| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
4. ஆமிஸஸிக்கா²பத³வண்ணனா
4. Āmisasikkhāpadavaṇṇanā
164. சதுத்த²ஸிக்கா²பதே³ – ந ப³ஹுகதாதி ந கதப³ஹுமானா, ந த⁴ம்மே ப³ஹுமானங் கத்வா ஓவத³ந்தீதி அதி⁴ப்பாயோ. ‘‘பி⁴க்கு²னோவாத³கங் அவண்ணங் கத்துகாமோ’’திஆதீ³னங் உஜ்ஜா²பனகே வுத்தனயேனேவத்தோ² வேதி³தப்³போ³.
164. Catutthasikkhāpade – na bahukatāti na katabahumānā, na dhamme bahumānaṃ katvā ovadantīti adhippāyo. ‘‘Bhikkhunovādakaṃ avaṇṇaṃ kattukāmo’’tiādīnaṃ ujjhāpanake vuttanayenevattho veditabbo.
உபஸம்பன்னங் ஸங்கே⁴ன அஸம்மதந்தி எத்த² அஸம்மதோ நாம ஸம்மதேன வா ஸங்கே⁴ன வா பா⁴ரங் கத்வா ட²பிதோ வேதி³தப்³போ³. அனுபஸம்பன்னங் ஸம்மதங் வா அஸம்மதங் வாதி எத்த² பன பி⁴க்கு²காலே ஸம்முதிங் லபி⁴த்வா ஸாமணேரபூ⁴மியங் டி²தோ ஸம்மதோ, ஸம்மதேன வா ஸங்கே⁴ன வா ட²பிதோ ப³ஹுஸ்ஸுதோ ஸாமணேரோ அஸம்மதோதி வேதி³தப்³போ³. ஸேஸங் வுத்தனயத்தா உத்தானமேவ.
Upasampannaṃ saṅghena asammatanti ettha asammato nāma sammatena vā saṅghena vā bhāraṃ katvā ṭhapito veditabbo. Anupasampannaṃ sammataṃ vā asammataṃ vāti ettha pana bhikkhukāle sammutiṃ labhitvā sāmaṇerabhūmiyaṃ ṭhito sammato, sammatena vā saṅghena vā ṭhapito bahussuto sāmaṇero asammatoti veditabbo. Sesaṃ vuttanayattā uttānameva.
திஸமுட்டா²னங் – காயசித்ததோ வாசாசித்ததோ காயவாசாசித்ததோ ச ஸமுட்டா²தி, கிரியங், ஸஞ்ஞாவிமொக்க²ங், ஸசித்தகங், லோகவஜ்ஜங், காயகம்மங், வசீகம்மங், அகுஸலசித்தங், து³க்க²வேத³னந்தி.
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ஆமிஸஸிக்கா²பத³ங் சதுத்த²ங்.
Āmisasikkhāpadaṃ catutthaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. ஓவாத³வக்³கோ³ • 3. Ovādavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 4. ஆமிஸஸிக்கா²பத³வண்ணனா • 4. Āmisasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 4. ஆமிஸஸிக்கா²பத³வண்ணனா • 4. Āmisasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. ஆமிஸஸிக்கா²பத³வண்ணனா • 4. Āmisasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 4. ஆமிஸஸிக்கா²பத³ங் • 4. Āmisasikkhāpadaṃ
