3. амб̣адтасуд̇д̇аван̣н̣анаа

ад̣̇д̇хаанаг̇аманаван̣н̣анаа

254. звам̣ мз суд̇ам̣…бз… госалзсууд̇и амб̣адтасуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа. госалзсууд̇и госалаа наама ж̇аанабад̣̇ино рааж̇агумаараа. д̇зсам̣ ниваасо згоби ж̇анабад̣̇о руул̣хийсад̣̇д̣̇зна госалаад̇и вужжад̇и, д̇асмим̣ госалзсу ж̇анабад̣̇з. бораан̣аа банааху – яасмаа буб̣б̣з махаабанаад̣̇ам̣ рааж̇агумаарам̣ наанаанаадагаад̣̇ийни д̣̇исваа сид̇амад̇д̇амби агаронд̇ам̣ суд̇ваа рааж̇аа ааха – ‘‘яо мама буд̇д̇ам̣ хасаабзд̇и, саб̣б̣аалан̇гаарзна нам̣ алан̇гаромий’’д̇и. д̇ад̇о нан̇г̇алааниби чад̣д̣зд̇ваа махааж̇анагааяз саннибад̇ид̇з мануссаа саад̇ирзгаани сад̇д̇авассаани наанаагийл̣ааяо д̣̇ассзд̇вааби д̇ам̣ хасаабзд̇ум̣ наасагким̣су, д̇ад̇о сагго д̣̇зварааж̇аа наадагам̣ бзсзси, со д̣̇иб̣б̣анаадагам̣ д̣̇ассзд̇ваа хасаабзси. ат̇а д̇з мануссаа ад̇д̇ано ад̇д̇ано васаногаасаабхимукаа баггамим̣су. д̇з бадибат̇з мид̇д̇асухаж̇ж̇аад̣̇аяо д̣̇исваа бадисант̇аарам̣ гаронд̇аа – ‘‘гажжи бхо гусалам̣, гажжи бхо гусала’’нд̇и аахам̣су. д̇асмаа д̇ам̣ ‘‘гусала’’нд̇и важанам̣ убаад̣̇ааяа со бад̣̇зсо госалаад̇и вужжад̇ийд̇и.

жааригам̣ жарамаанод̇и ад̣̇д̇хаанаг̇аманам̣ г̇ажчанд̇о. жааригаа жа наамзсаа бхаг̇авад̇о д̣̇увид̇хаа ход̇и – д̇урид̇ажааригаа жа, ад̇урид̇ажааригаа жа. д̇ад̇т̇а д̣̇уурзби б̣од̇ханзяяабуг̇г̇алам̣ д̣̇исваа д̇асса б̣од̇ханад̇т̇ааяа сахасаа г̇аманам̣ д̇урид̇ажааригаа наама, саа махаагассабасса бажжуг̇г̇аманаад̣̇ийсу д̣̇адтаб̣б̣аа. бхаг̇аваа хи махаагассабад̇т̇зрам̣ бажжуг̇г̇ажчанд̇о мухуд̇д̇зна д̇иг̇аавуд̇ам̣ маг̇г̇ам̣ аг̇амааси. аал̣авагассад̇т̇ааяа д̇им̣саяож̇анам̣, д̇ат̇аа ан̇г̇улимааласса. баггусаад̇исса бана бан̃жажад̇д̇аалийсаяож̇анам̣. махаагаббинасса вийсаяож̇анасад̇ам̣. д̇ханияассад̇т̇ааяа сад̇д̇аяож̇анасад̇аани аг̇амааси. д̇хаммасзнаабад̇ино сад̣̇д̇хивихааригасса ванаваасийд̇иссасааман̣зрасса д̇иг̇аавуд̇аад̇хигам̣ вийсаяож̇анасад̇ам̣.

згад̣̇ивасам̣ гира т̇зро – ‘‘д̇иссасааман̣зрасса санд̇игам̣, бханд̇з, г̇ажчаамий’’д̇и ааха. бхаг̇аваа – ‘‘ахамби г̇амиссаамий’’д̇и вад̇ваа ааяасманд̇ам̣ аананд̣̇ам̣ ааманд̇зси – ‘‘аананд̣̇а, вийсад̇исахассаанам̣ чал̣абхин̃н̃аанам̣ аарожзхи, бхаг̇аваа гира ванаваасисса д̇иссасааман̣зрасса санд̇игам̣ г̇амиссад̇ий’’д̇и. д̇ад̇о д̣̇уд̇ияад̣̇ивасз вийсад̇исахассакийн̣аасавабаривааро аагаасз уббад̇ид̇ваа вийсад̇ияож̇анасад̇амад̇т̇агз д̇асса г̇ожараг̇аамад̣̇ваарз од̇арид̇ваа жийварам̣ бааруби. д̇ам̣ гамманд̇ам̣ г̇ажчамаанаа мануссаа д̣̇исваа – ‘‘сад̇т̇аа но ааг̇ад̇о, маа гамманд̇ам̣ аг̇амид̇т̇аа’’д̇и вад̇ваа аасанаани бан̃н̃абзд̇ваа яааг̇ум̣ д̣̇ад̇ваа баад̇араасабхад̇д̇ам̣ гаронд̇аа – ‘‘гухим̣, бханд̇з, бхаг̇аваа г̇ажчад̇ий’’д̇и д̣̇ахарабхигкуу бужчим̣су. убаасагаа на бхаг̇аваа ан̃н̃ад̇т̇а г̇ажчад̇и, ид̇хзва д̇иссасааман̣зрасса д̣̇ассанад̇т̇ааяааг̇ад̇од̇и. д̇з – ‘‘амхаагам̣ гулуубагасса гира т̇зрасса д̣̇ассанад̇т̇ааяа сад̇т̇аа ааг̇ад̇о, но вад̇а но т̇зро орамад̇д̇аго’’д̇и соманассаж̇аад̇аа ахзсум̣.

ат̇а ко бхаг̇авад̇о бхад̇д̇агижжабарияосаанз сааман̣зро г̇аамз бин̣д̣ааяа жарид̇ваа – ‘‘убаасагаа, махаабхигкусан̇гхо’’д̇и бужчи. ат̇асса д̇з ‘‘сад̇т̇аа, бханд̇з, ааг̇ад̇о’’д̇и аарожзсум̣. со бхаг̇аванд̇ам̣ убасан̇гамид̇ваа бин̣д̣абаад̇зна аабужчи. сад̇т̇аа д̇асса бад̇д̇ам̣ хад̇т̇зна г̇ахзд̇ваа – ‘‘алам̣, д̇исса, нидтид̇ам̣ бхад̇д̇агижжа’’нд̇и ааха. д̇ад̇о убаж̇жхааяам̣ аабужчид̇ваа ад̇д̇ано бад̇д̇аасанз нисийд̣̇ид̇ваа бхад̇д̇агижжамагааси. ат̇асса бхад̇д̇агижжабарияосаанз сад̇т̇аа ман̇г̇алам̣ вад̇ваа нигкамид̇ваа г̇аамад̣̇ваарз тад̇ваа – ‘‘гад̇аро д̇з, д̇исса, васанадтаанам̣ г̇ад̇амаг̇г̇о’’д̇и ааха. аяам̣ бхаг̇аваад̇и. маг̇г̇ам̣ д̣̇зсаяамаано бурад̇о яаахи д̇иссаад̇и. бхаг̇аваа гира сад̣̇звагасса логасса маг̇г̇ад̣̇зсагоби самаано сагалз д̇иг̇аавуд̇з маг̇г̇з ‘сааман̣зрам̣ д̣̇адтум̣ лажчаамий’д̇и д̇ам̣ маг̇г̇ад̣̇зсагам̣ агааси.

со ад̇д̇ано васанадтаанам̣ г̇анд̇ваа бхаг̇авад̇о вад̇д̇амагааси. ат̇а нам̣ бхаг̇аваа – ‘‘гад̇аро д̇з, д̇исса, жан̇гамо’’д̇и бужчид̇ваа д̇ад̇т̇а г̇анд̇ваа сааман̣зрасса нисийд̣̇анабаасаан̣з нисийд̣̇ид̇ваа – ‘‘д̇исса, имасмим̣ таанз сукам̣ васий’’д̇и бужчи. со ааха – ‘‘аама, бханд̇з, имасмим̣ таанз васанд̇асса сийхаб̣яаг̇гхахад̇т̇имиг̇амораад̣̇ийнам̣ сад̣̇д̣̇ам̣ сун̣ад̇о аран̃н̃асан̃н̃аа уббаж̇ж̇ад̇и, д̇ааяа сукам̣ васаамий’’д̇и. ат̇а нам̣ бхаг̇аваа – ‘‘д̇исса, бхигкусан̇гхам̣ саннибаад̇зхи, б̣уд̣̇д̇хад̣̇ааяаж̇ж̇ам̣ д̇з д̣̇ассаамий’’д̇и вад̇ваа саннибад̇ид̇з бхигкусан̇гхз убасамбаад̣̇зд̇ваа ад̇д̇ано васанадтаанамзва аг̇амаасийд̇и. аяам̣ д̇урид̇ажааригаа наама. яам̣ бана г̇ааманиг̇амабадибаадияаа д̣̇звасигам̣ яож̇анад̣̇вияож̇анавасзна бин̣д̣абаад̇ажарияаад̣̇ийхи логам̣ ануг̇г̇ан̣ханд̇асса г̇аманам̣, аяам̣ ад̇урид̇ажааригаа наама.

имам̣ бана жааригам̣ жаранд̇о бхаг̇аваа махааман̣д̣алам̣, маж̇жхимаман̣д̣алам̣, анд̇оман̣д̣аланд̇и имзсам̣ д̇ин̣н̣ам̣ ман̣д̣алаанам̣ ан̃н̃ад̇арасмим̣ жарад̇и. д̇ад̇т̇а махааман̣д̣алам̣ наваяож̇анасад̇игам̣, маж̇жхимаман̣д̣алам̣ чаяож̇анасад̇игам̣ , анд̇оман̣д̣алам̣ д̇ияож̇анасад̇игам̣. яад̣̇аа махааман̣д̣алз жааригам̣ жарид̇угаамо ход̇и, махаабавааран̣ааяа баваарзд̇ваа баадибад̣̇ад̣̇ивасз махаабхигкусан̇гхабаривааро нигкамад̇и. саманд̇аа яож̇анасад̇ам̣ згаголаахалам̣ ход̇и. буримам̣ буримам̣ ааг̇ад̇аа ниманд̇зд̇ум̣ лабханд̇и. ид̇арзсу д̣̇вийсу ман̣д̣алзсу саггааро махааман̣д̣алз осарад̇и. д̇ад̇т̇а бхаг̇аваа д̇зсу д̇зсу г̇ааманиг̇амзсу згаахам̣ д̣̇вийхам̣ васанд̇о махааж̇анам̣ аамисаббадиг̇г̇ахзна ануг̇г̇ан̣ханд̇о д̇хаммад̣̇аанзна жасса виваддасанниссид̇ам̣ гусалам̣ вад̣дхзнд̇о навахи маасзхи жааригам̣ барияосаабзд̇и. сажз бана анд̇овассз бхигкуунам̣ самат̇авибассанаа д̇арун̣аа хонд̇и, махаабавааран̣ааяа абаваарзд̇ваа бавааран̣аасан̇г̇ахам̣ д̣̇ад̇ваа гад̇д̇игабун̣н̣амааяам̣ баваарзд̇ваа миг̇асирасса батамабаадибад̣̇ад̣̇ивасз махаабхигкусан̇гхабаривааро нигкамид̇ваа маж̇жхимаман̣д̣алз осарад̇и. ан̃н̃знаби гааран̣зна маж̇жхимаман̣д̣алз жааригам̣ жарид̇угаамо жад̇умаасам̣ васид̇ваава нигкамад̇и. вуд̇д̇анаязнзва ид̇арзсу д̣̇вийсу ман̣д̣алзсу саггааро маж̇жхимаман̣д̣алз осарад̇и. бхаг̇аваа буриманаязнзва логам̣ ануг̇г̇ан̣ханд̇о адтахи маасзхи жааригам̣ барияосаабзд̇и. сажз бана жад̇умаасам̣ вуд̇т̇авассассааби бхаг̇авад̇о взнзяяасад̇д̇аа абарибаггинд̣̇рияаа хонд̇и, д̇зсам̣ инд̣̇рияабарибаагам̣ ааг̇амаяамаано абарамби згамаасам̣ ваа д̣̇вид̇ижад̇умаасам̣ ваа д̇ад̇т̇зва васид̇ваа махаабхигкусан̇гхабаривааро нигкамад̇и. вуд̇д̇анаязнзва ид̇арзсу д̣̇вийсу ман̣д̣алзсу саггааро анд̇оман̣д̣алз осарад̇и. бхаг̇аваа буриманаязнзва логам̣ ануг̇г̇ан̣ханд̇о сад̇д̇ахи ваа чахи ваа бан̃жахи ваа жад̇уухи ваа маасзхи жааригам̣ барияосаабзд̇и. ид̇и имзсу д̇ийсу ман̣д̣алзсу яад̇т̇а гад̇т̇ажи жааригам̣ жаранд̇о на жийвараад̣̇ихзд̇у жарад̇и. ат̇а ко яз д̣̇уг̇г̇ад̇аб̣аалаж̇ин̣н̣аб̣яаад̇хид̇аа, д̇з гад̣̇аа д̇ат̇ааг̇ад̇ам̣ ааг̇анд̇ваа бассиссанд̇и. маяи бана жааригам̣ жаранд̇з махааж̇ано д̇ат̇ааг̇ад̇асса д̣̇ассанам̣ лабхиссад̇и. д̇ад̇т̇а гзжи жид̇д̇аани басаад̣̇зссанд̇и , гзжи маалаад̣̇ийхи бууж̇зссанд̇и, гзжи гадажчубхигкам̣ д̣̇ассанд̇и, гзжи мижчаад̣̇ассанам̣ бахааяа саммаад̣̇идтигаа бхависсанд̇и. д̇ам̣ нзсам̣ бхависсад̇и д̣̇ийгхарад̇д̇ам̣ хид̇ааяа сукааяаад̇и. звам̣ логаанугамбагааяа жааригам̣ жарад̇и.

аби жа жад̇уухи гааран̣зхи б̣уд̣̇д̇хаа бхаг̇аванд̇о жааригам̣ жаранд̇и, ж̇ан̇гхавихааравасзна сарийрапаасугад̇т̇ааяа, ад̇т̇уббад̇д̇игаалаабхиган̇канад̇т̇ааяа, бхигкуунам̣ сигкаабад̣̇абан̃н̃аабанад̇т̇ааяа, д̇ад̇т̇а д̇ад̇т̇а барибаагаг̇ад̇инд̣̇рияз б̣од̇ханзяяасад̇д̇з б̣од̇ханад̇т̇ааяаад̇и. абарзхиби жад̇уухи гааран̣зхи б̣уд̣̇д̇хаа бхаг̇аванд̇о жааригам̣ жаранд̇и б̣уд̣̇д̇хам̣ саран̣ам̣ г̇ажчиссанд̇ийд̇и ваа, д̇хаммам̣, сан̇гхам̣ саран̣ам̣ г̇ажчиссанд̇ийд̇и ваа, махад̇аа д̇хаммавассзна жад̇ассо барисаа санд̇аббзссаамийд̇и ваа. абарзхиби бан̃жахи гааран̣зхи б̣уд̣̇д̇хаа бхаг̇аванд̇о жааригам̣ жаранд̇и баан̣аад̇ибаад̇аа вирамиссанд̇ийд̇и ваа, ад̣̇иннаад̣̇аанаа , гаамзсумижчаажаараа, мусааваад̣̇аа, сураамзраяамаж̇ж̇абамаад̣̇адтаанаа вирамиссанд̇ийд̇и ваа. абарзхиби адтахи гааран̣зхи б̣уд̣̇д̇хаа бхаг̇аванд̇о жааригам̣ жаранд̇и – батамам̣ жхаанам̣ бадилабхиссанд̇ийд̇и ваа, д̣̇уд̇ияам̣ жхаанам̣…бз… нзвасан̃н̃аанаасан̃н̃ааяад̇анасамаабад̇д̇им̣ бадилабхиссанд̇ийд̇и ваа. абарзхиби адтахи гааран̣зхи б̣уд̣̇д̇хаа бхаг̇аванд̇о жааригам̣ жаранд̇и – сод̇аабад̇д̇имаг̇г̇ам̣ ад̇хиг̇амиссанд̇ийд̇и ваа, сод̇аабад̇д̇ипалам̣…бз… арахад̇д̇апалам̣ сажчигариссанд̇ийд̇и ваад̇и. аяам̣ ад̇урид̇ажааригаа, ид̇ха жааригаад̇и ад̇хиббзд̇аа. саа банзсаа д̣̇увид̇хаа ход̇и – аниб̣ад̣̇д̇хажааригаа жа ниб̣ад̣̇д̇хажааригаа жа. д̇ад̇т̇а яам̣ г̇ааманиг̇аманаг̇арабадибаадивасзна жарад̇и, аяам̣ аниб̣ад̣̇д̇хажааригаа наама. яам̣ банзгассзва б̣од̇ханзяяасад̇д̇ассад̇т̇ааяа г̇ажчад̇и, аяам̣ ниб̣ад̣̇д̇хажааригаа наама. зсаа ид̇ха ад̇хиббзд̇аа.

д̇ад̣̇аа гира бхаг̇авад̇о бажчимаяаамагижжабарияосаанз д̣̇асасахассилогад̇хаад̇уяаа н̃аан̣аж̇аалам̣ бад̇т̇арид̇ваа б̣од̇ханзяяаб̣анд̇хавз ологзнд̇асса богкарасаад̇иб̣раахман̣о саб̣б̣ан̃н̃уд̇ан̃н̃аан̣аж̇ааласса анд̇о бавидто. ат̇а бхаг̇аваа аяам̣ б̣раахман̣о маяхам̣ н̃аан̣аж̇аалз бан̃н̃ааяад̇и, ‘‘ад̇т̇и ну квасса убаниссаяо’’д̇и виймам̣санд̇о сод̇аабад̇д̇имаг̇г̇асса убаниссаяам̣ д̣̇исваа – ‘‘зсо маяи зд̇ам̣ ж̇анабад̣̇ам̣ г̇ад̇з лагкан̣абариязсанад̇т̇ам̣ амб̣адтам̣ анд̇зваасим̣ бахин̣иссад̇и, со маяаа сад̣̇д̇хим̣ ваад̣̇абадиваад̣̇ам̣ гад̇ваа наанаббагаарам̣ асаб̣бхиваагяам̣ вагкад̇и, д̇амахам̣ д̣̇амзд̇ваа ниб̣б̣исзванам̣ гариссаами. со аажарияасса гат̇зссад̇и, ат̇ассаажарияо д̇ам̣ гат̇ам̣ суд̇ваа ааг̇амма мама лагкан̣аани бариязсиссад̇и, д̇ассаахам̣ д̇хаммам̣ д̣̇зсзссаами. со д̣̇зсанаабарияосаанз сод̇аабад̇д̇ипалз бад̇идтахиссад̇и. д̣̇зсанаа махааж̇анасса сапалаа бхависсад̇ий’’д̇и бан̃жабхигкусад̇абаривааро д̇ам̣ ж̇анабад̣̇ам̣ бадибанно. д̇зна вуд̇д̇ам̣ – ‘‘госалзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхий’’д̇и.

язна ижчаанан̇г̇аланд̇и язна д̣̇исаабхааг̇зна ижчаанан̇г̇алам̣ авасарид̇аб̣б̣ам̣. яасмим̣ ваа бад̣̇зсз ижчаанан̇г̇алам̣. иж̇жхаанан̇г̇аланд̇иби баато. д̇ад̣̇авасарийд̇и д̇зна авасари, д̇ам̣ ваа авасари. д̇зна д̣̇исаабхааг̇зна г̇ад̇о, д̇ам̣ ваа бад̣̇зсам̣ г̇ад̇од̇и ад̇т̇о. ижчаанан̇г̇алз вихарад̇и ижчаанан̇г̇алаванасан̣д̣зд̇и ижчаанан̇г̇алам̣ убаниссааяа ижчаанан̇г̇алаванасан̣д̣з сийлаканд̇хааваарам̣ б̣анд̇хид̇ваа самаад̇хигонд̇ам̣ уссаабзд̇ваа саб̣б̣ан̃н̃уд̇ан̃н̃аан̣асарам̣ баривад̇д̇аяамаано д̇хаммарааж̇аа яат̇аабхиружид̇зна вихаарзна вихарад̇и.

