| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
4. аамисасигкаабад̣̇аван̣н̣анаа
4. Āmisasikkhāpadavaṇṇanā
164. ‘‘убасамбаннам̣ сан̇гхзна асаммад̇а’’нд̇и баал̣иважанад̇о, ‘‘саммад̇зна ваа сан̇гхзна ваа бхаарам̣ гад̇ваа табид̇о’’д̇и адтагат̇ааважанад̇о жа адтахан̇г̇зхи саманнааг̇ад̇о саммад̇зна ваа виббавасид̇угаамзна ‘‘яааваахам̣ ааг̇амиссаами, д̇аава д̇з бхааро ход̇уу’’д̇и яаажид̇ваа табид̇о, д̇ассаабхаавад̇о сан̇гхзна ваа д̇ат̇зва бхаарам̣ гад̇ваа табид̇о адтахи г̇аруд̇хаммзхи овад̣̇ид̇ум̣ лабхад̇и, баг̇зва ан̃н̃зна д̇хаммзнаад̇и сид̣̇д̇хам̣. ‘‘яо бана бхигку асаммад̇о бхигкунияо овад̣̇зяяа, баажид̇д̇ияа’’нд̇и баг̇зва бхаарам̣ гад̇ваа адтабид̇ам̣ санд̇хааяа вуд̇д̇анд̇и взд̣̇ид̇аб̣б̣ам̣. абхаяаг̇ириваасийнамби ид̣̇амзва мад̇ам̣, ануг̇ан̣тибад̣̇з бана имам̣ наяам̣ бадигкибид̇ваа ‘‘над̇т̇и гожий’’д̇иаад̣̇инаа ‘‘зд̇арахи оваад̣̇аго асаммад̇о бхигкуноваад̣̇аго наамаа’’д̇и вад̇ваа ‘‘яам̣ бана анд̇хагадтагат̇ааяам̣ вуд̇д̇ам̣ ‘убасамбаннам̣ сан̇гхзна гаммаваажааяа асаммад̇ам̣, бхигкусан̇гхзна бана бхигкунисан̇гхасса ануг̇г̇ахам̣ гарот̇а, бхигкунияо овад̣̇ат̇а, бхигкусан̇гхасса жа гарот̇а паасувихааранд̇и звам̣ яаажид̇ваа табид̇о бхигкусан̇гхам̣ аабужчид̇ваа, д̇ад̇о со т̇зро бхигкунияо овад̣̇ад̇и, зваруубам̣ бхигкусан̇гхзна асаммад̇анд̇и, д̇ад̇ра вуд̇д̇анаязнзва ад̇т̇о г̇ахзд̇аб̣б̣о’’д̇и вуд̇д̇ам̣. бораан̣аг̇ан̣тибад̣̇з бана ‘‘асаммад̇о г̇аамам̣ оваад̣̇ад̇т̇ааяа ааг̇ад̇аанам̣ бхигкунийнам̣ важанам̣ суд̇ваа бадиважанам̣ д̣̇знд̇о сан̇гхаанумад̇ияаа, на н̃ад̇д̇ижад̇уд̇т̇знаа’’д̇и вуд̇д̇ам̣, д̇ам̣ ануг̇ан̣тибад̣̇амад̇зна самзд̇и, анд̇хагадтагат̇ааяам̣ вуд̇д̇аважанам̣ д̇зна самзд̇и, д̇ан̃жа баал̣иважанам̣, на хи оваад̣̇абадиг̇г̇аахаго, баад̇имогкуд̣̇д̣̇зсаго ваа ‘‘баасаад̣̇игзна самбаад̣̇зд̇уу’’д̇и важанамад̇д̇зна бхигкуноваад̣̇аго наама ход̇и. ход̇ийд̇и жз, анубасамбанноби д̇ад̇д̇агзна важанзна ‘‘бхигкуноваад̣̇аго ход̇уу’’д̇и вад̇д̇аб̣б̣о. ход̇ийд̇и жз, яам̣ вуд̇д̇ам̣ г̇ан̣таануг̇ан̣тибад̣̇зсу ‘‘асаммад̇о наама асаммад̇абхаавзна ‘б̣ахуссуд̇о д̇вам̣ овад̣̇аахий’д̇и сан̇гхзна бхаарам̣ гад̇ваа табид̇о’’д̇и. зд̇т̇а б̣аахусажжзна гим̣ баяож̇анам̣. ануг̇ан̣тибад̣̇зязва ‘‘абхаяаг̇ириваасий вад̣̇ад̇ийд̇и суд̇ваа саммад̇зна ваа аан̣ад̇д̇о овад̣̇ид̇ум̣ лабхад̇ийд̇и д̇хаммасирид̇т̇зро бажчаа ануж̇аанаад̇ий’’д̇и вуд̇д̇ам̣. гим̣ б̣ахугааяа. ‘‘баасаад̣̇игзна самбаад̣̇зд̇уу’’д̇и зд̇д̇агамад̇д̇зна бхигкуноваад̣̇аго ход̇и. адтагат̇ааяам̣ ‘‘бхаарам̣ гад̇ваа’’д̇и иминаа гим̣ баяож̇анам̣, д̇ад̇д̇агамби вад̇д̇ум̣ ан̃н̃о на лабхад̇и, д̇зна жа ‘‘ануж̇аанаами, бхигкавз, табзд̇ваа б̣аалам̣ г̇илаанам̣ г̇амигам̣ авасзсзхи оваад̣̇ам̣ г̇ахзд̇у’’нд̇и (жуул̣ава. 414) аяам̣ баал̣и вируж̇жхзяяа. гат̇ам̣? д̇асса хи ‘‘на, бхигкавз, оваад̣̇о на бажжаахарид̇аб̣б̣о’’д̇и (жуул̣ава. 415) жанад̇о саммад̇аасаммад̇абхаавзна над̇т̇и гожийд̇и ‘‘баасаад̣̇игзна самбаад̣̇зд̇уу’’д̇и вад̇д̇аб̣б̣ам̣ сияаа, вад̣̇анд̇о жа ид̇ха батамзна аабад̇д̇ияаа гаарзд̇аб̣б̣о ход̇ийд̇и. ход̇у асаммад̇ад̇д̇аа, агад̇абхаарад̇д̇аа жа. имасса жа бхигкуноваад̣̇агад̇д̇з имасса кийяанзна д̣̇уггадам̣ сияаа, саб̣б̣амзд̇ам̣ анидтам̣, д̇асмаа адтагат̇ааяам̣ ‘‘аяамзд̇т̇а бхигкуноваад̣̇аго наамаа’’д̇и авуд̇д̇ад̇д̇аа д̇ат̇аа бхаарам̣ гад̇ваа табид̇о овад̣̇ид̇ум̣ лабхад̇иязва, наан̃н̃од̇и аажарияо.
164. ‘‘Upasampannaṃ saṅghena asammata’’nti pāḷivacanato, ‘‘sammatena vā saṅghena vā bhāraṃ katvā ṭhapito’’ti aṭṭhakathāvacanato ca aṭṭhahaṅgehi samannāgato sammatena vā vippavasitukāmena ‘‘yāvāhaṃ āgamissāmi, tāva te bhāro hotū’’ti yācitvā ṭhapito, tassābhāvato saṅghena vā tatheva bhāraṃ katvā ṭhapito aṭṭhahi garudhammehi ovadituṃ labhati, pageva aññena dhammenāti siddhaṃ. ‘‘Yo pana bhikkhu asammato bhikkhuniyo ovadeyya, pācittiya’’nti pageva bhāraṃ katvā aṭṭhapitaṃ sandhāya vuttanti veditabbaṃ. Abhayagirivāsīnampi idameva mataṃ, anugaṇṭhipade pana imaṃ nayaṃ paṭikkhipitvā ‘‘natthi kocī’’tiādinā ‘‘etarahi ovādako asammato bhikkhunovādako nāmā’’ti vatvā ‘‘yaṃ pana andhakaṭṭhakathāyaṃ vuttaṃ ‘upasampannaṃ saṅghena kammavācāya asammataṃ, bhikkhusaṅghena pana bhikkhunisaṅghassa anuggahaṃ karotha, bhikkhuniyo ovadatha, bhikkhusaṅghassa ca karotha phāsuvihāranti evaṃ yācitvā ṭhapito bhikkhusaṅghaṃ āpucchitvā, tato so thero bhikkhuniyo ovadati, evarūpaṃ bhikkhusaṅghena asammatanti, tatra vuttanayeneva attho gahetabbo’’ti vuttaṃ. Porāṇagaṇṭhipade pana ‘‘asammato gāmaṃ ovādatthāya āgatānaṃ bhikkhunīnaṃ vacanaṃ sutvā paṭivacanaṃ dento saṅghānumatiyā, na ñatticatutthenā’’ti vuttaṃ, taṃ anugaṇṭhipadamatena sameti, andhakaṭṭhakathāyaṃ vuttavacanaṃ tena sameti, tañca pāḷivacanaṃ, na hi ovādapaṭiggāhako, pātimokkhuddesako vā ‘‘pāsādikena sampādetū’’ti vacanamattena bhikkhunovādako nāma hoti. Hotīti ce, anupasampannopi tattakena vacanena ‘‘bhikkhunovādako hotū’’ti vattabbo. Hotīti ce, yaṃ vuttaṃ gaṇṭhānugaṇṭhipadesu ‘‘asammato nāma asammatabhāvena ‘bahussuto tvaṃ ovadāhī’ti saṅghena bhāraṃ katvā ṭhapito’’ti. Ettha bāhusaccena kiṃ payojanaṃ. Anugaṇṭhipadeyeva ‘‘abhayagirivāsī vadatīti sutvā sammatena vā āṇatto ovadituṃ labhatīti dhammasiritthero pacchā anujānātī’’ti vuttaṃ. Kiṃ bahukāya. ‘‘Pāsādikena sampādetū’’ti ettakamattena bhikkhunovādako hoti. Aṭṭhakathāyaṃ ‘‘bhāraṃ katvā’’ti iminā kiṃ payojanaṃ, tattakampi vattuṃ añño na labhati, tena ca ‘‘anujānāmi, bhikkhave, ṭhapetvā bālaṃ gilānaṃ gamikaṃ avasesehi ovādaṃ gahetu’’nti (cūḷava. 414) ayaṃ pāḷi virujjheyya. Kathaṃ? Tassa hi ‘‘na, bhikkhave, ovādo na paccāharitabbo’’ti (cūḷava. 415) canato sammatāsammatabhāvena natthi kocīti ‘‘pāsādikena sampādetū’’ti vattabbaṃ siyā, vadanto ca idha paṭhamena āpattiyā kāretabbo hotīti. Hotu asammatattā, akatabhārattā ca. Imassa ca bhikkhunovādakatte imassa khīyanena dukkaṭaṃ siyā, sabbametaṃ aniṭṭhaṃ, tasmā aṭṭhakathāyaṃ ‘‘ayamettha bhikkhunovādako nāmā’’ti avuttattā tathā bhāraṃ katvā ṭhapito ovadituṃ labhatiyeva, nāññoti ācariyo.
аамисасигкаабад̣̇аван̣н̣анаа нидтид̇аа.
Āmisasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. аамисасигкаабад̣̇аван̣н̣анаа • 4. Āmisasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. аамисасигкаабад̣̇аван̣н̣анаа • 4. Āmisasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. аамисасигкаабад̣̇аван̣н̣анаа • 4. Āmisasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. аамисасигкаабад̣̇ам̣ • 4. Āmisasikkhāpadaṃ
