Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā

4. махааваг̇г̇о

4. Mahāvaggo

1. амб̣асаггарабзд̇авад̇т̇уван̣н̣анаа

1. Ambasakkarapetavatthuvaṇṇanā

взсаалий наама наг̇арад̇т̇и важ̇ж̇ийнанд̇и ид̣̇ам̣ амб̣асаггарабзд̇авад̇т̇у. д̇асса гаа уббад̇д̇и? бхаг̇авад̇и ж̇зд̇аванз вихаранд̇з амб̣асаггаро наама лижчавирааж̇аа мижчаад̣̇идтиго над̇т̇игаваад̣̇о взсаалияам̣ раж̇ж̇ам̣ гаарзси. д̇зна жа самаязна взсаалинаг̇арз ан̃н̃ад̇арасса ваан̣иж̇асса аабан̣асамийбз жигкаллам̣ ход̇и, д̇ад̇т̇а б̣ахуу ж̇анаа уббад̇ид̇ваа ад̇иггаманд̇аа гиламанд̇и, гзжи гад̣̇д̣̇амзна лимбанд̇и. д̇ам̣ д̣̇исваа со ваан̣иж̇о ‘‘маа имз мануссаа галалам̣ аггамим̣суу’’д̇и абаг̇ад̇ад̣̇уг̇г̇анд̇хам̣ сан̇каван̣н̣абадибхааг̇ам̣ г̇осийсадтим̣ аахараабзд̇ваа нигкибаабзси. багад̇ияаа жа сийлаваа ахоси аггод̇хано сан̣хаваажо, барзсан̃жа яат̇аабхууд̇ам̣ г̇ун̣ам̣ гид̇д̇зд̇и.

Vesālīnāma nagaratthi vajjīnanti idaṃ ambasakkarapetavatthu. Tassa kā uppatti? Bhagavati jetavane viharante ambasakkaro nāma licchavirājā micchādiṭṭhiko natthikavādo vesāliyaṃ rajjaṃ kāresi. Tena ca samayena vesālinagare aññatarassa vāṇijassa āpaṇasamīpe cikkhallaṃ hoti, tattha bahū janā uppatitvā atikkamantā kilamanti, keci kaddamena limpanti. Taṃ disvā so vāṇijo ‘‘mā ime manussā kalalaṃ akkamiṃsū’’ti apagataduggandhaṃ saṅkhavaṇṇapaṭibhāgaṃ gosīsaṭṭhiṃ āharāpetvā nikkhipāpesi. Pakatiyā ca sīlavā ahosi akkodhano saṇhavāco, paresañca yathābhūtaṃ guṇaṃ kitteti.

со згасмим̣ д̣̇ивасз ад̇д̇ано сахааяасса нхааяанд̇асса бамаад̣̇зна анологзнд̇асса ниваасанавад̇т̇ам̣ гийл̣аад̇хиббааязна абанид̇хааяа д̇ам̣ д̣̇угкаабзд̇ваа ад̣̇ааси. бхааг̇инзяяо банасса жоригааяа бараг̇зхад̇о бхан̣д̣ам̣ аахарид̇ваа д̇ассзва аабан̣з нигкиби. бхан̣д̣асаамигаа виймам̣санд̇аа бхан̣д̣зна сад̣̇д̇хим̣ д̇асса бхааг̇инзяяам̣ д̇ан̃жа ран̃н̃о д̣̇ассзсум̣. рааж̇аа ‘‘имасса сийсам̣ чинд̣̇ат̇а, бхааг̇инзяяам̣ банасса суулз ааробзт̇аа’’д̇и аан̣аабзси. рааж̇абурисаа д̇ат̇аа агам̣су. со гаалам̣ гад̇ваа бхуммад̣̇звзсу уббаж̇ж̇и. со г̇осийсзна сзд̇уно гад̇ад̇д̇аа сзд̇аван̣н̣ам̣ д̣̇иб̣б̣ам̣ манож̇авам̣ ассааж̇аанийяам̣ бадилабхи, г̇ун̣аванд̇аанам̣ ван̣н̣агат̇анзна д̇асса г̇ад̇д̇ад̇о д̣̇иб̣б̣аг̇анд̇хо вааяад̇и, саадагасса бана абанихид̇ад̇д̇аа наг̇г̇о ахоси. со ад̇д̇анаа буб̣б̣з гад̇агаммам̣ ологзнд̇о д̇ад̣̇анусаарзна ад̇д̇ано бхааг̇инзяяам̣ суулз ааробид̇ам̣ д̣̇исваа гарун̣ааяа жод̣̇ияамаано манож̇авам̣ ассам̣ абхирухид̇ваа ад̣дхарад̇д̇исамаяз д̇асса суулаа робид̇адтаанам̣ г̇анд̇ваа авид̣̇уурз тид̇о ‘‘ж̇ийва, бхо, ж̇ийвид̇амзва сзяяо’’д̇и д̣̇ивасз д̣̇ивасз вад̣̇ад̇и.

So ekasmiṃ divase attano sahāyassa nhāyantassa pamādena anolokentassa nivāsanavatthaṃ kīḷādhippāyena apanidhāya taṃ dukkhāpetvā adāsi. Bhāgineyyo panassa corikāya paragehato bhaṇḍaṃ āharitvā tasseva āpaṇe nikkhipi. Bhaṇḍasāmikā vīmaṃsantā bhaṇḍena saddhiṃ tassa bhāgineyyaṃ tañca rañño dassesuṃ. Rājā ‘‘imassa sīsaṃ chindatha, bhāgineyyaṃ panassa sūle āropethā’’ti āṇāpesi. Rājapurisā tathā akaṃsu. So kālaṃ katvā bhummadevesu uppajji. So gosīsena setuno katattā setavaṇṇaṃ dibbaṃ manojavaṃ assājānīyaṃ paṭilabhi, guṇavantānaṃ vaṇṇakathanena tassa gattato dibbagandho vāyati, sāṭakassa pana apanihitattā naggo ahosi. So attanā pubbe katakammaṃ olokento tadanusārena attano bhāgineyyaṃ sūle āropitaṃ disvā karuṇāya codiyamāno manojavaṃ assaṃ abhiruhitvā aḍḍharattisamaye tassa sūlā ropitaṭṭhānaṃ gantvā avidūre ṭhito ‘‘jīva, bho, jīvitameva seyyo’’ti divase divase vadati.

д̇зна жа самаязна амб̣асаггаро рааж̇аа хад̇т̇игканд̇хавараг̇ад̇о наг̇арам̣ бад̣̇агкин̣ам̣ гаронд̇о ан̃н̃ад̇арасмим̣ г̇зхз ваад̇абаанам̣ виварид̇ваа рааж̇авибхууд̇им̣ бассанд̇им̣ згам̣ ид̇т̇им̣ д̣̇исваа бадиб̣ад̣̇д̇хажид̇д̇о худ̇ваа бажчаасанз нисиннасса бурисасса ‘‘имам̣ гхарам̣ иман̃жа ид̇т̇им̣ убад̇хаарзхий’’д̇и сан̃н̃ам̣ д̣̇ад̇ваа ануггамзна ад̇д̇ано рааж̇аг̇зхам̣ бавидто д̇ам̣ бурисам̣ бзсзси – ‘‘г̇ажча, бхан̣з, д̇ассаа ид̇т̇ияаа сасаамигабхаавам̣ ваа асаамигабхаавам̣ ваа ж̇аанаахий’’д̇и. со г̇анд̇ваа д̇ассаа сасаамигабхаавам̣ н̃ад̇ваа ран̃н̃о аарожзси. рааж̇аа д̇ассаа ид̇т̇ияаа бариг̇г̇ахан̣уубааяам̣ жинд̇знд̇о д̇ассаа саамигам̣ баггосаабзд̇ваа ‘‘зхи, бхан̣з, мам̣ убадтаахий’’д̇и ааха. со анижчанд̇оби ‘‘рааж̇аа ад̇д̇ано важанам̣ агаронд̇з маяи рааж̇ад̣̇ан̣д̣ам̣ гарзяяаа’’д̇и бхаязна рааж̇убадтаанам̣ самбадижчид̇ваа д̣̇ивасз д̣̇ивасз рааж̇убадтаанам̣ г̇ажчад̇и. рааж̇ааби д̇асса бхад̇д̇авзд̇анам̣ д̣̇аабзд̇ваа гад̇ибаяад̣̇ивасаад̇иггамзна баад̇ова убадтаанам̣ ааг̇ад̇ам̣ звамааха – ‘‘г̇ажча, бхан̣з, амумхи таанз згаа богкаран̣ий ад̇т̇и, д̇ад̇о арун̣аван̣н̣амад̇д̇игам̣ рад̇д̇уббалаани жа аанзхи, сажз аж̇ж̇зва нааг̇ажчзяяааси, ж̇ийвид̇ам̣ д̇з над̇т̇ий’’д̇и. д̇асмин̃жа г̇ад̇з д̣̇ваарабаалам̣ ааха – ‘‘аж̇ж̇а анад̇т̇ан̇г̇ад̇з зва суурияз саб̣б̣ад̣̇ваараани т̇агзд̇аб̣б̣ааний’’д̇и.

Tena ca samayena ambasakkaro rājā hatthikkhandhavaragato nagaraṃ padakkhiṇaṃ karonto aññatarasmiṃ gehe vātapānaṃ vivaritvā rājavibhūtiṃ passantiṃ ekaṃ itthiṃ disvā paṭibaddhacitto hutvā pacchāsane nisinnassa purisassa ‘‘imaṃ gharaṃ imañca itthiṃ upadhārehī’’ti saññaṃ datvā anukkamena attano rājagehaṃ paviṭṭho taṃ purisaṃ pesesi – ‘‘gaccha, bhaṇe, tassā itthiyā sasāmikabhāvaṃ vā asāmikabhāvaṃ vā jānāhī’’ti. So gantvā tassā sasāmikabhāvaṃ ñatvā rañño ārocesi. Rājā tassā itthiyā pariggahaṇūpāyaṃ cintento tassā sāmikaṃ pakkosāpetvā ‘‘ehi, bhaṇe, maṃ upaṭṭhāhī’’ti āha. So anicchantopi ‘‘rājā attano vacanaṃ akaronte mayi rājadaṇḍaṃ kareyyā’’ti bhayena rājupaṭṭhānaṃ sampaṭicchitvā divase divase rājupaṭṭhānaṃ gacchati. Rājāpi tassa bhattavetanaṃ dāpetvā katipayadivasātikkamena pātova upaṭṭhānaṃ āgataṃ evamāha – ‘‘gaccha, bhaṇe, amumhi ṭhāne ekā pokkharaṇī atthi, tato aruṇavaṇṇamattikaṃ rattuppalāni ca ānehi, sace ajjeva nāgaccheyyāsi, jīvitaṃ te natthī’’ti. Tasmiñca gate dvārapālaṃ āha – ‘‘ajja anatthaṅgate eva sūriye sabbadvārāni thaketabbānī’’ti.

саа жа богкаран̣ий взсаалияаа д̇ияож̇анамад̇т̇агз ход̇и, д̇ат̇ааби со бурисо маран̣абхаяад̇аж̇ж̇ид̇о ваад̇авзг̇зна буб̣б̣ан̣хзязва д̇ам̣ богкаран̣им̣ самбаабун̣и. ‘‘саа жа богкаран̣ий амануссабариг̇г̇ахид̇аа’’д̇и баг̇зва суд̇ад̇д̇аа бхаязна со ‘‘ад̇т̇и ну ко зд̇т̇а гожи бариссаяо’’д̇и саманд̇ад̇о анубарияааяад̇и. д̇ам̣ д̣̇исваа богкаран̣ибаалаго амануссо гарун̣ааяамаанаруубо мануссаруубзна убасан̇гамид̇ваа ‘‘гимад̇т̇ам̣, бхо буриса, ид̇хааг̇ад̇осий’’д̇и ааха. со д̇асса д̇ам̣ бавад̇д̇им̣ гат̇зси. со ‘‘яад̣̇и звам̣ яаавад̣̇ад̇т̇ам̣ г̇ан̣хаахий’’д̇и ад̇д̇ано д̣̇иб̣б̣аруубам̣ д̣̇ассзд̇ваа анд̇арад̇хааяи.

Sā ca pokkharaṇī vesāliyā tiyojanamatthake hoti, tathāpi so puriso maraṇabhayatajjito vātavegena pubbaṇheyeva taṃ pokkharaṇiṃ sampāpuṇi. ‘‘Sā ca pokkharaṇī amanussapariggahitā’’ti pageva sutattā bhayena so ‘‘atthi nu kho ettha koci parissayo’’ti samantato anupariyāyati. Taṃ disvā pokkharaṇipālako amanusso karuṇāyamānarūpo manussarūpena upasaṅkamitvā ‘‘kimatthaṃ, bho purisa, idhāgatosī’’ti āha. So tassa taṃ pavattiṃ kathesi. So ‘‘yadi evaṃ yāvadatthaṃ gaṇhāhī’’ti attano dibbarūpaṃ dassetvā antaradhāyi.

со д̇ад̇т̇а арун̣аван̣н̣амад̇д̇игам̣ рад̇д̇уббалаани жа г̇ахзд̇ваа анад̇т̇ан̇г̇ад̇зязва суурияз наг̇арад̣̇ваарам̣ самбаабун̣и. д̇ам̣ д̣̇исваа д̣̇ваарабаало д̇асса вираванд̇ассзва д̣̇ваарам̣ т̇агзси. со т̇агид̇з д̣̇ваарз бавзсанам̣ алабханд̇о д̣̇ваарасамийбз суулз ааробид̇ам̣ бурисам̣ д̣̇исваа ‘‘зд̇з маяи анад̇т̇ан̇г̇ад̇з зва суурияз ааг̇ад̇з вираванд̇з звам̣ д̣̇ваарам̣ т̇агзсум̣. ‘ахам̣ гаалзязва ааг̇ад̇о, мама д̣̇аасо над̇т̇ий’д̇и д̇аяааби н̃аад̇ам̣ ход̇уу’’д̇и сагкимагааси. д̇ам̣ суд̇ваа со ааха ‘‘ахам̣ суулз аавуд̇о важ̇жхо маран̣аабхимуко, гат̇ам̣ д̇ава сагки хоми. зго банзд̇т̇а бзд̇о махид̣̇д̇хиго мама самийбам̣ ааг̇амиссад̇и, д̇ам̣ сагким̣ гарохий’’д̇и. ‘‘гат̇ам̣ бана со маяаа д̣̇адтаб̣б̣о’’д̇и? ид̇хзва д̇вам̣ д̇идта, ‘‘саяамзва д̣̇агкиссасий’’д̇и. со д̇ад̇т̇а тид̇о маж̇жхимаяаамз д̇ам̣ бзд̇ам̣ ааг̇ад̇ам̣ д̣̇исваа сагким̣ агааси. вибхаад̇ааяа жа рад̇д̇ияаа ран̃н̃аа ‘‘мама аан̣аа д̇аяаа ад̇игганд̇аа, д̇асмаа рааж̇ад̣̇ан̣д̣ам̣ д̇з гариссаамий’’д̇и вуд̇д̇з, д̣̇зва, маяаа д̇ава аан̣аа наад̇игганд̇аа, анад̇т̇ан̇г̇ад̇з зва суурияз ахам̣ ид̇хааг̇ад̇од̇и. д̇ад̇т̇а го д̇з сагкийд̇и? со д̇асса суулаавуд̇асса бурисасса санд̇игз ааг̇ажчанд̇ам̣ наг̇г̇абзд̇ам̣ ‘‘сагкий’’д̇и нид̣̇д̣̇исид̇ваа ‘‘гат̇амзд̇ам̣ амхзхи сад̣̇д̇хаад̇аб̣б̣а’’нд̇и ран̃н̃аа вуд̇д̇з ‘‘аж̇ж̇а рад̇д̇ияам̣ д̇умхзхи сад̣̇д̇хаад̇аб̣б̣ам̣ бурисам̣ маяаа сад̣̇д̇хим̣ бзсзт̇аа’’д̇и ааха. д̇ам̣ суд̇ваа рааж̇аа саяамзва д̇зна сад̣̇д̇хим̣ д̇ад̇т̇а г̇анд̇ваа тид̇о бзд̇зна жа д̇ад̇т̇ааг̇анд̇ваа ‘‘ж̇ийва, бхо, ж̇ийвид̇амзва сзяяо’’д̇и вуд̇д̇з д̇ам̣ ‘‘сзяяаа нисаж̇ж̇аа наяимасса ад̇т̇ий’’д̇иаад̣̇инаа бан̃жахи г̇аат̇аахи бадибужчи. ид̣̇аани аад̣̇ид̇о бана ‘‘взсаали наама наг̇арад̇т̇и важ̇ж̇ийна’’нд̇и г̇аат̇аа д̇аасам̣ самб̣анд̇хад̣̇ассанад̇т̇ам̣ сан̇г̇ийд̇игаарзхи табид̇аа –

So tattha aruṇavaṇṇamattikaṃ rattuppalāni ca gahetvā anatthaṅgateyeva sūriye nagaradvāraṃ sampāpuṇi. Taṃ disvā dvārapālo tassa viravantasseva dvāraṃ thakesi. So thakite dvāre pavesanaṃ alabhanto dvārasamīpe sūle āropitaṃ purisaṃ disvā ‘‘ete mayi anatthaṅgate eva sūriye āgate viravante evaṃ dvāraṃ thakesuṃ. ‘Ahaṃ kāleyeva āgato, mama dāso natthī’ti tayāpi ñātaṃ hotū’’ti sakkhimakāsi. Taṃ sutvā so āha ‘‘ahaṃ sūle āvuto vajjho maraṇābhimukho, kathaṃ tava sakkhi homi. Eko panettha peto mahiddhiko mama samīpaṃ āgamissati, taṃ sakkhiṃ karohī’’ti. ‘‘Kathaṃ pana so mayā daṭṭhabbo’’ti? Idheva tvaṃ tiṭṭha, ‘‘sayameva dakkhissasī’’ti. So tattha ṭhito majjhimayāme taṃ petaṃ āgataṃ disvā sakkhiṃ akāsi. Vibhātāya ca rattiyā raññā ‘‘mama āṇā tayā atikkantā, tasmā rājadaṇḍaṃ te karissāmī’’ti vutte, deva, mayā tava āṇā nātikkantā, anatthaṅgate eva sūriye ahaṃ idhāgatoti. Tattha ko te sakkhīti? So tassa sūlāvutassa purisassa santike āgacchantaṃ naggapetaṃ ‘‘sakkhī’’ti niddisitvā ‘‘kathametaṃ amhehi saddhātabba’’nti raññā vutte ‘‘ajja rattiyaṃ tumhehi saddhātabbaṃ purisaṃ mayā saddhiṃ pesethā’’ti āha. Taṃ sutvā rājā sayameva tena saddhiṃ tattha gantvā ṭhito petena ca tatthāgantvā ‘‘jīva, bho, jīvitameva seyyo’’ti vutte taṃ ‘‘seyyā nisajjā nayimassa atthī’’tiādinā pañcahi gāthāhi paṭipucchi. Idāni ādito pana ‘‘vesāli nāma nagaratthi vajjīna’’nti gāthā tāsaṃ sambandhadassanatthaṃ saṅgītikārehi ṭhapitā –

517.

