| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
3. амуул̣хавинаяо
3. Amūḷhavinayo
196. д̇зна ко бана самаязна г̇аг̇г̇о бхигку уммад̇д̇аго ход̇и, жид̇д̇авибарияаасагад̇о. д̇зна уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ ход̇и бхаасид̇абаригганд̇ам̣. бхигкуу г̇аг̇г̇ам̣ бхигкум̣ уммад̇д̇агзна жид̇д̇авибарияаасагад̇зна аж̇жхаажин̣н̣зна аабад̇д̇ияаа жод̣̇знд̇и – ‘‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’’д̇и? со звам̣ вад̣̇зд̇и – ‘‘ахам̣ ко, аавусо , уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. наахам̣ д̇ам̣ сараами. муул̣хзна мз зд̇ам̣ гад̇а’’нд̇и. звамби нам̣ вужжамаанаа жод̣̇знд̇зва – ‘‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’’д̇и? яз д̇з бхигкуу аббижчаа..бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу г̇аг̇г̇ам̣ бхигкум̣ уммад̇д̇агзна жид̇д̇авибарияаасагад̇зна аж̇жхаажин̣н̣зна аабад̇д̇ияаа жод̣̇зссанд̇и – ‘‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и! со звам̣ вад̣̇зд̇и – ‘ахам̣ ко, аавусо, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. наахам̣ д̇ам̣ сараами. муул̣хзна мз зд̇ам̣ гад̇а’нд̇и. звамби нам̣ вужжамаанаа жод̣̇знд̇зва – ‘‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’’д̇и? ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз…бз… сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –
196. Tena kho pana samayena gaggo bhikkhu ummattako hoti, cittavipariyāsakato. Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ hoti bhāsitaparikkantaṃ. Bhikkhū gaggaṃ bhikkhuṃ ummattakena cittavipariyāsakatena ajjhāciṇṇena āpattiyā codenti – ‘‘saratāyasmā evarūpiṃ āpattiṃ āpajjitā’’ti? So evaṃ vadeti – ‘‘ahaṃ kho, āvuso , ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Nāhaṃ taṃ sarāmi. Mūḷhena me etaṃ kata’’nti. Evampi naṃ vuccamānā codenteva – ‘‘saratāyasmā evarūpiṃ āpattiṃ āpajjitā’’ti? Ye te bhikkhū appicchā..pe… te ujjhāyanti khiyyanti vipācenti – ‘‘kathañhi nāma bhikkhū gaggaṃ bhikkhuṃ ummattakena cittavipariyāsakatena ajjhāciṇṇena āpattiyā codessanti – ‘‘saratāyasmā evarūpiṃ āpattiṃ āpajjitā’ti! So evaṃ vadeti – ‘ahaṃ kho, āvuso, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Nāhaṃ taṃ sarāmi. Mūḷhena me etaṃ kata’nti. Evampi naṃ vuccamānā codenteva – ‘‘saratāyasmā evarūpiṃ āpattiṃ āpajjitā’’ti? Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave…pe… saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi –
‘‘д̇зна хи, бхигкавз, сан̇гхо г̇аг̇г̇асса бхигкуно амуул̣хасса амуул̣хавинаяам̣ д̣̇зд̇у. зван̃жа бана, бхигкавз, д̣̇аад̇аб̣б̣о – ‘‘д̇зна, бхигкавз, г̇аг̇г̇зна бхигкунаа сан̇гхам̣ убасан̇гамид̇ваа, згам̣сам̣ уд̇д̇араасан̇г̇ам̣ гарид̇ваа, вуд̣дхаанам̣ бхигкуунам̣ баад̣̇з ванд̣̇ид̇ваа, уггудигам̣ нисийд̣̇ид̇ваа, ан̃ж̇алим̣ баг̇г̇ахзд̇ваа, звамасса важанийяо – ‘ахам̣, бханд̇з, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. мам̣ бхигкуу уммад̇д̇агзна жид̇д̇авибарияаасагад̇зна аж̇жхаажин̣н̣зна аабад̇д̇ияаа жод̣̇знд̇и – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? д̇яаахам̣ звам̣ вад̣̇аами – ‘ахам̣ ко, аавусо, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. наахам̣ д̇ам̣ сараами. муул̣хзна мз зд̇ам̣ гад̇а’нд̇и. звамби мам̣ вужжамаанаа жод̣̇знд̇зва – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? сохам̣ , бханд̇з, амуул̣хо сан̇гхам̣ амуул̣хавинаяам̣ яаажаамий’д̇и. д̣̇уд̇ияамби яаажид̇аб̣б̣о. д̇ад̇ияамби яаажид̇аб̣б̣о – ‘ахам̣, бханд̇з, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. мам̣ бхигкуу уммад̇д̇агзна жид̇д̇авибарияаасагад̇зна аж̇жхаажин̣н̣зна аабад̇д̇ияаа жод̣̇знд̇и – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? д̇яаахам̣ звам̣ вад̣̇аами – ‘ахам̣ ко, аавусо, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. наахам̣ д̇ам̣ сараами муул̣хзна мз зд̇ам̣ гад̇а’нд̇и. звамби мам̣ вужжамаанаа жод̣̇знд̇зва – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? сохам̣ амуул̣хо 1 д̇ад̇ияамби, бханд̇з, сан̇гхам̣ амуул̣хавинаяам̣ яаажаамий’д̇и. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
‘‘Tena hi, bhikkhave, saṅgho gaggassa bhikkhuno amūḷhassa amūḷhavinayaṃ detu. Evañca pana, bhikkhave, dātabbo – ‘‘tena, bhikkhave, gaggena bhikkhunā saṅghaṃ upasaṅkamitvā, ekaṃsaṃ uttarāsaṅgaṃ karitvā, vuḍḍhānaṃ bhikkhūnaṃ pāde vanditvā, ukkuṭikaṃ nisīditvā, añjaliṃ paggahetvā, evamassa vacanīyo – ‘ahaṃ, bhante, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Maṃ bhikkhū ummattakena cittavipariyāsakatena ajjhāciṇṇena āpattiyā codenti – ‘saratāyasmā evarūpiṃ āpattiṃ āpajjitā’ti? Tyāhaṃ evaṃ vadāmi – ‘ahaṃ kho, āvuso, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Nāhaṃ taṃ sarāmi. Mūḷhena me etaṃ kata’nti. Evampi maṃ vuccamānā codenteva – ‘saratāyasmā evarūpiṃ āpattiṃ āpajjitā’ti? Sohaṃ , bhante, amūḷho saṅghaṃ amūḷhavinayaṃ yācāmī’ti. Dutiyampi yācitabbo. Tatiyampi yācitabbo – ‘ahaṃ, bhante, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Maṃ bhikkhū ummattakena cittavipariyāsakatena ajjhāciṇṇena āpattiyā codenti – ‘saratāyasmā evarūpiṃ āpattiṃ āpajjitā’ti? Tyāhaṃ evaṃ vadāmi – ‘ahaṃ kho, āvuso, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Nāhaṃ taṃ sarāmi mūḷhena me etaṃ kata’nti. Evampi maṃ vuccamānā codenteva – ‘saratāyasmā evarūpiṃ āpattiṃ āpajjitā’ti? Sohaṃ amūḷho 2 tatiyampi, bhante, saṅghaṃ amūḷhavinayaṃ yācāmī’ti. Byattena bhikkhunā paṭibalena saṅgho ñāpetabbo –
197. ‘‘сун̣аад̇у мз, бханд̇з, сан̇гхо. аяам̣ г̇аг̇г̇о бхигку уммад̇д̇аго ахоси жид̇д̇авибарияаасагад̇о. д̇зна уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. бхигкуу г̇аг̇г̇ам̣ бхигкум̣ уммад̇д̇агзна жид̇д̇авибарияаасагад̇зна аж̇жхаажин̣н̣зна аабад̇д̇ияаа жод̣̇знд̇и – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? со звам̣ вад̣̇зд̇и – ‘ахам̣ ко, аавусо, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. наахам̣ д̇ам̣ сараами, муул̣хзна мз зд̇ам̣ гад̇а’нд̇и. звамби нам̣ вужжамаанаа жод̣̇знд̇зва – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? со амуул̣хо сан̇гхам̣ амуул̣хавинаяам̣ яаажад̇и. яад̣̇и сан̇гхасса бад̇д̇агаллам̣, сан̇гхо г̇аг̇г̇асса бхигкуно амуул̣хасса амуул̣хавинаяам̣ д̣̇ад̣̇зяяа. зсаа н̃ад̇д̇и.
197. ‘‘Suṇātu me, bhante, saṅgho. Ayaṃ gaggo bhikkhu ummattako ahosi cittavipariyāsakato. Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Bhikkhū gaggaṃ bhikkhuṃ ummattakena cittavipariyāsakatena ajjhāciṇṇena āpattiyā codenti – ‘saratāyasmā evarūpiṃ āpattiṃ āpajjitā’ti? So evaṃ vadeti – ‘ahaṃ kho, āvuso, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Nāhaṃ taṃ sarāmi, mūḷhena me etaṃ kata’nti. Evampi naṃ vuccamānā codenteva – ‘saratāyasmā evarūpiṃ āpattiṃ āpajjitā’ti? So amūḷho saṅghaṃ amūḷhavinayaṃ yācati. Yadi saṅghassa pattakallaṃ, saṅgho gaggassa bhikkhuno amūḷhassa amūḷhavinayaṃ dadeyya. Esā ñatti.
‘‘сун̣аад̇у мз, бханд̇з, сан̇гхо. аяам̣ г̇аг̇г̇о бхигку уммад̇д̇аго ахоси жид̇д̇авибарияаасагад̇о. д̇зна уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. бхигкуу г̇аг̇г̇ам̣ бхигкум̣ уммад̇д̇агзна жид̇д̇авибарияаасагад̇зна аж̇жхаажин̣н̣зна аабад̇д̇ияаа жод̣̇знд̇и – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? со звам̣ вад̣̇зд̇и – ‘ахам̣ ко, аавусо, уммад̇д̇аго ахосим̣ жид̇д̇авибарияаасагад̇о. д̇зна мз уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. наахам̣ д̇ам̣ сараами муул̣хзна мз зд̇ам̣ гад̇а’нд̇и. звамби нам̣ вужжамаанаа жод̣̇знд̇зва – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? со амуул̣хо сан̇гхам̣ амуул̣хавинаяам̣ яаажад̇и. сан̇гхо г̇аг̇г̇асса бхигкуно амуул̣хасса амуул̣хавинаяам̣ д̣̇зд̇и. яассааяасмад̇о камад̇и г̇аг̇г̇асса бхигкуно амуул̣хасса амуул̣хавинаяасса д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ gaggo bhikkhu ummattako ahosi cittavipariyāsakato. Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Bhikkhū gaggaṃ bhikkhuṃ ummattakena cittavipariyāsakatena ajjhāciṇṇena āpattiyā codenti – ‘saratāyasmā evarūpiṃ āpattiṃ āpajjitā’ti? So evaṃ vadeti – ‘ahaṃ kho, āvuso, ummattako ahosiṃ cittavipariyāsakato. Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ. Nāhaṃ taṃ sarāmi mūḷhena me etaṃ kata’nti. Evampi naṃ vuccamānā codenteva – ‘saratāyasmā evarūpiṃ āpattiṃ āpajjitā’ti? So amūḷho saṅghaṃ amūḷhavinayaṃ yācati. Saṅgho gaggassa bhikkhuno amūḷhassa amūḷhavinayaṃ deti. Yassāyasmato khamati gaggassa bhikkhuno amūḷhassa amūḷhavinayassa dānaṃ, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘д̣̇инно сан̇гхзна г̇аг̇г̇асса бхигкуно амуул̣хасса амуул̣хавинаяо. камад̇и сан̇гхасса, д̇асмаа д̇ун̣хий , звамзд̇ам̣ д̇хаараяаамий’’д̇и.
‘‘Dinno saṅghena gaggassa bhikkhuno amūḷhassa amūḷhavinayo. Khamati saṅghassa, tasmā tuṇhī , evametaṃ dhārayāmī’’ti.
198. ‘‘д̇ийн̣имаани, бхигкавз, ад̇хаммигаани амуул̣хавинаяасса д̣̇аанаани, д̇ийн̣и д̇хаммигаани. гаммаани д̇ийн̣и ад̇хаммигаани амуул̣хавинаяасса д̣̇аанаани?
198. ‘‘Tīṇimāni, bhikkhave, adhammikāni amūḷhavinayassa dānāni, tīṇi dhammikāni. Kammāni tīṇi adhammikāni amūḷhavinayassa dānāni?
‘‘ид̇ха бана, бхигкавз, бхигку аабад̇д̇им̣ аабанно ход̇и. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? со сарамаанова звам̣ вад̣̇зд̇и – ‘на ко ахам̣, аавусо, сараами зваруубим̣ аабад̇д̇им̣ аабаж̇ж̇ид̇аа’д̇и. д̇асса сан̇гхо амуул̣хавинаяам̣ д̣̇зд̇и. ад̇хаммигам̣ амуул̣хавинаяасса д̣̇аанам̣.
‘‘Idha pana, bhikkhave, bhikkhu āpattiṃ āpanno hoti. Tamenaṃ codeti saṅgho vā, sambahulā vā, ekapuggalo vā – ‘saratāyasmā evarūpiṃ āpattiṃ āpajjitā’ti? So saramānova evaṃ vadeti – ‘na kho ahaṃ, āvuso, sarāmi evarūpiṃ āpattiṃ āpajjitā’ti. Tassa saṅgho amūḷhavinayaṃ deti. Adhammikaṃ amūḷhavinayassa dānaṃ.
‘‘ид̇ха бана, бхигкавз, бхигку аабад̇д̇им̣ аабанно ход̇и. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? со сарамаанова звам̣ вад̣̇зд̇и – ‘сараами ко ахам̣, аавусо, яат̇аасубинанд̇знаа’д̇и. д̇асса сан̇гхо амуул̣хавинаяам̣ д̣̇зд̇и. ад̇хаммигам̣ амуул̣хавинаяасса д̣̇аанам̣.
‘‘Idha pana, bhikkhave, bhikkhu āpattiṃ āpanno hoti. Tamenaṃ codeti saṅgho vā, sambahulā vā, ekapuggalo vā – ‘saratāyasmā evarūpiṃ āpattiṃ āpajjitā’ti? So saramānova evaṃ vadeti – ‘sarāmi kho ahaṃ, āvuso, yathāsupinantenā’ti. Tassa saṅgho amūḷhavinayaṃ deti. Adhammikaṃ amūḷhavinayassa dānaṃ.
‘‘ид̇ха бана, бхигкавз, бхигку аабад̇д̇им̣ аабанно ход̇и. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? со ануммад̇д̇аго уммад̇д̇агаалаяам̣ гарод̇и – ‘ахамби ко звам̣ гароми. д̇умхзби звам̣ гарот̇а. маяхамби зд̇ам̣ габбад̇и. д̇умхаагамбзд̇ам̣ габбад̇ий’д̇и. д̇асса сан̇гхо амуул̣хавинаяам̣ д̣̇зд̇и. ад̇хаммигам̣ амуул̣хавинаяасса д̣̇аанам̣. имаани д̇ийн̣и ад̇хаммигаани амуул̣хавинаяасса д̣̇аанаани.
‘‘Idha pana, bhikkhave, bhikkhu āpattiṃ āpanno hoti. Tamenaṃ codeti saṅgho vā, sambahulā vā, ekapuggalo vā – ‘saratāyasmā evarūpiṃ āpattiṃ āpajjitā’ti? So anummattako ummattakālayaṃ karoti – ‘ahampi kho evaṃ karomi. Tumhepi evaṃ karotha. Mayhampi etaṃ kappati. Tumhākampetaṃ kappatī’ti. Tassa saṅgho amūḷhavinayaṃ deti. Adhammikaṃ amūḷhavinayassa dānaṃ. Imāni tīṇi adhammikāni amūḷhavinayassa dānāni.
199. ‘‘гад̇амаани д̇ийн̣и д̇хаммигаани амуул̣хавинаяасса д̣̇аанаани?
199. ‘‘Katamāni tīṇi dhammikāni amūḷhavinayassa dānāni?
‘‘ид̇ха бана, бхигкавз, бхигку уммад̇д̇аго ход̇и жид̇д̇авибарияаасагад̇о. д̇зна уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ ход̇и бхаасид̇абаригганд̇ам̣. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? со ассарамаанова звам̣ вад̣̇зд̇и – ‘на ко ахам̣, аавусо, сараами зваруубим̣ аабад̇д̇им̣ аабаж̇ж̇ид̇аа’д̇и. д̇асса сан̇гхо амуул̣хавинаяам̣ д̣̇зд̇и. д̇хаммигам̣ амуул̣хавинаяасса д̣̇аанам̣.
‘‘Idha pana, bhikkhave, bhikkhu ummattako hoti cittavipariyāsakato. Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ hoti bhāsitaparikkantaṃ. Tamenaṃ codeti saṅgho vā, sambahulā vā, ekapuggalo vā – ‘saratāyasmā evarūpiṃ āpattiṃ āpajjitā’ti? So assaramānova evaṃ vadeti – ‘na kho ahaṃ, āvuso, sarāmi evarūpiṃ āpattiṃ āpajjitā’ti. Tassa saṅgho amūḷhavinayaṃ deti. Dhammikaṃ amūḷhavinayassa dānaṃ.
‘‘ид̇ха бана, бхигкавз, бхигку уммад̇д̇аго ход̇и жид̇д̇авибарияаасагад̇о. д̇зна уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ ход̇и бхаасид̇абаригганд̇ам̣. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и ? со ассарамаанова звам̣ вад̣̇зд̇и – ‘сараами ко ахам̣, аавусо, яат̇аа субинанд̇знаа’д̇и. д̇асса сан̇гхо амуул̣хавинаяам̣ д̣̇зд̇и. д̇хаммигам̣ амуул̣хавинаяасса д̣̇аанам̣.
‘‘Idha pana, bhikkhave, bhikkhu ummattako hoti cittavipariyāsakato. Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ hoti bhāsitaparikkantaṃ. Tamenaṃ codeti saṅgho vā, sambahulā vā, ekapuggalo vā – ‘saratāyasmā evarūpiṃ āpattiṃ āpajjitā’ti ? So assaramānova evaṃ vadeti – ‘sarāmi kho ahaṃ, āvuso, yathā supinantenā’ti. Tassa saṅgho amūḷhavinayaṃ deti. Dhammikaṃ amūḷhavinayassa dānaṃ.
‘‘ид̇ха бана, бхигкавз, бхигку уммад̇д̇аго ход̇и жид̇д̇авибарияаасагад̇о. д̇зна уммад̇д̇агзна жид̇д̇авибарияаасагад̇зна б̣ахум̣ ассааман̣агам̣ аж̇жхаажин̣н̣ам̣ ход̇и бхаасид̇абаригганд̇ам̣. д̇амзнам̣ жод̣̇зд̇и сан̇гхо ваа, самб̣ахулаа ваа, згабуг̇г̇ало ваа – ‘сарад̇ааяасмаа зваруубим̣ аабад̇д̇им̣ аабаж̇ж̇ид̇аа’д̇и? со уммад̇д̇аго уммад̇д̇агаалаяам̣ гарод̇и – ‘ахамби звам̣ гароми. д̇умхзби звам̣ гарот̇а. маяхамби зд̇ам̣ габбад̇и. д̇умхаагамбзд̇ам̣ габбад̇ий’д̇и. д̇асса сан̇гхо амуул̣хавинаяам̣ д̣̇зд̇и. д̇хаммигам̣ амуул̣хавинаяасса д̣̇аанам̣. ‘‘имаани д̇ийн̣и д̇хаммигаани амуул̣хавинаяасса д̣̇аанааний’’д̇и.
‘‘Idha pana, bhikkhave, bhikkhu ummattako hoti cittavipariyāsakato. Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ hoti bhāsitaparikkantaṃ. Tamenaṃ codeti saṅgho vā, sambahulā vā, ekapuggalo vā – ‘saratāyasmā evarūpiṃ āpattiṃ āpajjitā’ti? So ummattako ummattakālayaṃ karoti – ‘ahampi evaṃ karomi. Tumhepi evaṃ karotha. Mayhampi etaṃ kappati. Tumhākampetaṃ kappatī’ti. Tassa saṅgho amūḷhavinayaṃ deti. Dhammikaṃ amūḷhavinayassa dānaṃ. ‘‘Imāni tīṇi dhammikāni amūḷhavinayassa dānānī’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / амуул̣хавинаяагат̇аа • Amūḷhavinayakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сад̇ивинаяаад̣̇игат̇ааван̣н̣анаа • Sativinayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / амуул̣хавинаяагат̇ааван̣н̣анаа • Amūḷhavinayakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сад̇ивинаяагат̇аад̣̇иван̣н̣анаа • Sativinayakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. амуул̣хавинаяагат̇аа • 3. Amūḷhavinayakathā
