| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
8. амб̣авимаанаван̣н̣анаа
8. Ambavimānavaṇṇanā
д̣̇иб̣б̣ам̣ д̇з амб̣аванам̣ рамманд̇и амб̣авимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна самаязна саавад̇т̇ияам̣ ан̃н̃ад̇араа убаасигаа ааваасад̣̇аанасса махабпалад̇ам̣ махаанисам̣сад̇ан̃жа суд̇ваа чанд̣̇аж̇аад̇аа бхаг̇аванд̇ам̣ абхиваад̣̇зд̇ваа звамааха ‘‘ахам̣, бханд̇з, згам̣ ааваасам̣ гаарзд̇угаамаа, ижчаами д̇аад̣̇исам̣ огаасам̣, аажигкад̇уу’’д̇и. бхаг̇аваа бхигкуу аан̣аабзси, бхигкуу д̇ассаа огаасам̣ д̣̇ассзсум̣. саа д̇ад̇т̇а раман̣ийяам̣ ааваасам̣ гаарзд̇ваа д̇асса саманд̇ад̇о амб̣аругкз робзси. со ааваасо саманд̇ад̇о амб̣абанд̇ийхи баригкид̇д̇о чааяууд̣̇агасамбанно муд̇д̇ааж̇ааласад̣̇исаваалугаагин̣н̣абан̣д̣арабхуумибхааг̇о ад̇ивияа манохаро ахоси. саа д̇ам̣ вихаарам̣ наанааван̣н̣зхи вад̇т̇зхи бубпад̣̇аамаг̇анд̇хад̣̇аамаад̣̇ийхи жа д̣̇звавимаанам̣ вияа алан̇гарид̇ваа д̇злабад̣̇ийбам̣ ааробзд̇ваа амб̣аругкз жа ахад̇зхи вад̇т̇зхи взтзд̇ваа сан̇гхасса нияяаад̣̇зси.
Dibbaṃte ambavanaṃ rammanti ambavimānaṃ. Tassa kā uppatti? Bhagavā sāvatthiyaṃ viharati jetavane. Tena samayena sāvatthiyaṃ aññatarā upāsikā āvāsadānassa mahapphalataṃ mahānisaṃsatañca sutvā chandajātā bhagavantaṃ abhivādetvā evamāha ‘‘ahaṃ, bhante, ekaṃ āvāsaṃ kāretukāmā, icchāmi tādisaṃ okāsaṃ, ācikkhatū’’ti. Bhagavā bhikkhū āṇāpesi, bhikkhū tassā okāsaṃ dassesuṃ. Sā tattha ramaṇīyaṃ āvāsaṃ kāretvā tassa samantato ambarukkhe ropesi. So āvāso samantato ambapantīhi parikkhitto chāyūdakasampanno muttājālasadisavālukākiṇṇapaṇḍarabhūmibhāgo ativiya manoharo ahosi. Sā taṃ vihāraṃ nānāvaṇṇehi vatthehi pupphadāmagandhadāmādīhi ca devavimānaṃ viya alaṅkaritvā telapadīpaṃ āropetvā ambarukkhe ca ahatehi vatthehi veṭhetvā saṅghassa niyyādesi.
саа абарабхааг̇з гаалам̣ гад̇ваа д̇аавад̇им̣сабхаванз ниб̣б̣ад̇д̇и, д̇ассаа маханд̇ам̣ вимаанам̣ баад̇урахоси амб̣аванабаригкид̇д̇ам̣. саа д̇ад̇т̇а ажчарааг̇ан̣абариваарид̇аа д̣̇иб̣б̣асамбад̇д̇им̣ анубхавад̇и. д̇ам̣ ааяасмаа махаамог̇г̇аллаано убаг̇анд̇ваа имаахи г̇аат̇аахи бужчи –
Sā aparabhāge kālaṃ katvā tāvatiṃsabhavane nibbatti, tassā mahantaṃ vimānaṃ pāturahosi ambavanaparikkhittaṃ. Sā tattha accharāgaṇaparivāritā dibbasampattiṃ anubhavati. Taṃ āyasmā mahāmoggallāno upagantvā imāhi gāthāhi pucchi –
783.
783.
‘‘д̣̇иб̣б̣ам̣ д̇з амб̣аванам̣ раммам̣, баасаад̣̇зд̇т̇а махаллаго;
‘‘Dibbaṃ te ambavanaṃ rammaṃ, pāsādettha mahallako;
наанаад̇уурияасан̇гхудто, ажчарааг̇ан̣агхосид̇о.
Nānātūriyasaṅghuṭṭho, accharāgaṇaghosito.
784.
784.
‘‘бад̣̇ийбо жзд̇т̇а ж̇алад̇и, нижжам̣ сован̣н̣аяо махаа;
‘‘Padīpo cettha jalati, niccaṃ sovaṇṇayo mahā;
д̣̇уссапалзхи ругкзхи, саманд̇аа бариваарид̇о.
Dussaphalehi rukkhehi, samantā parivārito.
785. ‘‘гзна д̇зд̇аад̣̇исо ван̣н̣о…бз…ван̣н̣о жа д̇з саб̣б̣ад̣̇исаа бабхаасад̇ий’’д̇и.
785. ‘‘Kena tetādiso vaṇṇo…pe…vaṇṇo ca te sabbadisā pabhāsatī’’ti.
787. ‘‘саа д̣̇звад̇аа ад̇д̇аманаа…бз… яасса гаммассид̣̇ам̣ палам̣’’.