‘‘взсаалий наама наг̇арад̇т̇и важ̇ж̇ийнам̣, д̇ад̇т̇а аху лижчави амб̣асаггаро;

‘‘Vesālī nāma nagaratthi vajjīnaṃ, tattha ahu licchavi ambasakkaro;

д̣̇исваана бзд̇ам̣ наг̇арасса б̣аахирам̣, д̇ад̇т̇зва бужчид̇т̇а д̇ам̣ гааран̣ад̇т̇иго.

Disvāna petaṃ nagarassa bāhiraṃ, tattheva pucchittha taṃ kāraṇatthiko.

518.

‘‘сзяяаа нисаж̇ж̇аа наяимасса ад̇т̇и, абхиггамо над̇т̇и бадиггамо жа;

‘‘Seyyā nisajjā nayimassa atthi, abhikkamo natthi paṭikkamo ca;

асид̇абийд̇акааяид̇авад̇т̇абхог̇аа, барижааран̣аа сааби имасса над̇т̇и.

Asitapītakhāyitavatthabhogā, paricāraṇā sāpi imassa natthi.

519.

‘‘яз н̃аад̇агаа д̣̇идтасуд̇аа сухаж̇ж̇аа, анугамбагаа яасса ахзсум̣ буб̣б̣з;

‘‘Ye ñātakā diṭṭhasutā suhajjā, anukampakā yassa ahesuṃ pubbe;

д̣̇адтумби д̇з д̣̇аани на д̇ам̣ лабханд̇и, вирааж̇ид̇ад̇о хи ж̇анзна д̇зна.

Daṭṭhumpi te dāni na taṃ labhanti, virājitato hi janena tena.

520.

‘‘на ог̇г̇ад̇ад̇д̇асса бхаванд̇и мид̇д̇аа, ж̇аханд̇и мид̇д̇аа вигалам̣ вид̣̇ид̇ваа;

‘‘Na oggatattassa bhavanti mittā, jahanti mittā vikalaṃ viditvā;

ад̇т̇ан̃жа д̣̇исваа бариваараяанд̇и, б̣ахуу мид̇д̇аа уг̇г̇ад̇ад̇д̇асса хонд̇и.

Atthañca disvā parivārayanti, bahū mittā uggatattassa honti.

521.

‘‘нихийнад̇д̇о саб̣б̣абхог̇зхи гижчо, саммагкид̇о самбарибхиннаг̇ад̇д̇о;

‘‘Nihīnatto sabbabhogehi kiccho, sammakkhito samparibhinnagatto;

уссааваб̣инд̣̇уува балимбамаанаа, аж̇ж̇а сувз ж̇ийвид̇ассуубарод̇хо.

Ussāvabindūva palimpamānā, ajja suve jīvitassūparodho.

522.

‘‘зд̇аад̣̇исам̣ уд̇д̇амагижчаббад̇д̇ам̣,

‘‘Etādisaṃ uttamakicchappattaṃ,

уд̇д̇аасид̇ам̣ бужиманд̣̇асса суулз;

Uttāsitaṃ pucimandassa sūle;

ат̇а д̇вам̣ гзна ван̣н̣зна вад̣̇зси яагка,

Atha tvaṃ kena vaṇṇena vadesi yakkha,

‘ж̇ийва бхо ж̇ийвид̇амзва сзяяо’’’д̇и.

‘Jīva bho jīvitameva seyyo’’’ti.

517. д̇ад̇т̇а д̇ад̇т̇аад̇и д̇ассам̣ взсаалияам̣. наг̇арасса б̣аахиранд̇и наг̇арасса б̣ахи бхавам̣, взсаалинаг̇арасса б̣ахи зва ж̇аад̇ам̣ бавад̇д̇ам̣ самб̣анд̇хам̣. д̇ад̇т̇зваад̇и яад̇т̇а д̇ам̣ басси, д̇ад̇т̇зва таанз. д̇анд̇и д̇ам̣ бзд̇ам̣. гааран̣ад̇т̇игод̇и ‘‘ж̇ийва, бхо, ж̇ийвид̇амзва сзяяо’’д̇и вуд̇д̇аад̇т̇асса гааран̣зна ад̇т̇иго худ̇ваа.

517. Tattha tatthāti tassaṃ vesāliyaṃ. Nagarassa bāhiranti nagarassa bahi bhavaṃ, vesālinagarassa bahi eva jātaṃ pavattaṃ sambandhaṃ. Tatthevāti yattha taṃ passi, tattheva ṭhāne. Tanti taṃ petaṃ. Kāraṇatthikoti ‘‘jīva, bho, jīvitameva seyyo’’ti vuttaatthassa kāraṇena atthiko hutvā.

518. сзяяаа нисаж̇ж̇аа наяимасса ад̇т̇ийд̇и бидтибасааран̣алагкан̣аа сзяяаа, баллан̇гаабхуж̇аналагкан̣аа нисаж̇ж̇аа жа имасса суулз ааробид̇абуг̇г̇аласса над̇т̇и. абхиггамо над̇т̇и бадиггамо жаад̇и абхиггамаад̣̇илагкан̣ам̣ аббамад̇д̇агамби г̇аманам̣ имасса над̇т̇и. барижааригаа саабийд̇и яаа асид̇абийд̇акааяид̇авад̇т̇абарибхог̇аад̣̇илагкан̣аа инд̣̇рияаанам̣ барижааран̣аа, сааби имасса над̇т̇и. ‘‘барихаран̣аа саабий’’д̇и ваа баато, асид̇аад̣̇ибарибхог̇авасзна инд̣̇рияаанам̣ барихаран̣аа, сааби имасса над̇т̇и виг̇ад̇аж̇ийвид̇ад̇д̇аад̇и ад̇т̇о. ‘‘барижааран̣аа саабий’’д̇и гзжи батанд̇и.

518.Seyyā nisajjā nayimassa atthīti piṭṭhipasāraṇalakkhaṇā seyyā, pallaṅkābhujanalakkhaṇā nisajjā ca imassa sūle āropitapuggalassa natthi. Abhikkamo natthi paṭikkamo cāti abhikkamādilakkhaṇaṃ appamattakampi gamanaṃ imassa natthi. Paricārikā sāpīti yā asitapītakhāyitavatthaparibhogādilakkhaṇā indriyānaṃ paricāraṇā, sāpi imassa natthi. ‘‘Pariharaṇā sāpī’’ti vā pāṭho, asitādiparibhogavasena indriyānaṃ pariharaṇā, sāpi imassa natthi vigatajīvitattāti attho. ‘‘Paricāraṇā sāpī’’ti keci paṭhanti.

519. д̣̇идтасуд̇аа сухаж̇ж̇аа, анугамбагаа яасса ахзсум̣ буб̣б̣зд̇и санд̣̇идтасахааяаа жзва ад̣̇идтасахааяаа жа яасса мид̇д̇аа ануд̣̇д̣̇аяааванд̇о яз асса имасса буб̣б̣з ахзсум̣. д̣̇адтумбийд̇и бассид̇умби на лабханд̇и, гуд̇о саха васид̇унд̇и ад̇т̇о. вирааж̇ид̇ад̇д̇од̇и барижжад̇д̇асабхааво. ж̇анзна д̇знаад̇и д̇зна н̃аад̇иаад̣̇иж̇анзна.

519.Diṭṭhasutā suhajjā, anukampakā yassa ahesuṃ pubbeti sandiṭṭhasahāyā ceva adiṭṭhasahāyā ca yassa mittā anuddayāvanto ye assa imassa pubbe ahesuṃ. Daṭṭhumpīti passitumpi na labhanti, kuto saha vasitunti attho. Virājitattoti pariccattasabhāvo. Janena tenāti tena ñātiādijanena.

520. на ог̇г̇ад̇ад̇д̇асса бхаванд̇и мид̇д̇аад̇и абаг̇ад̇авин̃н̃аан̣асса мад̇асса мид̇д̇аа наама на хонд̇и д̇асса мид̇д̇зхи гаад̇аб̣б̣агижжасса ад̇игганд̇ад̇д̇аа. ж̇аханд̇и мид̇д̇аа вигалам̣ вид̣̇ид̇ваад̇и мад̇о д̇аава д̇идтад̇у, ж̇ийванд̇амби бхог̇авигалам̣ бурисам̣ вид̣̇ид̇ваа ‘‘на ид̇о гин̃жи г̇аяхуубаг̇а’’нд̇и мид̇д̇аа баж̇аханд̇и. ад̇т̇ан̃жа д̣̇исваа бариваараяанд̇ийд̇и д̇асса бана санд̇агам̣ ад̇т̇ам̣ д̇ханам̣ д̣̇исваа бияаваад̣̇ино мукуллогигаа худ̇ваа д̇ам̣ бариваарзнд̇и. б̣ахуу мид̇д̇аа уг̇г̇ад̇ад̇д̇асса хонд̇ийд̇и вибхавасамбад̇д̇ияаа уг̇г̇ад̇асабхаавасса самид̣̇д̇хасса б̣ахуу анзгаа мид̇д̇аа хонд̇и, аяам̣ логияасабхаавод̇и ад̇т̇о.

520.Na oggatattassa bhavanti mittāti apagataviññāṇassa matassa mittā nāma na honti tassa mittehi kātabbakiccassa atikkantattā. Jahanti mittā vikalaṃ viditvāti mato tāva tiṭṭhatu, jīvantampi bhogavikalaṃ purisaṃ viditvā ‘‘na ito kiñci gayhūpaga’’nti mittā pajahanti. Atthañca disvā parivārayantīti tassa pana santakaṃ atthaṃ dhanaṃ disvā piyavādino mukhullokikā hutvā taṃ parivārenti. Bahū mittā uggatattassa hontīti vibhavasampattiyā uggatasabhāvassa samiddhassa bahū anekā mittā honti, ayaṃ lokiyasabhāvoti attho.

521. нихийнад̇д̇о саб̣б̣абхог̇зхийд̇и саб̣б̣зхи убабхог̇абарибхог̇авад̇т̇уухи барихийнад̇д̇о. гижчод̇и д̣̇угкид̇о. саммагкид̇од̇и рухирзхи саммагкид̇асарийро. самбарибхиннаг̇ад̇д̇од̇и суулзна аб̣бханд̇арз вид̣̇аалид̇аг̇ад̇д̇о. уссааваб̣инд̣̇уува балимбамаанод̇и д̇ин̣аг̇г̇з лимбамаанауссааваб̣инд̣̇усад̣̇исо. аж̇ж̇а сувзд̇и аж̇ж̇а ваа сувз ваа имасса наама бурисасса ж̇ийвид̇асса убарод̇хо нирод̇хо, д̇ад̇о уд̣̇д̇хам̣ наббавад̇д̇ад̇ийд̇и ад̇т̇о.

521.Nihīnatto sabbabhogehīti sabbehi upabhogaparibhogavatthūhi parihīnatto. Kicchoti dukkhito. Sammakkhitoti ruhirehi sammakkhitasarīro. Samparibhinnagattoti sūlena abbhantare vidālitagatto. Ussāvabindūva palimpamānoti tiṇagge limpamānaussāvabindusadiso. Ajja suveti ajja vā suve vā imassa nāma purisassa jīvitassa uparodho nirodho, tato uddhaṃ nappavattatīti attho.

522. уд̇д̇аасид̇анд̇и аавуд̇ам̣ ааробид̇ам̣. бужиманд̣̇асса суулзд̇и нимб̣аругкасса д̣̇ан̣д̣зна гад̇асуулз . гзна ван̣н̣знаад̇и гзна гааран̣зна. ж̇ийва, бхо, ж̇ийвид̇амзва сзяяод̇и, бхо буриса, ж̇ийва. гасмаа? суулам̣ ааробид̇ассааби хи д̇з ид̇ха ж̇ийвид̇амзва ид̇о жуд̇асса ж̇ийвид̇ад̇о сад̇абхааг̇зна сахассабхааг̇зна сзяяо сунд̣̇арад̇арод̇и.

522.Uttāsitanti āvutaṃ āropitaṃ. Pucimandassa sūleti nimbarukkhassa daṇḍena katasūle . Kena vaṇṇenāti kena kāraṇena. Jīva, bho, jīvitameva seyyoti, bho purisa, jīva. Kasmā? Sūlaṃ āropitassāpi hi te idha jīvitameva ito cutassa jīvitato satabhāgena sahassabhāgena seyyo sundarataroti.

звам̣ д̇зна ран̃н̃аа бужчид̇о со бзд̇о ад̇д̇ано ад̇хиббааяам̣ багаасзнд̇о –

Evaṃ tena raññā pucchito so peto attano adhippāyaṃ pakāsento –

523.

‘‘саалохид̇о зса ахоси маяхам̣, ахам̣ сараами буримааяа ж̇аад̇ияаа;

‘‘Sālohito esa ahosi mayhaṃ, ahaṃ sarāmi purimāya jātiyā;

д̣̇исваа жа мз гаарун̃н̃амахоси рааж̇а, маа баабад̇хаммо нираяам̣ бад̇ааяам̣.

Disvā ca me kāruññamahosi rāja, mā pāpadhammo nirayaṃ patāyaṃ.

524.

‘‘ид̇о жуд̇о лижчави зса босо, сад̇т̇уссад̣̇ам̣ нираяам̣ гхораруубам̣;

‘‘Ito cuto licchavi esa poso, satthussadaṃ nirayaṃ ghorarūpaṃ;

убабаж̇ж̇ад̇и д̣̇уггадагаммагаарий, махаабхид̇аабам̣ гадугам̣ бхаяаанагам̣.

Upapajjati dukkaṭakammakārī, mahābhitāpaṃ kaṭukaṃ bhayānakaṃ.

525.

‘‘анзгабхааг̇зна г̇ун̣зна сзяяо, аяамзва сууло нираязна д̇зна;

‘‘Anekabhāgena guṇena seyyo, ayameva sūlo nirayena tena;

зганд̇ад̣̇угкам̣ гадугам̣ бхаяаанагам̣, зганд̇ад̇иб̣б̣ам̣ нираяам̣ бад̇ааяам̣.

Ekantadukkhaṃ kaṭukaṃ bhayānakaṃ, ekantatibbaṃ nirayaṃ patāyaṃ.

526.

‘‘ид̣̇ан̃жа суд̇ваа важанам̣ мамзсо, д̣̇угкуубанийд̇о виж̇ахзяяа баан̣ам̣;

‘‘Idañca sutvā vacanaṃ mameso, dukkhūpanīto vijaheyya pāṇaṃ;

д̇асмаа ахам̣ санд̇игз на бхан̣аами, маа мзгад̇о ж̇ийвид̇ассуубарод̇хо’’д̇и. –

Tasmā ahaṃ santike na bhaṇāmi, mā mekato jīvitassūparodho’’ti. –

жад̇ассо г̇аат̇аа абхааси.

Catasso gāthā abhāsi.

523. д̇ад̇т̇а саалохид̇о самааналохид̇о яонисамб̣анд̇хзна самб̣анд̇хо, н̃аад̇агод̇и ад̇т̇о. буримааяа ж̇аад̇ияаад̇и буримад̇д̇абхаавз. маа баабад̇хаммо нираяам̣ бад̇ааяанд̇и аяам̣ баабад̇хаммо бурисо нираяам̣ маа бад̇и, маа нираяам̣ убабаж̇ж̇ийд̇и имам̣ д̣̇исваа мз гаарун̃н̃ам̣ ахосийд̇и яож̇анаа.

523. Tattha sālohito samānalohito yonisambandhena sambandho, ñātakoti attho. Purimāya jātiyāti purimattabhāve. Mā pāpadhammo nirayaṃ patāyanti ayaṃ pāpadhammo puriso nirayaṃ mā pati, mā nirayaṃ upapajjīti imaṃ disvā me kāruññaṃ ahosīti yojanā.

