| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
12. амб̣аванабзд̇авад̇т̇уван̣н̣анаа
12. Ambavanapetavatthuvaṇṇanā
аяан̃жа д̇з богкаран̣ий сураммаад̇и ид̣̇ам̣ сад̇т̇ари саавад̇т̇ияам̣ вихаранд̇з амб̣абзд̇ам̣ аараб̣бха вуд̇д̇ам̣ . саавад̇т̇ияам̣ гира ан̃н̃ад̇аро г̇ахабад̇и баригкийн̣абхог̇о ахоси. д̇асса бхарияаа гааламагааси, згаа д̇хийд̇ааязва ход̇и. со д̇ам̣ ад̇д̇ано мид̇д̇асса г̇зхз табзд̇ваа ин̣авасзна г̇ахид̇зна гахаабан̣асад̇зна бхан̣д̣ам̣ г̇ахзд̇ваа сад̇т̇зна сад̣̇д̇хим̣ ван̣иж̇ж̇ааяа г̇ад̇о, на жирзнзва муулзна саха уд̣̇аяабхууд̇аани бан̃жа гахаабан̣асад̇аани лабхид̇ваа сад̇т̇зна саха бадинивад̇д̇и. анд̇араамаг̇г̇з жораа барияудтааяа сад̇т̇ам̣ баабун̣им̣су, сад̇т̇игаа ид̇о жид̇о жа балааяим̣су. со бана г̇ахабад̇и ан̃н̃ад̇арасмим̣ г̇ажчз гахаабан̣з нигкибид̇ваа авид̣̇уурз нилийяи. жораа д̇ам̣ г̇ахзд̇ваа ж̇ийвид̇аа воробзсум̣. со д̇ханалобхзна д̇ад̇т̇зва бзд̇о худ̇ваа ниб̣б̣ад̇д̇и.
Ayañca te pokkharaṇī surammāti idaṃ satthari sāvatthiyaṃ viharante ambapetaṃ ārabbha vuttaṃ . Sāvatthiyaṃ kira aññataro gahapati parikkhīṇabhogo ahosi. Tassa bhariyā kālamakāsi, ekā dhītāyeva hoti. So taṃ attano mittassa gehe ṭhapetvā iṇavasena gahitena kahāpaṇasatena bhaṇḍaṃ gahetvā satthena saddhiṃ vaṇijjāya gato, na cireneva mūlena saha udayabhūtāni pañca kahāpaṇasatāni labhitvā satthena saha paṭinivatti. Antarāmagge corā pariyuṭṭhāya satthaṃ pāpuṇiṃsu, satthikā ito cito ca palāyiṃsu. So pana gahapati aññatarasmiṃ gacche kahāpaṇe nikkhipitvā avidūre nilīyi. Corā taṃ gahetvā jīvitā voropesuṃ. So dhanalobhena tattheva peto hutvā nibbatti.
ваан̣иж̇аа саавад̇т̇им̣ г̇анд̇ваа д̇асса д̇хийд̇уяаа д̇ам̣ бавад̇д̇им̣ аарожзсум̣. саа бид̇у маран̣зна ааж̇ийвигаабхаязна жа ад̇ивияа сан̃ж̇аад̇ад̣̇оманассаа б̣аал̣хам̣ барид̣̇зви. ат̇а нам̣ со бид̇у сахааяо гудумб̣иго ‘‘яат̇аа наама гулаалабхааж̇анам̣ саб̣б̣ам̣ бхзд̣̇анабарияанд̇ам̣, звамзва сад̇д̇аанам̣ ж̇ийвид̇ам̣ бхзд̣̇анабарияанд̇ам̣. маран̣ам̣ наама саб̣б̣асаад̇хааран̣ам̣ аббадигааран̃жа, д̇асмаа маа д̇вам̣ бид̇ари ад̇иб̣аал̣хам̣ сожи, маа барид̣̇зви, ахам̣ д̇з бид̇аа, д̇вам̣ маяхам̣ д̇хийд̇аа, ахам̣ д̇ава бид̇у гижжам̣ гароми, д̇вам̣ бид̇уно г̇зхз вияа имасмим̣ г̇зхз авиманаа абхирамассуу’’д̇и вад̇ваа самассаасзси. саа д̇асса важанзна бадиббассад̣̇д̇хасогаа бид̇ари вияа д̇асмим̣ сан̃ж̇аад̇аг̇аараваб̣ахумаанаа ад̇д̇ано габан̣абхаавзна д̇асса взяяааважжагаариний худ̇ваа вад̇д̇амаанаа бид̇арам̣ уд̣̇д̣̇исса мад̇агижжам̣ гаад̇угаамаа яааг̇ум̣ бажид̇ваа маносилааван̣н̣аани субарибаггаани мад̇хураани амб̣апалаани гам̣сабаад̇ияам̣ табзд̇ваа яааг̇ум̣ амб̣апалаани жа д̣̇аасияаа г̇аахаабзд̇ваа вихаарам̣ г̇анд̇ваа сад̇т̇аарам̣ ванд̣̇ид̇ваа звамааха – ‘‘бхаг̇аваа маяхам̣ д̣̇агкин̣ааяа бадиг̇г̇ахан̣зна ануг̇г̇ахам̣ гарот̇аа’’д̇и. сад̇т̇аа махаагарун̣ааяа сан̃жод̣̇ид̇амаанасо д̇ассаа манорат̇ам̣ буурзнд̇о нисаж̇ж̇аагаарам̣ д̣̇ассзси. саа хадтад̇удтаа бан̃н̃ад̇д̇авараб̣уд̣̇д̇хаасанз ад̇д̇анаа убанийд̇ам̣ сувисуд̣̇д̇хавад̇т̇ам̣ ад̇т̇арид̇ваа ад̣̇ааси, нисийд̣̇и бхаг̇аваа бан̃н̃ад̇д̇з аасанз.
Vāṇijā sāvatthiṃ gantvā tassa dhītuyā taṃ pavattiṃ ārocesuṃ. Sā pitu maraṇena ājīvikābhayena ca ativiya sañjātadomanassā bāḷhaṃ paridevi. Atha naṃ so pitu sahāyo kuṭumbiko ‘‘yathā nāma kulālabhājanaṃ sabbaṃ bhedanapariyantaṃ, evameva sattānaṃ jīvitaṃ bhedanapariyantaṃ. Maraṇaṃ nāma sabbasādhāraṇaṃ appaṭikārañca, tasmā mā tvaṃ pitari atibāḷhaṃ soci, mā paridevi, ahaṃ te pitā, tvaṃ mayhaṃ dhītā, ahaṃ tava pitu kiccaṃ karomi, tvaṃ pituno gehe viya imasmiṃ gehe avimanā abhiramassū’’ti vatvā samassāsesi. Sā tassa vacanena paṭippassaddhasokā pitari viya tasmiṃ sañjātagāravabahumānā attano kapaṇabhāvena tassa veyyāvaccakārinī hutvā vattamānā pitaraṃ uddissa matakiccaṃ kātukāmā yāguṃ pacitvā manosilāvaṇṇāni suparipakkāni madhurāni ambaphalāni kaṃsapātiyaṃ ṭhapetvā yāguṃ ambaphalāni ca dāsiyā gāhāpetvā vihāraṃ gantvā satthāraṃ vanditvā evamāha – ‘‘bhagavā mayhaṃ dakkhiṇāya paṭiggahaṇena anuggahaṃ karothā’’ti. Satthā mahākaruṇāya sañcoditamānaso tassā manorathaṃ pūrento nisajjākāraṃ dassesi. Sā haṭṭhatuṭṭhā paññattavarabuddhāsane attanā upanītaṃ suvisuddhavatthaṃ attharitvā adāsi, nisīdi bhagavā paññatte āsane.
ат̇а саа бхаг̇авад̇о яааг̇ум̣ убанаамзси, бадиг̇г̇ахзси бхаг̇аваа яааг̇ум̣. ат̇а сан̇гхам̣ уд̣̇д̣̇исса бхигкуунамби яааг̇ум̣ д̣̇ад̇ваа буна д̇ход̇ахад̇т̇аа амб̣апалаани бхаг̇авад̇о убанаамзси, бхаг̇аваа д̇аани барибхун̃ж̇и. саа бхаг̇аванд̇ам̣ ванд̣̇ид̇ваа звамааха – ‘‘яаа мз, бханд̇з, бажжад̇т̇аран̣аяааг̇уамб̣апалад̣̇аанавасзна бавад̇д̇аа д̣̇агкин̣аа, саа мз бид̇арам̣ баабун̣аад̇уу’’д̇и. бхаг̇аваа ‘‘звам̣ ход̇уу’’д̇и вад̇ваа анумод̣̇анам̣ агааси. саа бхаг̇аванд̇ам̣ ванд̣̇ид̇ваа бад̣̇агкин̣ам̣ гад̇ваа баггаами. д̇ааяа д̣̇агкин̣ааяа самуд̣̇д̣̇идтамад̇д̇ааяа со бзд̇о амб̣аванауяяаанавимаанагаббаругкабогкаран̣ияо махад̇ин̃жа д̣̇иб̣б̣асамбад̇д̇им̣ бадилабхи.
Atha sā bhagavato yāguṃ upanāmesi, paṭiggahesi bhagavā yāguṃ. Atha saṅghaṃ uddissa bhikkhūnampi yāguṃ datvā puna dhotahatthā ambaphalāni bhagavato upanāmesi, bhagavā tāni paribhuñji. Sā bhagavantaṃ vanditvā evamāha – ‘‘yā me, bhante, paccattharaṇayāguambaphaladānavasena pavattā dakkhiṇā, sā me pitaraṃ pāpuṇātū’’ti. Bhagavā ‘‘evaṃ hotū’’ti vatvā anumodanaṃ akāsi. Sā bhagavantaṃ vanditvā padakkhiṇaṃ katvā pakkāmi. Tāya dakkhiṇāya samuddiṭṭhamattāya so peto ambavanauyyānavimānakapparukkhapokkharaṇiyo mahatiñca dibbasampattiṃ paṭilabhi.
ат̇а д̇з ваан̣иж̇аа абарзна самаязна ван̣иж̇ж̇ааяа г̇ажчанд̇аа д̇амзва маг̇г̇ам̣ бадибаннаа буб̣б̣з васид̇адтаанз згарад̇д̇им̣ ваасам̣ габбзсум̣. д̇з д̣̇исваа со вимаанабзд̇о уяяаанавимаанаад̣̇ийхи сад̣̇д̇хим̣ д̇зсам̣ ад̇д̇аанам̣ д̣̇ассзси. д̇з ваан̣иж̇аа д̇ам̣ д̣̇исваа д̇зна лад̣̇д̇хасамбад̇д̇им̣ бужчанд̇аа –
Atha te vāṇijā aparena samayena vaṇijjāya gacchantā tameva maggaṃ paṭipannā pubbe vasitaṭṭhāne ekarattiṃ vāsaṃ kappesuṃ. Te disvā so vimānapeto uyyānavimānādīhi saddhiṃ tesaṃ attānaṃ dassesi. Te vāṇijā taṃ disvā tena laddhasampattiṃ pucchantā –
796.
796.
‘‘аяан̃жа д̇з богкаран̣ий сураммаа, самаа суд̇ид̇т̇аа жа маход̣̇агаа жа;
‘‘Ayañca te pokkharaṇī surammā, samā sutitthā ca mahodakā ca;
субубпид̇аа бхамараг̇ан̣аанугин̣н̣аа, гат̇ам̣ д̇аяаа лад̣̇д̇хаа аяам̣ манун̃н̃аа.
Supupphitā bhamaragaṇānukiṇṇā, kathaṃ tayā laddhā ayaṃ manuññā.
797.
797.
‘‘ид̣̇ан̃жа д̇з амб̣аванам̣ сураммам̣, саб̣б̣од̇угам̣ д̇хаараяад̇з палаани;
‘‘Idañca te ambavanaṃ surammaṃ, sabbotukaṃ dhārayate phalāni;
субубпид̇ам̣ бхамараг̇ан̣аанугин̣н̣ам̣, гат̇ам̣ д̇аяаа лад̣̇д̇хамид̣̇ам̣ вимаана’’нд̇и. –
Supupphitaṃ bhamaragaṇānukiṇṇaṃ, kathaṃ tayā laddhamidaṃ vimāna’’nti. –
имаа д̣̇вз г̇аат̇аа авожум̣.
Imā dve gāthā avocuṃ.
796. д̇ад̇т̇а сураммаад̇и судту раман̣ийяаа. самаад̇и самад̇алаа. суд̇ид̇т̇аад̇и рад̇анамаяасобаанад̇ааяа сунд̣̇арад̇ид̇т̇аа. маход̣̇агаад̇и б̣ахуж̇алаа.
