| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. аамисасигкаабад̣̇аван̣н̣анаа
4. Āmisasikkhāpadavaṇṇanā
164. жад̇уд̇т̇з ‘‘убасамбаннам̣…бз… бхигкуноваад̣̇ага’’нд̇и имзсам̣ ‘‘ман̇гугад̇д̇угаамо’’д̇и иминаа самб̣анд̇хо. ‘‘аван̣н̣ам̣ гад̇д̇угаамо аяасам̣ гад̇д̇угаамо’’д̇и имзсам̣ бана васзна ‘‘убасамбанна’’нд̇иаад̣̇ийсу ‘‘убасамбаннассаа’’д̇и вибхад̇д̇ивибарин̣аамо гаад̇аб̣б̣од̇и имамад̇т̇ам̣ санд̇хааяа ‘‘уж̇жхаабанагз вуд̇д̇анаязнзвад̇т̇о взд̣̇ид̇аб̣б̣о’’д̇и вуд̇д̇ам̣. ‘‘жийварахзд̇у овад̣̇ад̇ий’’д̇иаад̣̇инаа бхан̣анд̇асса згзгасмим̣ важанз нидтид̇з баажид̇д̇ияам̣ взд̣̇ид̇аб̣б̣ам̣. ‘‘убасамбаннам̣ сан̇гхзна асаммад̇а’’нд̇и баал̣иважанад̇о ‘‘саммад̇зна ваа сан̇гхзна ваа бхаарам̣ гад̇ваа табид̇о’’д̇и адтагат̇ааважанад̇о жа адтахи ан̇г̇зхи саманнааг̇ад̇о саммад̇зна ваа виббавасид̇угаамзна ‘‘яааваахам̣ ааг̇амиссаами, д̇аава д̇з бхааро ход̇уу’’д̇и яаажид̇ваа табид̇о д̇ассаабхаавад̇о сан̇гхзна ваа д̇ат̇зва бхаарам̣ гад̇ваа табид̇о адтахи г̇аруд̇хаммзхи ан̃н̃зна ваа д̇хаммзна овад̣̇ид̇ум̣ лабхад̇ийд̇и взд̣̇ид̇аб̣б̣ам̣. д̇асмаа ‘‘яо бана, бхигку, асаммад̇о бхигкунияо овад̣̇зяяа, баажид̇д̇ияа’’нд̇и ид̣̇ам̣ баг̇зва бхаарам̣ гад̇ваа адтабид̇ам̣ санд̇хааяа вуд̇д̇анд̇и г̇ахзд̇аб̣б̣ам̣.
164. Catutthe ‘‘upasampannaṃ…pe… bhikkhunovādaka’’nti imesaṃ ‘‘maṅkukattukāmo’’ti iminā sambandho. ‘‘Avaṇṇaṃ kattukāmo ayasaṃ kattukāmo’’ti imesaṃ pana vasena ‘‘upasampanna’’ntiādīsu ‘‘upasampannassā’’ti vibhattivipariṇāmo kātabboti imamatthaṃ sandhāya ‘‘ujjhāpanake vuttanayenevattho veditabbo’’ti vuttaṃ. ‘‘Cīvarahetu ovadatī’’tiādinā bhaṇantassa ekekasmiṃ vacane niṭṭhite pācittiyaṃ veditabbaṃ. ‘‘Upasampannaṃ saṅghena asammata’’nti pāḷivacanato ‘‘sammatena vā saṅghena vā bhāraṃ katvā ṭhapito’’ti aṭṭhakathāvacanato ca aṭṭhahi aṅgehi samannāgato sammatena vā vippavasitukāmena ‘‘yāvāhaṃ āgamissāmi, tāva te bhāro hotū’’ti yācitvā ṭhapito tassābhāvato saṅghena vā tatheva bhāraṃ katvā ṭhapito aṭṭhahi garudhammehi aññena vā dhammena ovadituṃ labhatīti veditabbaṃ. Tasmā ‘‘yo pana, bhikkhu, asammato bhikkhuniyo ovadeyya, pācittiya’’nti idaṃ pageva bhāraṃ katvā aṭṭhapitaṃ sandhāya vuttanti gahetabbaṃ.
168. анаабад̇д̇и багад̇ияаа жийварахзд̇у…бз… овад̣̇анд̇ам̣ бхан̣ад̇ийд̇и зд̇т̇а аамисахзд̇у овад̣̇анд̇ам̣ ‘‘аамисахзд̇у овад̣̇ад̇ий’’д̇и сан̃н̃ааяа звам̣ бхан̣анд̇асса анаабад̇д̇и, ‘‘на аамисахзд̇у овад̣̇ад̇ий’’д̇и сан̃н̃ино бана д̣̇уггадам̣, на аамисахзд̇у овад̣̇анд̇ам̣ бана ‘‘аамисахзд̇у овад̣̇ад̇ий’’д̇и сан̃н̃ааяа бхан̣анд̇ассаби анаабад̇д̇и сажид̇д̇агад̇д̇аа сигкаабад̣̇асса. сзсамзд̇т̇а уд̇д̇аанамзва. убасамбаннад̇аа, д̇хаммзна лад̣̇д̇хасаммуд̇ид̇аа, анаамисанд̇арад̇аа, аван̣н̣агаамад̇ааяа звам̣ бхан̣ананд̇и имаани банзд̇т̇а жад̇д̇аари ан̇г̇аани.
168.Anāpatti pakatiyā cīvarahetu…pe… ovadantaṃ bhaṇatīti ettha āmisahetu ovadantaṃ ‘‘āmisahetu ovadatī’’ti saññāya evaṃ bhaṇantassa anāpatti, ‘‘na āmisahetu ovadatī’’ti saññino pana dukkaṭaṃ, na āmisahetu ovadantaṃ pana ‘‘āmisahetu ovadatī’’ti saññāya bhaṇantassapi anāpatti sacittakattā sikkhāpadassa. Sesamettha uttānameva. Upasampannatā, dhammena laddhasammutitā, anāmisantaratā, avaṇṇakāmatāya evaṃ bhaṇananti imāni panettha cattāri aṅgāni.
аамисасигкаабад̣̇аван̣н̣анаа нидтид̇аа.
Āmisasikkhāpadavaṇṇanā niṭṭhitā.
169. бан̃жамам̣ уд̇д̇аанад̇т̇амзва.
169. Pañcamaṃ uttānatthameva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā
4. аамисасигкаабад̣̇аван̣н̣анаа • 4. Āmisasikkhāpadavaṇṇanā
5. жийварад̣̇аанасигкаабад̣̇аван̣н̣анаа • 5. Cīvaradānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
4. аамисасигкаабад̣̇аван̣н̣анаа • 4. Āmisasikkhāpadavaṇṇanā
5. жийварад̣̇аанасигкаабад̣̇аван̣н̣анаа • 5. Cīvaradānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. аамисасигкаабад̣̇аван̣н̣анаа • 4. Āmisasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
4. аамисасигкаабад̣̇ам̣ • 4. Āmisasikkhāpadaṃ
5. жийварад̣̇аанасигкаабад̣̇ам̣ • 5. Cīvaradānasikkhāpadaṃ