524. сад̇д̇уссад̣̇анд̇и баабагаарийхи сад̇д̇зхи уссаннам̣, ат̇а ваа бан̃жавид̇хаб̣анд̇ханам̣, мукз д̇ад̇д̇алохасзжанам̣, ан̇г̇аарабаб̣б̣ад̇ааробанам̣, лохагумбхибагкзбанам̣, асибад̇д̇аванаббавзсанам̣, взд̇д̇аран̣ияам̣ самод̇аран̣ам̣, махаанираяз багкзбод̇и. имзхи сад̇д̇ахи бан̃жавид̇хаб̣анд̇ханаад̣̇ийхи д̣̇аарун̣агааран̣зхи уссаннам̣, убаруубари нижид̇анд̇и ад̇т̇о. махаабхид̇аабанд̇и махаад̣̇угкам̣, махаааг̇г̇исанд̇аабам̣ ваа. гадуганд̇и анидтам̣. бхаяаанаганд̇и бхаяаж̇анагам̣.

524.Sattussadanti pāpakārīhi sattehi ussannaṃ, atha vā pañcavidhabandhanaṃ, mukhe tattalohasecanaṃ, aṅgārapabbatāropanaṃ, lohakumbhipakkhepanaṃ, asipattavanappavesanaṃ, vettaraṇiyaṃ samotaraṇaṃ, mahāniraye pakkhepoti. Imehi sattahi pañcavidhabandhanādīhi dāruṇakāraṇehi ussannaṃ, uparūpari nicitanti attho. Mahābhitāpanti mahādukkhaṃ, mahāaggisantāpaṃ vā. Kaṭukanti aniṭṭhaṃ. Bhayānakanti bhayajanakaṃ.

525. анзгабхааг̇зна г̇ун̣знаад̇и анзгагодтаасзна аанисам̣сзна. аяамзва сууло нираязна д̇знаад̇и д̇ад̇о имасса уббад̇д̇идтаанабхууд̇ад̇о нираяад̇о аяамзва сууло сзяяод̇и. ниссаггз хи ид̣̇ам̣ гаран̣аважанам̣. зганд̇а д̇иб̣б̣анд̇и зганд̇знзва д̇икин̣ад̣̇угкам̣, нияад̇амахаад̣̇угканд̇и ад̇т̇о.

525.Anekabhāgenaguṇenāti anekakoṭṭhāsena ānisaṃsena. Ayameva sūlo nirayena tenāti tato imassa uppattiṭṭhānabhūtato nirayato ayameva sūlo seyyoti. Nissakke hi idaṃ karaṇavacanaṃ. Ekanta tibbanti ekanteneva tikhiṇadukkhaṃ, niyatamahādukkhanti attho.

526. ид̣̇ан̃жа суд̇ваа важанам̣ мамзсод̇и ‘‘ид̇о жуд̇о’’д̇иаад̣̇инаа вуд̇д̇ам̣ мама важанам̣ суд̇ваа зсо бурисо д̣̇угкуубанийд̇о мама важанзна нираяад̣̇угкам̣ убанийд̇о вияа худ̇ваа. виж̇ахзяяа баан̣анд̇и ад̇д̇ано ж̇ийвид̇ам̣ барижжаж̇зяяа. д̇асмаад̇и д̇зна гааран̣зна. маа мзгад̇од̇и ‘‘маяаа згад̇о имасса бурисасса ж̇ийвид̇асса убарод̇хо маа ход̇уу’’д̇и имасса санд̇игз ид̣̇ам̣ важанам̣ ахам̣ на бхан̣аами, ат̇а ко ‘‘ж̇ийва, бхо, ж̇ийвид̇амзва сзяяо’’д̇и ид̣̇амзва бхан̣аамийд̇и ад̇хиббааяо.

526.Idañca sutvā vacanaṃ mamesoti ‘‘ito cuto’’tiādinā vuttaṃ mama vacanaṃ sutvā eso puriso dukkhūpanīto mama vacanena nirayadukkhaṃ upanīto viya hutvā. Vijaheyya pāṇanti attano jīvitaṃ pariccajeyya. Tasmāti tena kāraṇena. Mā mekatoti ‘‘mayā ekato imassa purisassa jīvitassa uparodho mā hotū’’ti imassa santike idaṃ vacanaṃ ahaṃ na bhaṇāmi, atha kho ‘‘jīva, bho, jīvitameva seyyo’’ti idameva bhaṇāmīti adhippāyo.

звам̣ бзд̇зна ад̇д̇ано ад̇хиббааяз багаасид̇з буна рааж̇аа бзд̇асса бавад̇д̇им̣ бужчид̇ум̣ огаасам̣ гаронд̇о имам̣ г̇аат̇амааха –

Evaṃ petena attano adhippāye pakāsite puna rājā petassa pavattiṃ pucchituṃ okāsaṃ karonto imaṃ gāthamāha –

527.

‘‘ан̃н̃аад̇о зсо бурисасса ад̇т̇о, ан̃н̃амби ижчаамасз бужчид̇ум̣ д̇увам̣;

‘‘Aññāto eso purisassa attho, aññampi icchāmase pucchituṃ tuvaṃ;

огаасагаммам̣ сажз но гароси, бужчаама д̇ам̣ но на жа гуж̇жхид̇аб̣б̣а’’нд̇и.

Okāsakammaṃ sace no karosi, pucchāma taṃ no na ca kujjhitabba’’nti.

528.

‘‘ад̣̇д̇хаа бадин̃н̃аа мз д̇ад̣̇аа аху, наажигкан̣аа аббасаннасса ход̇и;

‘‘Addhā paṭiññā me tadā ahu, nācikkhaṇā appasannassa hoti;

агаамаа сад̣̇д̇хзяяаважод̇и гад̇ваа, бужчассу мам̣ гаамам̣ яат̇аа висаяха’’нд̇и. –

Akāmā saddheyyavacoti katvā, pucchassu maṃ kāmaṃ yathā visayha’’nti. –

имаа ран̃н̃о бзд̇асса жа важанабадиважанаг̇аат̇аа.

Imā rañño petassa ca vacanapaṭivacanagāthā.

527. д̇ад̇т̇а ан̃н̃аад̇од̇и аваг̇ад̇о. ижчаамасзд̇и ижчаама. нод̇и амхаагам̣. на жа гуж̇жхид̇аб̣б̣анд̇и ‘‘имз мануссаа яам̣гин̃жи бужчанд̇ий’’д̇и год̇хо на гаад̇аб̣б̣о.

527. Tattha aññātoti avagato. Icchāmaseti icchāma. Noti amhākaṃ. Na ca kujjhitabbanti ‘‘ime manussā yaṃkiñci pucchantī’’ti kodho na kātabbo.

528. ад̣̇д̇хаад̇и згам̣сзна. бадин̃н̃аа мзд̇и н̃аан̣авасзна маяхам̣ ‘‘бужчассуу’’д̇и бадин̃н̃аа, огаасад̣̇аананд̇и ад̇т̇о. д̇ад̣̇аа ахууд̇и д̇асмим̣ гаалз батамад̣̇ассанз ахоси. наажигкан̣аа аббасаннасса ход̇ийд̇и агат̇анаа аббасаннасса ход̇и. басанно зва хи басаннасса гин̃жи гат̇зд̇и. д̇вам̣ бана д̇ад̣̇аа маяи аббасанно, ахан̃жа д̇аяи, д̇зна бадиж̇аанид̇ваа гат̇зд̇угаамо наахоси. ид̣̇аани банаахам̣ д̇уяхам̣ агаамаа сад̣̇д̇хзяяаважо агаамо зва сад̣̇д̇хаад̇аб̣б̣аважано ид̇и гад̇ваа иминаа гааран̣зна . бужчассу мам̣ гаамам̣ яат̇аа висаяханд̇и д̇вам̣ яат̇аа ижчаси, д̇амад̇т̇ам̣ мам̣ бужчассу. ахам̣ бана яат̇аа висаяхам̣ яат̇аа маяхам̣ сахид̇ум̣ саггаа, д̇ат̇аа ад̇д̇ано н̃аан̣аб̣алаануруубам̣ гат̇зссаамийд̇и ад̇хиббааяо.

528.Addhāti ekaṃsena. Paṭiññā meti ñāṇavasena mayhaṃ ‘‘pucchassū’’ti paṭiññā, okāsadānanti attho. Tadā ahūti tasmiṃ kāle paṭhamadassane ahosi. Nācikkhaṇā appasannassa hotīti akathanā appasannassa hoti. Pasanno eva hi pasannassa kiñci katheti. Tvaṃ pana tadā mayi appasanno, ahañca tayi, tena paṭijānitvā kathetukāmo nāhosi. Idāni panāhaṃ tuyhaṃ akāmā saddheyyavaco akāmo eva saddhātabbavacano iti katvā iminā kāraṇena . Pucchassumaṃ kāmaṃ yathā visayhanti tvaṃ yathā icchasi, tamatthaṃ maṃ pucchassu. Ahaṃ pana yathā visayhaṃ yathā mayhaṃ sahituṃ sakkā, tathā attano ñāṇabalānurūpaṃ kathessāmīti adhippāyo.

звам̣ бзд̇зна бужчанааяа огаасз гад̇з рааж̇аа –

Evaṃ petena pucchanāya okāse kate rājā –

529.

‘‘яам̣ гин̃жахам̣ жагкунаа бассисаами,

‘‘Yaṃ kiñcahaṃ cakkhunā passisāmi,

саб̣б̣амби д̇аахам̣ абхисад̣̇д̣̇ахзяяам̣;

Sabbampi tāhaṃ abhisaddaheyyaṃ;

д̣̇исваава д̇ам̣ ноби жз сад̣̇д̣̇ахзяяам̣,

Disvāva taṃ nopi ce saddaheyyaṃ,

гарзяяааси мз яагка нияассагамма’’нд̇и. –

Kareyyāsi me yakkha niyassakamma’’nti. –

г̇аат̇амааха. д̇ассад̇т̇о – ахам̣ яам̣ гин̃жид̣̇зва жагкунаа бассиссаами, д̇ам̣ саб̣б̣амби д̇ат̇зва ахам̣ абхисад̣̇д̣̇ахзяяам̣, д̇ам̣ бана д̣̇исваава д̇ам̣ важанам̣ ноби жз сад̣̇д̣̇ахзяяам̣. яагка, маяхам̣ нияассагаммам̣ ниг̇г̇ахагаммам̣ гарзяяаасийд̇и. ат̇а ваа яам̣ гин̃жахам̣ жагкунаа бассиссаамийд̇и ахам̣ яам̣ гин̃жид̣̇зва жагкунаа бассиссаами ажагкуг̇ожарасса ад̣̇ассанад̇о. саб̣б̣амби д̇аахам̣ абхисад̣̇д̣̇ахзяяанд̇и саб̣б̣амби д̇з ахам̣ д̣̇идтам̣ суд̇ам̣ ан̃н̃ам̣ ваа абхисад̣̇д̣̇ахзяяам̣. д̇аад̣̇исо хи маяхам̣ д̇аяи абхиббасаад̣̇од̇и ад̇хиббааяо. бажчимабад̣̇асса бана яат̇аавуд̇д̇ова ад̇т̇о.

Gāthamāha. Tassattho – ahaṃ yaṃ kiñcideva cakkhunā passissāmi, taṃ sabbampi tatheva ahaṃ abhisaddaheyyaṃ, taṃ pana disvāva taṃ vacanaṃ nopi ce saddaheyyaṃ. Yakkha, mayhaṃ niyassakammaṃ niggahakammaṃ kareyyāsīti. Atha vā yaṃ kiñcahaṃ cakkhunā passissāmīti ahaṃ yaṃ kiñcideva cakkhunā passissāmi acakkhugocarassa adassanato. Sabbampi tāhaṃ abhisaddaheyyanti sabbampi te ahaṃ diṭṭhaṃ sutaṃ aññaṃ vā abhisaddaheyyaṃ. Tādiso hi mayhaṃ tayi abhippasādoti adhippāyo. Pacchimapadassa pana yathāvuttova attho.

д̇ам̣ суд̇ваа бзд̇о –

Taṃ sutvā peto –

530.

‘‘сажжаббадин̃н̃аа д̇ава мзсаа ход̇у, суд̇ваана д̇хаммам̣ лабха суббасаад̣̇ам̣;

‘‘Saccappaṭiññā tava mesā hotu, sutvāna dhammaṃ labha suppasādaṃ;

ан̃н̃ад̇т̇иго но жа бад̣̇удтажид̇д̇о, яам̣ д̇з суд̇ам̣ асуд̇ан̃жааби д̇хаммам̣;

Aññatthiko no ca paduṭṭhacitto, yaṃ te sutaṃ asutañcāpi dhammaṃ;

саб̣б̣амби агкиссам̣ яат̇аа баж̇аана’’нд̇и. – г̇аат̇амааха ; ид̇о барам̣ –

Sabbampi akkhissaṃ yathā pajāna’’nti. – gāthamāha ; Ito paraṃ –

531.

‘‘сзд̇зна ассзна алан̇гад̇зна, убаяааси суулаавуд̇агасса санд̇игз;

‘‘Setena assena alaṅkatena, upayāsi sūlāvutakassa santike;

яаанам̣ ид̣̇ам̣ аб̣бхуд̇ам̣ д̣̇ассанзяяам̣, гиссзд̇ам̣ гаммасса аяам̣ вибаагод̇и.

Yānaṃ idaṃ abbhutaṃ dassaneyyaṃ, kissetaṃ kammassa ayaṃ vipākoti.

532.

‘‘взсаалияаа наг̇арасса маж̇жхз, жигкалламаг̇г̇з нарагам̣ ахоси;

‘‘Vesāliyā nagarassa majjhe, cikkhallamagge narakaṃ ahosi;

г̇осийсамзгаахам̣ басаннажид̇д̇о, сзд̇ам̣ г̇ахзд̇ваа нарагасмим̣ нигкибим̣.

Gosīsamekāhaṃ pasannacitto, setaṃ gahetvā narakasmiṃ nikkhipiṃ.

533.

‘‘зд̇асмим̣ баад̣̇аани бад̇идтабзд̇ваа, маяан̃жа ан̃н̃з жа ад̇иггамимхаа;

‘‘Etasmiṃ pādāni patiṭṭhapetvā, mayañca aññe ca atikkamimhā;

яаанам̣ ид̣̇ам̣ аб̣бхуд̇ам̣ д̣̇ассанзяяам̣, д̇ассзва гаммасса аяам̣ вибаагод̇и.

Yānaṃ idaṃ abbhutaṃ dassaneyyaṃ, tasseva kammassa ayaṃ vipākoti.

534.

‘‘ван̣н̣о жа д̇з саб̣б̣ад̣̇исаа бабхаасад̇и, г̇анд̇хо жа д̇з саб̣б̣ад̣̇исаа бавааяад̇и;

‘‘Vaṇṇo ca te sabbadisā pabhāsati, gandho ca te sabbadisā pavāyati;

яагкид̣̇д̇хибад̇д̇оси махаанубхааво, наг̇г̇о жааси гисса аяам̣ вибаагод̇и.

Yakkhiddhipattosi mahānubhāvo, naggo cāsi kissa ayaṃ vipākoti.

535.

‘‘аггод̇хано нижжабасаннажид̇д̇о, сан̣хаахи ваажаахи ж̇анам̣ убзми;

‘‘Akkodhano niccapasannacitto, saṇhāhi vācāhi janaṃ upemi;

д̇ассзва гаммасса аяам̣ вибааго, д̣̇иб̣б̣о мз ван̣н̣о сад̇ад̇ам̣ бабхаасад̇и.

Tasseva kammassa ayaṃ vipāko, dibbo me vaṇṇo satataṃ pabhāsati.

536.

‘‘яасан̃жа гид̇д̇ин̃жа д̇хаммз тид̇аанам̣, д̣̇исваана манд̇зми басаннажид̇д̇о;

‘‘Yasañca kittiñca dhamme ṭhitānaṃ, disvāna mantemi pasannacitto;

д̇ассзва гаммасса аяам̣ вибааго, д̣̇иб̣б̣о мз г̇анд̇хо сад̇ад̇ам̣ бавааяад̇и.

Tasseva kammassa ayaṃ vipāko, dibbo me gandho satataṃ pavāyati.

537.

‘‘сахааяаанам̣ д̇ид̇т̇асмим̣ нхааяанд̇аанам̣, т̇алз г̇ахзд̇ваа нид̣̇ахисса д̣̇уссам̣;

‘‘Sahāyānaṃ titthasmiṃ nhāyantānaṃ, thale gahetvā nidahissa dussaṃ;

кид̣д̣ад̇т̇иго но жа бад̣̇удтажид̇д̇о, д̇знамхи наг̇г̇о гасираа жа вуд̇д̇ийд̇и.

Khiḍḍatthiko no ca paduṭṭhacitto, tenamhi naggo kasirā ca vuttīti.

538.

‘‘яо гийл̣амаано багарод̇и баабам̣, д̇ассзд̣̇исам̣ гаммавибаагамааху;

‘‘Yo kīḷamāno pakaroti pāpaṃ, tassedisaṃ kammavipākamāhu;

агийл̣амаано бана яо гарод̇и, гим̣ д̇асса гаммасса вибаагамаахууд̇и.

Akīḷamāno pana yo karoti, kiṃ tassa kammassa vipākamāhūti.

539.

‘‘яз д̣̇удтасан̇габбаманаа мануссаа, гааязна ваажааяа жа сам̣гилидтаа;

‘‘Ye duṭṭhasaṅkappamanā manussā, kāyena vācāya ca saṃkiliṭṭhā;

гааяасса бхзд̣̇аа абхисамбарааяам̣, асам̣саяам̣ д̇з нираяам̣ убзнд̇и.

Kāyassa bhedā abhisamparāyaṃ, asaṃsayaṃ te nirayaṃ upenti.

540.

