| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. අම්‌බපිණ්‌ඩියත්‌ථෙරඅපදානං
9. Ambapiṇḍiyattheraapadānaṃ
72.
72.
‘‘හත්‌ථිරාජා තදා ආසිං, ඊසාදන්‌තො උරුළ්‌හවා;
‘‘Hatthirājā tadā āsiṃ, īsādanto uruḷhavā;
විචරන්‌තො බ්‍රහාරඤ්‌ඤෙ, අද්‌දසං ලොකනායකං.
Vicaranto brahāraññe, addasaṃ lokanāyakaṃ.
73.
73.
‘‘අම්‌බපිණ්‌ඩං ගහෙත්‌වාන, අදාසිං සත්‌ථුනො අහං;
‘‘Ambapiṇḍaṃ gahetvāna, adāsiṃ satthuno ahaṃ;
පටිග්‌ගණ්‌හි මහාවීරො, සිද්‌ධත්‌ථො ලොකනායකො.
Paṭiggaṇhi mahāvīro, siddhattho lokanāyako.
74.
74.
‘‘මම නිජ්‌ඣායමානස්‌ස, පරිභුඤ්‌ජි තදා ජිනො;
‘‘Mama nijjhāyamānassa, paribhuñji tadā jino;
තත්‌ථ චිත්‌තං පසාදෙත්‌වා, තුසිතං උපපජ්‌ජහං.
Tattha cittaṃ pasādetvā, tusitaṃ upapajjahaṃ.
75.
75.
‘‘තතො අහං චවිත්‌වාන, චක්‌කවත්‌තී අහොසහං;
‘‘Tato ahaṃ cavitvāna, cakkavattī ahosahaṃ;
එතෙනෙව උපායෙන, අනුභුත්‌වාන සම්‌පදා.
Eteneva upāyena, anubhutvāna sampadā.
76.
76.
‘‘පධානපහිතත්‌තොහං, උපසන්‌තො නිරූපධි;
‘‘Padhānapahitattohaṃ, upasanto nirūpadhi;
සබ්‌බාසවෙ පරිඤ්‌ඤාය, විහරාමි අනාසවො.
Sabbāsave pariññāya, viharāmi anāsavo.
77.
77.
‘‘චතුන්‌නවුතිතො කප්‌පෙ, යං ඵලමදදිං තදා;
‘‘Catunnavutito kappe, yaṃ phalamadadiṃ tadā;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
78.
78.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
79.
79.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
80.
80.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා අම්‌බපිණ්‌ඩියො ථෙරො ඉමා ගාථායො
Itthaṃ sudaṃ āyasmā ambapiṇḍiyo thero imā gāthāyo
අභාසිත්‌ථාති.
Abhāsitthāti.
අම්‌බපිණ්‌ඩියත්‌ථෙරස්‌සාපදානං නවමං.
Ambapiṇḍiyattherassāpadānaṃ navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-60. සකිංසම්‌මජ්‌ජකත්‌ථෙරඅපදානාදිවණ්‌ණනා • 1-60. Sakiṃsammajjakattheraapadānādivaṇṇanā
