| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੪. ਆਮਿਸਸਿਕ੍ਖਾਪਦવਣ੍ਣਨਾ
4. Āmisasikkhāpadavaṇṇanā
ਤਣ੍ਹਾਦਿਟ੍ਠੀਹਿ ਆਮਸਿਤਬ੍ਬਤੋ ਆਮਿਸਂ, ਚੀવਰਾਦਿ, ਆਮਿਸਮੇવ ਹੇਤੁ ਆਮਿਸਹੇਤੁ। ਤੇਨਾਹ ‘‘ਚੀવਰਾਦੀਨਂ ਅਞ੍ਞਤਰਹੇਤੂ’’ਤਿ। ਆਦਿਸਦ੍ਦੇਨ ਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਸਕ੍ਕਾਰਗਰੁਕਾਰਮਾਨਨવਨ੍ਦਨਪੂਜਨਾਨਂ ਗਹਣਂ। ਅવਣ੍ਣਕਾਮਤਾਯਾਤਿ ਅਯਸਕਾਮਤਾਯੇવ।
Taṇhādiṭṭhīhi āmasitabbato āmisaṃ, cīvarādi, āmisameva hetu āmisahetu. Tenāha ‘‘cīvarādīnaṃ aññatarahetū’’ti. Ādisaddena piṇḍapātasenāsanagilānapaccayasakkāragarukāramānanavandanapūjanānaṃ gahaṇaṃ. Avaṇṇakāmatāyāti ayasakāmatāyeva.
ਧਮ੍ਮਕਮ੍ਮੇਤਿਆਦੀਸੁ ਭਿਕ੍ਖੁਨੋવਾਦਸਮ੍ਮੁਤਿਕਮ੍ਮਂ ‘‘ਕਮ੍ਮ’’ਨ੍ਤਿ વੇਦਿਤਬ੍ਬਂ। ਤਤ੍ਥ ਤਿਕਪਾਚਿਤ੍ਤਿਯਨ੍ਤਿ ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞਿવੇਮਤਿਕਅਧਮ੍ਮਕਮ੍ਮਸਞ੍ਞੀਨਂ વਸੇਨ ਤੀਣਿ ਪਾਚਿਤ੍ਤਿਯਾਨਿ। ਤਥੇવ ਅਧਮ੍ਮਕਮ੍ਮੇ ਤਿਕਦੁਕ੍ਕਟਂ વੇਦਿਤਬ੍ਬਂ। ਅਸਮ੍ਮਤਨ੍ਤਿ ਸਮ੍ਮਤੇਨ વਾ ਸਙ੍ਘੇਨ વਾ ਭਾਰਂ ਕਤ੍વਾ ਠਪਿਤਂ ਉਪਸਮ੍ਪਨ੍ਨਂ। ਨਨੁ ਓવਾਦਸਮ੍ਮੁਤਿ ਉਪਸਮ੍ਪਨ੍ਨਸ੍ਸੇવ ਦੀਯਤਿ, ਨ ਸਾਮਣੇਰਸ੍ਸਾਤਿ ਆਹ ‘‘ਤਤ੍ਥਾ’’ਤਿਆਦਿ। ਸਮ੍ਮਤੇਨ વਾ ਸਙ੍ਘੇਨ વਾ ਠਪਿਤੋ ਪਨ ਬਹੁਸ੍ਸੁਤੋ ਸਾਮਣੇਰੋ ‘‘ਅਸਮ੍ਮਤੋ’’ਤਿ વੇਦਿਤਬ੍ਬੋ। ਪਕਤਿਯਾ ਚੀવਰਾਦਿਹੇਤੁ ਓવਦਨ੍ਤਂ ਪਨ ਏવਂ ਭਣਨ੍ਤਸ੍ਸਾਤਿ ਪਕਤਿਯਾ ਚੀવਰਾਦਿਹੇਤੁ ਓવਦਨ੍ਤਂ ‘‘ਏਸ ਚੀવਰਾਦਿਹੇਤੁ ਓવਦਤੀ’’ਤਿ ਸਞ੍ਞਾਯ ਏવਂ ਭਣਨ੍ਤਸ੍ਸ। ‘‘ਨ ਚੀવਰਾਦਿਹੇਤੁ ਓવਦਤੀ’’ਤਿ ਸਞ੍ਞਾਯ ਪਨ ਏવਂ ਭਣਨ੍ਤਸ੍ਸ ਦੁਕ੍ਕਟਂ। ਅਨਾਮਿਸਨ੍ਤਰਤਾਤਿ ਆਮਿਸਚਿਤ੍ਤਾਭਾવੋ, ‘‘ਆਮਿਸਹੇਤੁ ਓવਦਿਸ੍ਸਾਮੀ’’ਤਿ ਏવਂ ਪવਤ੍ਤਅਜ੍ਝਾਸਯਾਭਾવੋਤਿ ਅਤ੍ਥੋ। ਚਿਤ੍ਤਪਰਿਯਾਯੋ ਹੇਤ੍ਥ ਅਨ੍ਤਰਸਦ੍ਦੋ ‘‘ਯਸ੍ਸਨ੍ਤਰਤੋ ਨ ਸਨ੍ਤਿ ਕੋਪਾ’’ਤਿਆਦੀਸੁ (ਉਦਾ॰ ੨੦) વਿਯ।
Dhammakammetiādīsu bhikkhunovādasammutikammaṃ ‘‘kamma’’nti veditabbaṃ. Tattha tikapācittiyanti dhammakamme dhammakammasaññivematikaadhammakammasaññīnaṃ vasena tīṇi pācittiyāni. Tatheva adhammakamme tikadukkaṭaṃ veditabbaṃ. Asammatanti sammatena vā saṅghena vā bhāraṃ katvā ṭhapitaṃ upasampannaṃ. Nanu ovādasammuti upasampannasseva dīyati, na sāmaṇerassāti āha ‘‘tatthā’’tiādi. Sammatena vā saṅghena vā ṭhapito pana bahussuto sāmaṇero ‘‘asammato’’ti veditabbo. Pakatiyā cīvarādihetu ovadantaṃ pana evaṃ bhaṇantassāti pakatiyā cīvarādihetu ovadantaṃ ‘‘esa cīvarādihetu ovadatī’’ti saññāya evaṃ bhaṇantassa. ‘‘Na cīvarādihetu ovadatī’’ti saññāya pana evaṃ bhaṇantassa dukkaṭaṃ. Anāmisantaratāti āmisacittābhāvo, ‘‘āmisahetu ovadissāmī’’ti evaṃ pavattaajjhāsayābhāvoti attho. Cittapariyāyo hettha antarasaddo ‘‘yassantarato na santi kopā’’tiādīsu (udā. 20) viya.
ਆਮਿਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Āmisasikkhāpadavaṇṇanā niṭṭhitā.
