Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya

    3. амб̣адтасуд̇д̇ам̣

    3. Ambaṭṭhasuttaṃ

    254. звам̣ мз суд̇ам̣ – згам̣ самаяам̣ бхаг̇аваа госалзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи язна ижчаанан̇г̇алам̣ наама госалаанам̣ б̣раахман̣аг̇аамо д̇ад̣̇авасари. д̇ад̇ра суд̣̇ам̣ бхаг̇аваа ижчаанан̇г̇алз вихарад̇и ижчаанан̇г̇алаванасан̣д̣з.

    254. Evaṃ me sutaṃ – ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi yena icchānaṅgalaṃ nāma kosalānaṃ brāhmaṇagāmo tadavasari. Tatra sudaṃ bhagavā icchānaṅgale viharati icchānaṅgalavanasaṇḍe.

    богкарасаад̇ивад̇т̇у

    Pokkharasātivatthu

    255. д̇зна ко бана самаязна б̣раахман̣о богкарасаад̇и уггадтам̣ 1 аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣ ран̃н̃аа басзнад̣̇инаа госалзна д̣̇иннам̣ рааж̇ад̣̇ааяам̣ б̣рахмад̣̇зяяам̣. ассоси ко б̣раахман̣о богкарасаад̇и – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о госалзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи ижчаанан̇г̇алам̣ ануббад̇д̇о ижчаанан̇г̇алз вихарад̇и ижчаанан̇г̇алаванасан̣д̣з. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’ 2. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣, саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и.

    255. Tena kho pana samayena brāhmaṇo pokkharasāti ukkaṭṭhaṃ 3 ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā pasenadinā kosalena dinnaṃ rājadāyaṃ brahmadeyyaṃ. Assosi kho brāhmaṇo pokkharasāti – ‘‘samaṇo khalu, bho, gotamo sakyaputto sakyakulā pabbajito kosalesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi icchānaṅgalaṃ anuppatto icchānaṅgale viharati icchānaṅgalavanasaṇḍe. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ 4. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ, sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti.

    амб̣адтамаан̣аво

    Ambaṭṭhamāṇavo

    256. д̇зна ко бана самаязна б̣раахман̣асса богкарасаад̇исса амб̣адто наама маан̣аво анд̇зваасий ход̇и аж̇жхааяаго манд̇ад̇харо д̇ин̣н̣ам̣ взд̣̇аанам̣ 5 баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо анун̃н̃аад̇абадин̃н̃аад̇о сагз аажарияагз д̇звиж̇ж̇агз бааважанз – ‘‘яамахам̣ ж̇аанаами, д̇ам̣ д̇вам̣ ж̇аанааси; яам̣ д̇вам̣ ж̇аанааси д̇амахам̣ ж̇аанаамий’’д̇и.

    256. Tena kho pana samayena brāhmaṇassa pokkharasātissa ambaṭṭho nāma māṇavo antevāsī hoti ajjhāyako mantadharo tiṇṇaṃ vedānaṃ 6 pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo anuññātapaṭiññāto sake ācariyake tevijjake pāvacane – ‘‘yamahaṃ jānāmi, taṃ tvaṃ jānāsi; yaṃ tvaṃ jānāsi tamahaṃ jānāmī’’ti.

    257. ат̇а ко б̣раахман̣о богкарасаад̇и амб̣адтам̣ маан̣авам̣ ааманд̇зси – ‘‘аяам̣, д̇аад̇а амб̣адта, саман̣о г̇од̇амо сагяабуд̇д̇о сагяагулаа баб̣б̣аж̇ид̇о госалзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи ижчаанан̇г̇алам̣ ануббад̇д̇о ижчаанан̇г̇алз вихарад̇и ижчаанан̇г̇алаванасан̣д̣з. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа, арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣, саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ийд̇и. зхи д̇вам̣ д̇аад̇а амб̣адта, язна саман̣о г̇од̇амо д̇знубасан̇гама; убасан̇гамид̇ваа саман̣ам̣ г̇од̇амам̣ ж̇аанаахи, яад̣̇и ваа д̇ам̣ бхаванд̇ам̣ г̇од̇амам̣ д̇ат̇аасанд̇ам̣язва сад̣̇д̣̇о аб̣бхуг̇г̇ад̇о, яад̣̇и ваа но д̇ат̇аа. яад̣̇и ваа со бхавам̣ г̇од̇амо д̇аад̣̇исо, яад̣̇и ваа на д̇аад̣̇исо, д̇ат̇аа маяам̣ д̇ам̣ бхаванд̇ам̣ г̇од̇амам̣ взд̣̇иссаамаа’’д̇и.

    257. Atha kho brāhmaṇo pokkharasāti ambaṭṭhaṃ māṇavaṃ āmantesi – ‘‘ayaṃ, tāta ambaṭṭha, samaṇo gotamo sakyaputto sakyakulā pabbajito kosalesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi icchānaṅgalaṃ anuppatto icchānaṅgale viharati icchānaṅgalavanasaṇḍe. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā, arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ, sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotīti. Ehi tvaṃ tāta ambaṭṭha, yena samaṇo gotamo tenupasaṅkama; upasaṅkamitvā samaṇaṃ gotamaṃ jānāhi, yadi vā taṃ bhavantaṃ gotamaṃ tathāsantaṃyeva saddo abbhuggato, yadi vā no tathā. Yadi vā so bhavaṃ gotamo tādiso, yadi vā na tādiso, tathā mayaṃ taṃ bhavantaṃ gotamaṃ vedissāmā’’ti.

    258. ‘‘яат̇аа гат̇ам̣ банаахам̣, бхо, д̇ам̣ бхаванд̇ам̣ г̇од̇амам̣ ж̇ааниссаами – ‘яад̣̇и ваа д̇ам̣ бхаванд̇ам̣ г̇од̇амам̣ д̇ат̇аасанд̇ам̣язва сад̣̇д̣̇о аб̣бхуг̇г̇ад̇о, яад̣̇и ваа но д̇ат̇аа. яад̣̇и ваа со бхавам̣ г̇од̇амо д̇аад̣̇исо, яад̣̇и ваа на д̇аад̣̇исо’’’д̇и?

    258. ‘‘Yathā kathaṃ panāhaṃ, bho, taṃ bhavantaṃ gotamaṃ jānissāmi – ‘yadi vā taṃ bhavantaṃ gotamaṃ tathāsantaṃyeva saddo abbhuggato, yadi vā no tathā. Yadi vā so bhavaṃ gotamo tādiso, yadi vā na tādiso’’’ti?

    ‘‘ааг̇ад̇аани ко, д̇аад̇а амб̣адта, амхаагам̣ манд̇зсу д̣̇вад̇д̇им̣са махаабурисалагкан̣аани, язхи саманнааг̇ад̇асса махаабурисасса д̣̇взязва г̇ад̇ияо бхаванд̇и анан̃н̃аа. сажз аг̇аарам̣ аж̇жхаавасад̇и, рааж̇аа ход̇и жаггавад̇д̇ий д̇хаммиго д̇хаммарааж̇аа жаад̇уранд̇о виж̇ид̇аавий ж̇анабад̣̇ад̇т̇ааварияаббад̇д̇о сад̇д̇арад̇анасаманнааг̇ад̇о . д̇ассимаани сад̇д̇а рад̇анаани бхаванд̇и. сзяяат̇ид̣̇ам̣ – жаггарад̇анам̣, хад̇т̇ирад̇анам̣, ассарад̇анам̣, ман̣ирад̇анам̣, ид̇т̇ирад̇анам̣, г̇ахабад̇ирад̇анам̣, барин̣ааяагарад̇анамзва сад̇д̇амам̣. баросахассам̣ ко банасса буд̇д̇аа бхаванд̇и суураа вийран̇г̇аруубаа барасзнаббамад̣̇д̣̇анаа. со имам̣ бат̇авим̣ сааг̇арабарияанд̇ам̣ ад̣̇ан̣д̣зна асад̇т̇зна д̇хаммзна абхивиж̇ияа аж̇жхаавасад̇и. сажз ко бана аг̇аарасмаа анаг̇аарияам̣ баб̣б̣аж̇ад̇и , арахам̣ ход̇и саммаасамб̣уд̣̇д̇хо логз виваддажчад̣̇о. ахам̣ ко бана, д̇аад̇а амб̣адта, манд̇аанам̣ д̣̇аад̇аа; д̇вам̣ манд̇аанам̣ бадиг̇г̇ахзд̇аа’’д̇и.

    ‘‘Āgatāni kho, tāta ambaṭṭha, amhākaṃ mantesu dvattiṃsa mahāpurisalakkhaṇāni, yehi samannāgatassa mahāpurisassa dveyeva gatiyo bhavanti anaññā. Sace agāraṃ ajjhāvasati, rājā hoti cakkavattī dhammiko dhammarājā cāturanto vijitāvī janapadatthāvariyappatto sattaratanasamannāgato . Tassimāni satta ratanāni bhavanti. Seyyathidaṃ – cakkaratanaṃ, hatthiratanaṃ, assaratanaṃ, maṇiratanaṃ, itthiratanaṃ, gahapatiratanaṃ, pariṇāyakaratanameva sattamaṃ. Parosahassaṃ kho panassa puttā bhavanti sūrā vīraṅgarūpā parasenappamaddanā. So imaṃ pathaviṃ sāgarapariyantaṃ adaṇḍena asatthena dhammena abhivijiya ajjhāvasati. Sace kho pana agārasmā anagāriyaṃ pabbajati , arahaṃ hoti sammāsambuddho loke vivaṭṭacchado. Ahaṃ kho pana, tāta ambaṭṭha, mantānaṃ dātā; tvaṃ mantānaṃ paṭiggahetā’’ti.

    259. ‘‘звам̣, бхо’’д̇и ко амб̣адто маан̣аво б̣раахман̣асса богкарасаад̇исса бадиссуд̇ваа удтааяаасанаа б̣раахман̣ам̣ богкарасаад̇им̣ абхиваад̣̇зд̇ваа бад̣̇агкин̣ам̣ гад̇ваа вал̣аваарат̇амааруяха самб̣ахулзхи маан̣авагзхи сад̣̇д̇хим̣ язна ижчаанан̇г̇алаванасан̣д̣о д̇зна бааяааси. яаавад̇игаа яаанасса бхууми яаанзна г̇анд̇ваа яаанаа бажжорохид̇ваа бад̇д̇игова аараамам̣ баависи. д̇зна ко бана самаязна самб̣ахулаа бхигкуу аб̣бхогаасз жан̇гаманд̇и. ат̇а ко амб̣адто маан̣аво язна д̇з бхигкуу д̇знубасан̇гами; убасан̇гамид̇ваа д̇з бхигкуу зд̇ад̣̇авожа – ‘‘гахам̣ ну ко, бхо, зд̇арахи со бхавам̣ г̇од̇амо вихарад̇и? д̇ан̃хи маяам̣ бхаванд̇ам̣ г̇од̇амам̣ д̣̇ассанааяа ид̇хуубасан̇ганд̇аа’’д̇и.

    259. ‘‘Evaṃ, bho’’ti kho ambaṭṭho māṇavo brāhmaṇassa pokkharasātissa paṭissutvā uṭṭhāyāsanā brāhmaṇaṃ pokkharasātiṃ abhivādetvā padakkhiṇaṃ katvā vaḷavārathamāruyha sambahulehi māṇavakehi saddhiṃ yena icchānaṅgalavanasaṇḍo tena pāyāsi. Yāvatikā yānassa bhūmi yānena gantvā yānā paccorohitvā pattikova ārāmaṃ pāvisi. Tena kho pana samayena sambahulā bhikkhū abbhokāse caṅkamanti. Atha kho ambaṭṭho māṇavo yena te bhikkhū tenupasaṅkami; upasaṅkamitvā te bhikkhū etadavoca – ‘‘kahaṃ nu kho, bho, etarahi so bhavaṃ gotamo viharati? Tañhi mayaṃ bhavantaṃ gotamaṃ dassanāya idhūpasaṅkantā’’ti.

    260. ат̇а ко д̇зсам̣ бхигкуунам̣ зд̇ад̣̇ахоси – ‘‘аяам̣ ко амб̣адто маан̣аво абхин̃н̃аад̇аголан̃н̃о жзва абхин̃н̃аад̇асса жа б̣раахман̣асса богкарасаад̇исса анд̇зваасий. аг̇ару ко бана бхаг̇авад̇о зваруубзхи гулабуд̇д̇зхи сад̣̇д̇хим̣ гат̇аасаллаабо ход̇ий’’д̇и. д̇з амб̣адтам̣ маан̣авам̣ зд̇ад̣̇авожум̣ – ‘‘зсо амб̣адта вихааро сам̣вуд̇ад̣̇вааро, д̇зна аббасад̣̇д̣̇о убасан̇гамид̇ваа ад̇арамаано аал̣инд̣̇ам̣ бависид̇ваа уггаасид̇ваа аг̇г̇ал̣ам̣ аагодзхи, вивариссад̇и д̇з бхаг̇аваа д̣̇ваара’’нд̇и.

    260. Atha kho tesaṃ bhikkhūnaṃ etadahosi – ‘‘ayaṃ kho ambaṭṭho māṇavo abhiññātakolañño ceva abhiññātassa ca brāhmaṇassa pokkharasātissa antevāsī. Agaru kho pana bhagavato evarūpehi kulaputtehi saddhiṃ kathāsallāpo hotī’’ti. Te ambaṭṭhaṃ māṇavaṃ etadavocuṃ – ‘‘eso ambaṭṭha vihāro saṃvutadvāro, tena appasaddo upasaṅkamitvā ataramāno āḷindaṃ pavisitvā ukkāsitvā aggaḷaṃ ākoṭehi, vivarissati te bhagavā dvāra’’nti.

    261. ат̇а ко амб̣адто маан̣аво язна со вихааро сам̣вуд̇ад̣̇вааро, д̇зна аббасад̣̇д̣̇о убасан̇гамид̇ваа ад̇арамаано аал̣инд̣̇ам̣ бависид̇ваа уггаасид̇ваа аг̇г̇ал̣ам̣ аагодзси. вивари бхаг̇аваа д̣̇ваарам̣. баависи амб̣адто маан̣аво. маан̣авагааби бависид̇ваа бхаг̇авад̇аа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. амб̣адто бана маан̣аво жан̇гаманд̇оби нисиннзна бхаг̇авад̇аа ган̃жи ган̃жи 7 гат̇ам̣ сааран̣ийяам̣ вийд̇исаарзд̇и, тид̇оби нисиннзна бхаг̇авад̇аа гин̃жи гин̃жи гат̇ам̣ сааран̣ийяам̣ вийд̇исаарзд̇и.

    261. Atha kho ambaṭṭho māṇavo yena so vihāro saṃvutadvāro, tena appasaddo upasaṅkamitvā ataramāno āḷindaṃ pavisitvā ukkāsitvā aggaḷaṃ ākoṭesi. Vivari bhagavā dvāraṃ. Pāvisi ambaṭṭho māṇavo. Māṇavakāpi pavisitvā bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ambaṭṭho pana māṇavo caṅkamantopi nisinnena bhagavatā kañci kañci 8 kathaṃ sāraṇīyaṃ vītisāreti, ṭhitopi nisinnena bhagavatā kiñci kiñci kathaṃ sāraṇīyaṃ vītisāreti.

    262. ат̇а ко бхаг̇аваа амб̣адтам̣ маан̣авам̣ зд̇ад̣̇авожа – ‘‘звам̣ ну д̇з, амб̣адта, б̣раахман̣зхи вуд̣̇д̇хзхи махаллагзхи аажарияабаажариязхи сад̣̇д̇хим̣ гат̇аасаллаабо ход̇и, яат̇аяид̣̇ам̣ жарам̣ д̇идтам̣ нисиннзна маяаа гин̃жи гин̃жи гат̇ам̣ сааран̣ийяам̣ вийд̇исаарзд̇ий’’д̇и?

    262. Atha kho bhagavā ambaṭṭhaṃ māṇavaṃ etadavoca – ‘‘evaṃ nu te, ambaṭṭha, brāhmaṇehi vuddhehi mahallakehi ācariyapācariyehi saddhiṃ kathāsallāpo hoti, yathayidaṃ caraṃ tiṭṭhaṃ nisinnena mayā kiñci kiñci kathaṃ sāraṇīyaṃ vītisāretī’’ti?

    батамаиб̣бхаваад̣̇о

    Paṭhamaibbhavādo

    263. ‘‘но хид̣̇ам̣, бхо г̇од̇ама. г̇ажчанд̇о ваа хи, бхо г̇од̇ама, г̇ажчанд̇зна б̣раахман̣о б̣раахман̣зна сад̣̇д̇хим̣ саллабид̇умарахад̇и, тид̇о ваа хи, бхо г̇од̇ама, тид̇зна б̣раахман̣о б̣раахман̣зна сад̣̇д̇хим̣ саллабид̇умарахад̇и, нисинно ваа хи, бхо г̇од̇ама, нисиннзна б̣раахман̣о б̣раахман̣зна сад̣̇д̇хим̣ саллабид̇умарахад̇и, саяаано ваа хи, бхо г̇од̇ама, саяаанзна б̣раахман̣о б̣раахман̣зна сад̣̇д̇хим̣ саллабид̇умарахад̇и. яз жа ко д̇з, бхо г̇од̇ама, мун̣д̣агаа саман̣агаа иб̣бхаа ган̣хаа 9 б̣анд̇хубаад̣̇аабажжаа, д̇зхиби мз сад̣̇д̇хим̣ звам̣ гат̇аасаллаабо ход̇и, яат̇арива бход̇аа г̇од̇амзнаа’’д̇и. ‘‘ад̇т̇игавад̇о ко бана д̇з, амб̣адта, ид̇хааг̇аманам̣ ахоси, яааязва ко банад̇т̇ааяа ааг̇ажчзяяаат̇а 10, д̇амзва ад̇т̇ам̣ саад̇хугам̣ манаси гарзяяаат̇а 11. авусид̇авааязва ко бана бхо аяам̣ амб̣адто маан̣аво вусид̇амааний гиман̃н̃ад̇ра авусид̇ад̇д̇аа’’д̇и.

