| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಅಮ್ಬಫಲಿಯತ್ಥೇರಅಪದಾನಂ
10. Ambaphaliyattheraapadānaṃ
೮೧.
81.
‘‘ಪದುಮುತ್ತರಬುದ್ಧಸ್ಸ , ಲೋಕಜೇಟ್ಠಸ್ಸ ತಾದಿನೋ।
‘‘Padumuttarabuddhassa , lokajeṭṭhassa tādino;
ಪಿಣ್ಡಾಯ ವಿಚರನ್ತಸ್ಸ, ಧಾರತೋ ಉತ್ತಮಂ ಯಸಂ॥
Piṇḍāya vicarantassa, dhārato uttamaṃ yasaṃ.
೮೨.
82.
‘‘ಅಗ್ಗಫಲಂ ಗಹೇತ್ವಾನ, ವಿಪ್ಪಸನ್ನೇನ ಚೇತಸಾ।
‘‘Aggaphalaṃ gahetvāna, vippasannena cetasā;
ದಕ್ಖಿಣೇಯ್ಯಸ್ಸ ವೀರಸ್ಸ, ಅದಾಸಿಂ ಸತ್ಥುನೋ ಅಹಂ॥
Dakkhiṇeyyassa vīrassa, adāsiṃ satthuno ahaṃ.
೮೩.
83.
ಪತ್ತೋಮ್ಹಿ ಅಚಲಂ ಠಾನಂ, ಹಿತ್ವಾ ಜಯಪರಾಜಯಂ॥
Pattomhi acalaṃ ṭhānaṃ, hitvā jayaparājayaṃ.
೮೪.
84.
‘‘ಸತಸಹಸ್ಸಿತೋ ಕಪ್ಪೇ, ಯಂ ದಾನಮದದಿಂ ತದಾ।
‘‘Satasahassito kappe, yaṃ dānamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಅಗ್ಗದಾನಸ್ಸಿದಂ ಫಲಂ॥
Duggatiṃ nābhijānāmi, aggadānassidaṃ phalaṃ.
೮೫.
85.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೮೬.
86.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೮೭.
87.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಅಮ್ಬಫಲಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā ambaphaliyo thero imā gāthāyo abhāsitthāti;
ಅಮ್ಬಫಲಿಯತ್ಥೇರಸ್ಸಾಪದಾನಂ ದಸಮಂ।
Ambaphaliyattherassāpadānaṃ dasamaṃ.
ಏಕವಿಹಾರಿವಗ್ಗೋ ಚತುಚತ್ತಾಲೀಸಮೋ।
Ekavihārivaggo catucattālīsamo.
ತಸ್ಸುದ್ದಾನಂ –
Tassuddānaṃ –
ಥೇರೋ ಏಕವಿಹಾರೀ ಚ, ಸಙ್ಖಿಯೋ ಪಾಟಿಹೀರಕೋ।
Thero ekavihārī ca, saṅkhiyo pāṭihīrako;
ಥವಿಕೋ ಉಚ್ಛುಖಣ್ಡೀ ಚ, ಕಳಮ್ಬಅಮ್ಬಾಟಕದೋ॥
Thaviko ucchukhaṇḍī ca, kaḷambaambāṭakado.
ಹರೀತಕಮ್ಬಪಿಣ್ಡೀ ಚ, ಅಮ್ಬದೋ ದಸಮೋ ಯತಿ।
Harītakambapiṇḍī ca, ambado dasamo yati;
ಛಳಸೀತಿ ಚ ಗಾಥಾಯೋ, ಗಣಿತಾಯೋ ವಿಭಾವಿಭಿ॥
Chaḷasīti ca gāthāyo, gaṇitāyo vibhāvibhi.
Footnotes:
