| Library / Tipiṭaka / तिपिटक • Tipiṭaka / महाविभङ्ग-अट्ठकथा • Mahāvibhaṅga-aṭṭhakathā |
४. आमिससिक्खापदवण्णना
4. Āmisasikkhāpadavaṇṇanā
१६४. चतुत्थसिक्खापदे – न बहुकताति न कतबहुमाना, न धम्मे बहुमानं कत्वा ओवदन्तीति अधिप्पायो। ‘‘भिक्खुनोवादकं अवण्णं कत्तुकामो’’तिआदीनं उज्झापनके वुत्तनयेनेवत्थो वेदितब्बो।
164. Catutthasikkhāpade – na bahukatāti na katabahumānā, na dhamme bahumānaṃ katvā ovadantīti adhippāyo. ‘‘Bhikkhunovādakaṃ avaṇṇaṃ kattukāmo’’tiādīnaṃ ujjhāpanake vuttanayenevattho veditabbo.
उपसम्पन्नं सङ्घेन असम्मतन्ति एत्थ असम्मतो नाम सम्मतेन वा सङ्घेन वा भारं कत्वा ठपितो वेदितब्बो। अनुपसम्पन्नं सम्मतं वा असम्मतं वाति एत्थ पन भिक्खुकाले सम्मुतिं लभित्वा सामणेरभूमियं ठितो सम्मतो, सम्मतेन वा सङ्घेन वा ठपितो बहुस्सुतो सामणेरो असम्मतोति वेदितब्बो। सेसं वुत्तनयत्ता उत्तानमेव।
Upasampannaṃ saṅghena asammatanti ettha asammato nāma sammatena vā saṅghena vā bhāraṃ katvā ṭhapito veditabbo. Anupasampannaṃ sammataṃ vā asammataṃ vāti ettha pana bhikkhukāle sammutiṃ labhitvā sāmaṇerabhūmiyaṃ ṭhito sammato, sammatena vā saṅghena vā ṭhapito bahussuto sāmaṇero asammatoti veditabbo. Sesaṃ vuttanayattā uttānameva.
तिसमुट्ठानं – कायचित्ततो वाचाचित्ततो कायवाचाचित्ततो च समुट्ठाति, किरियं, सञ्ञाविमोक्खं, सचित्तकं, लोकवज्जं, कायकम्मं, वचीकम्मं, अकुसलचित्तं, दुक्खवेदनन्ति।
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
आमिससिक्खापदं चतुत्थं।
Āmisasikkhāpadaṃ catutthaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ३. ओवादवग्गो • 3. Ovādavaggo
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ४. आमिससिक्खापदवण्णना • 4. Āmisasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ४. आमिससिक्खापदवण्णना • 4. Āmisasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / ४. आमिससिक्खापदवण्णना • 4. Āmisasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ४. आमिससिक्खापदं • 4. Āmisasikkhāpadaṃ
