| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. сад̇ибадтаанасам̣яуд̇д̇ам̣
3. Satipaṭṭhānasaṃyuttaṃ
1. амб̣абааливаг̇г̇о
1. Ambapālivaggo
1. амб̣абаалисуд̇д̇аван̣н̣анаа
1. Ambapālisuttavaṇṇanā
367. сад̇ибадтаанасам̣яуд̇д̇асса батамз амб̣абааливанзд̇и амб̣абаалияаа наама руубуубаж̇ийвинияаа робид̇з амб̣аванз. д̇ам̣ гира д̇ассаа уяяаанам̣ ахоси. саа сад̇т̇у д̇хаммад̣̇зсанам̣ суд̇ваа басаннажид̇д̇аа д̇ад̇т̇а вихаарам̣ гаарзд̇ваа д̇ат̇ааг̇ад̇асса нияяаад̇зси. д̇ам̣ санд̇хааязд̇ам̣ вуд̇д̇ам̣. згааяанвааяанд̇и згааяано аяам̣. д̇ад̇т̇а згааяанод̇и згамаг̇г̇о. маг̇г̇асса хи –
367. Satipaṭṭhānasaṃyuttassa paṭhame ambapālivaneti ambapāliyā nāma rūpūpajīviniyā ropite ambavane. Taṃ kira tassā uyyānaṃ ahosi. Sā satthu dhammadesanaṃ sutvā pasannacittā tattha vihāraṃ kāretvā tathāgatassa niyyātesi. Taṃ sandhāyetaṃ vuttaṃ. Ekāyanvāyanti ekāyano ayaṃ. Tattha ekāyanoti ekamaggo. Maggassa hi –
‘‘маг̇г̇о бант̇о бат̇о баж̇ж̇о, ан̃ж̇асам̣ вадумааяанам̣;
‘‘Maggo pantho patho pajjo, añjasaṃ vaṭumāyanaṃ;
нааваа уд̇д̇арасзд̇уу жа, гулло жа бхиси сан̇гамо’’д̇и. (жуул̣ани. баарааяанад̇т̇уд̇иг̇аат̇аанид̣̇д̣̇зсо 101) –
Nāvā uttarasetū ca, kullo ca bhisi saṅkamo’’ti. (cūḷani. pārāyanatthutigāthāniddeso 101) –
б̣ахууни наамаани. свааяам̣ ид̇ха аяананаамзна вуд̇д̇о. д̇асмаа згааяанвааяам̣, бхигкавз, маг̇г̇од̇и зд̇т̇а згамаг̇г̇о. аяам̣, бхигкавз, маг̇г̇о, на д̣̇взд̇хаабат̇абхууд̇од̇и звамад̇т̇о д̣̇адтаб̣б̣о. маг̇г̇од̇и гзнадтзна маг̇г̇о? ниб̣б̣аанаг̇аманадтзна, ниб̣б̣аанад̇т̇игзхи маг̇г̇анийяадтзна жа.
Bahūni nāmāni. Svāyaṃ idha ayananāmena vutto. Tasmā ekāyanvāyaṃ, bhikkhave, maggoti ettha ekamaggo. Ayaṃ, bhikkhave, maggo, na dvedhāpathabhūtoti evamattho daṭṭhabbo. Maggoti kenaṭṭhena maggo? Nibbānagamanaṭṭhena, nibbānatthikehi magganīyaṭṭhena ca.
