| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৪. আমিসসিক্খাপদৰণ্ণনা
4. Āmisasikkhāpadavaṇṇanā
১৬৪. চতুত্থসিক্খাপদে – ন বহুকতাতি ন কতবহুমানা, ন ধম্মে বহুমানং কত্ৰা ওৰদন্তীতি অধিপ্পাযো। ‘‘ভিক্খুনোৰাদকং অৰণ্ণং কত্তুকামো’’তিআদীনং উজ্ঝাপনকে ৰুত্তনযেনেৰত্থো ৰেদিতব্বো।
164. Catutthasikkhāpade – na bahukatāti na katabahumānā, na dhamme bahumānaṃ katvā ovadantīti adhippāyo. ‘‘Bhikkhunovādakaṃ avaṇṇaṃ kattukāmo’’tiādīnaṃ ujjhāpanake vuttanayenevattho veditabbo.
উপসম্পন্নং সঙ্ঘেন অসম্মতন্তি এত্থ অসম্মতো নাম সম্মতেন ৰা সঙ্ঘেন ৰা ভারং কত্ৰা ঠপিতো ৰেদিতব্বো। অনুপসম্পন্নং সম্মতং ৰা অসম্মতং ৰাতি এত্থ পন ভিক্খুকালে সম্মুতিং লভিত্ৰা সামণেরভূমিযং ঠিতো সম্মতো, সম্মতেন ৰা সঙ্ঘেন ৰা ঠপিতো বহুস্সুতো সামণেরো অসম্মতোতি ৰেদিতব্বো। সেসং ৰুত্তনযত্তা উত্তানমেৰ।
Upasampannaṃ saṅghena asammatanti ettha asammato nāma sammatena vā saṅghena vā bhāraṃ katvā ṭhapito veditabbo. Anupasampannaṃ sammataṃ vā asammataṃ vāti ettha pana bhikkhukāle sammutiṃ labhitvā sāmaṇerabhūmiyaṃ ṭhito sammato, sammatena vā saṅghena vā ṭhapito bahussuto sāmaṇero asammatoti veditabbo. Sesaṃ vuttanayattā uttānameva.
তিসমুট্ঠানং – কাযচিত্ততো ৰাচাচিত্ততো কাযৰাচাচিত্ততো চ সমুট্ঠাতি, কিরিযং, সঞ্ঞাৰিমোক্খং, সচিত্তকং, লোকৰজ্জং, কাযকম্মং, ৰচীকম্মং, অকুসলচিত্তং, দুক্খৰেদনন্তি।
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
আমিসসিক্খাপদং চতুত্থং।
Āmisasikkhāpadaṃ catutthaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৩. ওৰাদৰগ্গো • 3. Ovādavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৪. আমিসসিক্খাপদৰণ্ণনা • 4. Āmisasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৪. আমিসসিক্খাপদৰণ্ণনা • 4. Āmisasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৪. আমিসসিক্খাপদৰণ্ণনা • 4. Āmisasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৪. আমিসসিক্খাপদং • 4. Āmisasikkhāpadaṃ