богкарасаад̇ивад̇т̇уван̣н̣анаа

255. д̇зна ко бана самаязнаад̇и язна самаязна бхаг̇аваа д̇ад̇т̇а вихарад̇и, д̇зна самаязна, д̇асмим̣ самаязд̇и аяамад̇т̇о. б̣рахмам̣ ан̣ад̇ийд̇и б̣раахман̣о, манд̇з саж̇жхааяад̇ийд̇и ад̇т̇о. ид̣̇амзва хи ж̇аад̇иб̣раахман̣аанам̣ нируд̇д̇иважанам̣. арияаа бана б̣аахид̇абаабад̇д̇аа б̣раахман̣аад̇и вужжанд̇и. богкарасаад̇ийд̇и ид̣̇ам̣ д̇асса наамам̣. гасмаа богкарасаад̇ийд̇и вужжад̇и. д̇асса гира гааяо сзд̇абогкарасад̣̇исо, д̣̇званаг̇арз уссаабид̇араж̇ад̇ад̇оран̣ам̣ вияа собхад̇и. сийсам̣ банасса гаал̣аван̣н̣ам̣ инд̣̇анийламан̣имаяам̣ вияа. массуби жанд̣̇аман̣д̣алз гаал̣амзгхарааж̇и вияа кааяад̇и. агкийни нийлуббаласад̣̇исаани. наасаа раж̇ад̇абанаал̣игаа вияа суваддид̇аа субарисуд̣̇д̇хаа. хад̇т̇абаад̣̇ад̇алаани жзва мукад̣̇вааран̃жа гад̇алаакаарасабаригаммам̣ вияа собхад̇и, ад̇ивияа собхаг̇г̇аббад̇д̇о б̣раахман̣асса ад̇д̇абхааво. арааж̇агз таанз рааж̇аанам̣ гаад̇ум̣ яуд̇д̇амимам̣ б̣раахман̣ам̣. звамзса сассириго. ид̇и нам̣ богкарасад̣̇исад̇д̇аа богкарасаад̇ийд̇и сан̃ж̇аананд̇и.

аяам̣ бана гассабасаммаасамб̣уд̣̇д̇хагаалз д̇ин̣н̣ам̣ взд̣̇аанам̣ баараг̇уу д̣̇асаб̣аласса д̣̇аанам̣ д̣̇ад̇ваа д̇хаммад̣̇зсанам̣ суд̇ваа д̣̇звалогз ниб̣б̣ад̇д̇и. со д̇ад̇о мануссалогамааг̇ажчанд̇о маад̇угужчиваасам̣ ж̇иг̇ужчид̇ваа химаванд̇абад̣̇зсз махаасарз бад̣̇умаг̇аб̣бхз ниб̣б̣ад̇д̇и. д̇асса жа сарасса авид̣̇уурз д̇аабасо бан̣н̣асаалааяа васад̇и. со д̇ийрз тид̇о д̇ам̣ бад̣̇умам̣ д̣̇исваа – ‘‘ид̣̇ам̣ бад̣̇умам̣ авасзсабад̣̇умзхи маханд̇ад̇арам̣. бубпид̇агаалз нам̣ г̇ахзссаамий’’д̇и жинд̇зси. д̇ам̣ сад̇д̇аахзнааби на бубпад̇и. д̇аабасо гасмаа ну ко ид̣̇ам̣ сад̇д̇аахзнааби на бубпад̇и. ханд̣̇а нам̣ г̇ахзссаамийд̇и од̇арид̇ваа г̇ан̣хи. д̇ам̣ д̇зна наал̣ад̇о чиннамад̇д̇ам̣язва бубпид̇ам̣. ат̇ассаб̣бханд̇арз суван̣н̣ажун̣н̣абин̃ж̇арам̣ вияа раж̇ад̇аб̣имб̣агам̣ бад̣̇умарзн̣убин̃ж̇арам̣ сзд̇аван̣н̣ам̣ д̣̇аарагам̣ ад̣̇д̣̇аса. со махаабун̃н̃о зса бхависсад̇и. ханд̣̇а нам̣ бадиж̇аг̇г̇аамийд̇и бан̣н̣асаалам̣ нзд̇ваа бадиж̇аг̇г̇ид̇ваа сад̇д̇авассагаалад̇о бадтааяа д̇аяо взд̣̇з уг̇г̇ан̣хаабзси. д̣̇аараго д̇ин̣н̣ам̣ взд̣̇аанам̣ баарам̣ г̇анд̇ваа бан̣д̣ид̇о б̣яад̇д̇о ж̇амб̣уд̣̇ийбз аг̇г̇аб̣раахман̣о ахоси. со абарзна самаязна ран̃н̃о госаласса сиббам̣ д̣̇ассзси. ат̇асса сиббз басанно рааж̇аа уггадтам̣ наама махаанаг̇арам̣ б̣рахмад̣̇зяяам̣ ад̣̇ааси. ид̇и нам̣ богкарз саяид̇ад̇д̇аа богкарасаад̇ийд̇и сан̃ж̇аананд̇и.

уггадтам̣ аж̇жхаавасад̇ийд̇и уггадтанаамагз наг̇арз васад̇и. абхибхавид̇ваа ваа аавасад̇и. д̇асса наг̇арасса саамиго худ̇ваа яааяа марияаад̣̇ааяа д̇ад̇т̇а васид̇аб̣б̣ам̣, д̇ааяа марияаад̣̇ааяа васи. д̇асса гира наг̇арасса вад̇т̇ум̣ уггаа табзд̇ваа уггаасу ж̇аламаанаасу аг̇г̇ахзсум̣, д̇асмаа д̇ам̣ уггадтанд̇и вужжад̇и. оггадтанд̇иби баато, соязвад̇т̇о. убасаг̇г̇авасзна банзд̇т̇а бхуммад̇т̇з убаяог̇аважанам̣ взд̣̇ид̇аб̣б̣ам̣. д̇асса анубаяог̇ад̇д̇аа жа сзсабад̣̇зсу. д̇ад̇т̇а лагкан̣ам̣ сад̣̇д̣̇асад̇т̇ад̇о бариязсид̇аб̣б̣ам̣.

сад̇д̇уссад̣̇анд̇и сад̇д̇зхи уссад̣̇ам̣, уссаннам̣ б̣ахуж̇анам̣ аагин̣н̣амануссам̣. босааванияахад̇т̇иассаморамиг̇аад̣̇ианзгасад̇д̇асамаагин̣н̣ан̃жаад̇и ад̇т̇о. яасмаа банзд̇ам̣ наг̇арам̣ б̣ахи аавиж̇жхид̇ваа ж̇аад̇зна хад̇т̇иассаад̣̇ийнам̣ гхаасад̇ин̣зна жзва г̇зхажчаад̣̇анад̇ин̣зна жа самбаннам̣. д̇ат̇аа д̣̇ааругадтзхи жзва г̇зхасамбхаарагадтзхи жа. яасмаа жассаб̣бханд̇арз ваддажад̇урассаад̣̇исан̣таанаа б̣ахуу богкаран̣ияо ж̇алаж̇агусумавижид̇д̇аани жа б̣ахууни анзгаани д̇ал̣аагаани уд̣̇агасса нижжабхарид̇аанзва хонд̇и, д̇асмаа сад̇ин̣агадтод̣̇аганд̇и вуд̇д̇ам̣. саха д̇хан̃н̃знаад̇и сад̇хан̃н̃ам̣ буб̣б̣ан̣н̣аабаран̣н̣аад̣̇ибхзд̣̇ам̣ б̣ахуд̇хан̃н̃асаннижаяанд̇и ад̇т̇о . зд̇д̇аавад̇аа яасмим̣ наг̇арз б̣раахман̣о сзд̇ажчад̇д̇ам̣ уссаабзд̇ваа рааж̇алийлааяа васад̇и, д̇асса самид̣̇д̇хисамбад̇д̇и д̣̇ийбид̇аа ход̇и.

рааж̇ад̇о лад̣̇д̇хам̣ бхог̇г̇ам̣ рааж̇абхог̇г̇ам̣. гзна д̣̇иннанд̇и жз? ран̃н̃аа басзнад̣̇инаа госалзна д̣̇иннам̣. рааж̇ад̣̇ааяанд̇и ран̃н̃о д̣̇ааяабхууд̇ам̣, д̣̇ааяаж̇ж̇анд̇и ад̇т̇о. б̣рахмад̣̇зяяанд̇и сздтад̣̇зяяам̣, чад̇д̇ам̣ уссаабзд̇ваа рааж̇асан̇кзбзна бхун̃ж̇ид̇аб̣б̣анд̇и ад̇т̇о. ат̇а ваа рааж̇абхог̇г̇анд̇и саб̣б̣ам̣ чзж̇ж̇абхзж̇ж̇ам̣ анусаасанд̇зна над̣̇ийд̇ид̇т̇абаб̣б̣ад̇аад̣̇ийсу сун̇гам̣ г̇ан̣ханд̇зна сзд̇ажчад̇д̇ам̣ уссаабзд̇ваа ран̃н̃аа худ̇ваа бхун̃ж̇ид̇аб̣б̣ам̣. ран̃н̃аа басзнад̣̇инаа госалзна д̣̇иннам̣ рааж̇ад̣̇ааяанд̇и зд̇т̇а д̇ам̣ наг̇арам̣ ран̃н̃аа д̣̇иннад̇д̇аа рааж̇ад̣̇ааяам̣ д̣̇ааяагарааж̇ад̣̇ийбанад̇т̇ам̣ банасса ‘‘ран̃н̃аа басзнад̣̇инаа госалзна д̣̇инна’’нд̇и ид̣̇ам̣ вуд̇д̇ам̣. б̣рахмад̣̇зяяанд̇и сздтад̣̇зяяам̣. яат̇аа д̣̇иннам̣ на буна г̇ахзд̇аб̣б̣ам̣ ход̇и, ниссадтам̣ барижжад̇д̇ам̣. звам̣ д̣̇иннанд̇и ад̇т̇о.

ассосийд̇и сун̣и убалабхи, сод̇ад̣̇ваарасамбад̇д̇аважананиг̇гхосаанусаарзна ан̃н̃ааси. код̇и авад̇хааран̣ад̇т̇з бад̣̇абууран̣амад̇д̇з ваа нибаад̇о. д̇ад̇т̇а авад̇хааран̣ад̇т̇зна ассоси зва, наасса гожи савананд̇арааяо ахосийд̇и аяамад̇т̇о взд̣̇ид̇аб̣б̣о. бад̣̇абууран̣зна бана бад̣̇аб̣яан̃ж̇анасилидтад̇аамад̇д̇амзва.

ид̣̇аани яамад̇т̇ам̣ б̣раахман̣о богкарасаад̇и ассоси, д̇ам̣ багаасзнд̇о – ‘‘саман̣о калу бхо г̇од̇амо’’д̇иаад̣̇имааха. д̇ад̇т̇а самид̇абаабад̇д̇аа саман̣од̇и взд̣̇ид̇аб̣б̣о. вуд̇д̇ан̃хзд̇ам̣ – ‘‘самид̇аасса хонд̇и баабагаа агусалаа д̇хаммаа’’д̇иаад̣̇и (ма. ни. 1.434). бхаг̇аваа жа ануд̇д̇арзна арияамаг̇г̇зна самид̇абаабо. д̇знасса яат̇аабхууд̇аг̇ун̣аад̇хиг̇ад̇амзд̇ам̣ наамам̣, яад̣̇ид̣̇ам̣ саман̣од̇и. калууд̇и ануссаванад̇т̇з нибаад̇о. бход̇и б̣раахман̣аж̇аад̇исамуд̣̇ааг̇ад̇ам̣ аалабанамад̇д̇ам̣. вуд̇д̇амби жзд̇ам̣ – ‘‘бховаад̣̇ий наама со ход̇и, сажз ход̇и сагин̃жано’’д̇и (д̇ха. ба. 55). г̇од̇амод̇и бхаг̇аванд̇ам̣ г̇од̇д̇авасзна баригид̇д̇зд̇и. д̇асмаа саман̣о калу бхо г̇од̇амод̇и зд̇т̇а саман̣о гира бхо г̇од̇амаг̇од̇д̇од̇и звамад̇т̇о д̣̇адтаб̣б̣о.

сагяабуд̇д̇од̇и ид̣̇ам̣ бана бхаг̇авад̇о ужжаагулабарид̣̇ийбанам̣ . сагяагулаа баб̣б̣аж̇ид̇од̇и сад̣̇д̇хаабаб̣б̣аж̇ид̇абхаавабарид̣̇ийбанам̣. гзнажи баариж̇ун̃н̃зна анабхибхууд̇о абаригкийн̣ам̣язва д̇ам̣ гулам̣ бахааяа сад̣̇д̇хааяа баб̣б̣аж̇ид̇од̇и вуд̇д̇ам̣ ход̇и. д̇ад̇о барам̣ вуд̇д̇ад̇т̇амзва. д̇ам̣ ко банаад̇иаад̣̇и сааман̃н̃апалз вуд̇д̇амзва. саад̇ху ко банаад̇и сунд̣̇арам̣ ко бана. ад̇т̇аавахам̣ сукааваханд̇и вуд̇д̇ам̣ ход̇и. д̇ат̇ааруубаанам̣ арахад̇анд̇и яат̇ааруубо со бхавам̣ г̇од̇амо, зваруубаанам̣ яат̇аабхууд̇аг̇ун̣аад̇хиг̇амзна логз араханд̇од̇и лад̣̇д̇хасад̣̇д̇хаанам̣ арахад̇ам̣. д̣̇ассанам̣ ход̇ийд̇и басаад̣̇асоммаани агкийни уммийлзд̇ваа д̣̇ассанамад̇д̇амби саад̇ху ход̇ийд̇и, звам̣ аж̇жхаасаяам̣ гад̇ваа.

амб̣адтамаан̣авагат̇аа

256. аж̇жхааяагод̇и ид̣̇ам̣ – ‘‘на д̣̇аанимз жхааяанд̇и, на д̣̇аанимз жхааяанд̇ийд̇и ко, ваасздта, аж̇жхааяагаа аж̇жхааяагаа д̇взва д̇ад̇ияам̣ агкарам̣ убаниб̣б̣ад̇д̇а’’нд̇и, звам̣ батамагаббигагаалз жхаанавирахид̇аанам̣ б̣раахман̣аанам̣ г̇арахаважанам̣. ид̣̇аани бана д̇ам̣ аж̇жхааяад̇ийд̇и аж̇жхааяаго. манд̇з баривад̇д̇зд̇ийд̇и иминаа ад̇т̇зна басам̣сааважанам̣ гад̇ваа вохаранд̇и. манд̇з д̇хаарзд̇ийд̇и манд̇ад̇харо.

д̇ин̣н̣ам̣ взд̣̇аананд̇и ирувзд̣̇аяаж̇увзд̣̇асаамавзд̣̇аанам̣. одтабахад̇агаран̣авасзна баарам̣ г̇ад̇од̇и баараг̇уу. саха нигхан̣д̣унаа жа гздубхзна жа санигхан̣д̣угздубхаанам̣. нигхан̣д̣ууд̇и нигхан̣д̣уругкаад̣̇ийнам̣ взважанабагаасагам̣ сад̇т̇ам̣. гздубханд̇и гирияаагаббавигаббо гавийнам̣ убагаараавахам̣ сад̇т̇ам̣. саха агкараббабхзд̣̇зна саагкараббабхзд̣̇аанам̣. агкараббабхзд̣̇од̇и сигкаа жа нируд̇д̇и жа. ид̇ихаасабан̃жамаананд̇и аат̇аб̣б̣ан̣авзд̣̇ам̣ жад̇уд̇т̇ам̣ гад̇ваа ид̇иха ааса, ид̇иха аасаад̇и ийд̣̇исаважанабадисам̣яуд̇д̇о бураан̣агат̇аасан̇каад̇о ид̇ихаасо бан̃жамо зд̇зсанд̇и ид̇ихаасабан̃жамаа, д̇зсам̣ ид̇ихаасабан̃жамаанам̣ взд̣̇аанам̣.

бад̣̇ам̣ д̇ад̣̇авасзсан̃жа б̣яаагаран̣ам̣ ад̇хийяад̇и взд̣̇зд̇и жаад̇и бад̣̇аго взяяаагаран̣о. логааяад̇ам̣ вужжад̇и вид̇ан̣д̣аваад̣̇асад̇т̇ам̣. махаабурисалагкан̣анд̇и махаабурисаанам̣ б̣уд̣̇д̇хаад̣̇ийнам̣ лагкан̣ад̣̇ийбагам̣ д̣̇ваад̣̇асасахассаг̇ант̇абамаан̣ам̣ сад̇т̇ам̣. яад̇т̇а сол̣асасахассаг̇аат̇аабаримаан̣аа б̣уд̣̇д̇хаманд̇аа наама ахзсум̣, язсам̣ васзна иминаа лагкан̣зна саманнааг̇ад̇аа б̣уд̣̇д̇хаа наама хонд̇и, иминаа бажжзгаб̣уд̣̇д̇хаа, иминаа д̣̇вз аг̇г̇асаавагаа, асийд̇и махаасаавагаа , б̣уд̣̇д̇хамаад̇аа, б̣уд̣̇д̇хабид̇аа, аг̇г̇убадтааго, аг̇г̇убадтааяигаа, рааж̇аа жаггавад̇д̇ийд̇и аяам̣ висзсо бан̃н̃ааяад̇и.

анаваяод̇и имзсу логааяад̇амахаабурисалагкан̣зсу анууно барибуурагаарий, аваяо на ход̇ийд̇и вуд̇д̇ам̣ ход̇и. аваяо наама яо д̇аани ад̇т̇ад̇о жа г̇ант̇ад̇о жа санд̇хаарзд̇ум̣ на саггод̇и. анун̃н̃аад̇абадин̃н̃аад̇од̇и анун̃н̃аад̇о жзва бадин̃н̃аад̇о жа. аажариязнасса ‘‘яам̣ ахам̣ ж̇аанаами, д̇ам̣ д̇вам̣ ж̇аанаасий’’д̇иаад̣̇инаа анун̃н̃аад̇о. ‘‘аама аажарияаа’’д̇и ад̇д̇анаа д̇асса бадиважанад̣̇аанабадин̃н̃ааяа бадин̃н̃аад̇од̇и ад̇т̇о. гад̇арасмим̣ ад̇хигаарз? сагз аажарияагз д̇звиж̇ж̇агз бааважанз. зса гира б̣раахман̣о жинд̇зси ‘‘имасмим̣ логз ‘ахам̣ б̣уд̣̇д̇хо, ахам̣ б̣уд̣̇д̇хо’д̇и уг̇г̇ад̇асса наамам̣ г̇ахзд̇ваа б̣ахуу ж̇анаа вижаранд̇и. д̇асмаа на мз ануссавамад̇д̇знзва убасан̇гамид̇ум̣ яуд̇д̇ам̣. згажжан̃хи убасан̇гаманд̇асса абаггаманамби г̇ару ход̇и, анад̇т̇оби уббаж̇ж̇ад̇и. яам̣нуунаахам̣ мама анд̇зваасигам̣ бзсзд̇ваа – ‘б̣уд̣̇д̇хо ваа, но ваа’д̇и ж̇аанид̇ваава убасан̇гамзяяа’’нд̇и, д̇асмаа маан̣авам̣ ааманд̇зд̇ваа аяам̣ д̇аад̇аад̇иаад̣̇имааха.

257. д̇ам̣ бхаванд̇анд̇и д̇асса бход̇о г̇од̇амасса. д̇ат̇аа санд̇ам̣ язваад̇и д̇ат̇аа сад̇оязва. ид̇хааби хи ид̇т̇амбхууд̇аакяаанад̇т̇авасзнзва убаяог̇аважанам̣.