796. Tattha surammāti suṭṭhu ramaṇīyā. Samāti samatalā. Sutitthāti ratanamayasopānatāya sundaratitthā. Mahodakāti bahujalā.
797. саб̣б̣од̇уганд̇и бубпуубаг̇апалуубаг̇аругкаад̣̇ийхи саб̣б̣зсу уд̇уусу сукаавахам̣. д̇знааха ‘‘д̇хаараяад̇з палааний’’д̇и. субубпид̇анд̇и нижжам̣ субубпид̇ам̣.
797.Sabbotukanti pupphūpagaphalūpagarukkhādīhi sabbesu utūsu sukhāvahaṃ. Tenāha ‘‘dhārayate phalānī’’ti. Supupphitanti niccaṃ supupphitaṃ.
д̇ам̣ суд̇ваа бзд̇о богкаран̣иаад̣̇ийнам̣ бадилаабхагааран̣ам̣ аажигканд̇о –
Taṃ sutvā peto pokkharaṇiādīnaṃ paṭilābhakāraṇaṃ ācikkhanto –
798.
798.
‘‘амб̣абаггам̣ д̣̇агам̣ яааг̇у, сийд̇ажчааяаа манорамаа;
‘‘Ambapakkaṃ dakaṃ yāgu, sītacchāyā manoramā;
д̇хийд̇ааяа д̣̇иннад̣̇аанзна, д̇зна мз ид̇ха лаб̣бхад̇ий’’д̇и. –
Dhītāya dinnadānena, tena me idha labbhatī’’ti. –
г̇аат̇амааха. д̇ад̇т̇а д̇зна мз ид̇ха лаб̣бхад̇ийд̇и яам̣ д̇ам̣ бхаг̇авад̇о бхигкуунан̃жа амб̣абаггам̣ уд̣̇агам̣ яааг̇ун̃жа мамам̣ уд̣̇д̣̇исса д̣̇знд̇ияаа маяхам̣ д̇хийд̇ааяа д̣̇иннам̣ д̣̇аанам̣, д̇зна мз д̇хийд̇ааяа д̣̇иннад̣̇аанзна ид̇ха имасмим̣ д̣̇иб̣б̣з амб̣аванз саб̣б̣од̇угам̣ амб̣абаггам̣, имиссаа д̣̇иб̣б̣ааяа манун̃н̃ааяа богкаран̣ияаа д̣̇иб̣б̣ам̣ уд̣̇агам̣, яааг̇уяаа ад̇т̇аран̣асса жа д̣̇аанзна уяяаанавимаанагаббаругкаад̣̇ийсу сийд̇ажчааяаа манорамаа ид̇ха лаб̣бхад̇и, самиж̇жхад̇ийд̇и ад̇т̇о.
Gāthamāha. Tattha tena me idha labbhatīti yaṃ taṃ bhagavato bhikkhūnañca ambapakkaṃ udakaṃ yāguñca mamaṃ uddissa dentiyā mayhaṃ dhītāya dinnaṃ dānaṃ, tena me dhītāya dinnadānena idha imasmiṃ dibbe ambavane sabbotukaṃ ambapakkaṃ, imissā dibbāya manuññāya pokkharaṇiyā dibbaṃ udakaṃ, yāguyā attharaṇassa ca dānena uyyānavimānakapparukkhādīsu sītacchāyā manoramā idha labbhati, samijjhatīti attho.
зван̃жа бана вад̇ваа со бзд̇о д̇з ваан̣иж̇з нзд̇ваа д̇аани бан̃жа гахаабан̣асад̇аани д̣̇ассзд̇ваа ‘‘ид̇о убад̣дхам̣ д̇умхз г̇ан̣хат̇а, убад̣дхам̣ маяаа г̇ахид̇ам̣ ин̣ам̣ сод̇хзд̇ваа сукзна ж̇ийвад̇ууд̇и маяхам̣ д̇хийд̇ааяа д̣̇зт̇аа’’д̇и ааха. ваан̣иж̇аа ануггамзна саавад̇т̇им̣ бад̇ваа д̇асса д̇хийд̇ааяа гат̇зд̇ваа д̇зна ад̇д̇ано д̣̇иннабхааг̇амби д̇ассаа зва ад̣̇ам̣су. саа гахаабан̣асад̇ам̣ д̇ханигаанам̣ д̣̇ад̇ваа ид̇арам̣ ад̇д̇ано бид̇у сахааяасса д̇асса гудумб̣игасса д̣̇ад̇ваа саяам̣ взяяааважжам̣ гаронд̇и нивасад̇и. со ‘‘ид̣̇ам̣ саб̣б̣ам̣ д̇уяхам̣язва ход̇уу’’д̇и д̇ассааязва бадид̣̇ад̇ваа д̇ам̣ ад̇д̇ано ж̇здтабуд̇д̇асса гхарасааминим̣ агааси.
Evañca pana vatvā so peto te vāṇije netvā tāni pañca kahāpaṇasatāni dassetvā ‘‘ito upaḍḍhaṃ tumhe gaṇhatha, upaḍḍhaṃ mayā gahitaṃ iṇaṃ sodhetvā sukhena jīvatūti mayhaṃ dhītāya dethā’’ti āha. Vāṇijā anukkamena sāvatthiṃ patvā tassa dhītāya kathetvā tena attano dinnabhāgampi tassā eva adaṃsu. Sā kahāpaṇasataṃ dhanikānaṃ datvā itaraṃ attano pitu sahāyassa tassa kuṭumbikassa datvā sayaṃ veyyāvaccaṃ karonti nivasati. So ‘‘idaṃ sabbaṃ tuyhaṃyeva hotū’’ti tassāyeva paṭidatvā taṃ attano jeṭṭhaputtassa gharasāminiṃ akāsi.
саа г̇ажчанд̇з гаалз згам̣ буд̇д̇ам̣ лабхид̇ваа д̇ам̣ убалаалзнд̇ий –
Sā gacchante kāle ekaṃ puttaṃ labhitvā taṃ upalālentī –
799.
799.
‘‘санд̣̇идтигам̣ гаммам̣ звам̣ бассат̇а, д̣̇аанасса д̣̇амасса сам̣яамасса вибаагам̣;
‘‘Sandiṭṭhikaṃ kammaṃ evaṃ passatha, dānassa damassa saṃyamassa vipākaṃ;
д̣̇аасий ахам̣ аяяагулзсу худ̇ваа, сун̣исаа хоми аг̇аарасса иссараа’’д̇и. –
Dāsī ahaṃ ayyakulesu hutvā, suṇisā homi agārassa issarā’’ti. –
имам̣ г̇аат̇ам̣ вад̣̇ад̇и.
Imaṃ gāthaṃ vadati.
ат̇згад̣̇ивасам̣ сад̇т̇аа д̇ассаа н̃аан̣абарибаагам̣ ологзд̇ваа обхаасам̣ парид̇ваа саммукз тид̇о вияа ад̇д̇аанам̣ д̣̇ассзд̇ваа –
Athekadivasaṃ satthā tassā ñāṇaparipākaṃ oloketvā obhāsaṃ pharitvā sammukhe ṭhito viya attānaṃ dassetvā –
‘‘асаад̇ам̣ саад̇аруубзна, бияаруубзна аббияам̣;
‘‘Asātaṃ sātarūpena, piyarūpena appiyaṃ;
д̣̇угкам̣ сукасса руубзна, бамад̇д̇ам̣ ад̇ивад̇д̇ад̇ий’’д̇и. (уд̣̇аа. 18; ж̇аа. 1.1.100) –
Dukkhaṃ sukhassa rūpena, pamattaṃ ativattatī’’ti. (udā. 18; jā. 1.1.100) –
имам̣ г̇аат̇амааха. саа г̇аат̇аабарияосаанз сод̇аабад̇д̇ипалз бад̇идтид̇аа. саа д̣̇уд̇ияад̣̇ивасз б̣уд̣̇д̇хаббамукасса бхигкусан̇гхасса д̣̇аанам̣ д̣̇ад̇ваа д̇ам̣ бавад̇д̇им̣ бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Imaṃ gāthamāha. Sā gāthāpariyosāne sotāpattiphale patiṭṭhitā. Sā dutiyadivase buddhappamukhassa bhikkhusaṅghassa dānaṃ datvā taṃ pavattiṃ bhagavato ārocesi. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.
амб̣аванабзд̇авад̇т̇уван̣н̣анаа нидтид̇аа.
Ambavanapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 12. амб̣аванабзд̇авад̇т̇у • 12. Ambavanapetavatthu