‘‘абарз бана суг̇ад̇имаасамаанаа, д̣̇аанз рад̇аа сан̇г̇ахид̇ад̇д̇абхааваа;

‘‘Apare pana sugatimāsamānā, dāne ratā saṅgahitattabhāvā;

гааяасса бхзд̣̇аа абхисамбарааяам̣, асам̣саяам̣ д̇з суг̇ад̇им̣ убзнд̇ий’’д̇и. –

Kāyassa bhedā abhisamparāyaṃ, asaṃsayaṃ te sugatiṃ upentī’’ti. –

д̇зсам̣ убхиннам̣ важанабадиважанаг̇аат̇аа хонд̇и.

Tesaṃ ubhinnaṃ vacanapaṭivacanagāthā honti.

530. д̇ад̇т̇а сажжаббадин̃н̃аа д̇ава мзсаа ход̇ууд̇и ‘‘саб̣б̣амби д̇аахам̣ абхисад̣̇д̣̇ахзяяа’’нд̇и д̇ава зсаа бадин̃н̃аа маяхам̣ сажжам̣ ход̇у. суд̇ваана д̇хаммам̣ лабха суббасаад̣̇анд̇и маяаа вужжамаанам̣ д̇хаммам̣ суд̇ваа сунд̣̇арам̣ басаад̣̇ам̣ лабхассу. ан̃н̃ад̇т̇игод̇и ааж̇аананад̇т̇иго. яат̇аа баж̇аананд̇и яат̇аа ан̃н̃оби баж̇аананд̇о, ‘‘яат̇ааби н̃аад̇а’’нд̇и ваа маяаа яат̇аа н̃аад̇анд̇и ад̇т̇о.

530. Tattha saccappaṭiññā tava mesā hotūti ‘‘sabbampi tāhaṃ abhisaddaheyya’’nti tava esā paṭiññā mayhaṃ saccaṃ hotu. Sutvāna dhammaṃ labha suppasādanti mayā vuccamānaṃ dhammaṃ sutvā sundaraṃ pasādaṃ labhassu. Aññatthikoti ājānanatthiko. Yathā pajānanti yathā aññopi pajānanto, ‘‘yathāpi ñāta’’nti vā mayā yathā ñātanti attho.

531. гиссзд̇ам̣ гаммасса аяам̣ вибаагод̇и гиссзд̇ам̣ гисса наама зд̇ам̣, гисса гаммасса аяам̣ вибааго. зд̇анд̇и ваа нибаад̇амад̇д̇ам̣, гисса гаммассаад̇и яож̇анаа. ‘‘гисса д̇з’’д̇и жа гзжи батанд̇и.

531.Kissetaṃ kammassa ayaṃ vipākoti kissetaṃ kissa nāma etaṃ, kissa kammassa ayaṃ vipāko. Etanti vā nipātamattaṃ, kissa kammassāti yojanā. ‘‘Kissa te’’ti ca keci paṭhanti.

532-33. жигкалламаг̇г̇зд̇и жигкаллавад̇и бат̇амхи. нараганд̇и ааваадам̣. згааханд̇и згам̣ ахам̣. нарагасмим̣ нигкибинд̇и яат̇аа гад̣̇д̣̇амо на аггамийяад̇и, звам̣ д̇асмим̣ жигкаллааваадз табзсим̣. д̇ассаад̇и д̇асса г̇осийсзна сзд̇угаран̣асса.

532-33.Cikkhallamaggeti cikkhallavati pathamhi. Narakanti āvāṭaṃ. Ekāhanti ekaṃ ahaṃ. Narakasmiṃ nikkhipinti yathā kaddamo na akkamīyati, evaṃ tasmiṃ cikkhallāvāṭe ṭhapesiṃ. Tassāti tassa gosīsena setukaraṇassa.

536-7. д̇хаммз тид̇аананд̇и д̇хаммажаарийнам̣ самажаарийнам̣. манд̇змийд̇и гат̇зми гид̇д̇аяаами. кид̣д̣ад̇т̇игод̇и хасаад̇хиббааяо. но жа бад̣̇удтажид̇д̇од̇и д̣̇уссасаамигз на д̣̇уусид̇ажид̇д̇о, на авахаран̣аад̇хиббааяо нааби винаасаад̇хиббааяод̇и ад̇т̇о.

536-7.Dhamme ṭhitānanti dhammacārīnaṃ samacārīnaṃ. Mantemīti kathemi kittayāmi. Khiḍḍatthikoti hasādhippāyo. No ca paduṭṭhacittoti dussasāmike na dūsitacitto, na avaharaṇādhippāyo nāpi vināsādhippāyoti attho.

538. агийл̣амаанод̇и акид̣д̣аад̇хиббааяо, лобхаад̣̇ийхи д̣̇уусид̇ажид̇д̇о. гим̣ д̇асса гаммасса вибаагамаахууд̇и д̇асса д̇ат̇аа гад̇асса баабагаммасса гийва гадугам̣ д̣̇угкавибаагам̣ бан̣д̣ид̇аа ааху.

538.Akīḷamānoti akhiḍḍādhippāyo, lobhādīhi dūsitacitto. Kiṃ tassa kammassa vipākamāhūti tassa tathā katassa pāpakammassa kīva kaṭukaṃ dukkhavipākaṃ paṇḍitā āhu.

539-40. д̣̇удтасан̇габбаманаад̇и гаамасан̇габбаад̣̇ивасзна д̣̇уусид̇амановид̇аггаа, зд̇зна манод̣̇ужжарид̇амааха. гааязна ваажааяа жа сам̣гилидтаад̇и баан̣аад̇ибаад̇аад̣̇ивасзна гааяаваажаахи малинаа. аасамаанаад̇и аасийсамаанаа бад̇т̇аяамаанаа.

539-40.Duṭṭhasaṅkappamanāti kāmasaṅkappādivasena dūsitamanovitakkā, etena manoduccaritamāha. Kāyena vācāya ca saṃkiliṭṭhāti pāṇātipātādivasena kāyavācāhi malinā. Āsamānāti āsīsamānā patthayamānā.

звам̣ бзд̇зна сан̇кзбзнзва гаммапалзсу вибхаж̇ид̇ваа д̣̇ассид̇зсу д̇ам̣ асад̣̇д̣̇аханд̇о рааж̇аа –

Evaṃ petena saṅkhepeneva kammaphalesu vibhajitvā dassitesu taṃ asaddahanto rājā –

541.

‘‘д̇ам̣ гинд̇и ж̇аанзяяамахам̣ авзжжа, галяаан̣абаабасса аяам̣ вибааго;

‘‘Taṃ kinti jāneyyamahaṃ avecca, kalyāṇapāpassa ayaṃ vipāko;

гим̣ ваахам̣ д̣̇исваа абхисад̣̇д̣̇ахзяяам̣, го вааби мам̣ сад̣̇д̣̇ахаабзяяа зд̇а’’нд̇и. –

Kiṃ vāhaṃ disvā abhisaddaheyyaṃ, ko vāpi maṃ saddahāpeyya eta’’nti. –

г̇аат̇амааха. д̇ад̇т̇а д̇ам̣ гинд̇и ж̇аанзяяамахам̣ авзжжаад̇и яояам̣ д̇аяаа ‘‘яз д̣̇удтасан̇габбаманаа мануссаа, гааязна ваажааяа жа сам̣гилидтаа’’д̇иаад̣̇инаа. ‘‘абарз бана суг̇ад̇имаасамаанаа’’д̇иаад̣̇инаа жа галяаан̣асса баабасса жа гаммасса вибааго вибхаж̇ид̇ваа вуд̇д̇о, д̇ам̣ гинд̇и гзна гааран̣зна ахам̣ авзжжа абарабажжаяабхаавзна сад̣̇д̣̇ахзяяам̣. гим̣ ваахам̣ д̣̇исваа абхисад̣̇д̣̇ахзяяанд̇и гийд̣̇исам̣ ваа банаахам̣ бажжагкабхууд̇ам̣ нид̣̇ассанам̣ д̣̇исваа бадисад̣̇д̣̇ахзяяам̣. го вааби мам̣ сад̣̇д̣̇ахаабзяяа зд̇анд̇и го ваа вин̃н̃уу бурисо бан̣д̣ид̇о зд̇амад̇т̇ам̣ мам̣ сад̣̇д̣̇ахаабзяяа, д̇ам̣ гат̇зхийд̇и ад̇т̇о.

Gāthamāha. Tattha taṃ kinti jāneyyamahaṃ aveccāti yoyaṃ tayā ‘‘ye duṭṭhasaṅkappamanā manussā, kāyena vācāya ca saṃkiliṭṭhā’’tiādinā. ‘‘Apare pana sugatimāsamānā’’tiādinā ca kalyāṇassa pāpassa ca kammassa vipāko vibhajitvā vutto, taṃ kinti kena kāraṇena ahaṃ avecca aparapaccayabhāvena saddaheyyaṃ. Kiṃ vāhaṃ disvā abhisaddaheyyanti kīdisaṃ vā panāhaṃ paccakkhabhūtaṃ nidassanaṃ disvā paṭisaddaheyyaṃ. Ko vāpi maṃ saddahāpeyya etanti ko vā viññū puriso paṇḍito etamatthaṃ maṃ saddahāpeyya, taṃ kathehīti attho.

д̇ам̣ суд̇ваа бзд̇о гааран̣зна д̇амад̇т̇ам̣ д̇асса багаасзнд̇о –

Taṃ sutvā peto kāraṇena tamatthaṃ tassa pakāsento –

542.

‘‘д̣̇исваа жа суд̇ваа абхисад̣̇д̣̇ахассу, галяаан̣абаабасса аяам̣ вибааго;

‘‘Disvā ca sutvā abhisaddahassu, kalyāṇapāpassa ayaṃ vipāko;

галяаан̣абаабз убхаяз асанд̇з, сияаа ну сад̇д̇аа суг̇ад̇аа д̣̇уг̇г̇ад̇аа ваа.

Kalyāṇapāpe ubhaye asante, siyā nu sattā sugatā duggatā vā.

543.

‘‘но жзд̇т̇а гаммаани гарзяяум̣ мажжаа, галяаан̣абаабаани мануссалогз;

‘‘No cettha kammāni kareyyuṃ maccā, kalyāṇapāpāni manussaloke;

наахзсум̣ сад̇д̇аа суг̇ад̇аа д̣̇уг̇г̇ад̇аа ваа, хийнаа бан̣ийд̇аа жа мануссалогз.

Nāhesuṃ sattā sugatā duggatā vā, hīnā paṇītā ca manussaloke.

544.

‘‘яасмаа жа гаммаани гаронд̇и мажжаа, галяаан̣абаабаани мануссалогз;

‘‘Yasmā ca kammāni karonti maccā, kalyāṇapāpāni manussaloke;

д̇асмаа хи сад̇д̇аа суг̇ад̇аа д̣̇уг̇г̇ад̇аа ваа, хийнаа бан̣ийд̇аа жа мануссалогз.

Tasmā hi sattā sugatā duggatā vā, hīnā paṇītā ca manussaloke.

545.

‘‘д̣̇ваяаж̇ж̇а гаммаанам̣ вибаагамааху, сукасса д̣̇угкасса жа взд̣̇анийяам̣;

‘‘Dvayajja kammānaṃ vipākamāhu, sukhassa dukkhassa ca vedanīyaṃ;

д̇аа д̣̇звад̇ааяо барижаараяанд̇и, бажжзнд̇и б̣аалаа д̣̇ваяад̇ам̣ абассино’’д̇и. –

Tā devatāyo paricārayanti, paccenti bālā dvayataṃ apassino’’ti. –

г̇аат̇аа абхааси.

Gāthā abhāsi.

542. д̇ад̇т̇а д̣̇исваа жаад̇и бажжагкад̇о д̣̇исвааби. суд̇ваад̇и д̇хаммам̣ суд̇ваа д̇ад̣̇анусаарзна наяам̣ нзнд̇о ануминанд̇о. галяаан̣абаабассаад̇и гусаласса агусаласса жа гаммасса аяам̣ суко аяам̣ д̣̇угко жа вибаагод̇и абхисад̣̇д̣̇ахассу. убхаяз асанд̇зд̇и галяаан̣з баабз жаад̇и д̣̇увид̇хз гаммз авиж̇ж̇амаанз. сияаа ну сад̇д̇аа суг̇ад̇аа д̣̇уг̇г̇ад̇аа ваад̇и ‘‘имз сад̇д̇аа суг̇ад̇им̣ г̇ад̇аа д̣̇уг̇г̇ад̇им̣ г̇ад̇аа ваа, суг̇ад̇ияам̣ ваа ад̣дхаа д̣̇уг̇г̇ад̇ияам̣ д̣̇алид̣̇д̣̇аа ваа’’д̇и аяамад̇т̇о гим̣ ну сияаа гат̇ам̣ самбхавзяяаад̇и ад̇т̇о.

542. Tattha disvā cāti paccakkhato disvāpi. Sutvāti dhammaṃ sutvā tadanusārena nayaṃ nento anuminanto. Kalyāṇapāpassāti kusalassa akusalassa ca kammassa ayaṃ sukho ayaṃ dukkho ca vipākoti abhisaddahassu. Ubhaye asanteti kalyāṇe pāpe cāti duvidhe kamme avijjamāne. Siyā nu sattā sugatā duggatā vāti ‘‘ime sattā sugatiṃ gatā duggatiṃ gatā vā, sugatiyaṃ vā aḍḍhā duggatiyaṃ daliddā vā’’ti ayamattho kiṃ nu siyā kathaṃ sambhaveyyāti attho.

543-4. ид̣̇аани яат̇аавуд̇д̇амад̇т̇ам̣ ‘‘но жзд̇т̇а гаммааний’’д̇и жа ‘‘яасмаа жа гаммааний’’д̇и жа г̇аат̇аад̣̇ваязна б̣яад̇ирзгад̇о анваяад̇о жа вибхаавзд̇и. д̇ад̇т̇а хийнаа бан̣ийд̇аад̇и гуларуубаарог̇яабариваараад̣̇ийхи хийнаа ул̣аараа жа.

543-4. Idāni yathāvuttamatthaṃ ‘‘nocettha kammānī’’ti ca ‘‘yasmā ca kammānī’’ti ca gāthādvayena byatirekato anvayato ca vibhāveti. Tattha hīnā paṇītāti kularūpārogyaparivārādīhi hīnā uḷārā ca.

545. д̣̇ваяаж̇ж̇а гаммаанам̣ вибаагамаахууд̇и д̣̇ваяам̣ д̣̇увид̇хам̣ аж̇ж̇а ид̣̇аани гаммаанам̣ сужарид̇ад̣̇ужжарид̇аанам̣ вибаагам̣ вад̣̇анд̇и гат̇знд̇и. гим̣ д̇анд̇и ааха ‘‘сукасса д̣̇угкасса жа взд̣̇анийяа’’нд̇и, идтасса жа анидтасса жа анубхаванаяог̇г̇ам̣. д̇аа д̣̇звад̇ааяо барижаараяанд̇ийд̇и яз уггам̣савасзна сукавзд̣̇анийяам̣ вибаагам̣ бадилабханд̇и, д̇з д̣̇звалогз д̇аа д̣̇звад̇аа худ̇ваа д̣̇иб̣б̣асукасамаббид̇аа инд̣̇рияаани барижаарзнд̇и. бажжзнд̇и б̣аалаа д̣̇ваяад̇ам̣ абассинод̇и яз б̣аалаа гамман̃жа гаммапалан̃жаад̇и д̣̇ваяам̣ абассанд̇аа асад̣̇д̣̇аханд̇аа, д̇з баабаббасуд̇аа д̣̇угкавзд̣̇анийяам̣ вибаагам̣ анубхаванд̇аа нираяаад̣̇ийсу гаммунаа бажжзнд̇и д̣̇угкам̣ баабун̣анд̇и.

545.Dvayajja kammānaṃ vipākamāhūti dvayaṃ duvidhaṃ ajja idāni kammānaṃ sucaritaduccaritānaṃ vipākaṃ vadanti kathenti. Kiṃ tanti āha ‘‘sukhassa dukkhassa ca vedanīya’’nti, iṭṭhassa ca aniṭṭhassa ca anubhavanayoggaṃ. Tā devatāyo paricārayantīti ye ukkaṃsavasena sukhavedanīyaṃ vipākaṃ paṭilabhanti, te devaloke tā devatā hutvā dibbasukhasamappitā indriyāni paricārenti. Paccenti bālā dvayataṃ apassinoti ye bālā kammañca kammaphalañcāti dvayaṃ apassantā asaddahantā, te pāpappasutā dukkhavedanīyaṃ vipākaṃ anubhavantā nirayādīsu kammunā paccenti dukkhaṃ pāpuṇanti.

звам̣ гаммапалам̣ сад̣̇д̣̇аханд̇о бана д̇вам̣ гасмаа зваруубам̣ д̣̇угкам̣ бажжанубхавасийд̇и ануяог̇ам̣ санд̇хааяа –

Evaṃ kammaphalaṃ saddahanto pana tvaṃ kasmā evarūpaṃ dukkhaṃ paccanubhavasīti anuyogaṃ sandhāya –

546.

‘‘на мад̇т̇и гаммаани саяам̣гад̇аани, д̣̇ад̇вааби мз над̇т̇и яо аад̣̇исзяяа;

‘‘Na matthi kammāni sayaṃkatāni, datvāpi me natthi yo ādiseyya;

ажчаад̣̇анам̣ саяанамат̇аннабаанам̣, д̇знамхи наг̇г̇о гасираа жа вуд̇д̇ий’’д̇и. –

Acchādanaṃ sayanamathannapānaṃ, tenamhi naggo kasirā ca vuttī’’ti. –

г̇аат̇амааха. д̇ад̇т̇а на мад̇т̇и гаммаани саяам̣гад̇аанийд̇и яасмаа саяам̣ ад̇д̇анаа буб̣б̣з гад̇аани бун̃н̃агаммаани мама над̇т̇и на виж̇ж̇анд̇и, язхи ид̣̇аани ажчаад̣̇анаад̣̇ийни лабхзяяам̣. д̣̇ад̇вааби мз над̇т̇и яо аад̣̇исзяяаад̇и яо саман̣аб̣раахман̣аанам̣ д̣̇аанам̣ д̣̇ад̇ваа ‘‘асугасса бзд̇асса ход̇уу’’д̇и мз аад̣̇исзяяа уд̣̇д̣̇исзяяа, со над̇т̇и. д̇знамхи наг̇г̇о гасираа жа вуд̇д̇ийд̇и д̇зна д̣̇увид̇хзнааби гааран̣зна ид̣̇аани наг̇г̇о нижжол̣о амхи, гасираа д̣̇угкаа жа вуд̇д̇и ж̇ийвигаа ход̇ийд̇и.