258. яат̇аа гат̇ам̣ банаахам̣, бхо, д̇анд̇и зд̇т̇а гат̇ам̣ банаахам̣ бхо д̇ам̣ бхаванд̇ам̣ г̇од̇амам̣ ж̇ааниссаами, яат̇аа саггаа со н̃аад̇ум̣, д̇ат̇аа мз аажигкаахийд̇и ад̇т̇о. яат̇аад̇и ваа нибаад̇амад̇д̇амзвзд̇ам̣. гат̇анд̇и аяам̣ аагаарабужчаа. гзнаагаарзнаахам̣ д̇ам̣ бхаванд̇ам̣ г̇од̇амам̣ ж̇ааниссаамийд̇и ад̇т̇о. звам̣ вуд̇д̇з гира нам̣ убаж̇жхааяо ‘‘гим̣ д̇вам̣, д̇аад̇а, бат̇авияам̣ тид̇о, бат̇авим̣ на бассаамийд̇и вияа; жанд̣̇имасуурияаанам̣ обхаасз тид̇о, жанд̣̇имасуурияз на бассаамийд̇и вияа вад̣̇асий’’д̇иаад̣̇ийни вад̇ваа ж̇аананаагаарам̣ д̣̇ассзнд̇о ааг̇ад̇аани ко, д̇аад̇аад̇иаад̣̇имааха.

д̇ад̇т̇а манд̇зсууд̇и взд̣̇зсу. д̇ат̇ааг̇ад̇о гира уббаж̇ж̇иссад̇ийд̇и бадигажжзва суд̣̇д̇хааваасаа д̣̇зваа взд̣̇зсу лагкан̣аани багкибид̇ваа б̣уд̣̇д̇хаманд̇аа наамзд̇зд̇и б̣раахман̣авзсзнзва взд̣̇з ваажзнд̇и. д̇ад̣̇анусаарзна махзсагкаа сад̇д̇аа д̇ат̇ааг̇ад̇ам̣ ж̇ааниссанд̇ийд̇и. д̇зна буб̣б̣з взд̣̇зсу махаабурисалагкан̣аани ааг̇ажчанд̇и. бариниб̣б̣уд̇з бана д̇ат̇ааг̇ад̇з ануггамзна анд̇арад̇хааяанд̇и. д̇знзд̇арахи над̇т̇ийд̇и. махаабурисассаад̇и бан̣ид̇хисамаад̣̇аанан̃аан̣агарун̣аад̣̇иг̇ун̣амахад̇о бурисасса. д̣̇взязва г̇ад̇ияод̇и д̣̇взязва нидтаа. гааман̃жааяам̣ г̇ад̇исад̣̇д̣̇о ‘‘бан̃жа ко имаа, саарибуд̇д̇а, г̇ад̇ияо’’д̇иаад̣̇ийсу (ма. ни. 1.153) бхавабхзд̣̇з вад̇д̇ад̇и. ‘‘г̇ад̇и миг̇аанам̣ бавана’’нд̇иаад̣̇ийсу (бари. 399) ниваасадтаанз. ‘‘звам̣ ад̇химад̇д̇аг̇ад̇иманд̇о’’д̇иаад̣̇ийсу бан̃н̃ааяам̣. ‘‘г̇ад̇иг̇ад̇а’’нд̇иаад̣̇ийсу висадабхаавз. ид̇ха бана нидтааяам̣ вад̇д̇ад̇ийд̇и взд̣̇ид̇аб̣б̣о.

д̇ад̇т̇а гин̃жааби язхи лагкан̣зхи саманнааг̇ад̇о рааж̇аа жаггавад̇д̇ий ход̇и, на д̇зхзва б̣уд̣̇д̇хо ход̇и; ж̇аад̇исааман̃н̃ад̇о бана д̇ааниязва д̇аанийд̇и вужжанд̇и. д̇зна вуд̇д̇ам̣ – ‘‘язхи саманнааг̇ад̇ассаа’’д̇и. сажз аг̇аарам̣ аж̇жхаавасад̇ийд̇и яад̣̇и аг̇аарз васад̇и. рааж̇аа ход̇и жаггавад̇д̇ийд̇и жад̇уухи ажчарияад̇хаммзхи, сан̇г̇ахавад̇т̇уухи жа логам̣ ран̃ж̇анад̇о рааж̇аа, жаггарад̇анам̣ вад̇д̇зд̇и, жад̇уухи самбад̇д̇ижаггзхи вад̇д̇ад̇и, д̇зхи жа барам̣ вад̇д̇зд̇и, барахид̇ааяа жа ирияаабат̇ажаггаанам̣ вад̇д̇о зд̇асмим̣ ад̇т̇ийд̇и жаггавад̇д̇ий. зд̇т̇а жа рааж̇аад̇и сааман̃н̃ам̣. жаггавад̇д̇ийд̇и висзсам̣. д̇хаммзна жарад̇ийд̇и д̇хаммиго. н̃ааязна самзна вад̇д̇ад̇ийд̇и ад̇т̇о. д̇хаммзна раж̇ж̇ам̣ лабхид̇ваа рааж̇аа ж̇аад̇од̇и д̇хаммарааж̇аа. барахид̇ад̇хаммагаран̣зна ваа д̇хаммиго. ад̇д̇ахид̇ад̇хаммагаран̣зна д̇хаммарааж̇аа. жад̇уранд̇ааяа иссарод̇и жаад̇уранд̇о, жад̇усамуд̣̇д̣̇аанд̇ааяа, жад̇уб̣б̣ид̇хад̣̇ийбавибхуусид̇ааяа бат̇авияаа иссарод̇и ад̇т̇о. аж̇жхад̇д̇ам̣ гобаад̣̇ибажжад̇т̇игз б̣ахид̣̇д̇хаа жа саб̣б̣арааж̇аано виж̇зд̇ийд̇и виж̇ид̇аавий. ж̇анабад̣̇ад̇т̇ааварияаббад̇д̇од̇и ж̇анабад̣̇з д̇хувабхаавам̣ т̇ааварабхаавам̣ бад̇д̇о, на саггаа гзнажи жаалзд̇ум̣. ж̇анабад̣̇о ваа д̇амхи т̇ааварияаббад̇д̇о ануяуд̇д̇о сагамманирад̇о ажало асамбавзд̇хийд̇и ж̇анабад̣̇ад̇т̇ааварияаббад̇д̇о.

сзяяат̇ид̣̇анд̇и нибаад̇о, д̇асса жзд̇аани гад̇амаанийд̇и ад̇т̇о. жаггарад̇ананд̇иаад̣̇ийсу жагган̃жа, д̇ам̣ рад̇иж̇ананадтзна рад̇анан̃жаад̇и жаггарад̇анам̣. зса наяо саб̣б̣ад̇т̇а. имзсу бана рад̇анзсу аяам̣ жаггавад̇д̇ирааж̇аа жаггарад̇анзна аж̇ид̇ам̣ ж̇инаад̇и, хад̇т̇иассарад̇анзхи виж̇ид̇з яат̇аасукам̣ анужарад̇и, барин̣ааяагарад̇анзна виж̇ид̇аманурагкад̇и, авасзсзхи убабхог̇асукаманубхавад̇и. батамзна жасса уссаахасад̇д̇ияог̇о, бажчимзна манд̇асад̇д̇ияог̇о, хад̇т̇иассаг̇ахабад̇ирад̇анзхи бабхусад̇д̇ияог̇о субарибун̣н̣о ход̇и, ид̇т̇иман̣ирад̇анзхи д̇ивид̇хасад̇д̇ияог̇апалам̣. со ид̇т̇иман̣ирад̇анзхи бхог̇асукаманубхавад̇и, сзсзхи иссарияасукам̣. висзсад̇о жасса буримаани д̇ийн̣и ад̣̇осагусаламуулаж̇анид̇агаммаанубхаавзна самбаж̇ж̇анд̇и, маж̇жхимаани алобхагусаламуулаж̇анид̇агаммаанубхаавзна, бажчимамзгам̣ амохагусаламуулаж̇анид̇агаммаанубхаавзнаад̇и взд̣̇ид̇аб̣б̣ам̣. аяамзд̇т̇а сан̇кзбо. вид̇т̇ааро бана б̣ож̇жхан̇г̇асам̣яуд̇д̇з рад̇анасуд̇д̇асса убад̣̇зсад̇о г̇ахзд̇аб̣б̣о.

баросахассанд̇и ад̇ирзгасахассам̣. суураад̇и абхийругаж̇аад̇игаа. вийран̇г̇аруубаад̇и д̣̇звабуд̇д̇асад̣̇исагааяаа. звам̣ д̇аава згз ван̣н̣аяанд̇и. аяам̣ банзд̇т̇а саб̣бхааво. вийраад̇и уд̇д̇амасуураа вужжанд̇и, вийраанам̣ ан̇г̇ам̣ вийран̇г̇ам̣, вийрагааран̣ам̣ вийрияанд̇и вуд̇д̇ам̣ ход̇и. вийран̇г̇аруубам̣ зд̇зсанд̇и вийран̇г̇аруубаа, вийрияамаяасарийраа вияаад̇и вуд̇д̇ам̣ ход̇и. барасзнаббамад̣̇д̣̇анаад̇и сажз бадимукам̣ д̇идтзяяа барасзнаа д̇ам̣ баримад̣̇д̣̇ид̇ум̣ самад̇т̇аад̇и ад̇хиббааяо. д̇хаммзнаад̇и ‘‘баан̣о на ханд̇аб̣б̣о’’д̇иаад̣̇инаа бан̃жасийлад̇хаммзна . арахам̣ ход̇и саммаасамб̣уд̣̇д̇хо логз виваддажчад̣̇од̇и зд̇т̇а рааг̇ад̣̇осамохамаанад̣̇идтиавиж̇ж̇аад̣̇ужжарид̇ачад̣̇анзхи сад̇д̇ахи бадижчаннз гилзсанд̇хагаарз логз д̇ам̣ чад̣̇анам̣ виваддзд̇ваа саманд̇ад̇о сан̃ж̇аад̇аалого худ̇ваа тид̇од̇и виваддажчад̣̇о. д̇ад̇т̇а батамзна бад̣̇зна бууж̇аарахад̇аа. д̣̇уд̇иязна д̇ассаа хзд̇у, яасмаа саммаасамб̣уд̣̇д̇ход̇и, д̇ад̇иязна б̣уд̣̇д̇хад̇д̇ахзд̇убхууд̇аа виваддажчад̣̇ад̇аа вуд̇д̇аад̇и взд̣̇ид̇аб̣б̣аа. ат̇а ваа виваддо жа вижчад̣̇о жаад̇и виваддажчад̣̇о, ваддарахид̇о чад̣̇анарахид̇о жаад̇и вуд̇д̇ам̣ ход̇и. д̇зна арахам̣ ваддаабхаавзна, саммаасамб̣уд̣̇д̇хо чад̣̇анаабхаавзнаад̇и звам̣ буримабад̣̇ад̣̇ваяассзва хзд̇уд̣̇ваяам̣ вуд̇д̇ам̣ ход̇и, д̣̇уд̇иязна взсаараж̇ж̇зна жзд̇т̇а буримасид̣̇д̇хи, батамзна д̣̇уд̇ияасид̣̇д̇хи, д̇ад̇ияажад̇уд̇т̇зхи д̇ад̇ияасид̣̇д̇хи ход̇и. буриман̃жа д̇хаммажагкум̣, д̣̇уд̇ияам̣ б̣уд̣̇д̇хажагкум̣, д̇ад̇ияам̣ саманд̇ажагкум̣ саад̇хзд̇ийд̇и взд̣̇ид̇аб̣б̣ам̣. д̇вам̣ манд̇аанам̣ бадиг̇г̇ахзд̇аад̇и иминаа’сса манд̇зсу суурабхаавам̣ ж̇анзд̇и.

259. соби д̇ааяа аажарияагат̇ааяа лагкан̣зсу виг̇ад̇асаммохо згобхаасаж̇аад̇з вияа б̣уд̣̇д̇хаманд̇з самбассамаано звам̣ бход̇и ааха. д̇ассад̇т̇о – ‘яат̇аа, бхо, д̇вам̣ вад̣̇аси, звам̣ гариссаамий’д̇и. вал̣аваарат̇амааруяхаад̇и вал̣авааяуд̇д̇ам̣ рат̇ам̣ абхируухид̇ваа. б̣раахман̣о гира язна рат̇зна саяам̣ вижарад̇и, д̇амзва рат̇ам̣ д̣̇ад̇ваа маан̣авам̣ бзсзси. маан̣авааби богкарасаад̇иссзва анд̇зваасигаа. со гира д̇зсам̣ – ‘‘амб̣адтзна сад̣̇д̇хим̣ г̇ажчат̇аа’’д̇и сан̃н̃ам̣ ад̣̇ааси.

яаавад̇игаа яаанасса бхуумийд̇и яад̇д̇агам̣ саггаа ход̇и яаанзна г̇анд̇ум̣, аяам̣ яаанасса бхууми наама. яаанаа бажжорохид̇ваад̇и аяаанабхуумим̣, д̣̇ваарагодтагасамийбам̣ г̇анд̇ваа яаанад̇о бадиорохид̇ваа.

д̇зна ко бана самаязнаад̇и яасмим̣ самаяз амб̣адто аараамам̣ баависи. д̇асмим̣ бана самаяз, тид̇амаж̇жханхигасамаяз. гасмаа бана д̇асмим̣ самаяз жан̇гаманд̇ийд̇и? бан̣ийд̇абхож̇анабажжаяасса т̇инамид̣̇д̇хасса винод̣̇анад̇т̇ам̣, д̣̇иваабад̇хаанигаа ваа д̇з. д̇аад̣̇исаанан̃хи бажчаабхад̇д̇ам̣ жан̇гамид̇ваа нхааяид̇ваа сарийрам̣ уд̇ум̣ г̇аахаабзд̇ваа нисаж̇ж̇а саман̣ад̇хаммам̣ гаронд̇аанам̣ жид̇д̇ам̣ згаг̇г̇ам̣ ход̇и. язна д̇з бхигкууд̇и со гира – ‘‘гухим̣ саман̣о г̇од̇амо’’д̇и баривзн̣ад̇о баривзн̣ам̣ анааг̇анд̇ваа ‘‘бужчид̇ваава бависиссаамий’’д̇и вилогзнд̇о аран̃н̃ахад̇т̇ий вияа махаажан̇гамз жан̇гамамаанз бам̣сугуулигз бхигкуу д̣̇исваа д̇зсам̣ санд̇игам̣ аг̇амааси. д̇ам̣ санд̇хааяа язна д̇з бхигкууд̇иаад̣̇и вуд̇д̇ам̣. д̣̇ассанааяаад̇и д̣̇адтум̣, бассид̇угаамаа худ̇ваад̇и ад̇т̇о.

260. абхин̃н̃аад̇аголан̃н̃од̇и баагадагулаж̇о. д̇ад̣̇аа гира ж̇амб̣уд̣̇ийбз амб̣адтагулам̣ наама баагадагуламахоси . абхин̃н̃аад̇ассаад̇и руубаж̇аад̇иманд̇агулаабад̣̇зсзхи баагадасса. аг̇арууд̇и абхаариго. яо хи амб̣адтам̣ н̃аабзд̇ум̣ на саггун̣зяяа, д̇асса д̇зна сад̣̇д̇хим̣ гат̇аасаллаабо г̇ару бхавзяяа. бхаг̇авад̇о бана д̇аад̣̇исаанам̣ маан̣аваанам̣ сад̇знааби сахассзнааби бан̃хам̣ будтасса виссаж̇ж̇анз д̣̇анд̇хааяид̇ад̇д̇ам̣ над̇т̇ийд̇и ман̃н̃амаанаа – ‘‘аг̇ару ко банаа’’д̇и жинд̇аяим̣су. вихаарод̇и г̇анд̇хагудим̣ санд̇хааяа аахам̣су.

ад̇арамаанод̇и ад̇урид̇о, сан̣игам̣ бад̣̇аббамаан̣адтаанз бад̣̇ам̣ нигкибанд̇о вад̇д̇ам̣ гад̇ваа сусаммадтам̣ муд̇д̇аад̣̇аласинд̣̇уваарасант̇арасад̣̇исам̣ ваалигам̣ авинаасзнд̇од̇и ад̇т̇о. аал̣инд̣̇анд̇и бамукам̣. уггаасид̇ваад̇и уггаасид̇асад̣̇д̣̇ам̣ гад̇ваа. аг̇г̇ал̣анд̇и д̣̇ваарагаваадам̣. аагодзхийд̇и аг̇г̇анакзхи сан̣игам̣ гун̃жигажчид̣̇д̣̇асамийбз аагодзхийд̇и вуд̇д̇ам̣ ход̇и. д̣̇ваарам̣ гира ад̇иубари амануссаа, ад̇ихздтаа д̣̇ийгхаж̇аад̇игаа годзнд̇и. д̇ат̇аа анаагодзд̇ваа маж̇жхз чид̣̇д̣̇асамийбз годзд̇аб̣б̣анд̇и ид̣̇ам̣ д̣̇ваараагоданавад̇д̇анд̇и д̣̇ийбзнд̇аа вад̣̇анд̇и.

261. вивари бхаг̇аваа д̣̇вааранд̇и на бхаг̇аваа удтааяа д̣̇ваарам̣ вивари. виварияад̇ууд̇и бана хад̇т̇ам̣ басаарзси. д̇ад̇о ‘‘бхаг̇аваа д̇умхзхи анзгаасу габбагодийсу д̣̇аанам̣ д̣̇ад̣̇амаанзхи на сахад̇т̇аа д̣̇вааравиваран̣агаммам̣ гад̇а’’нд̇и саяамзва д̣̇ваарам̣ вивадам̣. д̇ам̣ бана яасмаа бхаг̇авад̇о манзна вивадам̣, д̇асмаа вивари бхаг̇аваа д̣̇вааранд̇и вад̇д̇ум̣ ваддад̇и.

бхаг̇авад̇аа сад̣̇д̇хим̣ саммод̣̇им̣сууд̇и яат̇аа каманийяаад̣̇ийни бужчанд̇о бхаг̇аваа д̇зхи, звам̣ д̇зби бхаг̇авад̇аа сад̣̇д̇хим̣ самаббавад̇д̇амод̣̇аа ахзсум̣. сийд̇од̣̇агам̣ вияа ун̣ход̣̇агзна саммод̣̇ид̇ам̣ згийбхаавам̣ аг̇амам̣су. яааяа жа ‘‘гажжи, бхо г̇од̇ама, каманийяам̣; гажжи яаабанийяам̣, гажжи бход̇о жа г̇од̇амасса саавагаанан̃жа аббааб̣аад̇хам̣, аббаад̇ан̇гам̣, лахудтаанам̣, б̣алам̣, паасувихааро’’д̇иаад̣̇игааяа гат̇ааяа саммод̣̇им̣су, д̇ам̣ бийд̇ибаамож̇ж̇асан̇каад̇асаммод̣̇аж̇ананад̇о саммод̣̇ид̇ум̣ яуд̇д̇абхаавад̇о жа саммод̣̇анийяам̣, ад̇т̇аб̣яан̃ж̇анамад̇хурад̇ааяа сужирамби гаалам̣ саарзд̇ум̣ ниранд̇арам̣ бавад̇д̇зд̇ум̣ арахабхаавад̇о сарид̇аб̣б̣абхаавад̇о жа сааран̣ийяам̣. суяяамаанасукад̇о саммод̣̇анийяам̣, ануссарияамаанасукад̇о жа сааран̣ийяам̣. д̇ат̇аа б̣яан̃ж̇анабарисуд̣̇д̇хад̇ааяа саммод̣̇анийяам̣, ад̇т̇абарисуд̣̇д̇хад̇ааяа сааран̣ийяам̣. звам̣ анзгзхи барияааязхи саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа барияосаабзд̇ваа нидтабзд̇ваа згаманд̇ам̣ нисийд̣̇им̣су.

