| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. аамисасигкаабад̣̇аван̣н̣анаа
4. Āmisasikkhāpadavaṇṇanā
д̇ан̣хаад̣̇идтийхи аамасид̇аб̣б̣ад̇о аамисам̣, жийвараад̣̇и, аамисамзва хзд̇у аамисахзд̇у. д̇знааха ‘‘жийвараад̣̇ийнам̣ ан̃н̃ад̇арахзд̇уу’’д̇и. аад̣̇исад̣̇д̣̇зна бин̣д̣абаад̇асзнаасанаг̇илаанабажжаяасаггаараг̇аругаарамаананаванд̣̇анабууж̇анаанам̣ г̇ахан̣ам̣. аван̣н̣агаамад̇ааяаад̇и аяасагаамад̇ааязва.
Taṇhādiṭṭhīhi āmasitabbato āmisaṃ, cīvarādi, āmisameva hetu āmisahetu. Tenāha ‘‘cīvarādīnaṃ aññatarahetū’’ti. Ādisaddena piṇḍapātasenāsanagilānapaccayasakkāragarukāramānanavandanapūjanānaṃ gahaṇaṃ. Avaṇṇakāmatāyāti ayasakāmatāyeva.
д̇хаммагаммзд̇иаад̣̇ийсу бхигкуноваад̣̇асаммуд̇игаммам̣ ‘‘гамма’’нд̇и взд̣̇ид̇аб̣б̣ам̣. д̇ад̇т̇а д̇игабаажид̇д̇ияанд̇и д̇хаммагаммз д̇хаммагаммасан̃н̃ивзмад̇игаад̇хаммагаммасан̃н̃ийнам̣ васзна д̇ийн̣и баажид̇д̇ияаани. д̇ат̇зва ад̇хаммагаммз д̇игад̣̇уггадам̣ взд̣̇ид̇аб̣б̣ам̣. асаммад̇анд̇и саммад̇зна ваа сан̇гхзна ваа бхаарам̣ гад̇ваа табид̇ам̣ убасамбаннам̣. нану оваад̣̇асаммуд̇и убасамбаннассзва д̣̇ийяад̇и, на сааман̣зрассаад̇и ааха ‘‘д̇ад̇т̇аа’’д̇иаад̣̇и. саммад̇зна ваа сан̇гхзна ваа табид̇о бана б̣ахуссуд̇о сааман̣зро ‘‘асаммад̇о’’д̇и взд̣̇ид̇аб̣б̣о. багад̇ияаа жийвараад̣̇ихзд̇у овад̣̇анд̇ам̣ бана звам̣ бхан̣анд̇ассаад̇и багад̇ияаа жийвараад̣̇ихзд̇у овад̣̇анд̇ам̣ ‘‘зса жийвараад̣̇ихзд̇у овад̣̇ад̇ий’’д̇и сан̃н̃ааяа звам̣ бхан̣анд̇асса. ‘‘на жийвараад̣̇ихзд̇у овад̣̇ад̇ий’’д̇и сан̃н̃ааяа бана звам̣ бхан̣анд̇асса д̣̇уггадам̣. анаамисанд̇арад̇аад̇и аамисажид̇д̇аабхааво, ‘‘аамисахзд̇у овад̣̇иссаамий’’д̇и звам̣ бавад̇д̇ааж̇жхаасаяаабхаавод̇и ад̇т̇о. жид̇д̇абарияааяо хзд̇т̇а анд̇арасад̣̇д̣̇о ‘‘яассанд̇арад̇о на санд̇и гобаа’’д̇иаад̣̇ийсу (уд̣̇аа. 20) вияа.
Dhammakammetiādīsu bhikkhunovādasammutikammaṃ ‘‘kamma’’nti veditabbaṃ. Tattha tikapācittiyanti dhammakamme dhammakammasaññivematikaadhammakammasaññīnaṃ vasena tīṇi pācittiyāni. Tatheva adhammakamme tikadukkaṭaṃ veditabbaṃ. Asammatanti sammatena vā saṅghena vā bhāraṃ katvā ṭhapitaṃ upasampannaṃ. Nanu ovādasammuti upasampannasseva dīyati, na sāmaṇerassāti āha ‘‘tatthā’’tiādi. Sammatena vā saṅghena vā ṭhapito pana bahussuto sāmaṇero ‘‘asammato’’ti veditabbo. Pakatiyā cīvarādihetu ovadantaṃ pana evaṃ bhaṇantassāti pakatiyā cīvarādihetu ovadantaṃ ‘‘esa cīvarādihetu ovadatī’’ti saññāya evaṃ bhaṇantassa. ‘‘Na cīvarādihetu ovadatī’’ti saññāya pana evaṃ bhaṇantassa dukkaṭaṃ. Anāmisantaratāti āmisacittābhāvo, ‘‘āmisahetu ovadissāmī’’ti evaṃ pavattaajjhāsayābhāvoti attho. Cittapariyāyo hettha antarasaddo ‘‘yassantarato na santi kopā’’tiādīsu (udā. 20) viya.
аамисасигкаабад̣̇аван̣н̣анаа нидтид̇аа.
Āmisasikkhāpadavaṇṇanā niṭṭhitā.