Gāthamāha. Tattha na matthi kammāni sayaṃkatānīti yasmā sayaṃ attanā pubbe katāni puññakammāni mama natthi na vijjanti, yehi idāni acchādanādīni labheyyaṃ. Datvāpi me natthi yo ādiseyyāti yo samaṇabrāhmaṇānaṃ dānaṃ datvā ‘‘asukassa petassa hotū’’ti me ādiseyya uddiseyya, so natthi. Tenamhi naggo kasirā ca vuttīti tena duvidhenāpi kāraṇena idāni naggo niccoḷo amhi, kasirā dukkhā ca vutti jīvikā hotīti.

д̇ам̣ суд̇ваа рааж̇аа д̇асса ажчаад̣̇анаад̣̇илаабхам̣ ааган̇канд̇о –

Taṃ sutvā rājā tassa acchādanādilābhaṃ ākaṅkhanto –

547.

‘‘сияаа ну ко гааран̣ам̣ гин̃жи яагка, ажчаад̣̇анам̣ язна д̇увам̣ лабхзт̇а;

‘‘Siyā nu kho kāraṇaṃ kiñci yakkha, acchādanaṃ yena tuvaṃ labhetha;

аажигка мз д̇вам̣ яад̣̇ад̇т̇и хзд̇у, сад̣̇д̇хааяигам̣ хзд̇уважо сун̣омаа’’д̇и. –

Ācikkha me tvaṃ yadatthi hetu, saddhāyikaṃ hetuvaco suṇomā’’ti. –

г̇аат̇амааха. д̇ад̇т̇а язнаад̇и язна гааран̣зна д̇вам̣ ажчаад̣̇анам̣ лабхзт̇а лабхзяяааси, гин̃жи д̇ам̣ гааран̣ам̣ сияаа ну ко бхавзяяа ну код̇и ад̇т̇о. яад̣̇ад̇т̇ийд̇и яад̣̇и ад̇т̇и.

Gāthamāha. Tattha yenāti yena kāraṇena tvaṃ acchādanaṃ labhetha labheyyāsi, kiñci taṃ kāraṇaṃ siyā nu kho bhaveyya nu khoti attho. Yadatthīti yadi atthi.

ат̇асса бзд̇о д̇ам̣ гааран̣ам̣ аажигканд̇о –

Athassa peto taṃ kāraṇaṃ ācikkhanto –

548.

‘‘габбид̇аго наама ид̇хад̇т̇и бхигку, жхааяий сусийло арахаа вимуд̇д̇о;

‘‘Kappitako nāma idhatthi bhikkhu, jhāyī susīlo arahā vimutto;

г̇уд̇д̇инд̣̇рияо сам̣вуд̇абаад̇имогко, сийд̇ибхууд̇о уд̇д̇амад̣̇идтибад̇д̇о.

Guttindriyo saṃvutapātimokkho, sītibhūto uttamadiṭṭhipatto.

549.

‘‘сакило вад̣̇ан̃н̃уу суважо сумуко, свааг̇амо суббадимуд̇д̇аго жа;

‘‘Sakhilo vadaññū suvaco sumukho, svāgamo suppaṭimuttako ca;

бун̃н̃асса кзд̇д̇ам̣ аран̣авихаарий, д̣̇звамануссаанан̃жа д̣̇агкин̣зяяо.

Puññassa khettaṃ araṇavihārī, devamanussānañca dakkhiṇeyyo.

550.

‘‘санд̇о вид̇хуумо анийгхо нираасо, муд̇д̇о висалло амамо аван̇го;

‘‘Santo vidhūmo anīgho nirāso, mutto visallo amamo avaṅko;

нируубад̇хий саб̣б̣абабан̃жакийн̣о, д̇иссо виж̇ж̇аа ануббад̇д̇о ж̇уд̇имаа.

Nirūpadhī sabbapapañcakhīṇo, tisso vijjā anuppatto jutimā.

551.

‘‘аббан̃н̃аад̇о д̣̇исвааби на жа суж̇аано, мунийд̇и нам̣ важ̇ж̇ису вохаранд̇и;

‘‘Appaññāto disvāpi na ca sujāno, munīti naṃ vajjisu voharanti;

ж̇аананд̇и д̇ам̣ яагкабхууд̇аа анзж̇ам̣, галяаан̣ад̇хаммам̣ вижаранд̇ам̣ логз.

Jānanti taṃ yakkhabhūtā anejaṃ, kalyāṇadhammaṃ vicarantaṃ loke.

552.

‘‘д̇асса д̇увам̣ згаяуг̇ам̣ д̣̇увз ваа, мамуд̣̇д̣̇исид̇ваана сажз д̣̇ад̣̇зт̇а;

‘‘Tassa tuvaṃ ekayugaṃ duve vā, mamuddisitvāna sace dadetha;

бадиг̇г̇ахийд̇аани жа д̇аани ассу, маман̃жа бассзт̇а саннад̣̇д̇хад̣̇усса’’нд̇и. –

Paṭiggahītāni ca tāni assu, mamañca passetha sannaddhadussa’’nti. –

г̇аат̇аа абхааси.

Gāthā abhāsi.

548. д̇ад̇т̇а габбид̇ад̇о наамаад̇и ж̇адиласахассасса аб̣бханд̇арз ааяасмад̇о убаалид̇т̇зрасса убаж̇жхааяам̣ санд̇хааяа вад̣̇ад̇и. ид̇хаад̇и имиссаа взсаалияаа самийбз. жхааяийд̇и аг̇г̇апалажхаанзна жхааяий. сийд̇ибхууд̇од̇и саб̣б̣агилзсад̣̇арат̇абарил̣аахавуубасамзна сийд̇ибхааваббад̇д̇о. уд̇д̇амад̣̇идтибад̇д̇од̇и уд̇д̇амам̣ аг̇г̇апалам̣ саммаад̣̇идтим̣ бад̇д̇о.

548. Tattha kappitato nāmāti jaṭilasahassassa abbhantare āyasmato upālittherassa upajjhāyaṃ sandhāya vadati. Idhāti imissā vesāliyā samīpe. Jhāyīti aggaphalajhānena jhāyī. Sītibhūtoti sabbakilesadarathapariḷāhavūpasamena sītibhāvappatto. Uttamadiṭṭhipattoti uttamaṃ aggaphalaṃ sammādiṭṭhiṃ patto.

549. сакилод̇и муд̣̇у. суважод̇и суб̣б̣ажо. свааг̇амод̇и судту ааг̇ад̇ааг̇амо. суббадимуд̇д̇агод̇и судту бадимуд̇д̇агаваажо, муд̇д̇абхаан̣ийд̇и ад̇т̇о. аран̣авихаарийд̇и мзд̇д̇аавихаарий.

549.Sakhiloti mudu. Suvacoti subbaco. Svāgamoti suṭṭhu āgatāgamo. Suppaṭimuttakoti suṭṭhu paṭimuttakavāco, muttabhāṇīti attho. Araṇavihārīti mettāvihārī.

550. санд̇од̇и убасанд̇агилзсо. вид̇хуумод̇и виг̇ад̇амижчаавид̇аггад̇хуумо. анийгход̇и нид̣̇д̣̇угко. нираасод̇и нид̇д̇ан̣хо. муд̇д̇од̇и саб̣б̣абхавзхи вимуд̇д̇о. висаллод̇и вийд̇арааг̇аад̣̇исалло. амамод̇и мамам̣гааравирахид̇о. аван̇год̇и гааяаван̇гаад̣̇иван̇гавирахид̇о. нируубад̇хийд̇и гилзсаабхисан̇каараад̣̇иубад̇хиббахааяий. саб̣б̣абабан̃жакийн̣од̇и баригкийн̣ад̇ан̣хаад̣̇ибабан̃жо. ж̇уд̇имаад̇и ануд̇д̇арааяа н̃аан̣аж̇уд̇ияаа ж̇уд̇имаа. аббан̃н̃аад̇од̇и барамаббижчад̇ааяа бадижчаннаг̇ун̣ад̇ааяа жа на баагадо.

550.Santoti upasantakileso. Vidhūmoti vigatamicchāvitakkadhūmo. Anīghoti niddukkho. Nirāsoti nittaṇho. Muttoti sabbabhavehi vimutto. Visalloti vītarāgādisallo. Amamoti mamaṃkāravirahito. Avaṅkoti kāyavaṅkādivaṅkavirahito. Nirūpadhīti kilesābhisaṅkhārādiupadhippahāyī. Sabbapapañcakhīṇoti parikkhīṇataṇhādipapañco. Jutimāti anuttarāya ñāṇajutiyā jutimā. Appaññātoti paramappicchatāya paṭicchannaguṇatāya ca na pākaṭo.

551. д̣̇исвааби на жа суж̇аанод̇и г̇амбхийрабхаавзна д̣̇исвааби ‘‘звам̣сийло, звам̣д̇хаммо, звам̣бан̃н̃о’’д̇и на сувин̃н̃зяяо. ж̇аананд̇и д̇ам̣ яагкабхууд̇аа анзж̇анд̇и яагкабхууд̇аа жа анзж̇ам̣ нид̇д̇ан̣хам̣ ‘‘арахаа’’д̇и д̇ам̣ ж̇аананд̇и. галяаан̣ад̇хамманд̇и сунд̣̇арасийлаад̣̇иг̇ун̣ам̣.

551.Disvāpi na ca sujānoti gambhīrabhāvena disvāpi ‘‘evaṃsīlo, evaṃdhammo, evaṃpañño’’ti na suviññeyyo. Jānanti taṃ yakkhabhūtā anejanti yakkhabhūtā ca anejaṃ nittaṇhaṃ ‘‘arahā’’ti taṃ jānanti. Kalyāṇadhammanti sundarasīlādiguṇaṃ.

552. д̇ассаад̇и д̇асса габбид̇агамахаат̇зрасса. згаяуг̇анд̇и згам̣ вад̇т̇аяуг̇ам̣. д̣̇увз ваад̇и д̣̇вз ваа вад̇т̇аяуг̇аани. мамуд̣̇д̣̇исид̇ваанаад̇и мамам̣ уд̣̇д̣̇исид̇ваа. бадиг̇г̇ахийд̇аани жа д̇аани ассууд̇и д̇аани вад̇т̇аяуг̇аани д̇зна бадиг̇г̇ахид̇аани жа ассу бхавзяяум̣. саннад̣̇д̇хад̣̇уссанд̇и д̣̇уссзна гад̇асаннаахам̣, лад̣̇д̇хавад̇т̇ам̣ нивад̇т̇абааруд̇ад̣̇уссанд̇и ад̇т̇о.

552.Tassāti tassa kappitakamahātherassa. Ekayuganti ekaṃ vatthayugaṃ. Duve vāti dve vā vatthayugāni. Mamuddisitvānāti mamaṃ uddisitvā. Paṭiggahītānicatāni assūti tāni vatthayugāni tena paṭiggahitāni ca assu bhaveyyuṃ. Sannaddhadussanti dussena katasannāhaṃ, laddhavatthaṃ nivatthapārutadussanti attho.

д̇ад̇о рааж̇аа –

Tato rājā –

553.

‘‘гасмим̣ бад̣̇зсз саман̣ам̣ васанд̇ам̣, г̇анд̇ваана бассзму маяам̣ ид̣̇аани;

‘‘Kasmiṃ padese samaṇaṃ vasantaṃ, gantvāna passemu mayaṃ idāni;

яо маж̇ж̇а ган̇кам̣ вижигижчид̇ан̃жа, д̣̇идтийвисуугаани винод̣̇аязяяаа’’д̇и. –

Yo majja kaṅkhaṃ vicikicchitañca, diṭṭhīvisūkāni vinodayeyyā’’ti. –

т̇зрасса васанадтаанам̣ бужчи. д̇ад̇т̇а гасмим̣ бад̣̇зсзд̇и гад̇арасмим̣ бад̣̇зсз. яо маж̇ж̇аад̇и яо аж̇ж̇а, ма-гааро бад̣̇асанд̇хигаро.

Therassa vasanaṭṭhānaṃ pucchi. Tattha kasmiṃ padeseti katarasmiṃ padese. Yo majjāti yo ajja, ma-kāro padasandhikaro.

д̇ад̇о бзд̇о –

Tato peto –

554.

‘‘зсо нисинно габинажжанааяам̣, бариваарид̇о д̣̇звад̇аахи б̣ахуухи;

‘‘Eso nisinno kapinaccanāyaṃ, parivārito devatāhi bahūhi;

д̇хаммим̣ гат̇ам̣ бхаасад̇и сажжанаамо, сагасмимаажзрагз аббамад̇д̇о’’д̇и. –

Dhammiṃ kathaṃ bhāsati saccanāmo, sakasmimācerake appamatto’’ti. –

г̇аат̇амааха. д̇ад̇т̇а габинажжанааяанд̇и габийнам̣ ваанараанам̣ нажжанзна ‘‘габинажжанаа’’д̇и лад̣̇д̇хавохаарз бад̣̇зсз. сажжанаамод̇и жхааяий сусийло арахаа вимуд̇д̇од̇иаад̣̇ийхи г̇ун̣анаамзхи яаат̇ааванаамо авибарийд̇анаамо .

Gāthamāha. Tattha kapinaccanāyanti kapīnaṃ vānarānaṃ naccanena ‘‘kapinaccanā’’ti laddhavohāre padese. Saccanāmoti jhāyī susīlo arahā vimuttotiādīhi guṇanāmehi yāthāvanāmo aviparītanāmo .

звам̣ бзд̇зна вуд̇д̇з рааж̇аа д̇аавад̣̇зва т̇зрасса санд̇игам̣ г̇анд̇угаамо –

Evaṃ petena vutte rājā tāvadeva therassa santikaṃ gantukāmo –

555.

‘‘д̇ат̇аахам̣ гассаами г̇анд̇ваа ид̣̇аани, ажчаад̣̇аяиссам̣ саман̣ам̣ яуг̇зна;

‘‘Tathāhaṃ kassāmi gantvā idāni, acchādayissaṃ samaṇaṃ yugena;

бадиг̇г̇ахийд̇аани жа д̇аани ассу, д̇уван̃жа бассзму саннад̣̇д̇хад̣̇усса’’нд̇и. –

Paṭiggahītāni ca tāni assu, tuvañca passemu sannaddhadussa’’nti. –

г̇аат̇амааха. д̇ад̇т̇а гассаамийд̇и гариссаами.

Gāthamāha. Tattha kassāmīti karissāmi.

ат̇а бзд̇о ‘‘д̣̇звад̇аанам̣ т̇зро д̇хаммам̣ д̣̇зсзд̇и, д̇асмаа нааяам̣ убасан̇гаманагаало’’д̇и д̣̇ассзнд̇о –

Atha peto ‘‘devatānaṃ thero dhammaṃ deseti, tasmā nāyaṃ upasaṅkamanakālo’’ti dassento –

556.

‘‘маа агкан̣з баб̣б̣аж̇ид̇ам̣ убааг̇ами, саад̇ху во лижчави нзса д̇хаммо;

‘‘Mā akkhaṇe pabbajitaṃ upāgami, sādhu vo licchavi nesa dhammo;

д̇ад̇о жа гаалз убасан̇гамид̇ваа, д̇ад̇т̇зва бассаахи рахо нисинна’’нд̇и. –

Tato ca kāle upasaṅkamitvā, tattheva passāhi raho nisinna’’nti. –

г̇аат̇амааха. д̇ад̇т̇а саад̇хууд̇и ааяаажанз нибаад̇о. во лижчави нзса д̇хаммод̇и, лижчавирааж̇а, д̇умхаагам̣ рааж̇уунам̣ зса д̇хаммо на ход̇и, яам̣ агаалз убасан̇гаманам̣. д̇ад̇т̇зваад̇и д̇асмим̣язва таанз.

Gāthamāha. Tattha sādhūti āyācane nipāto. Vo licchavi nesa dhammoti, licchavirāja, tumhākaṃ rājūnaṃ esa dhammo na hoti, yaṃ akāle upasaṅkamanaṃ. Tatthevāti tasmiṃyeva ṭhāne.

звам̣ бзд̇зна вуд̇д̇з рааж̇аа ‘‘саад̇хуу’’д̇и самбадижчид̇ваа ад̇д̇ано нивзсанамзва г̇анд̇ваа буна яуд̇д̇абад̇д̇агаалз адта вад̇т̇уяуг̇аани г̇аахаабзд̇ваа т̇зрам̣ убасан̇гамид̇ваа згаманд̇ам̣ нисинно бадисант̇аарам̣ гад̇ваа ‘‘имаани, бханд̇з, адта вад̇т̇аяуг̇аани бадиг̇г̇ан̣хаа’’д̇и ааха. д̇ам̣ суд̇ваа т̇зро гат̇аасамудтаабанад̇т̇ам̣ ‘‘махаарааж̇а, буб̣б̣з д̇вам̣ ад̣̇аанасийло саман̣аб̣раахман̣аанам̣ вихзтанаж̇аад̇игова гат̇ам̣ бан̣ийд̇аани вад̇т̇аани д̣̇аад̇угаамо ж̇аад̇о’’д̇и ааха. д̇ам̣ суд̇ваа рааж̇аа д̇асса гааран̣ам̣ аажигканд̇о бзд̇зна самааг̇амам̣, д̇зна жа ад̇д̇анаа жа гат̇ид̇ам̣ саб̣б̣ам̣ т̇зрасса аарожзд̇ваа вад̇т̇аани д̣̇ад̇ваа бзд̇асса уд̣̇д̣̇иси. д̇зна бзд̇о д̣̇иб̣б̣авад̇т̇ад̇харо алан̇гад̇абадияад̇д̇о ассаарул̣хо т̇зрасса жа ран̃н̃о жа бурад̇о баад̇убхави. д̇ам̣ д̣̇исваа рааж̇аа ад̇д̇амано бамуд̣̇ид̇о бийд̇исоманассаж̇аад̇о ‘‘бажжагкад̇о вад̇а маяаа гаммапалам̣ д̣̇идтам̣, на д̣̇аанаахам̣ баабам̣ гариссаами, бун̃н̃амзва гариссаамий’’д̇и вад̇ваа д̇зна бзд̇зна сагким̣ агааси. со жа бзд̇о ‘‘сажз, д̇вам̣ лижчавирааж̇а, ид̇о бадтааяа ад̇хаммам̣ бахааяа д̇хаммам̣ жараси, зваахам̣ д̇ава сагким̣ гариссаами, санд̇иган̃жа д̇з ааг̇амиссаами, суулаавуд̇ан̃жа бурисам̣ сийгхам̣ суулад̇о можзхи, звам̣ со ж̇ийвид̇ам̣ лабхид̇ваа д̇хаммам̣ жаранд̇о д̣̇угкад̇о мужжиссад̇и, т̇зран̃жа гаалзна гаалам̣ убасан̇гамид̇ваа д̇хаммам̣ сун̣анд̇о бун̃н̃аани гарохий’’д̇и вад̇ваа г̇ад̇о.

Evaṃ petena vutte rājā ‘‘sādhū’’ti sampaṭicchitvā attano nivesanameva gantvā puna yuttapattakāle aṭṭha vatthuyugāni gāhāpetvā theraṃ upasaṅkamitvā ekamantaṃ nisinno paṭisanthāraṃ katvā ‘‘imāni, bhante, aṭṭha vatthayugāni paṭiggaṇhā’’ti āha. Taṃ sutvā thero kathāsamuṭṭhāpanatthaṃ ‘‘mahārāja, pubbe tvaṃ adānasīlo samaṇabrāhmaṇānaṃ viheṭhanajātikova kathaṃ paṇītāni vatthāni dātukāmo jāto’’ti āha. Taṃ sutvā rājā tassa kāraṇaṃ ācikkhanto petena samāgamaṃ, tena ca attanā ca kathitaṃ sabbaṃ therassa ārocetvā vatthāni datvā petassa uddisi. Tena peto dibbavatthadharo alaṅkatapaṭiyatto assāruḷho therassa ca rañño ca purato pātubhavi. Taṃ disvā rājā attamano pamudito pītisomanassajāto ‘‘paccakkhato vata mayā kammaphalaṃ diṭṭhaṃ, na dānāhaṃ pāpaṃ karissāmi, puññameva karissāmī’’ti vatvā tena petena sakkhiṃ akāsi. So ca peto ‘‘sace, tvaṃ licchavirāja, ito paṭṭhāya adhammaṃ pahāya dhammaṃ carasi, evāhaṃ tava sakkhiṃ karissāmi, santikañca te āgamissāmi, sūlāvutañca purisaṃ sīghaṃ sūlato mocehi, evaṃ so jīvitaṃ labhitvā dhammaṃ caranto dukkhato muccissati, therañca kālena kālaṃ upasaṅkamitvā dhammaṃ suṇanto puññāni karohī’’ti vatvā gato.

ат̇а рааж̇аа т̇зрам̣ ванд̣̇ид̇ваа наг̇арам̣ бависид̇ваа сийгхам̣ сийгхам̣ лижчавибарисам̣ саннибаад̇зд̇ваа д̇з ануж̇аанаабзд̇ваа д̇ам̣ бурисам̣ суулад̇о можзд̇ваа ‘‘имам̣ арог̇ам̣ гарот̇аа’’д̇и д̇игижчагз аан̣аабзси. т̇зран̃жа убасан̇гамид̇ваа бужчи – ‘‘сияаа ну ко, бханд̇з, нираяаг̇аамигаммам̣ гад̇ваа тид̇асса нираяад̇о муд̇д̇ий’’д̇и. сияаа, махаарааж̇а, сажз ул̣аарам̣ бун̃н̃ам̣ гарод̇и, мужжад̇ийд̇и вад̇ваа т̇зро рааж̇аанам̣ саран̣зсу жа сийлзсу жа бад̇идтаабзси. со д̇ад̇т̇а бад̇идтид̇о т̇зрасса оваад̣̇з тад̇ваа сод̇аабанно ахоси, суулаавуд̇о бана бурисо арог̇о худ̇ваа сам̣взг̇аж̇аад̇о бхигкуусу баб̣б̣аж̇ид̇ваа нажирассзва арахад̇д̇ам̣ баабун̣и. д̇амад̇т̇ам̣ д̣̇ассзнд̇аа сан̇г̇ийд̇игаараа –

Atha rājā theraṃ vanditvā nagaraṃ pavisitvā sīghaṃ sīghaṃ licchaviparisaṃ sannipātetvā te anujānāpetvā taṃ purisaṃ sūlato mocetvā ‘‘imaṃ arogaṃ karothā’’ti tikicchake āṇāpesi. Therañca upasaṅkamitvā pucchi – ‘‘siyā nu kho, bhante, nirayagāmikammaṃ katvā ṭhitassa nirayato muttī’’ti. Siyā, mahārāja, sace uḷāraṃ puññaṃ karoti, muccatīti vatvā thero rājānaṃ saraṇesu ca sīlesu ca patiṭṭhāpesi. So tattha patiṭṭhito therassa ovāde ṭhatvā sotāpanno ahosi, sūlāvuto pana puriso arogo hutvā saṃvegajāto bhikkhūsu pabbajitvā nacirasseva arahattaṃ pāpuṇi. Tamatthaṃ dassentā saṅgītikārā –

557.

‘‘д̇ат̇аад̇и вад̇ваа аг̇амааси д̇ад̇т̇а, бариваарид̇о д̣̇аасаг̇ан̣зна лижчави;

‘‘Tathāti vatvā agamāsi tattha, parivārito dāsagaṇena licchavi;

со д̇ам̣ наг̇арам̣ убасан̇гамид̇ваа, ваасуубаг̇ажчид̇т̇а сагз нивзсанз.

So taṃ nagaraṃ upasaṅkamitvā, vāsūpagacchittha sake nivesane.

558.

‘‘д̇ад̇о жа гаалз г̇ихигижжаани гад̇ваа,

‘‘Tato ca kāle gihikiccāni katvā,

нхад̇ваа бивид̇ваа жа кан̣ам̣ лабхид̇ваа;

Nhatvā pivitvā ca khaṇaṃ labhitvā;

вижзяяа бзл̣аад̇о жа яуг̇аани адта,

Viceyya peḷāto ca yugāni aṭṭha,

г̇аахаабаяий д̣̇аасаг̇ан̣зна лижчави.

Gāhāpayī dāsagaṇena licchavi.

559.

‘‘со д̇ам̣ бад̣̇зсам̣ убасан̇гамид̇ваа, д̇ам̣ ад̣̇д̣̇аса саман̣ам̣ санд̇ажид̇д̇ам̣;

‘‘So taṃ padesaṃ upasaṅkamitvā, taṃ addasa samaṇaṃ santacittaṃ;

бадигганд̇ам̣ г̇ожарад̇о нивад̇д̇ам̣, сийд̇ибхууд̇ам̣ ругкамуулз нисиннам̣.

Paṭikkantaṃ gocarato nivattaṃ, sītibhūtaṃ rukkhamūle nisinnaṃ.

560.

‘‘д̇амзнамавожа убасан̇гамид̇ваа, аббааб̣аад̇хам̣ паасувихааран̃жа бужчи;

‘‘Tamenamavoca upasaṅkamitvā, appābādhaṃ phāsuvihārañca pucchi;

взсаалияам̣ лижчавихам̣ бхад̣̇анд̇з, ж̇аананд̇и мам̣ лижчави амб̣асаггаро.

Vesāliyaṃ licchavihaṃ bhadante, jānanti maṃ licchavi ambasakkaro.

561.

‘‘имаани мз адта яуг̇аа субхаани, бадиг̇г̇ан̣ха бханд̇з бад̣̇ад̣̇аами д̇уяхам̣;

‘‘Imāni me aṭṭha yugā subhāni, paṭiggaṇha bhante padadāmi tuyhaṃ;

д̇знзва ад̇т̇зна ид̇хааг̇ад̇осми, яат̇аа ахам̣ ад̇д̇амано бхавзяяанд̇и.

Teneva atthena idhāgatosmi, yathā ahaṃ attamano bhaveyyanti.

562.

‘‘д̣̇уурад̇ова саман̣аа б̣раахман̣аа жа, нивзсанам̣ д̇з бариваж̇ж̇аяанд̇и;

‘‘Dūratova samaṇā brāhmaṇā ca, nivesanaṃ te parivajjayanti;

бад̇д̇аани бхиж̇ж̇анд̇и жа д̇з нивзсанз, сан̇гхаадияо жааби вид̣̇аалаяанд̇и.

Pattāni bhijjanti ca te nivesane, saṅghāṭiyo cāpi vidālayanti.

563.

‘‘ат̇аабарз баад̣̇агутааригаахи, авам̣сираа саман̣аа баад̇аяанд̇и;

‘‘Athāpare pādakuṭhārikāhi, avaṃsirā samaṇā pātayanti;

зд̇аад̣̇исам̣ баб̣б̣аж̇ид̇аа вихзсам̣, д̇аяаа гад̇ам̣ саман̣аа баабун̣анд̇и.

Etādisaṃ pabbajitā vihesaṃ, tayā kataṃ samaṇā pāpuṇanti.

564.

‘‘д̇ин̣зна д̇зламби на д̇вам̣ ад̣̇ааси, муул̣хасса маг̇г̇амби на баавад̣̇ааси;

‘‘Tiṇena telampi na tvaṃ adāsi, mūḷhassa maggampi na pāvadāsi;

анд̇хасса д̣̇ан̣д̣ам̣ саяамаад̣̇ияааси, зд̇аад̣̇исо гад̣̇арияо асам̣вуд̇о д̇увам̣;

Andhassa daṇḍaṃ sayamādiyāsi, etādiso kadariyo asaṃvuto tuvaṃ;

ат̇а д̇вам̣ гзна ван̣н̣зна гимзва д̣̇исваа, амхзхи саха сам̣вибхааг̇ам̣ гаросийд̇и.

Atha tvaṃ kena vaṇṇena kimeva disvā, amhehi saha saṃvibhāgaṃ karosīti.

565.

‘‘бажжзми бханд̇з яам̣ д̇вам̣ вад̣̇зси, вихзсаяим̣ саман̣з б̣раахман̣з жа;

‘‘Paccemi bhante yaṃ tvaṃ vadesi, vihesayiṃ samaṇe brāhmaṇe ca;

кид̣д̣ад̇т̇иго но жа бад̣̇удтажид̇д̇о, зд̇амби мз д̣̇уггадамзва бханд̇з.

Khiḍḍatthiko no ca paduṭṭhacitto, etampi me dukkaṭameva bhante.

566.

кид̣д̣ааяа яагко басавид̇ваа баабам̣, взд̣̇зд̇и д̣̇угкам̣ асамад̇д̇абхог̇ий;

Khiḍḍāya yakkho pasavitvā pāpaṃ, vedeti dukkhaṃ asamattabhogī;

д̣̇ахаро яуваа наг̇г̇анияасса бхааг̇ий, гим̣ су д̇ад̇о д̣̇угкад̇арасса ход̇и.

Daharo yuvā nagganiyassa bhāgī, kiṃ su tato dukkhatarassa hoti.

567.

‘‘д̇ам̣ д̣̇исваа сам̣взг̇амалад̇т̇ам̣ бханд̇з, д̇аббажжаяаа вааби д̣̇ад̣̇аами д̣̇аанам̣;

‘‘Taṃ disvā saṃvegamalatthaṃ bhante, tappaccayā vāpi dadāmi dānaṃ;

бадиг̇г̇ан̣ха бханд̇з вад̇т̇аяуг̇аани адта, яагкассимаа г̇ажчанд̇у д̣̇агкин̣ааяод̇и.

Paṭiggaṇha bhante vatthayugāni aṭṭha, yakkhassimā gacchantu dakkhiṇāyoti.

568.

‘‘ад̣̇д̇хаа хи д̣̇аанам̣ б̣ахуд̇хаа басад̇т̇ам̣, д̣̇ад̣̇ад̇о жа д̇з агкаяад̇хаммамад̇т̇у;

‘‘Addhā hi dānaṃ bahudhā pasatthaṃ, dadato ca te akkhayadhammamatthu;

бадиг̇ан̣хаами д̇з вад̇т̇аяуг̇аани адта, яагкассимаа г̇ажчанд̇у д̣̇агкин̣ааяод̇и.

Paṭigaṇhāmi te vatthayugāni aṭṭha, yakkhassimā gacchantu dakkhiṇāyoti.

569.

‘‘д̇ад̇о хи со аажамаяид̇ваа лижчави, т̇зрасса д̣̇ад̇ваана яуг̇аани адта;

‘‘Tato hi so ācamayitvā licchavi, therassa datvāna yugāni aṭṭha;

бадиг̇г̇ахийд̇аани жа д̇аани ассу, яагкан̃жа бассзт̇а саннад̣̇д̇хад̣̇уссам̣.

Paṭiggahītāni ca tāni assu, yakkhañca passetha sannaddhadussaṃ.

570.

‘‘д̇амад̣̇д̣̇асаа жанд̣̇анасааралид̇д̇ам̣, ааж̇ан̃н̃амааруул̣хамул̣аараван̣н̣ам̣;

‘‘Tamaddasā candanasāralittaṃ, ājaññamārūḷhamuḷāravaṇṇaṃ;

алан̇гад̇ам̣ саад̇хунивад̇т̇ад̣̇уссам̣, бариваарид̇ам̣ яагкамахид̣̇д̇хибад̇д̇ам̣.

Alaṅkataṃ sādhunivatthadussaṃ, parivāritaṃ yakkhamahiddhipattaṃ.

571.

‘‘со д̇ам̣ д̣̇исваа ад̇д̇амано уд̣̇аг̇г̇о, бахадтажид̇д̇о жа субхаг̇г̇аруубо;

‘‘So taṃ disvā attamano udaggo, pahaṭṭhacitto ca subhaggarūpo;

гамман̃жа д̣̇исваана махаавибаагам̣, санд̣̇идтигам̣ жагкунаа сажчигад̇ваа.

Kammañca disvāna mahāvipākaṃ, sandiṭṭhikaṃ cakkhunā sacchikatvā.

572.

‘‘д̇амзнамавожа убасан̇гамид̇ваа, д̣̇ассаами д̣̇аанам̣ саман̣аб̣раахман̣аанам̣;

‘‘Tamenamavoca upasaṅkamitvā, dassāmi dānaṃ samaṇabrāhmaṇānaṃ;

на жааби мз гин̃жи ад̣̇зяяамад̇т̇и, д̇уван̃жа мз яагка б̣ахуубагаарод̇и.

Na cāpi me kiñci adeyyamatthi, tuvañca me yakkha bahūpakāroti.

573.

‘‘д̇уван̃жа мз лижчави згад̣̇зсам̣, ад̣̇ааси д̣̇аанаани амогхамзд̇ам̣;

‘‘Tuvañca me licchavi ekadesaṃ, adāsi dānāni amoghametaṃ;

сваахам̣ гариссаами д̇аяаава сагким̣, амаанусо маанусагзна сад̣̇д̇хинд̇и.

Svāhaṃ karissāmi tayāva sakkhiṃ, amānuso mānusakena saddhinti.

574.

‘‘г̇ад̇ий жа б̣анд̇хуу жа барааяан̣ан̃жа, мид̇д̇о мамааси ат̇а д̣̇звад̇аа мз;

‘‘Gatī ca bandhū ca parāyaṇañca, mitto mamāsi atha devatā me;

яаажаами д̇ам̣ бан̃ж̇алиго бхавид̇ваа, ижчаами д̇ам̣ яагка бунаби д̣̇адтунд̇и.

Yācāmi taṃ pañjaliko bhavitvā, icchāmi taṃ yakkha punapi daṭṭhunti.

575.

‘‘сажз д̇увам̣ ассад̣̇д̇хо бхависсаси, гад̣̇арияаруубо виббадибаннажид̇д̇о;

‘‘Sace tuvaṃ assaddho bhavissasi, kadariyarūpo vippaṭipannacitto;

д̇вам̣ нзва мам̣ лажчаси д̣̇ассанааяа, д̣̇исваа жа д̇ам̣ ноби жа аалабиссам̣.

Tvaṃ neva maṃ lacchasi dassanāya, disvā ca taṃ nopi ca ālapissaṃ.

576.

‘‘сажз бана д̇вам̣ бхависсаси д̇хаммаг̇аараво, д̣̇аанз рад̇о сан̇г̇ахид̇ад̇д̇абхааво;

‘‘Sace pana tvaṃ bhavissasi dhammagāravo, dāne rato saṅgahitattabhāvo;

обаанабхууд̇о саман̣аб̣раахман̣аанам̣, звам̣ мамам̣ лажчаси д̣̇ассанааяа.