сад̇д̇аанам̣ висуд̣̇д̇хияаад̇и рааг̇аад̣̇ийхи малзхи абхиж̇жхаависамалобхаад̣̇ийхи жа убаггилзсзхи сам̣гилидтажид̇д̇аанам̣ сад̇д̇аанам̣ висуд̣̇д̇хад̇т̇ааяа. согабарид̣̇зваанам̣ самад̇иггамааяаад̇и согасса жа барид̣̇звасса жа самад̇иггамааяа, бахаанааяаад̇и ад̇т̇о. д̣̇угкад̣̇оманассаанам̣ ад̇т̇ан̇г̇амааяаад̇и гааяигад̣̇угкасса жа жзд̇асигад̣̇оманассасса жаад̇и имзсам̣ д̣̇виннам̣ ад̇т̇ан̇г̇амааяа, нирод̇хааяаад̇и ад̇т̇о. н̃ааяасса ад̇хиг̇амааяаад̇и н̃ааяо вужжад̇и арияо адтан̇г̇иго маг̇г̇о, д̇асса ад̇хиг̇амааяа бад̇д̇ияаад̇и вуд̇д̇ам̣ ход̇и. аяан̃хи буб̣б̣абхааг̇з логияо сад̇ибадтаанамаг̇г̇о бхаавид̇о логуд̇д̇арамаг̇г̇асса ад̇хиг̇амааяа сам̣вад̇д̇ад̇и . д̇знааха ‘‘н̃ааяасса ад̇хиг̇амааяаа’’д̇и. ниб̣б̣аанасса сажчигирияааяаад̇и д̇ан̣хааваанавирахид̇ад̇д̇аа ниб̣б̣аананд̇и лад̣̇д̇ханаамасса амад̇асса сажчигирияааяа, ад̇д̇абажжагкааяаад̇и вуд̇д̇ам̣ ход̇и. аяан̃хи маг̇г̇о бхаавид̇о анубуб̣б̣зна ниб̣б̣аанасажчигирияам̣ саад̇хзд̇и. д̇знааха ‘‘ниб̣б̣аанасса сажчигирияааяаа’’д̇и.
Sattānaṃ visuddhiyāti rāgādīhi malehi abhijjhāvisamalobhādīhi ca upakkilesehi saṃkiliṭṭhacittānaṃ sattānaṃ visuddhatthāya. Sokaparidevānaṃ samatikkamāyāti sokassa ca paridevassa ca samatikkamāya, pahānāyāti attho. Dukkhadomanassānaṃ atthaṅgamāyāti kāyikadukkhassa ca cetasikadomanassassa cāti imesaṃ dvinnaṃ atthaṅgamāya, nirodhāyāti attho. Ñāyassa adhigamāyāti ñāyo vuccati ariyo aṭṭhaṅgiko maggo, tassa adhigamāya pattiyāti vuttaṃ hoti. Ayañhi pubbabhāge lokiyo satipaṭṭhānamaggo bhāvito lokuttaramaggassa adhigamāya saṃvattati . Tenāha ‘‘ñāyassa adhigamāyā’’ti. Nibbānassa sacchikiriyāyāti taṇhāvānavirahitattā nibbānanti laddhanāmassa amatassa sacchikiriyāya, attapaccakkhāyāti vuttaṃ hoti. Ayañhi maggo bhāvito anupubbena nibbānasacchikiriyaṃ sādheti. Tenāha ‘‘nibbānassa sacchikiriyāyā’’ti.
звам̣ бхаг̇авад̇аа сад̇д̇ахи бад̣̇зхи згааяанамаг̇г̇асса ван̣н̣о бхаасид̇о, со гасмаад̇и жз? бхигкуунам̣ уссаахаж̇ананад̇т̇ам̣. ван̣н̣абхаасанан̃хи суд̇ваа д̇з бхигкуу – ‘‘аяам̣ гира маг̇г̇о хад̣̇аяасанд̇аабабхууд̇ам̣ согам̣, ваажаавиббалаабабхууд̇ам̣ барид̣̇звам̣, гааяигаасаад̇абхууд̇ам̣ д̣̇угкам̣, жзд̇асигаасаад̇абхууд̇ам̣ д̣̇оманассанд̇и жад̇д̇ааро убад̣̇д̣̇авз харад̇и. висуд̣̇д̇хим̣, н̃ааяам̣, ниб̣б̣аананд̇и д̇аяо висзсз аавахад̇ий’’д̇и уссаахаж̇аад̇аа имам̣ д̣̇зсанам̣ уг̇г̇ахзд̇аб̣б̣ам̣ барияаабун̣ид̇аб̣б̣ам̣, д̇хаарзд̇аб̣б̣ам̣, иман̃жа маг̇г̇ам̣ бхаавзд̇аб̣б̣ам̣ ман̃н̃иссанд̇и. ид̇и д̇зсам̣ бхигкуунам̣ уссаахаж̇ананад̇т̇ам̣ ван̣н̣ам̣ абхааси гамб̣алаваан̣иж̇аад̣̇аяо гамб̣алаад̣̇ийнам̣ ван̣н̣ам̣ вияа.
Evaṃ bhagavatā sattahi padehi ekāyanamaggassa vaṇṇo bhāsito, so kasmāti ce? Bhikkhūnaṃ ussāhajananatthaṃ. Vaṇṇabhāsanañhi sutvā te bhikkhū – ‘‘ayaṃ kira maggo hadayasantāpabhūtaṃ sokaṃ, vācāvippalāpabhūtaṃ paridevaṃ, kāyikaasātabhūtaṃ dukkhaṃ, cetasikaasātabhūtaṃ domanassanti cattāro upaddave harati. Visuddhiṃ, ñāyaṃ, nibbānanti tayo visese āvahatī’’ti ussāhajātā imaṃ desanaṃ uggahetabbaṃ pariyāpuṇitabbaṃ, dhāretabbaṃ, imañca maggaṃ bhāvetabbaṃ maññissanti. Iti tesaṃ bhikkhūnaṃ ussāhajananatthaṃ vaṇṇaṃ abhāsi kambalavāṇijādayo kambalādīnaṃ vaṇṇaṃ viya.
яад̣̇ид̣̇анд̇и нибаад̇о, яз имзд̇и аяамасса ад̇т̇о. жад̇д̇аарод̇и г̇ан̣анабарижчзд̣̇о. д̇зна ‘‘на д̇ад̇о хздтаа, на уд̣̇д̇ха’’нд̇и сад̇ибадтаанабарижчзд̣̇ам̣ д̣̇ийбзд̇и. сад̇ибадтаанаад̇и д̇аяо сад̇ибадтаанаа сад̇иг̇ожароби, д̇ид̇хаа бадибаннзсу саавагзсу сад̇т̇уно бадигхаанунаяавийд̇ивад̇д̇ад̇ааби, сад̇иби. ‘‘жад̇уннам̣, бхигкавз, сад̇ибадтаанаанам̣ самуд̣̇аяан̃жа ад̇т̇ан̇г̇аман̃жа д̣̇зсзссаами д̇ам̣ сун̣аат̇а. го жа, бхигкавз, гааяасса самуд̣̇аяо? аахарасамуд̣̇аяаа гааяасамуд̣̇аяо’’д̇иаад̣̇ийсу (сам̣. ни. 5.408) хи сад̇иг̇ожаро сад̇ибадтаананд̇и вуд̇д̇о. д̇ат̇аа ‘‘гааяо убадтаанам̣, но сад̇и, сад̇и убадтаанан̃жзва сад̇и жаа’’д̇иаад̣̇ийсуби (бади. ма. 2.35). д̇асса ад̇т̇о – бад̇идтаад̇и асминд̇и бадтаанам̣. гаа бад̇идтаад̇и? сад̇и. сад̇ияаа бадтаанам̣ сад̇ибадтаанам̣. бад̇хаанам̣ таананд̇и ваа бадтаанам̣. сад̇ияаа бадтаанам̣ сад̇ибадтаанам̣ хад̇т̇идтаанаассадтаанаад̣̇ийни вияа.
Yadidanti nipāto, ye imeti ayamassa attho. Cattāroti gaṇanaparicchedo. Tena ‘‘na tato heṭṭhā, na uddha’’nti satipaṭṭhānaparicchedaṃ dīpeti. Satipaṭṭhānāti tayo satipaṭṭhānā satigocaropi, tidhā paṭipannesu sāvakesu satthuno paṭighānunayavītivattatāpi, satipi. ‘‘Catunnaṃ, bhikkhave, satipaṭṭhānānaṃ samudayañca atthaṅgamañca desessāmi taṃ suṇātha. Ko ca, bhikkhave, kāyassa samudayo? Āharasamudayā kāyasamudayo’’tiādīsu (saṃ. ni. 5.408) hi satigocaro satipaṭṭhānanti vutto. Tathā ‘‘kāyo upaṭṭhānaṃ, no sati, sati upaṭṭhānañceva sati cā’’tiādīsupi (paṭi. ma. 2.35). Tassa attho – patiṭṭhāti asminti paṭṭhānaṃ. Kā patiṭṭhāti? Sati. Satiyā paṭṭhānaṃ satipaṭṭhānaṃ. Padhānaṃ ṭhānanti vā paṭṭhānaṃ. Satiyā paṭṭhānaṃ satipaṭṭhānaṃ hatthiṭṭhānaassaṭṭhānādīni viya.
‘‘д̇аяо сад̇ибадтаанаа, яад̣̇арияо сзвад̇и, яад̣̇арияо сзвамаано сад̇т̇аа г̇ан̣аманусаасид̇умарахад̇ий’’д̇и (ма. ни. 3.311) зд̇т̇а д̇ид̇хаа бадибаннзсу саавагзсу сад̇т̇уно бадигхаанунаяавийд̇ивад̇д̇ад̇аа сад̇ибадтаананд̇и вуд̇д̇аа. д̇ассад̇т̇о – бадтабзд̇аб̣б̣ад̇о бадтаанам̣, бавад̇д̇аяид̇аб̣б̣ад̇од̇и ад̇т̇о. гзна бадтабзд̇аб̣б̣од̇и? сад̇ияаа. сад̇ияаа бадтаанам̣ сад̇ибадтаананд̇и.
‘‘Tayo satipaṭṭhānā, yadariyo sevati, yadariyo sevamāno satthā gaṇamanusāsitumarahatī’’ti (ma. ni. 3.311) ettha tidhā paṭipannesu sāvakesu satthuno paṭighānunayavītivattatā satipaṭṭhānanti vuttā. Tassattho – paṭṭhapetabbato paṭṭhānaṃ, pavattayitabbatoti attho. Kena paṭṭhapetabboti? Satiyā. Satiyā paṭṭhānaṃ satipaṭṭhānanti.
‘‘жад̇д̇ааро сад̇ибадтаанаа бхаавид̇аа б̣ахулийгад̇аа сад̇д̇а б̣ож̇жхан̇г̇з барибуурзнд̇ий’’д̇иаад̣̇ийсу (ма. ни. 3.147; сам̣. ни. 5.989) бана сад̇иязва сад̇ибадтаананд̇и вуд̇д̇аа. д̇ассад̇т̇о – бад̇идтаад̇ийд̇и бадтаанам̣, убадтаад̇и огганд̣̇ид̇ваа багканд̣̇ид̇ваа бавад̇д̇ад̇ийд̇и ад̇т̇о. сад̇иязва бадтаанам̣ сад̇ибадтаанам̣. ат̇а ваа саран̣адтзна сад̇и, убадтаанадтзна бадтаанам̣, ид̇и сад̇и жа саа бадтаанан̃жаад̇иби сад̇ибадтаанам̣. ид̣̇амид̇ха ад̇хиббзд̇ам̣.
‘‘Cattāro satipaṭṭhānā bhāvitā bahulīkatā satta bojjhaṅge paripūrentī’’tiādīsu (ma. ni. 3.147; saṃ. ni. 5.989) pana satiyeva satipaṭṭhānanti vuttā. Tassattho – patiṭṭhātīti paṭṭhānaṃ, upaṭṭhāti okkanditvā pakkhanditvā pavattatīti attho. Satiyeva paṭṭhānaṃ satipaṭṭhānaṃ. Atha vā saraṇaṭṭhena sati, upaṭṭhānaṭṭhena paṭṭhānaṃ, iti sati ca sā paṭṭhānañcātipi satipaṭṭhānaṃ. Idamidha adhippetaṃ.
яад̣̇и звам̣ гасмаа ‘‘сад̇ибадтаанаа’’д̇и б̣ахуважанам̣ гад̇анд̇и? сад̇ийнам̣ б̣ахуд̇д̇аа. аарамман̣абхзд̣̇зна хи б̣ахугаа сад̇ияо. ат̇а ‘‘маг̇г̇о’’д̇и гасмаа згаважананд̇и? маг̇г̇анадтзна згад̇д̇аа. жад̇ассоби хи зд̇аа сад̇ияо маг̇г̇анадтзна згад̇д̇ам̣ г̇ажчанд̇и. вуд̇ан̃хзд̇ам̣ ‘‘маг̇г̇од̇и гзнадтзна маг̇г̇о? ниб̣б̣аанамаг̇г̇анадтзна, ниб̣б̣аанад̇т̇игзхи маг̇г̇анийяадтзна жаа’’д̇и. жад̇ассоби жзд̇аа абарабхааг̇з гааяаад̣̇ийсу аарамман̣зсу гижжам̣ саад̇хаяамаанаа ниб̣б̣аанам̣ г̇ажчанд̇и, аад̣̇ид̇о бадтааяа жа ниб̣б̣аанад̇т̇игзхи маг̇г̇ияанд̇ийд̇и д̇асмаа жад̇ассоби зго маг̇г̇од̇и вуд̇д̇аа. зван̃жа сад̇и важанаанусанд̇хинаа саанусанд̇хигаава д̣̇зсанаа ход̇и.
Yadi evaṃ kasmā ‘‘satipaṭṭhānā’’ti bahuvacanaṃ katanti? Satīnaṃ bahuttā. Ārammaṇabhedena hi bahukā satiyo. Atha ‘‘maggo’’ti kasmā ekavacananti? Magganaṭṭhena ekattā. Catassopi hi etā satiyo magganaṭṭhena ekattaṃ gacchanti. Vutañhetaṃ ‘‘maggoti kenaṭṭhena maggo? Nibbānamagganaṭṭhena, nibbānatthikehi magganīyaṭṭhena cā’’ti. Catassopi cetā aparabhāge kāyādīsu ārammaṇesu kiccaṃ sādhayamānā nibbānaṃ gacchanti, ādito paṭṭhāya ca nibbānatthikehi maggiyantīti tasmā catassopi eko maggoti vuttā. Evañca sati vacanānusandhinā sānusandhikāva desanā hoti.
гад̇амз жад̇д̇аарод̇и гат̇зд̇угамяад̇аабужчаа. гааязд̇и руубагааяз. гааяаанубассийд̇и гааяам̣ анубассанасийло, гааяам̣ ваа анубассамаано. аяан̃хи бхигку имам̣ гааяам̣ анижжаанубассанаад̣̇ийнам̣ сад̇д̇аннам̣ анубассанаанам̣ васзна анижжад̇о анубассад̇и, но нижжад̇о, д̣̇угкад̇о анубассад̇и, но сукад̇о, анад̇д̇ад̇о анубассад̇и, но ад̇д̇ад̇о, ниб̣б̣инд̣̇ад̇и, но нанд̣̇ад̇и, вираж̇ж̇ад̇и, но раж̇ж̇ад̇и, нирод̇хзд̇и, но самуд̣̇зд̇и, бадиниссаж̇ж̇ад̇и, но аад̣̇ияад̇и. со д̇ам̣ анижжад̇о анубассанд̇о нижжасан̃н̃ам̣ баж̇ахад̇и, д̣̇угкад̇о анубассанд̇о сукасан̃н̃ам̣ баж̇ахад̇и , анад̇д̇ад̇о анубассанд̇о ад̇д̇асан̃н̃ам̣ баж̇ахад̇и, ниб̣б̣инд̣̇анд̇о нанд̣̇им̣ баж̇ахад̇и, вираж̇ж̇анд̇о рааг̇ам̣ баж̇ахад̇и, нирод̇хзнд̇о самуд̣̇аяам̣ баж̇ахад̇и, бадиниссаж̇ж̇анд̇о аад̣̇аанам̣ баж̇ахад̇ийд̇и взд̣̇ид̇аб̣б̣о.
Katame cattāroti kathetukamyatāpucchā. Kāyeti rūpakāye. Kāyānupassīti kāyaṃ anupassanasīlo, kāyaṃ vā anupassamāno. Ayañhi bhikkhu imaṃ kāyaṃ aniccānupassanādīnaṃ sattannaṃ anupassanānaṃ vasena aniccato anupassati, no niccato, dukkhato anupassati, no sukhato, anattato anupassati, no attato, nibbindati, no nandati, virajjati, no rajjati, nirodheti, no samudeti, paṭinissajjati, no ādiyati. So taṃ aniccato anupassanto niccasaññaṃ pajahati, dukkhato anupassanto sukhasaññaṃ pajahati , anattato anupassanto attasaññaṃ pajahati, nibbindanto nandiṃ pajahati, virajjanto rāgaṃ pajahati, nirodhento samudayaṃ pajahati, paṭinissajjanto ādānaṃ pajahatīti veditabbo.
вихарад̇ийд̇и ирийяад̇и. аад̇аабийд̇и д̇ийсу бхавзсу гилзсз аад̇абад̇ийд̇и аад̇аабо, вийрияассзд̇ам̣ наамам̣. аад̇аабо асса ад̇т̇ийд̇и аад̇аабий. самбаж̇аанод̇и самбаж̇ан̃н̃асан̇каад̇зна н̃аан̣зна саманнааг̇ад̇о. сад̇имаад̇и гааяабариг̇г̇аахигааяа сад̇ияаа саманнааг̇ад̇о. аяам̣ бана яасмаа сад̇ияаа аарамман̣ам̣ бариг̇г̇ахзд̇ваа бан̃н̃ааяа анубассад̇и. на хи сад̇ивирахид̇асса анубассанаа наама ад̇т̇и, д̇знзвааха ‘‘сад̇ин̃жа кваахам̣, бхигкавз, саб̣б̣ад̇т̇игам̣ вад̣̇аамий’’д̇и (сам̣. ни. 5.234). д̇асмаа зд̇т̇а ‘‘гааяз гааяаанубассий вихарад̇ий’’д̇и зд̇д̇аавад̇аа гааяаанубассанаасад̇ибадтаанам̣ вуд̇д̇ам̣ ход̇и. ат̇а ваа яасмаа анаад̇аабино анд̇осан̇кзбо анд̇арааяагаро ход̇и, асамбаж̇аано убааяабариг̇г̇ахз анубааяабариваж̇ж̇анз жа саммуяхад̇и, мудтассад̇и убааяаабарижжааг̇з анубааяаабариг̇г̇ахз жа асамад̇т̇о ход̇и, д̇знасса д̇ам̣ гаммадтаанам̣ на самбаж̇ж̇ад̇и. д̇асмаа язсам̣ д̇хаммаанам̣ аанубхаавзна д̇ам̣ самбаж̇ж̇ад̇и, д̇зсам̣ д̣̇ассанад̇т̇ам̣ ‘‘аад̇аабий самбаж̇аано сад̇имаа’’д̇и ид̣̇ам̣ вуд̇д̇анд̇и взд̣̇ид̇аб̣б̣ам̣.
Viharatīti irīyati. Ātāpīti tīsu bhavesu kilese ātapatīti ātāpo, vīriyassetaṃ nāmaṃ. Ātāpo assa atthīti ātāpī. Sampajānoti sampajaññasaṅkhātena ñāṇena samannāgato. Satimāti kāyapariggāhikāya satiyā samannāgato. Ayaṃ pana yasmā satiyā ārammaṇaṃ pariggahetvā paññāya anupassati. Na hi sativirahitassa anupassanā nāma atthi, tenevāha ‘‘satiñca khvāhaṃ, bhikkhave, sabbatthikaṃ vadāmī’’ti (saṃ. ni. 5.234). Tasmā ettha ‘‘kāye kāyānupassī viharatī’’ti ettāvatā kāyānupassanāsatipaṭṭhānaṃ vuttaṃ hoti. Atha vā yasmā anātāpino antosaṅkhepo antarāyakaro hoti, asampajāno upāyapariggahe anupāyaparivajjane ca sammuyhati, muṭṭhassati upāyāpariccāge anupāyāpariggahe ca asamattho hoti, tenassa taṃ kammaṭṭhānaṃ na sampajjati. Tasmā yesaṃ dhammānaṃ ānubhāvena taṃ sampajjati, tesaṃ dassanatthaṃ ‘‘ātāpī sampajāno satimā’’ti idaṃ vuttanti veditabbaṃ.
ид̇и гааяаанубассанаасад̇ибадтаанам̣ самбаяог̇ан̇г̇ан̃ж̇асса д̣̇ассзд̇ваа ид̣̇аани бахаанан̇г̇ам̣ д̣̇ассзд̇ум̣ винзяяа логз абхиж̇жхаад̣̇оманассанд̇и вуд̇д̇ам̣. д̇ад̇т̇а винзяяаад̇и д̇ад̣̇ан̇г̇авинаязна ваа вигкамбханавинаязна ваа винаяид̇ваа. логзд̇и д̇асмим̣язва гааяз. гааяо хи ид̇ха луж̇ж̇анабалуж̇ж̇анадтзна логод̇и ад̇хиббзд̇о. яасмаа банасса на гааяамад̇д̇зязва абхиж̇жхаад̣̇оманассам̣ бахийяад̇и, взд̣̇анаад̣̇ийсуби бахийяад̇и зва. д̇асмаа ‘‘бан̃жаби убаад̣̇аанагканд̇хаа лого’’д̇и вибхан̇г̇з (вибха. 362) вуд̇д̇ам̣. логасан̇каад̇ад̇д̇аа ваа д̇зсам̣ д̇хаммаанам̣ ад̇т̇уд̣̇д̇хааранаязнзд̇ам̣ вуд̇д̇ам̣. яам̣ банааха ‘‘д̇ад̇т̇а гад̇амо лого, свзва гааяо лого’’д̇и, аяамзвзд̇т̇а ад̇т̇о. д̇асмим̣ логз абхиж̇жхаад̣̇оманассам̣ винзяяаад̇и звам̣ самб̣анд̇хо д̣̇адтаб̣б̣о.
Iti kāyānupassanāsatipaṭṭhānaṃ sampayogaṅgañjassa dassetvā idāni pahānaṅgaṃ dassetuṃ vineyya loke abhijjhādomanassanti vuttaṃ. Tattha vineyyāti tadaṅgavinayena vā vikkhambhanavinayena vā vinayitvā. Loketi tasmiṃyeva kāye. Kāyo hi idha lujjanapalujjanaṭṭhena lokoti adhippeto. Yasmā panassa na kāyamatteyeva abhijjhādomanassaṃ pahīyati, vedanādīsupi pahīyati eva. Tasmā ‘‘pañcapi upādānakkhandhā loko’’ti vibhaṅge (vibha. 362) vuttaṃ. Lokasaṅkhātattā vā tesaṃ dhammānaṃ atthuddhāranayenetaṃ vuttaṃ. Yaṃ panāha ‘‘tattha katamo loko, sveva kāyo loko’’ti, ayamevettha attho. Tasmiṃ loke abhijjhādomanassaṃ vineyyāti evaṃ sambandho daṭṭhabbo.
взд̣̇анаасууд̇и зд̇т̇а д̇иссо взд̣̇анаа, д̇аа жа логияаа зва, жид̇д̇амби логияам̣, д̇ат̇аа д̇хаммаа. яат̇аа бана взд̣̇анаа анубассид̇аб̣б̣аа, д̇ат̇аа анубассанд̇о зса взд̣̇анаанубассийд̇и взд̣̇ид̇аб̣б̣о. зса наяо жид̇д̇ад̇хаммзсу. гат̇ан̃жа взд̣̇анаа анубассид̇аб̣б̣аад̇и? сукаа д̇аава взд̣̇анаа д̣̇угкад̇о, д̣̇угкаа саллад̇о, ад̣̇угкамасукаа анижжад̇о. яат̇ааха –
Vedanāsūti ettha tisso vedanā, tā ca lokiyā eva, cittampi lokiyaṃ, tathā dhammā. Yathā pana vedanā anupassitabbā, tathā anupassanto esa vedanānupassīti veditabbo. Esa nayo cittadhammesu. Kathañca vedanā anupassitabbāti? Sukhā tāva vedanā dukkhato, dukkhā sallato, adukkhamasukhā aniccato. Yathāha –
‘‘яо сукам̣ д̣̇угкад̇о ад̣̇д̣̇а, д̣̇угкамад̣̇д̣̇агки саллад̇о;
‘‘Yo sukhaṃ dukkhato adda, dukkhamaddakkhi sallato;
ад̣̇угкамасукам̣ санд̇ам̣, ад̣̇д̣̇агки нам̣ анижжад̇о;
Adukkhamasukhaṃ santaṃ, addakkhi naṃ aniccato;
са вз саммад̣̇д̣̇асо бхигку, убасанд̇о жариссад̇ий’’д̇и.
Sa ve sammaddaso bhikkhu, upasanto carissatī’’ti.
саб̣б̣аа зва жзд̇аа д̣̇угкаад̇иби анубассид̇аб̣б̣аа. вуд̇д̇ан̃хзд̇ам̣ ‘‘яам̣гин̃жи взд̣̇аяид̇ам̣, саб̣б̣ам̣ д̇ам̣ д̣̇угкасминд̇и вад̣̇аамий’’д̇и (сам̣. ни. 4.259). сукад̣̇угкад̇оби жа анубассид̇аб̣б̣аа, яат̇ааха – ‘‘сукаа ко, аавусо висаака, взд̣̇анаа тид̇исукаа вибарин̣аамад̣̇угкаа’’д̇и (ма. ни. 1.465) саб̣б̣ам̣ вид̇т̇аарзд̇аб̣б̣ам̣. абижа анижжаад̣̇исад̇д̇аанубассанаавасзнаби анубассид̇аб̣б̣аа.
Sabbā eva cetā dukkhātipi anupassitabbā. Vuttañhetaṃ ‘‘yaṃkiñci vedayitaṃ, sabbaṃ taṃ dukkhasminti vadāmī’’ti (saṃ. ni. 4.259). Sukhadukkhatopi ca anupassitabbā, yathāha – ‘‘sukhā kho, āvuso visākha, vedanā ṭhitisukhā vipariṇāmadukkhā’’ti (ma. ni. 1.465) sabbaṃ vitthāretabbaṃ. Apica aniccādisattaanupassanāvasenapi anupassitabbā.
жид̇д̇ад̇хаммзсуби жид̇д̇ам̣ д̇аава аарамман̣аад̇хибад̇исахаж̇аад̇абхуумигаммавибаагагирияаад̣̇инаанад̇д̇абхзд̣̇аанам̣ анижжаад̣̇ианубассанаанам̣ сарааг̇аад̣̇ийнан̃жа бхзд̣̇аанам̣ васзна анубассид̇аб̣б̣ам̣. д̇хаммаа салагкан̣асааман̃н̃алагкан̣аанам̣ сун̃н̃ад̇ад̇хаммасса анижжаад̣̇исад̇д̇аанубассанаанам̣ ‘‘санд̇ам̣ ваа аж̇жхад̇д̇ам̣ гаамажчанд̣̇а’’нд̇иаад̣̇ийнан̃жа бабхзд̣̇аанам̣ васзна анубассид̇аб̣б̣аа. сзсам̣ вуд̇д̇анаяамзва. аяамзд̇т̇а сан̇кзбо, вид̇т̇ааро бана д̣̇ийгхамаж̇жхимадтагат̇аасу (д̣̇ий. ни. адта. 2.373 аад̣̇аяо; ма. ни. адта. 1.105 аад̣̇аяо) сад̇ибадтаанаван̣н̣анааяам̣ вуд̇д̇анаязнзва взд̣̇ид̇аб̣б̣о.
Cittadhammesupi cittaṃ tāva ārammaṇādhipatisahajātabhūmikammavipākakiriyādinānattabhedānaṃ aniccādianupassanānaṃ sarāgādīnañca bhedānaṃ vasena anupassitabbaṃ. Dhammā salakkhaṇasāmaññalakkhaṇānaṃ suññatadhammassa aniccādisattaanupassanānaṃ ‘‘santaṃ vā ajjhattaṃ kāmacchanda’’ntiādīnañca pabhedānaṃ vasena anupassitabbā. Sesaṃ vuttanayameva. Ayamettha saṅkhepo, vitthāro pana dīghamajjhimaṭṭhakathāsu (dī. ni. aṭṭha. 2.373 ādayo; ma. ni. aṭṭha. 1.105 ādayo) satipaṭṭhānavaṇṇanāyaṃ vuttanayeneva veditabbo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. амб̣абаалисуд̇д̇ам̣ • 1. Ambapālisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. амб̣абаалисуд̇д̇аван̣н̣анаа • 1. Ambapālisuttavaṇṇanā