амб̣адто бана маан̣авод̇и со гира бхаг̇авад̇о руубасамбад̇д̇ияам̣ жид̇д̇аббасаад̣̇амад̇д̇амби агад̇ваа ‘‘д̣̇асаб̣алам̣ абасаад̣̇зссаамий’’д̇и уд̣̇арз б̣ад̣̇д̇хасаадагам̣ мун̃жид̇ваа ган̣тз оламб̣зд̇ваа згзна хад̇т̇зна д̣̇уссаган̣н̣ам̣ г̇ахзд̇ваа жан̇гамам̣ абхируухид̇ваа гаалзна б̣аахум̣, гаалзна уд̣̇арам̣, гаалзна бидтим̣ д̣̇ассзнд̇о, гаалзна хад̇т̇авигаарам̣, гаалзна бхамугавигаарам̣ гаронд̇о, ‘‘гажжи д̇з бхо, г̇од̇ама, д̇хаад̇усамад̇аа, гажжи бхигкаахаарзна на гиламат̇а, агиламат̇аагаароязва бана д̇з бан̃н̃ааяад̇и; т̇уулаани хи д̇з ан̇г̇абажжан̇г̇аани, баасаад̣̇игад̇т̇а г̇ад̇аг̇ад̇адтаанз. ‘д̇з б̣ахуж̇анаа рааж̇абаб̣б̣аж̇ид̇од̇и жа б̣уд̣̇д̇хо’д̇и жа уббаннаб̣ахумаанаа бан̣ийд̇ам̣ ож̇аванд̇амаахаарам̣ д̣̇знд̇и. бассат̇а, бхо, г̇зхам̣, жид̇д̇асаалаа вияа, д̣̇иб̣б̣абаасаад̣̇о вияа. имам̣ ман̃жам̣ бассат̇а, б̣имб̣оханам̣ бассат̇а, гим̣ зваруубз таанз васанд̇асса саман̣ад̇хаммам̣ гаад̇ум̣ д̣̇уггара’’нд̇и зваруубам̣ уббан̣д̣анагат̇ам̣ анаажаарабхаавасааран̣ийяам̣ гат̇зд̇и, д̇зна вуд̇д̇ам̣ – ‘‘амб̣адто бана маан̣аво жан̇гаманд̇оби нисиннзна бхаг̇авад̇аа гин̃жи гин̃жи гат̇ам̣ сааран̣ийяам̣ вийд̇исаарзд̇и, тид̇оби нисиннзна бхаг̇авад̇аа гин̃жи гин̃жи гат̇ам̣ сааран̣ийяам̣ вийд̇исаарзд̇ий’’д̇и.

262. ат̇а ко бхаг̇аваад̇и ат̇а бхаг̇аваа – ‘‘аяам̣ маан̣аво хад̇т̇ам̣ басаарзд̇ваа бхаваг̇г̇ам̣ г̇ахзд̇угаамо вияа, баад̣̇ам̣ басаарзд̇ваа авийжим̣ вижарид̇угаамо вияа, махаасамуд̣̇д̣̇ам̣ д̇арид̇угаамо вияа, синзрум̣ аарохид̇угаамо вияа жа адтаанз вааяамад̇и, ханд̣̇а, д̇зна сад̣̇д̇хим̣ манд̇змий’’д̇и амб̣адтам̣ маан̣авам̣ зд̇ад̣̇авожа. аажарияабаажариязхийд̇и аажариязхи жа д̇зсам̣ аажариязхи жа.

батамаиб̣бхаваад̣̇аван̣н̣анаа

263. г̇ажчанд̇о ваад̇и зд̇т̇а гаамам̣ д̇ийсу ирияаабат̇зсу б̣раахман̣о аажарияаб̣раахман̣зна сад̣̇д̇хим̣ саллабид̇умарахад̇и. аяам̣ бана маан̣аво маанат̇ад̣̇д̇хад̇ааяа гат̇аасаллаабам̣ гаронд̇о жад̇д̇аароби ирияаабат̇з яож̇зссаамийд̇и ‘‘саяаано ваа хи, бхо г̇од̇ама, саяаанзнаа’’д̇и ааха.

д̇ад̇о гира д̇ам̣ бхаг̇аваа – ‘‘амб̣адта, г̇ажчанд̇асса ваа г̇ажчанд̇зна, тид̇асса ваа тид̇зна, нисиннасса ваа нисиннзнаажариязна сад̣̇д̇хим̣ гат̇аа наама саб̣б̣аажариязсу лаб̣бхад̇и. д̇вам̣ бана саяаано саяаанзнаажариязна сад̣̇д̇хим̣ гат̇зси, гим̣ д̇з аажарияо г̇оруубам̣, уд̣̇ааху д̇ва’’нд̇и ааха. со гуж̇жхид̇ваа – ‘‘яз жа ко д̇з, бхо г̇од̇ама, мун̣д̣агаа’’д̇иаад̣̇имааха. д̇ад̇т̇а мун̣д̣з мун̣д̣аад̇и саман̣з жа саман̣аад̇и вад̇д̇ум̣ ваддзяяа. аяам̣ бана хийл̣знд̇о мун̣д̣агаа саман̣агаад̇и ааха. иб̣бхаад̇и г̇ахабад̇игаа. ган̣хаад̇и ган̣хаа, гаал̣агаад̇и ад̇т̇о. б̣анд̇хубаад̣̇аабажжаад̇и зд̇т̇а б̣анд̇хууд̇и б̣рахмаа ад̇хиббзд̇о. д̇ан̃хи б̣раахман̣аа бид̇аамаход̇и вохаранд̇и. баад̣̇аанам̣ абажжаа баад̣̇аабажжаа, б̣рахмуно бидтибаад̣̇ад̇о ж̇аад̇аад̇и ад̇хиббааяо. д̇асса гира аяам̣ лад̣̇д̇хи – б̣раахман̣аа б̣рахмуно мукад̇о нигканд̇аа, кад̇д̇ияаа урад̇о, взссаа наабхид̇о, суд̣̇д̣̇аа ж̇аан̣уд̇о, саман̣аа бидтибаад̣̇ад̇од̇и. звам̣ гат̇знд̇о жа банзса гин̃жааби анияамзд̇ваа гат̇зд̇и. ат̇а ко бхаг̇аванд̇амзва вад̣̇аамийд̇и гат̇зд̇и.

ат̇а ко бхаг̇аваа – ‘‘аяам̣ амб̣адто ааг̇ад̇агаалад̇о бадтааяа маяаа сад̣̇д̇хим̣ гат̇аяамаано маанамзва ниссааяа гат̇зси, аасийвисам̣ г̇ийвааяам̣ г̇ан̣ханд̇о вияа, аг̇г̇игканд̇хам̣ аалин̇г̇анд̇о вияа, мад̇д̇авааран̣ам̣ сон̣д̣ааяа бараамасанд̇о вияа, ад̇д̇ано бамаан̣ам̣ на ж̇аанаад̇и. ханд̣̇а нам̣ ж̇аанаабзссаамий’’д̇и жинд̇зд̇ваа ‘‘ад̇т̇игавад̇о ко бана д̇з, амб̣адтаа’’д̇иаад̣̇имааха. д̇ад̇т̇а ааг̇анд̇ваа гад̇д̇аб̣б̣агижжасан̇каад̇о ад̇т̇о, зд̇асса ад̇т̇ийд̇и ад̇т̇игам̣, д̇асса маан̣авасса жид̇д̇ам̣. ад̇т̇игамасса ад̇т̇ийд̇и ад̇т̇игаваа, д̇асса ад̇т̇игавад̇о д̇ава ид̇хааг̇аманам̣ ахосийд̇и ад̇т̇о.

ко банаад̇и нибаад̇амад̇д̇ам̣. яааязва ко банад̇т̇ааяаад̇и язнзва ко банад̇т̇зна. ааг̇ажчзяяаат̇аад̇и мама ваа ан̃н̃зсам̣ ваа санд̇игам̣ яад̣̇аа гад̣̇аажи ааг̇ажчзяяаат̇а. д̇амзва ад̇т̇анд̇и ид̣̇ам̣ бурисалин̇г̇авасзнзва вуд̇д̇ам̣. манаси гарзяяаат̇аад̇и жид̇д̇з гарзяяаат̇а. ид̣̇ам̣ вуд̇д̇ам̣ ход̇и – д̇вам̣ аажариязна ад̇д̇ано гаран̣ийязна бзсид̇о, на амхаагам̣ барибхаванад̇т̇ааяа, д̇асмаа д̇амзва гижжам̣ манаси гарохийд̇и. звамасса ан̃н̃зсам̣ санд̇игам̣ ааг̇ад̇аанам̣ вад̇д̇ам̣ д̣̇ассзд̇ваа маананиг̇г̇ан̣ханад̇т̇ам̣ ‘‘авусид̇авааязва ко банаа’’д̇иаад̣̇имааха. д̇ассад̇т̇о бассат̇а бхо аяам̣ амб̣адто маан̣аво аажарияагулз авусид̇аваа асигкид̇о аббассуд̇ова самаано. вусид̇амаанийд̇и ‘‘ахам̣ вусид̇аваа сигкид̇о б̣ахуссуд̇о’’д̇и ад̇д̇аанам̣ ман̃н̃ад̇и. зд̇асса хи звам̣ парусаважанасамуд̣̇аажаарз гааран̣ам̣ гиман̃н̃ад̇ра авусид̇ад̇д̇аад̇и аажарияагулз асам̣вуд̣̇д̇хаа асигкид̇аа аббассуд̇ааязва хи звам̣ вад̣̇анд̇ийд̇и.

264. губид̇од̇и гуд̣̇д̇хо. анад̇д̇аманод̇и асагамано, гим̣ бана бхаг̇аваа д̇асса гуж̇жханабхаавам̣ н̃ад̇ваа звамааха уд̣̇ааху ан̃ад̇ваад̇и? н̃ад̇ваа аахаад̇и. гасмаа н̃ад̇ваа аахаад̇и? д̇асса маананиммад̣̇анад̇т̇ам̣. бхаг̇аваа хи ан̃н̃ааси – ‘‘аяам̣ маяаа звам̣ вуд̇д̇з гуж̇жхид̇ваа мама н̃аад̇агз аггосиссад̇и. ат̇ассаахам̣ яат̇аа наама гусало бхисагго д̣̇осам̣ уг̇г̇илзд̇ваа нийхарад̇и, звамзва г̇од̇д̇зна г̇од̇д̇ам̣, гулаабад̣̇зсзна гулаабад̣̇зсам̣ , удтаабзд̇ваа бхаваг̇г̇аббамаан̣зна вияа удтид̇ам̣ маанад̣̇д̇хаж̇ам̣ муулз чзд̇ваа нибаад̇зссаамий’’д̇и. кум̣сзнд̇од̇и гхаддзнд̇о. вамбхзнд̇од̇и хийл̣знд̇о. баабид̇о бхависсад̇ийд̇и жан̣д̣абхааваад̣̇ид̣̇осам̣ баабид̇о бхависсад̇и.

жан̣д̣аад̇и маананиссид̇агод̇хаяуд̇д̇аа. парусаад̇и караа. лахусаад̇и лахугаа. аббагзнзва д̇уссанд̇и ваа д̣̇уссанд̇и ваа уд̣̇агабидтз алааб̣угадаахам̣ вияа аббагзнзва ублаванд̇и. бхассаад̇и б̣ахубхаан̣ино. сагяаанам̣ мукз вивадз ан̃н̃асса важаногаасо над̇т̇ийд̇и ад̇хиббааязнзва вад̣̇ад̇и. самаанаад̇и ид̣̇ам̣ санд̇аад̇и буримабад̣̇асса взважанам̣. на саггаронд̇ийд̇и на б̣раахман̣аанам̣ сунд̣̇арзнаагаарзна гаронд̇и. на г̇арум̣ гаронд̇ийд̇и б̣раахман̣зсу г̇ааравам̣ на гаронд̇и. на маанзнд̇ийд̇и на манзна бияааяанд̇и. на бууж̇знд̇ийд̇и маалаад̣̇ийхи нзсам̣ бууж̇ам̣ на гаронд̇и. на абажааяанд̇ийд̇и абхиваад̣̇анаад̣̇ийхи нзсам̣ абажид̇игаммам̣ нийжавуд̇д̇им̣ на д̣̇ассзнд̇и д̇аяид̣̇анд̇и д̇ам̣ ид̣̇ам̣. яад̣̇имз сагяаад̇и яам̣ имз сагяаа на б̣раахман̣з саггаронд̇и…бз… на абажааяанд̇и, д̇ам̣ д̇зсам̣ асаггаарагаран̣аад̣̇и саб̣б̣ам̣ на яуд̇д̇ам̣, наануломанд̇и ад̇т̇о.

д̣̇уд̇ияаиб̣бхаваад̣̇аван̣н̣анаа

265. абарад̣̇д̇хунд̇и абараж̇жхим̣су. згамид̣̇ааханд̇и зд̇т̇а ид̣̇анд̇и нибаад̇амад̇д̇ам̣. згам̣ аханд̇и ад̇т̇о. санд̇хааг̇ааранд̇и раж̇ж̇аанусаасанасаалаа. сагяаад̇и абхисид̇д̇арааж̇аано . сагяагумаараад̇и анабхисид̇д̇аа. ужжзсууд̇и яат̇аануруубзсу баллан̇габийтагавзд̇д̇аасанапалагажид̇д̇ад̇т̇аран̣аад̣̇ибхзд̣̇зсу. сан̃ж̇аг̇гханд̇аад̇и уббан̣д̣анавасзна махаахасид̇ам̣ хасанд̇аа. сам̣гийл̣анд̇аад̇и хасид̇амад̇д̇а гаран̣аан̇г̇улисан̇гхадданабаан̣иббахаарад̣̇аанаад̣̇ийни гаронд̇аа. маман̃н̃зва ман̃н̃зд̇и звамахам̣ ман̃н̃аами, маман̃н̃зва анухасанд̇и, на ан̃н̃анд̇и.

гасмаа бана д̇з звамагам̣сууд̇и? д̇з гира амб̣адтасса гулавам̣сам̣ ж̇аананд̇и. аяан̃жа д̇асмим̣ самаяз яаава баад̣̇анд̇аа оламб̣зд̇ваа нивад̇т̇асаадагасса згзна хад̇т̇зна д̣̇уссаган̣н̣ам̣ г̇ахзд̇ваа канд̇хадтигам̣ наамзд̇ваа маанамад̣̇зна мад̇д̇о вияа ааг̇ажчад̇и. д̇ад̇о – ‘‘бассат̇а бхо амхаагам̣ д̣̇аасасса ган̣хааяанаг̇од̇д̇асса амб̣адтасса ааг̇аманагааран̣а’’нд̇и вад̣̇анд̇аа звамагам̣су. соби ад̇д̇ано гулавам̣сам̣ ж̇аанаад̇и. д̇асмаа ‘‘маман̃н̃зва ман̃н̃з’’д̇и д̇аггаяид̇т̇а.

аасанзнаад̇и ‘‘ид̣̇амаасанам̣, зд̇т̇а нисийд̣̇аахий’’д̇и звам̣ аасанзна ниманд̇анам̣ наама ход̇и, д̇ат̇аа на гожи агааси.

д̇ад̇ияаиб̣бхаваад̣̇аван̣н̣анаа

266. ладугигаад̇и кзд̇д̇алзд̣д̣уунам̣ анд̇арзниваасиний куд̣̇д̣̇агасагун̣игаа. гулаавагзд̇и ниваасанадтаанз. гаамалаабинийд̇и яад̣̇ижчагабхаан̣иний, яам̣ яам̣ ижчад̇и д̇ам̣ д̇ам̣ лабад̇и, на д̇ам̣ гожи хам̣со ваа гон̃жо ваа моро ваа ааг̇анд̇ваа ‘‘гим̣ д̇вам̣ лабасий’д̇и нисзд̇хзд̇и. абхисаж̇ж̇ид̇унд̇и год̇хавасзна лаг̇г̇ид̇ум̣.

звам̣ вуд̇д̇з маан̣аво – ‘‘аяам̣ саман̣о г̇од̇амо ад̇д̇ано н̃аад̇агз ладугигасад̣̇исз гад̇ваа амхз хам̣сагон̃жаморасад̣̇исз гарод̇и, ниммаано д̣̇аани ж̇аад̇о’’д̇и ман̃н̃амаано уд̇д̇ари жад̇д̇ааро ван̣н̣з д̣̇ассзд̇и.

д̣̇аасибуд̇д̇аваад̣̇аван̣н̣анаа

267. ниммаад̣̇зд̇ийд̇и ниммад̣̇зд̇и ниммаанз гарод̇и. яам̣нуунааханд̇и яад̣̇и банаахам̣. ‘‘ган̣хааяанохамасми, бхо г̇од̇амаа’’д̇и ид̣̇ам̣ гира важанам̣ амб̣адто д̇игкад̇д̇ум̣ махаасад̣̇д̣̇зна авожа. гасмаа авожа? гим̣ асуд̣̇д̇хабхаавам̣ на ж̇аанаад̇ийд̇и? аама ж̇аанаад̇и. ж̇аананд̇оби бхавабадижчаннамзд̇ам̣ гааран̣ам̣, д̇ам̣ анзна на д̣̇идтам̣. абассанд̇о махаасаман̣о гим̣ вагкад̇ийд̇и ман̃н̃амаано маанат̇ад̣̇д̇хад̇ааяа авожа. маад̇аабзд̇д̇иганд̇и маад̇аабид̇уунам̣ санд̇агам̣. наамаг̇од̇д̇анд̇и бан̣н̣ад̇д̇ивасзна наамам̣, бавзн̣ийвасзна г̇од̇д̇ам̣. ануссарад̇од̇и ануссаранд̇асса гулагодим̣ сод̇хзнд̇асса. аяяабуд̇д̇аад̇и саамино буд̇д̇аа. д̣̇аасибуд̇д̇од̇и гхарад̣̇аасияаава буд̇д̇о. д̇асмаа яат̇аа д̣̇аасзна саамино убасан̇гамид̇аб̣б̣аа, звам̣ анубасан̇гаманд̇ам̣ д̇ам̣ д̣̇исваа сагяаа ануж̇аг̇гхим̣сууд̇и д̣̇ассзд̇и.

ид̇о барам̣ д̇асса д̣̇аасабхаавам̣ сагяаанан̃жа саамибхаавам̣ багаасзд̇ваа ад̇д̇ано жа амб̣адтасса жа гулавам̣сам̣ аахаранд̇о сагяаа ко банаад̇иаад̣̇имааха. д̇ад̇т̇а д̣̇аханд̇ийд̇и табзнд̇и, оггааго но буб̣б̣абурисод̇и, звам̣ гаронд̇ийд̇и ад̇т̇о. д̇асса гира ран̃н̃о гат̇анагаалз уггаа вияа мукад̇о бабхаа нижчарад̇и, д̇асмаа д̇ам̣ ‘‘оггааго’’д̇и сан̃ж̇ааним̣сууд̇и. баб̣б̣ааж̇зсийд̇и нийхари.

ид̣̇аани д̇з наамавасзна д̣̇ассзнд̇о – ‘‘оггаамука’’нд̇иаад̣̇имааха. д̇ад̇рааяам̣ анубуб̣б̣ий гат̇аа – батамагаббигаанам̣ гира ран̃н̃о махаасаммад̇асса рож̇о наама буд̇д̇о ахоси. рож̇асса варарож̇о, варарож̇асса галяаан̣о, галяаан̣асса варагаляаан̣о, варагаляаан̣асса манд̇хаад̇аа, манд̇хаад̇усса вараманд̇хаад̇аа , вараманд̇хаад̇усса убосат̇о, убосат̇асса варо, варасса убаваро, убаварасса магхад̣̇зво, магхад̣̇звасса барамбарааяа жад̇ураасийд̇икад̇д̇ияасахассаани ахзсум̣. д̇зсам̣ бажчад̇о д̇аяо оггаагавам̣саа ахзсум̣. д̇зсу д̇ад̇ияаоггаагасса бан̃жа махзсияо ахзсум̣ – хад̇т̇аа, жид̇д̇аа, ж̇анд̇у, ж̇аалиний, висаакаад̇и. згзгиссаа бан̃жабан̃жаид̇т̇исад̇абариваараа. саб̣б̣аж̇здтааяа жад̇д̇ааро буд̇д̇аа – оггаамуко, гараган̣д̣у, хад̇т̇иниго, синисуурод̇и. бан̃жа д̇хийд̇аро – бияаа, суббияаа, аананд̣̇аа, виж̇ид̇аа, виж̇ид̇асзнаад̇и. ид̇и саа нава буд̇д̇з виж̇ааяид̇ваа гааламагааси.

ат̇а рааж̇аа ан̃н̃ам̣ д̣̇ахарим̣ абхируубам̣ рааж̇ад̇хийд̇арам̣ аанзд̇ваа аг̇г̇амахзсидтаанз табзси. саа ж̇анд̇ум̣ наама буд̇д̇ам̣ виж̇ааяи. ат̇а нам̣ бан̃жамад̣̇ивасз алан̇гарид̇ваа ран̃н̃о д̣̇ассзси. рааж̇аа д̇удто д̇ассаа варам̣ ад̣̇ааси. саа н̃аад̇агзхи сад̣̇д̇хим̣ манд̇зд̇ваа буд̇д̇асса раж̇ж̇ам̣ яаажи. рааж̇аа – ‘‘насса, васали, мама буд̇д̇аанам̣ анд̇арааяам̣ ижчасий’’д̇и д̇аж̇ж̇зси. саа бунаббунам̣ рахо рааж̇аанам̣ барид̇осзд̇ваа – ‘‘махаарааж̇а, мусааваад̣̇о наама на ваддад̇ий’’д̇иаад̣̇ийни вад̇ваа яаажад̇иязва. ат̇а рааж̇аа буд̇д̇з ааманд̇зси – ‘‘ахам̣ д̇аад̇аа, д̇умхаагам̣ ганидтам̣ ж̇анд̇угумаарам̣ д̣̇исваа д̇асса маад̇уяаа сахасаа варам̣ ад̣̇аасим̣ , саа буд̇д̇асса раж̇ж̇ам̣ барин̣аамзд̇ум̣ ижчад̇и. д̇умхз табзд̇ваа ман̇г̇алахад̇т̇им̣ ман̇г̇алаассам̣ ман̇г̇аларат̇ан̃жа яад̇д̇агз ижчат̇а, д̇ад̇д̇агз хад̇т̇иассарат̇з г̇ахзд̇ваа г̇ажчат̇а. мамажжаязна ааг̇анд̇ваа раж̇ж̇ам̣ гарзяяаат̇аа’’д̇и, адтахи амажжзхи сад̣̇д̇хим̣ уяяож̇зси.

д̇з наанаббагаарам̣ род̣̇ид̇ваа ганд̣̇ид̇ваа – ‘‘д̇аад̇а, амхаагам̣ д̣̇осам̣ камат̇аа’’д̇и рааж̇аанан̃жзва рааж̇ород̇хз жа камаабзд̇ваа, ‘‘маяамби бхаад̇уухи сад̣̇д̇хим̣ г̇ажчаамаа’’д̇и рааж̇аанам̣ аабужчид̇ваа наг̇араа нигканд̇аа бхаг̇инияо аад̣̇ааяа жад̇уран̇г̇инияаа сзнааяа баривуд̇аа наг̇араа нигкамим̣су. ‘‘гумаараа бид̇уажжаязна ааг̇анд̇ваа раж̇ж̇ам̣ гаарзссанд̇и, г̇ажчаама нз убадтахаамаа’’д̇и жинд̇зд̇ваа б̣ахуу мануссаа ануб̣анд̇хим̣су. батамад̣̇ивасз яож̇анамад̇д̇аа сзнаа ахоси, д̣̇уд̇ияз д̣̇вияож̇анамад̇д̇аа, д̇ад̇ияз д̇ияож̇анамад̇д̇аа. гумаараа манд̇аяим̣су – ‘‘махаа б̣алагааяо, сажз маяам̣ ган̃жи сааманд̇арааж̇аанам̣ мад̣̇д̣̇ид̇ваа ж̇анабад̣̇ам̣ г̇ан̣хзяяаама, соби но наббасахзяяа. гим̣ барзсам̣ бийл̣ааяа гад̇ааяа, махаа аяам̣ ж̇амб̣уд̣̇ийбо, аран̃н̃з наг̇арам̣ маабзссаамаа’’д̇и химаванд̇аабхимукаа г̇анд̇ваа наг̇аравад̇т̇ум̣ бариязсим̣су.

д̇асмин̃жа самаяз амхаагам̣ б̣од̇хисад̇д̇о б̣раахман̣амахаасаалагулз ниб̣б̣ад̇д̇ид̇ваа габилаб̣раахман̣о наама худ̇ваа нигкамма исибаб̣б̣аж̇ж̇ам̣ баб̣б̣аж̇ид̇ваа химаванд̇абассз богкаран̣ияаа д̇ийрз саагаванасан̣д̣з бан̣н̣асаалам̣ маабзд̇ваа васад̇и. со гира бхуммаж̇аалам̣ наама виж̇ж̇ам̣ ж̇аанаад̇и, яааяа уд̣̇д̇хам̣ асийд̇ихад̇т̇з аагаасз, хздтаа жа бхуумияамби г̇ун̣ад̣̇осам̣ бассад̇и. зд̇асмим̣ бад̣̇зсз д̇ин̣аг̇умб̣алад̇аа д̣̇агкин̣ааваддаа баажийнаабхимукаа ж̇ааяанд̇и. сийхаб̣яаг̇гхаад̣̇аяо миг̇асуугарз саббаб̣ил̣аараа жа ман̣д̣уугамуусигз ануб̣анд̇хамаанаа д̇ам̣ бад̣̇зсам̣ бад̇ваа на саггонд̇и д̇з ануб̣анд̇хид̇ум̣. д̇зхи д̇з ан̃н̃ад̣̇ад̇т̇у санд̇аж̇ж̇ид̇аа нивад̇д̇анд̇иязва. со – ‘‘аяам̣ бат̇авияаа аг̇г̇абад̣̇зсо’’д̇и н̃ад̇ваа д̇ад̇т̇а ад̇д̇ано бан̣н̣асаалам̣ маабзси.

ат̇а д̇з гумаарз наг̇аравад̇т̇ум̣ бариязсамаанз ад̇д̇ано васаногаасам̣ ааг̇ад̇з д̣̇исваа бужчид̇ваа д̇ам̣ бавад̇д̇им̣ н̃ад̇ваа д̇зсу анугамбам̣ ж̇анзд̇ваа авожа – ‘‘имасмим̣ бан̣н̣асааладтаанз маабид̇ам̣ наг̇арам̣ ж̇амб̣уд̣̇ийбз аг̇г̇анаг̇арам̣ бхависсад̇и. зд̇т̇а ж̇аад̇абурисзсу згзго бурисасад̇амби бурисасахассамби абхибхавид̇ум̣ сагкиссад̇и. зд̇т̇а наг̇арам̣ маабзт̇а, бан̣н̣асааладтаанз ран̃н̃о гхарам̣ гарот̇а. имасмин̃хи огаасз тад̇ваа жан̣д̣аалабуд̇д̇оби жаггавад̇д̇иб̣алзна ад̇исзяяо’’д̇и. нану, бханд̇з, аяяасса васаногаасод̇и? ‘‘мама васаногаасо’’д̇и маа жинд̇аяид̇т̇а. маяхам̣ згабассз бан̣н̣асаалам̣ гад̇ваа наг̇арам̣ маабзд̇ваа габилавад̇т̇унд̇и наамам̣ гарот̇аа’’д̇и. д̇з д̇ат̇аа гад̇ваа д̇ад̇т̇а ниваасам̣ габбзсум̣.

ат̇аамажжаа – ‘‘имз д̣̇аарагаа ваяаббад̇д̇аа, сажз нзсам̣ бид̇аа санд̇игз бхавзяяа, со ааваахавиваахам̣ гарзяяа. ид̣̇аани бана амхаагам̣ бхааро’’д̇и жинд̇зд̇ваа гумаарзхи сад̣̇д̇хим̣ манд̇аяим̣су. гумаараа амхаагам̣ сад̣̇исаа кад̇д̇ияад̇хийд̇аро наама на бассаама, нааби бхаг̇инийнам̣ сад̣̇исз кад̇д̇ияагумаарагз, асад̣̇исасам̣яог̇з жа но уббаннаа буд̇д̇аа маад̇ид̇о ваа бид̇ид̇о ваа абарисуд̣̇д̇хаа ж̇аад̇исамбхзд̣̇ам̣ баабун̣иссанд̇и. д̇асмаа маяам̣ бхаг̇инийхиязва сад̣̇д̇хим̣ сам̣ваасам̣ рожзмаад̇и. д̇з ж̇аад̇исамбхзд̣̇абхаязна ж̇здтагабхаг̇иним̣ маад̇удтаанз табзд̇ваа авасзсаахи сам̣ваасам̣ габбзсум̣.

д̇зсам̣ буд̇д̇зхи жа д̇хийд̇аахи жа вад̣дхамаанаанам̣ абарзна самаязна ж̇здтагабхаг̇инияаа гудтарог̇о уд̣̇абаад̣̇и, говил̣аарабубпасад̣̇исаани г̇ад̇д̇аани ахзсум̣. рааж̇агумаараа имааяа сад̣̇д̇хим̣ згад̇о нисаж̇ж̇адтаанабхож̇анаад̣̇ийни гаронд̇аанамби убари аяам̣ рог̇о сан̇гамад̇ийд̇и жинд̇зд̇ваа згад̣̇ивасам̣ уяяаанагийл̣ам̣ г̇ажчанд̇аа вияа д̇ам̣ яаанз ааробзд̇ваа аран̃н̃ам̣ бависид̇ваа бхуумияам̣ богкаран̣им̣ кан̣аабзд̇ваа д̇ад̇т̇а каад̣̇анийяабхож̇анийязна сад̣̇д̇хим̣ д̇ам̣ багкибид̇ваа гхарасан̇кзбзна убари бад̣̇арам̣ бадижчаад̣̇зд̇ваа бам̣сум̣ д̣̇ад̇ваа баггамим̣су.

д̇зна жа самаязна раамо наама б̣аараан̣асирааж̇аа гудтарог̇о наадагид̇т̇ийхи жа ород̇хзхи жа ж̇иг̇ужчияамаано д̇зна сам̣взг̇зна ж̇здтабуд̇д̇асса раж̇ж̇ам̣ д̣̇ад̇ваа аран̃н̃ам̣ бависид̇ваа д̇ад̇т̇а бан̣н̣асаалам̣ маабзд̇ваа муулапалаани барибхун̃ж̇анд̇о нажирассзва арог̇о суван̣н̣аван̣н̣о худ̇ваа ид̇о жид̇о жа вижаранд̇о маханд̇ам̣ сусираругкам̣ д̣̇исваа д̇ассаб̣бханд̇арз сол̣асахад̇т̇аббамаан̣ам̣ огаасам̣ сод̇хзд̇ваа д̣̇вааран̃жа ваад̇абаанан̃жа яож̇зд̇ваа ниссзн̣им̣ б̣анд̇хид̇ваа д̇ад̇т̇а ваасам̣ габбзси. со ан̇г̇аарагадаахз аг̇г̇им̣ гад̇ваа рад̇д̇им̣ миг̇асуугараад̣̇ийнам̣ сад̣̇д̣̇з сун̣анд̇о саяад̇и. со – ‘‘асугасмим̣ бад̣̇зсз сийхо сад̣̇д̣̇амагааси, асугасмим̣ б̣яаг̇гхо’’д̇и саллагкзд̇ваа бабхаад̇з д̇ад̇т̇а г̇анд̇ваа вигхаасамам̣сам̣ аад̣̇ааяа бажид̇ваа каад̣̇ад̇и.

ат̇згад̣̇ивасам̣ д̇асмим̣ бажжуусасамаяз аг̇г̇им̣ ж̇аалзд̇ваа нисиннз рааж̇ад̇хийд̇ааяа сарийраг̇анд̇хзна ааг̇анд̇ваа б̣яаг̇гхо д̇асмим̣ бад̣̇зсз бам̣сум̣ вияууханд̇о бад̣̇арз виварамагааси, д̇зна жа виварзна саа б̣яаг̇гхам̣ д̣̇исваа бхийд̇аа виссарамагааси. со д̇ам̣ сад̣̇д̣̇ам̣ суд̇ваа – ‘‘ид̇т̇исад̣̇д̣̇о зсо’’д̇и жа саллагкзд̇ваа баад̇ова д̇ад̇т̇а г̇анд̇ваа – ‘‘го зд̇т̇аа’’д̇и ааха. маад̇уг̇аамо саамийд̇и. гим̣ ж̇аад̇игаасийд̇и? оггаагамахаарааж̇асса д̇хийд̇аа саамийд̇и. нигкамаад̇и? на саггаа саамийд̇и. гим̣ гааран̣аад̇и? чавирог̇о мз ад̇т̇ийд̇и. со саб̣б̣ам̣ бавад̇д̇им̣ бужчид̇ваа кад̇д̇ияамаанзна анигкаманд̇им̣ – ‘‘ахамби кад̇д̇ияо’’д̇и ад̇д̇ано кад̇д̇ияабхаавам̣ ж̇аанаабзд̇ваа ниссзн̣им̣ д̣̇ад̇ваа уд̣̇д̇харид̇ваа ад̇д̇ано васаногаасам̣ нзд̇ваа саяам̣ барибхуд̇д̇абхзсаж̇ж̇ааниязва д̣̇ад̇ваа нажирассзва арог̇ам̣ суван̣н̣аван̣н̣ам̣ гад̇ваа д̇ааяа сад̣̇д̇хим̣ сам̣ваасам̣ габбзси. саа батамасам̣ваасзнзва г̇аб̣бхам̣ г̇ан̣хид̇ваа д̣̇вз буд̇д̇з виж̇ааяи, бунаби д̣̇взд̇и, звам̣ сол̣асагкад̇д̇умби виж̇ааяи. звам̣ д̣̇вад̇д̇им̣са бхаад̇аро ахзсум̣. д̇з анубуб̣б̣зна вуд̣дхиббад̇д̇з бид̇аа саб̣б̣асиббаани сигкаабзси.

ат̇згад̣̇ивасам̣ зго раамаран̃н̃о наг̇араваасий ванажараго баб̣б̣ад̇з рад̇анаани г̇авзсанд̇о рааж̇аанам̣ д̣̇исваа сан̃ж̇аанид̇ваа ааха – ‘‘ж̇аанаамахам̣, д̣̇зва, д̇умхз’’д̇и. д̇ад̇о нам̣ рааж̇аа саб̣б̣ам̣ бавад̇д̇им̣ бужчи. д̇асмим̣язва жа кан̣з д̇з д̣̇аарагаа ааг̇амим̣су. со д̇з д̣̇исваа – ‘‘гз имз’’д̇и ааха. ‘‘буд̇д̇аа мз’’д̇и жа вуд̇д̇з д̇зсам̣ маад̇игавам̣сам̣ бужчид̇ваа – ‘‘лад̣̇д̇хам̣ д̣̇аани мз баабхад̇а’’нд̇и наг̇арам̣ г̇анд̇ваа ран̃н̃о аарожзси. со ‘бид̇арам̣ аанаяиссаамий’д̇и жад̇уран̇г̇инияаа сзнааяа д̇ад̇т̇а г̇анд̇ваа бид̇арам̣ ванд̣̇ид̇ваа – ‘‘раж̇ж̇ам̣, д̣̇зва, самбадижчаа’’д̇и яаажи. со – ‘‘алам̣, д̇аад̇а, на д̇ад̇т̇а г̇ажчаами, ид̇хзва мз имам̣ ругкам̣ абанзд̇ваа наг̇арам̣ маабзхий’’д̇и ааха. со д̇ат̇аа гад̇ваа д̇асса наг̇арасса голаругкам̣ абанзд̇ваа гад̇ад̇д̇аа голанаг̇аранд̇и жа б̣яаг̇гхабат̇з гад̇ад̇д̇аа б̣яаг̇гхабат̇анд̇и жаад̇и д̣̇вз наамаани ааробзд̇ваа бид̇арам̣ ванд̣̇ид̇ваа ад̇д̇ано наг̇арам̣ аг̇амааси.

д̇ад̇о ваяаббад̇д̇з гумаарз маад̇аа ааха – ‘‘д̇аад̇аа, д̇умхаагам̣ габилавад̇т̇уваасино сагяаа маад̇улаа санд̇и. маад̇улад̇хийд̇аанам̣ бана во зваруубам̣ наама гзсаг̇г̇ахан̣ам̣ ход̇и, зваруубам̣ д̣̇уссаг̇ахан̣ам̣. яад̣̇аа д̇аа нхаанад̇ид̇т̇ам̣ ааг̇ажчанд̇и, д̇ад̣̇аа г̇анд̇ваа яасса яаа ружжад̇и, со д̇ам̣ г̇ан̣хад̇уу’’д̇и. д̇з д̇ат̇зва г̇анд̇ваа д̇аасу нхад̇ваа сийсам̣ сугкаабаяамаанаасу яам̣ яам̣ ижчим̣су, д̇ам̣ д̇ам̣ г̇ахзд̇ваа наамам̣ саавзд̇ваа аг̇амим̣су. сагяарааж̇аано суд̇ваа ‘‘ход̇у, бхан̣з, амхаагам̣ н̃аад̇агаа зва д̇з’’д̇и д̇ун̣хий ахзсум̣. аяам̣ сагяаголияаанам̣ уббад̇д̇и. звам̣ д̇зсам̣ сагяаголияаанам̣ ан̃н̃аман̃н̃ам̣ ааваахавиваахам̣ гаронд̇аанам̣ яаава б̣уд̣̇д̇хагаалаа анубажчиннова вам̣со ааг̇ад̇о. д̇ад̇т̇а бхаг̇аваа сагяавам̣сам̣ д̣̇ассзд̇ум̣ – ‘‘д̇з радтасмаа баб̣б̣ааж̇ид̇аа химаванд̇абассз богкаран̣ияаа д̇ийрз’’д̇иаад̣̇имааха. д̇ад̇т̇а самманд̇ийд̇и васанд̇и. сагяаа вад̇а бход̇и радтасмаа баб̣б̣ааж̇ид̇аа аран̃н̃з васанд̇ааби ж̇аад̇исамбхзд̣̇амагад̇ваа гулавам̣сам̣ анурагкид̇ум̣ сагяаа, самад̇т̇аа, бадиб̣алаад̇и ад̇т̇о. д̇ад̣̇аг̇г̇зд̇и д̇ам̣ аг̇г̇ам̣ гад̇ваа, д̇ад̇о бадтааяаад̇и ад̇т̇о. со жа нзсам̣ буб̣б̣абурисод̇и со оггааго рааж̇аа зд̇зсам̣ буб̣б̣абурисо. над̇т̇и зд̇зсам̣ г̇ахабад̇ивам̣сзна самбхзд̣̇амад̇д̇амбийд̇и.

звам̣ сагяавам̣сам̣ багаасзд̇ваа ид̣̇аани амб̣адтавам̣сам̣ багаасзнд̇о – ‘‘ран̃н̃о ко банаа’’д̇иаад̣̇имааха. ган̣хам̣ наама ж̇анзсийд̇и гаал̣аван̣н̣ам̣ анд̇огужчияам̣язва сан̃ж̇аад̇ад̣̇анд̇ам̣ баруул̣хамассуд̣̇аатигам̣ буд̇д̇ам̣ виж̇ааяи. баб̣яаахаасийд̇и яагко ж̇аад̇од̇и бхаязна балааяид̇ваа д̣̇ваарам̣ бид̇хааяа тид̇зсу гхарамаанусагзсу ид̇о жид̇о жа вижаранд̇о д̇ховат̇а манд̇иаад̣̇ийни вад̣̇анд̇о ужжаасад̣̇д̣̇амагааси.

268. д̇з маан̣авагаа бхаг̇аванд̇ам̣ зд̇ад̣̇авожунд̇и ад̇д̇ано убаарамбхаможанад̇т̇ааяа – ‘‘зд̇ам̣ маа бхава’’нд̇иаад̣̇иважанам̣ авожум̣. д̇зсам̣ гира зд̇ад̣̇ахоси – ‘‘амб̣адто амхаагам̣ аажарияасса ж̇здтанд̇зваасий, сажз маяам̣ зваруубз таанз згад̣̇взважанамад̇д̇амби на вагкаама, аяам̣ но аажарияасса санд̇игз амхз барибхинд̣̇иссад̇ий’’д̇и убаарамбхаможанад̇т̇ам̣ звам̣ авожум̣. жид̇д̇зна банасса ниммад̣̇абхаавам̣ ааган̇канд̇и. аяам̣ гира маананиссид̇ад̇д̇аа д̇зсамби аббияова. галяаан̣авааггаран̣од̇и мад̇хураважано. асмим̣ важанзд̇и ад̇д̇анаа уг̇г̇ахид̇з взд̣̇ад̇д̇аяаважанз. бадиманд̇зд̇унд̇и бужчид̇ам̣ бан̃хам̣ бадигат̇зд̇ум̣, виссаж̇ж̇зд̇унд̇и ад̇т̇о. зд̇асмим̣ ваа д̣̇аасибуд̇д̇аважанз. бадиманд̇зд̇унд̇и уд̇д̇арам̣ гат̇зд̇ум̣.

269. ат̇а ко бхаг̇аваад̇и ат̇а ко бхаг̇аваа – ‘‘сажз имз маан̣авагаа зд̇т̇а нисиннаа звам̣ ужжаасад̣̇д̣̇ам̣ гариссанд̇и, аяам̣ гат̇аа барияосаанам̣ на г̇амиссад̇и. ханд̣̇а, нз ниссад̣̇д̣̇з гад̇ваа амб̣адтзнзва сад̣̇д̇хим̣ гат̇змий’’д̇и д̇з маан̣авагз зд̇ад̣̇авожа. д̇ад̇т̇а манд̇авход̇и манд̇аяат̇а. маяаа сад̣̇д̇хим̣ бадиманд̇зд̇ууд̇и маяаа саха гат̇зд̇у. звам̣ вуд̇д̇з маан̣авагаа жинд̇аяим̣су – ‘‘амб̣адто д̇аава д̣̇аасибуд̇д̇осийд̇и вуд̇д̇з буна сийсам̣ угкибид̇ум̣ наасагки. аяам̣ ко ж̇аад̇и наама д̣̇уж̇ж̇аанаа, сажз ан̃н̃амби гин̃жи саман̣о г̇од̇амо ‘д̇вам̣ д̣̇аасо’д̇и вагкад̇и, го д̇зна сад̣̇д̇хим̣ ад̣д̣ам̣ гариссад̇и. амб̣адто ад̇д̇анаа б̣ад̣̇д̇хам̣ будагам̣ ад̇д̇анаава можзд̇уу’’д̇и ад̇д̇аанам̣ бариможзд̇ваа д̇ассзва убари кибанд̇аа – ‘‘суж̇аад̇о жа бхо г̇од̇амаа’’д̇иаад̣̇имаахам̣су.

270. сахад̇хаммигод̇и сахзд̇уго сагааран̣о. агаамаа б̣яаагаад̇аб̣б̣од̇и ад̇д̇анаа анижчанд̇знаби б̣яаагарид̇аб̣б̣о, авассам̣ виссаж̇ж̇зд̇аб̣б̣од̇и ад̇т̇о. ан̃н̃зна ваа ан̃н̃ам̣ бадижариссасийд̇и ан̃н̃зна важанзна ан̃н̃ам̣ важанам̣ бадижариссаси аж̇жход̇т̇ариссаси, бадижчаад̣̇зссасийд̇и ад̇т̇о. яо хи ‘‘гим̣ г̇од̇д̇о д̇ва’’нд̇и звам̣ будто – ‘‘ахам̣ д̇аяо взд̣̇з ж̇аанаамий’’д̇иаад̣̇ийни вад̣̇ад̇и, аяам̣ ан̃н̃зна ан̃н̃ам̣ бадижарад̇и наама. баггамиссаси ваад̇и бужчид̇ам̣ бан̃хам̣ ж̇аананд̇ова агат̇зд̇угаамад̇ааяа удтааяаасанаа баггамиссаси ваа.

д̇ун̣хий ахосийд̇и саман̣о г̇од̇амо мам̣ саамам̣язва д̣̇аасибуд̇д̇абхаавам̣ гат̇аабзд̇угаамо, саамам̣ гат̇ид̇з жа д̣̇аасо наама ж̇аад̇оязва ход̇и. аяам̣ бана д̣̇вад̇игкад̇д̇ум̣ жод̣̇зд̇ваа д̇ун̣хий бхависсад̇и, д̇ад̇о ахам̣ баривад̇д̇ид̇ваа баггамиссаамийд̇и жинд̇зд̇ваа д̇ун̣хий ахоси.

271. важ̇ирам̣ баан̣имхи ассаад̇и важ̇ирабаан̣и. яагкод̇и на яо ваа со ваа яагко, сагго д̣̇зварааж̇аад̇и взд̣̇ид̇аб̣б̣о. аад̣̇ид̇д̇анд̇и аг̇г̇иван̣н̣ам̣. самбаж̇ж̇алид̇анд̇и судту баж̇ж̇алид̇ам̣. саж̇од̇ибхууд̇анд̇и саманд̇ад̇о ж̇од̇ибхууд̇ам̣, згаг̇г̇иж̇аалабхууд̇анд̇и ад̇т̇о. тид̇о ход̇ийд̇и маханд̇ам̣ сийсам̣, ганд̣̇аламагул̣асад̣̇исаа д̣̇аатаа бхаяаанагаани агкинаасаад̣̇ийни звам̣ вируубаруубам̣ маабзд̇ваа тид̇о.

гасмаа банзса ааг̇ад̇од̇и? д̣̇идтивиссаж̇ж̇аабанад̇т̇ам̣. аби жа – ‘‘ахан̃жзва ко бана д̇хаммам̣ д̣̇зсзяяам̣, барз жа мз на ааж̇аанзяяу’’нд̇и звам̣ д̇хаммад̣̇зсанааяа аббоссуггабхаавам̣ аабаннз бхаг̇авад̇и сагго махааб̣рахмунаа сад̣̇д̇хим̣ ааг̇анд̇ваа – ‘‘бхаг̇аваа д̇хаммам̣ д̣̇зсзт̇а, д̇умхаагам̣ аан̣ааяа авад̇д̇амаанз маяам̣ вад̇д̇аабзссаама, д̇умхаагам̣ д̇хаммажаггам̣ ход̇у, амхаагам̣ аан̣аажагга’’нд̇и бадин̃н̃ам̣ агааси. д̇асмаа – ‘‘аж̇ж̇а амб̣адтам̣ д̇аасзд̇ваа бан̃хам̣ виссаж̇ж̇аабзссаамий’’д̇и ааг̇ад̇о.

бхаг̇аваа жзва бассад̇и амб̣адто жаад̇и яад̣̇и хи д̇ам̣ ан̃н̃зби бассзяяум̣, д̇ам̣ гааран̣ам̣ аг̇ару асса, ‘‘аяам̣ саман̣о г̇од̇амо амб̣адтам̣ ад̇д̇ано ваад̣̇з анод̇аранд̇ам̣ н̃ад̇ваа яагкам̣ ааваахзд̇ваа д̣̇ассзси, д̇ад̇о амб̣адто бхаязна гат̇зсий’’д̇и вад̣̇зяяум̣. д̇асмаа бхаг̇аваа жзва бассад̇и амб̣адто жа. д̇асса д̇ам̣ д̣̇исваава сагаласарийрад̇о сзд̣̇аа мужжим̣су. анд̇огужчи вибаривад̇д̇амаанаа махааравам̣ вирави . со ‘‘ан̃н̃зби ну ко бассанд̇ий’’д̇и ологзнд̇о гассажи ломахам̣самад̇д̇амби наад̣̇д̣̇аса. д̇ад̇о – ‘‘ид̣̇ам̣ бхаяам̣ мамзва уббаннам̣, сажаахам̣ яагкод̇и вагкаами, ‘гим̣ д̇авамзва агкийни ад̇т̇и, д̇вамзва яагкам̣ бассаси, батамам̣ яагкам̣ ад̣̇исваа саман̣зна г̇од̇амзна ваад̣̇асан̇гхаддз багкид̇д̇ова яагкам̣ бассасий’д̇и вад̣̇зяяу’’нд̇и жинд̇зд̇ваа ‘‘на д̣̇аани мз ид̇ха ан̃н̃ам̣ бадисаран̣ам̣ ад̇т̇и, ан̃н̃ад̇ра саман̣аа г̇од̇амаа’’д̇и ман̃н̃амаано ат̇а ко амб̣адто маан̣аво…бз… бхаг̇аванд̇ам̣ зд̇ад̣̇авожа.

272. д̇аан̣ам̣ г̇авзсийд̇и д̇аан̣ам̣ г̇авзсамаано. лзн̣ам̣ г̇авзсийд̇и лзн̣ам̣ г̇авзсамаано. саран̣ам̣ г̇авзсийд̇и саран̣ам̣ г̇авзсамаано. зд̇т̇а жа д̇ааяад̇и рагкад̇ийд̇и д̇аан̣ам̣. нилийяанд̇и зд̇т̇аад̇и лзн̣ам̣. сарад̇ийд̇и саран̣ам̣, бхаяам̣ хим̣сад̇и, вид̣̇д̇хам̣сзд̇ийд̇и ад̇т̇о. убанисийд̣̇ид̇ваад̇и убаг̇амма хздтаасанз нисийд̣̇ид̇ваа. б̣равид̇ууд̇и вад̣̇ад̇у.

амб̣адтавам̣сагат̇аа

273-274. д̣̇агкин̣аж̇анабад̣̇анд̇и д̣̇агкин̣аабат̇од̇и баагадам̣. г̇ан̇г̇ааяа д̣̇агкин̣ад̇о баагадаж̇анабад̣̇ам̣. д̇ад̣̇аа гира д̣̇агкин̣аабат̇з б̣ахуу б̣раахман̣ад̇аабасаа хонд̇и, со д̇ад̇т̇а г̇анд̇ваа згам̣ д̇аабасам̣ вад̇д̇абадибад̇д̇ияаа аараад̇хзси. со д̇асса убагаарам̣ д̣̇исваа ааха – ‘‘амбхо, буриса, манд̇ам̣ д̇з д̣̇зми, яам̣ ижчаси, д̇ам̣ манд̇ам̣ г̇ан̣хаахий’’д̇и. со ааха – ‘‘на мз аажарияа, ан̃н̃зна манд̇зна, гижжам̣ ад̇т̇и, яассаанубхаавзна аавуд̇хам̣ на баривад̇д̇ад̇и, д̇ам̣ мз манд̇ам̣ д̣̇зхий’’д̇и. со – ‘‘бхад̣̇рам̣, бхо’’д̇и д̇асса д̇хануаг̇аманийяам̣ амб̣адтам̣ наама виж̇ж̇ам̣ ад̣̇ааси, со д̇ам̣ виж̇ж̇ам̣ г̇ахзд̇ваа д̇ад̇т̇зва виймам̣сид̇ваа – ‘‘ид̣̇аани мз манорат̇ам̣ буурзссаамий’’д̇и исивзсам̣ г̇ахзд̇ваа оггаагасса санд̇игам̣ г̇ад̇о. д̇зна вуд̇д̇ам̣ – ‘‘д̣̇агкин̣аж̇анабад̣̇ам̣ г̇анд̇ваа б̣рахмаманд̇з ад̇хийяид̇ваа рааж̇аанам̣ оггаагам̣ убасан̇гамид̇ваа’’д̇и.

зд̇т̇а б̣рахмаманд̇зд̇и аанубхаавасамбаннад̇ааяа сздтаманд̇з. го нзвам̣’рз аяам̣ маяхам̣ д̣̇аасибуд̇д̇од̇и го ну звам̣ арз аяам̣ мама д̣̇аасибуд̇д̇о. со д̇ам̣ кураббанд̇и со рааж̇аа д̇ам̣ маарзд̇угаамад̇ааяа саннахид̇ам̣ сарам̣ д̇асса манд̇аанубхаавзна нзва кибид̇ум̣ на абанзд̇ум̣ сагки, д̇аавад̣̇зва сагаласарийрз сан̃ж̇аад̇асзд̣̇о бхаязна взд̇хамаано адтааси.

амажжаад̇и махаамажжаа. баарисаж̇ж̇аад̇и ид̇арз барисааважараа. зд̇ад̣̇авожунд̇и – ‘‘д̣̇ан̣д̣агийран̃н̃о гисаважчад̇аабасз абарад̣̇д̇хасса аавуд̇хавудтияаа сагаларадтам̣ винадтам̣ . наал̣игзро бан̃жасу д̇аабасасад̇зсу аж̇ж̇уно жа ан̇г̇ийрасз абарад̣̇д̇хо бат̇авим̣ бхинд̣̇ид̇ваа нираяам̣ бавидто’’д̇и жинд̇аяанд̇аа бхаязна зд̇ам̣ сод̇т̇и, бхад̣̇д̣̇анд̇зд̇иаад̣̇иважанам̣ авожум̣.

сод̇т̇и бхависсад̇и ран̃н̃од̇и ид̣̇ам̣ важанам̣ ган̣хо жирам̣ д̇ун̣хий худ̇ваа д̇ад̇о анзгаббагаарам̣ яаажийяамаано – ‘‘д̇умхаагам̣ ран̃н̃аа маад̣̇исасса исино кураббам̣ саннаяханд̇зна бхаарияам̣ гаммам̣ гад̇а’’нд̇иаад̣̇ийни жа вад̇ваа бажчаа абхааси. унд̣̇рияиссад̇ийд̇и бхиж̇ж̇иссад̇и, т̇усамудти вияа виббагирияиссад̇ийд̇и. ид̣̇ам̣ со ‘‘ж̇анам̣ д̇аасзссаамий’’д̇и мусаа бхан̣ад̇и. сарасант̇амбханамад̇д̇зязва хисса виж̇ж̇ааяа аанубхааво, на ан̃н̃ад̇ра. ид̇о барзсуби важанзсу зсзва наяо.

балломод̇и банналомо. ломахам̣санамад̇д̇амбисса на бхависсад̇и. ид̣̇ам̣ гира со ‘‘сажз мз рааж̇аа д̇ам̣ д̣̇ааригам̣ д̣̇ассад̇ий’’д̇и бадин̃н̃ам̣ гаарзд̇ваа аважа. гумаарз кураббам̣ бад̇идтабзсийд̇и д̇зна ‘‘саро од̇арад̇уу’’д̇и манд̇з баривад̇д̇и, д̇з гумаарасса наабхияам̣ бад̇идтабзси. д̇хийд̇арам̣ ад̣̇аасийд̇и сийсам̣ д̇ховид̇ваа ад̣̇аасам̣ бхуж̇иссам̣ гад̇ваа д̇хийд̇арам̣ ад̣̇ааси, ул̣аарз жа д̇ам̣ таанз табзси. маа ко д̇умхз маан̣авагаад̇и ид̣̇ам̣ бана бхаг̇аваа – ‘‘згзна багкзна амб̣адто сагяаанам̣ н̃аад̇и ход̇ий’’д̇и багаасзнд̇о д̇асса самассаасанад̇т̇ам̣ ааха. д̇ад̇о амб̣адто гхадасад̇зна абхисид̇д̇о вияа бассад̣̇д̇хад̣̇арат̇о худ̇ваа самассаасзд̇ваа саман̣о г̇од̇амо мам̣ ‘‘д̇осзссаамий’’д̇и згзна багкзна н̃аад̇им̣ гарод̇и, кад̇д̇ияо гираахамасмий’’д̇и жинд̇зси.

кад̇д̇ияасздтабхаававан̣н̣анаа

275. ат̇а ко бхаг̇аваа – ‘‘аяам̣ амб̣адто кад̇д̇ияосмий’’д̇и сан̃н̃ам̣ гарод̇и, ад̇д̇ано акад̇д̇ияабхаавам̣ на ж̇аанаад̇и, ханд̣̇а нам̣ ж̇аанаабзссаамийд̇и кад̇д̇ияавам̣сам̣ д̣̇ассзд̇ум̣ уд̇д̇арид̣̇зсанам̣ вад̣дхзнд̇о – ‘‘д̇ам̣ гим̣ ман̃н̃аси амб̣адтаа’’д̇иаад̣̇имааха. д̇ад̇т̇а ид̇хаад̇и имасмим̣ логз. б̣раахман̣зсууд̇и б̣раахман̣аанам̣ анд̇арз. аасанам̣ ваа уд̣̇агам̣ ваад̇и аг̇г̇аасанам̣ ваа аг̇г̇од̣̇агам̣ ваа. сад̣̇д̇хзд̇и мад̇агз уд̣̇д̣̇исса гад̇абхад̇д̇з. т̇аалибаагзд̇и ман̇г̇алаад̣̇ибхад̇д̇з. яан̃н̃зд̇и яан̃н̃абхад̇д̇з. баахунзд̇и баахунагаанам̣ гад̇абхад̇д̇з бан̣н̣аагаарабхад̇д̇з ваа. аби нуссаад̇и аби ну асса кад̇д̇ияабуд̇д̇асса. аавадам̣ ваа асса анаавадам̣ ваад̇и , б̣раахман̣аган̃н̃аасу нивааран̣ам̣ бхавзяяа ваа но ваа, б̣раахман̣ад̣̇ааригам̣ лабхзяяа ваа на ваа лабхзяяаад̇и ад̇т̇о. анубабаннод̇и кад̇д̇ияабхаавам̣ абад̇д̇о, абарисуд̣̇д̇ход̇и ад̇т̇о.

276. ид̇т̇ияаа ваа ид̇т̇им̣ гарид̇ваад̇и ид̇т̇ияаа ваа ид̇т̇им̣ бариязсид̇ваа. гисмин̃жид̣̇зва багаран̣зд̇и гисмин̃жид̣̇зва д̣̇осз б̣раахман̣аанам̣ аяуд̇д̇з агад̇д̇аб̣б̣агаран̣з. бхассабудзнаад̇и бхасмабудзна, сийсз чааригам̣ огирид̇ваад̇и ад̇т̇о.

277. ж̇анзд̇асминд̇и ж̇анид̇асмим̣, баж̇ааяаад̇и ад̇т̇о. яз г̇од̇д̇абадисааринод̇и яз ж̇анзд̇асмим̣ г̇од̇д̇ам̣ бадисаранд̇и – ‘‘ахам̣ г̇од̇амо, ахам̣ гассабо’’д̇и, д̇зсу логз г̇од̇д̇абадисаарийсу кад̇д̇ияо сздто. анумад̇аа маяаад̇и мама саб̣б̣ан̃н̃уд̇ан̃н̃аан̣зна сад̣̇д̇хим̣ сам̣санд̣̇ид̇ваа д̣̇зсид̇аа маяаа анун̃н̃аад̇аа.

батамабхаан̣аваараван̣н̣анаа нидтид̇аа.

виж̇ж̇аажаран̣агат̇ааван̣н̣анаа

278. имааяа бана г̇аат̇ааяа виж̇ж̇аажаран̣асамбаннод̇и ид̣̇ам̣ бад̣̇ам̣ суд̇ваа амб̣адто жинд̇зси – ‘‘виж̇ж̇аа наама д̇аяо взд̣̇аа, жаран̣ам̣ бан̃жа сийлаани, д̇аяид̣̇ам̣ амхаагам̣язва ад̇т̇и, виж̇ж̇аажаран̣асамбанно жз сздто, маяамзва сздтаа’’д̇и нидтам̣ г̇анд̇ваа виж̇ж̇аажаран̣ам̣ бужчанд̇о – ‘‘гад̇амам̣ бана д̇ам̣, бхо г̇од̇ама, жаран̣ам̣, гад̇амаа жа бана саа виж̇ж̇аа’’д̇и ааха. ат̇асса бхаг̇аваа д̇ам̣ б̣раахман̣асамаяз сид̣̇д̇хам̣ ж̇аад̇иваад̣̇аад̣̇ибадисам̣яуд̇д̇ам̣ виж̇ж̇аажаран̣ам̣ бадигкибид̇ваа ануд̇д̇арам̣ виж̇ж̇аажаран̣ам̣ д̣̇ассзд̇угаамо – ‘‘на ко амб̣адтаа’’д̇иаад̣̇имааха. д̇ад̇т̇а ж̇аад̇иваад̣̇од̇и ж̇аад̇им̣ аараб̣бха ваад̣̇о, б̣раахман̣ассзвид̣̇ам̣ ваддад̇и, на суд̣̇д̣̇ассаад̇иаад̣̇и важананд̇и ад̇т̇о. зса наяо саб̣б̣ад̇т̇а. ж̇аад̇иваад̣̇авиниб̣ад̣̇д̇хаад̇и ж̇аад̇иваад̣̇з виниб̣ад̣̇д̇хаа. зса наяо саб̣б̣ад̇т̇а.

д̇ад̇о амб̣адто – ‘‘яад̇т̇а д̣̇аани маяам̣ лаг̇г̇иссаамаад̇и жинд̇аяимха, д̇ад̇о но саман̣о г̇од̇амо махааваад̇з т̇усам̣ д̇хунанд̇о вияа д̣̇уурамзва авагкиби. яад̇т̇а бана маяам̣ на лаг̇г̇аама, д̇ад̇т̇а но нияож̇зси. аяам̣ но виж̇ж̇аажаран̣асамбад̣̇аа н̃аад̇ум̣ ваддад̇ий’’д̇и жинд̇зд̇ваа буна виж̇ж̇аажаран̣асамбад̣̇ам̣ бужчи. ат̇асса бхаг̇аваа самуд̣̇ааг̇амад̇о бабхуд̇и виж̇ж̇аажаран̣ам̣ д̣̇ассзд̇ум̣ – ‘‘ид̇ха амб̣адта д̇ат̇ааг̇ад̇о’’д̇иаад̣̇имааха.

279. зд̇т̇а жа бхаг̇аваа жаран̣абарияаабаннамби д̇ивид̇хам̣ сийлам̣ вибхаж̇анд̇о ‘‘ид̣̇амасса ход̇и жаран̣асми’’нд̇и анияяаад̇зд̇ваа ‘‘ид̣̇амбисса ход̇и сийласми’’нд̇и сийлавасзнзва нияяаад̇зси. гасмаа? д̇ассаби хи гин̃жи гин̃жи сийлам̣ ад̇т̇и, д̇асмаа жаран̣авасзна нияяаад̇ияамаанз ‘‘маяамби жаран̣асамбаннаа’’д̇и д̇ад̇т̇а д̇ад̇т̇зва лаг̇г̇зяяа. яам̣ бана д̇зна субинзби на д̣̇идтабуб̣б̣ам̣, д̇ассзва васзна нияяаад̇знд̇о батамам̣ жхаанам̣ убасамбаж̇ж̇а вихарад̇и. ид̣̇амбисса ход̇и жаран̣асмим̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и, ид̣̇амбисса ход̇и жаран̣асминд̇иаад̣̇имааха. зд̇д̇аавад̇аа адтаби самаабад̇д̇ияо жаран̣анд̇и нияяаад̇ид̇аа хонд̇и, вибассанаа н̃аан̣ад̇о бана бадтааяа адтавид̇хааби бан̃н̃аа виж̇ж̇аад̇и нияяаад̇ид̇аа.

жад̇уабааяамукагат̇ааван̣н̣анаа

280. абааяамукаанийд̇и винаасамукаани. анабхисамбхун̣амаанод̇и асамбаабун̣анд̇о, ависахамаано ваа. кааривид̇хамаад̣̇ааяаад̇и зд̇т̇а каарийд̇и аран̣ий гаман̣д̣алу суж̇аад̣̇аяо д̇аабасабаригкаараа. вид̇ход̇и гааж̇о. д̇асмаа каарибхарид̇ам̣ гааж̇амаад̣̇ааяаад̇и ад̇т̇о. яз бана каарививид̇ханд̇и батанд̇и, д̇з ‘‘каарийд̇и гааж̇асса наамам̣, вивид̇ханд̇и б̣ахугаман̣д̣алуаад̣̇ибаригкаара’’нд̇и ван̣н̣аяанд̇и. бавад̇д̇апалабхож̇анод̇и бад̇ид̇апалабхож̇ано. барижаарагод̇и габбияагаран̣абад̇д̇абадиг̇г̇ахан̣абаад̣̇ад̇хованаад̣̇ивад̇д̇агаран̣авасзна барижаараго. гааман̃жа г̇ун̣аад̇хигоби кийн̣аасавасааман̣зро бут̇уж̇ж̇анабхигкуно вуд̇д̇анаязна барижаараго ход̇и, аяам̣ бана на д̇аад̣̇исо г̇ун̣авасзнаби взяяааважжагаран̣авасзнаби лаамагоязва.

гасмаа бана д̇аабасабаб̣б̣аж̇ж̇аа саасанасса винаасамуканд̇и вуд̇д̇аад̇и? яасмаа г̇ажчанд̇ам̣ г̇ажчанд̇ам̣ саасанам̣ д̇аабасабаб̣б̣аж̇ж̇аавасзна осаггиссад̇и. имасмин̃хи саасанз баб̣б̣аж̇ид̇ваа д̇иссо сигкаа буурзд̇ум̣ асаггонд̇ам̣ лаж̇ж̇ино сигкаагаамаа – ‘‘над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и ж̇иг̇ужчид̇ваа бариваж̇ж̇знд̇и. со ‘‘д̣̇уггарам̣ курад̇хааруубамам̣ саасанз бадибад̇д̇ибууран̣ам̣ д̣̇угкам̣, д̇аабасабаб̣б̣аж̇ж̇аа бана сугараа жзва б̣ахуж̇анасаммад̇аа жаа’’д̇и виб̣бхамид̇ваа д̇аабасо ход̇и. ан̃н̃з д̇ам̣ д̣̇исваа – ‘‘гим̣ д̇аяаа гад̇а’’нд̇и бужчанд̇и. со – ‘‘бхаарияам̣ д̇умхаагам̣ саасанз гаммам̣, ид̇ха бана сачанд̣̇ажаарино маяа’’нд̇и вад̣̇ад̇и. соби, яад̣̇и звам̣ ахамби зд̇т̇зва баб̣б̣аж̇аамийд̇и д̇асса анусигканд̇о д̇аабасо ход̇и. зваман̃н̃зби ан̃н̃збийд̇и гамзна д̇аабасаава б̣ахугаа хонд̇и. д̇зсам̣ уббаннагаалз саасанам̣ осаггид̇ам̣ наама бхависсад̇и. логз зваруубо б̣уд̣̇д̇хо наама уббаж̇ж̇и, д̇асса ийд̣̇исам̣ наама саасанам̣ ахосийд̇и суд̇амад̇д̇амзва бхависсад̇и. ид̣̇ам̣ санд̇хааяа бхаг̇аваа д̇аабасабаб̣б̣аж̇ж̇ам̣ саасанасса винаасамуканд̇и ааха.

гуд̣̇аалабидаганд̇и ганд̣̇амуулапалаг̇г̇ахан̣ад̇т̇ам̣ гуд̣̇аалан̃жзва бидаган̃жа. г̇аамасааманд̇ам̣ ваад̇и виж̇ж̇аажаран̣асамбад̣̇аад̣̇ийни анабхисамбхун̣анд̇о, гасигаммаад̣̇ийхи жа ж̇ийвид̇ам̣ нибпаад̣̇зд̇ум̣ д̣̇угканд̇и ман̃н̃амаано б̣ахуж̇анагухаабанад̇т̇ам̣ г̇аамасааманд̇з ваа ниг̇амасааманд̇з ваа аг̇г̇исаалам̣ гад̇ваа саббид̇злад̣̇ад̇химад̇хупаан̣ид̇ад̇илад̇ан̣д̣улаад̣̇ийхи жзва наанаад̣̇ааруухи жа хомагаран̣авасзна аг̇г̇им̣ барижаранд̇о ажчад̇и.

жад̇уд̣̇ваарам̣ аг̇аарам̣ гарид̇ваад̇и жад̇умукам̣ баанааг̇аарам̣ гад̇ваа д̇асса д̣̇ваарз ман̣д̣абам̣ гад̇ваа д̇ад̇т̇а баанийяам̣ убадтабзд̇ваа ааг̇ад̇ааг̇ад̇з баанийязна аабужчад̇и. яамбисса ад̣̇д̇хигаа гиланд̇аа баанийяам̣ бивид̇ваа барид̇удтаа бхад̇д̇абудам̣ ваа д̇ан̣д̣улаад̣̇ийни ваа д̣̇знд̇и, д̇ам̣ саб̣б̣ам̣ г̇ахзд̇ваа амб̣илаяааг̇уаад̣̇ийни гад̇ваа б̣ахуд̇арам̣ аамисаг̇ахан̣ад̇т̇ам̣ гзсан̃жи аннам̣ д̣̇зд̇и, гзсан̃жи бхад̇д̇абажанабхааж̇анаад̣̇ийни. д̇зхиби д̣̇иннам̣ аамисам̣ ваа буб̣б̣ан̣н̣аад̣̇ийни ваа г̇ан̣хад̇и, д̇аани вад̣дхияаа баяож̇зд̇и. звам̣ вад̣дхамаанавибхаво г̇омахим̣сад̣̇аасийд̣̇аасабариг̇г̇ахам̣ гарод̇и, маханд̇ам̣ гудумб̣ам̣ сан̣табзд̇и. имам̣ санд̇хааязд̇ам̣ вуд̇д̇ам̣ – ‘‘жад̇уд̣̇ваарам̣ аг̇аарам̣ гарид̇ваа ажчад̇ий’’д̇и. ‘‘д̇амахам̣ яат̇аасад̇д̇и яат̇ааб̣алам̣ бадибууж̇зссаамий’’д̇и ид̣̇ам̣ банасса бадибад̇д̇имукам̣. иминаа хи мукзна со звам̣ бадибаж̇ж̇ад̇ийд̇и. зд̇д̇аавад̇аа жа бхаг̇авад̇аа саб̣б̣ааби д̇аабасабаб̣б̣аж̇ж̇аа нид̣̇д̣̇идтаа хонд̇и.

гат̇ам̣? адтавид̇хаа хи д̇аабасаа – сабуд̇д̇абхарияаа, ун̃чаажарияаа, анаг̇г̇ибаггигаа, асаамабаагаа, асмамудтигаа, д̣̇анд̇аваггалигаа, бавад̇д̇апалабхож̇анаа, бан̣д̣убалаасигаад̇и. д̇ад̇т̇а яз гзн̣ияаж̇адило вияа гудумб̣ам̣ сан̣табзд̇ваа васанд̇и, д̇з сабуд̇д̇абхарияаа наама.

яз бана ‘‘сабуд̇д̇ад̣̇аарабхааво наама баб̣б̣аж̇ид̇асса аяуд̇д̇о’’д̇и лааяанамад̣̇д̣̇анадтаанзсу вийхимуг̇г̇амаасад̇илаад̣̇ийни сан̇гад̣дхид̇ваа бажид̇ваа барибхун̃ж̇анд̇и, д̇з ун̃чаажарияаа наама.

яз ‘‘калзна калам̣ вижарид̇ваа вийхим̣ аахарид̇ваа годдзд̇ваа барибхун̃ж̇анам̣ наама аяуд̇д̇а’’нд̇и г̇ааманиг̇амзсу д̇ан̣д̣улабхигкам̣ г̇ахзд̇ваа бажид̇ваа барибхун̃ж̇анд̇и, д̇з анаг̇г̇ибаггигаа наама.

яз бана ‘‘гим̣ баб̣б̣аж̇ид̇асса саамабаагзнаа’’д̇и г̇аамам̣ бависид̇ваа баггабхигкамзва г̇ан̣ханд̇и , д̇з асаамабаагаа наама.

яз ‘‘д̣̇ивасз д̣̇ивасз бхигкаабарияздти наама д̣̇угкаа баб̣б̣аж̇ид̇ассаа’’д̇и мудтибаасаан̣зна амб̣аадагаад̣̇ийнам̣ ругкаанам̣ д̇ажам̣ годдзд̇ваа каад̣̇анд̇и, д̇з асмамудтигаа наама.

яз бана ‘‘баасаан̣зна д̇ажам̣ годдзд̇ваа вижаран̣ам̣ наама д̣̇угка’’нд̇и д̣̇анд̇зхзва уб̣б̣аадзд̇ваа каад̣̇анд̇и, д̇з д̣̇анд̇аваггалигаа наама.

яз ‘‘д̣̇анд̇зхи уб̣б̣аадзд̇ваа каад̣̇анам̣ наама д̣̇угкам̣ баб̣б̣аж̇ид̇ассаа’’д̇и лзд̣д̣уд̣̇ан̣д̣аад̣̇ийхи бахарид̇ваа бад̇ид̇аани палаани барибхун̃ж̇анд̇и, д̇з бавад̇д̇апалабхож̇анаа наама.

яз бана ‘‘лзд̣д̣уд̣̇ан̣д̣аад̣̇ийхи баад̇зд̇ваа барибхог̇о наама асааруббо баб̣б̣аж̇ид̇ассаа’’д̇и саяам̣ бад̇ид̇аанзва бубпапалабан̣д̣убалаасаад̣̇ийни каад̣̇анд̇аа яаабзнд̇и, д̇з бан̣д̣убалаасигаа наама.

д̇з д̇ивид̇хаа – уггадтамаж̇жхимамуд̣̇угавасзна. д̇ад̇т̇а яз нисиннадтаанад̇о анудтааяа хад̇т̇зна баабун̣анадтаанзва бад̇ид̇ам̣ г̇ахзд̇ваа каад̣̇анд̇и, д̇з уггадтаа. яз згаругкад̇о ан̃н̃ам̣ ругкам̣ на г̇ажчанд̇и, д̇з маж̇жхимаа. яз д̇ам̣ д̇ам̣ ругкамуулам̣ г̇анд̇ваа бариязсид̇ваа каад̣̇анд̇и, д̇з муд̣̇угаа.

имаа бана адтаби д̇аабасабаб̣б̣аж̇ж̇аа имаахи жад̇уухиязва сан̇г̇ахам̣ г̇ажчанд̇и. гат̇ам̣? зд̇аасу хи сабуд̇д̇абхарияаа жа ун̃чаажарияаа жа аг̇аарам̣ бхаж̇анд̇и. анаг̇г̇ибаггигаа жа асаамабаагаа жа аг̇яааг̇аарам̣ бхаж̇анд̇и. асмамудтигаа жа д̣̇анд̇аваггалигаа жа ганд̣̇амуулапалабхож̇анам̣ бхаж̇анд̇и. бавад̇д̇апалабхож̇анаа жа бан̣д̣убалаасигаа жа бавад̇д̇апалабхож̇анам̣ бхаж̇анд̇и. д̇зна вуд̇д̇ам̣ – ‘‘зд̇д̇аавад̇аа жа бхаг̇авад̇аа саб̣б̣ааби д̇аабасабаб̣б̣аж̇ж̇аа нид̣̇д̣̇идтаа хонд̇ий’’д̇и.

281-282. ид̣̇аани бхаг̇аваа саажарияагасса амб̣адтасса виж̇ж̇аажаран̣асамбад̣̇ааяа абааяамукамби аббад̇д̇абхаавам̣ д̣̇ассзд̇ум̣ д̇ам̣ гим̣ ман̃н̃аси амб̣адтаад̇иаад̣̇имааха. д̇ам̣ уд̇д̇аанад̇т̇амзва. ад̇д̇анаа аабааяигоби абарибуурамаанод̇и ад̇д̇анаа виж̇ж̇аажаран̣асамбад̣̇ааяа аабааяигзнааби абарибуурамаанзна.

буб̣б̣агаисибхааваануяог̇аван̣н̣анаа

283. д̣̇ад̇д̇иганд̇и д̣̇иннагам̣. саммукийбхаавамби на д̣̇ад̣̇аад̇ийд̇и гасмаа на д̣̇ад̣̇аад̇и? со гира саммукаа аавадданим̣ наама виж̇ж̇ам̣ ж̇аанаад̇и. яад̣̇аа рааж̇аа махаарахзна алан̇гаарзна алан̇гад̇о ход̇и, д̇ад̣̇аа ран̃н̃о самийбз тад̇ваа д̇асса алан̇гаарасса наамам̣ г̇ан̣хад̇и. д̇асса рааж̇аа наамз г̇ахид̇з на д̣̇змийд̇и вад̇д̇ум̣ на саггод̇и. д̣̇ад̇ваа буна чан̣ад̣̇ивасз алан̇гаарам̣ аахарат̇аад̇и вад̇ваа, над̇т̇и, д̣̇зва, д̇умхзхи б̣раахман̣асса д̣̇иннод̇и вуд̇д̇о, ‘‘гасмаа мз д̣̇инно’’д̇и бужчи. д̇з амажжаа ‘со б̣раахман̣о саммукаа аавадданимааяам̣ ж̇аанаад̇и. д̇ааяа д̇умхз ааваддзд̇ваа г̇ахзд̇ваа г̇ажчад̇ий’д̇и аахам̣су. абарз ран̃н̃аа саха д̇асса ад̇исахааяабхаавам̣ асаханд̇аа аахам̣су – ‘‘д̣̇зва, зд̇асса б̣раахман̣асса сарийрз сан̇капалид̇агудтам̣ наама ад̇т̇и. д̇умхз зд̇ам̣ д̣̇исваава аалин̇г̇ат̇а бараамасат̇а, ид̣̇ан̃жа гудтам̣ наама гааяасам̣саг̇г̇авасзна ануг̇ажчад̇и, маа звам̣ гарот̇аа’’д̇и. д̇ад̇о бадтааяа д̇асса рааж̇аа саммукийбхаавам̣ на д̣̇зд̇и.

яасмаа бана со б̣раахман̣о бан̣д̣ид̇о кад̇д̇авиж̇ж̇ааяа гусало, д̇зна саха манд̇зд̇ваа гад̇агаммам̣ наама на вируж̇жхад̇и, д̇асмаа саан̣ибаагаарасса анд̇о тад̇ваа б̣ахи тид̇зна д̇зна сад̣̇д̇хим̣ манд̇зд̇и. д̇ам̣ санд̇хааяа вуд̇д̇ам̣ ‘‘д̇иро д̣̇уссанд̇зна манд̇зд̇ий’’д̇и. д̇ад̇т̇а д̇ирод̣̇уссанд̇знаад̇и д̇ирод̣̇уссзна. аяамзва ваа баато. д̇хаммиганд̇и анаваж̇ж̇ам̣. баяаад̇анд̇и абхихарид̇ваа д̣̇иннам̣. гат̇ам̣ д̇асса рааж̇аад̇и яасса ран̃н̃о б̣раахман̣о ийд̣̇исам̣ бхигкам̣ бадиг̇г̇ан̣хзяяа, гат̇ам̣ д̇асса б̣раахман̣асса со рааж̇аа саммукийбхаавамби на д̣̇ад̣̇зяяа. аяам̣ бана ад̣̇иннагам̣ мааяааяа г̇ан̣хад̇и, д̇знасса саммукийбхаавам̣ рааж̇аа на д̣̇зд̇ийд̇и нидтамзд̇т̇а г̇анд̇аб̣б̣анд̇и аяамзд̇т̇а ад̇хиббааяо. ‘‘ид̣̇ам̣ бана гааран̣ам̣ табзд̇ваа рааж̇аанан̃жзва б̣раахман̣ан̃жа на ан̃н̃о гожи ж̇аанаад̇и. д̇ад̣̇зд̇ам̣ звам̣ рахассамби бадижчаннамби ад̣̇д̇хаа саб̣б̣ан̃н̃уу саман̣о г̇од̇амод̇и нидтам̣ г̇амиссад̇ий’’д̇и бхаг̇аваа багаасзси.

284. ид̣̇аани аяан̃жа амб̣адто, аажарияо жасса манд̇з ниссааяа ад̇имаанино. д̇зна д̇зсам̣ манд̇аниссид̇амаананиммад̣̇анад̇т̇ам̣ уд̇д̇ари д̣̇зсанам̣ вад̣дхзнд̇о д̇ам̣ гим̣ ман̃н̃аси, амб̣адта, ид̇ха рааж̇аад̇иаад̣̇имааха. д̇ад̇т̇а рат̇уубад̇т̇арзд̇и рат̇амхи ран̃н̃о таанад̇т̇ам̣ ад̇т̇арид̇ваа саж̇ж̇ид̇абад̣̇зсз. уг̇г̇зхи ваад̇и уг̇г̇ад̇уг̇г̇ад̇зхи ваа амажжзхи. рааж̇ан̃н̃зхийд̇и анабхисид̇д̇агумаарзхи. гин̃жид̣̇зва манд̇ананд̇и асугасмим̣ д̣̇зсз д̇ал̣аагам̣ ваа маад̇игам̣ ваа гаад̇ум̣ ваддад̇и, асугасмим̣ г̇аамам̣ ваа ниг̇амам̣ ваа наг̇арам̣ ваа нивзсзд̇унд̇и зваруубам̣ баагадаманд̇анам̣. д̇ад̣̇зва манд̇ананд̇и яам̣ ран̃н̃аа манд̇ид̇ам̣ д̇ад̣̇зва. д̇аад̣̇исзхиязва сийсугкзбабхамугкзбаад̣̇ийхи аагаарзхи манд̇зяяа. рааж̇абхан̣ид̇анд̇и яат̇аа ран̃н̃аа бхан̣ид̇ам̣, д̇ассад̇т̇асса саад̇ханасамад̇т̇ам̣. соби д̇ассад̇т̇асса саад̇ханасамад̇т̇амзва бхан̣ид̇ам̣ бхан̣ад̇ийд̇и ад̇т̇о.

285. бавад̇д̇аарод̇и бавад̇д̇аяид̇ааро. язсанд̇и язсам̣ санд̇агам̣. манд̇абад̣̇анд̇и взд̣̇асан̇каад̇ам̣ манд̇амзва . г̇ийд̇анд̇и адтагаад̣̇ийхи д̣̇асахи бораан̣агаб̣раахман̣зхи сарасамбад̇д̇ивасзна саж̇жхааяид̇ам̣. бавуд̇д̇анд̇и ан̃н̃зсам̣ вуд̇д̇ам̣, ваажид̇анд̇и ад̇т̇о. самихид̇анд̇и самубаб̣яуул̣хам̣ раасигад̇ам̣, бин̣д̣ам̣ гад̇ваа табид̇анд̇и ад̇т̇о. д̇ад̣̇ануг̇ааяанд̇ийд̇и зд̇арахи б̣раахман̣аа д̇ам̣ д̇зхи буб̣б̣з г̇ийд̇ам̣ ануг̇ааяанд̇и анусаж̇жхааяанд̇и. д̇ад̣̇анубхаасанд̇ийд̇и д̇ам̣ анубхаасанд̇и, ид̣̇ам̣ буримассзва взважанам̣. бхаасид̇аманубхаасанд̇ийд̇и д̇зхи бхаасид̇ам̣ саж̇жхааяид̇ам̣ анусаж̇жхааяанд̇и. ваажид̇амануваажзнд̇ийд̇и д̇зхи ан̃н̃зсам̣ ваажид̇ам̣ ануваажзнд̇и.

сзяяат̇ид̣̇анд̇и д̇з гад̇амзхи ад̇т̇о. адтагод̇иаад̣̇ийни д̇зсам̣ наамаани. д̇з гира д̣̇иб̣б̣зна жагкунаа ологзд̇ваа баруубагхаад̇ам̣ агад̇ваа гассабасаммаасамб̣уд̣̇д̇хасса бхаг̇авад̇о бааважанзна саха сам̣санд̣̇ид̇ваа манд̇з г̇ант̇им̣су. абараабарз бана б̣раахман̣аа баан̣аад̇ибаад̇аад̣̇ийни багкибид̇ваа д̇аяо взд̣̇з бхинд̣̇ид̇ваа б̣уд̣̇д̇хаважанзна сад̣̇д̇хим̣ вируд̣̇д̇хз агам̣су. нзд̇ам̣ таанам̣ виж̇ж̇ад̇ийд̇и язна д̇вам̣ иси бхавзяяааси, зд̇ам̣ гааран̣ам̣ на виж̇ж̇ад̇и. ид̇ха бхаг̇аваа яасмаа – ‘‘зса бужчияамааноби, ад̇д̇ано авад̇т̇аран̣абхаавам̣ н̃ад̇ваа бадиважанам̣ на д̣̇ассад̇ий’’д̇и ж̇аанаад̇и, д̇асмаа бадин̃н̃ам̣ аг̇ахзд̇ваава д̇ам̣ исибхаавам̣ бадигкиби.

286. ид̣̇аани яасмаа д̇з бораан̣аа д̣̇аса б̣раахман̣аа нираамаг̇анд̇хаа анид̇т̇иг̇анд̇хаа раж̇ож̇аллад̇хараа б̣рахмажаарино аран̃н̃ааяад̇анз баб̣б̣ад̇абаад̣̇зсу ванамуулапалаахаараа васим̣су. яад̣̇аа гад̇т̇ажи г̇анд̇угаамаа хонд̇и, ид̣̇д̇хияаа аагаасзнзва г̇ажчанд̇и, над̇т̇и д̇зсам̣ яаанзна гижжам̣. саб̣б̣ад̣̇исаасу жа нзсам̣ мзд̇д̇аад̣̇иб̣рахмавихаарабхааванаава аарагкаа ход̇и, над̇т̇и д̇зсам̣ баагаарабурисаг̇уд̇д̇ийхи ад̇т̇о. иминаа жа амб̣адтзна суд̇абуб̣б̣аа д̇зсам̣ бадибад̇д̇и; д̇асмаа имасса саажарияагасса д̇зсам̣ бадибад̇д̇ид̇о аарагабхаавам̣ д̣̇ассзд̇ум̣ – ‘‘д̇ам̣ гим̣ ман̃н̃аси, амб̣адтаа’’д̇иаад̣̇имааха.

д̇ад̇т̇а вижид̇агаал̣аганд̇и вижинид̇ваа абанийд̇агаал̣агам̣. взтаганад̇абассаахийд̇и д̣̇уссабаддад̣̇уссавзн̣и аад̣̇ийхи взтагзхи намид̇апаасугаахи. гуд̇д̇аваалзхийд̇и собхаагаран̣ад̇т̇ам̣ габбзд̇ум̣, яуд̇д̇адтаанзсу габбид̇аваалзхи. зд̇т̇а жа вал̣аваанам̣язва ваалаа габбид̇аа, на рат̇аанам̣, вал̣авабаяуд̇д̇ад̇д̇аа бана рат̇ааби ‘‘гуд̇д̇аваалаа’’д̇и вуд̇д̇аа. уггин̣н̣абарикаасууд̇и кад̇абарикаасу. огкид̇д̇абалигхаасууд̇и табид̇абалигхаасу. наг̇аруубагааригаасууд̇и зд̇т̇а убагааригаад̇и барзсам̣ аароханивааран̣ад̇т̇ам̣ саманд̇аа наг̇арам̣ баагаарасса ад̇хобхааг̇з гад̇асуд̇хаагаммам̣ вужжад̇и. ид̇ха бана д̇аахи убагааригаахи яуд̇д̇аани наг̇араанзва ‘‘наг̇аруубагааригааяо’’д̇и ад̇хиббзд̇аани. рагкаабзнд̇ийд̇и д̇аад̣̇исзсу наг̇арзсу васанд̇ааби ад̇д̇аанам̣ рагкаабзнд̇и. ган̇каад̇и ‘‘саб̣б̣ан̃н̃уу, на саб̣б̣ан̃н̃уу’’д̇и звам̣ сам̣саяо. вимад̇ийд̇и д̇ассзва взважанам̣, вируубаа мад̇и, винижчинид̇ум̣ асамад̇т̇аад̇и ад̇т̇о. ид̣̇ам̣ бхаг̇аваа ‘‘амб̣адтасса иминаа ад̇д̇абхаавзна маг̇г̇абаад̇убхааво над̇т̇и, гзвалам̣ д̣̇ивасо вийд̇ивад̇д̇ад̇и, аяам̣ ко бана лагкан̣абариязсанад̇т̇ам̣ ааг̇ад̇о, д̇амби гижжам̣ нассарад̇и. ханд̣̇асса сад̇иж̇ананад̇т̇ам̣ наяам̣ д̣̇змий’’д̇и ааха.

д̣̇взлагкан̣ад̣̇ассанаван̣н̣анаа

287. звам̣ вад̇ваа бана яасмаа б̣уд̣̇д̇хаанам̣ нисиннаанам̣ ваа нибаннаанам̣ ваа гожи лагкан̣ам̣ бариязсид̇ум̣ на саггод̇и, тид̇аанам̣ бана жан̇гаманд̇аанам̣ ваа саггод̇и. аажин̣н̣ан̃жзд̇ам̣ б̣уд̣̇д̇хаанам̣ лагкан̣абариязсанад̇т̇ам̣ ааг̇ад̇абхаавам̣ н̃ад̇ваа удтааяаасанаа жан̇гамаад̇хидтаанам̣ наама, д̇зна бхаг̇аваа удтааяаасанаа б̣ахи нигканд̇о. д̇асмаа ат̇а ко бхаг̇аваад̇иаад̣̇и вуд̇д̇ам̣.

саманнзсийд̇и г̇авзси, згам̣ д̣̇взд̇и ваа г̇ан̣аяанд̇о самаанаяи. язбхуяязнаад̇и бааязна, б̣ахугаани ад̣̇д̣̇аса, аббаани на ад̣̇д̣̇асаад̇и ад̇т̇о. д̇ад̇о яаани на ад̣̇д̣̇аса д̇зсам̣ д̣̇ийбанад̇т̇ам̣ вуд̇д̇ам̣ – ‘‘табзд̇ваа д̣̇вз’’д̇и. ган̇кад̇ийд̇и ‘‘ахо вад̇а бассзяяа’’нд̇и бад̇т̇анам̣ уббаад̣̇зд̇и. вижигижчад̇ийд̇и д̇ад̇о д̇ад̇о д̇аани вижинанд̇о гижчад̇и на саггод̇и д̣̇адтум̣. наад̇химужжад̇ийд̇и д̇ааяа вижигижчааяа саннидтаанам̣ на г̇ажчад̇и. на самбасийд̣̇ад̇ийд̇и д̇ад̇о – ‘‘барибун̣н̣алагкан̣о аяа’’нд̇и бхаг̇авад̇и басаад̣̇ам̣ наабаж̇ж̇ад̇и. ган̇кааяа ваа д̣̇уб̣б̣алаа вимад̇и вуд̇д̇аа, вижигижчааяа маж̇жхимаа, анад̇химужжанад̇ааяа б̣алавад̇ий, асамбасаад̣̇зна д̇зхи д̇ийхи д̇хаммзхи жид̇д̇асса гаалусияабхааво. госохид̇зд̇и вад̇т̇игосзна бадижчаннз. вад̇т̇аг̇уяхзд̇и ан̇г̇аж̇аад̇з бхаг̇авад̇о хи варавааран̣ассзва госохид̇ам̣ вад̇т̇аг̇уяхам̣ суван̣н̣аван̣н̣ам̣ бад̣̇умаг̇аб̣бхасамаанам̣. д̇ам̣ со вад̇т̇абадижчаннад̇д̇аа абассанд̇о, анд̇омукаг̇ад̇ааяа жа ж̇ивхааяа бахууд̇абхаавам̣ асаллагкзнд̇о д̇зсу д̣̇вийсу лагкан̣зсу ган̇кий ахоси вижигижчий.

288. д̇ат̇ааруубанд̇и д̇ам̣ руубам̣. гимзд̇т̇а ан̃н̃зна вад̇д̇аб̣б̣ам̣? вуд̇д̇амзд̇ам̣ нааг̇асзнад̇т̇зрзнзва милинд̣̇аран̃н̃аа будтзна – ‘‘д̣̇уггарам̣, бханд̇з, нааг̇асзна, бхаг̇авад̇аа гад̇анд̇и. гим̣ махаарааж̇аад̇и? махааж̇анзна хиригаран̣огаасам̣ б̣рахмааяу б̣раахман̣асса жа анд̇звааси уд̇д̇арасса жа, б̣ааварисса анд̇зваасийнам̣ сол̣асаб̣раахман̣аанан̃жа , сзласса б̣раахман̣асса жа анд̇зваасийнам̣ д̇исад̇амаан̣аваанан̃жа д̣̇ассзси, бханд̇зд̇и. на, махаарааж̇а, бхаг̇аваа г̇уяхам̣ д̣̇ассзси. чааяам̣ бхаг̇аваа д̣̇ассзси. ид̣̇д̇хияаа абхисан̇карид̇ваа ниваасананивад̇т̇ам̣ гааяаб̣анд̇ханаб̣ад̣̇д̇хам̣ жийварабааруд̇ам̣ чааяааруубагамад̇д̇ам̣ д̣̇ассзси махаарааж̇аад̇и. чааяам̣ д̣̇идтз сад̇и д̣̇идтам̣язва нану, бханд̇зд̇и? д̇идтад̇зд̇ам̣, махаарааж̇а, хад̣̇аяаруубам̣ д̣̇исваа б̣уж̇жханагасад̇д̇о бхавзяяа, хад̣̇аяамам̣сам̣ нийхарид̇ваа д̣̇ассзяяа саммаасамб̣уд̣̇д̇ход̇и. галлоси, бханд̇з, нааг̇асзнаа’’д̇и.

ниннаамзд̇ваад̇и нийхарид̇ваа. анумасийд̇и гат̇инасуужим̣ вияа гад̇ваа анумаж̇ж̇и, д̇ат̇аагаран̣зна жзд̇т̇а муд̣̇убхааво, ган̣н̣асод̇аанумасанзна д̣̇ийгхабхааво, наасигасод̇аанумасанзна д̇анубхааво, налаадажчаад̣̇анзна бут̇улабхааво багаасид̇од̇и взд̣̇ид̇аб̣б̣о.

289. бадимаанзнд̇од̇и ааг̇амзнд̇о, ааг̇аманамасса бад̇т̇знд̇о уд̣̇игканд̇од̇и ад̇т̇о.

290. гат̇аасаллаабод̇и гат̇аа жа саллаабо жа, гат̇анам̣ бадигат̇ананд̇и ад̇т̇о.

291. ахо вад̇аад̇и г̇арахаважанамзд̇ам̣. рзд̇и ид̣̇ам̣ хийл̣анавасзна ааманд̇анам̣. бан̣д̣ид̇агаад̇и д̇амзва ж̇иг̇ужчанд̇о ааха. сзсабад̣̇ад̣̇ваязби зсзва наяо. зваруубзна гира бхо бурисо ад̇т̇ажарагзнаад̇и ид̣̇ам̣ яаад̣̇исо д̇вам̣, зд̣̇исз ад̇т̇ажарагз хид̇агаарагз сад̇и бурисо нираяам̣язва г̇ажчзяяа, на ан̃н̃ад̇раад̇и имамад̇т̇ам̣ санд̇хааяа вад̣̇ад̇и. аасаж̇ж̇а аасаж̇ж̇аад̇и гхаддзд̇ваа гхаддзд̇ваа. амхзби звам̣ убанзяяа убанзяяаад̇и б̣раахман̣о ко бана амб̣адта богкарасаад̇ийд̇иаад̣̇ийни вад̇ваа звам̣ убанзд̇ваа убанзд̇ваа бадижчаннам̣ гааран̣ам̣ аавигарид̇ваа судту д̣̇аасаад̣̇ибхаавам̣ ааробзд̇ваа аважа, д̇аяаа амхз аггосаабид̇аад̇и ад̇хиббааяо. бад̣̇асааязва бавад̇д̇зсийд̇и баад̣̇зна бахарид̇ваа бхуумияам̣ баад̇зси. яан̃жа со буб̣б̣з аажариязна сад̣̇д̇хим̣ рат̇ам̣ аарухид̇ваа саарат̇и худ̇ваа аг̇амааси , д̇амбисса таанам̣ ажчинд̣̇ид̇ваа рат̇асса бурад̇о бад̣̇асаа язвасса г̇аманам̣ агааси.

богкарасаад̇иб̣уд̣̇д̇хуубасан̇гаманаван̣н̣анаа

292-296. ад̇ивигаалод̇и судту вигаало, саммод̣̇анийяагат̇ааяаби гаало над̇т̇и. ааг̇амаа ну квид̇ха бход̇и ааг̇амаа ну ко ид̇ха бхо. ад̇хиваасзд̇ууд̇и самбадижчад̇у. аж̇ж̇ад̇анааяаад̇и яам̣ мз д̇умхзсу гаарам̣ гарод̇о аж̇ж̇а бхависсад̇и бун̃н̃ан̃жа бийд̇ибаамож̇ж̇ан̃жа д̇ад̣̇ад̇т̇ааяа. ад̇хиваасзси бхаг̇аваа д̇ун̣хийбхаавзнаад̇и бхаг̇аваа гааяан̇г̇ам̣ ваа ваажан̇г̇ам̣ ваа ажобзд̇ваа аб̣бханд̇арзязва канд̇им̣ д̇хаарзнд̇о д̇ун̣хийбхаавзна ад̇хиваасзси. б̣раахман̣асса ануг̇г̇ахан̣ад̇т̇ам̣ манасаава самбадижчийд̇и вуд̇д̇ам̣ ход̇и.

297. бан̣ийд̇знаад̇и уд̇д̇амзна. сахад̇т̇аад̇и сахад̇т̇зна. санд̇аббзсийд̇и судту д̇аббзси барибун̣н̣ам̣ сухид̇ам̣ яаавад̣̇ад̇т̇ам̣ агааси. самбаваарзсийд̇и судту баваарзси, алам̣ аланд̇и хад̇т̇асан̃н̃ааяа бадигкибаабзси. бхуд̇д̇аавинд̇и бхуд̇д̇аванд̇ам̣. онийд̇абад̇д̇абаан̣инд̇и бад̇д̇ад̇о онийд̇абаан̣им̣, абанийд̇ахад̇т̇анд̇и вуд̇д̇ам̣ ход̇и. онид̇д̇абад̇д̇абаан̣инд̇иби баато. д̇ассад̇т̇о – онид̇д̇ам̣ наанаабхууд̇ам̣ винаабхууд̇ам̣ бад̇д̇ам̣ баан̣ид̇о ассаад̇и онид̇д̇абад̇д̇абаан̣и, д̇ам̣ онид̇д̇абад̇д̇абаан̣им̣. хад̇т̇з жа бад̇д̇ан̃жа д̇ховид̇ваа згаманд̇з бад̇д̇ам̣ нигкибид̇ваа нисиннанд̇и ад̇т̇о. згаманд̇ам̣ нисийд̣̇ийд̇и бхаг̇аванд̇ам̣ звам̣ бхууд̇ам̣ н̃ад̇ваа згасмим̣ огаасз нисийд̣̇ийд̇и ад̇т̇о.

298. анубуб̣б̣им̣ гат̇анд̇и анубадибаадигат̇ам̣. аанубуб̣б̣игат̇аа наама д̣̇аанаананд̇арам̣ сийлам̣, сийлаананд̇арам̣ саг̇г̇о, саг̇г̇аананд̇арам̣ маг̇г̇од̇и зд̇зсам̣ ад̇т̇аанам̣ д̣̇ийбанагат̇аа. д̇знзва – ‘‘сзяяат̇ид̣̇ам̣ д̣̇аанагат̇а’’нд̇иаад̣̇имааха. огааранд̇и авагаарам̣ лаамагабхаавам̣. саамуггам̣сигаад̇и саамам̣ уггам̣сигаа, ад̇д̇анааязва уд̣̇д̇харид̇ваа г̇ахид̇аа, саяамбхуун̃аан̣зна д̣̇идтаа, асаад̇хааран̣аа ан̃н̃зсанд̇и ад̇т̇о. гаа бана саад̇и? арияасажжад̣̇зсанаа. д̇знзвааха – ‘‘д̣̇угкам̣, самуд̣̇аяам̣, нирод̇хам̣, маг̇г̇а’’нд̇и. д̇хаммажагкунд̇и зд̇т̇а сод̇аабад̇д̇имаг̇г̇о ад̇хиббзд̇о. д̇асса уббад̇д̇иаагаарад̣̇ассанад̇т̇ам̣ – ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и ааха. д̇ан̃хи нирод̇хам̣ аарамман̣ам̣ гад̇ваа гижжавасзна звам̣ саб̣б̣асан̇кад̇ам̣ бадивиж̇жханд̇ам̣ уббаж̇ж̇ад̇и.

богкарасаад̇иубаасагад̇д̇абадивзд̣̇анааван̣н̣анаа

299. д̣̇идто арияасажжад̇хаммо зд̇знаад̇и д̣̇идтад̇хаммо. зса наяо сзсабад̣̇зсуби. д̇ин̣н̣аа вижигижчаа анзнаад̇и д̇ин̣н̣авижигижчо. виг̇ад̇аа гат̇ам̣гат̇аа ассаад̇и виг̇ад̇агат̇ам̣гат̇о. взсаараж̇ж̇аббад̇д̇од̇и висаарад̣̇абхаавам̣ бад̇д̇о. гад̇т̇а? сад̇т̇усаасанз. наасса баро бажжаяо, на барасса сад̣̇д̇хааяа зд̇т̇а вад̇д̇ад̇ийд̇и абараббажжаяо. сзсам̣ саб̣б̣ад̇т̇а вуд̇д̇анаяад̇д̇аа уд̇д̇аанад̇т̇ад̇д̇аа жа баагадамзваад̇и.

ид̇и суман̇г̇алавилаасинияаа д̣̇ийгханигааяадтагат̇ааяам̣

амб̣адтасуд̇д̇аван̣н̣анаа нидтид̇аа.