| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. අම්‌බයාගුදායකත්‌ථෙරඅපදානං
6. Ambayāgudāyakattheraapadānaṃ
22.
22.
‘‘සතරංසී නාම සම්‌බුද්‌ධො, සයම්‌භූ අපරාජිතො;
‘‘Sataraṃsī nāma sambuddho, sayambhū aparājito;
වුට්‌ඨහිත්‌වා සමාධිම්‌හා, භික්‌ඛාය මමුපාගමි.
Vuṭṭhahitvā samādhimhā, bhikkhāya mamupāgami.
23.
23.
‘‘පච්‌චෙකබුද්‌ධං දිස්‌වාන, අම්‌බයාගුං අදාසහං;
‘‘Paccekabuddhaṃ disvāna, ambayāguṃ adāsahaṃ;
විප්‌පසන්‌නමනං තස්‌ස, විප්‌පසන්‌නෙන චෙතසා.
Vippasannamanaṃ tassa, vippasannena cetasā.
24.
24.
‘‘චතුන්‌නවුතිතො කප්‌පෙ, යං කම්‌මමකරිං තදා;
‘‘Catunnavutito kappe, yaṃ kammamakariṃ tadā;
දුග්‌ගතිං නාභිජානාමි, අම්‌බයාගුයිදං ඵලං.
Duggatiṃ nābhijānāmi, ambayāguyidaṃ phalaṃ.
25.
25.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා අම්‌බයාගුදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā ambayāgudāyako thero imā gāthāyo abhāsitthāti.
අම්‌බයාගුදායකත්‌ථෙරස්‌සාපදානං ඡට්‌ඨං.
Ambayāgudāyakattherassāpadānaṃ chaṭṭhaṃ.