787. ‘‘Sā devatā attamanā…pe… yassa kammassidaṃ phalaṃ’’.
788.
788.
‘‘ахам̣ мануссзсу мануссабхууд̇аа, буримааяа ж̇аад̇ияаа мануссалогз;
‘‘Ahaṃ manussesu manussabhūtā, purimāya jātiyā manussaloke;
вихаарам̣ сан̇гхасса гаарзсим̣, амб̣зхи бариваарид̇ам̣.
Vihāraṃ saṅghassa kāresiṃ, ambehi parivāritaṃ.
789.
789.
‘‘барияосид̇з вихаарз, гаарзнд̇з нидтид̇з махз;
‘‘Pariyosite vihāre, kārente niṭṭhite mahe;
амб̣зхи чаад̣̇аяид̇ваана, гад̇ваа д̣̇уссамаяз палз.
Ambehi chādayitvāna, katvā dussamaye phale.
790.
790.
‘‘бад̣̇ийбам̣ д̇ад̇т̇а ж̇аалзд̇ваа, бхож̇аяид̇ваа г̇ан̣уд̇д̇амам̣;
‘‘Padīpaṃ tattha jāletvā, bhojayitvā gaṇuttamaṃ;
нияяаад̣̇зсим̣ д̇ам̣ сан̇гхасса, басаннаа сзхи баан̣ибхи.
Niyyādesiṃ taṃ saṅghassa, pasannā sehi pāṇibhi.
791.
791.
‘‘д̇зна мз амб̣аванам̣ раммам̣, баасаад̣̇зд̇т̇а махаллаго;
‘‘Tena me ambavanaṃ rammaṃ, pāsādettha mahallako;
наанаад̇уурияасан̇гхудто, ажчарааг̇ан̣агхосид̇о.
Nānātūriyasaṅghuṭṭho, accharāgaṇaghosito.
792.
792.
‘‘бад̣̇ийбо жзд̇т̇а ж̇алад̇и, нижжам̣ сован̣н̣аяо махаа;
‘‘Padīpo cettha jalati, niccaṃ sovaṇṇayo mahā;
д̣̇уссапалзхи ругкзхи, саманд̇аа бариваарид̇о.
Dussaphalehi rukkhehi, samantā parivārito.
793.
793.
‘‘д̇зна мзд̇аад̣̇исо ван̣н̣о…бз…ван̣н̣о жа мз саб̣б̣ад̣̇исаа бабхаасад̇ий’’д̇и. –
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti. –
саа д̣̇звад̇аа б̣яаагааси.
Sā devatā byākāsi.
783. д̇ад̇т̇а махаллагод̇и маханд̇о ааяаамавид̇т̇аарзхи уб̣б̣зд̇хзна жа вибуло, ул̣аарад̇амод̇и ад̇т̇о. ажчарааг̇ан̣агхосид̇од̇и д̇ам̣ бамод̣̇ид̇ум̣ сан̇г̇ийд̇ивасзна жзва бияасаллаабавасзна жа ажчараасан̇гхзна самуг̇гхосид̇о.
783. Tattha mahallakoti mahanto āyāmavitthārehi ubbedhena ca vipulo, uḷāratamoti attho. Accharāgaṇaghositoti taṃ pamodituṃ saṅgītivasena ceva piyasallāpavasena ca accharāsaṅghena samugghosito.
784. бад̣̇ийбо жзд̇т̇а ж̇алад̇ийд̇и суурияарасмисамуж̇ж̇алагиран̣авид̇аано рад̇анаббад̣̇ийбо жа зд̇т̇а зд̇асмим̣ баасаад̣̇з абхиж̇алад̇и. д̣̇уссапалзхийд̇и д̣̇уссаани палаани зд̇зсанд̇и д̣̇уссапалаа. д̇зхи самуг̇г̇ирияамаанад̣̇иб̣б̣авад̇т̇зхийд̇и ад̇т̇о.
784.Padīpo cettha jalatīti sūriyarasmisamujjalakiraṇavitāno ratanappadīpo ca ettha etasmiṃ pāsāde abhijalati. Dussaphalehīti dussāni phalāni etesanti dussaphalā. Tehi samuggiriyamānadibbavatthehīti attho.
789. гаарзнд̇з нидтид̇з махзд̇и гад̇абарияосид̇асса вихаарасса махз бууж̇ааяа гарийяамаанааяа жа. гад̇ваа д̣̇уссамаяз палзд̇и д̣̇уссзязва д̇зсам̣ амб̣аанам̣ палам̣ гад̇ваа.
789.Kārente niṭṭhite maheti katapariyositassa vihārassa mahe pūjāya karīyamānāya ca. Katvā dussamaye phaleti dusseyeva tesaṃ ambānaṃ phalaṃ katvā.
790. г̇ан̣уд̇д̇аманд̇и г̇ан̣аанам̣ уд̇д̇амам̣ бхаг̇авад̇о саавагасан̇гхам̣. нияяаад̣̇зсинд̇и самбадижчаабзсим̣, ад̣̇аасинд̇и ад̇т̇о. сзсам̣ вуд̇д̇анаяамзва.
790.Gaṇuttamanti gaṇānaṃ uttamaṃ bhagavato sāvakasaṅghaṃ. Niyyādesinti sampaṭicchāpesiṃ, adāsinti attho. Sesaṃ vuttanayameva.
амб̣авимаанаван̣н̣анаа нидтид̇аа.
Ambavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 8. амб̣авимаанавад̇т̇у • 8. Ambavimānavatthu