    263. ‘‘No hidaṃ, bho gotama. Gacchanto vā hi, bho gotama, gacchantena brāhmaṇo brāhmaṇena saddhiṃ sallapitumarahati, ṭhito vā hi, bho gotama, ṭhitena brāhmaṇo brāhmaṇena saddhiṃ sallapitumarahati, nisinno vā hi, bho gotama, nisinnena brāhmaṇo brāhmaṇena saddhiṃ sallapitumarahati, sayāno vā hi, bho gotama, sayānena brāhmaṇo brāhmaṇena saddhiṃ sallapitumarahati. Ye ca kho te, bho gotama, muṇḍakā samaṇakā ibbhā kaṇhā 12 bandhupādāpaccā, tehipi me saddhiṃ evaṃ kathāsallāpo hoti, yathariva bhotā gotamenā’’ti. ‘‘Atthikavato kho pana te, ambaṭṭha, idhāgamanaṃ ahosi, yāyeva kho panatthāya āgaccheyyātha 13, tameva atthaṃ sādhukaṃ manasi kareyyātha 14. Avusitavāyeva kho pana bho ayaṃ ambaṭṭho māṇavo vusitamānī kimaññatra avusitattā’’ti.

    264. ат̇а ко амб̣адто маан̣аво бхаг̇авад̇аа авусид̇аваад̣̇зна вужжамаано губид̇о анад̇д̇амано бхаг̇аванд̇ам̣язва кум̣сзнд̇о бхаг̇аванд̇ам̣язва вамбхзнд̇о бхаг̇аванд̇ам̣язва убавад̣̇амаано – ‘‘саман̣о жа мз, бхо, г̇од̇амо баабид̇о бхависсад̇ий’’д̇и бхаг̇аванд̇ам̣ зд̇ад̣̇авожа – ‘‘жан̣д̣аа, бхо г̇од̇ама, сагяаж̇аад̇и; парусаа, бхо г̇од̇ама, сагяаж̇аад̇и; лахусаа, бхо г̇од̇ама, сагяаж̇аад̇и; бхассаа, бхо г̇од̇ама, сагяаж̇аад̇и; иб̣бхаа санд̇аа иб̣бхаа самаанаа на б̣раахман̣з саггаронд̇и, на б̣раахман̣з г̇арум̣ гаронд̇и 15, на б̣раахман̣з маанзнд̇и, на б̣раахман̣з бууж̇знд̇и, на б̣раахман̣з абажааяанд̇и. д̇аяид̣̇ам̣, бхо г̇од̇ама, нажчаннам̣, д̇аяид̣̇ам̣ наббад̇ируубам̣, яад̣̇имз сагяаа иб̣бхаа санд̇аа иб̣бхаа самаанаа на б̣раахман̣з саггаронд̇и, на б̣раахман̣з г̇арум̣ гаронд̇и, на б̣раахман̣з маанзнд̇и, на б̣раахман̣з бууж̇знд̇и, на б̣раахман̣з абажааяанд̇ий’’д̇и. ид̇иха амб̣адто маан̣аво ид̣̇ам̣ батамам̣ сагязсу иб̣бхаваад̣̇ам̣ нибаад̇зси.

    264. Atha kho ambaṭṭho māṇavo bhagavatā avusitavādena vuccamāno kupito anattamano bhagavantaṃyeva khuṃsento bhagavantaṃyeva vambhento bhagavantaṃyeva upavadamāno – ‘‘samaṇo ca me, bho, gotamo pāpito bhavissatī’’ti bhagavantaṃ etadavoca – ‘‘caṇḍā, bho gotama, sakyajāti; pharusā, bho gotama, sakyajāti; lahusā, bho gotama, sakyajāti; bhassā, bho gotama, sakyajāti; ibbhā santā ibbhā samānā na brāhmaṇe sakkaronti, na brāhmaṇe garuṃ karonti 16, na brāhmaṇe mānenti, na brāhmaṇe pūjenti, na brāhmaṇe apacāyanti. Tayidaṃ, bho gotama, nacchannaṃ, tayidaṃ nappatirūpaṃ, yadime sakyā ibbhā santā ibbhā samānā na brāhmaṇe sakkaronti, na brāhmaṇe garuṃ karonti, na brāhmaṇe mānenti, na brāhmaṇe pūjenti, na brāhmaṇe apacāyantī’’ti. Itiha ambaṭṭho māṇavo idaṃ paṭhamaṃ sakyesu ibbhavādaṃ nipātesi.

    д̣̇уд̇ияаиб̣бхаваад̣̇о

    Dutiyaibbhavādo

    265. ‘‘гим̣ бана д̇з, амб̣адта, сагяаа абарад̣̇д̇ху’’нд̇и? ‘‘згамид̣̇аахам̣, бхо г̇од̇ама, самаяам̣ аажарияасса б̣раахман̣асса богкарасаад̇исса гзнажид̣̇зва гаран̣ийязна габилавад̇т̇ум̣ аг̇амаасим̣. язна сагяаанам̣ санд̇хааг̇аарам̣ д̇знубасан̇гамим̣. д̇зна ко бана самаязна самб̣ахулаа сагяаа жзва сагяагумаараа жа санд̇хааг̇аарз 17 ужжзсу аасанзсу нисиннаа хонд̇и ан̃н̃аман̃н̃ам̣ ан̇г̇улибад̇од̣̇агзхи 18 сан̃ж̇аг̇гханд̇аа сам̣гийл̣анд̇аа, ан̃н̃ад̣̇ад̇т̇у маман̃н̃зва ман̃н̃з ануж̇аг̇гханд̇аа, на мам̣ гожи аасанзнаби ниманд̇зси. д̇аяид̣̇ам̣, бхо г̇од̇ама, нажчаннам̣, д̇аяид̣̇ам̣ наббад̇ируубам̣, яад̣̇имз сагяаа иб̣бхаа санд̇аа иб̣бхаа самаанаа на б̣раахман̣з саггаронд̇и, на б̣раахман̣з г̇арум̣ гаронд̇и, на б̣раахман̣з маанзнд̇и, на б̣раахман̣з бууж̇знд̇и, на б̣раахман̣з абажааяанд̇ий’’д̇и. ид̇иха амб̣адто маан̣аво ид̣̇ам̣ д̣̇уд̇ияам̣ сагязсу иб̣бхаваад̣̇ам̣ нибаад̇зси.

    265. ‘‘Kiṃ pana te, ambaṭṭha, sakyā aparaddhu’’nti? ‘‘Ekamidāhaṃ, bho gotama, samayaṃ ācariyassa brāhmaṇassa pokkharasātissa kenacideva karaṇīyena kapilavatthuṃ agamāsiṃ. Yena sakyānaṃ sandhāgāraṃ tenupasaṅkamiṃ. Tena kho pana samayena sambahulā sakyā ceva sakyakumārā ca sandhāgāre 19 uccesu āsanesu nisinnā honti aññamaññaṃ aṅgulipatodakehi 20 sañjagghantā saṃkīḷantā, aññadatthu mamaññeva maññe anujagghantā, na maṃ koci āsanenapi nimantesi. Tayidaṃ, bho gotama, nacchannaṃ, tayidaṃ nappatirūpaṃ, yadime sakyā ibbhā santā ibbhā samānā na brāhmaṇe sakkaronti, na brāhmaṇe garuṃ karonti, na brāhmaṇe mānenti, na brāhmaṇe pūjenti, na brāhmaṇe apacāyantī’’ti. Itiha ambaṭṭho māṇavo idaṃ dutiyaṃ sakyesu ibbhavādaṃ nipātesi.

    д̇ад̇ияаиб̣бхаваад̣̇о

    Tatiyaibbhavādo

    266. ‘‘ладугигааби ко, амб̣адта, сагун̣игаа сагз гулаавагз гаамалаабиний ход̇и. сагам̣ ко банзд̇ам̣, амб̣адта, сагяаанам̣ яад̣̇ид̣̇ам̣ габилавад̇т̇ум̣, наарахад̇ааяасмаа амб̣адто имааяа аббамад̇д̇ааяа абхисаж̇ж̇ид̇у’’нд̇и. ‘‘жад̇д̇ааромз, бхо г̇од̇ама, ван̣н̣аа – кад̇д̇ияаа б̣раахман̣аа взссаа суд̣̇д̣̇аа. имзсан̃хи, бхо г̇од̇ама, жад̇уннам̣ ван̣н̣аанам̣ д̇аяо ван̣н̣аа – кад̇д̇ияаа жа взссаа жа суд̣̇д̣̇аа жа – ан̃н̃ад̣̇ад̇т̇у б̣раахман̣ассзва барижаарагаа самбаж̇ж̇анд̇и. д̇аяид̣̇ам̣, бхо г̇од̇ама , нажчаннам̣, д̇аяид̣̇ам̣ наббад̇ируубам̣, яад̣̇имз сагяаа иб̣бхаа санд̇аа иб̣бхаа самаанаа на б̣раахман̣з саггаронд̇и, на б̣раахман̣з г̇арум̣ гаронд̇и, на б̣раахман̣з маанзнд̇и, на б̣раахман̣з бууж̇знд̇и, на б̣раахман̣з абажааяанд̇ий’’д̇и. ид̇иха амб̣адто маан̣аво ид̣̇ам̣ д̇ад̇ияам̣ сагязсу иб̣бхаваад̣̇ам̣ нибаад̇зси.

    266. ‘‘Laṭukikāpi kho, ambaṭṭha, sakuṇikā sake kulāvake kāmalāpinī hoti. Sakaṃ kho panetaṃ, ambaṭṭha, sakyānaṃ yadidaṃ kapilavatthuṃ, nārahatāyasmā ambaṭṭho imāya appamattāya abhisajjitu’’nti. ‘‘Cattārome, bho gotama, vaṇṇā – khattiyā brāhmaṇā vessā suddā. Imesañhi, bho gotama, catunnaṃ vaṇṇānaṃ tayo vaṇṇā – khattiyā ca vessā ca suddā ca – aññadatthu brāhmaṇasseva paricārakā sampajjanti. Tayidaṃ, bho gotama , nacchannaṃ, tayidaṃ nappatirūpaṃ, yadime sakyā ibbhā santā ibbhā samānā na brāhmaṇe sakkaronti, na brāhmaṇe garuṃ karonti, na brāhmaṇe mānenti, na brāhmaṇe pūjenti, na brāhmaṇe apacāyantī’’ti. Itiha ambaṭṭho māṇavo idaṃ tatiyaṃ sakyesu ibbhavādaṃ nipātesi.

    д̣̇аасибуд̇д̇аваад̣̇о

    Dāsiputtavādo

    267. ат̇а ко бхаг̇авад̇о зд̇ад̣̇ахоси – ‘‘ад̇иб̣аал̣хам̣ ко аяам̣ амб̣адто маан̣аво сагязсу иб̣бхаваад̣̇зна ниммаад̣̇зд̇и, яам̣нуунаахам̣ г̇од̇д̇ам̣ бужчзяяа’’нд̇и. ат̇а ко бхаг̇аваа амб̣адтам̣ маан̣авам̣ зд̇ад̣̇авожа – ‘‘гат̇ам̣ г̇од̇д̇оси, амб̣адтаа’’д̇и? ‘‘ган̣хааяанохамасми, бхо г̇од̇амаа’’д̇и. бораан̣ам̣ ко бана д̇з амб̣адта маад̇аабзд̇д̇игам̣ наамаг̇од̇д̇ам̣ ануссарад̇о аяяабуд̇д̇аа сагяаа бхаванд̇и; д̣̇аасибуд̇д̇о д̇вамаси сагяаанам̣. сагяаа ко бана, амб̣адта, рааж̇аанам̣ оггаагам̣ бид̇аамахам̣ д̣̇аханд̇и.

    267. Atha kho bhagavato etadahosi – ‘‘atibāḷhaṃ kho ayaṃ ambaṭṭho māṇavo sakyesu ibbhavādena nimmādeti, yaṃnūnāhaṃ gottaṃ puccheyya’’nti. Atha kho bhagavā ambaṭṭhaṃ māṇavaṃ etadavoca – ‘‘kathaṃ gottosi, ambaṭṭhā’’ti? ‘‘Kaṇhāyanohamasmi, bho gotamā’’ti. Porāṇaṃ kho pana te ambaṭṭha mātāpettikaṃ nāmagottaṃ anussarato ayyaputtā sakyā bhavanti; dāsiputto tvamasi sakyānaṃ. Sakyā kho pana, ambaṭṭha, rājānaṃ okkākaṃ pitāmahaṃ dahanti.

    ‘‘бхууд̇абуб̣б̣ам̣, амб̣адта, рааж̇аа оггааго яаа саа махзсий бияаа манаабаа, д̇ассаа буд̇д̇асса раж̇ж̇ам̣ барин̣аамзд̇угаамо ж̇здтагумаарз радтасмаа баб̣б̣ааж̇зси – оггаамукам̣ гараган̣д̣ам̣ 21 хад̇т̇инигам̣ синисуурам̣ 22. д̇з радтасмаа баб̣б̣ааж̇ид̇аа химаванд̇абассз богкаран̣ияаа д̇ийрз махаасаагасан̣д̣о, д̇ад̇т̇а ваасам̣ габбзсум̣. д̇з ж̇аад̇исамбхзд̣̇абхаяаа сагаахи бхаг̇инийхи сад̣̇д̇хим̣ сам̣ваасам̣ габбзсум̣.

    ‘‘Bhūtapubbaṃ, ambaṭṭha, rājā okkāko yā sā mahesī piyā manāpā, tassā puttassa rajjaṃ pariṇāmetukāmo jeṭṭhakumāre raṭṭhasmā pabbājesi – okkāmukhaṃ karakaṇḍaṃ 23 hatthinikaṃ sinisūraṃ 24. Te raṭṭhasmā pabbājitā himavantapasse pokkharaṇiyā tīre mahāsākasaṇḍo, tattha vāsaṃ kappesuṃ. Te jātisambhedabhayā sakāhi bhaginīhi saddhiṃ saṃvāsaṃ kappesuṃ.

    ‘‘ат̇а ко, амб̣адта, рааж̇аа оггааго амажжз баарисаж̇ж̇з ааманд̇зси – ‘гахам̣ ну ко, бхо, зд̇арахи гумаараа самманд̇ий’д̇и? ‘ад̇т̇и, д̣̇зва, химаванд̇абассз богкаран̣ияаа д̇ийрз махаасаагасан̣д̣о , д̇ад̇т̇зд̇арахи гумаараа самманд̇и. д̇з ж̇аад̇исамбхзд̣̇абхаяаа сагаахи бхаг̇инийхи сад̣̇д̇хим̣ сам̣ваасам̣ габбзнд̇ий’д̇и. ат̇а ко, амб̣адта, рааж̇аа оггааго уд̣̇аанам̣ уд̣̇аанзси – ‘сагяаа вад̇а, бхо, гумаараа, барамасагяаа вад̇а, бхо, гумаараа’д̇и. д̇ад̣̇аг̇г̇з ко бана амб̣адта сагяаа бан̃н̃ааяанд̇и; со жа нзсам̣ буб̣б̣абурисо.

    ‘‘Atha kho, ambaṭṭha, rājā okkāko amacce pārisajje āmantesi – ‘kahaṃ nu kho, bho, etarahi kumārā sammantī’ti? ‘Atthi, deva, himavantapasse pokkharaṇiyā tīre mahāsākasaṇḍo , tatthetarahi kumārā sammanti. Te jātisambhedabhayā sakāhi bhaginīhi saddhiṃ saṃvāsaṃ kappentī’ti. Atha kho, ambaṭṭha, rājā okkāko udānaṃ udānesi – ‘sakyā vata, bho, kumārā, paramasakyā vata, bho, kumārā’ti. Tadagge kho pana ambaṭṭha sakyā paññāyanti; so ca nesaṃ pubbapuriso.

    ‘‘ран̃н̃о ко бана, амб̣адта, оггаагасса д̣̇исаа наама д̣̇аасий ахоси. саа ган̣хам̣ наама 25 ж̇анзси. ж̇аад̇о ган̣хо баб̣яаахааси – ‘д̇ховат̇а мам̣, амма, нахаабзт̇а мам̣ амма, имасмаа мам̣ асужисмаа бариможзт̇а, ад̇т̇ааяа во бхависсаамий’д̇и. яат̇аа ко бана амб̣адта зд̇арахи мануссаа бисаажз д̣̇исваа ‘бисаажаа’д̇и сан̃ж̇аананд̇и; звамзва ко, амб̣адта, д̇зна ко бана самаязна мануссаа бисаажз ‘ган̣хаа’д̇и сан̃ж̇аананд̇и. д̇з звамаахам̣су – ‘аяам̣ ж̇аад̇о баб̣яаахааси, ган̣хо ж̇аад̇о, бисаажо ж̇аад̇о’д̇и. д̇ад̣̇аг̇г̇з ко бана, амб̣адта ган̣хааяанаа бан̃н̃ааяанд̇и, со жа ган̣хааяанаанам̣ буб̣б̣абурисо. ид̇и ко д̇з , амб̣адта, бораан̣ам̣ маад̇аабзд̇д̇игам̣ наамаг̇од̇д̇ам̣ ануссарад̇о аяяабуд̇д̇аа сагяаа бхаванд̇и, д̣̇аасибуд̇д̇о д̇вамаси сагяаана’’нд̇и.