Opānabhūto samaṇabrāhmaṇānaṃ, evaṃ mamaṃ lacchasi dassanāya.

577.

‘‘д̣̇исваа жа д̇ам̣ аалабиссам̣ бхад̣̇анд̇з, иман̃жа суулад̇о лахум̣ бамун̃жа;

‘‘Disvā ca taṃ ālapissaṃ bhadante, imañca sūlato lahuṃ pamuñca;

яад̇онид̣̇аанам̣ агаримха сагким̣, ман̃н̃аами суулаавуд̇агасса гааран̣аа.

Yatonidānaṃ akarimha sakkhiṃ, maññāmi sūlāvutakassa kāraṇā.

578.

‘‘д̇з ан̃н̃аман̃н̃ам̣ агаримха сагким̣, аяан̃жа суулад̇о лахум̣ бамуд̇д̇о;

‘‘Te aññamaññaṃ akarimha sakkhiṃ, ayañca sūlato lahuṃ pamutto;

саггажжа д̇хаммаани самаажаранд̇о, мужжзяяа со нираяаа жа д̇амхаа;

Sakkacca dhammāni samācaranto, mucceyya so nirayā ca tamhā;

гаммам̣ сияаа ан̃н̃ад̇ра взд̣̇анийяам̣.

Kammaṃ siyā aññatra vedanīyaṃ.

579.

‘‘габбид̇аган̃жа убасан̇гамид̇ваа, д̇знзва саха сам̣вибхаж̇ид̇ваа гаалз;

‘‘Kappitakañca upasaṅkamitvā, teneva saha saṃvibhajitvā kāle;

саяам̣ мукзнуубанисаж̇ж̇а бужча, со д̇з агкиссад̇и зд̇амад̇т̇ам̣.

Sayaṃ mukhenūpanisajja puccha, so te akkhissati etamatthaṃ.

580.

‘‘д̇амзва бхигкум̣ убасан̇гамид̇ваа, бужчассу ан̃н̃ад̇т̇иго но жа бад̣̇удтажид̇д̇о;

‘‘Tameva bhikkhuṃ upasaṅkamitvā, pucchassu aññatthiko no ca paduṭṭhacitto;

со д̇з суд̇ам̣ асуд̇ан̃жааби д̇хаммам̣, саб̣б̣амби агкиссад̇и яат̇аа баж̇аананд̇и.

So te sutaṃ asutañcāpi dhammaṃ, sabbampi akkhissati yathā pajānanti.

581.

‘‘со д̇ад̇т̇а рахассам̣ самуллабид̇ваа, сагким̣ гарид̇ваана амаанусзна;

‘‘So tattha rahassaṃ samullapitvā, sakkhiṃ karitvāna amānusena;

баггаами со лижчавинам̣ сагаасам̣, ат̇а б̣рави барисам̣ саннисиннам̣.

Pakkāmi so licchavinaṃ sakāsaṃ, atha bravi parisaṃ sannisinnaṃ.

582.

‘‘‘сун̣анд̇у бхонд̇о мама згаваагяам̣, варам̣ вариссам̣ лабхиссаами ад̇т̇ам̣;

‘‘‘Suṇantu bhonto mama ekavākyaṃ, varaṃ varissaṃ labhissāmi atthaṃ;

суулаавуд̇о бурисо луд̣̇д̣̇агаммо, бан̣ихид̇ад̣̇ан̣д̣о анусад̇д̇аруубо.

Sūlāvuto puriso luddakammo, paṇihitadaṇḍo anusattarūpo.

583.

‘‘‘зд̇д̇аавад̇аа вийсад̇ирад̇д̇имад̇д̇аа, яад̇о аавуд̇о нзва ж̇ийвад̇и на мад̇о;

‘‘‘Ettāvatā vīsatirattimattā, yato āvuto neva jīvati na mato;

д̇аахам̣ можаяиссаами д̣̇аани, яат̇аамад̇им̣ ануж̇аанаад̇у сан̇гхо’д̇и.

Tāhaṃ mocayissāmi dāni, yathāmatiṃ anujānātu saṅgho’ti.

584.

‘‘‘зд̇ан̃жа ан̃н̃ан̃жа лахум̣ бамун̃жа, го д̇ам̣ вад̣̇зт̇а д̇ат̇аа гаронд̇ам̣;

‘‘‘Etañca aññañca lahuṃ pamuñca, ko taṃ vadetha tathā karontaṃ;

яат̇аа баж̇аанааси д̇ат̇аа гарохи, яат̇аамад̇им̣ ануж̇аанаад̇и сан̇гхо’д̇и.

Yathā pajānāsi tathā karohi, yathāmatiṃ anujānāti saṅgho’ti.

585.

‘‘со д̇ам̣ бад̣̇зсам̣ убасан̇гамид̇ваа, суулаавуд̇ам̣ можаяи киббамзва;

‘‘So taṃ padesaṃ upasaṅkamitvā, sūlāvutaṃ mocayi khippameva;

маа бхааяи саммаад̇и жа д̇ам̣ авожа, д̇игижчагаанан̃жа убадтабзси.

Mā bhāyi sammāti ca taṃ avoca, tikicchakānañca upaṭṭhapesi.

586.

‘‘габбид̇аган̃жа убасан̇гамид̇ваа, д̇знзва саха сам̣вибхаж̇ид̇ваа гаалз;

‘‘Kappitakañca upasaṅkamitvā, teneva saha saṃvibhajitvā kāle;

саяам̣ мукзнуубанисаж̇ж̇а лижчави, д̇ат̇зва бужчид̇т̇а нам̣ гааран̣ад̇т̇иго.

Sayaṃ mukhenūpanisajja licchavi, tatheva pucchittha naṃ kāraṇatthiko.

587.

‘‘суулаавуд̇о бурисо луд̣̇д̣̇агаммо, бан̣ийд̇ад̣̇ан̣д̣о анусад̇д̇аруубо;

‘‘Sūlāvuto puriso luddakammo, paṇītadaṇḍo anusattarūpo;

зд̇д̇аавад̇аа вийсад̇ирад̇д̇имад̇д̇аа, яад̇о аавуд̇о нзва ж̇ийвад̇и на мад̇о.

Ettāvatā vīsatirattimattā, yato āvuto neva jīvati na mato.

588.

‘‘со можид̇о г̇анд̇ваа маяаа ид̣̇аани, зд̇асса яагкасса важо хи бханд̇з;

‘‘So mocito gantvā mayā idāni, etassa yakkhassa vaco hi bhante;

сияаа ну ко гааран̣ам̣ гин̃жид̣̇зва, язна со нираяам̣ но важ̇зяяа.

Siyā nu kho kāraṇaṃ kiñcideva, yena so nirayaṃ no vajeyya.

589.

‘‘аажигка бханд̇з яад̣̇и ад̇т̇и хзд̇у, сад̣̇д̇хааяигам̣ хзд̇уважо сун̣ома;

‘‘Ācikkha bhante yadi atthi hetu, saddhāyikaṃ hetuvaco suṇoma;

на д̇зсам̣ гаммаанам̣ винаасамад̇т̇и, авзд̣̇аяид̇ваа ид̇ха б̣яанд̇ибхаавод̇и.

Na tesaṃ kammānaṃ vināsamatthi, avedayitvā idha byantibhāvoti.

590.

‘‘сажз са д̇хаммаани самаажарзяяа, саггажжа рад̇д̇инд̣̇ивамаббамад̇д̇о;

‘‘Sace sa dhammāni samācareyya, sakkacca rattindivamappamatto;

мужжзяяа со нираяаа жа д̇амхаа, гаммам̣ сияаа ан̃н̃ад̇ра взд̣̇анийяанд̇и.

Mucceyya so nirayā ca tamhā, kammaṃ siyā aññatra vedanīyanti.

591.

‘‘ан̃н̃аад̇о зсо бурисасса ад̇т̇о, мамамби д̣̇аани анугамба бханд̇з;

‘‘Aññāto eso purisassa attho, mamampi dāni anukampa bhante;

анусааса мам̣ овад̣̇а бхуурибан̃н̃а, яат̇аа ахам̣ но нираяам̣ важ̇зяяанд̇и.

Anusāsa maṃ ovada bhūripañña, yathā ahaṃ no nirayaṃ vajeyyanti.

592.

‘‘аж̇ж̇зва б̣уд̣̇д̇хам̣ саран̣ам̣ убзхи, д̇хамман̃жа сан̇гхан̃жа басаннажид̇д̇о;

‘‘Ajjeva buddhaṃ saraṇaṃ upehi, dhammañca saṅghañca pasannacitto;

д̇ат̇зва сигкааяа бад̣̇аани бан̃жа, акан̣д̣апуллаани самаад̣̇ияассу.

Tatheva sikkhāya padāni pañca, akhaṇḍaphullāni samādiyassu.

593.

‘‘баан̣аад̇ибаад̇аа вирамассу киббам̣, логз ад̣̇иннам̣ бариваж̇ж̇аяассу;

‘‘Pāṇātipātā viramassu khippaṃ, loke adinnaṃ parivajjayassu;

амаж̇ж̇або маа жа мусаа абхаан̣ий, сагзна д̣̇аарзна жа ход̇и д̇удто;

Amajjapo mā ca musā abhāṇī, sakena dārena ca hoti tuṭṭho;

иман̃жа арияам̣ адтан̇г̇аварзнубзд̇ам̣, самаад̣̇ияаахи гусалам̣ сукуд̣̇раяам̣.

Imañca ariyaṃ aṭṭhaṅgavarenupetaṃ, samādiyāhi kusalaṃ sukhudrayaṃ.

594.

‘‘жийварам̣ бин̣д̣абаад̇ан̃жа, бажжаяам̣ саяанаасанам̣;

‘‘Cīvaraṃ piṇḍapātañca, paccayaṃ sayanāsanaṃ;

аннам̣ баанам̣ каад̣̇анийяам̣, вад̇т̇асзнаасанаани жа;

Annaṃ pānaṃ khādanīyaṃ, vatthasenāsanāni ca;

д̣̇ад̣̇аахи уж̇убхууд̇зсу, виббасаннзна жзд̇асаа.

Dadāhi ujubhūtesu, vippasannena cetasā.

595.

‘‘бхигкууби сийласамбаннз, вийд̇арааг̇з б̣ахуссуд̇з;

‘‘Bhikkhūpi sīlasampanne, vītarāge bahussute;

д̇аббзхи аннабаанзна, сад̣̇аа бун̃н̃ам̣ бавад̣дхад̇и.

Tappehi annapānena, sadā puññaṃ pavaḍḍhati.

596.

‘‘зван̃жа д̇хаммаани самаажаранд̇о, саггажжа рад̇д̇инд̣̇ивамаббамад̇д̇о;

‘‘Evañca dhammāni samācaranto, sakkacca rattindivamappamatto;

мун̃жа д̇увам̣ нираяаа жа д̇амхаа, гаммам̣ сияаа ан̃н̃ад̇ра взд̣̇анийяанд̇и.

Muñca tuvaṃ nirayā ca tamhā, kammaṃ siyā aññatra vedanīyanti.

597.

‘‘аж̇ж̇зва б̣уд̣̇д̇хам̣ саран̣ам̣ убзми, д̇хамман̃жа сан̇гхан̃жа басаннажид̇д̇о;

‘‘Ajjeva buddhaṃ saraṇaṃ upemi, dhammañca saṅghañca pasannacitto;

д̇ат̇зва сигкааяа бад̣̇аани бан̃жа, акан̣д̣апуллаани самаад̣̇ияаами.

Tatheva sikkhāya padāni pañca, akhaṇḍaphullāni samādiyāmi.

598.

‘‘баан̣аад̇ибаад̇аа вирамаами киббам̣, логз ад̣̇иннам̣ бариваж̇ж̇аяаами;

‘‘Pāṇātipātā viramāmi khippaṃ, loke adinnaṃ parivajjayāmi;

амаж̇ж̇або но жа мусаа бхан̣аами, сагзна д̣̇аарзна жа хоми д̇удто;

Amajjapo no ca musā bhaṇāmi, sakena dārena ca homi tuṭṭho;

иман̃жа арияам̣ адтан̇г̇аварзнубзд̇ам̣, самаад̣̇ияаами гусалам̣ сукуд̣̇раяам̣.

Imañca ariyaṃ aṭṭhaṅgavarenupetaṃ, samādiyāmi kusalaṃ sukhudrayaṃ.

599.

‘‘жийварам̣ бин̣д̣абаад̇ан̃жа, бажжаяам̣ саяанаасанам̣;

‘‘Cīvaraṃ piṇḍapātañca, paccayaṃ sayanāsanaṃ;

аннам̣ баанам̣ каад̣̇анийяам̣, вад̇т̇асзнаасанаани жа.

Annaṃ pānaṃ khādanīyaṃ, vatthasenāsanāni ca.

600.

‘‘бхигкуу жа сийласамбаннз, вийд̇арааг̇з б̣ахуссуд̇з;

‘‘Bhikkhū ca sīlasampanne, vītarāge bahussute;

д̣̇ад̣̇аами на вигамбаами, б̣уд̣̇д̇хаанам̣ саасанз рад̇од̇и.

Dadāmi na vikampāmi, buddhānaṃ sāsane ratoti.

601.

‘‘зд̇аад̣̇исо лижчави амб̣асаггаро, взсаалияам̣ ан̃н̃ад̇аро убаасаго;

‘‘Etādiso licchavi ambasakkaro, vesāliyaṃ aññataro upāsako;

сад̣̇д̇хо муд̣̇уу гаарагаро жа бхигку, сан̇гхан̃жа саггажжа д̇ад̣̇аа убадтахи.

Saddho mudū kārakaro ca bhikkhu, saṅghañca sakkacca tadā upaṭṭhahi.

602.

‘‘суулаавуд̇о жа арог̇о худ̇ваа, сзрий сукий баб̣б̣аж̇ж̇ам̣ убааг̇ами;

‘‘Sūlāvuto ca arogo hutvā, serī sukhī pabbajjaṃ upāgami;

бхигкун̃жа ааг̇амма габбид̇агуд̇д̇амам̣, убхоби сааман̃н̃апалаани аж̇жхаг̇ум̣.

Bhikkhuñca āgamma kappitakuttamaṃ, ubhopi sāmaññaphalāni ajjhaguṃ.

603.

‘‘зд̇аад̣̇исаа саббурисаана сзванаа, махабпалаа ход̇и сад̇ам̣ виж̇аанад̇ам̣;

‘‘Etādisā sappurisāna sevanā, mahapphalā hoti sataṃ vijānataṃ;

суулаавуд̇о аг̇г̇апалам̣ апассаяи, палам̣ ганидтам̣ бана амб̣асаггаро’’д̇и. –

Sūlāvuto aggaphalaṃ aphassayi, phalaṃ kaniṭṭhaṃ pana ambasakkaro’’ti. –

г̇аат̇ааяо авожум̣.

Gāthāyo avocuṃ.

557-560. д̇ад̇т̇а ваасуубаг̇ажчид̇т̇аад̇и ваасам̣ убаг̇ажчи. г̇ихигижжаанийд̇и г̇зхам̣ аавасанд̇зна гаад̇аб̣б̣агудумб̣агижжаани. вижзяяаад̇и сунд̣̇аравад̇т̇аг̇ахан̣ад̇т̇ам̣ вижинид̇ваа. бадигганд̇анд̇и бин̣д̣абаад̇ад̇о бадигганд̇ам̣. д̇знааха ‘‘г̇ожарад̇о нивад̇д̇а’’нд̇и. авожаад̇и ‘‘взсаалияам̣ лижчавихам̣, бхад̣̇анд̇з’’д̇иаад̣̇игам̣ авожа.

557-560. Tattha vāsūpagacchitthāti vāsaṃ upagacchi. Gihikiccānīti gehaṃ āvasantena kātabbakuṭumbakiccāni. Viceyyāti sundaravatthagahaṇatthaṃ vicinitvā. Paṭikkantanti piṇḍapātato paṭikkantaṃ. Tenāha ‘‘gocarato nivatta’’nti. Avocāti ‘‘vesāliyaṃ licchavihaṃ, bhadante’’tiādikaṃ avoca.

562-3. вид̣̇аалаяанд̇ийд̇и випаалаяанд̇и. баад̣̇агутааригаахийд̇и баад̣̇асан̇каад̇аахи гутаарийхи. баад̇аяанд̇ийд̇и барибаад̇аяанд̇и.

562-3.Vidālayantīti viphālayanti. Pādakuṭhārikāhīti pādasaṅkhātāhi kuṭhārīhi. Pātayantīti paripātayanti.

564. д̇ин̣знаад̇и д̇ин̣аг̇г̇знааби. муул̣хасса маг̇г̇амби на баавад̣̇аасийд̇и маг̇г̇амуул̣хасса маг̇г̇амби д̇вам̣ на гат̇аяаси ‘‘звааяам̣ бурисаа ид̇о жид̇о жа бариб̣бхамад̇уу’’д̇и. гзл̣ийсийло хи аяам̣ рааж̇аа. саяамаад̣̇ияаасийд̇и анд̇хасса хад̇т̇ад̇о яадтим̣ саяамзва ажчинд̣̇ид̇ваа г̇ан̣хаси. сам̣вибхааг̇ам̣ гаросийд̇и ад̇д̇анаа барибхун̃ж̇ид̇аб̣б̣авад̇т̇уд̇о згажжаани д̣̇ад̇ваа сам̣вибхаж̇аси.

564.Tiṇenāti tiṇaggenāpi. Mūḷhassa maggampi na pāvadāsīti maggamūḷhassa maggampi tvaṃ na kathayasi ‘‘evāyaṃ purisā ito cito ca paribbhamatū’’ti. Keḷīsīlo hi ayaṃ rājā. Sayamādiyāsīti andhassa hatthato yaṭṭhiṃ sayameva acchinditvā gaṇhasi. Saṃvibhāgaṃ karosīti attanā paribhuñjitabbavatthuto ekaccāni datvā saṃvibhajasi.

565. бажжзми, бханд̇з, яам̣ д̇вам̣ вад̣̇зсийд̇и ‘‘бханд̇з, д̇вам̣ бад̇д̇аани бхиж̇ж̇анд̇ий’’д̇иаад̣̇инаа яам̣ вад̣̇зси, д̇ам̣ бадиж̇аанаами, саб̣б̣амзвзд̇ам̣ маяаа гад̇ам̣ гаараабид̇ан̃жаад̇и д̣̇ассзд̇и. зд̇амбийд̇и зд̇ам̣ кид̣д̣аад̇хиббааязна гад̇амби.

565.Paccemi, bhante, yaṃ tvaṃ vadesīti ‘‘bhante, tvaṃ pattāni bhijjantī’’tiādinā yaṃ vadesi, taṃ paṭijānāmi, sabbamevetaṃ mayā kataṃ kārāpitañcāti dasseti. Etampīti etaṃ khiḍḍādhippāyena katampi.

566-7. кид̣д̣аад̇и кид̣д̣ааяа. басавид̇ваад̇и убажинид̇ваа. взд̣̇зд̇ийд̇и анубхавад̇и. асамад̇д̇абхог̇ийд̇и абарибун̣н̣абхог̇о. д̇амзва абарибун̣н̣абхог̇ад̇ам̣ д̣̇ассзд̇ум̣ ‘‘д̣̇ахаро яуваа’’д̇иаад̣̇и вуд̇д̇ам̣. наг̇г̇анияассаад̇и наг̇г̇абхаавасса. гим̣ су д̇ад̇о д̣̇угкад̇арасса ход̇ийд̇и гим̣ су наама д̇ад̇о наг̇г̇абхаавад̇о д̣̇угкад̇арам̣ асса бзд̇асса ход̇и. яагкассимаа г̇ажчанд̇у д̣̇агкин̣ааяод̇и имаа маяаа д̣̇ияяамаанавад̇т̇ад̣̇агкин̣ааяо бзд̇асса убагаббанд̇у.

566-7.Khiḍḍāti khiḍḍāya. Pasavitvāti upacinitvā. Vedetīti anubhavati. Asamattabhogīti aparipuṇṇabhogo. Tameva aparipuṇṇabhogataṃ dassetuṃ ‘‘daharo yuvā’’tiādi vuttaṃ. Nagganiyassāti naggabhāvassa. Kiṃ su tato dukkhatarassa hotīti kiṃ su nāma tato naggabhāvato dukkhataraṃ assa petassa hoti. Yakkhassimā gacchantu dakkhiṇāyoti imā mayā diyyamānavatthadakkhiṇāyo petassa upakappantu.

568-72. б̣ахуд̇хаа басад̇т̇анд̇и б̣ахуухи багаарзхи б̣уд̣̇д̇хаад̣̇ийхи ван̣н̣ид̇ам̣. агкаяад̇хаммамад̇т̇ууд̇и абаригкаяад̇хаммам̣ ход̇у. аажамаяид̇ваад̇и хад̇т̇абаад̣̇ад̇хованабуб̣б̣агам̣ мукам̣ вигкаалзд̇ваа. жанд̣̇анасааралид̇д̇анд̇и саарабхууд̇ажанд̣̇аналид̇д̇ам̣. ул̣аараван̣н̣анд̇и сздтаруубам̣. бариваарид̇анд̇и анугулавуд̇д̇инаа бариж̇анзна бариваарид̇ам̣. яагкамахид̣̇д̇хибад̇д̇анд̇и махад̇им̣ яагкид̣̇д̇хим̣, д̣̇звид̣̇д̇хим̣ бад̇ваа тид̇ам̣. д̇амзнамавожаад̇и д̇амзнам̣ авожа.

568-72.Bahudhāpasatthanti bahūhi pakārehi buddhādīhi vaṇṇitaṃ. Akkhayadhammamatthūti aparikkhayadhammaṃ hotu. Ācamayitvāti hatthapādadhovanapubbakaṃ mukhaṃ vikkhāletvā. Candanasāralittanti sārabhūtacandanalittaṃ. Uḷāravaṇṇanti seṭṭharūpaṃ. Parivāritanti anukulavuttinā parijanena parivāritaṃ. Yakkhamahiddhipattanti mahatiṃ yakkhiddhiṃ, deviddhiṃ patvā ṭhitaṃ. Tamenamavocāti tamenaṃ avoca.

573. згад̣̇зсам̣ ад̣̇аасийд̇и жад̇уусу бажжаязсу згад̣̇зсабхууд̇ам̣ вад̇т̇ад̣̇аанам̣ санд̇хааяа вад̣̇ад̇и. сагкинд̇и сагкибхаавам̣.

573.Ekadesaṃ adāsīti catūsu paccayesu ekadesabhūtaṃ vatthadānaṃ sandhāya vadati. Sakkhinti sakkhibhāvaṃ.

574. мамаасийд̇и мз ааси. д̣̇звад̇аа мзд̇и маяхам̣ д̣̇звад̇аа аасийд̇и яож̇анаа.

574.Mamāsīti me āsi. Devatā meti mayhaṃ devatā āsīti yojanā.

575-7. виббадибаннажид̇д̇од̇и мижчаад̣̇идтим̣ бадибаннамаанасо, д̇хаммияам̣ бадибад̣̇ам̣ бахааяа ад̇хаммияам̣ бадибад̣̇ам̣ бадибаннод̇и ад̇т̇о. яад̇онид̣̇аананд̇и яаннимид̇д̇ам̣ яасса санд̇игам̣ ааг̇аманахзд̇у.

575-7.Vippaṭipannacittoti micchādiṭṭhiṃ paṭipannamānaso, dhammiyaṃ paṭipadaṃ pahāya adhammiyaṃ paṭipadaṃ paṭipannoti attho. Yatonidānanti yannimittaṃ yassa santikaṃ āgamanahetu.

579. сам̣вибхаж̇ид̇ваад̇и д̣̇аанасам̣вибхааг̇ам̣ гад̇ваа. саяам̣ мукзнуубанисаж̇ж̇а бужчаад̇и ан̃н̃з бурисз абзсзд̇ваа убинисийд̣̇ид̇ваа саммукзнзва бужча.

579.Saṃvibhajitvāti dānasaṃvibhāgaṃ katvā. Sayaṃ mukhenūpanisajja pucchāti aññe purise apesetvā upinisīditvā sammukheneva puccha.

581-3. саннисиннанд̇и саннибад̇ид̇авасзна нисиннам̣. лабхиссаами ад̇т̇анд̇и маяаа ижчид̇амби ад̇т̇ам̣ лабхиссаами. бан̣ихид̇ад̣̇ан̣д̣од̇и табид̇асарийрад̣̇ан̣д̣о. анусад̇д̇аруубод̇и рааж̇ини анусад̇д̇асабхааво. вийсад̇ирад̇д̇имад̇д̇аад̇и вийсад̇имад̇д̇аа рад̇д̇ияо ад̇ивад̇д̇аад̇и ад̇т̇о. д̇ааханд̇и д̇ам̣ ахам̣. яат̇аамад̇инд̇и маяхам̣ яат̇ааружи.

581-3.Sannisinnanti sannipatitavasena nisinnaṃ. Labhissāmi atthanti mayā icchitampi atthaṃ labhissāmi. Paṇihitadaṇḍoti ṭhapitasarīradaṇḍo. Anusattarūpoti rājini anusattasabhāvo. Vīsatirattimattāti vīsatimattā rattiyo ativattāti attho. Tāhanti taṃ ahaṃ. Yathāmatinti mayhaṃ yathāruci.

584. зд̇ан̃жа ан̃н̃ан̃жаад̇и зд̇ам̣ суулз аавуд̇ам̣ бурисам̣ ан̃н̃ан̃жа яасса рааж̇аан̣аа бан̣ихид̇аа, д̇ан̃жа. лахум̣ бамун̃жаад̇и сийгхам̣ можзхи. го д̇ам̣ вад̣̇зт̇а д̇ат̇аа гаронд̇анд̇и д̇ат̇аа д̇хаммияагаммам̣ гаронд̇ам̣ д̇ам̣ имасмим̣ важ̇ж̇ирадтз го наама ‘‘на баможзхий’’д̇и вад̣̇зяяа, звам̣ вад̇д̇ум̣ гожиби на лабхад̇ийд̇и ад̇т̇о.

584.Etañcaaññañcāti etaṃ sūle āvutaṃ purisaṃ aññañca yassa rājāṇā paṇihitā, tañca. Lahuṃ pamuñcāti sīghaṃ mocehi. Ko taṃ vadetha tathā karontanti tathā dhammiyakammaṃ karontaṃ taṃ imasmiṃ vajjiraṭṭhe ko nāma ‘‘na pamocehī’’ti vadeyya, evaṃ vattuṃ kocipi na labhatīti attho.

585. д̇игижчагаанан̃жаад̇и д̇игижчагз жа.

585.Tikicchakānañcāti tikicchake ca.

588. яагкасса важод̇и бзд̇асса важанам̣, д̇асса, бханд̇з, бзд̇асса важанзна звамагаасинд̇и д̣̇ассзд̇и.

588.Yakkhassa vacoti petassa vacanaṃ, tassa, bhante, petassa vacanena evamakāsinti dasseti.

590. д̇хаммаанийд̇и буб̣б̣з гад̇ам̣ баабагаммам̣ абхибхавид̇ум̣ самад̇т̇з бун̃н̃ад̇хаммз. гаммам̣ сияаа ан̃н̃ад̇ра взд̣̇анийяанд̇и яам̣ д̇асмим̣ баабагаммз убабаж̇ж̇авзд̣̇анийяам̣, д̇ам̣ ахосигаммам̣ наама ход̇и. яам̣ бана абарабарияааяавзд̣̇анийяам̣, д̇ам̣ ан̃н̃ад̇ра абарабарияааяз взд̣̇аяид̇аб̣б̣апалам̣ ход̇и сад̇и сам̣саараббавад̇д̇ияанд̇и ад̇т̇о.

590.Dhammānīti pubbe kataṃ pāpakammaṃ abhibhavituṃ samatthe puññadhamme. Kammaṃ siyā aññatra vedanīyanti yaṃ tasmiṃ pāpakamme upapajjavedanīyaṃ, taṃ ahosikammaṃ nāma hoti. Yaṃ pana aparapariyāyavedanīyaṃ, taṃ aññatra aparapariyāye vedayitabbaphalaṃ hoti sati saṃsārappavattiyanti attho.

593. иман̃жаад̇и ад̇д̇анаа вужжамаанам̣ д̇ааяа аасаннам̣ бажжагкам̣ ваад̇и гад̇ваа вуд̇д̇ам̣. арияам̣ адтан̇г̇аварзнубзд̇анд̇и барисуд̣̇д̇хадтзна арияам̣, баан̣аад̇ибаад̇аавзраман̣иаад̣̇ийхи адтахи ан̇г̇зхи убзд̇ам̣ яуд̇д̇ам̣ уд̇д̇амам̣ убосат̇асийлам̣. гусаланд̇и анаваж̇ж̇ам̣. сукуд̣̇раяанд̇и сукавибаагам̣.

593.Imañcāti attanā vuccamānaṃ tāya āsannaṃ paccakkhaṃ vāti katvā vuttaṃ. Ariyaṃ aṭṭhaṅgavarenupetanti parisuddhaṭṭhena ariyaṃ, pāṇātipātāveramaṇiādīhi aṭṭhahi aṅgehi upetaṃ yuttaṃ uttamaṃ uposathasīlaṃ. Kusalanti anavajjaṃ. Sukhudrayanti sukhavipākaṃ.

595. сад̣̇аа бун̃н̃ам̣ бавад̣дхад̇ийд̇и сагид̣̇зва бун̃н̃ам̣ гад̇ваа ‘‘аламзд̇д̇аавад̇аа’’д̇и абарид̇удто худ̇ваа абараабарам̣ сужарид̇ам̣ буурзнд̇асса саб̣б̣агаалам̣ бун̃н̃ам̣ абхивад̣дхад̇и, абараабарам̣ ваа сужарид̇ам̣ буурзнд̇асса бун̃н̃асан̇каад̇ам̣ бун̃н̃апалам̣ убаруубари вад̣дхад̇и барибуурзд̇ийд̇и ад̇т̇о.

595.Sadā puññaṃ pavaḍḍhatīti sakideva puññaṃ katvā ‘‘alamettāvatā’’ti aparituṭṭho hutvā aparāparaṃ sucaritaṃ pūrentassa sabbakālaṃ puññaṃ abhivaḍḍhati, aparāparaṃ vā sucaritaṃ pūrentassa puññasaṅkhātaṃ puññaphalaṃ uparūpari vaḍḍhati paripūretīti attho.

597. звам̣ т̇зрзна вуд̇д̇з рааж̇аа абааяад̣̇угкад̇о уд̇расд̇ажид̇д̇о рад̇анад̇д̇аяз бун̃н̃ад̇хаммз жа абхивад̣дхамаанабасаад̣̇о д̇ад̇о бадтааяа саран̣аани сийлаани жа самаад̣̇ияанд̇о ‘‘аж̇ж̇зва б̣уд̣̇д̇хам̣ саран̣ам̣ убзмий’’д̇иаад̣̇имааха.

597. Evaṃ therena vutte rājā apāyadukkhato utrastacitto ratanattaye puññadhamme ca abhivaḍḍhamānapasādo tato paṭṭhāya saraṇāni sīlāni ca samādiyanto ‘‘ajjeva buddhaṃ saraṇaṃ upemī’’tiādimāha.

601. д̇ад̇т̇а зд̇аад̣̇исод̇и зд̣̇исо яат̇аавуд̇д̇аруубо. взсаалияам̣ ан̃н̃ад̇аро убаасагод̇и взсаалияам̣ анзгасахассзсу убаасагзсу ан̃н̃ад̇аро убаасаго худ̇ваа. сад̣̇д̇ход̇иаад̣̇и галяаан̣амид̇д̇асанниссаязна д̇асса буримабхаавад̇о ан̃н̃аад̣̇исад̇ам̣ д̣̇ассзд̇ум̣ вуд̇д̇ам̣. буб̣б̣з хи со ассад̣̇д̇хо гагкал̣о бхигкуунам̣ аггосагаараго сан̇гхасса жа анубадтааго ахоси. ид̣̇аани бана сад̣̇д̇хо муд̣̇уго худ̇ваа бхигкусан̇гхан̃жа саггажжам̣ д̇ад̣̇аа убадтахийд̇и. д̇ад̇д̇а гаарагарод̇и убагаарагаарий.

601. Tattha etādisoti ediso yathāvuttarūpo. Vesāliyaṃ aññataro upāsakoti vesāliyaṃ anekasahassesu upāsakesu aññataro upāsako hutvā. Saddhotiādi kalyāṇamittasannissayena tassa purimabhāvato aññādisataṃ dassetuṃ vuttaṃ. Pubbe hi so assaddho kakkhaḷo bhikkhūnaṃ akkosakārako saṅghassa ca anupaṭṭhāko ahosi. Idāni pana saddho muduko hutvā bhikkhusaṅghañca sakkaccaṃ tadā upaṭṭhahīti. Tatta kārakaroti upakārakārī.

602. убхобийд̇и д̣̇взби суулаавуд̇о рааж̇аа жа. сааман̃н̃апалаани аж̇жхаг̇унд̇и яат̇аарахам̣ сааман̃н̃апалаани ад̇хиг̇ажчим̣су. д̇аяид̣̇ам̣ яат̇аарахам̣ д̣̇ассзд̇ум̣ ‘‘суулаавуд̇о аг̇г̇апалам̣ апассаяи, палам̣ ганидтам̣ бана амб̣асаггаро’’д̇и вуд̇д̇ам̣. д̇ад̇т̇а палам̣ ганидтанд̇и сод̇аабад̇д̇ипалам̣ санд̇хааяааха. яам̣ банзд̇т̇а ад̇т̇ад̇о авибхад̇д̇ам̣, д̇ам̣ сувин̃н̃зяяамзва.

602.Ubhopīti dvepi sūlāvuto rājā ca. Sāmaññaphalāni ajjhagunti yathārahaṃ sāmaññaphalāni adhigacchiṃsu. Tayidaṃ yathārahaṃ dassetuṃ ‘‘sūlāvuto aggaphalaṃ aphassayi, phalaṃ kaniṭṭhaṃ pana ambasakkaro’’ti vuttaṃ. Tattha phalaṃ kaniṭṭhanti sotāpattiphalaṃ sandhāyāha. Yaṃ panettha atthato avibhattaṃ, taṃ suviññeyyameva.

звам̣ ран̃н̃аа бзд̇зна ад̇д̇анаа жа вуд̇д̇амад̇т̇ам̣ ааяасмаа габбид̇аго сад̇т̇аарам̣ ванд̣̇ид̇ум̣ саавад̇т̇им̣ г̇ад̇о бхаг̇авад̇о аарожзси . сад̇т̇аа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.

Evaṃ raññā petena attanā ca vuttamatthaṃ āyasmā kappitako satthāraṃ vandituṃ sāvatthiṃ gato bhagavato ārocesi . Satthā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.

амб̣асаггарабзд̇авад̇т̇уван̣н̣анаа нидтид̇аа.

Ambasakkarapetavatthuvaṇṇanā niṭṭhitā.

Next: 2. сзрийсагабзд̇авад̇т̇уван̣н̣анаа • 2. Serīsakapetavatthuvaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 1. амб̣асаггарабзд̇авад̇т̇у • 1. Ambasakkarapetavatthu

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact