| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৩. অমূল়্হৰিনযকথা
3. Amūḷhavinayakathā
১৯৬. ভাসিতপরিকন্তন্তি এত্থ ভাসিতপরিকন্তসদ্দানং করণাপেক্খত্তা ৰিসুং করণং দস্সেন্তো আহ ‘‘ৰাচায ভাসিতং, কাযেন পরিকন্ত’’ন্তি। ‘‘পরিক্কমেত্ৰা কত’’ন্তি ইমিনা পরিকমতীতি পরিকন্তং, পরিকন্তং হুত্ৰা কতং পরিকন্তন্তি ৰচনত্থং দস্সেতি। পরিক্কমেত্ৰাতি অতিক্কমিত্ৰা। সরতাযস্মাতি এত্থ উকারলোপসন্ধিং দস্সেন্তো আহ ‘‘সরতু আযস্মা’’তি। ‘‘এৰরূপিযা আপত্তিযা’’তি ইমিনা আপজ্জিতাতি এত্থ তুপচ্চযযোগভাৰতো কম্মত্থছট্ঠিযাপি সম্ভৰভাৰং দস্সেতি। তুপচ্চযযোগে কম্মত্থছট্ঠী অনিচ্চং হোতি, তস্মা পাল়িযং ‘‘এৰরূপিযা আপত্তিযা’’তি কম্মত্থছট্ঠীভাৰেন অৰত্ৰা ‘‘এৰরূপিং আপত্তি’’ন্তি কম্মত্থদুতিযাভাৰেন ৰুত্তন্তি দট্ঠব্বং। তস্সাতি ‘‘আপজ্জিত্ৰা’’তি পাঠস্স। ‘‘পঠমং পচ্ছা’’তি পদেহি অধিপ্পাযত্থং দস্সেতি। চোদকস্স কথং ৰিনেতি ৰিনাসেতীতি ৰিনযো, চোদকস্স কথং ৰিনেতি ৰিনাসেতি অনেনাতি ৰা ৰিনযো। পঠমং মূল়্হভাৰং উপগন্ত্ৰা পচ্ছা অমূল়্হস্স দাতব্বো ৰিনযো অমূল়্হৰিনযো।
196.Bhāsitaparikantanti ettha bhāsitaparikantasaddānaṃ karaṇāpekkhattā visuṃ karaṇaṃ dassento āha ‘‘vācāya bhāsitaṃ, kāyena parikanta’’nti. ‘‘Parikkametvā kata’’nti iminā parikamatīti parikantaṃ, parikantaṃ hutvā kataṃ parikantanti vacanatthaṃ dasseti. Parikkametvāti atikkamitvā. Saratāyasmāti ettha ukāralopasandhiṃ dassento āha ‘‘saratu āyasmā’’ti. ‘‘Evarūpiyā āpattiyā’’ti iminā āpajjitāti ettha tupaccayayogabhāvato kammatthachaṭṭhiyāpi sambhavabhāvaṃ dasseti. Tupaccayayoge kammatthachaṭṭhī aniccaṃ hoti, tasmā pāḷiyaṃ ‘‘evarūpiyā āpattiyā’’ti kammatthachaṭṭhībhāvena avatvā ‘‘evarūpiṃ āpatti’’nti kammatthadutiyābhāvena vuttanti daṭṭhabbaṃ. Tassāti ‘‘āpajjitvā’’ti pāṭhassa. ‘‘Paṭhamaṃ pacchā’’ti padehi adhippāyatthaṃ dasseti. Codakassa kathaṃ vineti vināsetīti vinayo, codakassa kathaṃ vineti vināseti anenāti vā vinayo. Paṭhamaṃ mūḷhabhāvaṃ upagantvā pacchā amūḷhassa dātabbo vinayo amūḷhavinayo.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / ৩. অমূল়্হৰিনযো • 3. Amūḷhavinayo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / চূল়ৰগ্গ-অট্ঠকথা • Cūḷavagga-aṭṭhakathā / অমূল়্হৰিনযকথা • Amūḷhavinayakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / সতিৰিনযাদিকথাৰণ্ণনা • Sativinayādikathāvaṇṇanā