    ‘‘Rañño kho pana, ambaṭṭha, okkākassa disā nāma dāsī ahosi. Sā kaṇhaṃ nāma 26 janesi. Jāto kaṇho pabyāhāsi – ‘dhovatha maṃ, amma, nahāpetha maṃ amma, imasmā maṃ asucismā parimocetha, atthāya vo bhavissāmī’ti. Yathā kho pana ambaṭṭha etarahi manussā pisāce disvā ‘pisācā’ti sañjānanti; evameva kho, ambaṭṭha, tena kho pana samayena manussā pisāce ‘kaṇhā’ti sañjānanti. Te evamāhaṃsu – ‘ayaṃ jāto pabyāhāsi, kaṇho jāto, pisāco jāto’ti. Tadagge kho pana, ambaṭṭha kaṇhāyanā paññāyanti, so ca kaṇhāyanānaṃ pubbapuriso. Iti kho te , ambaṭṭha, porāṇaṃ mātāpettikaṃ nāmagottaṃ anussarato ayyaputtā sakyā bhavanti, dāsiputto tvamasi sakyāna’’nti.

    268. звам̣ вуд̇д̇з, д̇з маан̣авагаа бхаг̇аванд̇ам̣ зд̇ад̣̇авожум̣ – ‘‘маа бхавам̣ г̇од̇амо амб̣адтам̣ ад̇иб̣аал̣хам̣ д̣̇аасибуд̇д̇аваад̣̇зна ниммаад̣̇зси. суж̇аад̇о жа, бхо г̇од̇ама амб̣адто маан̣аво, гулабуд̇д̇о жа амб̣адто маан̣аво, б̣ахуссуд̇о жа амб̣адто маан̣аво, галяаан̣авааггаран̣о жа амб̣адто маан̣аво, бан̣д̣ид̇о жа амб̣адто маан̣аво, баход̇и жа амб̣адто маан̣аво бход̇аа г̇од̇амзна сад̣̇д̇хим̣ асмим̣ важанз бадиманд̇зд̇у’’нд̇и.

    268. Evaṃ vutte, te māṇavakā bhagavantaṃ etadavocuṃ – ‘‘mā bhavaṃ gotamo ambaṭṭhaṃ atibāḷhaṃ dāsiputtavādena nimmādesi. Sujāto ca, bho gotama ambaṭṭho māṇavo, kulaputto ca ambaṭṭho māṇavo, bahussuto ca ambaṭṭho māṇavo, kalyāṇavākkaraṇo ca ambaṭṭho māṇavo, paṇḍito ca ambaṭṭho māṇavo, pahoti ca ambaṭṭho māṇavo bhotā gotamena saddhiṃ asmiṃ vacane paṭimantetu’’nti.

    269. ат̇а ко бхаг̇аваа д̇з маан̣авагз зд̇ад̣̇авожа – ‘‘сажз ко д̇умхаагам̣ маан̣авагаанам̣ звам̣ ход̇и – ‘д̣̇уж̇ж̇аад̇о жа амб̣адто маан̣аво, агулабуд̇д̇о жа амб̣адто маан̣аво, аббассуд̇о жа амб̣адто маан̣аво, агаляаан̣авааггаран̣о жа амб̣адто маан̣аво, д̣̇уббан̃н̃о жа амб̣адто маан̣аво, на жа баход̇и амб̣адто маан̣аво саман̣зна г̇од̇амзна сад̣̇д̇хим̣ асмим̣ важанз бадиманд̇зд̇у’нд̇и, д̇идтад̇у амб̣адто маан̣аво, д̇умхз маяаа сад̣̇д̇хим̣ манд̇авхо асмим̣ важанз. сажз бана д̇умхаагам̣ маан̣авагаанам̣ звам̣ ход̇и – ‘суж̇аад̇о жа амб̣адто маан̣аво, гулабуд̇д̇о жа амб̣адто маан̣аво, б̣ахуссуд̇о жа амб̣адто маан̣аво, галяаан̣авааггаран̣о жа амб̣адто маан̣аво, бан̣д̣ид̇о жа амб̣адто маан̣аво, баход̇и жа амб̣адто маан̣аво саман̣зна г̇од̇амзна сад̣̇д̇хим̣ асмим̣ важанз бадиманд̇зд̇у’нд̇и, д̇идтат̇а д̇умхз; амб̣адто маан̣аво маяаа сад̣̇д̇хим̣ бадиманд̇зд̇уу’’д̇и.

    269. Atha kho bhagavā te māṇavake etadavoca – ‘‘sace kho tumhākaṃ māṇavakānaṃ evaṃ hoti – ‘dujjāto ca ambaṭṭho māṇavo, akulaputto ca ambaṭṭho māṇavo, appassuto ca ambaṭṭho māṇavo, akalyāṇavākkaraṇo ca ambaṭṭho māṇavo, duppañño ca ambaṭṭho māṇavo, na ca pahoti ambaṭṭho māṇavo samaṇena gotamena saddhiṃ asmiṃ vacane paṭimantetu’nti, tiṭṭhatu ambaṭṭho māṇavo, tumhe mayā saddhiṃ mantavho asmiṃ vacane. Sace pana tumhākaṃ māṇavakānaṃ evaṃ hoti – ‘sujāto ca ambaṭṭho māṇavo, kulaputto ca ambaṭṭho māṇavo, bahussuto ca ambaṭṭho māṇavo, kalyāṇavākkaraṇo ca ambaṭṭho māṇavo, paṇḍito ca ambaṭṭho māṇavo, pahoti ca ambaṭṭho māṇavo samaṇena gotamena saddhiṃ asmiṃ vacane paṭimantetu’nti, tiṭṭhatha tumhe; ambaṭṭho māṇavo mayā saddhiṃ paṭimantetū’’ti.

    ‘‘суж̇аад̇о жа, бхо г̇од̇ама, амб̣адто маан̣аво, гулабуд̇д̇о жа амб̣адто маан̣аво, б̣ахуссуд̇о жа амб̣адто маан̣аво, галяаан̣авааггаран̣о жа амб̣адто маан̣аво, бан̣д̣ид̇о жа амб̣адто маан̣аво, баход̇и жа амб̣адто маан̣аво бход̇аа г̇од̇амзна сад̣̇д̇хим̣ асмим̣ важанз бадиманд̇зд̇ум̣, д̇ун̣хий маяам̣ бхависсаама, амб̣адто маан̣аво бход̇аа г̇од̇амзна сад̣̇д̇хим̣ асмим̣ важанз бадиманд̇зд̇уу’’д̇и.

    ‘‘Sujāto ca, bho gotama, ambaṭṭho māṇavo, kulaputto ca ambaṭṭho māṇavo, bahussuto ca ambaṭṭho māṇavo, kalyāṇavākkaraṇo ca ambaṭṭho māṇavo, paṇḍito ca ambaṭṭho māṇavo, pahoti ca ambaṭṭho māṇavo bhotā gotamena saddhiṃ asmiṃ vacane paṭimantetuṃ, tuṇhī mayaṃ bhavissāma, ambaṭṭho māṇavo bhotā gotamena saddhiṃ asmiṃ vacane paṭimantetū’’ti.

    270. ат̇а ко бхаг̇аваа амб̣адтам̣ маан̣авам̣ зд̇ад̣̇авожа – ‘‘аяам̣ ко бана д̇з, амб̣адта, сахад̇хаммиго бан̃хо ааг̇ажчад̇и, агаамаа б̣яаагаад̇аб̣б̣о. сажз д̇вам̣ на б̣яаагариссаси, ан̃н̃зна ваа ан̃н̃ам̣ бадижариссаси, д̇ун̣хий ваа бхависсаси, баггамиссаси ваа зд̇т̇зва д̇з сад̇д̇ад̇хаа муд̣̇д̇хаа палиссад̇и. д̇ам̣ гим̣ ман̃н̃аси, амб̣адта, гинд̇и д̇з суд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ гуд̇обабхуд̇игаа ган̣хааяанаа, го жа ган̣хааяанаанам̣ буб̣б̣абурисо’’д̇и?

    270. Atha kho bhagavā ambaṭṭhaṃ māṇavaṃ etadavoca – ‘‘ayaṃ kho pana te, ambaṭṭha, sahadhammiko pañho āgacchati, akāmā byākātabbo. Sace tvaṃ na byākarissasi, aññena vā aññaṃ paṭicarissasi, tuṇhī vā bhavissasi, pakkamissasi vā ettheva te sattadhā muddhā phalissati. Taṃ kiṃ maññasi, ambaṭṭha, kinti te sutaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ kutopabhutikā kaṇhāyanā, ko ca kaṇhāyanānaṃ pubbapuriso’’ti?

    звам̣ вуд̇д̇з, амб̣адто маан̣аво д̇ун̣хий ахоси. д̣̇уд̇ияамби ко бхаг̇аваа амб̣адтам̣ маан̣авам̣ зд̇ад̣̇авожа – ‘‘д̇ам̣ гим̣ ман̃н̃аси, амб̣адта, гинд̇и д̇з суд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ гуд̇обабхуд̇игаа ган̣хааяанаа, го жа ган̣хааяанаанам̣ буб̣б̣абурисо’’д̇и? д̣̇уд̇ияамби ко амб̣адто маан̣аво д̇ун̣хий ахоси. ат̇а ко бхаг̇аваа амб̣адтам̣ маан̣авам̣ зд̇ад̣̇авожа – ‘‘б̣яаагарохи д̣̇аани амб̣адта, на д̣̇аани, д̇з д̇ун̣хийбхаавасса гаало. яо ко, амб̣адта, д̇ат̇ааг̇ад̇зна яаавад̇ад̇ияагам̣ сахад̇хаммигам̣ бан̃хам̣ будто на б̣яаагарод̇и, зд̇т̇звасса сад̇д̇ад̇хаа муд̣̇д̇хаа палиссад̇ий’’д̇и.

    Evaṃ vutte, ambaṭṭho māṇavo tuṇhī ahosi. Dutiyampi kho bhagavā ambaṭṭhaṃ māṇavaṃ etadavoca – ‘‘taṃ kiṃ maññasi, ambaṭṭha, kinti te sutaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ kutopabhutikā kaṇhāyanā, ko ca kaṇhāyanānaṃ pubbapuriso’’ti? Dutiyampi kho ambaṭṭho māṇavo tuṇhī ahosi. Atha kho bhagavā ambaṭṭhaṃ māṇavaṃ etadavoca – ‘‘byākarohi dāni ambaṭṭha, na dāni, te tuṇhībhāvassa kālo. Yo kho, ambaṭṭha, tathāgatena yāvatatiyakaṃ sahadhammikaṃ pañhaṃ puṭṭho na byākaroti, etthevassa sattadhā muddhā phalissatī’’ti.

    271. д̇зна ко бана самаязна важ̇ирабаан̣ий яагко маханд̇ам̣ аяогуудам̣ аад̣̇ааяа аад̣̇ид̇д̇ам̣ самбаж̇ж̇алид̇ам̣ саж̇од̇ибхууд̇ам̣ 27 амб̣адтасса маан̣авасса убари взхаасам̣ тид̇о ход̇и – ‘‘сажааяам̣ амб̣адто маан̣аво бхаг̇авад̇аа яаавад̇ад̇ияагам̣ сахад̇хаммигам̣ бан̃хам̣ будто на б̣яаагариссад̇и, зд̇т̇звасса сад̇д̇ад̇хаа муд̣̇д̇хам̣ паалзссаамий’’д̇и. д̇ам̣ ко бана важ̇ирабаан̣им̣ яагкам̣ бхаг̇аваа жзва бассад̇и амб̣адто жа маан̣аво.

    271. Tena kho pana samayena vajirapāṇī yakkho mahantaṃ ayokūṭaṃ ādāya ādittaṃ sampajjalitaṃ sajotibhūtaṃ 28 ambaṭṭhassa māṇavassa upari vehāsaṃ ṭhito hoti – ‘‘sacāyaṃ ambaṭṭho māṇavo bhagavatā yāvatatiyakaṃ sahadhammikaṃ pañhaṃ puṭṭho na byākarissati, etthevassa sattadhā muddhaṃ phālessāmī’’ti. Taṃ kho pana vajirapāṇiṃ yakkhaṃ bhagavā ceva passati ambaṭṭho ca māṇavo.

    272. ат̇а ко амб̣адто маан̣аво бхийд̇о сам̣виг̇г̇о ломахадтаж̇аад̇о бхаг̇аванд̇ам̣язва д̇аан̣ам̣ г̇авзсий бхаг̇аванд̇ам̣язва лзн̣ам̣ г̇авзсий бхаг̇аванд̇ам̣язва саран̣ам̣ г̇авзсий – убанисийд̣̇ид̇ваа бхаг̇аванд̇ам̣ зд̇ад̣̇авожа – ‘‘гимзд̇ам̣ 29 бхавам̣ г̇од̇амо ааха? бунабхавам̣ г̇од̇амо б̣равид̇уу’’д̇и 30.

    272. Atha kho ambaṭṭho māṇavo bhīto saṃviggo lomahaṭṭhajāto bhagavantaṃyeva tāṇaṃ gavesī bhagavantaṃyeva leṇaṃ gavesī bhagavantaṃyeva saraṇaṃ gavesī – upanisīditvā bhagavantaṃ etadavoca – ‘‘kimetaṃ 31 bhavaṃ gotamo āha? Punabhavaṃ gotamo bravitū’’ti 32.

    ‘‘д̇ам̣ гим̣ ман̃н̃аси, амб̣адта, гинд̇и д̇з суд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ гуд̇обабхуд̇игаа ган̣хааяанаа, го жа ган̣хааяанаанам̣ буб̣б̣абурисо’’д̇и? ‘‘звамзва мз, бхо г̇од̇ама, суд̇ам̣ яат̇зва бхавам̣ г̇од̇амо ааха. д̇ад̇обабхуд̇игаа ган̣хааяанаа; со жа ган̣хааяанаанам̣ буб̣б̣абурисо’’д̇и.

    ‘‘Taṃ kiṃ maññasi, ambaṭṭha, kinti te sutaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ kutopabhutikā kaṇhāyanā, ko ca kaṇhāyanānaṃ pubbapuriso’’ti? ‘‘Evameva me, bho gotama, sutaṃ yatheva bhavaṃ gotamo āha. Tatopabhutikā kaṇhāyanā; so ca kaṇhāyanānaṃ pubbapuriso’’ti.

    амб̣адтавам̣сагат̇аа

    Ambaṭṭhavaṃsakathā

    273. звам̣ вуд̇д̇з, д̇з маан̣авагаа уннаад̣̇ино ужжаасад̣̇д̣̇амахаасад̣̇д̣̇аа ахзсум̣ – ‘‘д̣̇уж̇ж̇аад̇о гира, бхо, амб̣адто маан̣аво; агулабуд̇д̇о гира, бхо, амб̣адто маан̣аво; д̣̇аасибуд̇д̇о гира, бхо, амб̣адто маан̣аво сагяаанам̣. аяяабуд̇д̇аа гира, бхо, амб̣адтасса маан̣авасса сагяаа бхаванд̇и. д̇хаммаваад̣̇им̣язва гира маяам̣ саман̣ам̣ г̇од̇амам̣ абасаад̣̇зд̇аб̣б̣ам̣ аман̃н̃имхаа’’д̇и.

    273. Evaṃ vutte, te māṇavakā unnādino uccāsaddamahāsaddā ahesuṃ – ‘‘dujjāto kira, bho, ambaṭṭho māṇavo; akulaputto kira, bho, ambaṭṭho māṇavo; dāsiputto kira, bho, ambaṭṭho māṇavo sakyānaṃ. Ayyaputtā kira, bho, ambaṭṭhassa māṇavassa sakyā bhavanti. Dhammavādiṃyeva kira mayaṃ samaṇaṃ gotamaṃ apasādetabbaṃ amaññimhā’’ti.

    274. ат̇а ко бхаг̇авад̇о зд̇ад̣̇ахоси – ‘‘ад̇иб̣аал̣хам̣ ко имз маан̣авагаа амб̣адтам̣ маан̣авам̣ д̣̇аасибуд̇д̇аваад̣̇зна ниммаад̣̇знд̇и, яам̣нуунаахам̣ бариможзяяа’’нд̇и. ат̇а ко бхаг̇аваа д̇з маан̣авагз зд̇ад̣̇авожа – ‘‘маа ко д̇умхз, маан̣авагаа, амб̣адтам̣ маан̣авам̣ ад̇иб̣аал̣хам̣ д̣̇аасибуд̇д̇аваад̣̇зна ниммаад̣̇зт̇а. ул̣ааро со ган̣хо иси ахоси. со д̣̇агкин̣аж̇анабад̣̇ам̣ г̇анд̇ваа б̣рахмаманд̇з ад̇хийяид̇ваа рааж̇аанам̣ оггаагам̣ убасан̇гамид̇ваа мад̣̇д̣̇аруубим̣ д̇хийд̇арам̣ яаажи. д̇асса рааж̇аа оггааго – ‘го нзвам̣ рз аяам̣ маяхам̣ д̣̇аасибуд̇д̇о самаано мад̣̇д̣̇аруубим̣ д̇хийд̇арам̣ яаажад̇ий’’’ д̇и, губид̇о анад̇д̇амано кураббам̣ саннаяхи 33. со д̇ам̣ кураббам̣ нзва асагки мун̃жид̇ум̣, но бадисам̣харид̇ум̣.

    274. Atha kho bhagavato etadahosi – ‘‘atibāḷhaṃ kho ime māṇavakā ambaṭṭhaṃ māṇavaṃ dāsiputtavādena nimmādenti, yaṃnūnāhaṃ parimoceyya’’nti. Atha kho bhagavā te māṇavake etadavoca – ‘‘mā kho tumhe, māṇavakā, ambaṭṭhaṃ māṇavaṃ atibāḷhaṃ dāsiputtavādena nimmādetha. Uḷāro so kaṇho isi ahosi. So dakkhiṇajanapadaṃ gantvā brahmamante adhīyitvā rājānaṃ okkākaṃ upasaṅkamitvā maddarūpiṃ dhītaraṃ yāci. Tassa rājā okkāko – ‘ko nevaṃ re ayaṃ mayhaṃ dāsiputto samāno maddarūpiṃ dhītaraṃ yācatī’’’ ti, kupito anattamano khurappaṃ sannayhi 34. So taṃ khurappaṃ neva asakkhi muñcituṃ, no paṭisaṃharituṃ.

    ‘‘ат̇а ко, маан̣авагаа, амажжаа баарисаж̇ж̇аа ган̣хам̣ исим̣ убасан̇гамид̇ваа зд̇ад̣̇авожум̣ – ‘сод̇т̇и, бхад̣̇д̣̇анд̇з 35, ход̇у ран̃н̃о; сод̇т̇и, бхад̣̇д̣̇анд̇з, ход̇у ран̃н̃о’д̇и. ‘сод̇т̇и бхависсад̇и ран̃н̃о, аби жа рааж̇аа яад̣̇и ад̇хо кураббам̣ мун̃жиссад̇и, яаавад̇аа ран̃н̃о виж̇ид̇ам̣, зд̇д̇аавад̇аа бат̇авий унд̣̇рияиссад̇ий’д̇и. ‘сод̇т̇и, бхад̣̇д̣̇анд̇з, ход̇у ран̃н̃о, сод̇т̇и ж̇анабад̣̇ассаа’д̇и. ‘сод̇т̇и бхависсад̇и ран̃н̃о, сод̇т̇и ж̇анабад̣̇асса, аби жа рааж̇аа яад̣̇и уд̣̇д̇хам̣ кураббам̣ мун̃жиссад̇и, яаавад̇аа ран̃н̃о виж̇ид̇ам̣, зд̇д̇аавад̇аа сад̇д̇а вассаани д̣̇зво на вассиссад̇ий’д̇и. ‘сод̇т̇и, бхад̣̇д̣̇анд̇з, ход̇у ран̃н̃о сод̇т̇и ж̇анабад̣̇асса д̣̇зво жа вассад̇уу’д̇и. ‘сод̇т̇и бхависсад̇и ран̃н̃о сод̇т̇и ж̇анабад̣̇асса д̣̇зво жа вассиссад̇и, аби жа рааж̇аа ж̇здтагумаарз кураббам̣ бад̇идтаабзд̇у, сод̇т̇и гумааро балломо бхависсад̇ий’д̇и. ат̇а ко, маан̣авагаа, амажжаа оггаагасса аарожзсум̣ – ‘оггааго ж̇здтагумаарз кураббам̣ бад̇идтаабзд̇у. сод̇т̇и гумааро балломо бхависсад̇ий’д̇и. ат̇а ко рааж̇аа оггааго ж̇здтагумаарз кураббам̣ бад̇идтабзси, сод̇т̇и гумааро балломо самабхави. ат̇а ко д̇асса рааж̇аа оггааго бхийд̇о сам̣виг̇г̇о ломахадтаж̇аад̇о б̣рахмад̣̇ан̣д̣зна д̇аж̇ж̇ид̇о мад̣̇д̣̇аруубим̣ д̇хийд̇арам̣ ад̣̇ааси. маа ко д̇умхз, маан̣авагаа, амб̣адтам̣ маан̣авам̣ ад̇иб̣аал̣хам̣ д̣̇аасибуд̇д̇аваад̣̇зна ниммаад̣̇зт̇а, ул̣ааро со ган̣хо иси ахосий’’д̇и.

    ‘‘Atha kho, māṇavakā, amaccā pārisajjā kaṇhaṃ isiṃ upasaṅkamitvā etadavocuṃ – ‘sotthi, bhaddante 36, hotu rañño; sotthi, bhaddante, hotu rañño’ti. ‘Sotthi bhavissati rañño, api ca rājā yadi adho khurappaṃ muñcissati, yāvatā rañño vijitaṃ, ettāvatā pathavī undriyissatī’ti. ‘Sotthi, bhaddante, hotu rañño, sotthi janapadassā’ti. ‘Sotthi bhavissati rañño, sotthi janapadassa, api ca rājā yadi uddhaṃ khurappaṃ muñcissati, yāvatā rañño vijitaṃ, ettāvatā satta vassāni devo na vassissatī’ti. ‘Sotthi, bhaddante, hotu rañño sotthi janapadassa devo ca vassatū’ti. ‘Sotthi bhavissati rañño sotthi janapadassa devo ca vassissati, api ca rājā jeṭṭhakumāre khurappaṃ patiṭṭhāpetu, sotthi kumāro pallomo bhavissatī’ti. Atha kho, māṇavakā, amaccā okkākassa ārocesuṃ – ‘okkāko jeṭṭhakumāre khurappaṃ patiṭṭhāpetu. Sotthi kumāro pallomo bhavissatī’ti. Atha kho rājā okkāko jeṭṭhakumāre khurappaṃ patiṭṭhapesi, sotthi kumāro pallomo samabhavi. Atha kho tassa rājā okkāko bhīto saṃviggo lomahaṭṭhajāto brahmadaṇḍena tajjito maddarūpiṃ dhītaraṃ adāsi. Mā kho tumhe, māṇavakā, ambaṭṭhaṃ māṇavaṃ atibāḷhaṃ dāsiputtavādena nimmādetha, uḷāro so kaṇho isi ahosī’’ti.

    кад̇д̇ияасздтабхааво

    Khattiyaseṭṭhabhāvo

    275. ат̇а ко бхаг̇аваа амб̣адтам̣ маан̣авам̣ ааманд̇зси – ‘‘д̇ам̣ гим̣ ман̃н̃аси, амб̣адта, ид̇ха кад̇д̇ияагумааро б̣раахман̣аган̃н̃ааяа сад̣̇д̇хим̣ сам̣ваасам̣ габбзяяа, д̇зсам̣ сам̣ваасаманвааяа буд̇д̇о ж̇ааязт̇а. яо со кад̇д̇ияагумаарзна б̣раахман̣аган̃н̃ааяа буд̇д̇о уббанно, аби ну со лабхзт̇а б̣раахман̣зсу аасанам̣ ваа уд̣̇агам̣ ваа’’д̇и? ‘‘лабхзт̇а, бхо г̇од̇ама’’. ‘‘абину нам̣ б̣раахман̣аа бхож̇зяяум̣ сад̣̇д̇хз ваа т̇аалибаагз ваа яан̃н̃з ваа баахунз ваа’’д̇и? ‘‘бхож̇зяяум̣, бхо г̇од̇ама’’. ‘‘абину нам̣ б̣раахман̣аа манд̇з ваажзяяум̣ ваа но ваа’’д̇и? ‘‘ваажзяяум̣, бхо г̇од̇ама’’. ‘‘абинусса ид̇т̇ийсу аавадам̣ ваа асса анаавадам̣ ваа’’д̇и? ‘‘анаавадам̣ хисса, бхо г̇од̇ама’’. ‘‘абину нам̣ кад̇д̇ияаа кад̇д̇ияаабхисзгзна абхисин̃жзяяу’’нд̇и? ‘‘но хид̣̇ам̣, бхо г̇од̇ама’’. ‘‘д̇ам̣ гисса хзд̇у’’? ‘‘маад̇ид̇о хи, бхо г̇од̇ама, анубабанно’’д̇и.

    275. Atha kho bhagavā ambaṭṭhaṃ māṇavaṃ āmantesi – ‘‘taṃ kiṃ maññasi, ambaṭṭha, idha khattiyakumāro brāhmaṇakaññāya saddhiṃ saṃvāsaṃ kappeyya, tesaṃ saṃvāsamanvāya putto jāyetha. Yo so khattiyakumārena brāhmaṇakaññāya putto uppanno, api nu so labhetha brāhmaṇesu āsanaṃ vā udakaṃ vā’’ti? ‘‘Labhetha, bho gotama’’. ‘‘Apinu naṃ brāhmaṇā bhojeyyuṃ saddhe vā thālipāke vā yaññe vā pāhune vā’’ti? ‘‘Bhojeyyuṃ, bho gotama’’. ‘‘Apinu naṃ brāhmaṇā mante vāceyyuṃ vā no vā’’ti? ‘‘Vāceyyuṃ, bho gotama’’. ‘‘Apinussa itthīsu āvaṭaṃ vā assa anāvaṭaṃ vā’’ti? ‘‘Anāvaṭaṃ hissa, bho gotama’’. ‘‘Apinu naṃ khattiyā khattiyābhisekena abhisiñceyyu’’nti? ‘‘No hidaṃ, bho gotama’’. ‘‘Taṃ kissa hetu’’? ‘‘Mātito hi, bho gotama, anupapanno’’ti.

    ‘‘д̇ам̣ гим̣ ман̃н̃аси, амб̣адта, ид̇ха б̣раахман̣агумааро кад̇д̇ияаган̃н̃ааяа сад̣̇д̇хим̣ сам̣ваасам̣ габбзяяа, д̇зсам̣ сам̣ваасаманвааяа буд̇д̇о ж̇ааязт̇а. яо со б̣раахман̣агумаарзна кад̇д̇ияаган̃н̃ааяа буд̇д̇о уббанно, абину со лабхзт̇а б̣раахман̣зсу аасанам̣ ваа уд̣̇агам̣ ваа’’д̇и? ‘‘лабхзт̇а, бхо г̇од̇ама’’. ‘‘абину нам̣ б̣раахман̣аа бхож̇зяяум̣ сад̣̇д̇хз ваа т̇аалибаагз ваа яан̃н̃з ваа баахунз ваа’’д̇и? ‘‘бхож̇зяяум̣, бхо г̇од̇ама’’. ‘‘абину нам̣ б̣раахман̣аа манд̇з ваажзяяум̣ ваа но ваа’’д̇и? ‘‘ваажзяяум̣, бхо г̇од̇ама’’. ‘‘абинусса ид̇т̇ийсу аавадам̣ ваа асса анаавадам̣ ваа’’д̇и? ‘‘анаавадам̣ хисса, бхо г̇од̇ама’’. ‘‘абину нам̣ кад̇д̇ияаа кад̇д̇ияаабхисзгзна абхисин̃жзяяу’’нд̇и? ‘‘но хид̣̇ам̣, бхо г̇од̇ама’’. ‘‘д̇ам̣ гисса хзд̇у’’? ‘‘бид̇ид̇о хи, бхо г̇од̇ама, анубабанно’’д̇и.

    ‘‘Taṃ kiṃ maññasi, ambaṭṭha, idha brāhmaṇakumāro khattiyakaññāya saddhiṃ saṃvāsaṃ kappeyya, tesaṃ saṃvāsamanvāya putto jāyetha. Yo so brāhmaṇakumārena khattiyakaññāya putto uppanno, apinu so labhetha brāhmaṇesu āsanaṃ vā udakaṃ vā’’ti? ‘‘Labhetha, bho gotama’’. ‘‘Apinu naṃ brāhmaṇā bhojeyyuṃ saddhe vā thālipāke vā yaññe vā pāhune vā’’ti? ‘‘Bhojeyyuṃ, bho gotama’’. ‘‘Apinu naṃ brāhmaṇā mante vāceyyuṃ vā no vā’’ti? ‘‘Vāceyyuṃ, bho gotama’’. ‘‘Apinussa itthīsu āvaṭaṃ vā assa anāvaṭaṃ vā’’ti? ‘‘Anāvaṭaṃ hissa, bho gotama’’. ‘‘Apinu naṃ khattiyā khattiyābhisekena abhisiñceyyu’’nti? ‘‘No hidaṃ, bho gotama’’. ‘‘Taṃ kissa hetu’’? ‘‘Pitito hi, bho gotama, anupapanno’’ti.

    276. ‘‘ид̇и ко, амб̣адта, ид̇т̇ияаа ваа ид̇т̇им̣ гарид̇ваа бурисзна ваа бурисам̣ гарид̇ваа кад̇д̇ияаава сздтаа, хийнаа б̣раахман̣аа. д̇ам̣ гим̣ ман̃н̃аси, амб̣адта, ид̇ха б̣раахман̣аа б̣раахман̣ам̣ гисмин̃жид̣̇зва багаран̣з курамун̣д̣ам̣ гарид̇ваа бхассабудзна вад̇хид̇ваа радтаа ваа наг̇араа ваа баб̣б̣ааж̇зяяум̣. абину со лабхзт̇а б̣раахман̣зсу аасанам̣ ваа уд̣̇агам̣ ваа’’д̇и? ‘‘но хид̣̇ам̣, бхо г̇од̇ама’’ . ‘‘абину нам̣ б̣раахман̣аа бхож̇зяяум̣ сад̣̇д̇хз ваа т̇аалибаагз ваа яан̃н̃з ваа баахунз ваа’’д̇и? ‘‘но хид̣̇ам̣, бхо г̇од̇ама’’. ‘‘абину нам̣ б̣раахман̣аа манд̇з ваажзяяум̣ ваа но ваа’’д̇и? ‘‘но хид̣̇ам̣, бхо г̇од̇ама’’. ‘‘абинусса ид̇т̇ийсу аавадам̣ ваа асса анаавадам̣ ваа’’д̇и? ‘‘аавадам̣ хисса, бхо г̇од̇ама’’.

    276. ‘‘Iti kho, ambaṭṭha, itthiyā vā itthiṃ karitvā purisena vā purisaṃ karitvā khattiyāva seṭṭhā, hīnā brāhmaṇā. Taṃ kiṃ maññasi, ambaṭṭha, idha brāhmaṇā brāhmaṇaṃ kismiñcideva pakaraṇe khuramuṇḍaṃ karitvā bhassapuṭena vadhitvā raṭṭhā vā nagarā vā pabbājeyyuṃ. Apinu so labhetha brāhmaṇesu āsanaṃ vā udakaṃ vā’’ti? ‘‘No hidaṃ, bho gotama’’ . ‘‘Apinu naṃ brāhmaṇā bhojeyyuṃ saddhe vā thālipāke vā yaññe vā pāhune vā’’ti? ‘‘No hidaṃ, bho gotama’’. ‘‘Apinu naṃ brāhmaṇā mante vāceyyuṃ vā no vā’’ti? ‘‘No hidaṃ, bho gotama’’. ‘‘Apinussa itthīsu āvaṭaṃ vā assa anāvaṭaṃ vā’’ti? ‘‘Āvaṭaṃ hissa, bho gotama’’.

    ‘‘д̇ам̣ гим̣ ман̃н̃аси, амб̣адта, ид̇ха кад̇д̇ияаа кад̇д̇ияам̣ гисмин̃жид̣̇зва багаран̣з курамун̣д̣ам̣ гарид̇ваа бхассабудзна вад̇хид̇ваа радтаа ваа наг̇араа ваа баб̣б̣ааж̇зяяум̣. абину со лабхзт̇а б̣раахман̣зсу аасанам̣ ваа уд̣̇агам̣ ваа’’д̇и? ‘‘лабхзт̇а, бхо г̇од̇ама’’. ‘‘абину нам̣ б̣раахман̣аа бхож̇зяяум̣ сад̣̇д̇хз ваа т̇аалибаагз ваа яан̃н̃з ваа баахунз ваа’’д̇и? ‘‘бхож̇зяяум̣, бхо г̇од̇ама’’. ‘‘абину нам̣ б̣раахман̣аа манд̇з ваажзяяум̣ ваа но ваа’’д̇и? ‘‘ваажзяяум̣, бхо г̇од̇ама’’. ‘‘абинусса ид̇т̇ийсу аавадам̣ ваа асса анаавадам̣ ваа’’д̇и? ‘‘анаавадам̣ хисса, бхо г̇од̇ама’’.

    ‘‘Taṃ kiṃ maññasi, ambaṭṭha, idha khattiyā khattiyaṃ kismiñcideva pakaraṇe khuramuṇḍaṃ karitvā bhassapuṭena vadhitvā raṭṭhā vā nagarā vā pabbājeyyuṃ. Apinu so labhetha brāhmaṇesu āsanaṃ vā udakaṃ vā’’ti? ‘‘Labhetha, bho gotama’’. ‘‘Apinu naṃ brāhmaṇā bhojeyyuṃ saddhe vā thālipāke vā yaññe vā pāhune vā’’ti? ‘‘Bhojeyyuṃ, bho gotama’’. ‘‘Apinu naṃ brāhmaṇā mante vāceyyuṃ vā no vā’’ti? ‘‘Vāceyyuṃ, bho gotama’’. ‘‘Apinussa itthīsu āvaṭaṃ vā assa anāvaṭaṃ vā’’ti? ‘‘Anāvaṭaṃ hissa, bho gotama’’.

    277. ‘‘зд̇д̇аавад̇аа ко, амб̣адта, кад̇д̇ияо бараманихийнад̇ам̣ бад̇д̇о ход̇и, яад̣̇зва нам̣ кад̇д̇ияаа курамун̣д̣ам̣ гарид̇ваа бхассабудзна вад̇хид̇ваа радтаа ваа наг̇араа ваа баб̣б̣ааж̇знд̇и. ид̇и ко, амб̣адта, яад̣̇аа кад̇д̇ияо бараманихийнад̇ам̣ бад̇д̇о ход̇и, д̇ад̣̇ааби кад̇д̇ияаава сздтаа, хийнаа б̣раахман̣аа. б̣рахмунаа бзсаа, амб̣адта 37, санан̇гумаарзна г̇аат̇аа бхаасид̇аа –

    277. ‘‘Ettāvatā kho, ambaṭṭha, khattiyo paramanihīnataṃ patto hoti, yadeva naṃ khattiyā khuramuṇḍaṃ karitvā bhassapuṭena vadhitvā raṭṭhā vā nagarā vā pabbājenti. Iti kho, ambaṭṭha, yadā khattiyo paramanihīnataṃ patto hoti, tadāpi khattiyāva seṭṭhā, hīnā brāhmaṇā. Brahmunā pesā, ambaṭṭha 38, sanaṅkumārena gāthā bhāsitā –

    ‘кад̇д̇ияо сздто ж̇анзд̇асмим̣,

    ‘Khattiyo seṭṭho janetasmiṃ,

    яз г̇од̇д̇абадисаарино;

    Ye gottapaṭisārino;

    виж̇ж̇аажаран̣асамбанно,

    Vijjācaraṇasampanno,

    со сздто д̣̇звамаанусз’д̇и.

    So seṭṭho devamānuse’ti.

    ‘‘саа ко банзсаа, амб̣адта, б̣рахмунаа санан̇гумаарзна г̇аат̇аа суг̇ийд̇аа но д̣̇уг̇г̇ийд̇аа, субхаасид̇аа но д̣̇уб̣бхаасид̇аа, ад̇т̇асам̣хид̇аа но анад̇т̇асам̣хид̇аа, анумад̇аа маяаа. ахамби хи, амб̣адта, звам̣ вад̣̇аами –

    ‘‘Sā kho panesā, ambaṭṭha, brahmunā sanaṅkumārena gāthā sugītā no duggītā, subhāsitā no dubbhāsitā, atthasaṃhitā no anatthasaṃhitā, anumatā mayā. Ahampi hi, ambaṭṭha, evaṃ vadāmi –

    ‘кад̇д̇ияо сздто ж̇анзд̇асмим̣,

    ‘Khattiyo seṭṭho janetasmiṃ,

    яз г̇од̇д̇абадисаарино;

    Ye gottapaṭisārino;

    виж̇ж̇аажаран̣асамбанно,

    Vijjācaraṇasampanno,

    со сздто д̣̇звамаанусз’д̇и.

    So seṭṭho devamānuse’ti.

    бхаан̣авааро батамо.

    Bhāṇavāro paṭhamo.

    виж̇ж̇аажаран̣агат̇аа

    Vijjācaraṇakathā

    278. ‘‘гад̇амам̣ бана д̇ам̣, бхо г̇од̇ама, жаран̣ам̣, гад̇амаа жа бана саа виж̇ж̇аа’’д̇и? ‘‘на ко, амб̣адта, ануд̇д̇арааяа виж̇ж̇аажаран̣асамбад̣̇ааяа ж̇аад̇иваад̣̇о ваа вужжад̇и, г̇од̇д̇аваад̣̇о ваа вужжад̇и, маанаваад̣̇о ваа вужжад̇и – ‘арахаси ваа мам̣ д̇вам̣, на ваа мам̣ д̇вам̣ арахасий’д̇и. яад̇т̇а ко, амб̣адта, ааваахо ваа ход̇и, виваахо ваа ход̇и, ааваахавиваахо ваа ход̇и, зд̇т̇зд̇ам̣ вужжад̇и ж̇аад̇иваад̣̇о ваа ид̇иби г̇од̇д̇аваад̣̇о ваа ид̇иби маанаваад̣̇о ваа ид̇иби – ‘арахаси ваа мам̣ д̇вам̣, на ваа мам̣ д̇вам̣ арахасий’д̇и. яз хи гзжи амб̣адта ж̇аад̇иваад̣̇авиниб̣ад̣̇д̇хаа ваа г̇од̇д̇аваад̣̇авиниб̣ад̣̇д̇хаа ваа маанаваад̣̇авиниб̣ад̣̇д̇хаа ваа ааваахавиваахавиниб̣ад̣̇д̇хаа ваа, аарагаа д̇з ануд̇д̇арааяа виж̇ж̇аажаран̣асамбад̣̇ааяа. бахааяа ко, амб̣адта, ж̇аад̇иваад̣̇авиниб̣ад̣̇д̇хан̃жа г̇од̇д̇аваад̣̇авиниб̣ад̣̇д̇хан̃жа маанаваад̣̇авиниб̣ад̣̇д̇хан̃жа ааваахавиваахавиниб̣ад̣̇д̇хан̃жа ануд̇д̇арааяа виж̇ж̇аажаран̣асамбад̣̇ааяа сажчигирияаа ход̇ий’’д̇и.

    278. ‘‘Katamaṃ pana taṃ, bho gotama, caraṇaṃ, katamā ca pana sā vijjā’’ti? ‘‘Na kho, ambaṭṭha, anuttarāya vijjācaraṇasampadāya jātivādo vā vuccati, gottavādo vā vuccati, mānavādo vā vuccati – ‘arahasi vā maṃ tvaṃ, na vā maṃ tvaṃ arahasī’ti. Yattha kho, ambaṭṭha, āvāho vā hoti, vivāho vā hoti, āvāhavivāho vā hoti, etthetaṃ vuccati jātivādo vā itipi gottavādo vā itipi mānavādo vā itipi – ‘arahasi vā maṃ tvaṃ, na vā maṃ tvaṃ arahasī’ti. Ye hi keci ambaṭṭha jātivādavinibaddhā vā gottavādavinibaddhā vā mānavādavinibaddhā vā āvāhavivāhavinibaddhā vā, ārakā te anuttarāya vijjācaraṇasampadāya. Pahāya kho, ambaṭṭha, jātivādavinibaddhañca gottavādavinibaddhañca mānavādavinibaddhañca āvāhavivāhavinibaddhañca anuttarāya vijjācaraṇasampadāya sacchikiriyā hotī’’ti.

    279. ‘‘гад̇амам̣ бана д̇ам̣, бхо г̇од̇ама, жаран̣ам̣, гад̇амаа жа саа виж̇ж̇аа’’д̇и? ‘‘ид̇ха, амб̣адта, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. д̇ам̣ д̇хаммам̣ сун̣аад̇и г̇ахабад̇и ваа г̇ахабад̇ибуд̇д̇о ваа ан̃н̃ад̇арасмим̣ ваа гулз бажжааж̇аад̇о. со д̇ам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇и. со д̇зна сад̣̇д̇хаабадилаабхзна саманнааг̇ад̇о ид̇и бадисан̃жигкад̇и…бз… (яат̇аа 191 аад̣̇аяо анужчзд̣̇аа, звам̣ вид̇т̇аарзд̇аб̣б̣ам̣).…

    279. ‘‘Katamaṃ pana taṃ, bho gotama, caraṇaṃ, katamā ca sā vijjā’’ti? ‘‘Idha, ambaṭṭha, tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Taṃ dhammaṃ suṇāti gahapati vā gahapatiputto vā aññatarasmiṃ vā kule paccājāto. So taṃ dhammaṃ sutvā tathāgate saddhaṃ paṭilabhati. So tena saddhāpaṭilābhena samannāgato iti paṭisañcikkhati…pe… (yathā 191 ādayo anucchedā, evaṃ vitthāretabbaṃ).…

    ‘‘со вивижжзва гаамзхи, вивижжа агусалзхи д̇хаммзхи, савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и…бз… ид̣̇амбисса ход̇и жаран̣асмим̣.

    ‘‘So vivicceva kāmehi, vivicca akusalehi dhammehi, savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati…pe… idampissa hoti caraṇasmiṃ.

    ‘‘буна жабарам̣, амб̣адта, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и…бз… ид̣̇амбисса ход̇и жаран̣асмим̣.

    ‘‘Puna caparaṃ, ambaṭṭha, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati…pe… idampissa hoti caraṇasmiṃ.

    ‘‘буна жабарам̣, амб̣адта, бхигку бийд̇ияаа жа вирааг̇аа убзгкаго жа вихарад̇и сад̇о жа самбаж̇аано, сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘‘убзгкаго сад̇имаа сукавихаарий’д̇и, д̇ад̇ияам̣ жхаанам̣ убасамбаж̇ж̇а вихарад̇и…бз… ид̣̇амбисса ход̇и жаран̣асмим̣.

    ‘‘Puna caparaṃ, ambaṭṭha, bhikkhu pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti, yaṃ taṃ ariyā ācikkhanti – ‘‘upekkhako satimā sukhavihārī’ti, tatiyaṃ jhānaṃ upasampajja viharati…pe… idampissa hoti caraṇasmiṃ.

    ‘‘буна жабарам̣, амб̣адта, бхигку сукасса жа бахаанаа д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и…бз… ид̣̇амбисса ход̇и жаран̣асмим̣. ид̣̇ам̣ ко д̇ам̣, амб̣адта, жаран̣ам̣.

    ‘‘Puna caparaṃ, ambaṭṭha, bhikkhu sukhassa ca pahānā dukkhassa ca pahānā, pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati…pe… idampissa hoti caraṇasmiṃ. Idaṃ kho taṃ, ambaṭṭha, caraṇaṃ.

    ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и…бз… ид̣̇амбисса ход̇и виж̇ж̇ааяа…бз… наабарам̣ ид̇т̇ад̇д̇ааяаад̇и баж̇аанаад̇и, ид̣̇амбисса ход̇и виж̇ж̇ааяа. аяам̣ ко саа, амб̣адта, виж̇ж̇аа.

    ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte ñāṇadassanāya cittaṃ abhinīharati abhininnāmeti…pe… idampissa hoti vijjāya…pe… nāparaṃ itthattāyāti pajānāti, idampissa hoti vijjāya. Ayaṃ kho sā, ambaṭṭha, vijjā.

    ‘‘аяам̣ вужжад̇и, амб̣адта, бхигку ‘виж̇ж̇аасамбанно’ ид̇иби, ‘жаран̣асамбанно’ ид̇иби, ‘виж̇ж̇аажаран̣асамбанно’ ид̇иби. имааяа жа амб̣адта виж̇ж̇аасамбад̣̇ааяа жаран̣асамбад̣̇ааяа жа ан̃н̃аа виж̇ж̇аасамбад̣̇аа жа жаран̣асамбад̣̇аа жа уд̇д̇арид̇араа ваа бан̣ийд̇ад̇араа ваа над̇т̇и.

    ‘‘Ayaṃ vuccati, ambaṭṭha, bhikkhu ‘vijjāsampanno’ itipi, ‘caraṇasampanno’ itipi, ‘vijjācaraṇasampanno’ itipi. Imāya ca ambaṭṭha vijjāsampadāya caraṇasampadāya ca aññā vijjāsampadā ca caraṇasampadā ca uttaritarā vā paṇītatarā vā natthi.

    жад̇уабааяамукам̣

    Catuapāyamukhaṃ

    280. ‘‘имааяа ко, амб̣адта, ануд̇д̇арааяа виж̇ж̇аажаран̣асамбад̣̇ааяа жад̇д̇аари абааяамукаани бхаванд̇и. гад̇амаани жад̇д̇аари? ид̇ха, амб̣адта, згажжо саман̣о ваа б̣раахман̣о ваа иман̃н̃зва ануд̇д̇арам̣ виж̇ж̇аажаран̣асамбад̣̇ам̣ анабхисамбхун̣амаано кааривид̇хамаад̣̇ааяа 39 аран̃н̃ааяад̇анам̣ аж̇жхог̇аахад̇и – ‘бавад̇д̇апалабхож̇ано бхависсаамий’д̇и. со ан̃н̃ад̣̇ад̇т̇у виж̇ж̇аажаран̣асамбаннассзва барижаараго самбаж̇ж̇ад̇и. имааяа ко, амб̣адта, ануд̇д̇арааяа виж̇ж̇аажаран̣асамбад̣̇ааяа ид̣̇ам̣ батамам̣ абааяамукам̣ бхавад̇и.

    280. ‘‘Imāya kho, ambaṭṭha, anuttarāya vijjācaraṇasampadāya cattāri apāyamukhāni bhavanti. Katamāni cattāri? Idha, ambaṭṭha, ekacco samaṇo vā brāhmaṇo vā imaññeva anuttaraṃ vijjācaraṇasampadaṃ anabhisambhuṇamāno khārividhamādāya 40 araññāyatanaṃ ajjhogāhati – ‘pavattaphalabhojano bhavissāmī’ti. So aññadatthu vijjācaraṇasampannasseva paricārako sampajjati. Imāya kho, ambaṭṭha, anuttarāya vijjācaraṇasampadāya idaṃ paṭhamaṃ apāyamukhaṃ bhavati.

    ‘‘буна жабарам̣, амб̣адта, ид̇хзгажжо саман̣о ваа б̣раахман̣о ваа иман̃жзва ануд̇д̇арам̣ виж̇ж̇аажаран̣асамбад̣̇ам̣ анабхисамбхун̣амаано бавад̇д̇апалабхож̇анад̇ан̃жа анабхисамбхун̣амаано гуд̣̇аалабидагам̣ 41 аад̣̇ааяа аран̃н̃аванам̣ аж̇жхог̇аахад̇и – ‘ганд̣̇амуулапалабхож̇ано бхависсаамий’д̇и. со ан̃н̃ад̣̇ад̇т̇у виж̇ж̇аажаран̣асамбаннассзва барижаараго самбаж̇ж̇ад̇и. имааяа ко, амб̣адта, ануд̇д̇арааяа виж̇ж̇аажаран̣асамбад̣̇ааяа ид̣̇ам̣ д̣̇уд̇ияам̣ абааяамукам̣ бхавад̇и.

    ‘‘Puna caparaṃ, ambaṭṭha, idhekacco samaṇo vā brāhmaṇo vā imañceva anuttaraṃ vijjācaraṇasampadaṃ anabhisambhuṇamāno pavattaphalabhojanatañca anabhisambhuṇamāno kudālapiṭakaṃ 42 ādāya araññavanaṃ ajjhogāhati – ‘kandamūlaphalabhojano bhavissāmī’ti. So aññadatthu vijjācaraṇasampannasseva paricārako sampajjati. Imāya kho, ambaṭṭha, anuttarāya vijjācaraṇasampadāya idaṃ dutiyaṃ apāyamukhaṃ bhavati.

    ‘‘буна жабарам̣, амб̣адта, ид̇хзгажжо саман̣о ваа б̣раахман̣о ваа иман̃жзва ануд̇д̇арам̣ виж̇ж̇аажаран̣асамбад̣̇ам̣ анабхисамбхун̣амаано бавад̇д̇апалабхож̇анад̇ан̃жа анабхисамбхун̣амаано ганд̣̇амуулапалабхож̇анад̇ан̃жа анабхисамбхун̣амаано г̇аамасааманд̇ам̣ ваа ниг̇амасааманд̇ам̣ ваа аг̇яааг̇аарам̣ гарид̇ваа аг̇г̇им̣ барижаранд̇о ажчад̇и. со ан̃н̃ад̣̇ад̇т̇у виж̇ж̇аажаран̣асамбаннассзва барижаараго самбаж̇ж̇ад̇и. имааяа ко, амб̣адта, ануд̇д̇арааяа виж̇ж̇аажаран̣асамбад̣̇ааяа ид̣̇ам̣ д̇ад̇ияам̣ абааяамукам̣ бхавад̇и.

    ‘‘Puna caparaṃ, ambaṭṭha, idhekacco samaṇo vā brāhmaṇo vā imañceva anuttaraṃ vijjācaraṇasampadaṃ anabhisambhuṇamāno pavattaphalabhojanatañca anabhisambhuṇamāno kandamūlaphalabhojanatañca anabhisambhuṇamāno gāmasāmantaṃ vā nigamasāmantaṃ vā agyāgāraṃ karitvā aggiṃ paricaranto acchati. So aññadatthu vijjācaraṇasampannasseva paricārako sampajjati. Imāya kho, ambaṭṭha, anuttarāya vijjācaraṇasampadāya idaṃ tatiyaṃ apāyamukhaṃ bhavati.

    ‘‘буна жабарам̣, амб̣адта, ид̇хзгажжо саман̣о ваа б̣раахман̣о ваа имам̣ жзва ануд̇д̇арам̣ виж̇ж̇аажаран̣асамбад̣̇ам̣ анабхисамбхун̣амаано бавад̇д̇апалабхож̇анад̇ан̃жа анабхисамбхун̣амаано ганд̣̇амуулапалабхож̇анад̇ан̃жа анабхисамбхун̣амаано аг̇г̇ибаарижарияан̃жа анабхисамбхун̣амаано жаад̇умахаабат̇з жад̇уд̣̇ваарам̣ аг̇аарам̣ гарид̇ваа ажчад̇и – ‘яо имаахи жад̇уухи д̣̇исаахи ааг̇амиссад̇и саман̣о ваа б̣раахман̣о ваа, д̇амахам̣ яат̇аасад̇д̇и яат̇ааб̣алам̣ бадибууж̇зссаамий’д̇и. со ан̃н̃ад̣̇ад̇т̇у виж̇ж̇аажаран̣асамбаннассзва барижаараго самбаж̇ж̇ад̇и. имааяа ко, амб̣адта, ануд̇д̇арааяа виж̇ж̇аажаран̣асамбад̣̇ааяа ид̣̇ам̣ жад̇уд̇т̇ам̣ абааяамукам̣ бхавад̇и. имааяа ко, амб̣адта, ануд̇д̇арааяа виж̇ж̇аажаран̣асамбад̣̇ааяа имаани жад̇д̇аари абааяамукаани бхаванд̇и.

    ‘‘Puna caparaṃ, ambaṭṭha, idhekacco samaṇo vā brāhmaṇo vā imaṃ ceva anuttaraṃ vijjācaraṇasampadaṃ anabhisambhuṇamāno pavattaphalabhojanatañca anabhisambhuṇamāno kandamūlaphalabhojanatañca anabhisambhuṇamāno aggipāricariyañca anabhisambhuṇamāno cātumahāpathe catudvāraṃ agāraṃ karitvā acchati – ‘yo imāhi catūhi disāhi āgamissati samaṇo vā brāhmaṇo vā, tamahaṃ yathāsatti yathābalaṃ paṭipūjessāmī’ti. So aññadatthu vijjācaraṇasampannasseva paricārako sampajjati. Imāya kho, ambaṭṭha, anuttarāya vijjācaraṇasampadāya idaṃ catutthaṃ apāyamukhaṃ bhavati. Imāya kho, ambaṭṭha, anuttarāya vijjācaraṇasampadāya imāni cattāri apāyamukhāni bhavanti.

    281. ‘‘д̇ам̣ гим̣ ман̃н̃аси, амб̣адта, абину д̇вам̣ имааяа ануд̇д̇арааяа виж̇ж̇аажаран̣асамбад̣̇ааяа санд̣̇иссаси саажарияаго’’д̇и? ‘‘но хид̣̇ам̣, бхо г̇од̇ама’’. ‘гожаахам̣, бхо г̇од̇ама, саажарияаго, гаа жа ануд̇д̇араа виж̇ж̇аажаран̣асамбад̣̇аа? аарагаахам̣, бхо г̇од̇ама, ануд̇д̇арааяа виж̇ж̇аажаран̣асамбад̣̇ааяа саажарияаго’’д̇и.

    281. ‘‘Taṃ kiṃ maññasi, ambaṭṭha, apinu tvaṃ imāya anuttarāya vijjācaraṇasampadāya sandissasi sācariyako’’ti? ‘‘No hidaṃ, bho gotama’’. ‘Kocāhaṃ, bho gotama, sācariyako, kā ca anuttarā vijjācaraṇasampadā? Ārakāhaṃ, bho gotama, anuttarāya vijjācaraṇasampadāya sācariyako’’ti.

    ‘‘д̇ам̣ гим̣ ман̃н̃аси, амб̣адта, абину д̇вам̣ иман̃жзва ануд̇д̇арам̣ виж̇ж̇аажаран̣асамбад̣̇ам̣ анабхисамбхун̣амаано кааривид̇хамаад̣̇ааяа аран̃н̃аванамаж̇жхог̇аахаси саажарияаго – ‘бавад̇д̇апалабхож̇ано бхависсаамий’’’д̇и? ‘‘но хид̣̇ам̣, бхо г̇од̇ама’’.

    ‘‘Taṃ kiṃ maññasi, ambaṭṭha, apinu tvaṃ imañceva anuttaraṃ vijjācaraṇasampadaṃ anabhisambhuṇamāno khārividhamādāya araññavanamajjhogāhasi sācariyako – ‘pavattaphalabhojano bhavissāmī’’’ti? ‘‘No hidaṃ, bho gotama’’.

    ‘‘д̇ам̣ гим̣ ман̃н̃аси, амб̣адта, абину д̇вам̣ иман̃жзва ануд̇д̇арам̣ виж̇ж̇аажаран̣асамбад̣̇ам̣ анабхисамбхун̣амаано бавад̇д̇апалабхож̇анад̇ан̃жа анабхисамбхун̣амаано гуд̣̇аалабидагам̣ аад̣̇ааяа аран̃н̃аванамаж̇жхог̇аахаси саажарияаго – ‘ганд̣̇амуулапалабхож̇ано бхависсаамий’’’д̇и? ‘‘но хид̣̇ам̣, бхо г̇од̇ама’’.

    ‘‘Taṃ kiṃ maññasi, ambaṭṭha, apinu tvaṃ imañceva anuttaraṃ vijjācaraṇasampadaṃ anabhisambhuṇamāno pavattaphalabhojanatañca anabhisambhuṇamāno kudālapiṭakaṃ ādāya araññavanamajjhogāhasi sācariyako – ‘kandamūlaphalabhojano bhavissāmī’’’ti? ‘‘No hidaṃ, bho gotama’’.

    ‘‘д̇ам̣ гим̣ ман̃н̃аси, амб̣адта, абину д̇вам̣ иман̃жзва ануд̇д̇арам̣ виж̇ж̇аажаран̣асамбад̣̇ам̣ анабхисамбхун̣амаано бавад̇д̇апалабхож̇анад̇ан̃жа анабхисамбхун̣амаано ганд̣̇амуулапалабхож̇анад̇ан̃жа анабхисамбхун̣амаано г̇аамасааманд̇ам̣ ваа ниг̇амасааманд̇ам̣ ваа аг̇яааг̇аарам̣ гарид̇ваа аг̇г̇им̣ барижаранд̇о ажчаси саажарияаго’’д̇и? ‘‘но хид̣̇ам̣, бхо г̇од̇ама’’.

    ‘‘Taṃ kiṃ maññasi, ambaṭṭha, apinu tvaṃ imañceva anuttaraṃ vijjācaraṇasampadaṃ anabhisambhuṇamāno pavattaphalabhojanatañca anabhisambhuṇamāno kandamūlaphalabhojanatañca anabhisambhuṇamāno gāmasāmantaṃ vā nigamasāmantaṃ vā agyāgāraṃ karitvā aggiṃ paricaranto acchasi sācariyako’’ti? ‘‘No hidaṃ, bho gotama’’.

    ‘‘д̇ам̣ гим̣ ман̃н̃аси, амб̣адта, абину д̇вам̣ иман̃жзва ануд̇д̇арам̣ виж̇ж̇аажаран̣асамбад̣̇ам̣ анабхисамбхун̣амаано бавад̇д̇апалабхож̇анад̇ан̃жа анабхисамбхун̣амаано ганд̣̇амуулапалабхож̇анад̇ан̃жа анабхисамбхун̣амаано аг̇г̇ибаарижарияан̃жа анабхисамбхун̣амаано жаад̇умахаабат̇з жад̇уд̣̇ваарам̣ аг̇аарам̣ гарид̇ваа ажчаси саажарияаго – ‘яо имаахи жад̇уухи д̣̇исаахи ааг̇амиссад̇и саман̣о ваа б̣раахман̣о ваа, д̇ам̣ маяам̣ яат̇аасад̇д̇и яат̇ааб̣алам̣ бадибууж̇зссаамаа’’’д̇и? ‘‘но хид̣̇ам̣, бхо г̇од̇ама’’.

    ‘‘Taṃ kiṃ maññasi, ambaṭṭha, apinu tvaṃ imañceva anuttaraṃ vijjācaraṇasampadaṃ anabhisambhuṇamāno pavattaphalabhojanatañca anabhisambhuṇamāno kandamūlaphalabhojanatañca anabhisambhuṇamāno aggipāricariyañca anabhisambhuṇamāno cātumahāpathe catudvāraṃ agāraṃ karitvā acchasi sācariyako – ‘yo imāhi catūhi disāhi āgamissati samaṇo vā brāhmaṇo vā, taṃ mayaṃ yathāsatti yathābalaṃ paṭipūjessāmā’’’ti? ‘‘No hidaṃ, bho gotama’’.

    282. ‘‘ид̇и ко, амб̣адта, имааяа жзва д̇вам̣ ануд̇д̇арааяа виж̇ж̇аажаран̣асамбад̣̇ааяа барихийно саажарияаго. яз жимз ануд̇д̇арааяа виж̇ж̇аажаран̣асамбад̣̇ааяа жад̇д̇аари абааяамукаани бхаванд̇и , д̇ад̇о жа д̇вам̣ барихийно саажарияаго. бхаасид̇аа ко бана д̇з зсаа, амб̣адта, аажариязна б̣раахман̣зна богкарасаад̇инаа ваажаа – ‘гз жа мун̣д̣агаа саман̣агаа иб̣бхаа ган̣хаа б̣анд̇хубаад̣̇аабажжаа, гаа жа д̇звиж̇ж̇аанам̣ б̣раахман̣аанам̣ саагажчаа’д̇и ад̇д̇анаа аабааяигоби абарибуурамаано. басса, амб̣адта, яаава абарад̣̇д̇хан̃жа д̇з ид̣̇ам̣ аажарияасса б̣раахман̣асса богкарасаад̇исса.

    282. ‘‘Iti kho, ambaṭṭha, imāya ceva tvaṃ anuttarāya vijjācaraṇasampadāya parihīno sācariyako. Ye cime anuttarāya vijjācaraṇasampadāya cattāri apāyamukhāni bhavanti , tato ca tvaṃ parihīno sācariyako. Bhāsitā kho pana te esā, ambaṭṭha, ācariyena brāhmaṇena pokkharasātinā vācā – ‘ke ca muṇḍakā samaṇakā ibbhā kaṇhā bandhupādāpaccā, kā ca tevijjānaṃ brāhmaṇānaṃ sākacchā’ti attanā āpāyikopi aparipūramāno. Passa, ambaṭṭha, yāva aparaddhañca te idaṃ ācariyassa brāhmaṇassa pokkharasātissa.

    буб̣б̣агаисибхааваануяог̇о

    Pubbakaisibhāvānuyogo

    283. ‘‘б̣раахман̣о ко бана, амб̣адта, богкарасаад̇и ран̃н̃о басзнад̣̇исса госаласса д̣̇ад̇д̇игам̣ бхун̃ж̇ад̇и. д̇асса рааж̇аа басзнад̣̇и госало саммукийбхаавамби на д̣̇ад̣̇аад̇и. яад̣̇ааби д̇зна манд̇зд̇и, д̇ирод̣̇уссанд̇зна манд̇зд̇и. яасса ко бана, амб̣адта, д̇хаммигам̣ баяаад̇ам̣ бхигкам̣ бадиг̇г̇ан̣хзяяа, гат̇ам̣ д̇асса рааж̇аа басзнад̣̇и госало саммукийбхаавамби на д̣̇ад̣̇зяяа. басса, амб̣адта, яаава абарад̣̇д̇хан̃жа д̇з ид̣̇ам̣ аажарияасса б̣раахман̣асса богкарасаад̇исса.

    283. ‘‘Brāhmaṇo kho pana, ambaṭṭha, pokkharasāti rañño pasenadissa kosalassa dattikaṃ bhuñjati. Tassa rājā pasenadi kosalo sammukhībhāvampi na dadāti. Yadāpi tena manteti, tirodussantena manteti. Yassa kho pana, ambaṭṭha, dhammikaṃ payātaṃ bhikkhaṃ paṭiggaṇheyya, kathaṃ tassa rājā pasenadi kosalo sammukhībhāvampi na dadeyya. Passa, ambaṭṭha, yāva aparaddhañca te idaṃ ācariyassa brāhmaṇassa pokkharasātissa.

    284. ‘‘д̇ам̣ гим̣ ман̃н̃аси, амб̣адта, ид̇ха рааж̇аа басзнад̣̇и госало хад̇т̇иг̇ийвааяа ваа нисинно ассабидтз ваа нисинно рат̇уубад̇т̇арз ваа тид̇о уг̇г̇зхи ваа рааж̇ан̃н̃зхи ваа гин̃жид̣̇зва манд̇анам̣ манд̇зяяа. со д̇амхаа бад̣̇зсаа абаггамма згаманд̇ам̣ д̇идтзяяа. ат̇а ааг̇ажчзяяа суд̣̇д̣̇о ваа суд̣̇д̣̇ад̣̇аасо ваа, д̇асмим̣ бад̣̇зсз тид̇о д̇ад̣̇зва манд̇анам̣ манд̇зяяа – ‘звамби рааж̇аа басзнад̣̇и госало ааха, звамби рааж̇аа басзнад̣̇и госало аахаа’д̇и. абину со рааж̇абхан̣ид̇ам̣ ваа бхан̣ад̇и рааж̇аманд̇анам̣ ваа манд̇зд̇и? зд̇д̇аавад̇аа со асса рааж̇аа ваа рааж̇амад̇д̇о ваа’’д̇и? ‘‘но хид̣̇ам̣, бхо г̇од̇ама’’.

    284. ‘‘Taṃ kiṃ maññasi, ambaṭṭha, idha rājā pasenadi kosalo hatthigīvāya vā nisinno assapiṭṭhe vā nisinno rathūpatthare vā ṭhito uggehi vā rājaññehi vā kiñcideva mantanaṃ manteyya. So tamhā padesā apakkamma ekamantaṃ tiṭṭheyya. Atha āgaccheyya suddo vā suddadāso vā, tasmiṃ padese ṭhito tadeva mantanaṃ manteyya – ‘evampi rājā pasenadi kosalo āha, evampi rājā pasenadi kosalo āhā’ti. Apinu so rājabhaṇitaṃ vā bhaṇati rājamantanaṃ vā manteti? Ettāvatā so assa rājā vā rājamatto vā’’ti? ‘‘No hidaṃ, bho gotama’’.

    285. ‘‘звамзва ко д̇вам̣, амб̣адта, яз д̇з ахзсум̣ б̣раахман̣аанам̣ буб̣б̣агаа исаяо манд̇аанам̣ гад̇д̇ааро манд̇аанам̣ бавад̇д̇ааро, язсамид̣̇ам̣ зд̇арахи б̣раахман̣аа бораан̣ам̣ манд̇абад̣̇ам̣ г̇ийд̇ам̣ бавуд̇д̇ам̣ самихид̇ам̣, д̇ад̣̇ануг̇ааяанд̇и д̇ад̣̇анубхаасанд̇и бхаасид̇аманубхаасанд̇и ваажид̇амануваажзнд̇и, сзяяат̇ид̣̇ам̣ – адтаго ваамаго ваамад̣̇зво взссаамид̇д̇о яамад̇аг̇г̇и 43 ан̇г̇ийрасо бхаарад̣̇вааж̇о ваасздто гассабо бхаг̇у – ‘д̇яаахам̣ манд̇з ад̇хияаами саажарияаго’д̇и, д̇аавад̇аа д̇вам̣ бхависсаси иси ваа исид̇т̇ааяа ваа бадибаннод̇и нзд̇ам̣ таанам̣ виж̇ж̇ад̇и.

    285. ‘‘Evameva kho tvaṃ, ambaṭṭha, ye te ahesuṃ brāhmaṇānaṃ pubbakā isayo mantānaṃ kattāro mantānaṃ pavattāro, yesamidaṃ etarahi brāhmaṇā porāṇaṃ mantapadaṃ gītaṃ pavuttaṃ samihitaṃ, tadanugāyanti tadanubhāsanti bhāsitamanubhāsanti vācitamanuvācenti, seyyathidaṃ – aṭṭhako vāmako vāmadevo vessāmitto yamataggi 44 aṅgīraso bhāradvājo vāseṭṭho kassapo bhagu – ‘tyāhaṃ mante adhiyāmi sācariyako’ti, tāvatā tvaṃ bhavissasi isi vā isitthāya vā paṭipannoti netaṃ ṭhānaṃ vijjati.

    286. ‘‘д̇ам̣ гим̣ ман̃н̃аси, амб̣адта, гинд̇и д̇з суд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ – яз д̇з ахзсум̣ б̣раахман̣аанам̣ буб̣б̣агаа исаяо манд̇аанам̣ гад̇д̇ааро манд̇аанам̣ бавад̇д̇ааро, язсамид̣̇ам̣ зд̇арахи б̣раахман̣аа бораан̣ам̣ манд̇абад̣̇ам̣ г̇ийд̇ам̣ бавуд̇д̇ам̣ самихид̇ам̣, д̇ад̣̇ануг̇ааяанд̇и д̇ад̣̇анубхаасанд̇и бхаасид̇аманубхаасанд̇и ваажид̇амануваажзнд̇и, сзяяат̇ид̣̇ам̣ – адтаго ваамаго ваамад̣̇зво взссаамид̇д̇о яамад̇аг̇г̇и ан̇г̇ийрасо бхаарад̣̇вааж̇о ваасздто гассабо бхаг̇у, звам̣ су д̇з сунхаад̇аа сувилид̇д̇аа габбид̇агзсамассуу аамуггаман̣игун̣д̣алаабхаран̣аа 45 од̣̇аад̇авад̇т̇авасанаа бан̃жахи гаамаг̇ун̣зхи самаббид̇аа саман̇г̇ийбхууд̇аа барижаарзнд̇и, сзяяат̇ааби д̇вам̣ зд̇арахи саажарияаго’’д̇и? ‘‘но хид̣̇ам̣, бхо г̇од̇ама’’.

    286. ‘‘Taṃ kiṃ maññasi, ambaṭṭha, kinti te sutaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ – ye te ahesuṃ brāhmaṇānaṃ pubbakā isayo mantānaṃ kattāro mantānaṃ pavattāro, yesamidaṃ etarahi brāhmaṇā porāṇaṃ mantapadaṃ gītaṃ pavuttaṃ samihitaṃ, tadanugāyanti tadanubhāsanti bhāsitamanubhāsanti vācitamanuvācenti, seyyathidaṃ – aṭṭhako vāmako vāmadevo vessāmitto yamataggi aṅgīraso bhāradvājo vāseṭṭho kassapo bhagu, evaṃ su te sunhātā suvilittā kappitakesamassū āmukkamaṇikuṇḍalābharaṇā 46 odātavatthavasanā pañcahi kāmaguṇehi samappitā samaṅgībhūtā paricārenti, seyyathāpi tvaṃ etarahi sācariyako’’ti? ‘‘No hidaṃ, bho gotama’’.

    ‘‘…бз… звам̣ су д̇з саалийнам̣ од̣̇анам̣ сужимам̣суубасзжанам̣ вижид̇агаал̣агам̣ анзгасуубам̣ анзгаб̣яан̃ж̇анам̣ барибхун̃ж̇анд̇и, сзяяат̇ааби д̇вам̣ зд̇арахи саажарияаго’’д̇и ? ‘‘но хид̣̇ам̣, бхо г̇од̇ама’’.

    ‘‘…Pe… evaṃ su te sālīnaṃ odanaṃ sucimaṃsūpasecanaṃ vicitakāḷakaṃ anekasūpaṃ anekabyañjanaṃ paribhuñjanti, seyyathāpi tvaṃ etarahi sācariyako’’ti ? ‘‘No hidaṃ, bho gotama’’.

    ‘‘…бз… звам̣ су д̇з взтаганад̇абассаахи наарийхи барижаарзнд̇и, сзяяат̇ааби д̇вам̣ зд̇арахи саажарияаго’’д̇и? ‘‘но хид̣̇ам̣, бхо г̇од̇ама’’.

    ‘‘…Pe… evaṃ su te veṭhakanatapassāhi nārīhi paricārenti, seyyathāpi tvaṃ etarahi sācariyako’’ti? ‘‘No hidaṃ, bho gotama’’.

    ‘‘…бз… звам̣ су д̇з гуд̇д̇аваалзхи вал̣аваарат̇зхи д̣̇ийгхаахи бад̇од̣̇аладтийхи вааханз вид̇уд̣̇знд̇аа вибарияааяанд̇и, сзяяат̇ааби д̇вам̣ зд̇арахи саажарияаго’’д̇и? ‘‘но хид̣̇ам̣, бхо г̇од̇ама’’.

    ‘‘…Pe… evaṃ su te kuttavālehi vaḷavārathehi dīghāhi patodalaṭṭhīhi vāhane vitudentā vipariyāyanti, seyyathāpi tvaṃ etarahi sācariyako’’ti? ‘‘No hidaṃ, bho gotama’’.

    ‘‘…бз… звам̣ су д̇з уггин̣н̣абарикаасу огкид̇д̇абалигхаасу наг̇аруубагааригаасу д̣̇ийгхаасивуд̇хзхи 47 бурисзхи рагкаабзнд̇и, сзяяат̇ааби д̇вам̣ зд̇арахи саажарияаго’’д̇и? ‘‘но хид̣̇ам̣, бхо г̇од̇ама’’.

    ‘‘…Pe… evaṃ su te ukkiṇṇaparikhāsu okkhittapalighāsu nagarūpakārikāsu dīghāsivudhehi 48 purisehi rakkhāpenti, seyyathāpi tvaṃ etarahi sācariyako’’ti? ‘‘No hidaṃ, bho gotama’’.

    ‘‘ид̇и ко, амб̣адта, нзва д̇вам̣ иси на исид̇т̇ааяа бадибанно саажарияаго. яасса ко бана, амб̣адта, маяи ган̇каа ваа вимад̇и ваа со мам̣ бан̃хзна, ахам̣ взяяаагаран̣зна сод̇хиссаамий’’д̇и.

    ‘‘Iti kho, ambaṭṭha, neva tvaṃ isi na isitthāya paṭipanno sācariyako. Yassa kho pana, ambaṭṭha, mayi kaṅkhā vā vimati vā so maṃ pañhena, ahaṃ veyyākaraṇena sodhissāmī’’ti.

    д̣̇взлагкан̣аад̣̇ассанам̣

    Dvelakkhaṇādassanaṃ

    287. ат̇а ко бхаг̇аваа вихаараа нигкамма жан̇гамам̣ аб̣бхудтааси. амб̣адтоби маан̣аво вихаараа нигкамма жан̇гамам̣ аб̣бхудтааси. ат̇а ко амб̣адто маан̣аво бхаг̇аванд̇ам̣ жан̇гаманд̇ам̣ анужан̇гамамаано бхаг̇авад̇о гааяз д̣̇вад̇д̇им̣самахаабурисалагкан̣аани саманнзси. ад̣̇д̣̇асаа ко амб̣адто маан̣аво бхаг̇авад̇о гааяз д̣̇вад̇д̇им̣самахаабурисалагкан̣аани язбхуяязна табзд̇ваа д̣̇вз . д̣̇вийсу махаабурисалагкан̣зсу ган̇кад̇и вижигижчад̇и наад̇химужжад̇и на самбасийд̣̇ад̇и – госохид̇з жа вад̇т̇аг̇уяхз бахууд̇аж̇ивхад̇ааяа жа.

    287. Atha kho bhagavā vihārā nikkhamma caṅkamaṃ abbhuṭṭhāsi. Ambaṭṭhopi māṇavo vihārā nikkhamma caṅkamaṃ abbhuṭṭhāsi. Atha kho ambaṭṭho māṇavo bhagavantaṃ caṅkamantaṃ anucaṅkamamāno bhagavato kāye dvattiṃsamahāpurisalakkhaṇāni samannesi. Addasā kho ambaṭṭho māṇavo bhagavato kāye dvattiṃsamahāpurisalakkhaṇāni yebhuyyena ṭhapetvā dve . Dvīsu mahāpurisalakkhaṇesu kaṅkhati vicikicchati nādhimuccati na sampasīdati – kosohite ca vatthaguyhe pahūtajivhatāya ca.

    288. ат̇а ко бхаг̇авад̇о зд̇ад̣̇ахоси – ‘‘бассад̇и ко мз аяам̣ амб̣адто маан̣аво д̣̇вад̇д̇им̣самахаабурисалагкан̣аани язбхуяязна табзд̇ваа д̣̇вз. д̣̇вийсу махаабурисалагкан̣зсу ган̇кад̇и вижигижчад̇и наад̇химужжад̇и на самбасийд̣̇ад̇и – госохид̇з жа вад̇т̇аг̇уяхз бахууд̇аж̇ивхад̇ааяа жаа’’д̇и. ат̇а ко бхаг̇аваа д̇ат̇ааруубам̣ ид̣̇д̇хаабхисан̇каарам̣ абхисан̇кааси яат̇аа ад̣̇д̣̇аса амб̣адто маан̣аво бхаг̇авад̇о госохид̇ам̣ вад̇т̇аг̇уяхам̣. ат̇а ко бхаг̇аваа ж̇ивхам̣ ниннаамзд̇ваа убхоби ган̣н̣асод̇аани анумаси бадимаси, убхоби наасигасод̇аани анумаси бадимаси, гзваламби налаадаман̣д̣алам̣ ж̇ивхааяа чаад̣̇зси. ат̇а ко амб̣адтасса маан̣авасса зд̇ад̣̇ахоси – ‘‘саманнааг̇ад̇о ко саман̣о г̇од̇амо д̣̇вад̇д̇им̣самахаабурисалагкан̣зхи барибун̣н̣зхи, но абарибун̣н̣зхий’’д̇и. бхаг̇аванд̇ам̣ зд̇ад̣̇авожа – ‘‘ханд̣̇а жа д̣̇аани маяам̣, бхо г̇од̇ама, г̇ажчаама, б̣ахугижжаа маяам̣ б̣ахугаран̣ийяаа’’д̇и . ‘‘яассад̣̇аани д̇вам̣, амб̣адта, гаалам̣ ман̃н̃асий’’д̇и. ат̇а ко амб̣адто маан̣аво вал̣аваарат̇амааруяха баггаами.

    288. Atha kho bhagavato etadahosi – ‘‘passati kho me ayaṃ ambaṭṭho māṇavo dvattiṃsamahāpurisalakkhaṇāni yebhuyyena ṭhapetvā dve. Dvīsu mahāpurisalakkhaṇesu kaṅkhati vicikicchati nādhimuccati na sampasīdati – kosohite ca vatthaguyhe pahūtajivhatāya cā’’ti. Atha kho bhagavā tathārūpaṃ iddhābhisaṅkhāraṃ abhisaṅkhāsi yathā addasa ambaṭṭho māṇavo bhagavato kosohitaṃ vatthaguyhaṃ. Atha kho bhagavā jivhaṃ ninnāmetvā ubhopi kaṇṇasotāni anumasi paṭimasi, ubhopi nāsikasotāni anumasi paṭimasi, kevalampi nalāṭamaṇḍalaṃ jivhāya chādesi. Atha kho ambaṭṭhassa māṇavassa etadahosi – ‘‘samannāgato kho samaṇo gotamo dvattiṃsamahāpurisalakkhaṇehi paripuṇṇehi, no aparipuṇṇehī’’ti. Bhagavantaṃ etadavoca – ‘‘handa ca dāni mayaṃ, bho gotama, gacchāma, bahukiccā mayaṃ bahukaraṇīyā’’ti . ‘‘Yassadāni tvaṃ, ambaṭṭha, kālaṃ maññasī’’ti. Atha kho ambaṭṭho māṇavo vaḷavārathamāruyha pakkāmi.

    289. д̇зна ко бана самаязна б̣раахман̣о богкарасаад̇и уггадтааяа нигкамид̇ваа махад̇аа б̣раахман̣аг̇ан̣зна сад̣̇д̇хим̣ сагз аараамз нисинно ход̇и амб̣адтам̣язва маан̣авам̣ бадимаанзнд̇о. ат̇а ко амб̣адто маан̣аво язна саго аараамо д̇зна бааяааси. яаавад̇игаа яаанасса бхууми, яаанзна г̇анд̇ваа яаанаа бажжорохид̇ваа бад̇д̇игова язна б̣раахман̣о богкарасаад̇и д̇знубасан̇гами; убасан̇гамид̇ваа б̣раахман̣ам̣ богкарасаад̇им̣ абхиваад̣̇зд̇ваа згаманд̇ам̣ нисийд̣̇и.

    289. Tena kho pana samayena brāhmaṇo pokkharasāti ukkaṭṭhāya nikkhamitvā mahatā brāhmaṇagaṇena saddhiṃ sake ārāme nisinno hoti ambaṭṭhaṃyeva māṇavaṃ paṭimānento. Atha kho ambaṭṭho māṇavo yena sako ārāmo tena pāyāsi. Yāvatikā yānassa bhūmi, yānena gantvā yānā paccorohitvā pattikova yena brāhmaṇo pokkharasāti tenupasaṅkami; upasaṅkamitvā brāhmaṇaṃ pokkharasātiṃ abhivādetvā ekamantaṃ nisīdi.

    290. згаманд̇ам̣ нисиннам̣ ко амб̣адтам̣ маан̣авам̣ б̣раахман̣о богкарасаад̇и зд̇ад̣̇авожа – ‘‘гажжи, д̇аад̇а амб̣адта, ад̣̇д̣̇аса д̇ам̣ бхаванд̇ам̣ г̇од̇ама’’нд̇и? ‘‘ад̣̇д̣̇асаама ко маяам̣, бхо, д̇ам̣ бхаванд̇ам̣ г̇од̇ама’’нд̇и. ‘‘гажжи, д̇аад̇а амб̣адта, д̇ам̣ бхаванд̇ам̣ г̇од̇амам̣ д̇ат̇аа санд̇ам̣язва сад̣̇д̣̇о аб̣бхуг̇г̇ад̇о но ан̃н̃ат̇аа; гажжи бана со бхавам̣ г̇од̇амо д̇аад̣̇исо но ан̃н̃аад̣̇исо’’д̇и ? ‘‘д̇ат̇аа санд̇ам̣язва, бхо, д̇ам̣ бхаванд̇ам̣ г̇од̇амам̣ сад̣̇д̣̇о аб̣бхуг̇г̇ад̇о но ан̃н̃ат̇аа, д̇аад̣̇исова со бхавам̣ г̇од̇амо но ан̃н̃аад̣̇исо. саманнааг̇ад̇о жа со бхавам̣ г̇од̇амо д̣̇вад̇д̇им̣самахаабурисалагкан̣зхи барибун̣н̣зхи но абарибун̣н̣зхий’’д̇и. ‘‘аху бана д̇з, д̇аад̇а амб̣адта, саман̣зна г̇од̇амзна сад̣̇д̇хим̣ гожид̣̇зва гат̇аасаллаабо’’д̇и? ‘‘аху ко мз, бхо, саман̣зна г̇од̇амзна сад̣̇д̇хим̣ гожид̣̇зва гат̇аасаллаабо’’д̇и. ‘‘яат̇аа гат̇ам̣ бана д̇з, д̇аад̇а амб̣адта, аху саман̣зна г̇од̇амзна сад̣̇д̇хим̣ гожид̣̇зва гат̇аасаллаабо’’д̇и? ат̇а ко амб̣адто маан̣аво яаавад̇аго 49 ахоси бхаг̇авад̇аа сад̣̇д̇хим̣ гат̇аасаллаабо, д̇ам̣ саб̣б̣ам̣ б̣раахман̣асса богкарасаад̇исса аарожзси.

    290. Ekamantaṃ nisinnaṃ kho ambaṭṭhaṃ māṇavaṃ brāhmaṇo pokkharasāti etadavoca – ‘‘kacci, tāta ambaṭṭha, addasa taṃ bhavantaṃ gotama’’nti? ‘‘Addasāma kho mayaṃ, bho, taṃ bhavantaṃ gotama’’nti. ‘‘Kacci, tāta ambaṭṭha, taṃ bhavantaṃ gotamaṃ tathā santaṃyeva saddo abbhuggato no aññathā; kacci pana so bhavaṃ gotamo tādiso no aññādiso’’ti ? ‘‘Tathā santaṃyeva, bho, taṃ bhavantaṃ gotamaṃ saddo abbhuggato no aññathā, tādisova so bhavaṃ gotamo no aññādiso. Samannāgato ca so bhavaṃ gotamo dvattiṃsamahāpurisalakkhaṇehi paripuṇṇehi no aparipuṇṇehī’’ti. ‘‘Ahu pana te, tāta ambaṭṭha, samaṇena gotamena saddhiṃ kocideva kathāsallāpo’’ti? ‘‘Ahu kho me, bho, samaṇena gotamena saddhiṃ kocideva kathāsallāpo’’ti. ‘‘Yathā kathaṃ pana te, tāta ambaṭṭha, ahu samaṇena gotamena saddhiṃ kocideva kathāsallāpo’’ti? Atha kho ambaṭṭho māṇavo yāvatako 50 ahosi bhagavatā saddhiṃ kathāsallāpo, taṃ sabbaṃ brāhmaṇassa pokkharasātissa ārocesi.

    291. звам̣ вуд̇д̇з, б̣раахман̣о богкарасаад̇и амб̣адтам̣ маан̣авам̣ зд̇ад̣̇авожа – ‘‘ахо вад̇а рз амхаагам̣ бан̣д̣ид̇ага 51, ахо вад̇а рз амхаагам̣ б̣ахуссуд̇ага 52, ахо вад̇а рз амхаагам̣ д̇звиж̇ж̇ага 53, зваруубзна гира, бхо, бурисо ад̇т̇ажарагзна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа. яад̣̇зва ко д̇вам̣, амб̣адта, д̇ам̣ бхаванд̇ам̣ г̇од̇амам̣ звам̣ аасаж̇ж̇а аасаж̇ж̇а аважааси, ат̇а ко со бхавам̣ г̇од̇амо амхзби звам̣ убанзяяа убанзяяа аважа. ахо вад̇а рз амхаагам̣ бан̣д̣ид̇ага, ахо вад̇а рз амхаагам̣ б̣ахуссуд̇ага, ахо вад̇а рз амхаагам̣ д̇звиж̇ж̇ага, зваруубзна гира, бхо, бурисо ад̇т̇ажарагзна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяаа’’д̇и, губид̇о 54 анад̇д̇амано амб̣адтам̣ маан̣авам̣ бад̣̇асааязва бавад̇д̇зси. ижчад̇и жа д̇аавад̣̇зва бхаг̇аванд̇ам̣ д̣̇ассанааяа убасан̇гамид̇ум̣.

    291. Evaṃ vutte, brāhmaṇo pokkharasāti ambaṭṭhaṃ māṇavaṃ etadavoca – ‘‘aho vata re amhākaṃ paṇḍitaka 55, aho vata re amhākaṃ bahussutaka 56, aho vata re amhākaṃ tevijjaka 57, evarūpena kira, bho, puriso atthacarakena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya. Yadeva kho tvaṃ, ambaṭṭha, taṃ bhavantaṃ gotamaṃ evaṃ āsajja āsajja avacāsi, atha kho so bhavaṃ gotamo amhepi evaṃ upaneyya upaneyya avaca. Aho vata re amhākaṃ paṇḍitaka, aho vata re amhākaṃ bahussutaka, aho vata re amhākaṃ tevijjaka, evarūpena kira, bho, puriso atthacarakena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyyā’’ti, kupito 58 anattamano ambaṭṭhaṃ māṇavaṃ padasāyeva pavattesi. Icchati ca tāvadeva bhagavantaṃ dassanāya upasaṅkamituṃ.

    богкарасаад̇иб̣уд̣̇д̇хубасан̇гаманам̣

    Pokkharasātibuddhupasaṅkamanaṃ

    292. ат̇а ко д̇з б̣раахман̣аа б̣раахман̣ам̣ богкарасаад̇им̣ зд̇ад̣̇авожум̣ – ‘‘ад̇ивигаало ко, бхо, аж̇ж̇а саман̣ам̣ г̇од̇амам̣ д̣̇ассанааяа убасан̇гамид̇ум̣. свзд̣̇аани 59 бхавам̣ богкарасаад̇и саман̣ам̣ г̇од̇амам̣ д̣̇ассанааяа убасан̇гамиссад̇ий’’д̇и. ат̇а ко б̣раахман̣о богкарасаад̇и сагз нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа яаанз ааробзд̇ваа уггаасу д̇хаарияамаанаасу уггадтааяа нияяааси, язна ижчаанан̇г̇алаванасан̣д̣о д̇зна бааяааси. яаавад̇игаа яаанасса бхууми яаанзна г̇анд̇ваа, яаанаа бажжорохид̇ваа бад̇д̇игова язна бхаг̇аваа д̇знубасан̇гами. убасан̇гамид̇ваа бхаг̇авад̇аа сад̣̇д̇хим̣ саммод̣̇и, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и.

    292. Atha kho te brāhmaṇā brāhmaṇaṃ pokkharasātiṃ etadavocuṃ – ‘‘ativikālo kho, bho, ajja samaṇaṃ gotamaṃ dassanāya upasaṅkamituṃ. Svedāni 60 bhavaṃ pokkharasāti samaṇaṃ gotamaṃ dassanāya upasaṅkamissatī’’ti. Atha kho brāhmaṇo pokkharasāti sake nivesane paṇītaṃ khādanīyaṃ bhojanīyaṃ paṭiyādāpetvā yāne āropetvā ukkāsu dhāriyamānāsu ukkaṭṭhāya niyyāsi, yena icchānaṅgalavanasaṇḍo tena pāyāsi. Yāvatikā yānassa bhūmi yānena gantvā, yānā paccorohitvā pattikova yena bhagavā tenupasaṅkami. Upasaṅkamitvā bhagavatā saddhiṃ sammodi, sammodanīyaṃ kathaṃ sāraṇīyaṃ vītisāretvā ekamantaṃ nisīdi.

    293. згаманд̇ам̣ нисинно ко б̣раахман̣о богкарасаад̇и бхаг̇аванд̇ам̣ зд̇ад̣̇авожа – ‘‘ааг̇амаа ну ко ид̇ха, бхо г̇од̇ама, амхаагам̣ анд̇зваасий амб̣адто маан̣аво’’д̇и? ‘‘ааг̇амаа ко д̇з 61, б̣раахман̣а, анд̇зваасий амб̣адто маан̣аво’’д̇и. ‘‘аху бана д̇з, бхо г̇од̇ама, амб̣адтзна маан̣авзна сад̣̇д̇хим̣ гожид̣̇зва гат̇аасаллаабо’’д̇и? ‘‘аху ко мз, б̣раахман̣а, амб̣адтзна маан̣авзна сад̣̇д̇хим̣ гожид̣̇зва гат̇аасаллаабо’’д̇и. ‘‘яат̇аагат̇ам̣ бана д̇з, бхо г̇од̇ама, аху амб̣адтзна маан̣авзна сад̣̇д̇хим̣ гожид̣̇зва гат̇аасаллаабо’’д̇и? ат̇а ко бхаг̇аваа яаавад̇аго ахоси амб̣адтзна маан̣авзна сад̣̇д̇хим̣ гат̇аасаллаабо, д̇ам̣ саб̣б̣ам̣ б̣раахман̣асса богкарасаад̇исса аарожзси. звам̣ вуд̇д̇з, б̣раахман̣о богкарасаад̇и бхаг̇аванд̇ам̣ зд̇ад̣̇авожа – ‘‘б̣аало, бхо г̇од̇ама, амб̣адто маан̣аво, камад̇у бхавам̣ г̇од̇амо амб̣адтасса маан̣авассаа’’д̇и. ‘‘сукий ход̇у, б̣раахман̣а, амб̣адто маан̣аво’’д̇и.

    293. Ekamantaṃ nisinno kho brāhmaṇo pokkharasāti bhagavantaṃ etadavoca – ‘‘āgamā nu kho idha, bho gotama, amhākaṃ antevāsī ambaṭṭho māṇavo’’ti? ‘‘Āgamā kho te 62, brāhmaṇa, antevāsī ambaṭṭho māṇavo’’ti. ‘‘Ahu pana te, bho gotama, ambaṭṭhena māṇavena saddhiṃ kocideva kathāsallāpo’’ti? ‘‘Ahu kho me, brāhmaṇa, ambaṭṭhena māṇavena saddhiṃ kocideva kathāsallāpo’’ti. ‘‘Yathākathaṃ pana te, bho gotama, ahu ambaṭṭhena māṇavena saddhiṃ kocideva kathāsallāpo’’ti? Atha kho bhagavā yāvatako ahosi ambaṭṭhena māṇavena saddhiṃ kathāsallāpo, taṃ sabbaṃ brāhmaṇassa pokkharasātissa ārocesi. Evaṃ vutte, brāhmaṇo pokkharasāti bhagavantaṃ etadavoca – ‘‘bālo, bho gotama, ambaṭṭho māṇavo, khamatu bhavaṃ gotamo ambaṭṭhassa māṇavassā’’ti. ‘‘Sukhī hotu, brāhmaṇa, ambaṭṭho māṇavo’’ti.

    294. ат̇а ко б̣раахман̣о богкарасаад̇и бхаг̇авад̇о гааяз д̣̇вад̇д̇им̣самахаабурисалагкан̣аани саманнзси. ад̣̇д̣̇асаа ко б̣раахман̣о богкарасаад̇и бхаг̇авад̇о гааяз д̣̇вад̇д̇им̣самахаабурисалагкан̣аани язбхуяязна табзд̇ваа д̣̇вз. д̣̇вийсу махаабурисалагкан̣зсу ган̇кад̇и вижигижчад̇и наад̇химужжад̇и на самбасийд̣̇ад̇и – госохид̇з жа вад̇т̇аг̇уяхз бахууд̇аж̇ивхад̇ааяа жа.

    294. Atha kho brāhmaṇo pokkharasāti bhagavato kāye dvattiṃsamahāpurisalakkhaṇāni samannesi. Addasā kho brāhmaṇo pokkharasāti bhagavato kāye dvattiṃsamahāpurisalakkhaṇāni yebhuyyena ṭhapetvā dve. Dvīsu mahāpurisalakkhaṇesu kaṅkhati vicikicchati nādhimuccati na sampasīdati – kosohite ca vatthaguyhe pahūtajivhatāya ca.

    295. ат̇а ко бхаг̇авад̇о зд̇ад̣̇ахоси – ‘‘бассад̇и ко мз аяам̣ б̣раахман̣о богкарасаад̇и д̣̇вад̇д̇им̣самахаабурисалагкан̣аани язбхуяязна табзд̇ваа д̣̇вз. д̣̇вийсу махаабурисалагкан̣зсу ган̇кад̇и вижигижчад̇и наад̇химужжад̇и на самбасийд̣̇ад̇и – госохид̇з жа вад̇т̇аг̇уяхз, бахууд̇аж̇ивхад̇ааяа жаа’’д̇и. ат̇а ко бхаг̇аваа д̇ат̇ааруубам̣ ид̣̇д̇хаабхисан̇каарам̣ абхисан̇кааси яат̇аа ад̣̇д̣̇аса б̣раахман̣о богкарасаад̇и бхаг̇авад̇о госохид̇ам̣ вад̇т̇аг̇уяхам̣. ат̇а ко бхаг̇аваа ж̇ивхам̣ ниннаамзд̇ваа убхоби ган̣н̣асод̇аани анумаси бадимаси, убхоби наасигасод̇аани анумаси бадимаси, гзваламби налаадаман̣д̣алам̣ ж̇ивхааяа чаад̣̇зси.

    295. Atha kho bhagavato etadahosi – ‘‘passati kho me ayaṃ brāhmaṇo pokkharasāti dvattiṃsamahāpurisalakkhaṇāni yebhuyyena ṭhapetvā dve. Dvīsu mahāpurisalakkhaṇesu kaṅkhati vicikicchati nādhimuccati na sampasīdati – kosohite ca vatthaguyhe, pahūtajivhatāya cā’’ti. Atha kho bhagavā tathārūpaṃ iddhābhisaṅkhāraṃ abhisaṅkhāsi yathā addasa brāhmaṇo pokkharasāti bhagavato kosohitaṃ vatthaguyhaṃ. Atha kho bhagavā jivhaṃ ninnāmetvā ubhopi kaṇṇasotāni anumasi paṭimasi, ubhopi nāsikasotāni anumasi paṭimasi, kevalampi nalāṭamaṇḍalaṃ jivhāya chādesi.

    296. ат̇а ко б̣раахман̣асса богкарасаад̇исса зд̇ад̣̇ахоси – ‘‘саманнааг̇ад̇о ко саман̣о г̇од̇амо д̣̇вад̇д̇им̣самахаабурисалагкан̣зхи барибун̣н̣зхи но абарибун̣н̣зхий’’д̇и. бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз бхавам̣ г̇од̇амо аж̇ж̇ад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна.

    296. Atha kho brāhmaṇassa pokkharasātissa etadahosi – ‘‘samannāgato kho samaṇo gotamo dvattiṃsamahāpurisalakkhaṇehi paripuṇṇehi no aparipuṇṇehī’’ti. Bhagavantaṃ etadavoca – ‘‘adhivāsetu me bhavaṃ gotamo ajjatanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena.

    297. ат̇а ко б̣раахман̣о богкарасаад̇и бхаг̇авад̇о ад̇хиваасанам̣ вид̣̇ид̇ваа бхаг̇авад̇о гаалам̣ аарожзси – ‘‘гаало, бхо г̇од̇ама, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна б̣раахман̣асса богкарасаад̇исса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко б̣раахман̣о богкарасаад̇и бхаг̇аванд̇ам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси, маан̣авагааби бхигкусан̇гхам̣. ат̇а ко б̣раахман̣о богкарасаад̇и бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и.

    297. Atha kho brāhmaṇo pokkharasāti bhagavato adhivāsanaṃ viditvā bhagavato kālaṃ ārocesi – ‘‘kālo, bho gotama, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya saddhiṃ bhikkhusaṅghena yena brāhmaṇassa pokkharasātissa nivesanaṃ tenupasaṅkami; upasaṅkamitvā paññatte āsane nisīdi. Atha kho brāhmaṇo pokkharasāti bhagavantaṃ paṇītena khādanīyena bhojanīyena sahatthā santappesi sampavāresi, māṇavakāpi bhikkhusaṅghaṃ. Atha kho brāhmaṇo pokkharasāti bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi.

    298. згаманд̇ам̣ нисиннасса ко б̣раахман̣асса богкарасаад̇исса бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣; гаамаанам̣ аад̣̇ийнавам̣ огаарам̣ сам̣гилзсам̣, нзгкаммз аанисам̣сам̣ багаасзси. яад̣̇аа бхаг̇аваа ан̃н̃ааси б̣раахман̣ам̣ богкарасаад̇им̣ галлажид̇д̇ам̣ муд̣̇ужид̇д̇ам̣ винийваран̣ажид̇д̇ам̣ уд̣̇аг̇г̇ажид̇д̇ам̣ басаннажид̇д̇ам̣, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа, д̇ам̣ багаасзси – д̣̇угкам̣ самуд̣̇аяам̣ нирод̇хам̣ маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа; звамзва б̣раахман̣асса богкарасаад̇исса д̇асмин̃н̃зва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и.

    298. Ekamantaṃ nisinnassa kho brāhmaṇassa pokkharasātissa bhagavā anupubbiṃ kathaṃ kathesi, seyyathidaṃ – dānakathaṃ sīlakathaṃ saggakathaṃ; kāmānaṃ ādīnavaṃ okāraṃ saṃkilesaṃ, nekkhamme ānisaṃsaṃ pakāsesi. Yadā bhagavā aññāsi brāhmaṇaṃ pokkharasātiṃ kallacittaṃ muducittaṃ vinīvaraṇacittaṃ udaggacittaṃ pasannacittaṃ, atha yā buddhānaṃ sāmukkaṃsikā dhammadesanā, taṃ pakāsesi – dukkhaṃ samudayaṃ nirodhaṃ maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya; evameva brāhmaṇassa pokkharasātissa tasmiññeva āsane virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ, sabbaṃ taṃ nirodhadhamma’’nti.

    богкарасаад̇иубаасагад̇д̇абадивзд̣̇анаа

    Pokkharasātiupāsakattapaṭivedanā

    299. ат̇а ко б̣раахман̣о богкарасаад̇и д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама. сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа , анд̇хагаарз ваа д̇злабаж̇ж̇од̇ам̣ д̇хаарзяяа, ‘жагкуманд̇о руубаани д̣̇агканд̇ий’д̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣, бхо г̇од̇ама, сабуд̇д̇о сабхарияо сабарисо саамажжо бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣. яат̇аа жа бхавам̣ г̇од̇амо уггадтааяа ан̃н̃аани убаасагагулаани убасан̇гамад̇и, звамзва бхавам̣ г̇од̇амо богкарасаад̇игулам̣ убасан̇гамад̇у. д̇ад̇т̇а яз д̇з маан̣авагаа ваа маан̣авигаа ваа бхаванд̇ам̣ г̇од̇амам̣ абхиваад̣̇зссанд̇и ваа бажжудтиссанд̇и 63 ваа аасанам̣ ваа уд̣̇агам̣ ваа д̣̇ассанд̇и жид̇д̇ам̣ ваа басаад̣̇зссанд̇и, д̇зсам̣ д̇ам̣ бхависсад̇и д̣̇ийгхарад̇д̇ам̣ хид̇ааяа сукааяаа’’д̇и. ‘‘галяаан̣ам̣ вужжад̇и, б̣раахман̣аа’’д̇и.

    299. Atha kho brāhmaṇo pokkharasāti diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama. Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya , andhakāre vā telapajjotaṃ dhāreyya, ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Esāhaṃ, bho gotama, saputto sabhariyo sapariso sāmacco bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gataṃ. Yathā ca bhavaṃ gotamo ukkaṭṭhāya aññāni upāsakakulāni upasaṅkamati, evameva bhavaṃ gotamo pokkharasātikulaṃ upasaṅkamatu. Tattha ye te māṇavakā vā māṇavikā vā bhavantaṃ gotamaṃ abhivādessanti vā paccuṭṭhissanti 64 vā āsanaṃ vā udakaṃ vā dassanti cittaṃ vā pasādessanti, tesaṃ taṃ bhavissati dīgharattaṃ hitāya sukhāyā’’ti. ‘‘Kalyāṇaṃ vuccati, brāhmaṇā’’ti.

    амб̣адтасуд̇д̇ам̣ нидтид̇ам̣ д̇ад̇ияам̣.

    Ambaṭṭhasuttaṃ niṭṭhitaṃ tatiyaṃ.




    Next: 4. сон̣ад̣̇ан̣д̣асуд̇д̇ам̣ • 4. Soṇadaṇḍasuttaṃ




    Footnotes:
    1. богкарасаад̇ий (сий.), богкарасаад̣̇и (бий.)
    2. бхаг̇аваад̇и (сяаа. гам̣.), убарисон̣ад̣̇ан̣д̣асуд̇д̇аад̣̇ийсуби б̣уд̣̇д̇хаг̇ун̣агат̇ааяам̣ звамзва д̣̇иссад̇и
    3. pokkharasātī (sī.), pokkharasādi (pī.)
    4. bhagavāti (syā. kaṃ.), uparisoṇadaṇḍasuttādīsupi buddhaguṇakathāyaṃ evameva dissati
    5. б̣зд̣̇аанам̣ (га.)
    6. bedānaṃ (ka.)
    7. гин̃жи гин̃жи (га.)
    8. kiñci kiñci (ka.)
    9. гин̣хаа (га. сий. бий.)
    10. ааг̇ажчзяяаат̇о (сий. бий.)
    11. манасигарзяяаат̇о (сий. бий.)
    12. kiṇhā (ka. sī. pī.)
    13. āgaccheyyātho (sī. pī.)
    14. manasikareyyātho (sī. pī.)
    15. г̇аругаронд̇и (сий. сяаа. гам̣. бий.)
    16. garukaronti (sī. syā. kaṃ. pī.)
    17. сант̇ааг̇аарз (сий. бий.)
    18. ан̇г̇улибад̇од̣̇агзна (бий.)
    19. santhāgāre (sī. pī.)
    20. aṅgulipatodakena (pī.)
    21. уггаамукам̣ гараган̣д̣ум̣ (сий. сяаа.)
    22. синибурам̣ (сий. сяаа.)
    23. ukkāmukhaṃ karakaṇḍuṃ (sī. syā.)
    24. sinipuraṃ (sī. syā.)
    25. саа ган̣хам̣ (бий.)
    26. sā kaṇhaṃ (pī.)
    27. сан̃ж̇од̇ибхууд̇ам̣ (сяаа.)
    28. sañjotibhūtaṃ (syā.)
    29. гим̣ мз д̇ам̣ (га.)
    30. б̣рууд̇у (сяаа.)
    31. kiṃ me taṃ (ka.)
    32. brūtu (syā.)
    33. саннахи (га.)
    34. sannahi (ka.)
    35. бхад̣̇анд̇з (сий. сяаа.)
    36. bhadante (sī. syā.)
    37. б̣рахмунааби амб̣адта (га.), б̣рахмунааби зсо амб̣адта (бий.)
    38. brahmunāpi ambaṭṭha (ka.), brahmunāpi eso ambaṭṭha (pī.)
    39. каарививид̇хамаад̣̇ааяа (сий. сяаа. бий.)
    40. khārivividhamādāya (sī. syā. pī.)
    41. гуд̣̇д̣̇аалабидагам̣ (сий. сяаа. бий.)
    42. kuddālapiṭakaṃ (sī. syā. pī.)
    43. яамад̣̇аг̇г̇и (га.)
    44. yamadaggi (ka.)
    45. аамуд̇д̇амаалаабхаран̣аа (сий. сяаа. бий.)
    46. āmuttamālābharaṇā (sī. syā. pī.)
    47. д̣̇ийгхаасиб̣ад̣̇д̇хзхи (сяаа. бий.)
    48. dīghāsibaddhehi (syā. pī.)
    49. яаавад̇иго (га. бий.)
    50. yāvatiko (ka. pī.)
    51. бан̣д̣ид̇агаа
    52. б̣ахуссуд̇агаа
    53. д̇звиж̇ж̇агаа
    54. со губид̇о (бий.)
    55. paṇḍitakā
    56. bahussutakā
    57. tevijjakā
    58. so kupito (pī.)
    59. д̣̇аани свз (сий. га.)
    60. dāni sve (sī. ka.)
    61. д̇зд̇ха (сяаа.), д̇з ид̇ха (бий.)
    62. tedha (syā.), te idha (pī.)
    63. бажжудтассанд̇и (бий.)
    64. paccuṭṭhassanti (pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 3. амб̣адтасуд̇д̇аван̣н̣анаа • 3. Ambaṭṭhasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 3. амб̣адтасуд̇д̇аван̣н̣анаа • 3. Ambaṭṭhasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact