| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. อมฺพปิณฺฑิยเตฺถรอปทานํ
9. Ambapiṇḍiyattheraapadānaṃ
๗๒.
72.
‘‘หตฺถิราชา ตทา อาสิํ, อีสาทโนฺต อุรุฬฺหวา;
‘‘Hatthirājā tadā āsiṃ, īsādanto uruḷhavā;
วิจรโนฺต พฺรหารเญฺญ, อทฺทสํ โลกนายกํฯ
Vicaranto brahāraññe, addasaṃ lokanāyakaṃ.
๗๓.
73.
‘‘อมฺพปิณฺฑํ คเหตฺวาน, อทาสิํ สตฺถุโน อหํ;
‘‘Ambapiṇḍaṃ gahetvāna, adāsiṃ satthuno ahaṃ;
ปฎิคฺคณฺหิ มหาวีโร, สิทฺธโตฺถ โลกนายโกฯ
Paṭiggaṇhi mahāvīro, siddhattho lokanāyako.
๗๔.
74.
‘‘มม นิชฺฌายมานสฺส, ปริภุญฺชิ ตทา ชิโน;
‘‘Mama nijjhāyamānassa, paribhuñji tadā jino;
ตตฺถ จิตฺตํ ปสาเทตฺวา, ตุสิตํ อุปปชฺชหํฯ
Tattha cittaṃ pasādetvā, tusitaṃ upapajjahaṃ.
๗๕.
75.
‘‘ตโต อหํ จวิตฺวาน, จกฺกวตฺตี อโหสหํ;
‘‘Tato ahaṃ cavitvāna, cakkavattī ahosahaṃ;
เอเตเนว อุปาเยน, อนุภุตฺวาน สมฺปทาฯ
Eteneva upāyena, anubhutvāna sampadā.
๗๖.
76.
‘‘ปธานปหิตโตฺตหํ, อุปสโนฺต นิรูปธิ;
‘‘Padhānapahitattohaṃ, upasanto nirūpadhi;
สพฺพาสเว ปริญฺญาย, วิหรามิ อนาสโวฯ
Sabbāsave pariññāya, viharāmi anāsavo.
๗๗.
77.
‘‘จตุนฺนวุติโต กเปฺป, ยํ ผลมททิํ ตทา;
‘‘Catunnavutito kappe, yaṃ phalamadadiṃ tadā;
ทุคฺคติํ นาภิชานามิ, ผลทานสฺสิทํ ผลํฯ
Duggatiṃ nābhijānāmi, phaladānassidaṃ phalaṃ.
๗๘.
78.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๗๙.
79.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๘๐.
80.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อมฺพปิณฺฑิโย เถโร อิมา คาถาโย
Itthaṃ sudaṃ āyasmā ambapiṇḍiyo thero imā gāthāyo
อภาสิตฺถาติฯ
Abhāsitthāti.
อมฺพปิณฺฑิยเตฺถรสฺสาปทานํ นวมํฯ
Ambapiṇḍiyattherassāpadānaṃ navamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๖๐. สกิํสมฺมชฺชกเตฺถรอปทานาทิวณฺณนา • 1-60. Sakiṃsammajjakattheraapadānādivaṇṇanā
