̇ааг̇ад̇асса г̇ун̣ам̣ гат̇знд̇о ид̣̇амааха –
Tattha rāhulasuttaṃ imasmiṃ nāma kāle vuttanti na vattabbaṃ. Tañhi abhiṇhovādavasena vuttaṃ. Rāhulasaṃyuttaṃ sattavassikakālato paṭṭhāya yāva avassikabhikkhukālā vuttaṃ. Mahārāhulovādasuttaṃ aṭṭhārasa vassasāmaṇerakāle vuttaṃ. Cūḷarāhulovādasuttaṃ avassikabhikkhukāle vuttaṃ. Kumārakapañhañca idañca ambalaṭṭhikarāhulovādasuttaṃ sattavassikasāmaṇerakāle vuttaṃ. Tesu rāhulasuttaṃ abhiṇhovādatthaṃ, rāhulasaṃyuttaṃ, therassa vipassanāgabbhagahaṇatthaṃ, mahārāhulovādaṃ gehassitachandarāgavinodanatthaṃ, cūḷarāhulovādaṃ therassa pañcadasa-vimuttiparipācanīya-dhammaparipākakāle arahattagāhāpanatthaṃ vuttaṃ. Idañca pana sandhāya rāhulatthero bhikkhusaṅghamajjhe tathāgatassa guṇaṃ kathento idamāha –
‘‘гигийва б̣ийж̇ам̣ рагкзяяа, жаамарий вааламуд̇д̇амам̣;
‘‘Kikīva bījaṃ rakkheyya, cāmarī vālamuttamaṃ;
нибаго сийласамбанно, мамам̣ рагки д̇ат̇ааг̇ад̇о’’д̇и. (аба. 1.2.83);
Nipako sīlasampanno, mamaṃ rakkhi tathāgato’’ti. (apa. 1.2.83);
сааман̣зрабан̃хам̣ аяуд̇д̇аважанабахаанад̇т̇ам̣, ид̣̇ам̣ амб̣аладтигараахуловаад̣̇асуд̇д̇ам̣ самбаж̇аанамусааваад̣̇асса агаран̣ад̇т̇ам̣ вуд̇д̇ам̣.
Sāmaṇerapañhaṃ ayuttavacanapahānatthaṃ, idaṃ ambalaṭṭhikarāhulovādasuttaṃ sampajānamusāvādassa akaraṇatthaṃ vuttaṃ.
д̇ад̇т̇а бассаси нод̇и бассаси ну. барид̇д̇анд̇и т̇огам̣. сааман̃н̃анд̇и саман̣ад̇хаммо. ниггуж̇ж̇ид̇ваад̇и ад̇хомукам̣ гад̇ваа. уггуж̇ж̇ид̇ваад̇и уд̇д̇аанам̣ гад̇ваа.
Tattha passasi noti passasi nu. Parittanti thokaṃ. Sāmaññanti samaṇadhammo. Nikkujjitvāti adhomukhaṃ katvā. Ukkujjitvāti uttānaṃ katvā.
108. сзяяат̇ааби, раахула, ран̃н̃о нааг̇од̇и аяам̣ убамаа самбаж̇аанамусааваад̣̇з сам̣варарахид̇асса обаммад̣̇ассанад̇т̇ам̣ вуд̇д̇аа. д̇ад̇т̇а ийсаад̣̇анд̇од̇и рат̇ийсаасад̣̇исад̣̇анд̇о . урул̣хаваад̇и абхивад̣дхид̇о аарохасамбанно. абхиж̇аад̇од̇и суж̇аад̇о ж̇аад̇исамбанно. сан̇г̇аамааважарод̇и сан̇г̇аамам̣ од̇ин̣н̣абуб̣б̣о. гаммам̣ гарод̇ийд̇и ааг̇ад̇ааг̇ад̇з баваддзнд̇о гхаад̇зд̇и. бурад̇т̇имагааяаад̣̇ийсу бана бурад̇т̇имагааязна д̇аава бадисзнааяа палагагодтагамун̣д̣абаагаараад̣̇аяо баад̇зд̇и, д̇ат̇аа бажчимагааязна. сийсзна гаммам̣ наама нияамзд̇ваа зд̇ам̣ бад̣̇зсам̣ мад̣̇д̣̇иссаамийд̇и нивад̇д̇ид̇ваа ологзд̇и, зд̇д̇агзна сад̇амби сахассамби д̣̇взд̇хаа бхиж̇ж̇ад̇и. ган̣н̣зхи гаммам̣ наама ааг̇ад̇ааг̇ад̇з сарз ган̣н̣зхи бахарид̇ваа баад̇анам̣. д̣̇анд̇зхи гаммам̣ наама бадихад̇т̇иассахад̇т̇аарохаассаарохабад̣̇аад̣̇ийнам̣ виж̇жханам̣. нан̇г̇удтзна гаммам̣ наама нан̇г̇удтз б̣анд̇хааяа д̣̇ийгхаасиладтияаа ваа аяамусалзна ваа чзд̣̇анабхзд̣̇анам̣. рагкад̇зва сон̣д̣анд̇и сон̣д̣ам̣ бана мукз багкибид̇ваа рагкад̇и.
108.Seyyathāpi, rāhula, rañño nāgoti ayaṃ upamā sampajānamusāvāde saṃvararahitassa opammadassanatthaṃ vuttā. Tattha īsādantoti rathīsāsadisadanto . Uruḷhavāti abhivaḍḍhito ārohasampanno. Abhijātoti sujāto jātisampanno. Saṅgāmāvacaroti saṅgāmaṃ otiṇṇapubbo. Kammaṃ karotīti āgatāgate pavaṭṭento ghāteti. Puratthimakāyādīsu pana puratthimakāyena tāva paṭisenāya phalakakoṭṭhakamuṇḍapākārādayo pāteti, tathā pacchimakāyena. Sīsena kammaṃ nāma niyametvā etaṃ padesaṃ maddissāmīti nivattitvā oloketi, ettakena satampi sahassampi dvedhā bhijjati. Kaṇṇehi kammaṃ nāma āgatāgate sare kaṇṇehi paharitvā pātanaṃ. Dantehi kammaṃ nāma paṭihatthiassahatthārohaassārohapadādīnaṃ vijjhanaṃ. Naṅguṭṭhena kammaṃ nāma naṅguṭṭhe bandhāya dīghāsilaṭṭhiyā vā ayamusalena vā chedanabhedanaṃ. Rakkhateva soṇḍanti soṇḍaṃ pana mukhe pakkhipitvā rakkhati.
д̇ад̇т̇аад̇и д̇асмим̣ д̇асса хад̇т̇ино гаран̣з. абарижжад̇д̇анд̇и аниссадтам̣, барзсам̣ ж̇аяам̣ амхааган̃жа барааж̇аяам̣ бассийд̇и ман̃н̃ад̇и. сон̣д̣ааяаби гаммам̣ гарод̇ийд̇и аяамуг̇г̇арам̣ ваа кад̣̇ирамусалам̣ ваа г̇ахзд̇ваа саманд̇аа адтаарасахад̇т̇адтаанам̣ мад̣̇д̣̇ад̇и. барижжад̇д̇анд̇и виссадтам̣, ид̣̇аани хад̇т̇ияод̇хаад̣̇ийсу на гуд̇ожи бхааяад̇и, амхаагам̣ ж̇аяам̣ барзсан̃жа барааж̇аяам̣ бассийд̇и ман̃н̃ад̇и. наахам̣ д̇асса гин̃жи баабанд̇и д̇асса д̣̇уггадаад̣̇иаабад̇д̇ивийд̇иггамз ваа маад̇угхаад̇агаад̣̇игаммзсу ваа гин̃жи баабам̣ агад̇д̇аб̣б̣ам̣ наама над̇т̇и. д̇асмаа д̇иха д̇зд̇и яасмаа самбаж̇аанамусааваад̣̇ино агад̇д̇аб̣б̣ам̣ баабам̣ наама над̇т̇и, д̇асмаа д̇аяаа хасааяаби д̣̇авагамяад̇ааяаби мусаа на бхан̣иссаамийд̇и сигкид̇аб̣б̣ам̣. бажжавзгкан̣ад̇т̇од̇и ологанад̇т̇о, яам̣ мукз важ̇ж̇ам̣ ход̇и, д̇асса д̣̇ассанад̇т̇од̇и вуд̇д̇ам̣ ход̇и. бажжавзгкид̇ваа бажжавзгкид̇ваад̇и ологзд̇ваа ологзд̇ваа.
Tatthāti tasmiṃ tassa hatthino karaṇe. Apariccattanti anissaṭṭhaṃ, paresaṃ jayaṃ amhākañca parājayaṃ passīti maññati. Soṇḍāyapi kammaṃ karotīti ayamuggaraṃ vā khadiramusalaṃ vā gahetvā samantā aṭṭhārasahatthaṭṭhānaṃ maddati. Pariccattanti vissaṭṭhaṃ, idāni hatthiyodhādīsu na kutoci bhāyati, amhākaṃ jayaṃ paresañca parājayaṃ passīti maññati. Nāhaṃ tassa kiñci pāpanti tassa dukkaṭādiāpattivītikkame vā mātughātakādikammesu vā kiñci pāpaṃ akattabbaṃ nāma natthi. Tasmā tiha teti yasmā sampajānamusāvādino akattabbaṃ pāpaṃ nāma natthi, tasmā tayā hasāyapi davakamyatāyapi musā na bhaṇissāmīti sikkhitabbaṃ. Paccavekkhaṇatthoti olokanattho, yaṃ mukhe vajjaṃ hoti, tassa dassanatthoti vuttaṃ hoti. Paccavekkhitvā paccavekkhitvāti oloketvā oloketvā.
109. сасаггам̣ на гаран̣ийяанд̇и згам̣сзнзва на гаад̇аб̣б̣ам̣. бадисам̣харзяяаасийд̇и нивад̇д̇зяяааси маа гарзяяааси. анубад̣̇аж̇ж̇зяяаасийд̇и анубад̣̇зяяааси убад̇т̇амбхзяяааси бунаббунам̣ гарзяяааси. ахорад̇д̇аанусигкийд̇и рад̇д̇ин̃жа д̣̇иван̃жа сигкамаано.
109.Sasakkaṃ na karaṇīyanti ekaṃseneva na kātabbaṃ. Paṭisaṃhareyyāsīti nivatteyyāsi mā kareyyāsi. Anupadajjeyyāsīti anupadeyyāsi upatthambheyyāsi punappunaṃ kareyyāsi. Ahorattānusikkhīti rattiñca divañca sikkhamāno.
111. аддийяид̇аб̣б̣анд̇и аддзна бийл̣ид̇зна бхавид̇аб̣б̣ам̣. харааяид̇аб̣б̣анд̇и лаж̇ж̇ид̇аб̣б̣ам̣. ж̇иг̇ужчид̇аб̣б̣анд̇и г̇уут̇ам̣ д̣̇исваа вияа ж̇иг̇ужчаа уббаад̣̇зд̇аб̣б̣аа. маногаммасса бана ад̣̇зсанаавад̇т̇угад̇д̇аа ид̇ха д̣̇зсзд̇аб̣б̣анд̇и на вуд̇д̇ам̣. гид̇д̇агз бана таанз гааяагаммаважийгаммаани сод̇хзд̇аб̣б̣аани, гид̇д̇агз маногамманд̇и. гааяагаммаважийгаммаани д̇аава згасмим̣ бурзбхад̇д̇зязва сод̇хзд̇аб̣б̣аани. бхад̇д̇агижжам̣ гад̇ваа д̣̇иваадтаанз нисиннзна хи бажжавзгкид̇аб̣б̣ам̣ ‘‘арун̣уг̇г̇аманад̇о бадтааяа яаава имасмим̣ таанз нисаж̇ж̇аа ад̇т̇и ну ко мз имасмим̣ анд̇арз барзсам̣ аббияам̣ гааяагаммам̣ ваа важийгаммам̣ ваа’’д̇и. сажз ад̇т̇ийд̇и ж̇аанаад̇и, д̣̇зсанааяуд̇д̇ам̣ д̣̇зсзд̇аб̣б̣ам̣, аавигаран̣аяуд̇д̇ам̣ аавигаад̇аб̣б̣ам̣. сажз над̇т̇и, д̇знзва бийд̇ибаамож̇ж̇зна вихаад̇аб̣б̣ам̣. маногаммам̣ бана зд̇асмим̣ бин̣д̣абаад̇абариязсанадтаанз сод̇хзд̇аб̣б̣ам̣. гат̇ам̣? ‘‘ад̇т̇и ну ко мз аж̇ж̇а бин̣д̣абаад̇абариязсанадтаанз руубаад̣̇ийсу чанд̣̇о ваа рааг̇о ваа бадигхам̣ ваа’’д̇и? сажз ад̇т̇и, ‘‘буна на звам̣ гариссаамий’’д̇и жид̇д̇знзва ад̇хидтаад̇аб̣б̣ам̣. сажз над̇т̇и, д̇знзва бийд̇ибаамож̇ж̇зна вихаад̇аб̣б̣ам̣.
111.Aṭṭīyitabbanti aṭṭena pīḷitena bhavitabbaṃ. Harāyitabbanti lajjitabbaṃ. Jigucchitabbanti gūthaṃ disvā viya jigucchā uppādetabbā. Manokammassa pana adesanāvatthukattā idha desetabbanti na vuttaṃ. Kittake pana ṭhāne kāyakammavacīkammāni sodhetabbāni, kittake manokammanti. Kāyakammavacīkammāni tāva ekasmiṃ purebhatteyeva sodhetabbāni. Bhattakiccaṃ katvā divāṭṭhāne nisinnena hi paccavekkhitabbaṃ ‘‘aruṇuggamanato paṭṭhāya yāva imasmiṃ ṭhāne nisajjā atthi nu kho me imasmiṃ antare paresaṃ appiyaṃ kāyakammaṃ vā vacīkammaṃ vā’’ti. Sace atthīti jānāti, desanāyuttaṃ desetabbaṃ, āvikaraṇayuttaṃ āvikātabbaṃ. Sace natthi, teneva pītipāmojjena vihātabbaṃ. Manokammaṃ pana etasmiṃ piṇḍapātapariyesanaṭṭhāne sodhetabbaṃ. Kathaṃ? ‘‘Atthi nu kho me ajja piṇḍapātapariyesanaṭṭhāne rūpādīsu chando vā rāgo vā paṭighaṃ vā’’ti? Sace atthi, ‘‘puna na evaṃ karissāmī’’ti citteneva adhiṭṭhātabbaṃ. Sace natthi, teneva pītipāmojjena vihātabbaṃ.
112. саман̣аа ваа б̣раахман̣аа ваад̇и б̣уд̣̇д̇хаа ваа бажжзгаб̣уд̣̇д̇хаа ваа д̇ат̇ааг̇ад̇асаавагаа ваа. д̇асмаад̇ихаад̇и яасмаа ад̇ийд̇зби звам̣ барисод̇хзсум̣, анааг̇ад̇зби барисод̇хзссанд̇и, зд̇арахиби барисод̇хзнд̇и, д̇асмаа д̇умхзхиби д̇зсам̣ анусигканд̇зхи звам̣ сигкид̇аб̣б̣анд̇и ад̇т̇о. сзсам̣ саб̣б̣ад̇т̇а уд̇д̇аанамзва. имам̣ бана д̣̇зсанам̣ бхаг̇аваа яаава бхаваг̇г̇аа уссид̇асса рад̇анараасино яож̇анияаман̣игканд̇хзна гуудам̣ г̇ан̣ханд̇о вияа нзяяабуг̇г̇алавасзна баринидтаабзсийд̇и.
112.Samaṇā vā brāhmaṇā vāti buddhā vā paccekabuddhā vā tathāgatasāvakā vā. Tasmātihāti yasmā atītepi evaṃ parisodhesuṃ, anāgatepi parisodhessanti, etarahipi parisodhenti, tasmā tumhehipi tesaṃ anusikkhantehi evaṃ sikkhitabbanti attho. Sesaṃ sabbattha uttānameva. Imaṃ pana desanaṃ bhagavā yāva bhavaggā ussitassa ratanarāsino yojaniyamaṇikkhandhena kūṭaṃ gaṇhanto viya neyyapuggalavasena pariniṭṭhāpesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
амб̣аладтигараахуловаад̣̇асуд̇д̇аван̣н̣анаа нидтид̇аа.
Ambalaṭṭhikarāhulovādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. амб̣аладтигараахуловаад̣̇асуд̇д̇ам̣ • 1. Ambalaṭṭhikarāhulovādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. амб̣аладтигараахуловаад̣̇асуд̇д̇аван̣н̣анаа • 1. Ambalaṭṭhikarāhulovādasuttavaṇṇanā
